Samsung компаниясының стендінде келушілер компания ресурстардың тиімді пайдалануына қалай септігін тигізетіндігі, сондай-ақ қалай серіктестік қарым-қатынастарды құратындығы, сондай-ақ өз өнімдерінде әр түрлі арнайы мүмкіндіктерді ұсынатындығы туралы білді.

▲ CES 2024 көрмесінде Samsung компаниясының павильонындағы «Тұрақты даму» аймағы

Тұрақты болашаққа жол

2022 жылы Samsung компаниясы климаттың өзгерісімен күресуге және ресурстарды одан да тиімді пайдалануға бағытталған өзінің экологиялық стратегиясын ұсынды. Осы стратегиясының шеңберінде Samsung тұрақты даму облысында мақсаттарды белгіледі, компания келесі жиырма жылда қойылған мақсаттарға жетуге бел буды. Осының бастамасы 2050 жылға қарай бүкіл компания ауқымында көмірқышқыл газының шығыстарын нөлдік деңгейге жеткізу бойынша стратегиясынан басталады.

▲ «Тұрақты даму» аймағы климаттың өзгерісімен күресу және ресурстарды тиімді пайдалану облысындағы Samsung компаниясының мақсаттарын көрнекті айқындады.

Келушілер Samsung компаниясы, компанияның инновациялары мысалында, жабық циклді экономиканы қалай дамытып жатқандығы туралы мұқият сипаттауларды көрді, олар экологиялық аспектілерді есепке алады, соның ішіне қайта өңдеу материалдары немесе өнімге жаңа өмір сыйлау кіреді.

▲ «Тұрақты даму» аймағы климаттың өзгерісімен күресу және ресурстарды тиімді пайдалану облысындағы Samsung компаниясының мақсаттарын көрнекті айқындады.

«Тұрақты даму» аймағында Samsung компаниясының Циркулярлық экономика зертханасында (Circular Economy Lab) әзірленген АБС-пластик пен полипропилен (r-ABS және r-PP) қолданумен жасалған қабырғалар ұсынылды. АБС-пластик Samsung компаниясының өнімдерін қаптауда пайдаланылатын қайта өндірілген пенополистиролдан жасалады, ал полипропилен тұрмыстық тауарларды өндіру кезінде пайда болатын әр түрлі жанама өнімдерді қайта өңдеу жолымен даярланады.

▲ АБС-пластикті және полипропиленді пайдаланумен жасалған қабырғаның бірінші нұсқасы IFA 2023 көрмесінде көрсетілді

▲ Жабық цикл экономикасына арналған интерактивті семинар.

Жабық цикл экономикасына арналған семинар аудиторияны Galaxy Book4 ноутбугінің, Neo QLED 8K теледидарының және Bespoke AI кір жуғыш машинасының толық өндірісінің үрдісімен жақынырақ таныстырды. Келушілердің біреуі: «Тұрақты даму принциптері өнімнің әрбір өмірлік кезеңінде қалай жүзеге асырылғаны туралы көру өте қызық болды» – деді.

SmartThings Energy — енді бұрыңғыдан да ақылдырақ

Samsung компаниясы SmartThings Energy сервисінің бұрыңғыдан да жетілдірілген нұсқасын ұсынды. AI Energy Mode электр қуатын үнемдеудің зияткерлік режімі арқасында пайдаланушылар электр қуатын тұтынуды кешенді басқара алады, электр қуаты үшін төленетін шоттарды қысқарта алады, сондай-ақ атмосфераға көмірқышқыл газының шығысын төмендете алады.

▲ Келушілер Samsung SmartThings Energy энергетикалық шешімінің функциялары туралы білді.

▲ Келушілер жақында жарияланған Samsung компаниясының Tesla компаниясымен ынтымақтастығы туралы жаңалықтарды қызығушылықпен күтті.

Энергетикалық тәуелсіз үй (Net Zero Home) концепциясын жүзеге асыру шеңберінде Samsung компаниясы электркөліктерді өндіруші Tesla компаниясымен өз ынтымақтастығын жақында кеңейтті. Көрмелік аймақта Powerwall 3 үй аккумуляторы ұсынылды, күн сәулесінің инверторы және электркөліктерді қуаттауға арналған қабырғалық шешім ұсынылды, енді олардың барлығы SmartThings Energy экожүйесіне интеграцияланған. Осыдан өзге, келушілер Tesla қосымшасындағы Storm Watch қызметінің хабарландырулары Samsung теледидарларында пайда болғанын тамашалады.

Баршаға көбірек мүмкіндіктер

▲ Келушілер жақында жарияланған Samsung компаниясының Tesla компаниясымен ынтымақтастығы туралы жаңалықтарды қызығушылықпен күтті.

Келушілерге басты функциялардың саны азайтылған және смартфон арқылы SmartThings  қосымшасының көмегімен теледидарды басқаруға мүмкіндік беретін жетілдірілген дизайнға ие қашытықтан басқару пультінің жаңа интерфейсі ұсынылды. Басқа арнайы мүмкіндіктердің арасында – Galaxy құрылғыларында синхронды аударманы қамтамасыз ететін қоңырау кезіндегі автоматты субтитрлер және экрандағы субтитрлерді автоматты түрде танитын субтитрлерді дауыстап оқу функциясы, бұл, әсіресе, шетелдік контентті қарағанда пайдалы.

Экологиялық мәселерді шешуде стартаптармен бірлескен жұмысы

Көрмеде Samsung компаниясының болашақ технологияларды әзірлеу арқылы қоғамға пайда әкелуге ұмтылатын стартаптармен ашық ынтымақтастығы туралы жарияланды.

▲ «Тұрақты даму» аймағы компанияның стартаптармен ашық ынтымақтастығын көрсетті.

Samsung компаниясы C-Lab Outside атты компаниядан тыс стартаптарға көмек көрсететін бағдарламасы арқылы экологиялық мәселерді шешудегі инновациялық стартаптарды қолдайды. Осыдан басқа, Samsung компаниясы Extreme Tech Challenge (XTC) сияқты ұйымдармен ынтымақтастықта жұмыс жасайды, бұл ұйым – жаһандық мәселерді шешетін кәсіпкерлер үшін стартаптар мен экожүйелердің жаһандық байқауы.

Ресурстарды тиімді пайдаланудың қажеттілігін түсіне отыра Samsung компаниясы технологиялық қауымдастықты бақытты болашақты құруға және белсенді әрекеттер жасауға шабыттандыруға үміттенеді. Төмендегі бейнебаяннан бұл туралы көбірек біліңіз.

MICRO LED мөлдір дисплейі 9 қаңтардан 12 қаңтарды қоса алған мерзімде Лас-Вегас қаласында өткен Consumer Electronics Show (CES) 2024 тұтынушылық электроника мен ақпараттық технологиялардың ең ірі көрмесінің қарсаңында алғашқы рет 7 қаңтарда (жергілікті уақыт бойынша) Samsung First Look 2024 стендінде ұсынылды.

MICRO LED жаңа модульді дисплейі алты жылдық зерттеулер мен әзірлемелердің негізіндегі айрықша кәсіби деңгейдің нәтижесіне айналды. Ол келгендерді өзінің болашаққа апарар дизайнымен тамсандырды. Әйнектей таза шыныға ұқсас дисплей кескіндер технологиялары саласында революцияны жасады және бүкіл дүние жүзінен пайдаланушылардың назарына ілікті.

MICRO LED мөлдір дисплейі төмендегі бейнебаянда спорттан киноға дейінгі кез келген контентті қарауды одан әрі жарқын және жан еліктірерлік етеді.

CES® 2024 көрмесінде Samsung Electronics компаниясы интерьерлік шешімдерінің, Neo QLED, OLED теледидарларының, MICRO LED дисплейлерінің соңғы моделдерін жариялады. Сонымен қатар, компания ақылды дисплейлердың мүмкіндіктері туралы көзқарасты біржола өзгерте алатын жаңа ұрпақтың АІ процессорын ұсынды. Жақсартылған дыбыс пен кескін сапасынан бөлек жаңа модельдер АІ негізіндегі шешімдердің және Samsung Knox арқылы пайдаланушы деректерінің қауіпсіздігін қамтамасыз ететін мүмкіндіктердің арқасында пайдаланушылардың өмір салтын өзгерте алатын функцияларды ұсынды.

«Біз өмір сүріп жатқан пайдаланушылық белсенділік дәуірінде кескіннің жоғары деңгейдегі сапасын беру жеткіліксіз. Дисплейлер біздің өмірімізді оларды қарау кезінде ғана ыңғайлы етпей, одан да асатын артықшылықты беру керек» – дейді Samsung Electronics компаниясының дисплейлік шешімдер бөлімшесінің жетекшісі және президенті Сокву Ён (Seokwoo Yong). Ол сондай-ақ: «енгізілген АІ технологиясы негізінде жұмыс жасайтын Samsung экрандары барлық ақылды құрылғыларды байланыстырып ақылды үйдің ортасы болуы үшін және пайдаланушыларға олардың өмір салтына сәйкес келетін әр түрлі сценарийлерді ұсыну үшін жасалған» – деді.

АІ кеңейтілген қолданысы Neo QLED 8K кескін сапасын жақсартады

Samsung Neo QLED 8K және Neo QLED 4K соңғы модельдері заманауи теледидарда болуы тиіс барлық мүмкіндіктерді: шынайы кескінді, сапалы дыбысты және қосымшалар мен сервистердің кең таңдауын ұсынады. Neo QLED 8K 2024 теледидары алдыңғы модельге қарағанда екі есе жылдам нейронды процессордың –  NQ8 AI Gen3 теледидарға арналған инновациялық процессоры негізінде жұмыс жасайды. Қолданылатын нейрожелілердің саны сегіз есе өсті: 64-тен 512-ге дейін, бұл кескінді масштабтау кезінде детализациясын едәуір жақсартуға мүмкіндік берді. Осы жетілдірілген чиптің арқасында 2024 жылдың желісінің өнімділігі бұрын болмаған деңгейге жетті.

Жаңартылған дизайннан бөлек Neo QLED жаңа модельдері кескіннің сапасын арттыратын келесідей жаңа функцияларды иеленді:

• 8K AI Upscaling Pro¹ функциясы: жасанды интеллекттің көмегімен төменгі шешімдегі контентті 8К дейін масштабтау үшін NQ8 AI Gen3 процессорының мүмкіндіктерін пайдаланады.
• AI Motion Enhancer Pro функциясы: спорттық контентті қарау кезінде пайда болатын кең кездесетін проблемаларды жояды, мысалы, футбол добын дұрыс көрсетпеген кезде мықты нейронды NQ8 AI Gen3 процессорын қолдана отырып, жоғары кескіндегі² трансляцияларды жүзеге асырады. Ол автоматты түрде экранда қандай спорт түрі көрсетіліп жатқандығын анықтайды және терең оқыту көмегімен доп қозғалысын бақылаудың қажетті моделін пайдаланады.
• Real Depth Enhancer Pro функциясы: жасанды интеллектті мини-жарық диодтарын дәл басқару үшін қолдана отырып, динамикалық сценаларды көрсету кезінде детализацияны күшейтеді. Ол адам көзі табиғи жолмен шоғырланатын сценаның бөліктерін алдыңғы жаққа шығарады. Осының есебінен кескін одан да шынайы және көлемді бола түседі.
• Infinity Air дизайны: кинематографиялық дыбыспен жоғары шешімдегі контентті қарауға толық сіңгуді қамтамасыз ете отырып, қалыңдығы 12,9 мм³ болатын иммерсивті әсерді қосымша күшейтеді. Орталық стендте орнатылған кезде бірегей айна сияқты әсердің пайда болуын атап өту керек, осының арқасында теледидар ауада жүзіп тұрғандай әсер қалдырады.

