Өз денсаулығын және ұмтылысын одан да тұтас түсінуге арналған АІ

Samsung компаниясы пайдаланушыларға өз денсаулығының ерекшеліктерін жақсы түсінуге көмектесетін маңызды да, нақты деректерді өз құрылғыларында пайдаланудан бастаған, ал қазір ол өзін жақсы сезіну және денсаулық сақтау саласындағы алдыңғы қатарлы тәжірибені құрудың міндетін өзіне жүктеді. Енді Galaxy AI және Samsung Health қосымшасының өзара әрекеттесуі арқасында денсаулықтың жаңа функциялары сізге өз денсаулығыңыздың күйі, сондай-ақ өзіңіздің күнделікті күйіңіз, сондай-ақ ынталандырушы қолдау жайлы одан да толық мәліметтерді ұсына алады. Денсаулықтың жеке көрсеткіштерін құрамдастырылған талдаудың, соның ішінде ұйқының орташа уақытын, ұйқыға тұрақты жұмсалған уақытты, тұрақты ұйықтау/ояу уақытын, ұйқыға кету уақытын, алдыңғы күндегі белсенділік дәрежесін, ұйқы кезіндегі жүрек соғу² жиілігін және жүрек ырғағының өзгеруін өлшеу арқасында Energy Score³ көмегімен сізге өзіңіздің күнделікті күйіңіз жайлы толығырақ ақпаратты береді. Сонымен қатар, Wellness Tips⁴ нақты қойылған мақсатқа тәуелді қажетті ақпаратты, ынталандырушы кеңестерді және ұсынымдарды беру арқылы сізге денсаулық сақтау саласындағы жеке мақсаттарыңызға жетуге көмектеседі.

Арттырылған дәлдік пен сенімділік

Денсаулықтың дәл және толық көрсеткіштері құрылғының алдыңғы қатарлы зияткерлік медициналық функциялары үшін негіз болып табылады. Тұлғаның жеке денсаулығының күйін бақылауға арналған жетілдірілген алгоритмдер мен алдыңғы қатарлы құралдар жасанды интеллектпен бірлестікте одан да тұтас, дербестендірілген және практикалық деректерді қамтамасыз етеді. Денсаулық жайлы күтім толыққанды түнгі ұйқыдан басталғандықтан, Samsung компаниясы ұйқы жайлы толығырақ қосымша ақпаратты беру үшін жасанды интеллекттің ұйқыға арналған алгоритмдерін жетілдіреді. Sleep Insights-та жаңадан шыққан ұйқының жаңа көрсеткіштері сізге ұйқыңыздың режімін зерттеуге және әдеттеріңізді жақсартуға көмектесу үшін ұйқының сапасын одан да толық және дәл талдауын ұсынады. Қорылдау, қандағы оттегінің мөлшері және ұйқының циклі сияқты бұрыннан бері қолданып келе жатқан көрсеткіштерге қоса, жаңадан ұйқы кезіндегі қозғалыс, ұйқының тоқтауы, жүректің соғу жиілігі және ұйқы кезіндегі дем алу жиілігі кіреді.

Жаңа фитнес-функциялар дәстүрлі түрде жоғары технологиялық құралдармен қамтамасыз етілетін одан да дербестендірілген жаттығулар үшін өз физикалық мүмкіндіктеріңізді өлшеудің зияткерлік және қарапайым әдістерін қолдануды ұсынады. Personalized Health Rate Zone аймағындағы қарқынды жүгірудің бес деңгейіне қосымша тиімді жүгіруді қолдайтын және нәтижелерді бірден талдайтын Aerobic Threshold (AT)/Anaerobic Threshold (AnT) Heart Rate Zone⁵ жаңа көрсеткіштері қосылды. Сонымен қатар, велошабандоз жасанды интеллекттің деректерін талдауға негізделген дербестендірілген ақпаратты қолдана отырып, 10 минуттың ішінде⁶ Functional Threshold Power (FTP) көрсеткіштерін оңай есептеп, кәсіби спортшы сияқты жаттыға алады. Фитнес-трекингтің ыңғайлы аспаптары сізге өз жаттығуларыңызды және жетістіктеріңізді оңай бақылауға мүмкіндік береді. Workout Routine жаңа бағдарламасының көмегімен сіз дербестендірілген жаттығу үшін әр түрлі жаттығуларды үйлестіріп, бір жаттығудан екіншісіне ыңғайлы көше аласыз. Race⁷ функциясы жүгіргенде және велосипед тепкенде сіздің қазіргі және өткен нәтижелеріңізді салыстырады. Осылайша, ол сіздің ішкі ынталандырушы күшіңізді сақтап, өз жетістіктеріңізді бақылауға мүмкіндік береді.

