Gamescom 2026 тақырыбы – The Heart of Gaming (“Ойын жүрегі”) – компанияның ең жаңа дисплейлері мен ойын технологияларын біріктірген Samsung экспозициясында да көрініс тапты. 27 тамызда #PlaySamsung: The Next Era of Gaming Displays орталық іс-шарасында Samsung компаниясы Odyssey 2027 желісін, сондай-ақ ойын дисплейлері, HDR және ойын контенті саласындағы жаңа әзірлемелерді таныстырды.

Аудиторияның Odyssey жаңа ойын мониторларының озық технологияларына қызығушылығы ойын қауымдастығында ойынның әртүрлі стильдерін ескеретін инновациялардың қаншалықты сұранысқа ие екенін көрсетті.

▲ Кельндегі (Германия) Gamescom 2026 көрмесіндегі Samsung стендіне келушілер.

Сахнаға Odyssey-дің жаңа буыны шығады

Стендтің орталық орнын Samsung Odyssey жаңа желісі иеленді. Odyssey OLED G9 және Odyssey OLED G7 модельдері алғаш рет #PlaySamsung: The Next Era of Gaming Displays іс-шарасында сахнада таныстырылды. Odyssey OLED G8 және Odyssey G6 мүмкіндіктерін сандық форматта көрсетіп, Samsung 2027 топтамасы ұсынатын экран форматтары мен өнімділік нұсқаларының әртүрлілігін көрсетті.

EsfandTV деген атпен танымал Twitch Эсфанд (Esfand) танымал стримері презентацияға қосылып, экран форматы ойынды қабылдауға қалай әсер ететіні және не болып жатқанын бақылауға көмектесетіні туралы айтты.

“Samsung Odyssey жаңа топтамасының кескінінің анықтығы мен контрастылығы таңғалдырады. Бұл мониторларды тірідей көрсең болды, олардың ойынға терең бойлауға қаншалықты көмектесетінін бірден байқайсың,” – деп атап өтті Эсфанд.

▲ Twitch Esfand стримері Samsung өкілдеріне Gamescom 2026 көрмесінің сахнасында қосылып, дисплейлердің ойын саласындағы рөлін талқылауда.

Odyssey OLED G9-мен көбірек ойын кеңістігі

Odyssey OLED G9 (G95SJ) – 360 Гц жаңарту жиілігі бар әлемдегі алғашқы 49 дюймдік Dual QHD ойын мониторы. Ультра кең экран ойыншыларға не болып жатқанын кеңінен көруге мүмкіндік береді.

Gamescom-да дисплейдің үлкен форматы ойын орындарын, трассалардың конфигурациясын, карталарды және экранның шетіндегі оқиғаларды жақсырақ көруге мүмкіндік берді. Демонстрация кең дисплейдің динамикалық ойын процесін бақылауға қалай көмектесетінін айқын көрсетті.

Odyssey OLED G7 арқылы ойын әлеміне тереңірек бойлаңыз

Samsung сонымен қатар Odyssey OLED G7 (G75SJ) әлемдегі алғашқы 42 дюймдік иілген ойын OLED мониторын ұсынды.

Оның экран аумағы 32 дюймдік модельге қарағанда шамамен 72% үлкен, сондықтан егжей-тегжейлі ойын әлемдері көбірек орын алады. 1000R иілуі дисплейдің шеттерін ойыншының табиғи көру өрісіне жақындатады. Бұл формат әсіресе карталар, интерфейс және негізгі оқиғалар экранның барлық ауданында таралған ойындар үшін жақсы.

“Жаңа Odyssey OLED G7-нің өлшемі мен иілуі ойынға батуды мүлдем басқа деңгейге көтереді. Samsung бұл мониторды ашық әлемдегі ойындардың ерекшеліктерін ескере отырып әзірлегені өте жақсы,” – деп өз әсерімен бөлісті #PlaySamsung стендіне келуші.

Киберспорт үшін көбірек мүмкіндіктер және түрлі ойын сценарийлері

Odyssey-дің жаңа топатамсы үлкен форматты OLED модельдерімен шектелмейді: ойыншылар мониторды өз қалауы мен ойын сценарийлеріне қарай таңдай алады.

32 дюймдік Odyssey OLED G8 (G80SJ) үш дисплей режимін ұсынады. Triple Mode функциясы 360 Гц-ке дейінгі UHD, 520 Гц-ке дейінгі QHD және 680 Гц-ке дейінгі FHD жиіліктерінің бірін таңдауға мүмкіндік береді.

