Мемлекет басшысы Қасым-Жомарт Тоқаевтың Оңтүстік Кореяға мемлекеттік сапары аясында Samsung Electronics және Қазақ жасанды интеллект зерттеу университеті (QAIRU) бірлескен білім беру бастамаларын жүзеге асыру үшін ынтымақтастық орнатты. Ынтымақтастық туралы меморандумға қол қою рәсіміне Қазақстанның Ғылым және жоғары білім министрі Саясат Нұрбек пен Samsung Electronics вице-президенті Джо Сон Чжэ қатысты.

Ұйымдар жасанды интеллекттің ең жылдам дамып келе жатқан технологиялық саласында студенттерді даярлау үшін бірлесіп жұмыс істейтін болады. Серіктестік аясында университет базасында Samsung Innovation Campus оқу сыныбы ашылды, ал Samsung ұсынған «Жасанды интеллект» бағыты бойынша оқу материалдары ЖОО-ның білім беру бағдарламасына интеграцияланады.

Samsung Innovation Campus жобасы аясында студенттер заманауи технологияларды үйреніп қана қоймай, болашақ экономикада сұранысқа ие практикалық білім мен дағдыларды игере алады. Тараптар студенттердің АІ саласындағы әлеуетін нығайту және заманауи технологиялық білімге қолжетімділікті кеңейту бойынша бірлесіп жұмыс істеуге ниетті.

Samsung Innovation Campus – мектеп оқушылары мен студенттерге цифрлық экономиканың ең өзекті бағыттарын: жасанды интеллект, заттар интернеті (IoT), мобильді әзірлеу және үлкен деректерді талдауды тегін меңгеруге көмектесетін халықаралық бастама. AI бағыты аясында қатысушылар машиналық оқыту принциптерімен танысады, терең оқыту кітапханаларын зерттейді, нейрожелілерді жаттықтырады және интеллектуалды шешімдерді әзірлеу үшін заманауи платформалармен жұмыс істейді..

Бүгінде Samsung Innovation Campus әлемнің 30-дан астам елінде іске асырылуда. Қазақстанда бағдарлама 2017 жылдан бері жұмыс істейді және осы уақыт ішінде мыңдаған жастарға технологиялар мен бағдарламалау әлеміне алғашқы қадам жасауға көмектесті.

QAIRU жобасының серіктесі – өзін Орталық Азиядағы AI-Enabled алғашқы университеті ретінде таныстыратын жаңа буын университеті. Мұнда жасанды интеллект оқу процесіне терең интеграцияланған. Университет тек дайын құралдарды ғана емес, AI технологияларын жасай алатын инженерлерді дайындауға баса назар аударады.

QAIRU-дың құрылуы болашақ технологияларды дамыту жөніндегі неғұрлым кең мемлекеттік күн тәртібінің бөлігіне айналды. 2025 жылдың күзінде Қазақстан Президенті Қасым-Жомарт Тоқаев елде жасанды интеллект мамандарын даярлайтын және экономиканың барлық саласына жасанды интеллектті енгізуге ықпал ететін зерттеу университетін құру қажеттігін атап өтті.

Жасанды интеллект күнделікті өмірдің, бизнестің, ғылымның, өнеркәсіптің және білім берудің бір бөлігіне айналған сайын, осы өзгерістерге бейімделіп қана қоймай, оларды жасай алатын мамандарды даярлау маңызды міндетке айналуда.

Samsung Innovation Campus аясында жаңа академиялық жылға тіркеу қазірдің өзінде ашылды және 25 тамызға дейін жалғасады. AI-курс пен машиналық оқытудан басқа, Қазақстанның түкпір-түкпірінен 13-25 жас аралығындағы мектеп оқушылары мен студенттер Python бағдарламалау тілінде деректерді талдауды және Java-да мобильді қосымшаларды әзірлеуді үйрене алады. Тіркелу сілтеме бойынша қолжетімді.

Samsung Electronics Central Eurasia (SECE) және Kazakhmys Barlau далалық өндірістік үдерістерді цифрландыру саласындағы ынтымақтастық туралы келісті. Компаниялар геологиялық барлау жұмыстарын автоматтандырудағы Kazakhmys Barlau тәжірибесін Samsung корпоративтік мобильді технологияларымен біріктіруді жоспарлап отыр. Мақсаты – өндірістік нысандардағы қызметкерлердің жұмысын жеңілдету, қолмен жасалатын операциялардың санын азайту және деректер алмасуды жылдамдату.

12 тамызда Алматыда өткен кездесуде SECE президенті Йонджин Пак пен Kazakhmys Barlau бас директоры Ғалым Нұржанов ынтымақтастықтың негізгі бағыттарын және Samsung корпоративтік мобильді шешімдерін пайдалана отырып, пилоттық жобаны іске қосу перспективаларын талқылады.

▲ SECE Президенті Йонджин Пак пен Kazakhmys Barlau бас директоры Ғалым Нұржанов ынтымақтастықтың негізгі бағыттары мен Samsung корпоративтік мобильді шешімдерін пайдалана отырып, пилоттық жобаны іске қосу перспективаларын талқылады.

Жобаның маңызды бөлігі Kazakhmys Barlau әзірлеген ASPANS ақпараттық жүйесі болмақ. Ол өндірістік деректерді жинау мен сақтауды, есептілікті автоматтандыруды және талдауды біріктіреді. Жүйе бұрғылау процестерінде қазірдің өзінде қолданылады және электрондық бұрғылау есептілігін автоматты түрде қалыптастыруға көмектеседі қолмен жұмыс көлемін азайтады.

Келесі қадам – цифрлық құралдарды қызметкерлерге тікелей «далада» қолжетімді ету. Ол үшін тараптар орталықтан басқарылатын (MDM) мамандандырылған Samsung корпоративтік мобильді құрылғыларын пайдалануды қарастыруда. Қызметкерлер тапсырмаларды ала алады, электрондық нысандар мен тексеру парақтарын толтырып, нәтижелерді жұмыс орнында тіркей алады. Деректер ASPANS-қа жіберіледі және есеп беруді қалыптастыру, талдау және басқару шешімдерін қабылдау үшін пайдаланылады

Мұндай тәсіл біртіндеп қағаз құжаттарының бір бөлігінен және ақпаратты қайта енгізуден бас тартуға көмектеседі, ал компания қажетті өндірістік деректерді тезірек ала алады. Samsung мобильді технологиялары мен ASPANS мүмкіндіктерін біріктіру өндірістік нысандардағы қызметкерлердің жұмысын корпоративтік цифрлық жүйелермен байланыстыруға мүмкіндік береді. Алдағы уақытта жиналған деректер терең талдау және жасанды интеллект технологияларын қолдану үшін пайдаланылуы мүмкін.

▲ Ынтымақтастық туралы Меморандумға қол қою.

Компания басшылары ынтымақтастық туралы меморандумға қол қойып, жобаның алдын ала жол картасын келісті. Kazakhmys Barlau өкілдері Samsung демонстрациялық залына барып, компанияның түрлі бизнес-міндеттерге арналған корпоративтік шешімдерімен танысты.

Сонымен қатар, Samsung Kazakhmys Barlau қызметкерлеріне Samsung корпоративтік онлайн платформасына қолжетімділік беру мүмкіндігін пысықтайды, онда верификациядан өткеннен кейін олар компания өнімдерін арнайы шарттармен сатып ала алады.