CES 2025 аясында  C-Lab экспозициясында 15 стартап мен жоба ұсынылды. Олардың ішінде C-Lab Outside-дан 12 жоба, Samsung-тың сыртқы стартаптарды қолдау бағдарламасы, C-Lab Inside-ден екі жоба, Samsung-тың қызметкерлерге арналған стартаптарды қолдау бағдарламасы және C-Lab Inside аясындағы жоба табысқа жеткеннен кейін негізі қаланған тағы бір стартап – C-Lab Spin-Off болды.

Осы стартаптардың көпшілігі Тұтынушылар Технологиялары Ассоциациясынан (CTA) өздерінің технологиялық жетістіктері мен креативтілігі үшін CES Innovation Awards марапатына лайық деп танылды. C-Lab көрмесінде Samsung Newsroom жаңалықтар бөлімі CES сыйлығының үш жеңімпазымен – Pinpoint (ақылды қала технологиясы), Quester (кеңейтілген шындық технологиясы) және GhostPass (қаржылық қауіпсіздікке бағытталған технология) – олардың жаңашыл жұмыстары туралы көбірек білу үшін кездесті.

▲ CES 2025 аясындағы C-Lab көрмесі

Pinpoint:C-Lab-пен бірге бүкіләлемдік мойындауға алғашқы қадам

▲ Pinpoint қызметкерлері өз бизнесін бүкіл әлем бойынша кеңейтуге толық дайын

C-Lab Samsung инновациялық стартаптарға әлемдік аренада өзін танытуға көмектеседі. C-Lab Outside бағдарламасы аясында Samsung көрнекті жобаларды CES сияқты әлемдік деңгейдегі көрмелерге қатысу мүмкіндігімен қамтамасыз етеді, сондай-ақ осындай іс-шараларға дайындалуда қолдау көрсетеді және CES марапаттарын тапсыру үшін жеке кеңестер ұсынады.

C-Lab Outside-тың 2024 жылғы қатысушысы Pinpoint, CES 2025 C-Lab көрмесі аясында әлемдік аренаға қадам басты.Стартап «Ақылды қалалар» санатында құрылыс жұмыстарын басқару бойынша Заттар интернетіне кіріктірілген шешімі үшін CES Innovation Award марапатына ие болды.

▲ Pinpoint CES Innovation Award және келесі буын ғимараттарына арналған ақылды ғимараттарды басқару жүйелері туралы брошюралар

Pinpoint құрылыс шешімі — бұл жекелендірілген пайдаланушы тәжірибесін қамтамасыз ете отырып, құрылыс операторларының тиімділігін арттыратын ақылды басқару жүйесі болып табылады. Операторлар құрылыстың барлық ресурстарын кешенді бақылаудың артықшылығына ие болады, ал тұрғындар мен келушілер мобильді қосымша арқылы брондау, автотұрақ, роботты жеткізу және т.б. сияқты әртүрлі қызметтерге оңай қол жеткізе алады.

▲ Pinpoint өкілі көрмеге келушілерге құрылыс процестерін басқаруға арналған Заттардың интернеті стартабының біріктірілген шешімі туралы айтып беріп жатыр

Көрмеде Pinpoint жобасының авторлары өздерінің бұлтқа негізделген, оңтайландырылған құрылыс шешімдерін іс жүзінде көрсетуге назар аударды. «Өзім тұратын Америка Құрама Штаттарындағыдай қалалар мен үйлердің көлденең емес, тік болуы мүмкін екендігін ескеретін болсақ, менің ойымша, Pinpoint-тің ақылды құрылыс шешімдері Кореяда өте пайдалы болуы мүмкін», – деді келушілердің бірі.

«Біз нарықтың реакциясын анықтауға ұмтыламыз және CES-ке қатыса отыра, ынтымақтастық мүмкіндіктерін белсенді түрде іздейміз»,- деді Pinpoint бас директоры Джин Хек Ан. — C-Lab құрылымдық қолдауының арқасында, біз тұтынушыларға арналған көптеген өнімдер мен қызметтер бір-бірімен бәсекелесетін жаһандық сахнада, өз шешімдерімізді ұсына алатынымызды мақтан тұтамыз. Біздің басты мықты тараптарымызды көрсету үшін бағалау критерийлерін толық түсіну қиын болды, бірақ C-Lab ұсынған жағдайлық зерттеулер мен деректерді дайындау бойынша нұсқаулықтар біз үшін құнды болып табылады».