«Біз өз экожүйемізде Galaxy AI мүмкіндіктерін кеңейте отырып, пайдаланушыларға олардың талғамына сай жаңа зияткерлік мүмкіндіктердің кең ауқымын ашуға ұмтыламыз, – дейді Samsung Electronics компаниясының MX Business бөлімшесінің Galaxy Ecosystem өнімдерін жоспарлау тобының басшысы және вице-президенті Джунхо Пак (Junho Park) – Galaxy AI-дің Galaxy Watch смарт-сағаттарымен интеграциясы – бұл үрдістің бастамасы, біз жақын арада АІ функцияларының бүкіл Galaxy портфолиосына кеңеюін асыға күтудеміз».

Бұл функциялар осы жылы ұсынылатын One UI 6 Watch-пен Galaxy Watch смарт-сағаттарының жаңа желісінде қол жетімді болады. Galaxy Watch пайдаланушыларының шектеулі саны ғана маусымда басталатын бета-бағдарламаға⁸ алғашқылардың бірі қатарында қосыла алады. Бұл – біздің пайдаланушыларға арналған жаңалықтарымыздың шағын бөлігі, біз сіздің назарыңызға Galaxy Watch смарт-сағаттарының жаңа сериясында шығатын алдыңғы қатарлы жасақтамалық жаңартулармен үйлесе алатын Galaxy AI-дің барлық мүмкіндіктерін көрсетуді асыға күтудеміз. Жаңалықтарымызды бақылап жүріңіз!

¹ Жасанды интеллекттің кейбір функцияларына қол жеткізу үшін Samsung есептік жазбасына кіру талап етілуі мүмкін. Samsung компаниясы жасанды интеллекттің функциялары ұсынатын нәтижелердің дәлдігіне, толықтығына немесе сенімділігіне ешқандай сөз, уәде немесе кепілдік бермейді. Galaxy AI функцияларының қол жетімділігі құрылғының моделіне тәуелді болуы мүмкін. Galaxy AI функциялары 2025 жылдың соңына дейін Samsung Galaxy құрылғыларында тегін ұсынылатын болады. Үшінші тараптар ұсынатын жасанды интеллекттің функциялары үшін өзге шарттар қолданылуы мүмкін.
² Диагностикалаудың немесе емдеудің дәстүрлі әдістерін алмастыруға арналмаған.
³ Тек жалпы қолдануға арналған. Android (Ож Android 10 немесе одан жоғары) телефондарында қол жетімді және Samsung Health қосымшасын (v6.27 немесе одан жоғары) талап етеді. Samsung есептік жазбасына кіруді талап етеді. Energy Score тексеруі үшін Galaxy Watch смарт-сағаттарынан (Galaxy Watch4 немесе одан жаңа Galaxy Watch сериясының құрылғыларынан) алынатын денсаулық жағдайының мәліметтері Samsung Health қосымшасымен синхрондалуы тиіс. Алдыңғы күннің белсенділігі және түс көру туралы деректер, сондай-ақ тұлғаның ұйықтағанда жүрегінің соғу жиілігі туралы мәліметтер қажет.
⁴ Android (ОЖ Android 10 немесе одан жоғары) телефондарында қол жетімді және Samsung Health (v6.27 немесе одан жоғары) қосымшасын талап етеді. Samsung есептік жазбасына кіруді талап етеді. Қандай да бір ауруды анықтауға, диагностикалауға және емдеуге арналмаған. Нәтиже тек тұлғаның жеке танысуына арналған. Кеңес алу үшін медицина маманына жүгініңіз.
⁵ Heart Rate Zone аймағында дербестендірілген деректерді белсенді ету үшін таза ауада жүгіруді таңдау қажет. Бұл үшін 10 минуттан астам уақыт ішінде 4 км/сағ немесе одан жоғары жылдамдықпен тоқтамай жүгіру керек.
⁶ FTP-де дербестендірілген деректерді алу үшін Galaxy смартфоны қуатты өлшеу құралына қосылуы тиіс. Одан да дәл FTP-ді есептеу үшін Galaxy Watch смарт-сағаттарын смартфонға қосу қажет. Велосипедпен саяхат 4 минуттан астам уақыт ішінде орташа немесе жоғары жылдамдықпен орындалса және сіздің велосипедіңізге қуатты өлшеу құрылғысы тағылса, FTP автоматты түрде есептелетін болады. Машиналық оқытудың арқасында пайдаланушылар қаншалықты жиі велосипедті тепсе, FTP көрсеткіштері соншалықты дәл және дербестендірілген мәндерді есептейтін болады. Қуатты өлшеу құралы бөлек сатып алынады. Кәсіби құрал-жабдықта FTP талдаудың дәстүрлі ұзақтығы орташа алғанда 1 сағатты құрайды.
⁷ Race функциясы тек жүгіру және велосипедті тебу үшін қол жетімді. Салыстырмалы өлшеулерді алу үшін алдын ала жасалған жол бойынша бірнеше рет жүгіріп отыру керек. Салыстыру 14 күнге дейінгі кезең ішінде жазбалардың бірін таңдағанда қол жетімді. Егер сіз алдыңғы жазба басталған нүктеден жүгіруді қайтадан бастасаңыз, онда сіз салыстыруға қол жеткізе аласыз. Егер жүгіруді бастау нүктесі өзге болса, жүгіру режімі автоматты түрде қосылады.
⁸ One UI 6 Watch бағдарламасының бета-нұсқасы Samsung Members қосымшасы арқылы АҚШ-та және Кореяда Galaxy Watch4, Galaxy Watch4 Classic, Galaxy Watch5, Galaxy Watch5 Pro, Galaxy Watch6 және Galaxy Watch6 Classic пайдаланушыларына қол жетімді болады.