27 дюймдік Odyssey G6 (G60H) 1 100 Гц жаңарту жиілігі бар әлемдегі алғашқы ойын мониторы болды. Dual Mode арқылы ойыншы жоғарырақ егжей-тегжейлілік үшін 600 Гц-ке дейінгі QHD-ді немесе жаңартудың максималды жиілігін алу үшін 1100 Гц-ке дейінгі HD-ді таңдай алады.

“Маған Samsung-тың кадр жиілігіне көп көңіл бөлетіні ұнайды. Бұл мониторлар жарыс ойындарын айтарлықтай өзгерте алады,” – деп атап өтті #PlaySamsung стендіне келуші.

▲ Samsung Odyssey 2027 мониторлары топтамасы әртүрлі ойын стильдеріне арналған түрлі экран форматтары мен өнімділік нұсқаларын ұсынады.

Төрт жаңа модель Odyssey отбасының қалай дамып келе жатқанын көрсетеді: онда өте кең және иілген дисплейлер, жоғары жаңарту жиілігі бар мониторлар және бірнеше жұмыс режимі бар модельдер бар. Ойыншылар сүйікті ойындары мен ойын стиліне сәйкес экранды таңдай алады.

HDR10+ GAMING ойын әзірлеу мен дисплей технологияларын біріктіреді

Тұсаукесер кезінде Samsung әзірлеушілердің үйлесімді дисплейлерде HDR-контентті тұрақты көрсетуге деген қызығушылығының артуы аясында HDR10+ GAMING қолдауын кеңейту жоспарлары туралы айтты. Осы жұмыстың бір бөлігі ретінде Samsung алдағы Call of Duty®: Modern Warfare® 4-те HDR10+ GAMING қолдауын іске асыру үшін Activision Blizzard-пен ынтымақтасады.

2027 жылдың бірінші жартысына қарай Samsung HDR10+ GAMING қолдауын 20-дан астам AAA ойынына кеңейтуді жоспарлап отыр. Технология түрлі ойын орындарында жарық жерлерді, терең қараңғы көріністерді және контрастты дәлірек көрсетуге көмектеседі, сондай-ақ үйлесімді ойынды бастамас бұрын HDR-ды қолмен баптау қажеттілігін азайтады.

“Ойын индустриясы – бұл жабдық әзірлеушілері мен өндірушілерін біріктіретін тұтас экожүйе. Мұндай компаниялар бірлесіп жұмыс істегенде, ойыншылар жақсы нәтижеге қол жеткізеді,” – деді Эсфанд.

▲ Samsung Gamescom 2026 көрмесінде “Ойын дисплейлерінің жаңа дәуірі” тұсаукесері кезінде HDR10+ GAMING болашағы туралы айтады.

“Әзірлеушілер үшін олардың ойындары әртүрлі көріністерде және әртүрлі дисплейлерде бірдей жақсы көрінуі маңызды, ал ойыншыларға калибрлеу параметрлерін қолмен өзгертудің қажеті жоқ. HDR10+ GAMING әзірлеушілер ойластырған HDR кескінін сақтауға және сонымен қатар әртүрлі ойын орындарында егжей-тегжейлерді жақсырақ жеткізуге көмектеседі,” – деп атап өтті Samsung Electronics компаниясының Еуропалық визуалды ұйымның директоры Пепе Дейкстра (Pepe Dijkstra).

▲ Samsung Odyssey мониторларында HDR10+ GAMINGтехнологиясын қолдау Call of Duty®: Modern Warfare® 4 ойыншыларына әзірлеушілер ойлағандай жарқын және қанық бейнеден ләззат алуға мүмкіндік береді.

29 тамызда #PlaySamsung стендіндегі іс-шаралар Samsung Odyssey Showdown: Call of Duty®: Modern Warfare® 4 турнирімен жалғасты. 6-6 форматындағы матчқа Zyro, Rewinside, EloTRiX және Rosemondy ойын контентін жасаушылар қатысты. Келушілер ойынды 23 қазанда ресми шығарылғанға дейін сынап көруге мүмкіндік алды.

▲ #PlaySamsung стендіндегі Samsung Odyssey Showdown турнирі аясында келушілер мен контент жасаушылар Call of Duty®: Modern Warfare® 4 матчында бір-бірімен шайқасады.

Демонстрация үйлесімді дисплейлер ойынның визуалды компонентін дәлірек жеткізу үшін әрбір жеке көрініс үшін жарық пен түс туралы ақпаратты қалай қолдана алатынын көрсетті. Call of Duty® арнайы фотоаймағы ойынның декорациялары мен керек-жарақтарын қалпына келтіріп, келушілерге оның атмосферасына тереңірек енуге мүмкіндік берді.