▲ Джин Хек Ан, Pinpoint бас директоры

Pinpoint шешімдерді Samsung SmartThings платформасының жетілдірілген корпоративтік нұсқасы SmartThings Pro және b.IoT, Samsung ғимаратты басқарудың біріктірілген шешімімен біріктіру арқылы технологиясын жетілдіреді. CES 2025 көрмесінде әлеммен өз көзқарасымен бөлісе отырып, Pinpoint саладағы алтын стандарт болуға ұмтыла отыра, тұтынушылардың ыңғайлылығына бағытталған кеңістікті жоспарлау мен дизайнды одан ары қарай жетілдіре беруді жалғастыруды жоспарлауда.

Quester: локалды табылған, CES көрмесінде ғаламдық мойындалған C-Lab

▲ Quester қызметкерлері CES көрмесінің алғаш рет бір бөлігі болғандарына қуанышты

C-Lab Samsung сондай-ақ аймақтық стартаптардың дамуына арналған платформа ретінде қызмет етеді.  Сеулдан бөлек, C-Lab Outside Тэгу, Кванджу және Кенбукта (Кенсан-Сан) көрнекті стартаптарға қолдау көрсету және ілгерілету үшін жұмыс атқарады.

2024 жылы Тэгудегі C-Lab Outside арқасында шыққан Quester,  CES 2025 көрмесінде өзінің қол қимылын қадағалауға арналған  инновациялық қолғап технологиясын көрсетті — бұл дебют «Кеңейтілген шындық технологиялары мен құрылғылары» санатында CES Innovation Award сыйлығын алуы арқылы шынымен де ерекше болып танылады.

▲ Қол қимылын қадағалау технологиясымен Quester қолқаптарының қозғалыстар туралы мәліметтерді қалай пайдаланатынын көрсету

Quester қолғаптар технологиясы, әртүрлі қимылдарды орындау үшін, қолыңыздың қалай қозғалатынын дәл анықтау үшін қол қимылын бақылайды. Көбінесе сыртқы факторларға сезімтал қолданыстағы технологиялардың шектеулерін еңсеру үшін Quester «сенсорды біріктіру» деп аталатын әдісті қолданды. Ол бірнеше сенсорларды біріктіру арқылы тұрақты өнімділікті қамтамасыз етеді,  соның ішінде иммерсивті контент, робототехника және қозғалысты түсіру секілді әртүрлі салаларда қолданылады.

Quester CES 2025 көрмесіндегі стендін прототиптер арқылы технологиялық жетістіктері мен даму бағыттарын көрсетуге арнады. Бұл Quester-ке өз технологиясын сынақтан өткізіп қана қоймай, сонымен қатар стартап тұтынушының қажеттіліктерін қанағаттандыру үшін жаңа мүмкіндіктерді зерттеуде пайдалануды жоспарлап отырған, әлеуетті тұтынушылардан қажетті кері байланыс алуға мүмкіндік берді.

▲ Quester бас директоры Чонгву Ли келушіге өзінің стартапы әзірлеген, қол қимылын бақылаудың жоғары тиімді қолғап технологиясы туралы айтып береді

«Қол қозғалысын түсіру технологиясын зерттеген кезде, біз виртуалды эксперименталды контенттен бастадық және соңында біз инновациялық әмбебап шешім әзірлей алдық», – деді Quester бас директоры Чонву Ли. «C-Lab-тың Тэгуден тыс инфрақұрылымының, сондай-ақ әртүрлі кеңес берулер мен кәрістік технологиялық көрмелерге қатысу тәжірибесінің арқасында біз одан әрі өсіп, дами алдық».

CES 2025 көрмесінде Quester әртүрлі салалық мүдделі тараптармен байланыс орнатуға, ынтымақтастық мүмкіндіктерін анықтауға және өнімдерін одан әрі жақсарту үшін кері байланыс алуды мақсат етеді.

GhostPass: C-Lab қолдауымен Корея шекарасынан асып кету

▲ Ghost Pass қызметкерлері (CES 2025 Best of Innovation) үздік инновациялар үшін өздерінің марапаттарымен

Samsung C-Lab түлектеріне қолдау көрсетуді жалғастыруда. Бағдарламаны аяқтағаннан кейін де, бұл стартаптарға Samsung-пен салалық серіктестіктер, инвестициялар және синергия мүмкіндіктері ұтымды. Мұның бәрі олардың әлемдік нарықта бәсекеге қабілетті болуына көмектеседі.