▲ (Солдан оңға) Samsung компаниясынан дәрігер Хон Пак, BeeKeeper AI дәрігері Майкл Блюм, Миллс Пенинсула медициналық орталығынан дәрігер Дэвид Клонофф және Samsung медициналық орталығының профессоры Мюнг Джин Чунг.

Сұрақ: Денсаулық сақтау саласының болашағын қалай елестетесіз және технологиялар, әсіресе генеративті жасанды интеллектпен үйлескенде қандай рөл атқарады?

▲ Дәрігер Хон Пак, Samsung Electronics компаниясының MX Business департаментіндегі Digital Health бөлімінін аға вице-президенті және басшысы.

Профессор Чунг: Көп жылдық клиникалық тәжірибемнің арқасында мен пациенттің ауру тарихын жан-жақты түсіну өте маңызды екенін түсіндім. Дегенмен, науқастың өмір салтын немесе оның әл-ауқатының негізгі факторларын, мысалы, ұйқы режимін немесе тамақтану әдеттерін толық түсіну қиын болуы мүмкін, әсіресе емдеу нақты белгілерді жоюға бағытталған кезде. Киілетін құрылғылар арқылы алынған Lifelog деректері науқастың тарихының толық контекстін жақсырақ түсіну үшін денсаулық сақтау және клиникалық басқару үшін пайдалы болуы мүмкін. Жасанды интеллект дәрігерлерге көмектесіп, жиналған ақпаратты басқару мен түсіндіруді оңтайландыру арқылы бұл процесті жеңілдете алады. Жасанды интеллектін болашағы – бұл киілетін құрылғыларды пайдалану арқылы үздіксіз бақылау негізінде адамның денсаулық жағдайын тереңірек түсіну үшін күнделікті өмірден маңызды ақпаратты алу.

▲ Дәрігер Майкл Блюм, медицина ғылымының докторы, BeeKeeper AI платформасының бас директоры және негізін қалаушыларының бірі.

Дәрігер Блюм: Кардиолог ретінде үздіксіз бақылау ықтимал ауруларды ерте анықтау және болжау үшін маңызды құралға айналып отырғанын қосқым келеді.

Мысалы, мұндай бақылау жүрекшелердің фибрилляциясы, жоғары қан қысымы сияқты қауіпті және ауыр салдары бар, бірақ қарқындылығы төмен араласулармен емдеуге болатын жағдайлар үшін үлкен пайда әкелуі мүмкін. Смарт сағаттарды пайдалану арқылы біз бұған ықпал ететін негізгі мәселелерді жақсырақ түсіне аламыз, және Samsung бұл жерде үлкен көмек көрсете алады. Жасанды интеллект арқылы жұмыс істейтін бұл құрылғылар деректерді оңай іске асырылатын түсініктер мен ұсыныстарға айналдыра алады. Бұл адамдарға денсаулыққа ықтимал қауіптерді азайту үшін белсенді қадамдар жасауға мүмкіндік береді.

