Мультимодалдық жасанды интеллектпен және жиналмалы пішім-фактормен оңтайландырылған интерфейспен жабдықталған, Galaxy Z Fold7 смартфондар үшін жаңа деңгейді орната отыра, Ultra деңгейінің шынымен флагмандық тәжірибесін ұсынады.

Samsung Newsroom командасы Galaxy Z Fold7 ашып көрсетуді жасады. Samsung Newsroom командасы бренд жанкүйерлерін осы инновациялық құрылғы ұсынатын барлық жаңа мүмкіндіктер мен жақсартулармен таныстыру үшін Galaxy Z Fold7 ашып көрді.

Алғашқы әсер

Сәнді қара қорапты ашқан кезде-ақ сіз фирмалық замануи Galaxy дизайнын, талғамға сай сұлба және таңқалдырарлық жеңіл салмақты бірден сезінесіз.

Фирмалық Blue Shadow түсі әр түрлі бұрыштарда жарықты шағылыстыратын металл жабыны арқылы Galaxy-дің футуристік және премиум эстетикасын көрсететін иридесценция әсерін жасай отыра, қанық қара-көк түстен ашық көгілдір түске дейін жалтылдап жатады.

Galaxy Z Fold7 үш түсте ұсынылған: фирмалық Blue Shadow, сәнді Silver Shadow және үнемі танымал Jet Black. Бұдан бөлек, Mint реңкі тек Samsung сайтында қолжетімді.¹

▲ Galaxy Z Fold7 негізгі үштік камерасы.

Артқы үш камераның артқы бөлігі құрылғы корпусымен бірдей түсте жасалғандықтан осының арқасында, біркелкі, үйлесімді көрініске қол жеткізіледі.

Galaxy Z Fold сериясында алғаш рет құрылғы ажыратымдылығы 200 МП кең бұрышты камерамен жабдықталған-бұл әр сәтті керемет бөлшектермен түсіруге мүмкіндік береді. Сондай – ақ, смартфон түнгі фотосуреттер мен бейнелерді түсіру мүмкіндіктерін жақсартты, ал басты экрандағы алдыңғы камерада қазір 100 градус көру бұрышы бар-мұның бәрі жиналмалы пішім- факторындағы фотомүмкіндіктердің Ultra-деңгейін қамтамасыз етеді.

▲ Galaxy Z Fold7 қаптамасы және оның ішіндегісі.

Бұрынғыға қарағанда, жіңішкерек

Galaxy Z Fold7 – Z Fold топтамасындағы ең жіңішке құрылғы. Бұл көп жылғы инженерлік жұмыс нәтижесі болып табылады. Әр миллиметр, шын мәнінде, салыстыра тексерілген – және смартфонды қолға алған бойда-ақ бұны сезесің.

▲ Galaxy Z Fold7 қолыңызда бұрынғыдан да жеңіл және ыңғайлы сезінеді.

Z Fold-тың бұл жаңа буыны қазір алақанда одан да ыңғайлы, бұл оны күнделікті қолданғанда жайлы етеді.

▲ Жиналған кезде Galaxy Z Fold7 қалыңдығы небәрі 8,9 мм, бұл шоколадтың қалыңдығымен бара-бар.

Жиналған кезде² құрылғының қалыңдығы небәрі 8,9 мм – шамамен шоколад плиткасы сияқты.

Жазылғанда – небәрі 4,2 мм, яғни екі бүктелген ірімшік тілімінен де жұқа.

▲ Galaxy Z Fold7 қалыңдығы жазылған кезде небәрі 4,2 мм құрайды, бұл екі тілім ірімшікке қарағанда жұқа.

Жиналған кездегі әдеттегі жайлылық және ашық экрандағы қызықты экран

Сыртқы дисплей енді 21:9 арақатынасын кеңейтті, соның арқасында жиналған кезде Galaxy Z Fold7 әдеттегі «моноблокты» смартфон сияқты сезінеді. Осылайша, құрылғы Galaxy S25 Ultra-ға ұқсас тәжірибе береді.

Сыртқы дисплейдің диагоналы 6,5 дюймді құрайды және бұл қысқа хабарламалар немесе ақпаратты жылдам іздеу болсын, теру және контентті қарау ыңғайлылығын айтарлықтай жақсартады. Бұл сәл тар Galaxy Z Fold6 экранымен салыстырғанда нәзік, бірақ айтарлықтай жақсару.