2023 жылы C-Lab Outside-ге құрамына кірген Ghost Pass,  екінші жыл қатарынан C-Lab көрмесінде өзінің биометриялық аутентификация технологиясын паш етуде. Өткен жылы CES көрмесінде Ghost Pass «Ақылды қалалар» санатында CES Innovation Award жүлдесін жеңіп алды, ал осы жылы — «Финтех» санатында үздік инновациялары үшін (Best of Innovation)  марапатты алды.

▲ CES 2025-те «Финтех» санатындағы GhostPass үздік инновация сыйлығы және стартаптың биометриялық аутентификациясын дүкендегі төлемдер үшін қалай пайдалануға болатынын көрсететін бейне

GhostPass биометриялық аутентификациясы қос факторлы аутентификация технологиясымен ерекшеленеді. Бет және көздің нұрлы қабығының деректері сияқты биометриялық ақпарат серверде немесе бөлек құрылғыда емес, тек тұтынушы смартфонында сақталады және қашықтан аутентификацияны қолдайды. Бұл қауіпсіздікті жақсартады және пайдаланушыларға биометрияны тікелей өз құрылғыларында басқаруға мүмкіндік береді. Бұл шешім кәсіпорындарда  серверлік қойма шығындарын азайтуға да көмектесе алады.

Түркі елінен келуші GhostPass биометриялық аутентификация технологиясын сүйсіне отыра сынақтан өткізді

CES 2025 көрмесінде GhostPass келушілер кіре берістен бастап төлемге  дейін биометриялық аутентификацияны қолданатын, сынамалы дүкеннің тұжырымдамасын ұсына отыра, өзінің инновацияларын қаржылық технологиялар секторында қалай қолдануға болатынын көрсетті. Түркі елінен  келген Хусейн Ада технологияны сынап көргеннен кейін:  «Ең таң қалдырғаны – биометриялық деректерді үшінші тұлғалар жинамайды. Бұл көптеген іске асыруларда пайдаға асатын инновациялық шешім», – деді.

GhostPass бас директоры Сонван Ли: «C-Lab бағдарламасының бір бөлігі ретінде,  біз жаһандық көрмелерге қатысуға және бүкіл әлемдегі мүдделі тараптардан құнды пікірлер алуға мүмкіндік алдық», – деді. — Біздің барлық брошюраларымыз таратылып кетті! Биылғы жылы стендіміздің танымалдылығы артты. Осының арқасында CES 2025 көрмесінде жаһандық ынтымақтастық орнатып, нақты нәтижелерге қол жеткіземіз деп үміттенеміз. Көрмеге дайындалуда және технологияларымызды тиімді көрсетуде Samsung-тағы әріптестеріміздің кеңестері өте маңызды болды».

▲ GhostPass Бас директоры Сонгван Ли

GhostPass C-Lab арқылы айтарлықтай инвестиция тартты және C-Lab Outside мүмкіндіктерін байланыстар орнатуға пайдалану және бүкіл әлем бойынша сауда көрмелеріне қатысу арқылы өсуді жалғастыруда. Стартап жеке басын растау, рұқсат берудің қауіпсіздігі және төлемдерді қоса алғанда, әртүрлі салаларда серіктестікті дамытуды, сондай-ақ шетелдегі қызметін кеңейтуді жоспарлап отыр.

▲ CES 2025 көрмесіндегі C-Lab стенді Кореяның белсенді стартаптары туралы көбірек білгісі келетін қонақтарға толы

CES 2025-тегі Club экспозициясы Samsung C-Lab үшін  стартаптардың халықаралық аренаға серпіліс алаңы болды. Бұл жас компаниялар тәжірибе жинақтаған, дамыған сайын, жалпы алғанда кореялық стартап- индустриясы да өсуде. Samsung Electronics және C-Lab үздік стартаптарды іздеуден бастап, оларды жаңа белестерге арттыруға дейін, осы экожүйені дамытуға бейім болып қала бермек.

Samsung Electronics компаниясы 9 қаңтардан 12 қаңтарды қоса алған мерзімде CES® 2024 көрмесінде C-Lab бағдарламасының аясында әзірленген жаңа инновациялық жобаларды ұсынады. Стартаптарға арналған Дүние жүзіндегі ең ірі технологиялар көрмесінде Лас-Вегас қаласының Венециялық көрме орталығының Эврика саябағындағы презентациясы кезінде Samsung компаниясы саны жағынан ең көп – 15 стартап пен бастаманы көрсетеді.

Биыл CES көрмесінде 1000 астам стартап ұсынылады деп күтіледі, олар бүкіл дүние жүзінен 130 000 келушілерді жинайды, соның ішіне бизнес басшылары, инвесторлар және БАҚ өкілдері кіреді. Samsung компаниясы іс-шарада C-Lab стартаптары әлемдік нарықтың реакциясын бағалайды, жүзеге асу мүмкіндіктерін күшейтеді және инвесторлар табады деп болжайды.

