7-сыныпта робототехникаға деген қызығушылығым оянды. Мені өз қолыммен нөлден бастап құнды және маңызды нәрсені жасай алатыным қызықтырды. Бұл мені мектеп үйірмесіне алып келді, онда мен бағдарламалау негіздерін үйрене бастадым. Бірақ барлық жоспарлар пандемияға байланысты бұзылды. Бірнеше апталық сабақтан кейін үйірме жабылып қалды.

Карантин кезінде мен қол қусырып отырғым келмеді және өз бетімше робототехника туралы аз да болса білім алуға бел будым. Мен қажетті тақталар мен жабдықтарға тапсырыс бердім, ескі ноутбукты іске қосып, робототехника әлеміне сүңгідім. YouTube менің ұстазым болды, ал форумдар мен онлайн курстар тәлімгерлерім болды. Бұл өзін-өзі дамытудың қызықты кезеңі болды, нақты құрылғылардың қалай жұмыс істейтінін түсіндім.

Алғашқы жобалар, жетістіктер және AI-мен жұмыс

Карантин аяқталып, қалыпты өмір қайта оралғанда, мен бұдан да көп нәрсені жасай алатынымды түсіндім. 9-сыныпта өзімнің алғашқы толық жобамды жасадым. Ол күн батареяларының тиімділігін арттыруға арналды. Кемшіліктерді тауып, оларды жою жүйесін ұсындым. Бұл панельдердің өнімділігін арттыруы мүмкін. Бұл жағдай маған жұмыс істеу тетіктері мен принциптерін тереңірек түсінуге көмектесіп қана қоймай, әрі қарай өсуге түрткі болды. Мен бірнеше байқауларда жеңіске жеттім, министрліктің грантын алдым, содан кейін робототехникадағы жолым бұдан да көп нәрсеге айналуы мүмкін екенін түсіндім.

Уақыт өте келе үлкен жобалар үшін менің мүдделеріме ие болатын команда қажет екенін түсіндім. Қалдыбай Барысханмен осылай таныстым. Біз бірге жасанды интеллект арқылы қалдықтарды сұрыптау жүйесін әзірлеп шығардық. Жоба сәтті болып шықты және кейбір сарапшылар тарапынан жоғары баға алды. Онымен бірге біз Samsung Electronics компаниясының Solve for Tomorrow байқауына қатысуды шештік. Осы беделді республикалық стартап байқауы менің көптен бергі арманым еді. Бірақ, өкінішке орай, 2023 жылы іріктеуден өте алмадық. Дегенмен, еңсемізді түсірмей бұл тәжірибені мотивация ретінде қабылдадық.

Әлеуметтік жоба: шабыт және проблемаларға жаңа көзқарас

Біз күш-жігерімізді әлеуметтік жобаға бағыттауды жөн көрдік. Оған мүмкіндігі шектеулі жандарға арналған орталыққа бару себеп болды. Мұнда біз азаматтарымыздың күнделікті кездесетін мәселелерін көрдік. Мысалы, олар үшін ең жоғарғы сөрелерден кітап алу қиын болды, тіпті қозғалыс сияқты қарапайым тапсырма да нағыз сынаққа айналды.

Содан кейін біз мүмкіндігі шектеулі адамдардың қозғалуына көмектесетін экзоскелет жасау туралы ойладық. Сол кезеңде мен Стивен Хокингпен бірге бейнелерді қарай бастадым, осы тақырып бойынша статистика мен материалдарды зерттедім. Сосын сандық технологиялар нақты шешім бола алатының түсіндім. Бізге тіл арқылы арбаларды басқару жүйесін жасау идеясы келді – бұл нағыз серпіліс болды. Жобаны «Umit» деп атадық және 2024 жылы Solve for Tomorrow байқауын бағындыруға аттандық. Осы ретте жолымыз болды – жартылай финалға өттік!

Umit жобасы: мүмкіндігі шектеулі жандарға арналған инновациялар

Umit тек біздің шығармашылық жұмысымыздың ғана емес, мүмкіндігі шектеулі жандардың қажеттіліктерін терең талдаудың жемісі болды. Біз CustDev (қажеттіліктерді зерттеу) жүргіздік, нақты пайдаланушылармен сөйлестік және джойстиктердің мүгедектер арбасын басқаруға мүлдем жарамсыз екенін түсіндік. Өйткені сал ауруына шалдыққандардың онымен пайдалануы қиын.

Мұнда біз адам тіліне назар аудардық. Біздің ойымызша, дәл сол джойстикке айналуы керек еді. Шешім ауыз қуысына орналастырылған және Bluetooth пен Wi-Fi арқылы жұмыс істей алатын протез түрінде келді. Ол арнайы датчиктармен және гироскоппен жабдықталған.

Іске асыру процесі қиын болып шықты. Протезді бір уақытта бірнеше құрылғыға бейімдеу үшін бағдарламаны үнемі «жаңартуға» тура келді. Қымбат микрочиптермен жұмыс істеу басты мәселеге айналды. Ылғалдан дұрыс қорғалмағандықтан олар күйіп кетуі мүмкін деп әрқашан қорқатынбыз. Бірақ барлық қиындықтарға қарамастан, біз оптимизмді жоғалтпадық.

Нәтижесінде, бәрін қосуға тырыспай, тек ноутбукты басқаруға назар аудару туралы шешім қабылданды. Өйткені, әзірлеменің мүмкіндіктерін көрсету басты міндет болды. Бұл тәсіл бізге протездің прототипін байқаудың финалында сәтті көрсетуге мүмкіндік берді. Samsung Electronics бізге үшінші орын және бір миллион теңге көлемінде грант берді. Бұл жеңіс бізге жобаны аяқтау үшін жаңа күш-жігер берді.

Жаңа қиындықтар мен жетістіктер

Алайда, жарыста табысқа жеткеннен кейін басқа мәселелер туындай бастады. Кейбір топ мүшелері жобадан бас тартып, ұтыстпен өзара бөлісуді ұсынды. Портфолио жинақталғандықтан, университетке түсуге дайындалатын кез келді деп. Бірақ мен бұған қарсы болдым. Мен жоғары оқі орына дайындалуға мүлдем қызықпадым. Менің барлық ойым жоба туралы болды, оған жанымды салдым және оның бойынан үлкен келешекті көрдім.

Біз келесі халықаралық Red Bull Basement жарысына өтінім бердік. Бұл жерде бәсекелестерімізден жоғары тұрдық. Мұның бәрі Solve for Tomorrow-да жинақталған тәжірибенің арқасында. Біз барлық кезеңдерден өтіп, жеңімпаз атандық, бұл Токиоға әлемдік финалға баруға бірегей мүмкіндік берді.

