▲ IMEI кодын тексеруге арналған мемлекеттік портал интерфейсі

Жаңа жүйенің басты артықшылықтарының бірі – қажетті тексеру кезеңдерінен бір жерде өту мүмкіндігі. Енді пайдаланушыларға үшінші тарап ресурстарынан құжаттарды өз бетінше алу және өтінім берген кезде оларды жүктеу қажет емес. Қажетті ақпарат, соның ішінде мемлекеттік шекараны кесіп өту туралы мәліметтер мемлекеттік ақпараттық жүйелердің өзара іс-қимылының арқасында автоматты түрде беріледі.

Тағы бір жаңалық – міндетті бейне сәйкестендіру. Ол өтінішті дербес деректердің иесі беретініне көз жеткізуге көмектеседі және оларды заңсыз пайдаланудан қосымша қорғауды қамтамасыз етеді.

IMEI-ді верификациялауға өтінімді eGov Mobile қосымшасының “Көпшілікке арналған қызметтер” бөлімінде немесе мемлекеттік порталда беруге болады. Егер процесте сұрақтар немесе қиындықтар туындаса, пайдаланушылар 1414 нөмірі бойынша Бірыңғай байланыс орталығына хабарласа алады.

Samsung үшін Қазақстанның мобильді құрылғылар нарығында тұтынушылардың мүдделерін қорғау әрқашан маңызды басымдық болды. Компания мобильді техниканы пайдалануға байланысты рәсімдердің қарапайым, түсінікті болуын және пайдаланушылар үшін артық қиындықтар тудырмауын дәйекті түрде қолдайды.

Бірыңғай мемлекеттік платформаға көшу – неғұрлым ашық және ыңғайлы тексеру жүйесіне жасалған маңызды қадам. Мұндай өзгерістер тұтынушылардың сенімін нығайтуға, нарық қатысушылары үшін түсінікті жағдайлар жасауға және адамдардың нақты қажеттіліктеріне бағытталған цифрлық қызметтерді дамытуға көмектеседі.

Samsung Қазақстанда мобильді технологияларды пайдалануды ыңғайлы және қауіпсіз ететін шешімдерді қолдай отырып, мемлекеттік органдармен және серіктестермен ынтымақтастықты жалғастырады.

Galaxy мобильді құрылғыларын сатып алушылар нені білуі керек

Өз бетімен тексеруден өту керек пе?

Егер Galaxy мобильді құрылғысы Қазақстандағы компанияның ресми серіктестерінен сатып алынса, қосымша тексеру талап етілмейді. Бұл Technodom, Sulpak, Mechta, Alser, Evrika, Freedom Mobile, Beeline, Kcell, Tele2, DNS, MobilPlus және Nurancell дүкендерінен сатып алынған өнімдерге қатысты.

Егер құрылғы шетелден өз бетінше әкелінсе немесе тапсырыс берілсе, оны portal.imei.gov.kz мемлекеттік порталы немесе eGov Mobile қосымшасы арқылы тексеру қажет.

Маркетплейсте сатып алу кезінде нелерге назар аудару керек?

Маркетплейсте смартфон сатып алмас бұрын, құрылғының тексеруден өткеніне көз жеткізу маңызды. Қазақстан заңнамасына сәйкес, ел аумағында сатылатын мобильді құрылғыларды тексеруге сатушы жауапты.

Смартфоныңыздың IMEI-ін қалай білуге болады?

Құрылғының IMEI-кодын білу үшін телефоннан *#06# комбинациясын теріңіз. Алынған кодты құрылғының күйін тексеру үшін пайдалануға болады. Егер смартфон бірнеше SIM-карталарды қолдаса, экранда бірнеше IMEI-кодтар көрінуі мүмкін.

Samsung мобильді құрылғыларды олардың түпнұсқалығына, әкелудің заңдылығына және Қазақстан Республикасы заңнамасының талаптарына сәйкестігіне сенімді болу үшін ресми сату арналары арқылы сатып алуға кеңес береді.