«C-Lab бағдарламасының мақсаты – стартаптардың өсіп өнуіне және гүлденуіне арналған платформаны құру» – дейді Samsung Electronics компаниясының Креативтілік пен инновациялар орталығының басшысы және атқарушы вице-президенті ПхильГю Чжон (Pilgyu Jeo). Ол сондай-ақ: «CES — осындай болашағы зор компаниялар мен жобалар үшін керемет оңды орын, себебі мұнда олар ірі технологиялық ойыншыларға әлемдік аренада орнын табуға лайықты екендіктерін көрсете алады» – деп санайды.

C-Lab бағдарламасы 2012 жылы іске қосылды, ол құрылған сәттен бастап Samsung компаниясы тұтас алғанда 872 стартап пен жобаны қолдады. Соның ішінде C-Lab Outside бағдарламасы аясында 475 және C-Lab Inside бағдарламасы аясында 397 қолдады. C-Lab бағдарламасының 537 стартабы жалпы алғанда 1 миллиард доллар инвестицияны тартты.

C–Lab Outside бағдарламасы: жасанды интеллект, энергетика мен денсаулық сақтау саласында 10 стартап

C-Lab Outside бағдарламасы 2018 жылдың қазан айында басталды. Оған қатысуға іріктелген стартаптар толық қолдауға ие болды, соның ішіне кеңсе бөлмелері, жеке даму бағдарламалары және инвестициялар кіреді, сондай-ақ олар Samsung Electronics компаниясымен іскери ынтымақтастықта болу мүмкіндігін иеленеді. Осындай жобалардың бірі – ветеринарлық онлайн-консультациялардың сервисі Dr.Tail (Доктор Тейл), ол Samsung Electronics компаниясының серіктесі болып, өз шешімін Smart TV¹ бар Samsung теледидарларына енгізді және ол CES көрмесінде C-Lab стендтерінде ұсынылатын болады.

Dr.Tail сервисінен бөлек Samsung Electronics компаниясы C-Lab Outside  бағдарламасы іріктеген және қолдаған өзге де тоғыз стартапты ұсынатын болады:

• RebuilderAI: ЖИ көмегімен смартфондарда жылдам және жеңіл 3D-контентті жасауға арналған шешім
• Ghost Pass: биометрия бойынша қашықтан орталықтандырылмаған сәйкестендіруді жасауға арналған шешім
• DEEPX: NPU² негізінде ЖИ функциялары бар жартылай өткізгіш
• Style Bot: пайдаланушының киім-кешегі туралы деректерге негізделген стиль бойынша ұсынымдардың сервисі
• Vsion: мөлдірлігі реттелетін ақылды терезе
• DolbomDream: егде жастағы адамдардың денсаулығын қадағалауға арналған ақылды үрленетін жилет
• 60Hertz: ЖИ негізінде виртуалды электр станциясына арналған шешім
• Wrtn Technologies: генеративті ЖИ-мен жұмыс жасауға арналған портал
• NdotLight: бірге 3D-жобалауға арналған веб-платформа

«Біз Эврика саябағында C-Lab стартаптарының беделді стендінде болуға қуаныштымыз» – дейді Ghost Pass генералды директоры СонКван Ли (Sunkwan Lee). Ол сондай-ақ: «Биыл Samsung C-Lab қолдауының арқасында біз CES Innovation Award жүлдесін жеңіп алдық. Менің ойымша, бұл CES көрмесі біз үшін әлемдік деңгейге шығуға бір қадам жақын болуымызға тамаша мүмкіндік бергенін көрсетеді» – деп атап өтті.

C–Lab Inside бағдарламасының екі жобасы және Samsung компаниясында туған C–Lab Spin–off бағдарламасының үш стартабы

Samsung компаниясы 2016 жылдан бастап CES көрмесінде C-Lab Inside бағдарламасының жобалары туралы баяндайды және биыл онда қазір компанияның қызметкерлері әзірлеп жатқан екі жоба ұсынылатын болады. Олар денсаулық сақтау және жануарларға арналған технологиялар салаларына жатады, өзінің инновациялары, нарықта сұраныста болуы және әзірлену толықтығы үшін жоғары бағаға ие болды:

• EARS: құлапқаптар сезетін ми толқындарын талдайтын медициналық платформа
• DumboCam: Vision AI жасанды интеллектін пайдаланатын үй жануарларын оқытуға арналған платформа

