Samsung Innovation Campus әлемдік бағдарламасы Қазақстанда 2017 жылы іске қосылды. Осы жобаның арқасында 8 жыл бойы еліміздегі көптеген оқушылар және студенттер ең өзекті салада өздеріне мансап жасауға көмектесетін, сыныптан тыс тегін IT-білімге қол жеткізіп отыр.

2023 жылғы түлектердің бірі Ақтөбелік студент Ұлан Жоламанов, қазіргі таңда ол өзі Samsung Innovation Campus оқытушысы болып, мектеп оқушыларын және студенттерді Python тіліндегі бағдарламалауға оқытады. Оқытудан бөлек, сонымен бірге өзіне маман ретінде дамуға мүмкіндік беретін, әртүрлі бағдарламалық жобаларды әзірлеумен белсенді түрде айналысады.

Ұланның туып-өскен жері Ақтөбе қаласы болғандықтан №6 Г. Актаев атындағы орта мектепті аяқтады. Дәл сол мектеп қабырғасында оның бағдарламалауға деген қызығушылығы артты. «Алдымен менің компьютердің қалай жасалғандығы, оның жұмысының артында қандай құпияның бар екендігін білгім келді. «Уақыт өте келе бұл әуестік бағдарламаларды жасауға деген терең қызығушылыққа және әртүрлі шешімдерді жасап шығаруға ұласты».

Samsung Innovation Campus жобасы енді ғана Ақтөбеде пайда болғанда, Ұлан жоба туралы университетте білді. Өзі де IT саласына қызығушылық танатындықтан, өз білімін бекіту үшін бағдарламаға қатысуға бекінді. Мен Ақтөбедегі Кампустың бірінші легінің бірінші қатысушылары қатарынан табылдым. Кампус маған өзімнің бойымдағы дағдыларды жүйелендіруге, жаңа технологияларды игеруге және IT-ға құмар адамдармен танысуға септігін тигізді.

Бағдарламадағы өзінің оқуын Ұлан тебіреніп еске алады. Ол Кампустағы оқуын университетпен қатар алып жүрді, осыған бола бағдарламалауға толығымен еніп кетіп,оқу орнындағы дәрістерді жіберіп алатын. Оны бірде тіпті ұстап алды, «Мен ең нашар жағдайға дайын болдым және бұл оқудан шығаруды қоса алғанда, ауыр зардаптарға әкелуі мүмкін деп ойладым. Бірақ күтпеген жерден жағдай менің пайдама шешілді: мұғалімдер менің IT саласында оқып, дамытқым келетінін түсінді және жіберіп алған сабақтарымды онлайн алуға мүмкіндік берді. Бұл мен үшін, егер сіз шынымен де білімге ұмтылсаңыз, сіз әрқашан жаңа жол таба алатыныңызды растайтын маңызды сәт болды ” -деп есіне алады Ұлан.

Курстарды аяқтағаннан кейін және кейде бірінші курс студенттеріне сабақ беруге тура келетін университет тәжірибесі кезінде ол өз уақытын оқытуға және білімін беруге арнауды шешті. Осылайша, ол туған қаласында Python курсын үйрете бастады. Шәкірттері туралы айта келе, Ұлан мектеп оқушыларының қазіргі ұрпағы жаңа технологиялар мен құралдарға тезірек бейімделетінін, өйткені олардың бала кезінен цифрлық ортамен әрекеттесу тәжірибесі мол екенін атап өтті.

“Ақтөбеде студенттер мен оқушылар арасында бағдарламалауға деген қызығушылық үнемі артып келеді. Көпшілік IT жай ғана қызықты сала емес, табысты мансап құрудың нақты мүмкіндігі екенін түсінеді. Әсіресе, тәуелсіздікке ұмтылып, халықаралық компанияларда немесе өз жобаларында жұмыс істегісі келетіндер бағдарламалауды әлеуметтік лифт ретінде қарастырады”, – деп бөлісті Ұлан аймақтағы бағдарламалауға деген қызығушылықты талқылап.

