Samsung Electronics және Broadcom жаңа буын АІ инфрақұрылымын дамыту үшін жад және жартылай өткізгіштерді келісімшарттық өндіру саласындағы стратегиялық ынтымақтастықты кеңейтуге бағытталған өзара түсіністік туралы меморандумға қол қойылғанын хабарлады.

Меморандумға қол қою туралы Сан-Францискодағы The Midway алаңында өткен жасанды интеллектке арналған саммитте жарияланды. Шараға Samsung Electronics компаниясының президенті және Foundry Business бөлімшесінің басшысы Джинман Хан (Jinman Han), Broadcom компаниясының президенті және бас директоры Хок Тан (Hock Tan), екі компанияның жоғары басшылары, сондай-ақ Корея Республикасы үкіметінің өкілдері қатысты.

Жад және жартылай өткізгіштерді келісімшарттық өндіру саласындағы ынтымақтастықтың жиынтық көлемі алдағы бес жылда – 2030 жылға дейін 200 млрд доллардан асады деп күтілуде.

Жад сегментінде Samsung және Broadcom Broadcom-ның келесі буын AI-жылдамдатқыштарын қолдау үшін High Bandwidth Memory (HBM) сияқты озық шешімдерді жеткізу бойынша стратегиялық ынтымақтастықты дамытуға ниетті.

Келісімшарттық өндіріс саласында ынтымақтастық Broadcom өнімдерін, соның ішінде Wireless Broadband Communications (WBC) шешімдерін шығару үшін Samsung-ның 2 нм және одан төмен технологиялық процестерін пайдалануға бағытталады. Сондай-ақ, серіктестік Samsung-тың 2 нм технологиялық процесіне негізделген озық корпус технологияларын, соның ішінде 2.3D және 2.5D интеграциясын қамтиды. Бұл анағұрлым өнімді және энергияны үнемдейтін жасанды интеллект және желілік жартылай өткізгіш шешімдерін жасауға мүмкіндік береді.

«АІ жадты, логикалық микросхемаларды және заманауи корпустау технологияларын біріктіретін тығыз интеграцияланған жартылай өткізгіш технологияларға бұрын-соңды болмаған сұранысты ынталандырады, – деп атап өтті Samsung Electronics компаниясының директорлар кеңесі төрағасының орынбасары және Device Solutions (DS) бөлімшесінің бас директоры Ён Хен Джун (Young Hyun Jun). – Осы стратегиялық маңызды бағыттарда Broadcom-мен ынтымақтастықты кеңейте отырып, біз пайдаланушыларға одан да жоғары құндылық ұсынып, болашақтың жасанды интеллект инфрақұрылымын дамытуға үлес қосамыз деп үміттенеміз».

«Жасанды интеллект инфрақұрылымының ауқымы кеңейген сайын жартылай өткізгіш экожүйе қатысушыларының тығыз өзара әрекеттесуі маңызды бола түседі, – деді Broadcom компаниясының Semiconductor Solutions Group президенті Чарли Кавас (Charlie Kawwas). – Samsung-тың жад пен келісімшарттық өндіріс саласындағы сараптамасын Broadcom-ның жасанды интеллект пен байланыс технологиялары саласындағы көшбасшылығымен біріктіре отырып, біз жаңа буынның жасанды интеллект инфрақұрылымының негізі болатын шешімдерді құруды жалғастыруға ұмтыламыз».

Жады, логикалық микросызбалар, келісімшарттық өндіріс және заманауи корпустау технологиялары саласындағы құзыреттіліктердің арқасында Samsung жасанды интеллект дәуірі үшін кешенді жартылай өткізгіш шешімдерін құруда бірегей орынға ие. Broadcom-мен ынтымақтастықты кеңейту Samsung-тың жасанды интеллект пен жоғары өнімді есептеулер саласындағы шешімдердің кең спектрі үшін кешенді жартылай өткізгіш технологиялары арқылы пайдаланушыларды қолдауға деген тұрақты адалдығын растайды.