Neo QLED 8K дыбысының мінсіз сапасы кескіннен кем болмайды:

• 2024 жылдың Q-Symphony технологиясы: сериалдардың, фильмдердің және музыкалық плейлисттердің дыбысын шығарған кезде дыбыстың мінсіз синхронизациясын қамтамасыз ете отырып, теледидарға немесе проекторға бірнеше сымсыз колонканы және саунбарды қосуға мүмкіндік береді.
• Active Voice Amplifier Pro технологиясы:  АІ көмегімен диалогтардың дыбысын жақсартудың бұл технологиясы экрандағы дауыстарды күшейту және диалогтарды нақтылауды арттыру үшін терең оқытуды пайдаланады. Ол дауыстарды бірыңғай дыбыс жолынан бөледі және оларды күшейтеді, осының арқасында көрермендер кез келген дыбыс деңгейінде әңгімелесудің барысын оңай қадағалай алады.

2024 жылдың Tizen OS  нұсқасы үй теледидарымен әрекет етудің тәжірибесін жетілдіреді

2024 жылдың Tizen операциялық жүйесі контентті алдыңғы жаққа шығарады. Ол ақылды теледидарда пайдаланылатын бейінге байланысты контент пен сервистердің жекеленген таңдамасын ұсынады. Енді Samsung ақылды теледидарын иеленген пайдаланушылар өз бейінін жасап, тұтас алғанда теледидармен өзара әрекеттесудің бірегей тәжірибесін және дербестендірілген ұсынымдарды ала алады.

Samsung экожүйесі арқасында қосылудың кең мүмкіндіктері

Samsung теледидары үйдің орталық элементіне айналады, ол күнделікті өмірде құрылғыларды тігіссіз қосылудың инновациялық мүмкіндіктерін ұсынады. 2024 жылы Samsung компаниясы өзінің Samsung Daily+ хабын едәуір жаңартуды жоспарлап отыр.⁴  Ол бірыңғай интерфейс арқылы жеке жаттығулардан және телемедицинадан бастап бейнеқоңыраулар мен ЖК алыстан басқаруға дейінгі сервистер мен функциялардың кең спектіріне қол жеткізуге мүмкіндік береді.

Жаңа функцияларға мыналар кіреді:

• Workout Tracker сервисі: бұл тегін сервис Samsung теледидарларындағы контенттің үстінен нақты уақыт режимінде жаттығуларды орындаудың барысында жиналатын деректерді көрсетеді⁵. Осылайша үйдегі жаттығулар одан әрі қызықты және ақпаратты болады.
• TechnoGym сервисі: TechnoGym-нан жетекші әлемдік жаттықтырушылардың wellness-техникалары және қосымшалары бар бейнебаяндардың көмегімен үйдегі жаттығулардың тиімділігін арттырады.
• F45 сервисі:енді арнайы бейнебаяндар және челлендждер көмегімен пайдаланушылар өздерінің қонақ үйінде болып, F45 атақты жоғары қарқынды интервалды жаттығуларға қатыса алатын болады.
• FlexIt сервисі: фитнес және салауатты өмір салты саласының кәсіби мамандарымен тікелей эфирдегі жеке сессиялар
• Tail сервисі: үйден шықпай, нақты уақыт режімінде мал дәрігерінің бейнеконсультацияларын қараудың мүмкіндігін ұсынады. Dr.Tail сервисі жануарларға күтім көрсетудің жай кеңестерінен бастап кәсіби кеңестерге дейінгі мәселелердің кең ауқымын нақтылауға көмектеседі. Пайдаланушылар мал дәрігерлерімен кез келген сәтте байланыса алады.
• Multi Control функциясы: бірден барлық экрандарды, соның ішінде Bluetooth-пернетақтасы немесе тышқан көмегімен теледидарлардың, смартфондардың және мониторлардың экрандарын қоса басқарудың мүмкіндігі арқасында үйден одан да тиімді жұмыс жасауға мүмкіндік береді. Пайдаланушыларға бір уақытта әр түрлі құрылғыларда көшіру мен енгізу, құжаттарды оқу және т.б. функциялары арқасында жұмыс жасаудың жаңа тәсілдерін ашуға мүмкіндік беріледі.

2024 жылдың Samsung теледидарларының модельдері сондай-ақ бірыңғай экожүйесінің ішінде әр түрлі құрылғылармен кеңейтілген бірге жұмыс жасау үйлесімділігіне ие болады. Бұл теледидарлардың мен смартфондардың немесе тағылатын құрылғылардың интеграциясы кезінде кастомизацияның, қол жетімділіктің және ыңғайлылықтың одан әрі жоғары деңгейін қамтамасыз етеді.

• Mobile Smart Connect функциясы: SmartThings Mobile плагинінің көмегімен барлық жаңа қосымшаларды және сервистерді жеңіл басқаруға мүмкіндік береді, ол смартфонды экрандарға арналған көп функционалды АБ пультіне айналдырады. Қосымша түсінік қалқымалы интерфейстің және реттелетін пайдаланушылық интерфейстің есебінен ыңғайлылықты және арттырылған қол жетімділікті қамтамасыз етеді.
• 360 Audio функциясы: бұл – бұрын тек Galaxy құрылғыларында жұмыс жасаған аудиофункция, ол енді Samsung теледидарларында да қол жетімді. Samsung Galaxy Buds-ты фильмдерді және сериалдарды қарау, сондай-ақ ойындарды ойнау кезінде кеңістікті дыбысты құру үшін енді теледидарға қосуға болады, бұл пайдаланушыны визуалды контентке және геймплейге шынайы енгізеді.
• Vibrary визуалды кітапханасы: енді кез келген суретшілердің өнерлерін теледидардың үлкен экранында жоғары сапада тамашалауға болады. Ambient Mode режимінде пайдаланушылар әрбір күнін сүйікті суретшісімен бірге бастай алады. Олар сондай-ақ контенттің тігіссіз тасымалын қамтамасыз ететін Casting функциясының арқасында теледидарда ұялы құрылғыдан музыканы тыңдап, фотосуреттерді көре алады.

Теледидарлардың соңғы модельдерінде сондай-ақ пайдаланушылардың бұрыңғыдан да кең ауқымы үшін Samsung Neo QLED  теледидарында сүйікті контентке қол жеткізуге бағытталған кеңейтілген арнайы мүмкіндіктер қол жетімді.

• Audio Subtitle функциясы: мәтінді тану технологиясы және АІ көмегімен нақты уақыт режімінде субтитрлерді дауыстап оқитын теледидарға ендірілген әлемдегі тұңғыш функция.
• Remote for Barrier Free қосымшасы: көру, есту қабілеті нашар және физикалық дамуында бұзылыстары бар жандарға теледидарды смартфонның көмегімен ыңғайлы басқаруға мүмкіндік беру үшін жасалған қосымша. Ол реттеу үшін кең мүмкіндіктерді және пернелердің интуитивті түсінікті орналасуы, бұрыңғыдан да жарқын түстер мен тактильді жауап қайту, сондай-ақ теледидарға смартфоннан жеңілдетілген қол жетімділік үшін дауыстық кеңестер сияқты пайдаланушылық интерфейстің жақсартылған функцияларын ұсынады.
• Relumino Together режімі: Relumino – көзі нашар көретін жандар үшін олардың сүйікті сериалдарын, фильмдерін қосымша құрылғыларды қолданбай көруге, ойындарын ойнауға мүмкіндік беретін режім. Бұл функция жасанды интеллект технологиясының көмегімен адамдар мен нысандарды бұрыңғыдан да нақты көруге мүмкіндік береді, ол нақты уақыт режімінде элементтердің экрандағы пішінін белгілейді, түстерді реттейді. Жаңа режім бір уақытта екі әрекетті орындайды: бірінші экранда бейне стандартты көру режімінде және көзі нашар көретін адамдар теледидарды отбасы мүшелерімен бірге көру үшін екінші экранда бейне Relumino режімінде көрсетеді.

MICRO LED: дисплей технологияларының шекараларын кеңейтеді

Samsung компаниясы CES® 2024 көрмесінде MICRO LED мөлдір дисплейін ұсынып, бүкіл әлемге экрандардың мүмкіндіктері шын жүзінде шексіз екендігін көрсетті. Мөлдір әйнекке ұқсайтын фрагмент жоғары технологиялық үрдісті қолданумен өндірілген және микроскопты MICRO LED жарық диодтарымен жасақталған, бұл тігістерді алып тастауға және жарықты бұруға мүмкіндік берді. Осының арқасында MICRO LED мөлдір дисплейі әйнектей таза, айқын кескінді береді және оны үйде де, коммерциялық кеңістіктерде де қолдануға болады.

MICRO LED – бұл шын мәнінде инновациялық дисплей технологиясы, ол кез келген кеңістікте бейімделетін, экрандардың пішінін, өлшемін және жақтарының қатынастарын реттеуге мүмкіндік беретін модульдік құрылымға ие. Samsung компаниясының жартылай өткізгіштерді зерттеу мен әзірлеуге жұмсаған жылдары таңқаларлықтай тиімді өндірістік үрдістің құрылуына алып келді. Ол MICRO LED жарық диодтарын тікелей әйнекке орналастыруға мүмкіндік берді, бұл пайдаланушылар дәстүрлі экрандарда кездестіретін жарықтың жоғалуынан қорғайды.

OLED-теледидарларының кеңейтілген желісі қажеттіліктердің кең ауқымын қанағаттандыруға мүмкіндік береді

2024 жылдың Samsung OLED-теледидарларының модельдері өткен жылдың желісін толықтырады. S95D сериясы 77 дюймді ең үлкен экранды иеленеді, ол алдыңғы жылдың желісіне қарағанда 20%-ға жарық келеді. Осыдан басқа, қара түстің реңктері одан да терең және қанық болады, ал АІ көмегімен күшейтілген түстерді берудің дәлдігі Validated от Pantone сертификатымен расталған. Сонымен қатар, Samsung компаниясы S90D және S85D модельдерін 42 бастап 83 дюймге дейінгі мөлшерде ұсынды.⁶

2024 жылдың S95D сериясындағы OLED-экрандар үшін арнайы жасалған OLED Glare Free⁷ жаңа шағылысқа қарсы технологиясы түстерді берудің дәлдігін сақтайды және шағылыстардың санын төмендетеді. OLED-теледидарларының жаңа сериясында кескін тіпті күн сәулесі кезінде де нақты болып қалады. Шағылысты бойына сіңіретін жабын арнайы OLED-экрандар үшін бейімделген, осының арқасында дисплейдің жарқындығы мен оның шағылысатын қабілеті арасында теңгерілім қамтамасыз етіледі.

S95D моделі көрермендерді ақ түстің мінсіз реңктерімен, қара түстің терең реңктерімен және нақты түс берудің қабілетімен тартады, олар бейненің сапасын арттырудың алдыңғы қатарлы патенттелген технологияларымен қамтамасыз етеді. Спорт фанаттары мен геймерлер кадрлардың бірқалыпты ауысуын және әйнектей таза кескінін жоғары бағалайды, себебі қазіргі сәтте бұл – Samsung компаниясы өндіріп шыққан ең жарқын, сондай-ақ 144 Гц-ке дейінгі кадрларды жаңартудың ең жоғарғы жиелігін иемденген OLED-экран.