▲ Дәрігер Дэвид Клонофф, медицина ғылымының докторы, Миллс Пенинсула медициналық орталығындағы диабет ғылыми-зерттеу институтының президенті.

Дәрігер Клонофф: Глюкоза деңгейін бақылау қант диабетімен ауыратын адамдар арасында ғана емес, сонымен қатар жәй денсаулығына қамқорлық жасайтын адамдар арасында да жиілеп барады. Бұл функцияны қант диабетімен ауырмайтын, тек салауатты өмір салтын ұстанатын көптеген адамдар пайдалануда.

Осыған байланысты көбірек адамдар қандай мінез-құлық немесе өмір салтын таңдау олардың глюкоза деңгейіне әсер ететінін жақсырақ түсінгісі келеді. Денсаулық көрсеткіштері өзара байланысты болғандықтан, глюкоза деректерін ұйқы, қан қысымы және белсенділік деңгейі деректерімен біріктіру өмір салты мен жеке тәжірибенің әсері туралы қорытынды жасауға мүмкіндік береді. Ал егер пайдаланушылар осы ұжымдық деректерді тереңірек түсінсе, қант диабеті сияқты денсаулыққа қатысты ықтимал мәселелерді ерте анықтауға мүмкіндіктер артады. Киілетін құрылғылар және жасанды интеллект физиологиялық деректерге құндылық қосады, және адамдар метаболикалық денсаулықты тереңірек түсініп, жалпы денсаулық пен фитнесті жақсарту мүмкіндіктерін кеңейте алады.

Сұрақ: Денсаулық сақтау саласындағы өзгермелі жағдайда Samsung қандай рөл атқарады деп ойлайсыз?

Дәрігер Клонофф: Біз Samsung компаниясын денсаулықты бақылау технологияларына жасанды интеллектті еңгізіп қана қоймай, мінез-құлықты өзгертуде көшбасшы болу үшін жаңашылдық мұрасын пайдалануды жалғастыруға шақырамыз. Медициналық сарапшылармен үздіксіз әңгімелесу және ынтымақтастық арқылы Samsung адамдарға өмірлеріне қажетті өзгерістерді әкелуге көмектесе алады. Бұл білімді пайдалану адамдарға ұзақ мерзімді перспективада денсаулығын сақтауға көмектесіп, сонымен бірге оларға қанағаттанарлық және жайлы өмір сүруге мүмкіндік береді.

Дәрігер Блюм: Адамдардың өміріне кіріктірілген технология күнделікті денсаулықты сақтауда және ауыр ауру-сырқаулардың алдын алуға көмектесетін маңызды қадам бола алатынымен келісемін.

Мұндай құрылғылар денсаулыққа зиян келтірместен фондық режимде жұмыс істеуі керек. Ал Samsung смартфондар мен теледидарлардан бастап тұрмыстық техникаға дейін әртүрлі өнімдерді ұсынатын осы саладағы айқын көшбасшы. Дегенмен, сұрақ әлі де: адамдардың күнделікті өмірін денсаулық тұрғысынан қалай жақсартуға болады? Сайып келгенде, олардың мінез-құлық үлгілерін түсіну және оң мінез-құлық өзгерістерін ынталандыру үшін пайдаланушылармен байланысу өте маңызды; Samsung өзімізге және отбасымызға жақсырақ қамқорлық жасау үшін мүмкін болатын нәрселердің шекарасын ілгерілету мүмкіндігіне ие.

▲ Профессор Мюнг Джин Чунг, Samsung медициналық орталығындағы Samsung AI зерттеу орталығының директоры

Профессор Чунг: Мен дәрігер Блюмның Samsung құрылғылары біздің күнделікті өмірімізге терең енгенімен, бақытты әрі салауатты болашақ үшін мінез-құлықты өзгерту үшін құрылғының экожүйесін одан әрі дамытуға мүмкіндік бар деген пікірін қолдаймын. Алайда, отбасы мүшелерінің қолдауымен мінез-құлық өзгерістері орасан зор күшке ие – бұл тапсырманы жалғыз шешуге қарағанда тиімдірек. Сондықтан үздіксіз бақылау мен аналитиканы пайдаланып, отбасымен және достарымен қамқорлық шеңберін құру қажет. Samsung пайдаланушыларға өздері және жақын адамдары туралы тереңірек білім беру үшін әлеуметтік байланыстарды барынша ұлғайту үшін тәжірибесі мен жетілдірілген мүмкіндіктерін пайдалана отырып, қамқорлық шеңберін құруға үлкен үлес қоса алады.