Мұнымен тоқтап қалмаймыз. Біз Umit жобасының келешегі зор екеніне және дүние жүзіндегі жүздеген мың адамдардың өмірін өзгерте алатынына сенімдіміз. Біз үшін маңызды кезең болған Solve for Tomorrow байқауына алғысымызды білдіреміз. Сонымен қатар, Samsung Electronics компаниясының тәлімгерлері бізге қолдау көрсетуді жалғастыруда және қазір Жапония астанасындағы Red Bull жарысының шешуші кезеңіне дайындалуға көмектесуде. Бұл жолымыздың басы ғана, және біз әлемді барлығына жақсырақ және қолжетімді орынға айналдыру үшін әрі қарай жұмыс істеуге дайынбыз.

Solve for Tomorrow жобасы болашақ IT мамандарыдың фабрикасы болып табылады. Жыл сайын байқау Қазақстанның түкпір-түкпірінен мыңдаған мектеп оқушыларының басын қосады. Мұнда жасөспірімдер ғылым, технология, инженерия және математика (STEM) көмегімен өзекті әлеуметтік мәселенің шешімдерін ұсынады. Әлеуметтік жоба Samsung Electronics компаниясының басшылығымен Қазақстанда төртінші жыл жүзеге асырылуда. Серіктес – «Аяла» жеке қайырымдылық қоры. Solve for Tomorrow-дің жүлде қоры 10 миллион теңгеден асады. Көшбасшылардың бірі болғыңыз келсе, бізге қосылыңыз. Байқау туралы толық ақпаратты solvefortomorrow.kz ресми сайтынан алуға болады.

Робототехникадағы алғашқы қадамдар мен алғашқы қиындықтар

Камилла робототехникаға бір жыл бұрын ғана қызығушылық танытқан. Құрдастарының қандай жобалар жасап жатқанын көрген жоғары сынып оқушысы өзін сынап, стартап байқауына қатысуға бел буды. Осы сәттен бастап оның технология әлеміне енуі басталды.

Бастапқы кезең қиындықтарға толы болды. Камилла Қышқашбаеваның бірінші командасы қиындықтарға тап болды – олардың қазақстандық фермерлерге көмектесуі тиіс жобасы тым күрделі болып шықты, тіпті тәлімгердің өзі көмектесе алмады. Күйзеліске төтеп бере алмаған команда мүшелерінің біразы бас тартты. Бірақ Камилла емес. Ол жаңа, мықты команда жинап, Назарбаев Университетіндегі цифрлық өндіріс зертханасының инженерлерінен көмек сұрады.

Жобаның эволюциясы

Команда ұзақ ойланды: дрон немесе робот жасау керек пе? Фермерлермен көптеген кездесулер мен әңгімелер олардың мақсатына екінші нұсқа қолайлырақ екенін түсінуге көмектесті. Бірақ бұл шешім жаңа қиындықтарды ашты.

Роботтың мәні жасанды интеллекттің арқасында арамшөптерді анықтайтынында болды. Әрі қарай, құрылғы дақылдарға әсерін барынша азайта отырып, «зиянды өсімдіктерді» тиімді жою үшін гербицидтерді пайдаланады. Жоба көптеген өзгерістерге ұшырады: СО2 лазерлерін пайдалану идеясынан бастап, команда электромагниттік клапандар сияқты неғұрлым тиімді шешімдерге тез көшті. Негізгі міндеттердің бірі тәуелсіз дөңгелектер мен күрделі басқару жүйелерін қамтитын бірегей робот дизайнын жасау болды.

Команда сонымен қатар нақты уақытпен машиналық оқытуды енгізді, бұл жобаны техникалық жағынан күрделі етті. Бірақ кедергілер көп болған сайын, стартапшылар үштігінің – Камилла Қышқашбаева, Арай Жиенбай және Айзере Мұханбайдың мотивациясы күшейе түсті.

Аутсайдер бола отырып, көшбасшыларға айналу

Кейде кері байланыс ең құнды ресурс болып шығады. Жартылай финал кезінде Камилланың командасы фавориттерден алыс болды – олар ұпай саны бойынша соңғыдан дерлік екінші орында тұрды. Бұл көптеген адамдарды аяғынан қағып кетуі мүмкін, бірақ олар үшін бұл әрекет етуге қоңырау болды.

Жартылай финалдық тәлімгерлік сессиялары жобаға тек техникалық сынақ ретінде ғана емес, сонымен қатар бизнес тұрғысынан да басқа көзқараспен қарауға көмектесті. Сондай-ақ, жас стартапшылар нені жақсартуға болатынын және жобаны нарықтың нақты қажеттіліктеріне қалай бейімдеу керектігін түсінді. Нәтижесінде 600-ден астам команданың ішінен үздік ондыққа енді.

Финал: сынақтар, эмоциялар дауылы және жеңіс дәмі

Финал әрқашан жүйке кернеуінің көзі болып табылады, ал Камилла мен оның командасының жағдайында жобаның тұсаукесеріне жарты сағат қалғанда шарықтау шегіне жетті. Қолайсыз сәтте платалармен драйверлер күйіп кетті, қыздар іс жүзінде жұмыс істейтін роботсыз қалды. Бірақ өз жобасының барлық ерекшеліктерін біле отырып, команда барлығын тез қалпына келтіріп, қазылар алдында әзірлемесін сәтті көрсете алды.

Финалдық кезеңнің қорытындысы бойынша Камилла мен оның әріптестерінің жобасы үздік деп танылды. Оларға бірінші орын және 4 000 000 теңге көлемінде ақшалай грант берілді. Ал робот олардың табандылығы мен жеңісінің символына айналды.

Бәсекелестік пен тәжірибе: Solve for Tomorrow-дің қорытындылары

Samsung компаниясының Solve for Tomorrow стартап байқауы жоғары бәсекелестігімен танымал – оған жыл сайын Қазақстанның түкпір-түкпірінен мыңдаған мектеп оқушылары қатысады. Дәл осы атмосфера Камилла мен оның серіктестері үшін өсудің катализаторы болды.

Мектеп оқушылары тек өнім жасау ғана емес, тұтынушылар арасында сұраныс бар-жоғын түсіну қаншалықты маңызды екенін түсінді. Бәсекелестік аясында олар нарықты талдауға көбірек көңіл бөліп: «Дәл қазір әлемге біздің өнім керек пе?» деген сұрақ қоя бастады. Бұл олардың көзқарасын өзгертті және жоба жаңаша көрінді.

Дамудың жаңа кезеңі

Solve for Tomorrow командаға роботты сынауға және тағы нені жақсартуға болатынын көруге мүмкіндік берді. Пилоттық жобалар әлсіз жақтарды анықтады және команда үлкен өзгерістер енгізуге шешім қабылдады, соның ішінде құрылғының тіректерін алюминийден немесе металдан жасалған мықтырақтармен ауыстыру. Қыздар байқаудан түскен жүлдені жаңа, жетілдірілген робот үлгісін жасауға жұмсамақ.