Жаңа интерьерлік шешімдер өміріңізді жарқын етеді

Samsung интерьерлік құрылғылардың желісін кеңейтеді, сөйтіп өзінің «Экрандар әр жерде, экрандар баршаға» концепциясына бұлжымас сенімділігін растайды. Жаңа өнімдер кастомизацияның және дербестенудің келесі кеңейтілген мүмкіндіктерін иеленеді:

• The Frame: қазіргі уақытта ең жақсы сатылатын интерьерлік теледидар болып табылады және биыл өнермен өзара әрекеттесудің тәжірибесін жақсартуға мүмкіндік беретін жаңа шешімдерді ұсынады. «Өнер туындысы дүкені» дүние жүзіне танымал мұражайлардан және галериялардан алынған 2500 өнер туындысына дейін кеңейтілді, ал өнер туындыларын трансляциялаудың жаңа функциясы барлық пайдаланушыларға жаңа таңдаулы өнер туындыларына ай сайын тегін қаруға, осылайша осы бай коллекциямен танысуға мүмкіндік береді. Бұдан басқа, 2024 жылдың The Frame моделі «Сурет» режімінде кадрлардың жаңартылу жиілігін реттеу мүмкіндігі⁸ арқасында электр қуатының шығысын 10% төмендетуге көмектеседі.
• The Premiere 8K проекторы: бұл – кеңістікті кабельдермен ауырлатпай, оны интерьерге жеңіл енгізуге мүмкіндік беретін сымсыз қосылуы бар әлемдегі тұңғыш проектор. Бұл инновациялық проекторды смарт-функциялар, дыбыстың жоғары сапада шығуы және бір экранның бетінде бір уақытта әр түрлі контентпен төрт терезеге дейін ашу мүмкіндігі толықтырады. Бұдан басқа, ол патенттелген Samsung Sound-on-Screen технологиясымен жасақталған, ол кескіннің өзінен шығатын дыбыстың әсерін қамтамасыз ету үшін бағдарламалық алгоритмдерді және жоғарғы динамикті пайдаланады.
• Екінші ұрпақ The Freestyle проекторы: бұл – Smart Edge Blending технологиясын пайдаланатын портативті проектордың жаңартылған нұсқасы, ол кескін мен бейнені бір үлкен экранда ойнату үшін The Freestyle екі проекторынан алынған бейнені біртекті біріктіруге мүмкіндік береді. Осының арқасында екі құрылғы қандай да бір сырттан қолмен араласусыз жақтарының 21:9 қатынасымен өлшемі 160 дюймді кескінді көрсете алады.

Жаңартылған саунбарларда жан еліктірерлік дыбыс

Үйде ойын-сауық көңіл көтеруге арналған шешімдердің сұрыпталымы 2024 жылы саунбарлардың желісімен толықты: жаңартылған модельдер алдыңғы қатарлы AI алгоритмдерінің арқасында бұрыңғыдан да жан еліктірерлік дыбыс шығарады.

• Music Frame интерьерлік аудиожүйесі: бұл 2024 жылдың аудиодағы инновациясы. Music Frame бөлек сымсыз колонка ретінде де, одан әрі көлемді дыбыс шығаруды және бастарды күшейту үшін Q-Symphony технологиясы арқылы Samsung теледидарымен және саунбарымен бірлестікте жұмыс жасай алады. Оның дизайны фотосуреттерге арналған заманауи жиектемеге ұқсайды, осының арқасында ол көзге қатты көрінбей, кез келген кеңістікті үйлесімді толықтырады. Music Frame аудиожүйесі SmartThings сервисімен үйлесе алады және Samsung теледидарларына және саунбарларына қосылған кезде көлемді дыбыс жүйесінің элементіне айналады.
• HW-Q990D саунбары: флагмандық саунбар озық 11.1.4-арналы дыбысты иеленеді, Dolby Atmos форматын және жаңартылу жиілігі 120 Гц болатын және 4К шешімі бар бейнесигналдарды табыстау қолдайды. Әр түрлі контенттің мінсіз дыбысталуы AI қолданумен дыбысты оңтайландыру және талдау технологияларының көмегімен қол жеткізіледі.
• HW-S800D саунбары: бұл кез келген кеңістікті ұқыпты толықтыратын қалыңдығы 39 мм болатын ультра жұқа саунбар, ол осы ретте қанық және жан еліктірерлік дыбысталуды сақтайды. S800D моделі классикалық саунбарлардан үш есе кіші болатын жұқа өлшеміне қарамастан, 10 динамикке ие, соның ішінде жоғары бағытталған арнайы динамиктермен және дауысты шыныдай таза шығару үшін орталық арнамен жасақталған. Пассивті сәулеленуі бар кішігірім сабвуфер саундбардың дыбысын бұрмаламай терең бастармен толықтырады.

2024 жылдың Samsung теледидарларының және құрылғыларының желісі өз бойында алдыңғы қатарлы технологияларды және бірегей дизайнды үйлестіреді, осылайша құрылғылармен өзара әрекеттесу туралы дәстүрлі түсінікті өзгертетін жан еліктірерлік пайдаланушылық тәжірибені алу үшін барлық жағдайларды жасайды.

¹ Тек QN900D моделінде қол жетімді. Басқа модельдерде 8K AI Upscaling функциясы қол жетімді.

² Кескіннің детализациясы контенттің типіне және форматына байланысты әр түрлі болуы мүмкін. ЖК-ға қосылғанда және ойын режімінде масштабты үлкейту қолданылмауы мүмкін.

³ 12,9 мм тереңдігі тек 65” QN900D қатысты.

⁴ Samsung Daily+ DU7000↑ қол жетімді болады және бүкіл әлем бойынша таратылады.

⁵ Workout Tracker Galaxy Watch 4 және одан кейінгі смарт-сағаттармен, YouTube контентімен және телебағдарламалармен бірлесе алады. Бөгде өндірушілердің әр түрлі құрылғыларымен бірлесуі кейін 2024 жылы пайда болады.

⁶ OLED модельдерінің мөлшерлері мен қол жетімділігі елге байланысты әр түрлі болуы мүмкін.

⁷ Тұтынушылардың құқықтарын қорғау бойынша халықаралық ұйым белгілеген Unified Glare Rating (UGR) тестілеу стандартына сәйкес өнімдерді бағалай отырып, UL тексеру “шағылыссыз OLED” бекітілген жазбасын растайды.

⁸ Бұл функция 55” және одан жоғары дисплейлерге қатысты.

Стендтің басты тақырыбы «Баршаға арналған ЖИ: жасанды интеллект дәуірінде қосылу мүмкіндіктері» деп аталады, ол компанияның жетекші инновацияларға және өмір сапасын жақсарту бойынша стратегиялық жұмысқа тартымдылығын бейнелейді. Samsung компаниясының жасанды интеллект саласындағы көзқарасы адамның өмірін үйде, жұмыста және басқа да кез келген жерде жақсартуға бағытталған, ол күнделікті өмірдің барлық аспектісін қамтиды.

▲ CES ашылған күні Samsung стенді

Төменде сіз CES 2024 көрмесіндегі Samsung компаниясының стендінде орналасқан бес бірегей аймақтар туралы толығырақ біле аласыз, онда келушілер алдыңғы қатарлы технологиялармен өзара әрекеттесуі нәтижесінде жаңа әсерлерді ала алды.

▲Samsung компаниясы өзінің инновацияларын CES 2024 стендінде көрсетті, ол келесі бес аймаққа бөлінді: «Тұрақты даму», SmartThings, «Экрандар», «Үй» және «Ұялы құрылғылар».

▲ Көрменің келушілері The Wall атты MICRO LED ең ірі дисплейдің алдында, кіреберістің қасында, компанияның ЖИ қатысты жаңа көзқарасы туралы білу үшін жиналды.

«Тұрақты даму» аймағы: бұрыңғыдан да экологияға жағымды өмір сүру салтын ұстанудың тәсілі

Біз стендтен өте бере бірден «Тұрақты даму» аймағына түсеміз, мұнда Samsung компаниясының қоршаған ортаны қорғау жөніндегі стратегиясы, оның ресурстарды тиімді пайдаланудың амалы және өнімдерінің арнайы мүмкіндіктері туралы ақпарат алуға болады. Осы аймақтың бір қабырғасы қайта өңделген материалдардан жасалған, бұл экологияны күтіп қарауда компанияның даму бағытын қалай анықтайтынын көрсетеді. Осыдан басқа, сіз мұнда компанияның экологиялық проблемаларды шешуге бағытталған стартаптармен, SmartThings Energy-мен, экологияға жағымды өмір салтын ұстануға көмектесетін үйдің электр қуатын тұтынуын басқаратын сервиспен серіктестігі туралы біле аласыз.

▲ «Тұрақты даму» аймағы.

▲ Samsung компаниясының жабық цикл экономикасына арналған секцияда тұрақты даму саласындағы іс-әрекеттері

SmartThings аймағы: күнделікті өмірді жеңіл етудің мүмкіндіктері

SmartThings аймағында Samsung компаниясының үйге арналған тұрақты түрде кеңейетін экожүйесі ұсынылған. Қазір оған SmartThings экожүйесімен бірге үйлесе алатын 48 серіктес компанияның 196 құрылғысы мен өнімі кіреді. Аймақтың аумағында үйдің әр түрлі бөлмелерінде орындауға болатын тапсырмалардың сценарийлері жүзеге асырылған, олар SmartThings экожүйесі өмірді қалай жақсарта алатындығын көрсетеді. Келушілер интерактивтіліктен өзге, британдық блогер Оли Патерсонның (Oli Paterson) кулинарлық шоуына қатыса алды.

▲ SmartThings аймағы.

▲ (Солдан оңға қарай) Келушілер ойындарға сіңіп кеткен. Келушілер SmartThings экожүйесінің кейбір мүмкіндіктерін, соның ішінде үй жануарларын күтуге байланысты функцияларды сынап көрді.

«Экрандар» аймағы: көңіл–көтерудің жаңа жиегі

«Экрандар» аймағында Samsung компаниясы жасанды интеллект технологиясының көмегімен өзінің дисплейлерінің мүмкіндіктерін қалай кеңейтетіндігін көрсетті. Аймақта контентті тамашалауды одан әрі қызықты ететін премиум-классқа жататын теледидарлардың қатары ұсынылды, соның ішіне MICRO LED мөлдір дисплейі де кірді. Samsung компаниясының ЖИ функциялары бар робот-компаньоны жаңартылған Ballie ерекше назарға ілінді, ол дербестендірілген көмек көрсете алады.

▲ «Экрандар» аймағы.

▲ Жаңа мөлдір MICRO LED дисплейі және Ballie роботы көптеген келушілердің назарына ілікті.

«Үй» аймағы: ЖИ мүмкіндіктерін күнделікті өмірде пайдалану 

«Үй» аймағында Samsung компаниясының тұрмыстық техникасында ұсынылған, соның ішінде Bespoke AI Laundry Combo атты үйлестірілген кір жуғыш пен кептіргіш машина, AI Family Hub+ бар 4 есікті Bespoke  Flex тоңазытқышы және басқа да құрылғылар кіретін жасанды интеллект технологиясы үй күтіміне қатысты және күнделікті жұмысты жеңілдетеді. Мұнда AI OptiWash және AI Optimal Dry ақылды режімдері жуудың тиімділігін қалай арттыратындығын, ал AI Vision Inside зияткерлік функциясы тамақ өнімдерін сұрыптауға қалай көмектесетіндігін өз көзімен көруге болады.