Терең ұйқыны зерттеу мақсатында Samsung компаниясы 10 наурызда Остинде (Техас штаты, АҚШ) South by Southwest (SXSW) фестивалі аясында How Technology Can Revolutionize the Age-Old Sleep Dilemma («Технологиялар ұйқының ескі дилеммасын қалай өзгерте алады») деген тақырыпта панельді пікірталасты өткізді.

▲ (Солдан оңға) Creative Strategies компаниясынан Каролина Миланези, Samsung компаниясынан дәрігер Хон Пак, ұйқы маманы Ванесса Хилл және Ұлттық ұйқы қорынан Джон Лопос ұйқының маңыздылығын талқылап жатыр.

Пікірталасқа Samsung Electronics компаниясының MX Business департаментінің Digital Health тобының вице-президенті және жетекшісі, дәрігер Хон Пак (Hon Pak), ғылым-сомнолог Ванесса Хилл (Vanessa Hill) және Ұлттық ұйқы қорының бас директоры (NSF) Джон Лопос (John Lopos) қатысты. Creative Strategies компаниясының президенті және бас аналитигі Каролина Миланези (Carolina Milanesi) жүргізген іс-шара американдықтар¹ жазғы уақытқа байланысты бір сағат алға ауысқаннан кейін бірнеше сағаттан соң жүргізілді, бұл проблеманың тек пікірталас қатысушыларына ғана емес, жиналған көпшілікке де өзекті екенін көрсетті.

Ақпараттылықты арттыру үшін ұйқының маңызын ашу

Миланези пікірталасты: «Ұйқы – жалпы амандыққа алып келе алатын маңызды факторлардың бірі» –  деп бастады. Ол сондай-ақ ұйқының біздің күнделікті өмірімізге әсерінің маңыздылығын атап өтті, бұл кейінгі талқылаулар үшін негіз болды.

Пікірталастың қатысушылары ұйқы – күнделікті қызметке, тамақтану мөлшеріне және психикалық жағдайға әсер ететін денсаулықтың негізі екеніне бірауыздан келісті, алайда көп жағдайда оған қажетті назар бөлінбейді, ал ұйқының сапасы әлем бойынша нашарлап келе жатыр. Алайда мамандар жасанды интеллектке негізделген технологиялар және тағылатын құрылғылар, соның ішінде озат сезгектері бар ақылды сақиналар мен сезгектер адамдарда дұрыс ұйықтау әдеттерін қалыптастыруға және ұйқы үшін оңтайлы жағдайларды жасауға көмектеседі деп сенеді.

Пікірталастың қатысушылары адамдар өз ұйқысы туралы жақсы хабардар етілгенде ұйқыны жақсартуға септігін тигізетін шешімдерді қабылдау үшін көбірек мүмкіндіктерді иелетінін атап өтті. Пак Galaxy Watch6 тағылатын құрылғысы және жақында көпшіліктің назарына ұсынылған Galaxy Ring сақинасы Samsung компаниясының ұйқының денсаулығын арттыру концепциясын жүзеге асыруда маңызды рөл ойнайтынын атап өтті, себебі олар ұйқы көрсеткіштерін қадағалай алады және пайдаланушыларды үздік әдеттерді өз өміріне енгізуге және жағымды өзгерістерді жасауға ынталандыратын маңызды мәліметтерді ұсына алады.

Хилл өз сөзінде ұйқы адамдар үшін жаттығулар, толық қанды тамақтану және жыл сайынғы тексерулер сияқты басымдылыққа айналуының маңыздылығын атап өтті. Ол тағылатын құрылғылар сияқты осындай гаджеттердің көмегімен адамдар оңтайлы ұйқыға қол жеткізе алатындығын айтып, Galaxy Watch6 сағаттарында ұйқы коучингін² пайдалануда өзінің дербес тәжірибесімен бөлісті.