▲ Galaxy Z Fold7 кеңейтілген сыртқы дисплейі құрылғы жиналған кезде мәтінді теруді жеңілдетеді.

Galaxy Z Fold7 көптеген «қарапайым» смартфондарға қарағанда жеңілірек. Оның салмағы небәрі 215 г, бұл Galaxy S25 Ultra (218 г) салмағынан аз. Бұл жиналмалы құрылғыларды қолданудың ыңғайлылығында жаңа көкжиектерді ашады.³

▲ (Солдан оңға қарай) Galaxy S25 Ultra және Galaxy Z Fold7 салмағын салыстыру.

Осылайша, жиналған кезде Galaxy Z Fold7 әдеттегі смартфон сияқты сезінеді, ал жазылған кезде – ол барлық Galaxy құрылғыларының ішіндегі ең үлкен және ең қызықты экранды ұсынады. Бұл тек Galaxy Z Fold7 сыйға тарта алатын бірегей тәжірибе.

Жиналмалы форматтағы мультимодальды AI

Galaxy Z Fold7 – күнделікті өмірде мультимодальды AI-ға оңай және ыңғайлы қол жеткізуді қамтамасыз ететін Android 16 негізіндегі жаңа One UI 8 мұқабасын көрсететін алғашқы Samsung құрылғыларының бірі. Мысалы, бүйірлік батырманы ұстап тұру экранда не бейнеленгенін немесе камера түсіргенін нақты уақытта талдай алатын кіріктірілген AI- көмекшісі – Gemini Live іске қосады.

Үлкенірек негізгі экран AI көмекшісінің күрделі сценарийлерді түсіну қабілетін жақсартады. Ол бірнеше терезе режимінде жұмыс істейтін бірнеше қолданбаларды бір уақытта талдай алады және осының негізінде анағұрлым интуитивті және пайдалы диалогтар құра алады.

Мысалы, егер тұтынушы сүйікті сөмкесіне сәйкес келетін Galaxy Z Fold7 түсін таңдаса, сол жақтағы «Галерея» қолданбасында сөмкенің фотосын және оң жақта құрылғы түстерінің бетін аша алады. Содан кейін олар бүйірлік батырманы басып тұрып, «Экранды тікелей эфирде бөлісу» опциясын таңдап, сұрай алады: таңдалған түс сөмкеге сәйкес келе ме?

AI екі экранды да лезде талдап, реңктердің қаншалықты сәйкес келетінін айтады. Тіпті жиналған кезде де көмекшіге сұрақтар қойып, нақты уақытта жауап ала аласыз.

Теледидардың қашықтан басқару пультіне қандай батареялар қажет екенін білгіңіз келеді делік – камераны қашықтан басқару пультіне бағыттап, сұраңыз. Galaxy AI модельді анықтайды және дұрыс батарея түрін ұсынады.

Әрі қарай, дауыстық пәрменді пайдаланып, Samsung Notes қолданбасында сатылатын жақын маңдағы дүкендер туралы ақпаратты сақтауға, сондай-ақ сатып алу үшін еске салғыш орнатуға болады – осының барлығы пернелерді бірде-бір рет баспай-ақ.

Galaxy Z Fold7-нің AI -мүмкіндіктері LIVE көмекшісі аясынан әлдеқайда жоғары. Сайттарды қарау кезінде тұтынушылар Galaxy AI-ден контенттен назарын аудармай-ақ қосымша ақпарат сұрай алады. Жауаптар қалқымалы терезелерде немесе бөлінген экран режимінде көрсетіледі-сондықтан көптапсырмалылық жеңіл және үздіксіз болып қалады.

Galaxy Z Fold7 – бұл жәй ғана смартфон емес. Ол бұрынғыдан да жұқарақ, ақылдырақ және күштірек. Бұл мобильді технологияның болашағын қайта қарастыруға қабілетті Ultra-жиналмалы шешімдер дәуірін ашатын жаңа буын құрылғысы.

¹ Түстің қол жетімділігі елге немесе операторға байланысты болуы мүмкін.

² Жиналған күйдегі қалыңдық сыртқы дисплейден артқы терезеге дейін өлшенеді.

³  Салмақ елге немесе операторға байланысты болуы мүмкін.

Енді танымал «жиналғыш» бұрынғыға қарағанда тағы да әсемдеу бола түсті. Ең алғаш рет Galaxy Unpacked 2025-де Бруклинде ұсынылған, Galaxy Z Flip7 осының барлығы жиналмалы пішін-факторына бейімделген – айтарлықтай ұлғайтылған FlexWindow экраны және инновациялық AI-функциялар арқасында бірден қоғам назарын өзіне аударды.