Камилла бұл жоба арқылы бұдан да биік белестерді бағындыратындарына сенімді. Қазірдің өзінде ҚР экология және білім министрліктерінің өкілдерімен, сондай-ақ Egistic, Nuris және IOT-GIS университет орталықтары сияқты халықаралық компаниялардың сарапшыларымен іскерлік кездесулер өтті. Қазақстанның аграрлық секторындағы көптеген адамдар технологиялық инновацияларға әлі дайын емес екеніне қарамастан, ұжым кәсіби мамандардың қолдауына ие болып, олар үшін жаңа мүмкіндіктер ашылуда.

Камилла Қышқашбаева мен оның командасының саяхаты – жастық пен табандылықтың кез келген кедергіні қалай жеңетіні туралы әңгіме. Бұл тек жарыстағы жеңіс емес, үлкен жетістіктерге жасалған қадам. Оларды әлі талай тың идеялар, ашылулар мен жеңістер күтіп тұр, олардың армандарын шындыққа айналдыратынына дау жоқ.

Solve for Tomorrow жобасы болашақ IT мамандарыдың фабрикасы болып табылады. Жыл сайын байқау Қазақстанның түкпір-түкпірінен мыңдаған мектеп оқушыларының басын қосады. Мұнда жасөспірімдер ғылым, технология, инженерия және математика (STEM) көмегімен өзекті әлеуметтік мәселенің шешімдерін ұсынады. Әлеуметтік жоба Samsung Electronics компаниясының басшылығымен Қазақстанда төртінші жыл жүзеге асырылуда. Серіктес – «Аяла» жеке қайырымдылық қоры. Solve for Tomorrow-дің жүлде қоры 10 миллион теңгеден асады. Көшбасшылардың бірі болғыңыз келсе, бізге қосылыңыз. Байқау туралы толық ақпаратты solvefortomorrow.kz ресми сайтынан алуға болады.

Solve for Tomorrow атты республикалық стартап байқауы аяқталды. Бұл Samsung Electronics компаниясы Қазақстанда төртінші жыл қатарынан жасап, жүзеге асырып жатқан әлеуметтік жоба. Серіктес – «Аяла» жеке қайырымдылық қоры. 21 қыркүйекте Астанада қазақстандық жоғары сынып оқушылары қатысқан ақтық сайыс өтті.

Ағымдағы Solve for Tomorrow байқауы 6 айдан астам уақытқа созылды. Биыл Қазақстанның барлық аймақтарынан 2500-ден астам мектеп оқушыларының рекордтық көлемін біріктіре алды. Қатысушыларға ғылым, технология, инженерия және математика (STEM) көмегімен өзекті әлеуметтік мәселенің шешімін табу ұсынылды. Мұқият іріктеуден кейін жартылай финалға 35 команда шықты. Тәлімгерлік сабақтарының қорытындысы бойынша 10 команда финалдық кезеңге өтті. Олар дайын жобаларын таныстыру үшін Астанаға шақырылды.

Жобаларды қорғау және марапаттау рәсімі Астана IT университеті Astana IT University-де өтті. Студенттердің жұмысын IT саласындағы сарапшылар бағалады: CodiPlay, QazInnovations және т.б. Шараға ҚР Цифрлық даму министрлігі мен Samsung Electronics компаниясының өкілдері де қатысты. Биылғы жылы бәсекелестік өте жоғары болды, сайыскерлер мүмкіндігі шектеулі жандардың өмірін жеңілдететін, ауыл шаруашылығы саласы мен қоршаған ортадағы мәселелерді шешуге көмектесетін әзірлемелерді ұсынды.

Жобаларды мұқият қарастырып, талдау нәтижесінде жүлделі орындарға 4 команда ие болды.

• 1 орын мен 4 миллион теңге жүлдені BIL Astana лицей-интернатының командасы жеңіп алды. Жоғары сынып оқушылары «KazRobotiX» жобасын ұсынды. Бұл егістіктерді өңдеуге және мол өнім жинауға көмектесетін робот.
• 2 орын және 2,5 млн теңге Алматы НЗМ мектеп оқушыларына бұйырды. Олардың «Jana Arba» жобасы мүмкіндігі шектеулі адамдарға жолдағы кедергілерді оңай өтуге мүмкіндік береді.
• 3 орын және 1 миллион теңге Тараз НЗМ екі командасына бұйырды. Бірінші команда ақылды омартаны ұсынды, екіншісі – тілді пайдалана отырып, әртүрлі техникалық құрылғыларды басқаруға мүмкіндік беретін құрылғы: компьютерден мүгедектер арбасына дейін.

Қалған командалар да назардан тыс қалмады. Байқаудың финалына шыққаны үшін әрқайсысына 300 000 теңгелік сертификаттары берілді.

«Solve for Tomorrow – бұл жай ғана жарыс емес. Бұл айналадағы әлемді өзгертуге ұмтылатын пікірлестердің одағы. Жыл сайын қатысушылар санының қарқынды өсіп келе жатқанына қуаныштымын. Біз қазақстандық жасөспірімдердің мұндай бастамаларын әрқашан қуана қолдайтын боламыз». – деп атап өтті Samsung Electronics Central Eurasia компаниясының Corporate Communication бөлімінің басшысы Берік Умаров.

Мектеп оқушылары үшін барлығы байқауға қатысумен шектелмейді. Болашақта олар өз жобаларын әзірлеуде Samsung Electronics компаниясынан жан-жақты қолдау алады. Жоба туралы толық ақпаратты solvefortomorrow.kz ресми сайтынан алуға болады.

IT кампусының қабырғасында Қостанай қаласының 13 пен 25 жас аралығындағы оқушылары мен студенттері Python бағдарламалау тілінің негіздерін және Big Data меңгере алады. Оқушыларға ыңғайлы оқу үшін барлық қажетті инфрақұрылым қамтамасыз етіледі, оларға жоғары білікті оқытушылар көмектеседі. Мұнда Samsung Innovation Campus курстарынан басқа Қостанай университетінің студенттері үшін де сабақтар өтеді. Олар кампустың техникасын және басқа сандық мүмкіндіктерін еркін пайдалана алады.

«Бүгінгі таңда цифрлық білім беруге үлкен көңіл бөлу маңызды. Өйткені, бұл болашақ, біз өскелең ұрпақты дайындауымыз керек. Samsung Electronics компаниясының білім беру жобалары біздің мақсаттарымызға сәйкес келеді, – дейді Гүлмира Дамбаулова, Qostanai IT Hub басшысы. Біз ынтымақтастығымыздан шабыт аламыз және оның көмегімен Қазақстанның IT секторының дамуына үлкен үлес қосатын кәсіби бағдарламашылар мен әзірлеушілерді өсіріп шығарамыз деп үміттенеміз».