Пак өз кезегінде, медициналық институттармен және экожүйені және бағдарламалық жасақтаманы әзірлеу құрылғыларының жиынтығын (SDK) кеңейтуге көмектесетін денсаулық сақтауға бағытталған компаниялардың тізімімен ынтымақтастық туралы айтып, Samsung компаниясының сандық денсаулық сақтау экожүйелерінің тақырыбын қозғады. Бұл серіктестерге Samsung компаниясының білімін және технологияларын қолдана отырып, шешімдерді әзірлеуге мүмкіндік береді.

Жасанды интеллекттің және тағылатын технологиялардың көмегімен ұйқыны жақсарту

Жасанды интеллектке деген қызығушылық бүкіл әлемнің назарын алғандықтан және ол технологиялардың барлық салаларына әсер ететіндіктен  пікірталастың қатысушылары сондай-ақ жаңа зияткерлік мүмкіндіктер және білім адамдардың барыншы үлкен санына қол жетімді болатындығын және оларға одан да жақсы ұйқыны қамтамасыз ететіндігін талқылады.

Пак ұялы құрылғылар ЖИ үшін қол жеткізудің негізгі нүктесіне айналатындығын және Samsung компаниясы Samsung Health қосымшасы арқылы ауқымды ақпаратты жинап және талдап, дербестендірілген және шынайы әрекет ететін идеяларды ұсынуға тырысатындығын атап өтті. Кейін жасанды интеллект бұл деректерді денсаулыққа деген дербес тәсілді қамтамасыз ету үшін өңдейді.

«Ұйқы – бұл субъективті тәжірибе. Алайда тағылатын құрылғылар сияқты объективті өлшеуіштердің үлкен құндылығы бар, – деді Лопос. – Ұйқыны қадағалау – бұл кеңейіп жатқан кеңістік, ал жасанды интеллекттің мүмкіндіктері оны жаңа деңгейге шығарады. Жасанды интеллекттің технологиясы пайдаланушыларға дербестендірілген ақпаратты ұсынуға көмектеседі және оларға өздерінің күнделікті әдеттеріне жақсы жаққа бағытталған шағын өзгерістерді енгізуге мүмкіндік береді».

Пак өз сөзінде: «Біз пайдаланушылар одан да жеке тәжірибені алу үшін жасанды интеллекттің көмегімен қадағаланатын деректерді интуитивті түсінікті және маңызды мәліметтерге айналдыруға тырысамыз», – деді. Ол өнімдердің және форм-факторлардың санының артуының, сезгектердің жақсаруының және алгоритмдерді жетілдірудің арқасында технология адамдарға ұйқының тұрақты кестесін ұстануға және жақсы ұйықтауға көмектесетінін атап өтті.

Хилл пайдаланушылар ЖИ артықшылықтарын жеке деңгейде сезінетініне келісті, жеке алғанда, бұл My Vitality Score және Booster Card³ сияқты Samsung Health жаңа функцияларының арқасында қол жетімді болды, олар пайдаланушыларға жасалатын ұсынымдарды одан да дербес және күнделікті өмірде пайдалануға ыңғайлы ету үшін өз бойында бұрыңғыдан да кең деректерді және одан да жылдам талдауды үйлестіреді.

Samsung компаниясы панельді пікірталасты бастап, Әлемдік ұйқы күнін атап өтті және өз технологиялық мүмкіндіктерін және өнімдердің портфолиясын кеңейте отырып, ұйқының денсаулығын басым назарда ұстайтынын жалғастырады. Ұйқы кезіндегі жүрек күйін қадағалаудан өзге, Samsung компаниясы құрылғыларына ұйқының жаңа көрсеткіштерін қосады, солардың ішіне жүрек ырғақтарының жиілігі, тыныс алу жиілігі, түңгі қозғалыстар және ұйқыны іркілісі, сондай-ақ ұйқының сатысы, қандағы оттегінің деңгейі және терінің температурасы кіреді. Сонымен қатар, Samsung ұйқыдағы апноэ⁴ функциясын қолдайтын болады, ол қарапайым қадағалаудың шеңберінен асады да, ұйқы кезіндегі қандағы оттегінің деңгейін талдайды, осылайша, ұйқыда қалыпты немесе ауыр обструктивті апноэ белгілерін анықтайды және пайдаланушыларға тиісті көмек алу үшін жүгінуге көмектеседі. Samsung компаниясы әр адамға өмір бойы денсаулық сақтау саласындағы оның мақсаттарына жету үшін қажетті ақпаратты ұсынуға көмектесуге бағытталған өз технологияларын және экожүйесін пайдалануға ұмтылады.