▲ Келушілер өз күштерін Call of Duty®: Modern Warfare® 4-те Samsung #PlaySamsung стендінде сынап көреді.

Шынайы оқиғалардан бастап көзілдіріксіз 3D-ге дейін

Ойын белсенділігі Samsung стендінің басқа аймақтарында да жалғасты. Мұнда компанияның дисплейлері ашық әлемдегі ойындарда, көзілдіріксіз 3D қолдауы бар жобаларда және теледидардағы ойындарда көрсетілді.

▲ Pearl Abyss Europe компаниясының маркетинг және қоғаммен байланыс жөніндегі аға директоры Рик ван Бем Odyssey G8 мониторының Crimson Desert ойынын қалай жақсартатынын көрсетеді.

Pearl Abyss аймағында келушілер Crimson Desert Enhanced-пен жақынырақ таныса алды, бұл ашық әлемдегі шытырман оқиғалы экшеннің жаңа нұсқасы, жаңа кат-сахналармен және диалогтармен толықтырылған, бұл әңгімені толығырақ етеді. Тұсаукесер кезінде Pearl Abyss Europe компаниясының маркетинг және қоғаммен байланыс жөніндегі аға директоры Рик ван Бим (Rick van Beem) Odyssey G8 Dual Mode және HDR10+ GAMING қолдаулары сияқты мүмкіндіктер арқылы ойын әлемінің атмосферасын ашуға қалай көмектесетінін айтып берді.

Ойынмен танысу жеке консоль аймағында жалғасты, онда Crimson Desert 83 дюймдік Samsung S99H OLED-теледидарда көрсетілді, оны T3 басылымы 2026 жылдың үздік ойын теледидары деп таныды. Модель 165 Гц жаңарту жиілігін, Game Mode және Ultimate Gaming Pack қолдайды. Сондай-ақ, келушілер Crimson Desert тақырыбындағы викториналар мен іс-шараларға қатысып, эксклюзивті кәдесыйлар ала алды.

▲ Келушілер 83 дюймдік Samsung S99H OLED-теледидардағы Crimson Desert ойынымен танысады.

Сонымен қатар, Cyberpunk 2077 және Cronos: The New Dawn жақында тиісті технологияны қолдауға ие болды, олар сахнада және Samsung Odyssey 3D арнайы аймағында көрсетілді. Келушілер Odyssey 3D егжей-тегжейлі ойын әлемдерінде тереңдік пен кеңістік сезімін қалай жасайтынын көре алды.

Odyssey 3D дисплей технологиясы тікелей ойында тереңдік пен кеңістіктік перспектива әсерін қалыптастырып, виртуалды әлемдерді арнайы 3D көзілдіріксіз жаңаша қабылдауға мүмкіндік береді.

▲ Келушілер Samsung Odyssey 3D мониторында арнайы көзілдіріксіз 3D-ойындарды ойнап көреді.

Сондай-ақ стендте келушілер 48 дюймдік OLED теледидарларында Samsung Gaming Hub арқылы ойындарды іске қоса алатын бұлтты ойын аймағы жұмыс істеді. Бұл аймақ бұлтты ойындарды тікелей теледидардан қалай ойнауға болатынын көрсетті.

▲ Келушілер Samsung OLED теледидарындағы Samsung Gaming Hub арқылы бұлттық геймингпен танысады.

Күту аймақтарынан бастап ойын станциялары мен интерактивті іс-шараларға дейін – бүкіл экспозиция ортақ идеямен біріктіріліп, ойындармен өзара әрекеттесудің әртүрлі жолдарын көрсетті: жарыстық шутерлер мен ашық әлемдегі шытырман оқиғалардан бастап, консольдық және бұлттық геймингке және көзілдіріксіз 3D-ге дейін.

Көбірек мүмкіндіктер: жылдамдық, экран өлшемі және OLED кескін сапасы

Gamescom 2026-да Samsung ойын дисплейлерінің ойындармен және ойыншылардың қажеттіліктерімен бірге қалай дамитынын көрсетті.

Odyssey 2027 желісі экран пішімінің, өнімділік баптауларының және OLED-бейне сапасының көбірек нұсқаларын ұсынады – өте кең Odyssey OLED G9 және иілген OLED G7-ден бастап, бірнеше жұмыс режимдері бар жоғары жылдамдықты Odyssey G6 және Odyssey OLED G8-ге дейін.