16 қыркүйекте Samsung Innovation Campus-те жаңа оқу жылы басталды. Қостанайда Python және Big Data негіздері курстарына аймақтық іріктеу өтті. 20 оқушыдан тұратын 2 топ құрылды. Сабақтар аптасына екі рет өтеді және орташа есеппен 4,5 айға созылады. Курсты аяқтағаннан кейін түлектер Samsung Electronics компаниясының сертификаттары мен фирмалық рюкзактарын алады, ерекше көзге түскендерге смартфондар сыйға беріледі. Ең бастысы, жасөспірімдер оқуды аяқтағаннан кейін өз бетінше алгоритмдер, бағдарламалар жасап, IT мамандығы бойынша жұмысқа орналасады.

Samsung Innovation Campus-тың басты мақсаты – балаларға ақпараттық технологиялар саласында тегін, сапалы білім алу мүмкіндігін беру. Қазақстанда бұл жоба 2017 жылдың желтоқсанында іске қосылды. Осы уақыт аралығында мыңдаған оқушылар мен студенттер білім алды, 700-ден астамы курстарды толық меңгеріп, сертификаттар алды. Бүгінде жобаның Алматы, Астана, Ақтөбе, Қостанай, Талдықорған, Атырау қалаларында кампустары бар.

Қостанайда жоба Қостанай облысы әкімдігінің ақпараттандыру, мемлекеттік қызметтер көрсету және архивтер басқармасының қолдауымен жүзеге асырылды.

Samsung Innovation Campus – Samsung Electronics компаниясының халықаралық әлеуметтік және білім беру бағдарламасы, оның арқасында мектеп оқушылары мен студенттері ең танымал IT мамандықтарын тегін меңгеру мүмкіндігіне ие. Соңғы 10 жылда бұл бағдарлама әлем бойынша 100 мың студентті оқытып үлгерді. Жоба қазір әлемнің 30-дан астам елінде жүзеге асырылуда. Samsung Innovation Campus туралы толық ақпаратты samsung-campus.kz ресми сайтынан алуға болады.

Samsung Electronics Атырауда тегін бағдарламалау курстарын бастады. Арнайы жабдықталған IT-кампус Халел Досмұхамедов атындағы Атырау университетінің аумағында ашылды. Жоба Samsung Innovation Campus білім беру бағдарламасы аясында жүзеге асырылды.

IT кампусының қабырғасында 13 пен 25 жас аралығындағы атыраулық оқушылар мен студенттер Python және Big Data бағдарламалау тілінің негіздерін меңгере алады. Студенттер ыңғайлы оқу үшін барлық қажетті құрал-жабдықтармен қамтамасыз етіледі, оларға біліктілігі жоғары оқытушылар көмектеседі. Samsung Innovation Campus курстарынан басқа Атырау университетінің студенттері үшін аудиторияда сабақтар өтеді. Олар сондай-ақ құралдарды және басқа цифрлық мүмкіндіктерді еркін пайдалана алады.

Айтпақшы, Samsung Innovation Campus-те жаңа оқу жылы 16 қыркүйекте басталады. Осыған байланысты Атырауда Python және Big Data негіздері пәні бойынша оқуға қабылдау жүріп жатыр. Сабақтар аптасына екі рет өтеді және орташа есеппен 4,5 айға созылады. Курсты аяқтаған соң түлектер Samsung Electronics компаниясынан сертификаттар мен фирмалық рюкзактар алады, ерекше көзге түскендерге смартфондар бұйрады.

Samsung Innovation Campus жобасының басты мақсаты – балаларға ақпараттық технологиялар саласында тегін, сапалы білім алу мүмкіндігін беру. Қазақстанда бұл жоба 2017 жылдың желтоқсанында іске қосылды. Осы уақыт аралығында мыңдаған оқушылар мен студенттер білім алды, 700-ден астамы курстарды толық меңгеріп, сертификатқа ие болды. Бүгінде жобаның Алматы, Астана, Ақтөбе, Қостанай, Талдықорған, Атырау қалаларында кампустары бар. Қазақстанда Samsung Innovation Campus «Аяла» қайырымдылық қорының қолдауымен жүзеге асырылуда. Samsung Innovation Campus туралы толық ақпаратты samsung-campus.kz ресми сайтынан алуға болады

Samsung Innovation Campus – Samsung Electronics компаниясының халықаралық әлеуметтік және білім беру бағдарламасы, оның арқасында мектеп оқушылары мен студенттері ең танымал IT мамандықтарын тегін меңгеру мүмкіндігіне ие. Соңғы 10 жылда бұл бағдарлама әлем бойынша 100 мың студентті оқытып үлгерді. Жоба қазір әлемнің 30-дан астам елінде жүзеге асырылуда.

Біз Samsung Innovation Campus-тың ең қабілетті түлектерімен сөйлестік. Олар бағдарламалауға құмарту жолын, кедергілерді қалай жеңу керектігін, алда қандай мүмкіндіктер күтіп тұрғанын айтып берді.

Мектеп партасынан медициналық стартапқа дейін

Арай Камалиева бала кезінен басқаларға пайдалы болсын деген лебізбен өз кәсібін ашуға құштарланды. Бұл ойын іске асырды да. Бүгінгі таңда ол терідегі пигментті дақтарды талдайтын стартаптың негізін қалаушылардың бірі, оны әлемнің ең үздік университеттеріне шақырады. Бірақ мұндай жетістікке жету оңай болмағандығы туралы еске алады бойжеткен.

Өз идеяларын жүзеге асыру үшін Арай Камалиева, мектеп табалдырығынан бастап түрлі дағдыларды жетілдіруді шешті. Бағдарламалау басымдықтардың біріне айналды. Мектепте оқып жүргенде ол Java тілін үйренуге шешім қабылдап, Samsung Innovation Campus курстарына жазылды. Еңбекқорлық пен тәртіптің арқасында Арай оқуын ойдағыдай бітіріп, өзін жақсы жағынан көрсете білді. Дипломдық жұмыс ретінде ол адамдарға салауатты өмір салтын ұстауға көмектесетін қосымшаны ұсынды.

«Даму курстары мықты іргетас болды», – дейді Арай. Оның айтуынша, алған білімі Джонс Хопкинс университетінің (АҚШ) дарынды жастар орталығындағы «Ауруларды модельдеу» курсына түсуге көмектесті. Мұнда бойжеткен R бағдарламалау тілін игере бастады. Оның көмегімен ол жұқпалы аурулардың таралуын болжау үшін дифференциалдық теңдеулерді қолдануды үйренді.