Samsung Newsroom құрылғының тағы да қалай жетілдіре түскенін көрсету үшін Galaxy Z Flip7 ашып көрсетуді ұсынады.

▲ Galaxy Z Flip7 қорабының ішіндегісі

Бірден қораптан: Galaxy Z Flip7-ден алған алғашқы әсерлер

▲ Galaxy Z Flip7 қорабының мазмұны

Жіңішке қара қораптың алдыңғы жағында Galaxy Z Flip7 шабыттандырған минималистік, бірақ сонымен бірге қымбат екені туралы әсер қалдыратын дизайн элементі бар. Galaxy Z Flip7 қорабында құрылғының өзі, USB-C кабелі және тұтынушының қысқаша нұсқаулығы болады.

▲ Galaxy Z Flip7

Құрылғыны алғаш рет қораптан шығарып жатқанда, ең бірінші қолда ұстағанда қаншалықты жеңіл және жинақы екенін байқайсың. Galaxy Z Flip7 – Galaxy Z Flip сериясындағы ең жұқа үлгі, оның қалыңдығы жиналған кезде бар болғаны 13,7 мм.

▲ Armor FlexHinge топсасы ұзақ уақыт қолданған кезде жатық және сенімді жиналуды қамтамасыз етеді.

▲ Galaxy Z Flip7 тағы да жұқарақ бола түсті: оның жиналған кездегі қалыңдығы 13,7 мм, а вл жазылған кезде – 6,5 мм құрайды.

Armor Aluminum жақтауы мен Armor FlexHinge топсасы қолыңызда ұстаған кезде тегіс және сонымен қатар сенімді құрылғы сезімін береді.

▲ Galaxy Z Flip7 артқы жағы.

Galaxy Z сериясында алғаш рет Blue Shadow түсі пайда болды – бұл Galaxy Z Flip7 қолтаңбасының дизайнын көрсететін қою көк түстің терең бекзат көлеңкесі, оның арқамында құрылғы одан да көрнектірек бола түсті.

▲ Galaxy Z Flip7 түстері

FlexWindow: құрылғыны жазбай-ақ – үлкен экрандағы сапалы селфи

▲ Galaxy Z Flip6 және Z Flip7 арасында FlexWindow өлшемдерін салыстыру.

Galaxy Z Flip7-дегі ең елеулі жаңарту – FlexWindow экраны. Қос камераның айналасындағы жақтаудың қалыңдығы небәрі 1,25 мм, бұл бүкіл бетті алып жатқан 4,1 дюймдік FlexWindow экранын Galaxy Z Flip сериясының тарихындағы ең үлкен экранға айналдырды.

Жиналған кезде де тұтынушылар күнделікті тапсырмаларды FlexWindow экранынан оңай орындай алады, бұл жиналмалы құрылғының ыңғайлылығын келесі деңгейге көтереді.

▲ Galaxy Z Flip7 FlexWindowмен (алдыңғы жағының көрінісі)

Экран қосулы болған кезде оның жарқын және қанық бейнесі айқын және кең көріністі қамтамасыз етеді. Алдыңғы үлгімен салыстырғанда, Galaxy Z Flip7 2600 нитке дейінгі ең жоғары жарықтылықты және 120 Гц жаңарту жылдамдығын ұсынады, бұл контенттің керемет айқын көрінісін қамтамасыз етеді.

Камера белгішесін сырғыту арқылы FlexCam іске қосуға және тікелей FlexWindow -да кеңейтілген алдын ала тамашалауды ашуға болады. Тұтынушылар Galaxy Z Flip7 – де алғаш рет енгізілген «Сыртқы экрандағы камера әсерлері» (Cover camera effects) функциясын іске қосқан кезде, қос камераның айналасындағы сақина түсіру режиміне байланысты түсін өзгертеді, бірден назар аударады: ақ – стандартты, сары – фото, қызыл-бейне. Бұл белсенді түсіру режимін бірден анықтауға мүмкіндік береді.

▲ FlexCam белсендірілген камерасы камера объективтері айналасындағы түрлі-түсті сақиналар көмегімен өз мәртебесін көрсетеді.