▲ «Үй» аймағы.

▲ Келушілер Bespoke желісіндегі құрылғылардың мүмкіндіктері туралы толығырақ білді.

«Ұялы құрылғылар» аймағы: қосылудың кең мүмкіндіктері бар құрылғылардың экожүйесі

Стенді тамашалаудың соңында «Ұялы құрылғылар» аймағында Samsung компаниясының тасымалды ықшам құрылғылары көрсетілген. Келушілер ЖИ  қолдауы бар жаңа функцияларды, Galaxy Book4 ноутбугінің соңғы сериясының сенсорлық экранының жоғары өнімділігін және жауап қайту дәлдігін бағалады. Осыдан өзге, аймақтың аумағында компанияның әр түрлі саладағы көшбасшылармен компанияның серіктестігі көрсетілді, мысалы: Microsoft компаниясымен, ол Galaxy құрылғыларын пайдаланумен өзара тығыз экожүйені құрады.

▲ «Ұялы құрылғылар» аймағы.

▲ Келушілер Galaxy Book4 сериясының жаңа ноутбуктарымен танысты және Galaxy экожүйесінің шеңберінде қосылу мүмкіндіктері туралы көбірек білді.

Samsung Electronics компаниясы жасанды интеллект (AI) технологиясы адамдарға өз құрылғыларын одан да айқын және ыңғайлы тәсілдермен қалай қолдануға мүмкіндік беретіндігі туралы өзінің көзқарасымен бөлісті. Samsung компаниясы бұл ойларды CES® 2024 көрмесінің шеңберінде ұсына отырып, өзінің серіктестерімен бірге осы көзқарастың негізінде жатқан технологиялар туралы, сондай-ақ жаңа өнімдер мен сервистердің күнделікті өмірді жеңілдету үшін жасанды интеллекттің мүмкіндіктерін қалай қолданып жатқандығы туралы баяндады.

Samsung компаниясының вице-төрағасы, бас директоры және Samsung Device eXperience (DX) бөлімшесінің жетекшісі Джонг-Хи Хан (Jong-Hee Han) пресс-конференцияны жасанды интеллекттің адамдардың назарын мазаламай «фондық режімде» жұмыс жасай отырып, қосылған технологиялардың арқасында адамдардың күнделікті өмірлерін қалай жақсарта алатындығы туралы өзінің баяндамасымен ашты. Ол және басқа да баяндамашылар айтып кеткен стратегия бірдей дәрежеде қарапайым да, пайдалы болатын қосылу тәжірибесін жетілдірудегі АІ (ЖИ) рөліне қатты назар бөлді. Samsung компаниясы пресс-конференция кезінде қойылған мақсаттарға жетуге көмектесетін бірқатар өнімдерді және сервистерді ұсынды.

«Samsung компаниясының алдыңғы қатарлы құрылғыларының кең ауқымы, сондай-ақ ашық ынтымақтастыққа ұмтылысы жасанды интеллектті және гипербайланысты барлық адамдар үшін қол жетімді етуге көмектеседі» – деді Джонг-Хи Хан.

AI функцияларын қолдайтын дисплейлер және сандық техника үй ішінде оларды пайдаланудың жаңа тәжірибесіне жол береді

CES көрмесінің пресс-конференциясында Samsung Electronics America компаниясының Connected Experience орталығының жетекшісі Джонатан Габрио (Jonathan Gabrio) жасанды интеллект технологиясы визуалды дисплейлер мен сандық техниканы пайдаланудың тәсілдерін қалай өзгертетіндігі туралы баяндады. Мысалы, Samsung Neo QLED 8K QN900D ішінде енгізілген AI бар NQ8 AI Gen3 процессорын мақтан ете алады, ол бұрыңғы модельдеріне қарағанда екі есе жылдамдықпен жұмыс жасайтын алдыңғы қатарлы NPU-мен жасақталған және ондағы нейронды желілердің саны сегіз есе көп. Samsung Neo QLED 8K құрылғысы NQ8 AI Gen3 процессоры арқасында төменгі шешімдегі контенттің масштабын автоматты түрде өзгертеді, бұл пайдаланушыларға контентті 8К форматында көруге мүмкіндік береді, ол сондай-ақ AI Motion Enhancer Pro көмегімен жылдам қозғалатын кескіндердің айқындылығын арттырады. Сонымен қатар, Samsung Neo QLED 8K құрылғысы Active Voice Amplifier Pro функциясымен қуанта алады, ол жасанды интеллекттің көмегімен экрандағы диалогтарды жақсарту үшін дауыс пен фондық шуды талдайды, соның арқасында пайдаланушы өзін стадионның немесе кинотеатрдың алдыңғы қатарында отырғандай сезініп, әр түрлі контенттен ляззат ала алады. Осыдан басқа, Samsung Neo QLED 8K құрылғысы сіздің ойын-сауық кешіңізді одан да жарқын ететін ең жаңа қосымшаларды, сервистерді, жекеленген контентті және сервистік ұсынымдарды табуға болатын Tizen OS Home операциялық жүйесімен жасақталған.

Әр түрлі қажеттіліктері бар көрермендер үшін Samsung компаниясы қол жетімділіктің инновациялық функцияларын иеленеді. Мысалы, Samsung Neo QLED ішінде ым-ишара тілінің функциясы есту қабілеті нашар пайдаланушыларға дисплейді оңай ым-ишара арқылы басқаруға, ал көру қабілеті нашар пайдаланушыларға Audio Subtitle субтитрлерді дыбыстау функциясы экрандағы мәтінді нақты уақытта аудиоға аударуға мүмкіндік береді.

Samsung компаниясы сондай-ақ The Premiere 8K жаңа проекторды ұсынды, ол тек 150-дюймдік экранды ғана көрсетпей, әлемде тұңғыш рет проекторда 8К форматында кескінді сымсыз бере алады. The Premiere 8K проекторының арқасында пайдаланушылар кинотеатрда отырғандай, үлкен форматта кескінді тамашалай алады.

Дыбысқа келетін болсақ, Samsung компаниясы кастомдалған панелі бар Music Frame колонкасын ұсынды, ол интерьердің үйлесімді бөлігіне айнала алады. Q-Symphony функциясының арқасында Music Frame колонкасы Samsung теледидарларымен және саунбарларымен синхрондалып, кіріктірілген қос динамиктері арқылы мықты бас пен көлемді дыбысты шығарады.

Енді ас-үй шаралары одан да жанға жағымды болады. Samsung компаниясы AI Family Hub+¹ бар 4 есікті Bespoke Flex тоңазытқышын ұсынады. Бұл тоңазытқыш²  32-дюймдік экраны бар AI Vision Inside³ жаңа жүйесімен жасақталған. Кіріктірілген камерасы бар жаңа шешім тоңазытқышқа салынатын және алынатын 33-ке дейін әр түрлі азық-түлік өнімдерін таниды және осы ингредиенттерді қолданудың рецепттерін ұсынады. Пайдаланушылар AI Family Hub бар 4 есікті Bespoke Flex тоңазытқышының экранында қандай да бір өнімдердің «жарамдылық мерзімін» белгілей алады, бұл тоңазытқышқа белгіленген күннің жақындағаны туралы хабарлама жіберуге мүмкіндік береді. Жасанды интеллекттің бұл функциялары тағамдық қоқыстарды қысқартудан қаражатты үнемдеуге және бұрыңғыдан да экологияға жағымды өмір салтын ұстануға мүмкіндік береді. Anyplace Induction сериясында жасанды интеллекттің мүмкіндіктері одан да кеңейе түсті: пайдаланушылар тамақтың дайындалу барысын оңай бақылау үшін Samsung Food қосымшасында сақталған рецепттерді пісіру панелінің 7-дюймдік дисплейіне бере алатын болды.

Samsung компаниясының АІ-технологиясы тұрмыстық техникаға да таралады. Bespoke AI Laundry Combo All in One жаңа кір жуғыш-кептіргіш машинасы кіріктірілген AI-Hub⁴ – 7-дюймдік дисплеймен жасақталған, ол кір жуу барысын оңай басқаруға мүмкіндік береді. Bespoke AI Laundry Combo кір жуудың ең үздік режімдерін ұсыну үшін пайдаланушылардың әдеттерін есте сақтап және машиналық оқытуды пайдаланып, кір жуудың және оны кептірудің үрдісін дербестендіреді. Сол мезетте Bespoke Jet Bot Combo⁵ бумен тазалау функциясы бар болашақтың робот-шаңсорғышы бұрыңғыдан да ыңғайлы және тиімді тазалауды қамтамасыз ету үшін АІ технологиясын пайдаланады. Нысандарды тану функциясының арқасында ол алдыңғы моделге қарағанда одан да көп нысандарды анықтай алады, сондай-ақ дақтарды және кеңістіктерді⁶ таба алады. Bespoke Jet Bot Combo ол қозғалып жатқан еденнің типін, сондай-ақ кілемнің ұзындығын анықтайды, алынған ақпаратқа сәйкес өзін реттейді.

Кеңістікті интеллект арқасындағы пайдаланушы мен құрылғылар арасындағы үздік байланыс

Атқарушы вице-президент және SmartThings бөлімшесінің жетекшісі Чейон Юнг (Jaeyeon Jung) жасанды интеллект технологиясының пайдаланушылар мен құрылғылар арасындағы өзара байланысқа таңқаларлықтай әсер етуінің тәсілдері, сондай-ақ Samsung компаниясының SmartThings қатысты көзқарасы туралы баяндады, клиент Samsung компаниясының қаншалықты көп құрылғыларын пайдаланса, олар соншалықты дәрежеде «ақылды» болады.

Кеңістікті АІ – осы көзқарасқа жетудің кілті, ол дербестендірілген басқару тәжірибесін ұсына отырып, құрылғыларға пайдаланушының бөлмесін және оның күн тәртібін түсінуге көмектеседі. SmartThings экожүйесі робот-шаңсорғыштарда бөлменің сандық жоспарын жасау үшін LiDAR⁷ сенсорын пайдаланады, бұл пайдаланушыларға өздерінің барлық құрылғыларын оңай табуға және олардың күйін тексеруге мүмкіндік береді. Ал наурыз айында  Samsung компаниясының смартфондары мен теледидарларында бөлмені ұсақ бөлшегіне дейін қарау үшін SmartThings экожүйесіне арналған жаңартылған 3D Map View шығарылады. Сонымен қатар, қарапайым QR-код пайдаланушыларға отбасы мүшелерін және достарын SmartThings экожүйесіне қосуға мүмкіндік береді, осылайша әр адам өз күн тәртібін құра алады.

SmartThings қосымшасы смарт-сенсорларды және жасанды интеллектті қолдана отыра отбасы мүшелерінің біреуінің құлауы сияқты төтенше жағдайлар туралы хабардар ете алады және жақындарына орын алған инцидент туралы хабарлама жібере алады⁸.