Арай Камалиеваның еңбегі шетелде де жоғары бағалана бастады. Ол Канададағы ең үздік университетке – «University of Toronto-ға» шақырылды. Мұнда бойжеткенге «Молекулярлық биология, иммунология және аурулар» бағыты бойынша оқу ұсынылды. Келесі кезекте Арай өзінің тәжірибесін одан әрі арттырып, жобаларын кеңейтуді жоспарлап отыр.

«Тәртіп маған бағдарламалауға құмартуға көмектесті»

Роман Васильев бағдарламалаумен 7-сыныпта танысқан. Сол кезде ол веб-сайттарды жасауға тырысты, бірақ тез арада көңілі қалды, деп еске алады бозбала. Сынып жетекшісінің кеңесі бойынша оқушы 10-сыныпта Samsung Innovation Campus-қа түсті. Мұнда Романға бағдарламалауға басқаша қарауға және осы іске зейінің ашылуына көмектесті. Соның нәтижесінде, жас жігіт ақша тауып қана қоймай, сонымен қатар ұстаздықпен айналысып, «кодерлерді» біріктіретін қауымдастық құрды.

Роман Васильевтің айтуынша, бастапқыда бағдарламалау қиын және тек таңдаулыларға ғана арналған сияқты көрінді. Бірақ іс жүзінде бәрі басқаша болып шықты. Көп уақытын оқуға арнап, алдына нақты мақсат қоя отырып, жас жігіт ең қабілетті түлектердің бірі болды. Ол бүкіл оқу жылында бірде-бір сабақтан қалмады, сонымен қатар алдыңғы лекте үздік деп танылған жүк тасымалдауға арналған қосымшаны әзірледі. Бұл іс жүзінде нарыққа дайын өнім еді.

Қазіргі уақытта Роман Васильев әртүрлі компанияларға арналған мобильді қосымшаларды әзірлеуде/жетілдіруде. Сонымен бірге, университетте Software Engineering мамандығы бойынша оқып жүр. Енді Роман өз тәжірибесін жаңадан бастаған бағдарламашылармен бөлісуді жөн көрді. Astana IT University қабырғасында мобильді даму клубын ұйымдастырды. Мұнда қызығушылық танытқандар үшін түрлі байқаулар мен шеберлік сабақтары өткізіледі. Жас жігіт Samsung Innovation Campus оның болашақ өміріне, мамандығы мен университет таңдауына айтарлықтай әсер еткенін айтады.

Экономист мамандығын тастап, бағдарламалаумен айналысты

Венера Юлдашева жастайынан ғылыми фантастикаға әуестенген. Соның арқасында инновациялық технологияларға деген тұрақты қызығушылық пайда болды. Уақыт өте келе ол тек бақылаушы болғысы келмейтінін, осы әлемнің бір бөлігі болғысы келетінін түсінді.

Бойжеткен біраз уақыт экономика саласында жұмыс істеді. Үзіліс жасап, жаңа мамандықты меңгеру туралы шешім қабылдады. Көптеген ұсыныстар болды, деп еске алуда Венера. Бірнеше курстардан өткен, бірақ дәл Samsung Innovation Campus көңілінен шықты. Оның айтуынша, мұғалімнің ептілігі, кәсібилігі және практикалық оқыту жүйесі басты артықшылық болды. Нәтижесінде бойжеткен Python пәні бойынша ең жақсы түлектердің бірі атанды.

«Мақсатты дұрыс қою және сылтауға жол бермеу – жаңа істі үйренудегі маңызды элементтер»-, дейді Венера Юлдашева. Олар тамаша маман болуына көмектесіп, үлкен мүмкіндіктер ашты. Бойжеткен Johannes Kepler University-ге (Австрия) шақырылды. Енді ол жасанды интеллект технологияларын зерттейтін болады. Айтпақшы, бұл университет Еуропада жасанды интеллект саласында академиялық дәреже ұсынатын бірінші жоғары оқу орны.

Samsung Innovation Campus — Samsung Electronics компаниясының әлеуметтік және білім беру бағдарламасы. Бағдарлама  Samsung компаниясы орналасқан көптеген елдерде бар. Бұл бастама коммерциялық емес және бизнестің әлеуметтік жауапкершілігі аясында жүзеге асырылады. Жобаның басты мақсаты – балалардың ақпараттық технологиялар саласында тегін, сапалы білім алуына мүмкіндік беру. Қазақстанда осы жоба 2017 жылғы желтоқсанда іске қосылды. Осы уақыт ішінде мыңдаған бала жаңа мамандықты игерді. Samsung Innovation Campus туралы толық ақпаратты samsung-campus.kz ресми сайтынан алуға болады.

Samsung Innovation Campus-та оқу жылы аяқталды. Кезекті ағында Қазақстанның барлық дерлік облыстарынан 200-ден астам оқушылар мен студенттер қатысты. Тоғыз ай бойы олар екі пән – «Python және үлкен деректер негіздері» және «Мобильді өңдеу курсы» бойынша тегін оқыды.

Түлектердің көпшілігі емтихандарды сәтті тапсырып, көкейкесті сертификаттар мен фирмалық рюкзактардың иегерлері атанды. Жоғары балл жинағандарға Samsung Electronics компаниясы Galaxy A сериялы смартфондарын қосымша табыс етті.

«Мобильді өңдеу курсының» студенттері хакатон барысында дайын ойын мен әлеуметтік қолданбаларды ұсынды. Рецептер анықтамасы, қызметкерлерді іздеу, қаржылық сауаттылық және онлайн зоодүкені бойынша жобалар ерекше атап өтілген. Көптеген оқушылар өздерінің мобильді ойындарын әзірледі.

«Python және Big Data негіздері» бойынша түлектер бағдарламалау дағдыларын және үлкен деректермен жұмыс істеуді меңгерді. Олардың кейбіреулері оқу кезінде отандық компанияларда веб-әзірлеуші ​​немесе бағдарламалық жасақтама жасаушы ретінде мансабын бастады.

Оқу жылы аяқталмай-ақ Samsung Innovation Campus жаңа оқу жылының басталғанын хабарлайды. 21 тамыз бен 5 қыркүйек аралығында «Python және үлкен деректер негіздері» және «Мобильді өңдеу курсы» пәндері бойынша студенттер қабылдануда. Іріктеуден өткендер Алматы, Астана, Талдықорған, Атырау, Ақтөбе және Қостанай қалаларындағы арнайы жабдықталған сыныптарда оффлайн режимде оқи алады. Басқа аймақтардан келген талапкерлер үшін онлайн оқу мүмкіндігі бар.

Samsung Innovation Campus курстарына жаңа қабылдау және жобаның өзі туралы толық ақпаратты samsung-campus.kz ресми сайтынан табуға болады.