Ұлан да болашағын IT және ұстаздық саладан көреді. Оның мақсаты жай ғана оқыту емес, студенттерге IT саласында өсу мен дамуға нақты мүмкіндіктер беру. Кім біледі, мүмкін Samsung Innovation Campus-тің қазіргі түлектерінің бірі болашақта Ұланның орнына мұғалім болып қалар. Және міндетті түрде  әлемімізді одан әрі жақсарта түседі.

Мұнда әрбір студент таңдаған курсына байланысты, мысалы, ең қарапайым және танымал Python бағдарламалау тілін оқи алады немесе Java тілін таңдай алады, сонымен қатар үлкен деректермен жұмыс істеуді үйренуге болады. Сабақ аптасына екі-үш рет заманауи кабинетте өтеді. Сонымен қатар, кейбір балалар үшін онлайн сабақтар қарастырылған. Оқуды аяқтағаннан кейін түлектер дипломдық жұмыс дайындайды – өздерінің мобильді қосымшасын әзірлейді немесе деректерді талдау жобасын жасайды. Курсты сәтті аяқтағандар Samsung Electronics сертификаттарын алады. Сабақтардың ұзақтығы 4 айдан 10 айға дейін. Жаттығу толығымен тегін.

Қабылдау емтиханын тапсырғаннан кейін оқушылар екі бағыттың бірін таңдай алады:

1) Java бағдарламалау тілін үйрену және Android ОЖ негізіндегі мобильді платформаларға арналған қосымшаларды әзірлеу курсы. Оқу 9 айға созылады. Осы уақыт ішінде студенттер Java тілінің барлық қыр-сырын меңгеріп қана қоймай, сонымен қатар смартфондар, сағаттар мен планшеттер үшін қосымшалар мен ойындарды жасауды үйренеді.

2) Python тілінің негіздерін үйрену және Big Data. Студенттер үлкен көлемдегі деректермен жұмыс істеуді үйренеді, оны басқару және визуализациялауды үйренеді.

Анықтама үшін:

Samsung Innovation Campus – бұл Samsung Electronics компаниясының халықаралық әлеуметтік және білім беру бағдарламасы, ол мектеп оқушылары мен студенттерге ең танымал IT мамандықтарын: жасанды интеллект, заттар интернеті, мобильді даму және үлкен деректерді тегін меңгеруге көмектеседі. 2014 жылдан бері бүкіл әлем бойынша шамамен 119 000 студент осы бағдарлама арқылы оқуын аяқтады. Қазіргі уақытта Samsung Innovation Campus жобасы әлемнің 30-дан астам елінде, соның ішінде Қазақстан, Ресей, Армения, Испания, Түркия және т.б. мемлекеттерде жүзеге асырылуда. Samsung Innovation Campus Қазақстанда 2017 жылы іске қосылды. Жобаның операторы «Мансаптық бағдар» бағдарлама аясында «АЯЛА» қайырымдылық қоры болып табылады, ол қазірдің өзінде Қазақстан бойынша 2,5 мыңнан астам жасөспірімге кәсіптік білім берді. Толық ақпаратты Samsung жобасының samsung-campus.kz сайтынан білуге ​​болады.

Samsung Electronics компаниясының жобасы болашақ IT-мамандардың фабрикасы жас стартаперлерді тәжірибе жүзінде дайындау бойынша 2023 жылдың жазғы курсын табысты аяқтады.

9 қыркүйекте Solve for Tomorrow республикалық байқауының финалы өтті, оған қазақтандық жоғары сынып оқушылары қатысты. Бұл әлеуметтік жоба Samsung Electronics компаниясының басшылығымен Қазақстанда үшінші жыл қатарынан жүзеге асырылып жатыр. «Аяла» жеке қайырымдылық қоры жобаның серіктесі болды. Solve for Tomorrow бағдарламасының негізі 2009 жылы АҚШ-та қаланды, содан бері бүкіл әлем бойынша 23 елді қамтыды.