Стендтегі серіктестік жобалар мен ойын әрекеттері бұл технологияларды іс жүзінде көруге мүмкіндік берді және Samsung дисплейлерінің әртүрлі жанрларға, платформаларға және ойын стильдеріне қалай сәйкес келетінін көрсетті.

Samsung жеті жыл қатарынан әлемдік ойын мониторлары нарығында бірінші орынды иеленіп келеді және ойын әлемі дамып, жаңа экрандарды, форматтарды және ойыншылардың өзара әрекеттесу жолдарын меңгерген сайын кешенді шешімдер топатамсын кеңейтуді жалғастыруда.

«Ойыншылар Gamescom-ға индустрияны алда не күтіп тұрғанын білу, жаңа ойындарды байқап көру және зейінді сақтауға және үздік нәтижелер көрсетуге көмектесетін технологиялармен танысу үшін келеді, – деп атап өтті Samsung Electronics Visual Display (VD) бөлімшесінің атқарушы вице-президенті Хун Ли (Hun Lee). – Жаңа форма-факторлар, жоғары жаңарту жиілігі және озық дисплей технологиялары Odyssey 2027 желісін жарыс және кинематографиялық ойындар үшін де, көпфункционалды конфигурациялар үшін де одан да әмбебап етеді».

Samsung Gamescom 2026-да алғаш рет 2027 жылғы Odyssey топтамасын көрсетеді

Samsung алғаш рет 2027 жылғы Odyssey желісін Gamescom 2026 аясында #PlaySamsung: The Next Era of Gaming Displays арнайы сессиясында таныстырады. Ол 27 тамызда сағат 14:30-да (Астана уақытымен) басталды. Қатысушылар экранның өлшемі мен ажыратымдылығы, жаңарту жиілігі және әртүрлі дисплей режимдері әртүрлі ойындар мен ойын стильдеріне қалай сәйкес келетінін талқылады.

Сахнада Odyssey OLED G9 (G95SJ моделі) және Odyssey OLED G7 (G75SJ моделі) таныстырылды, ал Odyssey OLED G8 (G80SJ моделі) және Odyssey G6 (G60H моделі) негізгі презентация кезінде экранда көрсетілді.

Сессия аясында Samsung өкілдері Activision Blizzard-пен HDR10+ GAMING саласындағы ынтымақтастық туралы да айтты. Бұл технология Call of Duty®: Modern Warfare® 4-ті әзірлеу кезінде қолданылады және сәйкес Odyssey мониторлары мен Samsung дисплейлеріне ойын жасаушылардың идеясына сәйкес түстер мен контрастты дәлірек жеткізуге мүмкіндік береді. 2027 жылдың бірінші жартысына қарай Samsung HDR10+ GAMING экожүйесін AAA класындағы 20-дан астам ойынға кеңейтуді жоспарлап отыр.

Сонымен қатар, компания ойын студияларымен тікелей ынтымақтастықта дамып келе жатқан Odyssey 3D үшін кеңейтілген ойын қолдауын көрсетеді. Сахнада жаңа қолдау көрсетілетін ойындар, соның ішінде Cyberpunk 2077 және Cronos: The New Dawn көрсетіліп, Odyssey 3D егжей-тегжейлі ойын әлемдеріне тереңдік пен кеңістік сезімін қалай қосатынын көрсетеді.

Odyssey OLED G9: өте кең ойын кеңістігі үшін 49-дюймдік OLED

Odyssey OLED G9 – 360 Гц жаңарту жиілігі бар әлемдегі алғашқы 49 дюймдік DQHD ойын мониторы. Ол Penta Tandem технологиясы бар бесінші буын QD-OLED панелімен жабдықталғанTM. Панельдің бес қабатты құрылымы алдыңғы буынмен салыстырғанда 1,3 есеге дейін жоғары тиімділікті және екі есеге дейін қызмет ету мерзімін қамтамасыз етеді. RGB Stripe субпиксель құрылымы түсті ореолдарды азайтады және мәтінді айқынырақ етеді, ал ең жоғарғы жарықтығы 3%, 4K¹ ажыратымдылығында 1300 нитке жетеді.

Odyssey OLED G9 жылдамдыққа кедергі келтірмей, кең көру бұрышын қажет ететін ойыншыларға арналған. Монитор Dual QHD (5 120 × 1440), 360 Гц жаңарту жиілігін, 0,03 мс GtG жауап беру уақытын және Dual Mode режимін қолдайды. Жоғары ажыратымдылықтағы кең кескін үшін 360 Гц DQHD-ді таңдауға немесе максималды жылдамдық алға шыққан кезде 720 Гц-ке дейінгі Dual HD-ге (2 560 × 720) ауысуға болады.