Samsung Innovation Campus (SIC) – бұл Samsung Electronics компаниясының әлеуметтік білім беру жобасы болып табылады. Бұл біздің компания өкілдік ететін елдердің көпшілігінде жұмыс істейтін SIC жаһандық білім беру жобасының бөлігі. Осы бастама коммерциялық емес және бизнестің әлеуметтік жауапкершілігі аясында жүзеге асырылады. Жобаның басты мақсаты – балалардың ақпараттық технологиялар саласында тегін, сапалы білім алуына мүмкіндік беру. Қазақстанда бұл жоба 2017 жылдың желтоқсанында іске қосылды.

Қазақстандық кодтаудың ішкі жұмысы туралы астаналық бағдарламашы Жұлдыз Социалмен сөйлесіп көрдік. Ол Astana IT University-дің ұстазы, сонымен бірге Samsung Innovation Campus-те бағдарламалау негіздерінен сабақ береді. Ең бастысы, Жұлдыз студенттер мен оқушыларға стереотиптерді жеңуге белсенді түрде көмектеседі.

«Бағдарламалау – математика туралы емес»

IT саласына саналы түрде және нақты ниетпен келдім. Жолымды математика мен инженериядан бастап, жүйелі түрде бағдарламалауға көштім.

Мұнда мен бірінші маңызды нәрсе ұқтым: бағдарламалау – математика туралы емес. Бұл саладағы бастысы – табандылық пен парасаттылық. Әрине, күрделі және көп функционалды қосымшаларды жасау үшін дамыған логикалық және құрылымдық ойлау қажет. Бірақ мұндағы барлық математика арифметикамен шектеледі.

«Қорқыныш пен кемсітушілік балаларға өз мүмкіндіктерін жүзеге асыруға кедергі болуда»

Мен 3 жылдан астам бағдарламалаудан сабақ беремін. Осы уақыт ішінде қыздар мен ұлдардың оқу үрдісі жиі ерекшеленетінін байқадым. Кейбір теріс пікірлерге байланысты кыздар оларға деген немқұрайлы көзқарасқа дағдыланады: қателеріне көз жұмып, дәл осылай баға қояды. Бірақ бұл, менің ойымша, студенттік жылдардағы болатын уақытша және қате құбылыс. Өйткені, мұндай жеңілдіктердің кесірінен бәсекелестіктен жеңіліп жатқаныңызды байқайсыз.

Бағдарламалау әлемінде кемшіліктердің жеткілікті үлесі бар. Бұл жерде, әрине, кемсітушілік ерекше атап өтіледі. Ол соншалықты анық көрсетілмеген, ол туралы ешкім дауыстап айтпайды, бірақ бұл оның жоқтығын білдірмейді. Мысалы, робототехникада жігіттерге басымдық берілетінін жиі кездестірдім. Ауыр техника, оған күш керек деген сөздер. Бірақ микроконтроллерлерді пайдалану үшін сізге физикалық күш қажет емес.

Осының аясында бағдарламалаудың «ер» мамандығының мәртебесін алуы ғажап емес. Қыздың код жазуға деген ұмтылысын жұртшылық көбінесе жасы ұлғайған сайын жоғалып кететін уақытша хобби ретінде қабылдайды. Нәтижесінде, мұның бәрі адамның сәтсіздігіне әкеледі.

«Жыныс маңызды емес, дағдылар маңызды»

Пессимизмді былай қойғанда, кемсітушілік бірте-бірте қолданыстан шығып барады. Мен мұны күнде байқаймын. Көптеген қыздар мен әйелдер өздерінің стартаптарын ашады, өздері бағдарламалау тілдерін меңгереді және осы дағдыларды басқаларға үйретеді. Ал менің мотивациям – әрқашан жаңа нәрсені үйрену. Бағдарламалау әрқашан сізді таң қалдыруға және сынауға дайын.

Әр адам кодтауда өз орнын таба алады. Табысты бағдарламашы болу үшін сізге табандылық, интеллект және тәжірибе қажет, оларсыз ешқайда жете алмайсыз. Осының барлығын Samsung Innovation Campus студенттеріне жеткізуге тырысамыз. Мен әрқашан студенттерге жыныс маңызды емес, сіздің дағдыларыңыз маңызды екенін айтамын.

«Ұстаздық – талант емес, тынымсыз еңбек арқылы қол жеткізесіз»

Ұстаздық маған әрқашан жақын болды. Университетте оқып жүргенде бастауыш сынып оқушыларына сабақ беруге тырыстым, сосын жоғары сынып оқушылары да болды. Осындай шағын қадамдармен университет деңгейіне дейін өстім. Мен мұны қандай да бір талант деп айтпас едім, барлығына тынымсыз еңбек арқылы қол жеткізіледі.

Көптеген мұғалімдер шәкірттеріне өз балаларындай қарайды деп бекер айтпаған. Егер сіз өз жұмысыңызды жақсы көретін болсаңыз, онда тыңдаушыға бәрін түсінуі үшін барлық ақпаратты жеткізуге тырысасыз: алгоритмдерді мұқият сипаттайсыз, әр сан мен нүктені түсіндіресіз. Нәтижесінде студенттеріңіздің алған білімді өмірде сәтті қолданғанын қалайсыз. Сондықтан сіз оларға шын жүректен тамыр сала бастайсыз, олардың жеңістеріне қуанасыз және сәтсіздіктері үшін олармен бірге қайғырасыз.

Дәл осы нәрселер студенттер мен оқушыларды Samsung Innovation Campus-ке тартады. Менің студенттерім айтқандай, мұнда сізге тек Python, Big Data немесе Android әзірлеуін сәтті меңгеруге көмектесіп қана қоймайды, ізді барлық жағынан қолдап, сіз үшін пікірлес адамдарды табады және сізді әрқашан бір нәрсеге қызықтырады.

«Samsung курстары университеттегі оқуды жеңілдетеді»

Мұғалім ретінде мен Samsung компаниясының білім беру стратегиясын ерекше бағалаймын. Мысалы, бізде IoT (заттар интернеті) курсы бар. Ол Astana IT University-дегі оқу бағдарламасымен біріктірілген. Алгоритм келесідей: университет студенттері осы таңдау курсын Samsung Innovation Campus-те оқиды, оқуды аяқтағаны туралы сертификаттар алады және бұл университетте аяқталған пән ретінде есептеледі. Өте керемет ынтымақтастық.