SFT қатысушылары алты ай бойы бастапқы идеяны ойлап табудан бастап тікелей жүзеге асырғанға дейінгі өз стартаптары бойынша жұмыстарды атқарды. Олардың міндеті ғылымның, технологияның, инженерлік істің және математиканың (STEM) көмегімен маңызды әлеуметтік мәселелердің шешімін табу болды. Осы жылы 1600 астам оқушы қатысуға өтінімдерді жіберді, олардан 115 адам 33 команданың құрамында жартылай финалға өтті. Финалға тоғыз команда түсті, олар өздерінің жобаларын қорғау үшін Астанаға шақырылған еді.

Жобаны қорғау және жеңімпаздарды марапаттау салтанаты Astana IT университетінде өтті, онда құрметті қонақтар – білікті қазылар алқасының мүшелері, министрліктердің және Қазақстандағы Samsung Electronics компаниясының өкілдері шақырылды. Биыл таңдалған тақырыптардың арасында халық арасында инфекциялардың таралуы, Брайль принтерінің қол жетімділігі, өрттердің таралуы, соқыр адамдардың бағдар табу, аутизмі бар адамдарға көмектесу проблемалары және т.б. сияқты мәселелер болды.

Сыни талқылаудан кейін қазылар алқасының мүшелері күрделі таңдау жасады және келесі жеңімпаздарды анықтады: 1 орынды және 4 млн. теңге мөлшеріндегі жүлдені Астана қаласының Shabyt командасы жеңіп алды. Балалар AIDAHAR атты өрт сөндіруші роботты ұсынды, ол өрт сөндірушілер қол жеткізе алмайтын жерлерге өтіп, өрт ошақтарын өшіре алады. Екінші орынды және 2,5 млн. теңге мөлшеріндегі жүлде Қарағандыдан келген Full Speed командасына берілді, бұл команда қажет еткен тұлғалар үшін автоматтандырылған мүгедектерге арналған арбашалардың қол жетімділігінің проблемасын шешті. Үшінші орынды және 1 млн. теңге мөлшеріндегі жүлдені бірден екі команда жеңіп алды – Алматы қаласының Balashaqim командасы және Тараз қаласының IMA group командасы. Balashaqim командасы аутизммен сырқаттанған балалар үшін қоршаған адамдардың сезімдерін түсінуге көмектесетін қосымшаны әзірлеп шығарды, ал IMA group командасы қазақ тілінде Брайльді қолдайтын тұңғыш принтерді көпшіліктің алдында көрсетті. Қалған финалға шыққан командалар 300 000 теңге мөлшеріндегі сыйлықты алды. 2023 жылы Solve for Tomorrow жобасының жүлделік қоры 10 млн. астам теңгені құрады.

Жеңімпаздар Цифрлық даму және аэроғарыш өнеркәсібінің бірінші вице-министрі Қаныш Тілеушиннің қолынан және Жоғары білім және ғылым министрлігінің бірінші вице-министрі Камиль Акатовтың қолынан чекті алды.

«Solve for Tomorrow жобасы қатысушылардың тек өздерінің инновациялық ойлауға деген қабілеттерін көрсететін платформасы ғана емес, ол сондай-ақ қоршаған әлемге шынайы өзгерістерді алып келетін жер» – деді Қаныш Тілеушин. Оның сөзіне сәйкес балалар болашақтың көшбасшылары және олардың IT-саласына қосқан үлесі біздің әлемді жақсы жаққа өзгерте алады.

Samsung Electronics Central Eurasia компаниясының президенті Минки Чу мырза жобаның барлық қатысушыларына бүкіл әлем бойынша адамдардың өмірін жақсартуға көмектесетін ойларын жүзеге асыруда одан әрі табысқа жетуді тіледі.

Келесі жылы Samsung компаниясы Solve for Tomorrow жобасына кезекті іріктеуді жариялайтын болады, ол 13 жастан 18 жасқа дейінгі дарынды жастарға өздерін көрсетуге және шабыттандыратын өзгерістердің бір бөлігі болуға мүмкіндікті ұсынады.

