Samsung компаниясы жүзеге асырып жатқан Eco-Box бағдарламасы аясында елордалық университет ғимаратында электронды қалдықтарды жинайтын арнайы контейнер орнатылды. Қоқыс жәшігіне ескі смартфондарды, зарядтағыштарды, планшеттерді, аксессуарларды және кез келген брендтің басқа шағын өлшемді жабдықтарын тастауға болады. Қорап толғаннан кейін қалдықтарды шығару және жою Қазақстан Республикасы заңнамасының талаптарына сәйкес ұйымдастырылады. Сондай-ақ, Astana IT University студенттері мен қызметкерлері үшін саналы тұтыну бойынша дәрістер мен семинарлар өткізіледі.

Неліктен бұл маңызды? Техникалық құрылғыларда сілтілер, қорғасын, кадмий және басқа химиялық заттар бар. Олардың жауапсыз шығарылуы ауаның, топырақтың және судың ластануына алып келеді, адам денсаулығына және қоршаған ортаға теріс әсер етеді. Сондықтан электронды қалдықтарды сұрыптап, тұрмыстық қалдықтардан бөлек кәдеге жарату қажет.

Samsung компаниясының экологиялық жобасы қазіргі уақытта Алматыдағы ең ірі университеттерді қамтиды – KIMEP University, Әл-Фараби атындағы ҚазҰУ, AlmaU, Satbayev University, AUES University, Narxoz University, SDU және IITU. Енді бұл бастамаға Astana IT University қосылды.

Eco-Box – Samsung компаниясының Eco-Conscious Service бағдарламасының бөлігі болып табылады. Оның мақсаты – қоршаған ортаға қамқорлық жасай отырып, тұтынушыларға қызмет көрсету сапасын арттыру.

Бір қызығы, бұл Samsung Electronics пен Astana IT University бірлесіп жүзеге асырып жатқан екінші ірі жоба. 2021 жылдан бастап тараптар Samsung Innovation Campus бағдарламасы аясында ынтымақтаса бастады. Университетте астаналық оқушылар мен студенттерге бағдарламалау негіздерін тегін үйрететін арнайы жабдықталған кабинет ашылған.

Samsung Electronics компаниясы 8-9 ақпанда Бішкек қаласында өткен электронды қалдықтар бойынша Орта Азиялық форумға қатысты.

Іс-шара қоршаған ортаны қорғау және статистика бойынша уәкілетті мемлекеттік органдардың өкілдерін, сондай-ақ Қазақстан, Қырғызстан, Өзбекстан, Тәжікстан және Түрікменстан бизнес-қауымдастықтарының және үкіметтік емес ұйымдардың өкілдерін жинады. Тізімнің қатарына келесі қатысушылар, мысалы, БҰҰ-ның қоршаған ортаны қорғау бағдарламасының (UNEP), Халықаралық ынтымақтастық бойынша Герман қауымының өкілдері (GIZ) кірді.

Форум электронды қалдықтарды басқару проблемаларына және оның болашағына арналған бірнеше сессиядан құралды. Орта Азияның алдында саналы тұтынуға ұмтылу деген мақсат бар, себебі аймақ тұрғындарының көп бөлігі ескі электронды құрылғыларды және оның бөлшектерін тұрмыстық қалдықтармен бірге лақтыруға болмайтындығы туралы және бұл қандай қайғылы салдарға алып келетіндігі туралы білмейді. Соңғы уақытта Орта Азия елдерінің үкіметтері электронды қалдықтарды басқарудың жүйесін дамытуға бағытталған әр түрлі талпыныстарды жасады. Осы бағытта шамалы жағымды әсерлердің орын алғаны көрінсе де, заңнаманы орындауға, инфрақұрылымды дамытуға, өндірушілердің/импортерлердің кеңейтілген жауапкершілігін және т.б. енгізуге байланысты әлі де көптеген проблемалар бар.

Сессиялар барысында форумның қатысушылары электроника саласындағы циркулярлық экономиканың принциптерін және инновациялық тәсілдерді қарастырды. Сондай-ақ аймақтағы өндірушілер, импортерлер және қайта өндірушілер арасындағы ынтымақтастық мәселелерін үлкен назарға алды.

Samsung Electronics компаниясы халықты саналы тұтынуға үйрету бөлімінде қатысушылармен өз тәжірибесімен бөлісті. Сөз Samsung Recycling School экологиялық жобасы туралы болды, бұл жоба Алматы қаласында өзін тамаша көрсетті. Компания Алматы қаласының оқу орындарының студенттерін және қызметкерлерін ескі техниканы жинауға шабыттандырды. Электронды қоқыстың ең көп мөлшерін тапсырған жандар бағалы сыйлықтарды алды.

Бұл экологиялық бастама Samsung компаниясы іске қосқан Eco-Box бағдарламасының бір бөлігі болып табылады. Жоба Алматы қаласының ірі ЖОО-дарын – KIMEP University, Әл-Фараби атындағы ҚазҰУ, AlmaU, Satbayev University, AUES University, Narxoz University, SDU және IITU қамтиды. Осы оқу орындарының ғимараттарында кез келген брендтердің ескі құрылғыларын қалдыруға болатын арнайы бокстар орналастырылды. Samsung компаниясы өз кезегінде лақтырылған техниканы Қазақстан заңнамасына сәйкес өңдеп, кәдеге жаратады. Сонымен қатар, Samsung компаниясы экобокстарды Астана, Алматы және Шымкент қалаларының авторизацияланған сервистік орталықтарында орнатты. Барлық пунктер осы күнге дейін электронды қалдықтарды қабылдайды.