Samsung Innovation Campus – бұл Samsung Electronics компаниясының халықаралық әлеуметтік және білім беру бағдарламасы, оқушылар мен студенттерге ең танымал IT мамандықтарын тегін меңгеруге көмектеседі: жасанды интеллект, заттар интернеті, мобильді даму және үлкен деректер секілді. 2014 жылдан бері бүкіл әлем бойынша шамамен 119 000 студент осы бағдарлама арқылы оқуын аяқтады. Қазіргі уақытта Samsung Innovation Campus жобасы әлемнің 30-дан астам елінде жүзеге асырылуда. Қазақстанда бағдарлама 2017 жылы іске қосылды. Осы уақыт ішінде оған 10 мыңға жуық жас қазақстандық қатысты.

– Бағдарламалау әлеміне қалай келдіңіз?

– Негізі, менде техникалық түрде ойланамын. Мектепте физиканы жақсы көріп, белсенді түрде оқыдым. IT саласы туралы мүлде ойламадым – ол мені қызықтырмады. Біздің кезімізде бұл бағыт сәнді болып, жастарды қызықтыра бастады. Университетке түсу кезінде «ақпараттық жүйелер» мамандығы бойынша грант ұтып алдым. C++ тілін үйрену басында қиын болды, интернетте бұл тақырып бойынша ақпарат аз болды. Мамандық таңдауыма күмәндандым. Бірақ мен әлі де тырысамын деп шештім. Басқалар мұны істей алатын болса, мен немен кеммін? Көп оқи бастадым, сессияны жақсы тапсырып, содан кейін бағдарламалауға ғашық болдым.

– Бұл салада қалуыңызға не себеп болды?

– Бағдарламалау – шығармашылық жұмыс, ал программист – суретші секілді. Маған жоқтан жаңа және ерекше нәрсе жасай алатыным ұнады. Сонымен бірге бағдарламалауды орасан зор сфера деп атауға болады. Әрқашан жаңа көкжиектер, технологиялар мен шешімдер. Оның үстіне әрбір жаңа бағыт жаңа ел сияқты. Өзіңізді саяхатшы сияқты сезінесіз. Сонымен бірге YouTube немесе Facebook сияқты сайттар мен қосымшалардың «ішкі әлемдері» қалай жұмыс істейтінін түсіне бастайсыз. Олар тек HTML беттері ғана емес, әлдеқайда тереңірек және қызықтырақ. Бұл әрқашан таң қалдырып, баурап алады.

– Бағдарламалау тілдері тек «технарьларға» оңай екені рас па?

– Бағдарламалауда математика немесе физиканы білу міндетті емес. Алгоритмдер – бұл қадамдар жиынтығы. Сондықтан мұны тіл деп атайды. Мен кез келген адамды үйретуге болатынына сенемін. Оның «гуманитар» немесе «технарь» екендігі маңызды емес. Ең бастысы – дұрыс әдісті табу. Материалды жай ғана түсіндіру жеткіліксіз, сіз оқушылардың қажеттіліктеріне мұқият болуыңыз керек. Кейбіреулеріне көбірек уақыт жұмсап, ақпаратты бөлшектеп, егжей-тегжейлі жеткізу керек. Қандай көмек қажет екенін, түсінбейтінің сұрау керек. Бұл көп уақытты қажет етеді, бірақ осылай кері байланыс пайда болады және балалардың оқуын жеңілдетеді.

– Ұстаздық қабілетіңізді қалай аштыңыз?

– Мен 11-сыныпта сабақ бере бастадым. Сол жылдары физиканы жақсы білетінмін, сыныптастарыма үй тапсырмасын орындауға көмектестінмін. Сол кезде мен біліммен бөліскенді жақсы көретінімді және мұны өте жақсы істей алатынымды түсіндім. Одан кейін бұл істі университетте жалғастырдым, студент кезімде курстастарыма оқуын жақсартуға көмектестім. Бұл ретте тек жігіттерден ғана емес, мұғалімдерден де жақсы пікірлер алатынмын.

– Неліктен Samsung Innovation Campus-та бағдарламалауды үйрете бастадыңыз?

– Бұл кездейсоқ және күтпеген жерден болды. Мен IT-мамандығым бойынша банкте жұмыс істедім және оқыту туралы ойлана бастадым. Содан кейін достарым маған телефон соғып, Samsung мектеп оқушылары мен студенттерге арналған бағдарламалау курстарын ашып жатқанын, және олар мені мұғалім ретінде көргісі келетінін айтты. Көп ойланбастан ұсынысты қабылдадым, бәрі осылай болғанына қуаныштымын. 5 жыл қатарынан Java, Python және Android әзірлеуді үйретіп келемін.

– Түлектердің көпшілігі сіздің оқыту әдістемеңізді ерекше атап өтеді. Мұның сыры неде?

– Ешқандай құпия жоқ. Бұл өте қарапайым: мен оқушыларға қолайлы жағдай жасауға тырысамын. Олар өзін үйдегідей сезініп, қолайлы әрі жеңіл оқуы үшін. Мен студенттерге біз «бір толқында» бола алатынымызды бірден түсіндіремін. Сондықтан сабақ барысында сөйлесуге және әзілдеуге рұқсат беремін. Бұл ретте бізде тәртіп бар. Кейде маған жәй ғана әңгімелесуге, өмірлік мәселелерді талқылауға, өз пікірлерімен бөлісуге келеді. Мұның бәрі маңызды. Өйткені, әрқайсысы әлі толық қалыптаспаған тұлға, олардың сұрақтары, қорқыныштары мен күмәндері көп. Оларды тек тыңдап қана қоймай, ести білу керек.

– Неліктен жас қазақстандықтар қазір IT саласына жаппай кіріп жатыр?

– Ең басында жалақы туралы ойлайтындар аз. Қазір ойындарды әзірлеу оңай. Бұл мектеп оқушыларын қатты қызықтырады. Ойын балаларды күрделі жүйелер мен технологияларға қарағанда көбірек ынталандырады. Осы құмарлықтың арқасында қосымшалардың механикалық бөлігіне деген қызығушылығы туындайды: олар қалай жасалады, неден тұратынын, осындай нәрсені қалай жасауға болады. Сондай-ақ, соңғы уақытта жастар бағдарламалаудың болашақта кез келген салада қажет болатынын түсіне бастады.

– Samsung Innovation Campus-тың болашағы қандай және бұл курстар студенттер үшін неліктен құнды?

– Samsung компаниясының бұл курстары, менің ойымша, мектеп оқушылары үшін кәсіптік бағдар ретінде арналған. Бағдарламалауды оқып жүріп, болашақта университетте 4 жылын босқа өткізбей, IT саласына түсу керек пе, жоқ па, соны біле алады. Иә, мұның да кемшіліктері бар. Балалар ақша жұмсамайды, ештеңеге тәуекел етпейді. Осыған байланысты олар ынталандыруды тез жоғалтуы мүмкін. Бізде іс жүзінде «көтермелеу мен жазалау» әдісі жоқ. Тек мотивация. Бірақ дұрыс көзқараспен осы да жеткілікті.

