Салтанатты шарадағы марапаттау рәсімі Samsung Electronics өкілдері және университет басшылығының қатысуымен өтті, олардың қатарында Samsung Electronics штаб-пәтерінің ТМД елдеріндегі корпоративтік жобалар және мемлекеттік органдармен өзара іс-қимыл жөніндегі директоры Сергей Певнев, Samsung Electronics ғылыми-зерттеу орталығының білім беру бағдарламаларының жетекшісі Светлана Юн, ҚМТУ ректоры – Мирлан Чыныбаев, – ҚМТУ АТИ директоры Гульнара Кабаева болды.

Курс өткен жылғы қаңтарда басталып, екі семестрге созылды. Осы уақыт ішінде студенттер мобильдік әзірлеме негіздерін игерді және сертификатталған жаттықтырушылардың басшылығымен іс жүзіндегі тәжірибеге ие болды. Студенттер өз бетінше жасаған толыққанды мобильдік қосымшалар мәрелік жобалар ретінде көрсетілді.

ҚМТУ АТИ -ның 12 студентінен тұратын Samsung IT-академиясының алғаш түлектері оқуды сәтті аяқтады. Енді бағдарламалау және мобильдік қосымшаны әзірлеу, командамен тиімді жұмыс істеу, нақты тапсырмаларды шешу және  IT-индустрияның заманауи талаптарына төселу түлектердің қолынан келеді. Жоба олардың кәсіби дамуына арналған алғашқы мәре болып, жоғары технологиялар және инновациялар әлеміне есік ашты.

Samsung Innovation Campus жобасы студенттерді сұранысқа ие мамандықтарға оқытып қана қоймай, олардың шығармашылық ойлауын, аналитикалық қабілетін және күрделі тапсырмаларды шешу мүмкіндігін дамытады. Осындай бастамалардың арқасында Samsung елдегі IT-сектор және технологиялардың дамуына айтарлықтай үлес қосатын  біліктілігі жоғары мамандарды дайындауға көмектеседі.

2017 жылдың желтоқсан айында Samsung Innovation Campus жобасы іске қосылғаннан бері Қазақстанда мыңдаған оқушылар мен студенттер білім алды, 700-ден астамы курстарды толық меңгеріп, сертификаттар алды. Бүгінгі таңда жобаның Алматы, Астана, Ақтөбе, Қостанай, Талдықорған, Атырау қалаларында кампустары бар.

Samsung Innovation Campus – бұл оның арқасында мектеп оқушылары мен студенттер ең сұранысқа ие IT мамандықтарын тегін меңгеру мүмкіндігіне ие болатын, Samsung Electronics компаниясының халықаралық, әлеуметтік- білім беру бағдарламасы. Соңғы 10 жылда бұл бағдарлама бүкіл әлем бойынша 100 000 студентті оқытты. Жоба қазір әлемнің 30-дан астам елінде жүзеге асырылуда.

Samsung дарынды жастарды қолдау және Қазақстан мен Қырғызстандағы болашақ инновациялар үшін берік негіз құру бойынша өз миссиясын жалғастыруда. Алдымызда – жаңа студенттерді  қабылдау, жаңа жетістіктер мен цифрлық технологиялар әлемінде дамуға дайын жандарға арналған жаңа мүмкіндіктер күтіп тұр.

Samsung Innovation Campus туралы samsung-campus.kz ресми сайтынан толығырақ білуге болады.

Samsung Innovation Campus бағдарламасының бірінші оқу курсының шеңберінде студенттер Java бағдарламалаудың заманауи өнеркәсіп тілінің негізін, Android платформасына арналған қосымшаларды әзірлеуді оқиды және ұялы қосымшаларды әзірлеудің заманауи тәсілдерімен және әдістерімен танысатын болады. Оқу аяқталғаннан соң әрбір тыңдаушы өзінің жеке қосымшасын жасап, жоғары оқу орны ішіндегі жобалар байқауына қатыса алатын болады. Көктемгі семестрде «Информатика және ЕТ» кафедрасының 25 студентінен құралған жобалық топ Samsung жылдық курсына қатысады, ал осы жылдың күзінен бастап бағдарлама ҚМТУ АТ институты дайындайтын барлық бағыттағы студенттердің негізгі аудиториясына қол жетімді кеңейтілетін болады.