Samsung Innovation Campus хакатонының қатысушылары

Samsung Innovation Campus Hackathon, атап айтқанда бұл іс-шара осылай аталды, классикалық хакатон форматында өтті. Бүкіл Қазақстан аумағынан 370-тен астам оқушы мен студент өтінімдер беріп, ойлардың сайысына қатысуға ниет білдірді және олардың ішінде 200-ден астамы шын мәнінде қатысты. Қатысушыларда жобаларды әзірлеуге 24 сағат болды, бірақ оның алдында олар келген қонақтардан дәрістер мен баяндамалар форматында болған білім беру кезеңінен өтті. Іс-шара ҚР Ғылым және жоғары білім министрлігінің және ҚР Цифрлық даму, инновациялар және аэроғарыш өнеркәсібі министрлігінің қолдауымен Astana IT университетінің аумағында өтті.

Хакатон кезінде қатысушылар Epam, Jusan Bank, Kolesa Group, CITIX, Sistematika IT компаниялары сияқты баяндамашылардың баяндамаларымен танысты. Баяндамашылар қатысушыларға нейронды желілермен, жасанды интеллектпен, машиналық оқытумен және көптеген басқа да алдыңғы қатарлы технологиялармен жұмыс жасаудың қыр-сырларымен бөлісті.

Оқушылар мен студенттер үлкен жұмысты өткізді және «Қосымшалар мен бағдарламалар» және «Ақылды құрылғылар» санаттарында 46 қызықты жобаны әзірлеп жасады. Бөлінген 24 сағат аяқталғаннан кейін білікті қазылар алқасының алдында жобаларды қорғау өтті.

Марапаттау рәсіміне ҚР Ғылым және жоғары білім министрі Саясат Нұрбек, сондай-ақ Цифрлық даму, инновациялар және аэроғарыш өнеркәсібі министрлігінің бірінші вице-министрі Қаныш Тілеушин қатысты.

Қос санаттың жеңімпаздары 750 000 теңге, 1 500 000 теңге және 2 500 000 теңге сомасына сертификаттармен марапатталды, бұл тиісті 3 орыннан 1 орынға дейінгі жүлделер, сондай-ақ жеңімпаз команданың әрбір қатысушысы LinkedIn платформасындағы курстарға жылдық қол жетімділікті алды.

“Қосымшалар және бағдарламалар” санатындағы жеңімпаздар – Астанадан келген 1shrek командасы.

«Ертегілерді оқуға арналған интерактивті қосымша» жобасымен 1shrek командасы «Бағдарламар мен қосымшалар» санатында жеңімпаз атанды. «B-qazaq» ұялы қосымшасымен Apelsinus командасы «Күмісті» алды. Қостанай қаласынан Learnify командасы 3 орынды алды.

Баламалы интерактивті тақтаны құру бойынша жобасымен «Bots» командасы «Ақылды құрылғылар» санатында жеңімпаз атанды. Бастауыш сыныптардың оқушыларына арналған кешенді дене шынықтыру ойыны бар «Balam» командасы 2 орынды алды және Qorgau роботының жобасымен «TeSavants» командасы 3 орынды иеленді.

“Ақылды құрылғылар” санатының жеңімпаздары – Астанадан келген bots командасы

«Біз өте қатты қобалжадық және хакатонда қатысуымыз туралы алаңдадық. Шынын айтқанда, біз жеңіске жетеміз деп ойлаған жоқпыз, себебі өте көп қызықты жобалар болды, бірақ қазылар алқасы бізді таңдады. Біз оларға, ұйымдастырушыларға және бізге сенім білдірген барлық жандарға бұл үшін өте риза болып, алғысымызды айтамыз» – дейді хакатоннан кейін 1Shrek командасының қатысушысы Асел.

Samsung Innovation Campus – бұл 2017 жылы іске қосылған жоба, онда әр түрлі жастағы оқушылар мен студенттер ұялы құрылғыларды жасауға, Big Data-мен жұмыс немесе ЖИ және машиналық оқу бойынша курс сияқты заманауи IT қабілеттерге тегін оқып үйренеді.