Кейде маркетплейстерде немесе онлайн-сатушыларда еліктіретін ұсыныс – Samsung техникасын күдікті төмен бағада көруге болады. Неліктен көбірек төлеу қажет? деген сұрақ туындайды.

Өйткені гаджеттің сыртқы көрінісінің артында жалғандық жасырылуы мүмкін, ол үмітті ақтамай ғана қоймай, сонымен бірге елеулі шығындарға — қаражат мен жүйкенің де сыр беруіне де әкелуі мүмкін. Қатенің құны ойлағаннан да әлдеқайда жоғары болып шығады.

Ресми сатушылардан – Samsung брендінің интернет-дүкенінен немесе серіктес сатушылардан сатып алғанда, сіз жай ғана сенімді құрылғыны ғана емес, жан тыныштығын және оның ұзақ уақытқа қызмет ететініне, сенімді жұмыс істейтініне және ең қажетті сәтте сізді жолда қалдырмайтынына сенімділік аласыз. Жалған өнімдерге қарағанда. Тіпті елге бейресми түрде әкелінетін «заңсыз» өнімдер де, күмәнді таңдау болып табылады.

Ресми (немесе «заңды») өнімдер белгісіз сатушылардан қымбатырақ болғанымен, шын мәнінде тиімдірек болып шығады. Себебі мынада:

• Сапа мен сенімділік. Samsung құрылғыларының өндіріс кезінде сапасы қатаң бақылаудан өтеді және олардың көрсетілген техникалық сипаттамаларына дәл сәйкес келеді. Жалған өнімдерде мұндайдың болуы мүмкін емес – оларда көптеген маңызды мүмкіндіктер жоқ және өте тез істен шығуы мүмкін.
• Кепілдік және сервис. Ресми Samsung қызмет көрсету орталықтарында түпнұсқа құрылғыларды ғана жөндеуге немесе ауыстыруға болады («заңсыз» өнімдерге бұл қызмет көрсетілмейді).
• Толық жиынтықталған және локализацияланған. Түпнұсқа гаджет бар қорапшада сізге қажеттің барлығы болады: орыс және қазақ тілдеріндегі нұсқаулар, дұрыс зарядтағыштар мен басқа керек-жарақтар және Қазақстанға бейімделген интерфейс.
• Ыңғайлы төлем әдістері. Samsung интернет-дүкені сияқты ресми сатушылар ұзақ бөліп төлеуді, бонустық бағдарламаларды және әртүрлі тиімді науқандарды ұсынады.

Төмен бағаға қызығу күрделі мәселелерге әкелуі мүмкін. Сәтсіз сатып алу сізді ақшасыз, кепілдіксіз және жұмыс істейтін құрылғысыз қалдыруы мүмкін. Жасанды өнімдер сіздің қауіпсіздігіңізге жиі қауіп төндіруі мүмкін..

Техниканың түпнұсқа екенін қалай тексеруге болады? Өте қарапайым:

1. Сериялық нөмірді табыңыз – ол құрылғының артқы жағында көрсетілген.
2. Нөмірді сайттағы арнайы өріске енгізіңіз немесе оны ресми Samsung Kazakhstan Telegram-ботының чатына жазыңыз.
3. «Тексеруді» басыңыз және жауапты күтіңіз.

Болды, енді сіз қандай затты сатып алғаныңызды нақты білетін боласыз. Тәуекелге бармай, ең жақсысы түпнұсқаны таңдаңыз. Тек ол ғана құрылғының ұзақ, сенімді және қауіпсіз жұмыс істеуіне, және – жайлы ұйқыға кепілдік береді.

Жалған өнімдерді сатып алудан өзіңізді қалай қорғауға болатындығы туралы толығырақ ақпарат Samsung.kz сайтында қолжетімді.