Home–to–Car функциялары арқасында үй мен көлікті байланыстырамыз

Samsung компаниясы сондай-ақ өзінің автокөлік саласында дамуы, атап айтқанда, Hyundai Motor Group компаниясымен тұңғыш серіктестігі туралы жариялады. CES 2024 көрмесінің алдында Samsung және Hyundai компанияларының ынтымақтастық туралы меморандумға қол қойғаны туралы жарияланды. Шартқа сәйкес пайдаланушылар SmartThings экожүйесіне қосылудың арқасында Home-to-Car және Car-to-Home (Үй-автокөлік, Автокөлік-үй) сервистеріне қол жеткізе алады. Hyundai Motor Group компаниясының Software Defined Vehicle ендіру жөніндегі бөлімшенің және Ақпараттық-көңіл көтеру жүйелерін дамыту орталығының жетекшісі Хейонг Квон (Haeyoung Kwon), бұл серіктестікті осылай атап өтті:

«Енді SmartThings қосымшасы Hyundai, Kia және Genesis автокөліктерімен жұмыс жасайтын болады. Hyundai Motor Group компаниясында біз барлығымыз Samsung компаниясымен серіктестікті бағалаймыз және ақылды қосылу арқылы біздің автокөліктерімізге ұсынылатын жаңа мүмкіндіктерді қуанышпен қарсы аламыз».

SmartThings қосымшасының арқасында пайдаланушылар өз автокөліктерінде қашықтан орындалатын функцияларды дауыстық басқару командаларын қолдану арқылы орындай алатын болады, мысалы, көлікті алдын ала жылыту немесе терезелерді ашып-жабу. Алайда SmartThings қосымшасына қосылған құрылғыларды көлік ішінен де басқаруға болады: гараж есіктерін ашып-жабу немесе үйде температураны реттеу. Осындай барлық іс-әрекеттерді дауыстық командалар арқылы орындау мүмкін болады.

Сонымен қатар, Samsung компаниясы автокөлік жүрген уақыттағы тәжірибені жақсарту үшін өзінің HARMAN компаниясымен серіктестігін тереңдетті. HARMAN өнімдерін басқару жөніндегі вице-президент Мишель Гаттузо (Michelle Gattuso) екі компанияның да жүргізушілердің тәжірибесін жақсартуға арналған жаңа технологияларды қалай әзірлейтіндігі туралы баяндады.

«Samsung компаниясының тұтынушылық технологиялар саласындағы көшбасшылығы және HARMAN компаниясының автокөлік саласындағы тәжірибесімен бірге HARMAN Ready Care, Ready Vision және Ready Display сияқты революциялық шешімдердің пайда болуына жол ашты» – дейді Гаттузо. Ол сондай-ақ: «Samsung және HARMAN компаниялары автокөлік салонында бүкіл экожүйеге бұрыңғыдан да таңғажайып тәжірибені қамтамасыз ету үшін тығыз серіктестікте жұмыс жасайды» – деді.

Жүргізушінің қауіпсіздігін басшылыққа алатын HARMAN компаниясының Ready Care жүйесі жүргізушінің қозғалысын және когнитивті белсенділігін қадағалау үшін нейрожүйені терең оқыту үшін пайдаланады, ол сондай-ақ дербестендірілген ескертпелерді және хабарламаларды жібере алады. Сонымен қатар, Ready Care жүйесі енді көлікте кімнің – ересектің немесе баланың отырғандығын анықтай алады, осылайша ол қауіпсіздік жастығының параметрлерін реттей алады.

Ready Vision жүйесі толықтырылған шынайылық технологиясының арқасында алдыңғы терезеде тікелей интуитивті деңгейде түсінікті дисплейдің бейнесін көрсетеді. Мысалы, жүргізушілер осылайша нақты уақыт режімінде жаңартылып отыратын маршруттың картасын көре алады, сондай-ақ қысқа жолдар және кофе ішуге қай жерде тоқтауға болатындығы туралы ақпаратты ала алады. HARMAN компаниясының басқа өнімі – Ready Upgrade – автокөліктер ұзақ уақыт бойы өзекті, заманауи және тиімді болу үшін автокөлік өндірушілеріне өздерінің автокөліктерінде аппараттық және бағдарламалық жасақтаманы жиі жаңартып отыруға мүмкіндік береді.

Samsung компаниясы әр түрлі құрылғыларында қауіпсіздікті және құпиялылықты басшылыққа алады

Samsung компаниясы құрылғыларда жасанды интеллекттің шапшаң дамуына байланысты қауіпсіздік пен құпиялылық бірінші орында болу керектігі туралы түсінеді. Mobile Experience Security Team компаниясынан Шин Байк (Shin Baik) гипербайланыс дәуірінің негізі ретінде қауіпсіздік шешімдерін талқылады.

Осындай шешімдердің бірі – Samsung Knox Matrix, ол көптеген Galaxy смартфондарында және Samsung смарт-теледидарларында тікелей шифрлауды қамтамасыз етеді. Бұл технология құрылғыларға бір-бірін қадағалауға, қауіптерді тануға және оларды оқшаулауға мүмкіндік береді. Samsung компаниясының кейбір ең танымал құрылғыларда пайдаланушылардың деректерін қорғауға көмектесетін Knox Vault кеңейтіліп, нәтижесінде Samsung Neo QLED 8K теледидарларында SmartThings көмегімен одан да көп құрылғыларды қамтыды. Сонымен қатар, Samsung компаниясының ірі технологиялық компаниялармен серіктестігі пайдаланушыларға олардың нақты қажеттіліктеріне сай қауіпсіздік пен құпиялылықтың деңгейін алуға мүмкіндік берді.

Samsung компаниясы қол жетімділік, электр қуатының менеджменті және материалдарды жауапты пайдаланудың саласында қадам жасайды

Samsung компаниясының Корпоративті тұрақтылық орталығының вице-президенті Инхи Чанг (Inhee Chung) Samsung компаниясының жабық циклді экономиканы дамыту бойынша жоспарлары туралы баяндады. Samsung компаниясы өзінің өнімдерінде қайта өңделген материалдарды жиі қолданып жүр, мысалы, Galaxy құрылғыларында⁹ лақтырылған балық ауларынан өндірілген пластикті, теледидарларда қайта өндірілген пластикті және Bespoke тоңазытқыштарында¹⁰ қайта өндірілген алюминийді қолданады. Осыдан басқа АҚШ-та және кейбір Еуропа елдерінде қол жетімді Certified ReNewed бағдарламасы бойынша қол жетімді қалпына келтірілген телефондарды ұсынады, ал Galaxy Upcycling бағдарламасы пайдаланушыларға өздерінің ескі смартфондарын қайта пайдалануға немесе шығармашылық жолмен қайта өңдеуге мүмкіндік береді. Компания қайта өңдеудің ауқымын кеңейтуді және қайта өңделген шикізатты пайдалануды жоспарлап отыр.

Samsung компаниясының технологиялары тұрақты дамуға қалай септігін тигізетіндігіне келсек, компания SmartThings AI Energy сияқты режім арқасында өз өнімдерінде бұрыңғыдан да электр қуатын үнемді пайдалану мақсаттында АІ (жасанды интелектті) қолданады, бұл режім электр қуатын пайдалануды автоматты түрде оңтайландырады және пайдаланушыларға қаражат үнемдеуге көмектеседі. Бұл – жасанды интелект технологиясының тек өмірді жеңілдетпей, сондай-ақ пайдаланушыларға экологиялық тұрғыдан жағымды, жауапты және үнемді өмір сүруге көмектесетіндігінің тағы бір көрінісі.

Tesla компаниясымен ынтымақтастығы арқасында SmartThings Energy үйде ғана емес, сондай-ақ сыртта да пайдалы бола бастайды. Бұл серіктестік SmartThings Energy-ді Tesla компаниясының өнімдерімен, атап айтқанда электрмобилдермен (EV), Powerwall үй батареясымен, күн инверторымен және EV Wall Connector қуаттау көзіне арналған шешімімен үйлестіруге мүмкіндік берді. SmartThings Energy пайдаланушыларының тағы бір артықшылығы – олардың Tesla қосымшасында Storm Watch функциясын қолдана алу мүмкіндігі, ол SmartThings көмегімен тек қосымшада ғана емес, сондай-ақ оған қосылған пайдаланушылардың Samsung теледидарлары мен смартфондарында SmartThings көмегімен жағымсыз ауа-райы туралы хабардар етеді. SmartThings сондай-ақ пайдаланушыларды AI Energy Mode режімін белсенді ету арқылы электр қуатының өшірілуіне дайындауға көмектесе алады, осылайша бұл режім Tesla Powerwall батареяларында сақталып тұрған резервті қуатты пайдаланудың уақытын ұзарта алады.

Samsung компаниясы ым-ишараға сәйкес іс-әрекет ете алатын сандық тұрмыстық құрылғылар сияқты құрылғылардың қол жетімділігін арттыру үшін жаңа функцияларды қосады. Сондай-ақ ұялы құрылғылар қоңырау кезінде автоматты түрде жасалған субтитрлерді жазады, ал теледидарлар мен дисплейлер жасанды интеллекттің арқасында мәтінді аудиоға аударудың жаңа функциясын ұсынады. Көзі нашар көретіндерге көмектесу үшін Samsung теледидарларындағы Relumino Together жаңа қарау режімі пайдаланушыларға теледидарды бір уақытта коррекциямен немесе коррекциясыз қарауға мүмкіндік береді. Енді пайдаланушылар бірге және бір уақытта үй ойын-сауықтарын тамашалай алады.

¹ Моделдің атауы тек Солтүстік Америка үшін өзекті. Басқа өңірлерде өнім Bespoke 4-Door French Door Refrigerator with Family Hub+ деп аталады. 

² Бұл Bespoke 4-Door Flex с AI Family Hub+ қол жетімді барлық сервистер жасанды интеллект болып табылады немесе ақпаратты жасанды интеллекттің көмегімен жасайды немесе оның нәтижесі болып табылады деген сөз емес. Терең оқыту моделінде пайдаланылатын қызметтер/функциялар мыналармен: 1) AI Vision Inside және 2) Bixby функцияларымен шектеледі. 

³ 2024 жылдың наурызына қараған жағдай бойынша AI Vision Inside тағам өнімдерінің 33 түрін, мысалы, жаңа піскен жемістерді және көкеністерді тани алады. Егер өнімдерді қолмен жабса немесе танылмаса, олар белгісіз болып анықталады. Камера тоңазытқыштың немесе мұздатқыштың камерасының себеттерінде орналасқан тамақ өнімдерін тани алмайды немесе атай алмайды. Тамақ өнімдерін табу және сәйкестендіру алдын ала іріктелген деректер жиынтығында оқытылған біздің терең оқыту моделімізге негізделген және толық емес немесе сенімсіз ақпаратты бере алады. Уақыт өте келе дәлдікті арттыру үшін біздің оқыту моделімізге жаңа деректердің жиынтықтары енгізілуі мүмкін.

⁴ Бұл AI Hub-та қол жетімді барлық қызметтер жасанды интеллект болып табылады немесе ақпаратты жасанды интеллекттің көмегімен жасайды немесе оның нәтижесі болып табылады деген сөз емес. Терең оқыту моделдерін пайдаланатын қызметтер/функциялар мыналармен: 1) AI Smart Dial 2) AI Opti Wash & Dry және 3) Bixby функцияларымен шектеледі.Уақыт өте келе оқыту модельдері жаңартылуы және толық емес немесе қате ақпаратты беруі мүмкін.

⁵ Қазіргі кезде әзірленуде және өзгертілуі мүмкін.

⁶ Жасанды интеллект көмегімен нысандарды анықтаудың жаңартылған жүйесі 2024 жылдың екінші жартысында қол жетімді болады деп күтілуде. 

⁷ Light Detection and Ranging (LiDAR) – бұл қашықтықты анықтау мақсатында қолданылатын оптикалық технология.