▲ FlexWindow-дегі Zoom Slider

FlexWindow экранындағы Zoom Slider жүгірткісі суретті қарапайым сырғыту арқылы интуитивті түрде жақындатуға және алыстатуға мүмкіндік береді, бұл селфи бұрышын таңдауды жеңілдетеді. Тұрып немесе топтасып фотоға түскен түсірілім кезінде Auto Zoom мүмкіндігі теңдестірілген композицияны қамтамасыз ете отырып, нысанның орналасуына байланысты жақтауды автоматты түрде реттейді.

▲ FlexWindow-дегі Zoom Slider

Бұл жағдайда тұтынушылар қажетті бейнені қосымша өңдеусіз түсіре отыра, нақты уақыттағы сүзгілерді FlexWindow-ға тікелей қолдана алады. Бұл мүмкіндіктің арқасында сіз тек FlexWindow пайдалан отыра, керемет селфи жасай аласыз және Galaxy Z Flip7-мен өзіңіздің алғашқы танысуыңызды түсіре аласыз.

AI үшін оңтайландырылған жаңа FlexWindow

FlexWindow ақылды AI мүмкіндіктерінің арқасында одан да қуаттырақ бола түседі. Galaxy Z Flip7 Android 16 негізіндегі One UI 8 интерфейсін пайдаланады-ол жиналмалы пішін факторына бейімделген және FlexWindow экранында интуитивті және жатық AI-тәжірибесін ұсынады.

Қуат түймесін басып тұрсаңыз, дауыстық AI агенті-Google Gemini іске қосылады. Камераны белсендіре отырып, «Бүгінгі бет әрлеуіне қандай киім түсі сәйкес келеді?» деген секілді сұрақ қоя отырып, табиғи диалог форматында нақты уақыттағы сән бойынша кеңестер алуға болады.

▲ Пайдаланушылар Google Gemini қолданбасын FlexWindow-сінен белсендіре алады. (*Дыбысты тыңдау үшін бейненің төменгі жағындағы динамик түймесін басыңыз)

Galaxy Z Flip7 көмегімен күнтізбеге Оқиғаларды қосу немесе FlexWindow экранындағы дауыстық пәрмендерді пайдаланып жақын жерде ұсыныстар алу сияқты күнделікті тапсырмаларды оңай орындауға болады. Сонымен қатар, сіз досыңызбен сөйлескендей өзекті ақпаратты алу үшін жәй ғана диалог жүргізе аласыз.

FlexWindow экранының төменгі жағындағы «Менің күнім» (Now Bar) тақтасы музыка мен бейне ойнатқышты лезде басқаруға, сондай-ақ әртүрлі қолданбалардан жылдам ақпарат алуға және жаңартуларды нақты уақытта бақылауға мүмкіндік береді. Сонымен қатар, Now Brief мүмкіндігі орналасқан жеріне, уақытына және пайдалану әдеттеріне байланысты жекелендірілген ақпаратты ұсынады – барлығы құрылғының жиналған күйінде қол жетімді, бұл күнделікті пайдалануды одан да ыңғайлы етеді.

▲ Now Brief

Жазылған күйінде: көбірек мүмкіндіктер, көбірек қуат

Жиналған кезде де Galaxy Z Flip7 әмбебап болып қалады, бірақ ашылған кезде ол өзінің барлық әлеуетін ашады.

▲ Galaxy Z Flip6 және Z Flip7 негізгі дисплейлерін салыстыру.

Алдыңғы үлгі – Galaxy Z Flip6-мен салыстырғанда экран үлкенірек және көрнекі түрде көлемді бола түсті. Негізгі 6,9 дюймдік Dynamic AMOLED 2x дисплейі қызықты көрініс әсерін бере отыра, жарқын кескін мен тегіс жаңарту жылдамдығын қамтамасыз етеді.

Galaxy Z Flip7 сонымен қатар Samsung DeX-ті қолдайтын Galaxy Z сериясындағы алғашқы үлгі болды. Құрылғыны ашып, оны сыртқы мониторға, тінтуірге немесе пернетақтаға қосу арқылы смартфонды бір сәтте толыққанды жұмыс станциясына айналдыруға болады.

Пішініне қарасаң ықшам, бірақ AI арқасында қуатты, Galaxy Z Flip7 жиналмалы смартфондарды пайдалану тәжірибесін қайта қарастырады: ол қалтадан тікелей жұмыс істеуге дайын болуды кеңейтілген функционалдылықпен біріктіреді. Осы мүмкіндіктердің арқасында Galaxy Z Flip7 тұтынушылардың күнделікті өмірінің маңызды бөлігіне айналады.