Samsung Electronics компаниясы Тәжікстандағы серіктестері үшін кезекті B2B семинарын өткізді. Іс-шара 2024 жылдың 19 қарашасында Hyatt Regency Dushanbe қонақүйінде өтті. Оған дәстүрлі түрде сауда желілерінің, кәсіпорындардың, қонақүйлердің, ұялы байланыс операторларының және т.б. өкілдері қатысты. Компания жаңа мүмкіндіктер мен жетілдірілген шешімдердің арқасында күнделікті бизнес-процестерді айтарлықтай жеңілдететін және операциялық тиімділікті арттыратын экономиканың әртүрлі секторларына арналған өзінің инновациялық өнімдері мен шешімдерін көрсетті.

Душанбедегі Partner’s Day Қазақстан, Қырғызстан және Моңғолиядағы серіктестермен осындай кездесулер сериясынан кейінгі биылғы жылдың қорытынды іс-шарасы болды. Ағымдағы семинардың айрықша ерекшелігі Samsung Electronics екі бөлімшесінің – мобильді (Mobile eXperience) және дисплей шешімдерінің (Visual Display) бірлескен тұсаукесері болды.

Мобильді құрылғылар

Қауіпсіз мобильді құрылғылардың жаңа үлгілері – Galaxy Tab Active5 және Galaxy Xcover7 – алдыңғы қатарға шықты. Бұл беріктігі жоғары және су мен шаңнан қорғалған планшеттер мен смартфондар қатал ортада жұмыс істеуге арналған. Samsung Electronics өкілдері Galaxy Tab Active5 және Galaxy Xcover7 кез келген сынаққа дайын екенін және өндірісте немесе логистика саласында жұмыс істейтін кәсіпорын қызметкерлері үшін сенімді көмекші болатынын анық көрсетті.

Мониторлар, дисплейлер және интерактивті панельдер

Сондай-ақ, компанияның серіктестері басқа да озық B2B өнімдерімен, соның ішінде ақпараттық дисплейлер мен ойындарға да, бизнеске де жарамды қуатты мүмкіндіктері бар мониторлар туралы білді. Мұнда алдымен инновациялық мониторларға назар аударылды. Олардың ішінде 5K ажыратымдылығы бар флагмандық ViewFinity S9, Smart Monitor желісі және 240 және 360 Гц жаңарту жиілігі бар Odyssey ойын мониторлары ерекше көзге түсті.

Одан әрі келушілер Andriod жүйесінде жұмыс істейтін Samsung Flip интерактивті панельдерінің қасиеттерін жоғары бағалады. Кәсіби QMC дисплейлерінің соңғы желісіне қосымша әмбебап All-In-One жарықдиодты экрандар да атап өтілді.

Partner’s Day заманауи технологияларды көрсету алаңы ғана емес, сонымен қатар Samsung Electronics үшін серіктестермен қарым-қатынасты нығайту, бизнесті дамыту перспективаларын талқылау және тәжірибе алмасу мүмкіндігіне айналды.

Samsung Electronics компаниясы өз серіктестері үшін инновациялық B2B-семинарын өткізді, онда алдыңғы қатарлы бизнес-шешімдер көпшіліктің назарына ұсынылды. Іс-шара 11 қазанда Алматыдағы Rixos қонақүйінде өтті.

Қазақстандық компаниялар арасында бизнес-міндеттерді тиімді шешуге арналған арнайы бағдарламалық жасақтамасы бар сыртқы әсерлерден қорғалған Samsung компаниясының салалық ұялы құрылғылары үлкен қызығушылыққа ие болды.

Компания осы сегментте Galaxy XCover 5, XCover 6 Pro смартфондары және Galaxy Tab Active 4 Pro планшеті сияқты өнімдерді ұсынды. Олар ең заманауи IP68 және MIL-810H стандарттарына сәйкес қорғалған, бұл осы құрылғыларға шаң да, су да, кір де қорқынышты емес дегенді білдіреді. Смартфондар судың астында ұзақ болуға, 1,5 метрге дейінгі биіктіктен құлауға төзімді. Портативті және ықшам ұялы шешімдер алаң жағдайларында қарқынды пайдалануға арналған. Ал құрылғылардың корпоративті топтамасын тиімді бақылау және басқару үшін смартфондарға MDM-шешімі бар KNOX manage қоса беріледі.

Samsung компаниясы сондай-ақ серіктестеріне білім беру саласына арналған инновациялық шешімді – жаңа буынның Samsung Flip Pro интерактивті тақтасын көрсетті. Жаңа модель алдыңғысына қарағанда бірқатар жетілдірулерді, соның ішінде білім беру үрдісін жеңілдететін жаңа құралдар мен функцияларды, сондай-ақ қазақ тілін қолдау мүмкіндіктерін иеленді. Flip Pro тақтасы кеңседе де, мектептегі және университеттегі дәрістерде де одан да пайдалы аспапқа айналады.

Сонымен қатар, компанияның серіктестері В2В-өнімдерінің басқа да алдыңғы қатарлы желілерімен, ақпараттық дисплейлерімен және ойынға арналған модельдерден бастап бизнеске арналған модельдеріне дейінгі мықты сипаттамалары бар мониторларымен танысты.

Samsung компаниясы бүкіл әлем бойынша өзінің серіктестеріне арналған өзекті бизнес-шешімдерді құруға және дамытуға тұрақты түрде күш салады. Компания жыл сайын Қазақстанда бизнеске арналған іс-шараларды өткізеді, осында компаниялар В2В сегментіндегі ең жаңа әзірлемелермен танысады, бұл өз кезегінде, оларға өздерінің бизнес үрдістерін оңтайландыруға және өз қызметінің тиімділігін арттыруға мүмкіндік береді.