⁸ Егер құлау функциясы бар серіктестеріндегі сезгек немесе Galaxy сағаттары көмегімен құлау белгілерін анықтаса, SmartThings белгіленген тұлғаға (тұлғаларға) орын алуы мүмкін төтенше жағдай туралы хабарлай алады. Құлауды анықтау сервисі осы жылдың ішінде қол жетімді болады деп күтілуде.

⁹ Лақтырылған балық ауларын қайта өңдеуден алынған пластик келесі құрылғыларда қолданылады: Samsung Galaxy S22, Galaxy S23, Galaxy S23 FE, Galaxy Z Flip4, Galaxy Z Fold4, Galaxy Z Flip5, Galaxy Z Fold5, Galaxy Tab S9, Galaxy Tab S9 FE, Galaxy Book3, Galaxy Book4, Galaxy Buds2 Pro, Galaxy Buds FE және басқаларда.

¹⁰ Қайта өңделген алюминий BESPOKE тоңазытқыштарының есік панелдерінің келесі модельдерінде қолданылады: RQ38B9981APG, RR40B9971APG, RR40B99C5AP, RW33B99, RW33B99C5TF, RZ38B98 және RZ38B98C5AP.

Samsung Electronics компаниясы келесі аптада Лас-Вегас қаласында өтетін Тұтынушылық технологиялар қауымдастығы (CTA) ұйымдастыратын CES 2024 әлемдегі ең ірі технологиялық көрмеде жаңа ойынға арналған OLED-мониторларын – жаңа Odyssey ойын мониторларын көпшіліктің назарына ұсынады.

OLED-мониторларының жаңа модельдері – Odyssey OLED G9 (G95SD моделі), Odyssey OLED G8 (G80SD моделі) және Odyssey OLED G6 (G60SD моделі) – жоғары өнімділікпен және кескін нақтылығымен ерекшеленеді, бұл қасиеттерді ойыншылар өз мониторларында жоғары бағалайды.

Odyssey OLED G9 – бұл DQHD (5120×1440) шешімі бар 49 дюймді иілген өте кең ойын монитор, оның жақтарының арақатынасы 32:9 және ол басқа да жаңартылған функцияларға ие. Odyssey OLED G8 – жақтарының арақатынасы 16:9 болатын және 4K UHD (3840х2160) шешімі бар 32 дюймді Samsung компаниясының ойындарға арналған OLED-мониторы. Қос монитордың да жаңартылу жиілігі 240 Гц, ал жауап қайту уақыты GTG¹ 0,03 мс құрайды. Odyssey OLED G6 – жақтарының арақатынасы 16:9 болатын және QHD (2560x 1440) шешімі бар 27 дюймді монитор, оның жаңартылу жиілігі 360 Гц және жауап қайту уақыты GTG 0,03 мс құрайды.

«Ойын жанрларымен қатар ойын платформалары да күннен-күнге одан да қатты өзгеріп бара жатыр» – дейді Samsung Electronics компаниясының визуалды дисплейлер бөлімшесінің атқарушы вице-президенті Хун Чун (Hoon Chung). Ол сондай-ақ: «Samsung компаниясы шығарған жаңа OLED Odyssey ойын мониторлары ойыншыларға одан да таң қаларлық ойын ортасын құруға және инновациялық технологияларды қамтамасыз етуге көмектеседі, бұл өз кезегінде ойыншылардың ойын тәжірибесін дербестендіріп, олардың тұрақты түрде өзгеріп отыратын қажеттіліктерін қанағаттандырып, үміттерінен асып түседі» – деді.

Барлық сәттерді сезінуге мүмкіндік беретін технологиялар

Барлық үш модель OLED Glare-Free технологиясымен жасақталған, бұл технология жарық сәулесінің шағылысын азайтады және қосымша жабдықсыз экранды көруден әсерлерді жақсартады, сол себепті пайдаланушылар кез келген жарықта дерлік өзгеріссіз жарқындылықпен және түрлі түстермен ойындарды ойнай алады.

VESA DisplayHDR True Black 400 технологиясының арқасында мониторлар көз тартатын таң қаларлық детализацияны және ойынға немесе контентке тәуелсіз жарқын түстерді көрсетеді. Сонымен қатар, олар төмен іркілісі бар HDR-ойындарын жоғары дәрежеде бір қалыпты көрсету үшін AMD FreeSync Premium Pro технологиясын қолданады.

Барлық үш монитордың да кең физикалық мүмкіндіктері: екі HDMI 2.1 порты, USB-хабы және DisplayPort 1.4. ажырату порты бар. Пайдаланушылар сондай-ақ VESA² орнықтыру құрылғысымен үйлесімділіктің және бүгуді, бұруды, айналдыруды басқару нүктелері бар биіктігіне сәйкес реттелетін тіреуіштің (HAS) ³ арқасында бұрыңғыдан да көп рақат пен ыңғайлылық сезімін алады.

Толық қанды экожүйедегі өзара байланысты тәжірибе

Odyssey OLED G9 және Odyssey OLED G8 мониторлары енді бірнеше құрылғымен бірлестікте бұрыңғыдан да ыңғайлы және тиімді жұмыс жасау үшін құрылғылардың қуатқа тәуелсіз үздіксіз қосылысына кепілдік беретін жаңа Multi Control функциясын ұсынады. Multi Control функциясы тінтуір мен пернетақта көмегімен одан да бірқалыпты және тиімді жұмыс үрдісін жасау үшін пайдаланушыларға Samsung мониторы мен Samsung компаниясы шығарған басқа да құрылғылар, жеке алғанда Galaxy Book, планшет немесе телефон, арасында кескінді және/немесе мәтінді үздіксіз тасымалдауға мүмкіндік береді.⁴

Сонымен қатар, Odyssey OLED G9 және Odyssey OLED G8 мониторлары Samsung SmartThings Hub хабымен жасақталған. Оның көмегімен пайдаланушылар құрылғыларды басқару үшін Matter және Home Connectivity Alliance (HCA) үйлесе алатын әр түрлі IoT-құрылғыларына қосыла алады.⁵

Кез келген кеңістікті әсемдеуге арналған сәнді дизайн

Samsung компаниясы Odyssey желісінде тегіс OLED-дисплейлерді тұңғыш рет көрсетті, сондай-ақ Odyssey OLED G8 және жақтарының арақатынасы 16:9 болатын Odyssey OLED G6 моделдерін алғаш рет назарға ұсынды. Жаңа модельдер өзінде Odyssey OLED желісінің бірегей жіңішке металл дизайнын және жаңа Core Lighting+ жарықтандыруын үйлестіреді, ол экранның жіңішке жиектемесін үйлесімді толықтырады.

Core Lighting+ технологиясы монитордың артқы панелінен таратылған жарықты шығара отырып, пайдаланушыларға ойын-сауық әлеміне толықтай сіңуге мүмкіндік береді. Жарықтандыру шеңбері алдыңғы модельге (G95SC моделіне),  қарағанда төрт есе жұқа және қалыңдығы 3,9 мм болатын жіңішке металл жиектемеге табиғи түрде оңтайлы енеді. Сондай-ақ дисплей дизайнымен үйлесімді және басқа құрылғыларға орын босататын жаңа жіңішке 3 миллиметрлік метал тұрақтандырғыш пайда болды, оны аспаптарды қолданбай жинауға болады.

Samsung компаниясы осы жаңа модельдерді ұсына отырып, өзінің OLED-мониторлар желісін күшейтті және ойын мониторлары нарығындағы көшбасшылық орнын нығайтты. Odyssey мониторларының OLED-дисплейлерінің инновациялары және Odyssey Neo сериясының, атап айтқанда өткен жылы шығарылған әлемдегі тұңғыш Dual UHD шешімі бар 57 дюймді монитордың, одан әрі дамуы ойын болашағын айқындай алатын озық функцияларды және өнімділікті қамтамасыз етеді.

¹  Сұр түстен сұр түске өту уақыты (GTG) – бұл пиксельдің бір сұр реңктен екінші сұр реңкке өзгеруге жұмсаған уақыты.

² VESA тіреуіші Бейнеэлектроника стандарттары қауымдастығы (VESA) анықтаған дисплейлерді орнату саласындағы ең кең тараған стандартқа жатады.

³ G80SD және G60SD модельдерінде бұрылыс және шарнирлік тіреуіштер қолданылады.

⁴ Multi Control функциясы Tizen ОЖ басқаруымен 2024 жылы немесе одан кейін шығарылған Samsung мониторларында, 2021 жылы немесе одан кейін шығарылған Galaxy Book ноутбуктарында, сондай-ақ 5.1.1 немесе одан кейінгі нұсқадағы One UI интерфейсі бар Galaxy планшеттері мен телефондарында бірлесе жұмыс жасауға қол жетімді.

⁵ Zigbee және Thread құрылғыларына қосылу және оларды басқару үшін бөлек SmartThings адаптері қажет. Z-Wave протоколы бар құрылғыларға қосылу қолданбайды.

Samsung Electronics компаниясы 9 қаңтардан 12 қаңтарды қоса алған мерзімде CES® 2024 көрмесінде C-Lab бағдарламасының аясында әзірленген жаңа инновациялық жобаларды ұсынады. Стартаптарға арналған Дүние жүзіндегі ең ірі технологиялар көрмесінде Лас-Вегас қаласының Венециялық көрме орталығының Эврика саябағындағы презентациясы кезінде Samsung компаниясы саны жағынан ең көп – 15 стартап пен бастаманы көрсетеді.

Биыл CES көрмесінде 1000 астам стартап ұсынылады деп күтіледі, олар бүкіл дүние жүзінен 130 000 келушілерді жинайды, соның ішіне бизнес басшылары, инвесторлар және БАҚ өкілдері кіреді. Samsung компаниясы іс-шарада C-Lab стартаптары әлемдік нарықтың реакциясын бағалайды, жүзеге асу мүмкіндіктерін күшейтеді және инвесторлар табады деп болжайды.

«C-Lab бағдарламасының мақсаты – стартаптардың өсіп өнуіне және гүлденуіне арналған платформаны құру» – дейді Samsung Electronics компаниясының Креативтілік пен инновациялар орталығының басшысы және атқарушы вице-президенті ПхильГю Чжон (Pilgyu Jeo). Ол сондай-ақ: «CES — осындай болашағы зор компаниялар мен жобалар үшін керемет оңды орын, себебі мұнда олар ірі технологиялық ойыншыларға әлемдік аренада орнын табуға лайықты екендіктерін көрсете алады» – деп санайды.

C-Lab бағдарламасы 2012 жылы іске қосылды, ол құрылған сәттен бастап Samsung компаниясы тұтас алғанда 872 стартап пен жобаны қолдады. Соның ішінде C-Lab Outside бағдарламасы аясында 475 және C-Lab Inside бағдарламасы аясында 397 қолдады. C-Lab бағдарламасының 537 стартабы жалпы алғанда 1 миллиард доллар инвестицияны тартты.

C–Lab Outside бағдарламасы: жасанды интеллект, энергетика мен денсаулық сақтау саласында 10 стартап

C-Lab Outside бағдарламасы 2018 жылдың қазан айында басталды. Оған қатысуға іріктелген стартаптар толық қолдауға ие болды, соның ішіне кеңсе бөлмелері, жеке даму бағдарламалары және инвестициялар кіреді, сондай-ақ олар Samsung Electronics компаниясымен іскери ынтымақтастықта болу мүмкіндігін иеленеді. Осындай жобалардың бірі – ветеринарлық онлайн-консультациялардың сервисі Dr.Tail (Доктор Тейл), ол Samsung Electronics компаниясының серіктесі болып, өз шешімін Smart TV¹ бар Samsung теледидарларына енгізді және ол CES көрмесінде C-Lab стендтерінде ұсынылатын болады.