¹ АҚШ-та, бірнеше штатты немесе олардың бөліктерін қоспағанда, күнделікті тұрғыда жазғы уақытқа ауысу жүзеге асырылады.

² Қол жетімділік елге, модельге және үйлесе алатын смартфонға байланысты әр түрлі болуы мүмкін.        

³ My Vitality Score және Booster Card функциялары 2024 жылы ішінде Samsung Health қосымшасында қол жетімді болады. Қол жетімділік елге, операторға немесе тағылатын құрылғыға тәуелді әр түрлі болуы мүмкін.

⁴ “Ұйқы апноэсы” функциясы – тек Galaxy Watch үйлесетін сағаттарындағы және Samsung телефонындағы бағдарламалық жасақтамамен ғана жұмыс жасайтын рецептсіз ұялы медициналық қосымша. Бұл функция екі түн ішіндеқадағалаудың нәтижесінде 22 жастағы және одан асқан ересек пайдаланушыларда тыныс алудың едәуір бұзылыстары түріндегі қалыпты немесе ауыр обструктивті ұйқы апноэ белгілерін анықтауға арналған. Ол талап ету бойынша пайдалануға арналған. Бұл функция бұрын апноэ диагнозы қойылған пайдаланушыларға арналған. Пайдаланушылар бұл функцияны білікті дәрігер жүргізетін диагностикалау мен емдеудің дәстурлі әдустерін ауыстыру үшін қолданбауы керек. Осы құрылғының көмегімен алынатын деректер, сондай-ақ дәругерлерге ұйқы бұзылыстарын диагностикалауға көмектесу үшін арналмаған.

Samsung Electronics компаниясы Samsung Health² қосымшасына дәрілерді қадағалаудың¹ жаңа функциясы қосылатынын жария етті. Оның көмегімен пайдаланушылар өз денсаулығымен одан да кешенді айналыса алатын болады. Жеке алғанда, жаңа функция пайдаланушыларға рецептті талап ететін және рецептті талап етпейтін дәрілерді оңай қадағалауға көмектеседі, ол сондай-ақ препараттарға байланысты маңызды да, өзекті ақпаратты және кеңестерді ұсынатын болады. Әсіресе бұл ақпарат дәрілерді және/немесе жалпы көңіл-күйді жақсарту үшін биологиялық белсенді қоспаларды тұрақты түрде қабылдайтындар үшін пайдалы болады.

«Samsung Health мақсаты – адамдарға өз денсаулығын жақсырақ түсінуге көмектесу және құрылғыларды, сервистерді және адамдарды біріктіретін толық қанды платформа арқылы оны қолдау» – дейді Samsung Electronics компаниясының MX Business департаментінің сандық денсаулық сақтау тобының бастығы және вице-президент Хон Пак (Hon Pak). Ол сондай-ақ: «Біз дәрілерді қадағалаудың жаңа функциясы пайдаланушыларға дәрілерді қабылдау үрдісін басқаруды одан да ыңғайлы ететіндігіне және денсаулықтарын тұтастай сақтауға мүмкіндік беретіндігіне сенімдіміз» – деді.

Samsung Health қосымшасында таңдалған дәрінің атауы енгізілгеннен кейін «Дәрілер» функциясы пайдаланушыларға толығырақ ақпарат ұсынады, соның ішіне: дәрінің жалпы сипаттамасы, сондай-ақ орын алуы мүмкін қосалқы әсерлер туралы ақпарат кіреді. Сондай-ақ дәрінің басқа дәрілермен әсері немесе белгілі бір тағамдармен және кофеин мен алкогольді ішімдіктер сияқты заттармен бірге қабылдағанда олардың өзара әрекеттесуі нәтижесінде орын алу мүмкін қосалқы әсерлер көрсетіледі. Мысалы, егер пайдаланушы Симваститин деген рецептті препаратты қабылдаса, Samsung Health қосымшасы оны бұл препарат грейпфрут шырынымен біріксе, қандай күрделі қосалқы әсерлерге алып келетіндігі туралы хабардар етеді. Пайдаланушылар тіпті өз дәрілерінің пішіні мен түсін тіркей алады, бұл оларға қабылданатын дәрілерді оңай ажыратуға мүмкіндік береді. Сондай-ақ жаңылыс орын алмас үшін дәрілерді қабылдау мөлшерін, қабылдау уақытын және басқа да мәліметтерді енгізуге болады.