Samsung Innovation Campus – бұл жасанды интеллект, заттар интернеті, ұялы әзірлеме, сондай-ақ үлкен деректер сияқты IT саласының ең қажеттілігі жоғары салаларында болашақ IT-мамандарды оқытуға бағытталған Samsung Electronics компаниясының халықаралық әлеуметтік-білім берудің ұзақ мерзімді бағдарламасы. Samsung компаниясының мамандары әзірлеген оқу тректері жобалық қызметті орындау барысында қажетті практикалық дағдыларды меңгеруге негізделген.

Samsung Innovation Campus оқу бағдарламасын табысты аяқтағаннан кейін тыңдаушылар Samsung компаниясынан сертификат алады. Samsung Innovation Campus бағдарламасы бойынша оқу тегін жүргізіледі. Білім беру бағдарламасын табысты өту үшін тыңдаушылардың информатика пәні бойынша білімдері және программалаудың тұрақты қабілеттері болу керек.

▲ Қырғыз Республикасындағы Корея Республикасының Төтенше және Уәкілетті елшісі Ли Вонджэ мырза.

Салтанатты ашылу рәсіміне ТМД елдері бойынша Samsung Electronics штаб-пәтерінің вице-президенті Сергей Певнев, Samsung компаниясының білім беру бағдарламаларының жетекшісі Светлана Юн, Ұялы әзірлемелер бойынша SIC бағдарламасының кураторы Андрей Лимасов, ҚМТУ ректоры Мирлан Чыныбаев, Қырғыз Республикасының Ғылым және білім министрінің орынбасары Расул Абазбекұлы, Қырғыз Республикасындағы Корея Республикасының Төтенше және Уәкілетті елшісі Ли Вондже, сондай-ақ Korea International Cooperation Agency (KOICA) in Kyrgyzstan and Kazakhstan Offiсes, Қырғыз Республикасының Сандық даму министрлігінің өкілдері, АТ институтының директоры Гульнара Кабаева, «Информатика және ЕТ» кафедрасының меңгерушісі Нелла Исраилова және ҚМТУ өзге де өкілдері қатысты.

Samsung Innovation Campus бағдарламасы жастарға бағытталған. 2014 жылдан бастап бағдарлама шеңберінде дүние жүзі бойынша шамамен 119 000 студент білім алып шықты. Қазіргі таңда Samsung Innovation Campus жобасы әлемнің 30-дан астам елінде, соның ішінде Ресей, Қазақстан, Армения, Испания, Түркия және басқа да елдерде жүзеге асырылып жатыр. Жобаның географиясы кезең-кезең бойынша кеңеюді жалғастырып жатыр, компания Қырғызстанда жобаны ашуды 2021 жылдан бері әзірлеп отырды.

Samsung компаниясының сандық дағдыларды дамытуға және білім беру үрдісінде заманауи технологияларды пайдаланудың мүмкіндіктерін кеңейтуге көмектесетін Samsung Innovation Campus сияқты білім беру жобаларын дамытуы мен қолдауы бойынша көпжылдық жұмысын халықаралық сарапшылар жоғары бағалады. 2023 жылы Samsung Electronics компаниясы 2023 жылдың Digital Inclusion Benchmark атты сандық технологияларға қол жетімділікті қамтамасыз ету рейтінгісінде жетінші орынды алды, бұл рейтинг компанияның басты санаттар, соның ішінде адам құқығын қорғау, қоршаған ортаны қорғау және сандық технологияларға қол жетімділікті қамтамасыз ету бойынша қызметіне баға береді.