Студенттеріміз бен мұғалімдеріміздің мысалын қолдана отырып, біз Samsung Innovation Campus бағдарламасы жай ғана бағдарламалау курстары емес екенін көрсетеміз. Осы білім беру жобасының арқасында Samsung Electronics көптеген жылдар бойы Қазақстанның өскелең ұрпағын тегін қолдауға тырысуда. Барған сайын көбірек балалар қажетті білімге қол жеткізе алады, дағдыларын жетілдіреді және өмірде мақсаттарын жүзеге асыра алады. Samsung Innovation Campus туралы толық ақпаратты бағдарламаның ресми сайтынан табуға болады: https://samsung-campus.kz/

Samsung Electronics компаниясы осы тенденция аясында қазақстандық мектеп оқушыларының бағдарламалау негіздерін меңгеріп, цифрлық технологиялар саласында терең білім алуға көп жылдардан бері көмектесіп келеді. Оның үстіне бұл толықтай тегін. Сізге тек еңбекқорлық пен тәртіп қажет. Жаңа дағдыларды игерген жас қазақстандықтар өмірлерін түбегейлі өзгертуде. Түлектерімізді мысалға ала отырып, бұл іс жүзінде қалай көрінетінін айтып береміз.

Дәулетбек Хамза – Samsung компаниясының тегін курстарын өткендердің бірі. Студент кезінде оны кәсіби әзірлеуші болу идеясы қызықтырған. Бұл жігітті C++, Python және басқа бағдарламалау тілдерін меңгеруге итермеледі.

Дәулетбек Хамза робототехника және бағдарламалау байқауында

«Бала кезімнен сандарға құштарлығым байқалған және әзірлеуші болу идеясы маған жақын болды. Әл-Фараби атындағы Қазақ ұлттық университетінің физика-техникалық факультетіне оқуға түскенімде, Samsung инновациялық академиясы бар екенін естідім. Ол жерде бағдарламалауды тегін үйренуге болатынын біліп, бірден өтініш бердім», – дейді Даулетбек Хамза.

Курстан алған білімі Дәулетбекке өзінің сүйікті саласы – робототехникамен айналысуға мүмкіндік берді. Қазір ол өз идеясын жүзеге асыруға талпынып қана қоймай, өскелең ұрпаққа білімін белсенді түрде жеткізіп келеді. Жігіттің ұстаздық қабілеті де ерекше. Дәулетбектің жетекшілігімен оқушылар түрлі роботтарды сәтті жасап, жарыстарда жүлделі орындарға ие болып жүр.

ҚР Ғылым және жоғары білім министрімен марапаттау сәті

Дәулетбек Хамза 2023 жылы TikTok нұсқасы бойынша жылдың үздік мұғалімі болып танылды. Ол екі минуттық видео жариялап, танымал бағдарламалау платформаларының бірінде роботты қалай құрастыру керек екенін қысқаша түсіндірді. Ал бейнежазба көп қаралым мен лайк жинап, ел қызығушылығын тудырды. Осы тұста Ғылым және жоғары білім министрлігі мұғалімнің шығармашылық тәсілін ерекше атап өтті.

«Шынымды айтсам, бұл мен үшін күтпеген жағдай болды. Бұл ретте марапатқа әбден лайық екенін түсінемін. Ең қуаныштысы, мектеп оқушылары мен студенттер қандай да бір тақырыпты түсіну, кеңес алу үшін менімен жаппай хабарласа бастады. Елімізде бағдарламалау саласының дамуына өз үлесімді қосып жатқаныма қуаныштымын», – дейді Дәулетбек Хамза.

Ақбота Мұзафарова – елордалық Samsung Innovation Campus филиалының оқушысы. Қыздың айтуынша, бағдарламалау әлемі оған алғашында мүлдем түсініксіз көрінген. Уақыт өте ол бұл тақырыпты тереңірек зерттеп, жоғары білікті IT маманы ретінде жасанды интеллектпен жұмыс істегісі келетінін түсінген. Осылайша бағдарламалау негіздерінен бастауды шешкен Ақбота оқу курстарын белсенді түрде іздей бастады.

Акбота Музафарова, елордалық SIC филиалының оқушысы

«Мен ғаламторда көптеген нұсқа кездестірдім. Samsung курстарын көргенде, бірден өтініш беруді шештім. Бұл таңдауда компанияның беделді және ірі болуы маңызды рөл атқарды. Олар сондай-ақ оффлайн режимде оқытуды қамтамасыз етеді және сертификаттар береді». – деп атап өтті Ақбота Мұзафарова.

Қазір бойжеткен Python тілін белсенді түрде оқып жатыр. Болашақта Ақбота медицина саласында өз қабілетін сынап көрмек. Дәрігерлерге науқастарды қарап, дұрыс диагноз қоюға көмектесетін бағдарлама жасау жоспарында бар.

Алмаз Лашын үшін Samsung Innovation Campus жобасы жай ғана бағдарламалау курстары емес, одан да ауқымды дүниеге айналды. Мұнда ол көзқарасы ұқсас жандарды кездестіріп, не қалайтынын, әрі қарай қандай бағытқа бет бұру керек екенін түсінді.

Алмаз Лашын, SIC түлегі

«Мен 2 бағытта оқыдым – Android Java Developer және Python Developer. Осыған дейін әртүрлі курстардан өткенмін, бірақ Samsung Innovation Campus мені қатты таң қалдырды. Мен екі тамаша ұстаздан – Жұлдыз мен Ильядан білім алдым. Екеуі де – мәселелерді шешудің әдеттен тыс әдістерін ұсына алатын кәсіби мамандар. Солардың көзқарасының арқасында ғана қажетті білімге қол жеткіздім», – дейді Алмаз Лашын.

Samsung Innovation Campus қабырғасында алған дағдылары Алмаз Лашынға шетелдік университетке түсуге мүмкіндік берді. Арман қуған азамат қазір Бейжің технологиялық институтының студенті. Болашақта Алмаз өзінің жеке стартапын дамытуды жоспарлап отыр.

Samsung Innovation Campus – бұл тек сапалы білім беру ғана емес, біртұтас рух. Осы тұста оқушылар курс нағыз ұйымшыл орта қалыптастырғанын, енді олар кез келген қиындықты бірге жеңетінін атап өтті. Айта кетейік, Қазақстанда Samsung Innovation Campus 2017 жылы іске қосылды. Осы уақыт ішінде мыңдаған азамат бағдарламалаудың қыр-сырын меңгеріп, өз отанында ғана емес, басқа елдерде де ІТ саласының дамуына үлес қосып жүр. Бұл жолды таңдаған жас қазақстандықтардың саны жыл өткен сайын артып келеді.