Пайдаланушылар дәрілерді қабылдау және толықтыру қажеттілігі туралы ескертетін хабарламаның қалқып шығуын реттей алады. Бұл хабарламалар нақты пайдаланушыға икемделіп жасалады, сол себепті «Дәрілер» функциясы дәрілердің басымдылығын олардың маңыздылығына сүйене отырып анықтай алады. Samsung Health қосымшасы жіберетін хабарламалар белгілі бір рецепттің маңыздылығына және жеделдігіне байланысты жалықтырмайтын немесе белсенді болуы мүмкін. Пайдаланушылар өмірлеріне маңызды дәрілері үшін тиісті хабарламаны белгілей алады, ол смартфонның экран бетін толықтай алатын, ұзақ дыбыстық дабылмен ілесетін ескертпе хабарламасын шығарады. Дәрумендер сияқты қоспалар үшін пайдаланушының көңілін алмайтын жай қалқымалы хабарлама шығарылады. Galaxy Watch смарт-сағатының пайдаланушылары телефоннан алыс болса да, дәріні уақытында қабылдау үшін сондай-ақ білектеріне тікелей хабарламаны алады.

Samsung Health қосымшасы денсаулық сақтау саласындағы бірқатар озық функциялардың қатарын ұсынады, соның ішіне: ұйқыны басқаруға³, ойлау қабілетін жақсартуға және тұрақсыз жүрек ырғағын анықтауға⁴ бағытталған функциялар кіреді.

Дәрілерді қабылдауды қадағалаудың жаңа функциясымен жабдықталған Samsung Health шын мәнінде тұтастай сауықтыру тәжірибесін қамтамасыз етеді, ол дәрілерді қабылдауды ұмыттырмай, пайдаланушыларға салауатты өмір салтын ұстануға көмектеседі.

¹ Samsung Health “Дәрілер” функциясы пайдаланушыларға дәрілерді қабылдаудың тізімін және кестесін басқаруға арналған. Ұсынылған ақпарат нақты деректерге негізделген және ақпарат пен аналитика саласының әлемдік көшбасшысы Elsevier компаниясында лицензияланған.
² Бұл үшін смартфонда ОЖ-нің Android 8.0 немесе одан жаңа нұсқасы және Samsung Health қосымшасының 6.26 немесе одан жаңа нұсқасы болуы қажет. Функциялардың қол жетімділігі құрылғыларға тәуелді өзгеше болуы мүмкін.
³ Ұйқы функциясы тек жалпы сауықтыру мен фитнес үшін арналған. Өлшеулер тек пайдаланатын тұлғаны жеке хабардар ету үшін арналған. Кеңес алу үшін медицина маманына хабарласыңыз.
⁴ IHRN функциясы тек кейбір елдерде қол жетімді. Ол Wear ОЖ-нің 4.0 немесе одан жаңа нұсқалардағы құрылғыларда қол жетімді. Ол АФИБ (AFIB – жүрекалды фибрилляциясын және гипертонияны ерте диагностикалау үшін артериалдық қысымды өлшеудің жетекші сандық технологиясы) бар болуын куәландыратын тұрақсыз жүрек ырғағының әрбір эпизоды туралы хабарламалар ұсынуға арналмаған, хабарламаның болмауы дерттің жоқтығын білдірмейді.Ол басқа танымал аритмиялары бар пайдаланушылар үшін арналмаған. Функциялар Samsung Health Monitor қосымшасы арқылы қолданылады.
Оның қол жетімділігі елге немесе құрылғыға тәуелді болады. Программалық жасақтама оны медициналық құрылғы (SaMD) ретінде растауды/тіркеуді талап ететін елдердің шектеулеріне байланысты қазіргі таңда тек қызмет көрсету қол жетімді елдерде сатып алынған сағаттарда және смартфондарда жұмыс жасайды (алайда қызмет көрсетуді ұсынбайтын елдерге көшкен кезде қызмет көрсету шектеулі болуы мүмкін). Бұл қосымша тек 22 жастан және одан асқан пайдаланушылар үшін арналған.