«Samsung әлеуметтік корпоративті жауапкершілікке, жеке алғанда, экология саласына күннен-күнге көбірек көңіл бөліп отыр. Бұл неге маңызды? Себебі біз елімізді жақсы көреміз және Қазақстан болашақ ұрпақтар үшін қауіпсіз жер болсын деп тілейміз, – дейді Samsung Electronics Central Eurasia сервистік департаментінің қызметкері Әділ Каирлин – Біз өз тәжірибемізбен басқалармен бөлісуге дайынбыз. Себебі электронды қалдықтарды кәдеге жарату, бөлек алғанда, біздің елдеріміздің экологиясына келтірілетін зиянды едәуір төмендету жолындағы біздің ең бірінші дәрежелі міндетіміз».

Samsung Electronics компаниясының экологиялық жобасы Орта Азия елдерінің тұрғындарында экологиялық жауапкершілікті қалыптастырудың тағы бір құралы ретінде форумның қатысушыларын қызықтырды. Экобокстарды пайдаланумен осындай жаңа байқаулар Қазақстанда ағымдағы оқу жылының соңына жоспарланған. Samsung Electronics компаниясы қатысушылардың тізімін кеңейтуге және белсенді саналы азаматтарды одан әрі ынталандыруға ниет білдіреді.

Samsung Electronics компаниясы толығымен зақымдалған Samsung электронды құрылғыларынан тұратын «Тазы» атты бірегей экологиялық мүсінін ұсынды.

Мүсін қазақтың жеті қазынасына жататын итіне арнап жасалған.

Тазы мен төбет тұқымын сақтауға арналған көрме Алматыдағы Great Service уәкілетті сервис орталығында өтті.

Samsung эко-мүсінді экологиялық өнер саласындағы әйгілі мүсінші Қуаныш Мұхамеджановпен бірігіп дайындады. Қуаныш Мұхамеджанов  осы саладағы бірегей жұмыстарымен кең танымал болған экологиялық мүсіндерді жасаудың негізін салушылардың бірі. Дарынды мүсіншінің ескі құрал-жабдықтардан жинаған 40-қа жуық туындысы бар.

Мұхамеджанов қоршаған ортаны қорғаудың жақтаушысы ретінде Samsung компаниясы жобаның идеясын ұсынғанда қатты қуанғанын мойындады.

«Бұл мүсін табиғатқа қамқорлық жасаудың маңыздылығын танытып қана қоймай, Samsung компаниясының еліміздің тарихы мен мұрасына деген құрметін көрсетеді, – деп атап өтті мүсінші. – Адам мен табиғат арасындағы ерекше байланысты бейнелейтін тазы сияқты экологиялық мүсін де өнер мен экологияны өзара байланыстыратын бейнеге айналады».

Мүсіннің тұсаукесер шарасына эко-белсенділер, блогерлер және ірі университеттердің өкілдері қатысты. Іс-шарада істен шыққан электронды құрылғыларды жинау мен оларды жоюдың әдісі талқыланды.

Samsung Electronics Central Eurasia компаниясының сервис департаментінің директоры Родион Котов смартфон мен планшет секілді күрделі техникалық құрылғыларды өзге тұрмыстық қоқыспен бірге көміп тастау тек табиғатқа емес, адамдардың денсаулығына да кері әсер ететінін айтты. Сондықтан ол ескі аппараттарды тұрмыстық қоқыстардан бөлек жою аса маңызды деді.

«Бұл эко-мүсін барлығымызға шабыт беріп, әр адам кішкентай әрі маңызды қадамдар жасау арқылы планетаны сақтауға үлес қоса алатынын ескеру керек», – деді Котов.

Сонымен қатар, іс-шарада Алматыдағы жоғары оқу орындарының арасында Samsung Recycling School экологиялық жобасы аясында өткізілген байқаудың нәтижесі жарияланды. Жобаның мақсаты – жастарды электронды қалдықтарды жинауға және жоюға ат салысуға шақыру. Нәтижесінде бірінші орын мен Samsung Flip 2 55″ интерактивті тақтасын 29 келі қоқыс жинаған ҚазҰУ жеңіп алды. «Күміс» жүлде мен The Freestyle шағын проекторын 6 келі қоқыс жинаған AlmaU, үшінші орынды 5 келі қоқыс жинаған SDU иеленіп, сыйлыққа Smart M8 Monitor 32″ мониторын алды.

Алматылық студенттер жалпы алғанда барлығы 46 келі электронды қоқысты жинады.

Бұдан бөлек Samsung компаниясы әлеуметтік желілерде #ЭкоТрендтеБол атты эко-компаниясының қорытындыларын жариялады. Оның мақсаты – қазақстандықтарды экологиялық пайдалы істерге шақыру болды. Осылайша, компания қызметкерлері қыркүйекте Баум тоғайында сенбілік ұйымдастырды.

Екі аптаға созылған шараның қатысушылары отандастарын саналы өмір салтын ұстануға үгіттеп, өз бастамаларын бастады. Нәтижесінде 3 белсенді-жеңімпаз Samsung компаниясының ресми сайтында сауда жасауға арналған 50 000 теңге сомасына промокодты жеңіп алды. Өзге қатысушылар одан да экологиялық таза болашақты қалыптастыруға қосқан үлесі үшін 5 000 теңге сомасына промокодты иеленді.

Samsung компаниясы тек тренде болып қоймай, өміріміздің бір бөлігіне айналатын жаңа экологиялық жауапкершіліктің стандарттарын жасауға ұмтылады. Компания барша халықты осындай маңызды қозғалысқа қосылуға және келер ұрпақ үшін әлемді жақсартуға шақырады.

*Samsung Recycling School жобасының жеңімпазын анықтау Байқау ережелеріне сәйкес жүзеге асырылды.