Dr.Tail сервисінен бөлек Samsung Electronics компаниясы C-Lab Outside  бағдарламасы іріктеген және қолдаған өзге де тоғыз стартапты ұсынатын болады:

• RebuilderAI: ЖИ көмегімен смартфондарда жылдам және жеңіл 3D-контентті жасауға арналған шешім
• Ghost Pass: биометрия бойынша қашықтан орталықтандырылмаған сәйкестендіруді жасауға арналған шешім
• DEEPX: NPU² негізінде ЖИ функциялары бар жартылай өткізгіш
• Style Bot: пайдаланушының киім-кешегі туралы деректерге негізделген стиль бойынша ұсынымдардың сервисі
• Vsion: мөлдірлігі реттелетін ақылды терезе
• DolbomDream: егде жастағы адамдардың денсаулығын қадағалауға арналған ақылды үрленетін жилет
• 60Hertz: ЖИ негізінде виртуалды электр станциясына арналған шешім
• Wrtn Technologies: генеративті ЖИ-мен жұмыс жасауға арналған портал
• NdotLight: бірге 3D-жобалауға арналған веб-платформа

«Біз Эврика саябағында C-Lab стартаптарының беделді стендінде болуға қуаныштымыз» – дейді Ghost Pass генералды директоры СонКван Ли (Sunkwan Lee). Ол сондай-ақ: «Биыл Samsung C-Lab қолдауының арқасында біз CES Innovation Award жүлдесін жеңіп алдық. Менің ойымша, бұл CES көрмесі біз үшін әлемдік деңгейге шығуға бір қадам жақын болуымызға тамаша мүмкіндік бергенін көрсетеді» – деп атап өтті.

C–Lab Inside бағдарламасының екі жобасы және Samsung компаниясында туған C–Lab Spin–off бағдарламасының үш стартабы

Samsung компаниясы 2016 жылдан бастап CES көрмесінде C-Lab Inside бағдарламасының жобалары туралы баяндайды және биыл онда қазір компанияның қызметкерлері әзірлеп жатқан екі жоба ұсынылатын болады. Олар денсаулық сақтау және жануарларға арналған технологиялар салаларына жатады, өзінің инновациялары, нарықта сұраныста болуы және әзірлену толықтығы үшін жоғары бағаға ие болды:

• EARS: құлапқаптар сезетін ми толқындарын талдайтын медициналық платформа
• DumboCam: Vision AI жасанды интеллектін пайдаланатын үй жануарларын оқытуға арналған платформа

2016 жылы Samsung Electronics компаниясы өзінің C-Lab Spin-off атты бағдарламасын ұсынды, ол жоғары коммерциялық әлеуеті бар C-Lab Inside жобаларына толық қанды стартаптар ретінде іске асуға мүмкіндік береді. CES 2024 көрмесінде C-Lab Spin-off бағдарламасының үш стартабы ұсынылған, олар C-Lab Inside жобалары ретінде басталған болатын, қазір C-Lab стендтерінде инновациялық өнімдер ретінде көрсетіліп жатыр:

• Yellosis: ЖИ пайдаланумен ақылды унитаздар мен медициналық шешімдер
• Becon: ЖИ негізінде шаштың түсуімен күресуге арналған шешімдер
• Goose Labs: нақты уақыт режімінде қозғалысты есептейтін метағалам мен аватарлар технологиясы бар үй жаттығуларына арналған қосымша

C–Lab стартаптары CES 2024 Innovation Awards 23 жүлдесін жеңіп алды

2023 жылдың қарашасында Тұтынушылық технологиялар қауымдастығы (Consumer Technology Association, CTA) CES 2024 Innovation Awards премиясының жеңімпаздарын жариялады, соның ішінде ең үздік инновациялар (Best of Innovation) жүлдесі де болды. C-Lab бағдарламасының бір жобасы үздік инновациялар үшін жүлдені (Best of Innovation Award) жеңіп алды, ал 22 премияның лауреаттары атанды.

Samsung компаниясы C-Lab стартаптарының авторларымен өзінің CES Innovation Awards жүлделерін жеңіп алу және әлемдік нарыққа шығу тәжірибесімен бөліседі, бұл оларға табысқа жетуге мүмкіндік береді. C-Lab Outside бағдарламасының 16 стартабы CES 2024 аясында Innovation Award премиясының лауреаттары атанды. C-Lab Spin-off бағдарламасының бастамаларының біреуі үздік инновациялар үшін жүлдені алды, ал төртеуі Innovation Award премиясының лауреаттары атанды.

Атап айтқанда, CES Innovation Award жүлдесін 2021 жылы іске қосылған STUDIO LAB стартабы жеңіп алды. Компанияның өнімдеріне Seller Canvas (Селлер Кэнвес), ЖИ негізінде электронды коммерцияға арналған беттерді автоматтандыру сервисі, роботтехникасы және ЖИ технологияларын өзінде үйлестіретін автоматтарылған коммерциялық фото түсіруге арналған Photo-bot (Фото-бот) кіреді. 

Yellosis және DEEPX — C-Lab стендтерінде ұсынылған екі стартап үш санатта Innovation Award жүлделерін жеңіп алды. 2020 жылы іске қосылған сандық денсаулық сақтау саласындағы Yellosis стартабы Cym702 Seat ақылды унитазын ойлап тапты, ол ағзаның тіршілік ету қызметінің сұйық қалдықтарын талдай отырып, денсаулықты күтуге арналған шешімдерді ұсынады. Компания сондай-ақ Cym702 Circle ақылды унитазын әзірлеп шықты, ол қоғамдық дәретханаларда ағзаның сұйық тіршілік ету қалдықтарындағы глюкозаның мөлшерін есептейді. Yellosis стартабы «Сандық денсаулық сақтау», «Ақылды қала», «Адамның қауіпсіздігін қамтамасыз ететін өнім» санаттарында Innovation Award жүлделерін жеңіп алды.

2018 жылы DEEPX стартабының негізі қаланды, ол терең оқыту негізінде нысандарды тану, бет пен дауысты тану, кескіндерді сұрыптау және кескін сапасын жақсарту сияқты ЖИ алгоритмдерін есептеп өңдеуге арналған жасанды интеллект функцияларымен жасақталған алдыңғы қатарлы чиптерді әзірлейді. DEEPX — “Кіріктірілген технологиялар”, “Роботтехникасы” және “Компьютерлік жабдықтар мен компоненттер” атты үш санатта CES Innovation Awards жүлдесін жеңіп алған және жасанды интеллектпен жұмыс жасайтын тұңғыш жартылай өткізгіш әзірлеуші компания.

¹ Сервис АҚШ-та Smart TV бар Samsung теледидарларында 2024 жылы қол жетімді болады.

² Нейронды процессор (neural processing unit, NPU) — бұл жасанды интеллекттің жұмысын қолдауға және бір уақытта бірнеше операцияларды орындауға арналған микропроцессор.

«Мен сіздің құрметіңізге Samsung жасанды интеллектінің ең жаңа технологиясы қолданылған 2024 жылдың ең жаңа инновациялық моделі Bespoke Jet Bot Combo шаңсорғышын ұсынуға қуаныштымын» – дейді Samsung Electronics компаниясының тұрмыстық техника (Digital Appliances Business) бөлімшесінің клиенттермен жұмыс жасау бөлімінің жетекшісі және атқарушы вице-президенті. Ол сондай-ақ: «Инновациялық функциялардың және мықты тазалаудың арқасында робот-шаңсорғыш тазалаудың ең жетік тәжірибесін ұсынады. Біз оның тазартуды ыңғайлы ететіндігіне сенеміз» – деді.

Bespoke Jet Bot Combo¹ шаңсорғышы үйде тазалықты сақтау үшін ЖИ² негізінде көптеген алдыңғы қатарлы функцияларды ұсынады.

Кеңейтілген жасанды интеллекттің функциялары бар Bespoke Jet Bot Combo

Bespoke Jet Boat Combo – бұл жасанды интеллектпен жасақталған ылғалды тазалау функциясы бар робот-шаңсорғыш.

Bespoke Jet Bot Combo шаңсорғышында пайдаланылатын ЖИ көмегімен нысандарды танудың жетілдірілген функциясы бұрын таныстырылған Bespoke Jet Bot AI+ шаңсорғышында қолданылған технологияларды дамытудың жаңа қадамы болып табылады. Енгізілген 3D-сезгегінің көмегімен ол одан да көп нысандарды тани алады, бұл өз кезегінде құрылғыға бөлме ішінде үлкен дәлдікпен қозғалуға мүмкіндік береді.

Ең қатты көзге түсетін жақсарту – бұл жасанды интеллекттің енді тек нысандарды ғана емес, сондай-ақ тазалауды одан да тиімді ету үшін кеңістікті және дақтарды тани алу қызметі болып табылады.

ЖИ виртуалды картадағы облыстарды, мысалы: қонақбөлменің және ас үйдің облыстарын сәйкестендіреді және топтастырады. Ол автоматты түрде ванналық бөлме, веранда немесе кіреберіс сияқты «тыйым салынған аймақтарды» белгілеуді ұсынады, робот-шаңсорғыш оларды тазалау кезінде айланып өтеді.

Bespoke Jet Bot Combo шаңсорғышы дақты анықтаған кезде өзін-өзі тазалау станциясына барады, онда ол кір жуғыш салмасын ыстық бумен және сумен ысытады және дақты тазалау үшін қайтып келеді. Жылдамдығы 170 айналым/минутына болатын мықты кір жуғыш щеткалары арқасында ол тіпті қатып қалған дақтарды тазарта алады. Бұл пайдаланушыны көптеген үрдістерге қатысу қажеттілігінен біршама босататын жоғары тиімді автономды тазалауды қамтамасыз етеді. Сонымен қатар, модель одан да тиімді тазалау үшін ЖИ (AI Floor Detect) көмегімен жазықтық бетін тану функциясын пайдаланылану арқылы тіпті жазықтық бетін жабатын жабынның типін анықтай алады.

Ол қатты жазықтықты кілемнен айыра алады, ал содан кейін автоматты түрде сору қуатын арттырып, тіпті кілемдерге терең сіңіп кеткен шаңды тазалауға көмектеседі. Осымен қатар, бұл функция кілемдерді су өтуден және кір жуғыш салмалардың ластануынан сақтайды. Bespoke Jet Bot Combo шаңсорғышы кілем жабынын анықтаған кезде тазалау сапасын арттыру үшін кір жуғыш салмаларды көтеру керектігін немесе тазалау станциясында оларды ажырату қажеттілігін шешеді.

Bespoke Jet Bot Combo тазалаудың соңғы минутына дейін оның тиімділігі туралы ойлайды. Өзін-өзі тазалау станциясы кір жуғыш салмаларды толық тазартудың үш сатылы жүйесін қамтамасыз етеді, оның ішіне автоматты жуу, бумен тазарту және ыстық ауамен автоматты кептіру кіреді. Салмалар ыстық сумен жуылған соң, олар жаман иістерді болдырмас үшін ыстық бумен тазартудан өтеді, бұл шаңсорғыш күтімін гигиеналық жағынан одан да тиімді етеді.

¹ Өнім қазіргі уақытта әзірлеу сатысында және өзгертілуі мүмкін.