2016 жылы Samsung Electronics компаниясы өзінің C-Lab Spin-off атты бағдарламасын ұсынды, ол жоғары коммерциялық әлеуеті бар C-Lab Inside жобаларына толық қанды стартаптар ретінде іске асуға мүмкіндік береді. CES 2024 көрмесінде C-Lab Spin-off бағдарламасының үш стартабы ұсынылған, олар C-Lab Inside жобалары ретінде басталған болатын, қазір C-Lab стендтерінде инновациялық өнімдер ретінде көрсетіліп жатыр:

• Yellosis: ЖИ пайдаланумен ақылды унитаздар мен медициналық шешімдер
• Becon: ЖИ негізінде шаштың түсуімен күресуге арналған шешімдер
• Goose Labs: нақты уақыт режімінде қозғалысты есептейтін метағалам мен аватарлар технологиясы бар үй жаттығуларына арналған қосымша

C–Lab стартаптары CES 2024 Innovation Awards 23 жүлдесін жеңіп алды

2023 жылдың қарашасында Тұтынушылық технологиялар қауымдастығы (Consumer Technology Association, CTA) CES 2024 Innovation Awards премиясының жеңімпаздарын жариялады, соның ішінде ең үздік инновациялар (Best of Innovation) жүлдесі де болды. C-Lab бағдарламасының бір жобасы үздік инновациялар үшін жүлдені (Best of Innovation Award) жеңіп алды, ал 22 премияның лауреаттары атанды.

Samsung компаниясы C-Lab стартаптарының авторларымен өзінің CES Innovation Awards жүлделерін жеңіп алу және әлемдік нарыққа шығу тәжірибесімен бөліседі, бұл оларға табысқа жетуге мүмкіндік береді. C-Lab Outside бағдарламасының 16 стартабы CES 2024 аясында Innovation Award премиясының лауреаттары атанды. C-Lab Spin-off бағдарламасының бастамаларының біреуі үздік инновациялар үшін жүлдені алды, ал төртеуі Innovation Award премиясының лауреаттары атанды.

Атап айтқанда, CES Innovation Award жүлдесін 2021 жылы іске қосылған STUDIO LAB стартабы жеңіп алды. Компанияның өнімдеріне Seller Canvas (Селлер Кэнвес), ЖИ негізінде электронды коммерцияға арналған беттерді автоматтандыру сервисі, роботтехникасы және ЖИ технологияларын өзінде үйлестіретін автоматтарылған коммерциялық фото түсіруге арналған Photo-bot (Фото-бот) кіреді. 

Yellosis және DEEPX — C-Lab стендтерінде ұсынылған екі стартап үш санатта Innovation Award жүлделерін жеңіп алды. 2020 жылы іске қосылған сандық денсаулық сақтау саласындағы Yellosis стартабы Cym702 Seat ақылды унитазын ойлап тапты, ол ағзаның тіршілік ету қызметінің сұйық қалдықтарын талдай отырып, денсаулықты күтуге арналған шешімдерді ұсынады. Компания сондай-ақ Cym702 Circle ақылды унитазын әзірлеп шықты, ол қоғамдық дәретханаларда ағзаның сұйық тіршілік ету қалдықтарындағы глюкозаның мөлшерін есептейді. Yellosis стартабы «Сандық денсаулық сақтау», «Ақылды қала», «Адамның қауіпсіздігін қамтамасыз ететін өнім» санаттарында Innovation Award жүлделерін жеңіп алды.

2018 жылы DEEPX стартабының негізі қаланды, ол терең оқыту негізінде нысандарды тану, бет пен дауысты тану, кескіндерді сұрыптау және кескін сапасын жақсарту сияқты ЖИ алгоритмдерін есептеп өңдеуге арналған жасанды интеллект функцияларымен жасақталған алдыңғы қатарлы чиптерді әзірлейді. DEEPX — “Кіріктірілген технологиялар”, “Роботтехникасы” және “Компьютерлік жабдықтар мен компоненттер” атты үш санатта CES Innovation Awards жүлдесін жеңіп алған және жасанды интеллектпен жұмыс жасайтын тұңғыш жартылай өткізгіш әзірлеуші компания.

¹ Сервис АҚШ-та Smart TV бар Samsung теледидарларында 2024 жылы қол жетімді болады.

² Нейронды процессор (neural processing unit, NPU) — бұл жасанды интеллекттің жұмысын қолдауға және бір уақытта бірнеше операцияларды орындауға арналған микропроцессор.