Samsung Electronics 2024 жылғы теледидарларына кіретін сенімді қауіпсіздік Samsung Knox жүйесі Common Criteria (CC) сертификатына қол жеткізгенін жариялады.

CC сертификаты әлемнің 31 елінде танылған АТ өнімдерінің қауіпсіздік деңгейін бағалаудың эталоны болып табылады ¹. Samsung компаниясы 10 жыл қатарынан Samsung Knox үшін CC сертификатын алып отыр, бұл компания жыл сайын жетілдіретін теледидарларына арналған жоғары деңгейлі қауіпсіздік шешімі. Осы жолы 2024 жылғы теледидарлар нарыққа шықпай тұрып Samsung Knox сертификат алды, бұл платформаның жаһандық үстемдігін көрсетеді.

«Күнделікті өмір технологиялық тұрғыдан дамыған сайын Samsung пайдаланушылардың құпиялылығы мен олардың жеке ақпаратын қорғаудың қаншалықты маңызды екенін түсінеді, – дейді Samsung Electronics дисплей шешімдері жөніндегі атқарушы вице-президенті Йонгджэ Ким (Yongjae Kim). – Сондықтан біз қауіпсіздік шаралары мен стандарттарымызды үнемі жетілдіріп отырудың арқасында теледидарларымызға 10 жыл қатарынан Samsung Knox үшін CC сертификатына қол жеткізгенімізді мақтан тұтамыз».

«Ақпараттық технологиялар қауіпсіздігін бағалаудың жалпы критерийлері» сертификаты АТ өнімдерінің тұтастығын бағалаудың бірыңғай және қатаң стандарттарын қамтамасыз етеді және олардың тиімділігін арттыруды жалғастыруда. Осының арқасында сертификаттау оған ие болатын АТ өнімдеріне деген сенімді нығайтады. CC қорғаныс профилін (Protection Profile (PP) және қауіпсіздік нысанын (Security Target (ST) қамтиды. Samsung Knox қауіпсіздік мәселесін сәтті шешіп, CC стандарттарына қол жеткізді.

CC сертификаты Samsung Knox-тың үш негізгі қауіпсіздік мүмкіндіктерін қамтиды:

• Tizen ОЖ мониторингі: Samsung Knox ықтимал хакерлік қауіптерді нақты уақыт режимінде анықтайды: ол Samsung теледидарларына қуат беретін Tizen операциялық жүйесінің маңызды секторларына кез келген рұқсатсыз өзгертулерді белгілейді.

• Фишинг сайттарын бұғаттау: Samsung Knox пайдаланушылар кіретін веб–беттерді сканерлейді және деректердің құпиялылығын қамтамасыз ету үшін кез келген фишингтік сайттарды белсенді түрде блоктайды.

• Жеке ақпараттын жетілдірілген қорғанысы: Samsung Knox арнайы Samsung Knox Vault процессорына қауіпсіз қосылудың арқасында пайдаланушылардың жеке деректерін сенімді түрде қорғайды ².

Tizen ОЖ мониторингі: Samsung Knox ықтимал хакерлік қауіптерді нақты уақыт режимінде анықтайды: ол Samsung теледидарларына қуат беретін Tizen операциялық жүйесінің маңызды секторларына кез келген рұқсатсыз өзгертулерді белгілейді.

Фишинг сайттарын бұғаттау: Samsung Knox пайдаланушылар кіретін веб-беттерді сканерлейді және деректердің құпиялылығын қамтамасыз ету үшін кез келген фишингтік сайттарды белсенді түрде блоктайды.

Жеке ақпараттын жетілдірілген қорғанысы: Samsung Knox арнайы Samsung Knox Vault процессорына қауіпсіз қосылудың арқасында пайдаланушылардың жеке деректерін сенімді түрде қорғайды ².

Samsung компаниясының 2024 жылғы теледидарлар желісі туралы қосымша ақпаратты осы сайтта таба аласыз:Samsung.com

¹  Австралия, Австрия, Канада, Чехия, Дания, Эфиопия, Финляндия, Франция, Германия, Греция, Венгрия, Үндістан, Индонезия, Израиль, Италия, Жапония, Малайзия, Нидерланды, Жаңа Зеландия, Норвегия, Пәкістан, Польша, Катар, Корея Республикасы, Сингапур, Словакия, Испания, Швеция, Түркия, Ұлыбритания және Америка Құрама Штаттары

² QN900D және QN800D үшін ерекше.

Samsung Electronics компаниясы инновациялық технологиялар әлеміндегі қазіргі трендтерге қызығушылық танытатын қазақстандықтар үшін қолжетімділікті арттыру мақсатында Samsung Newsroom Kazakhstan ресми ақпараттық ресурсының қазақ тіліндегі нұсқасын іске қосады.

Бұдан былай қазақтілді интернет қолданушылар, оның ішінде серіктестер IT саласындағы озық құрылғылар, шешімдер мен трендтер туралы барлық жаңалықтан хабардар болып, мемлекеттік тілдегі соңғы ақпараттарды Samsung сайтынан ала алады: https://news.samsung.com/kz_kz.

▲ Енді пайдаланушылар Samsung компаниясының соңғы жаңалықтары мен бренд оқиғаларына қазақ тілінде оңай қол жеткізе алады.

Сонымен қатар, Samsung Newsroom Kazakhstan сайтында компанияның Қазақстанда өткізетін қызықты іс-шаралары мен жаңа өнімдердің тұсаукесері жайлы ақпарат қолжетімді болмақ. Сондай-ақ пайдаланушыларда B2B конференцияларынан бастап салтанатты кештер мен бағалы сыйлықтар ойнатылатын байқауларға дейін алғашқылардың бірі болып білуге мүмкіндік бар. Әрине, сіз әрқашан оларға қатысы, жарқын әрі ұмытылмас тәжірибе ие бола аласыз!

«Қазақ тіліндегі Samsung жаңалықтары – бұл Samsung бренді мен оның өнімдеріне қызығушылық танытатын Қазақстандағы және елден тысқары пайдаланушыларымызбен байланыста болу және қарым-қатынасты арттыру үшін тамаша мүмкіндік», – деді SECE корпоративтік коммуникациялар бөлімінің басшысы Берік Умаров. «Алдағы уақытта аудитория бұдан да қызықты, пайдалы ақпарат алуы үшін қазақ тіліндегі контентімізді кеңейтеміз».

Samsung Қазақстанда 1996 жылдан бастап енді. Отандық кеңсе Samsung Electronics Central Eurasia атауымен жұмыс істеп келеді және көршілес Орталық Азия елдерінде, атап айтсақ, Қырғызстан, Өзбекстан, Тәжікстан, сондай-ақ Түркіменстан және Моңғолиядағы қызметті басқарады.