² ЖИ біздің терең оқыту моделіміз негізінде жұмыс жасайды, ол алдын ала анықталған деректердің жиынтығын пайдаланады, сондай-ақ толық емес және қате ақпаратты беруі мүмкін. Мерзімді түрде біздің оқыту моделімізге деректердің жаңа жиынтықтары енгізілуі мүмкін, бұл құрылғының қызмет ету дәлдігін арттыру үшін жасалады.

Технологиялар саласындағы әлемдік көшбасшы Samsung Electronics компаниясы оның ең жаңа әзірлемелері әр түрлі санаттарда CES® 2024 Innovation Award көптеген марапаттарын алғандығы туралы жариялады.

Samsung компаниясы болашаққа жаңа көзқарас ұсынатын өнімдер мен қызметтерді әзірлеудегі талпынысы үшін кезекті рет Тұтынушылық технологиялар қауымдастығынан (Consumer Technology Association (CTA)®) марапаттар алды. Бұл технологиялар сондай-ақ болашақ жағымды өзгерістердің белгісі болып табылады, себебі компания әлемнің одан да тиімді және экологиялық тұрақты көзқарасын жүзеге асыруға және ағымдағы жылы одан да көп таң қалдырарлық инновацияларды ұсынуға ұмтылады.

Биыл CTA® қауымдастығы Samsung компаниясының әр түрлі санаттағы өнімдерін атап өтті, олардың ішіне ұялы құрылғылар, теледидарлар, аудиоқұрылғылар, проекторлар, мониторлар және тұрмыстық техника кірді. Бұл Samsung компаниясының мүмкіндіктерді кеңейтетіндігін және пайдаланушыларға бүктемелі смартфондар саласындағы жаңашыл әзірлемелерден бастап одан да тиімді экологиялық өмір салтын ұстануға көмектесетін инновацияларға дейін техниканы пайдаланудан бұрыңғыдан да ыңғайлы дербес тәжірибесін ұсынатындығын растайды.

CES® 2024 әлемдегі ең ірі және маңызды технологиялық көрмесі 9 қаңтардан 12 қаңтарды қоса алған мерзімде Лас-Вегас қаласында өтеді.

Келесі өнімдер Innovation Award сыйлығының лауреаттары атанды:

«Кескіндерді сандық өңдеу/Фототүсірілім» және «Ұялы құрылғылар, аксессуарлар мен қосымшалар» санаттарында Galaxy Z Fold5 смартфоны. Samsung Galaxy Z Fold5 смартфоны жаңа буын Flex шарниры бар ең жұқа бүктемелі корпуста орналасқан жақсартылған өнімділікті және кәсіби камерасының бұлжымас сапасын мақтан ете алады.

Galaxy Z Fold5 бүктелген және ашылған түрде жұмыс пен ойындарға арналған өзгеріссіз серікке айналады. Оңтайландырылған мультитерезе режімінің көмегімен презентациялар, жазбалар және күнтізбе арасында оңай өте беруге немесе жақсартылған міндеттер панелін қолдана отырып, өз үстеліңізді ЖК сияқты ұйымдастыруға болады. Сонымен қатар, Flex режімінің арқасында қолыңызды пайдаланбай, креативті ракурста фотосуреттерді түсіруге болады.

«Фитнес және спорт» санатында Galaxy Watch6 тағылмалы құрылғылардың сериясы. Жаңа Galaxy Watch6 және Galaxy Watch6 Classic сағаттары – бұл өзіңізді жақсы сезінуіңізге арналған дербестенген кеңестер, ойластырылған дизайн және бұрыңғыдан да саналы және салауатты өмір салтын ұстануға арналған кеңейтілген технологиялық мүмкіндіктер. Осылардың барлығы – сіздің білегіңізде.

Galaxy Watch6 тағылмалы құрылғылары денсаулықтың физикалық күйін және спорттық белсенділікті қадағалаудың алдыңғы қатарлы аспаптарының күнделікті таралуына көмектеседі. Олар жоғары өнімділікке ие және салауатты өмір салтын ұстану үшін кешенді шешімдерді ұсынады, соның ішінде ұйқы мен фитнес-жаттығуларын бақылаудан бастап тамақтану жоспарын таңдауға дейінгі іс-әрекеттер кіреді. Samsung компаниясының философиясының бір бөлігі – пайдаланушыларға өздерінің жалпы денсаулық жағдайлары, сондай-ақ физикалық дайындық деңгейлері туралы білудің жаңа тәсілдерін ұсыну және қажетті шараларды қабылдауға үгіттеу.

«Құлаққаптар мен аудиоқұрылғылар» санатында Galaxy Buds FE құлаққаптары. Samsung Galaxy FE сериясын әзірлеген кезде пайдаланушылардың пікірлері назарға алынды, бұл құрылғылардың өнімділігін арттыруға, тиімді бағамен тамаша функцияларды қамтамасыз етуге мүмкіндік береді.

Galaxy Buds FE көмегімен музыканы тыңдаған кезде құлаққаптар мықты бастары бар тамаша дыбысты қамтамасыз етеді, оларда сондай-ақ жетілдірілген белсенді шуды басу (ANC) және телефон қоңыраулары кезінде одан да нақты естілу қызметтері бар. Эргономикалық дизайны, салымдардың әр түрлі мөлшерлері және Galaxy Buds FE қосымша тіркеулері арқасында олар құлаққа ыңғайлы да, сенімді отырады. Олар күнделікті пайдалану үшін жасалған, Samsung құрылғыларына, соның ішінде смартфондарға, планшеттерге, ЖК және тіпті теледидарларға жеңіл қосылады, және тамаша бағамен қол жетімді.

Samsung Health қосымшасы «Ұялы құрылғылар, аксессуарлар мен қосымшалар» санатында атап өтілді. Samsung компаниясы пайдаланушыларға өмір сапасын жақсарту үшін инновациялық аспаптарды ұсынуға ұмтылады. Galaxy Watch құрылғысымен бірлестікте Samsung Health қосымшасы денсаулықтың физикалық жағдайы мен оны жақсарту тәсілдері туралы ақпаратты жинауға арналған ең жаңа функцияларды пайдалануға көмектеседі.

Samsung Health қосымшасы салауатты өмір салтын ұстану үшін бұрыңғыдан да дербес және интуитивті түсінікті жолды қамтамасыз етеді. Оған нақты уақыт режімінде жүгіруді талдау, үнемі қосылып тұрған қауіпсіздік функциялары және ұйқының сапасын жақсарту бойынша жеке жаттығулар кіреді. Samsung Health қосымшасы денсаулық көрсеткіштері туралы толық ақпаратты ұсынады, салауатты өмір салтын ұстануда орындауды қажет ететін шараларға және оған жету жолында кез келген мақсаттарға жетуге көмектеседі.

Samsung Food. ЖИ санатында жақында кейбір елдерде шығарылған Samsung Food сервисі атап өтілді. Ол Samsung компаниясының қосымшаларын, ақылды құрылғыларын және тұрмыстық техникасын пайдаланушылар үшін одан да пайдалы ету үшін жасанды интеллекттің алдыңғы қатарлы технологияларын пайдаланады. Food AI инновациялық технологиясының негізіндегі сервис Samsung SmartThings Cooking және Samsung Family Hub+ функцияларын қолдайтын тоңазытқыштармен бірге жұмыс жасайды. Негізгі ерекшеліктеріне пайдаланушының жеке тамақтану жоспарына және белсенділік деңгейіне негізделген дербестендірілген рецепттер, сондай-ақ басқа адамдармен рецепттермен, кеңестермен бөлісуге мүмкіндік беретін әр түрлі аспаздық қоғамдарға қол жетімділік кіреді.

SmartThings Energy. SmartThings Energy сервисі «Ақылды үй» санатында атап өтілді, ол пайдаланушыға тек өзінің көмірсутегі ізін қадағалауға ғана мүмкіндік бермей, сондай-ақ электр қуатына жұмсалатын ай сайынғы шығыстарды төмендетуге көмектеседі. AI Energy режімі қосымшаға қосылған құрылғылардың электр қуатын тұтынудың деңгейін қадағалайды және электр қуатын тұтынуды азайту үшін олардың қызметтерін автоматты түрде оңтайландырады. Ал жаңа Carbon Intensity Awareness функциясы өндірілген электр қуатының мөлшері және көміртегі сыйымдылығы туралы ақпаратты ұсынады. SmartThings Energy сондай-ақ электр қуатын жоғары деңгейде тұтыну кезеңінде ақшаны үнемдеу үшін электр қуатына сұранысты басқару бағдарламасына қосылып, құрылғыларды автоматты түрде реттей алады.

Less Microfiber сүзгісі. Less Microfiber сүзгісі «Тұрақты даму» санатында атап өтілді, бұл – кір жуу циклдері кезінде пластик микро талшықтарын азайтуға мүмкіндік беретін кір жуғыш машинаға арналған сыртқы сүзгі. Сүзгісі бар кір жуғыш машинаны аптасына төрт рет іске қосу жылына көлемі 500 мл сегіз пластик бөтелкелеріне сәйкес келетін микро талшықтардың санын қысқартуға көмектеседі. ¹ Ендірілген Wi-Fi арқасында пайдаланушылар SmartThings қосымшасында сүзгінің жағдайын тексеріп, тіпті оны тазалау немесе ауыстыру қажеттілігі туралы хабарламаларды алуға болады.

Exynos Connect U100 чипі «Ендірілген технологиялар» санатында атап өтілді. Samsung компаниясы өндіріп шығарған Exynos Connect U100 ұялы құрылғыларға, автокөлік құрылғыларына, сондай-ақ Ғаламтор заттары құрылғыларына арналған шағын арақашықтыққа жоғары жиілікті импульстерді берудің өте кең желілік (UWB) технологиясы.

Exynos Connect U100 чипі сигналдың жету уақытын (ToA) және үш өлшемді беру бұрышын (AoA) өлшеудің арқасында кемшілігі кемінде бес градусты құрайтын сантиметрге дейінгі дәлдікті иеленеді. Бұл оны бөлмелердің ішінде орналасқан заттарды қадағалауда, сондай-ақ нақты уақыт режімінде қозғалып, орын алмастыратын адамдарды дәл бақылауды талап ететін AR және VR қосымшаларында пайдалану үшін ерекше тиімді етеді.

¹ WW90T734DWH моделінде Ocean Wise Plastics Lab зертханасында Less Microfiber сүлгісін орнатумен және орнатусыз шығарылатын микро талшықтардың саны салыстырылып тестілеуден өткізілді («Синтетика» кір жуғыш бағдарламасын пайдаланумен, барабанға шамамен 2 кг жететін синтетикалық маталардан жасалған киімдерді жүктеу кезінде). Саны 50 мкм сүзгі арқылы суды өткізу жолымен есептелді. 0,627 г тең болатын микро талшықтардың саны және бір кір жуу циклі кезінде азаятын микро талшықтардың саны 5 кг киімді жүктеу кезінде шығарылды (0,125 г/кг х 5 кг). Микро талшықтарды шығаруды төмендетудің жылдық нормасы (132 г) 210 жуу циклін (аптасына 4 рет, 52 апта) әрбір цикл сайын барабанға 5 кг киімді жүктеу кезінде іске қосу нәтижелері негізінде есептелді. Бөтелкенің салмағы 500ml (15,4 г) Кореяның Қоршаған ортаны қорғау министрлігінің пластик бөтелкелеріне қатысты ұсынымына негізделген.