Odyssey OLED G8: 4K OLED кескін сапасы және үш жылдамдықты режим

Odyssey OLED G8 – 32 дюймдік UHD OLED ойын мониторы, ол QD-OLED кескін сапасын, 360 Гц-ке дейінгі жаңарту жиілігін және Triple Mode қолдауын біріктіреді. Ол Penta TandemTM технологиясы бар бесінші буын QD-OLED-панелімен және RGB Stripe субпиксельдерімен жабдықталған. Ойыншылар 360 Гц UHD, 520 Гц QHD және 680 Гц FHD арасында ауысып, ойынға, құрылғыға және өнімділік параметрлеріне байланысты ажыратымдылық пен жылдамдықтың оңтайлы балансын таңдай алады. Сонымен қатар, Samsung Glare Free технологиясы әдеттегі антиблик пленкасына қарағанда жылтырлығы 54%-ға төмен пленканы пайдаланады. Осының арқасында сыртқы шағылысулар азаяды және кескін тіпті күндізгі жарықта да анығырақ болып қалады².

Монитор сондай-ақ 0,03 мс GtG жауап беру уақытын және VESA DisplayHDR TrueBlack 600³ қолдауын ұсынады. AMD FreeSync Premium Pro және NVIDIA G-SYNC⁴ үйлесімділігі ойындардың бірқалыпты өтуін және егжей-тегжейлі HDR кескінін қамтамасыз етеді. Қосылу үшін бір DisplayPort 2.1 UHBR20, екі HDMI порты, 98 Вт қуат көзі бар бір USB-C, екі шығыс порты бар USB концентраторы және KVM қолдауы қарастырылған.

Odyssey OLED G7: 42 дюймдік иілген OLED мониторының жаңа форматы

Odyssey OLED G7 – әлемдегі алғашқы 42 дюймдік иілген ойын OLED мониторы 16:9 қатынасымен. Оның экранының ауданы алдыңғы 32 дюймдік модельге⁵ қарағанда шамамен 72% артық. Бұл санатта алғаш рет бір құрылғыда 1000R қисықтығы, 4K OLED кескін сапасы, 165 Гц жаңарту жиілігі және 0,03 мс GtG жауап беру уақыты біріктірілді.

Қисықтық радиусы 1000 мм иілген экран кескіннің шеттерін ойыншының көру сызығына жақындатады және үлкен кинематографиялық кеңістік жасайды, әсіресе RPG және ашық әлем ойындары үшін қолайлы. Glare Free технологиясы сыртқы жарық көздерінен шағылысуды азайтады және күндізгі жарықта кескіннің анықтығын сақтауға көмектеседі.

Odyssey G6: жарыс ойындары үшін 1 100 Гц жаңарту жиілігі

27 дюймдік Odyssey G6 – қозғалыстағы нысандардың жылдамдығы мен анықтығын ерекше бағалайтын FPS жанкүйерлері үшін жасалған, жаңарту жиілігі 1100 Гц болатын әлемдегі алғашқы ойын мониторы. Модель CES 2026 көрсетілімінде ұсынылған монитордың дамуын жалғастыруда: соңғы нұсқада жаңарту жиілігі Dual Mode арқасында HD ажыратымдылығында 1100 Гц-ке дейін және QHD-де 600 Гц-ке дейін ұлғайтылды.

Fast IPS панелі және 1 мс жауап беру уақыты ойыншыларға жоғары QHD егжей-тегжейі мен максималды жаңарту жиілігі арасында таңдау жасауға мүмкіндік береді. Odyssey G6 2026 жылдың екінші жартысында бүкіл әлем бойынша сатылымға шығады.

Қолжетімділік

2027 жылғы Odyssey топтамасы Samsung-тың көшбасшылық позициясын дамытуды жалғастыруда: компания қатарынан жеті жыл бойы әлемдік ойын мониторлары нарығында бірінші орынды иеленіп келеді⁶.

Қазақстанда жаңалықтар биылғы жылдың соңына дейін күтілуде. Сатылымның басталуы мен бағасы туралы ақпарат кейінірек жарияланады.

Толығырақ – www.samsung.kz сайтында.

Суреттерде жасанды интеллект арқылы жасалған элементтер бар. Бейнеленген өнімдердің өзі жасанды интеллект көмегімен жасалмаған.

¹ 4K ажыратымдылығы бар DisplayHDR TrueBlack 500 негізінде. Жарықтық контент пен пайдалану жағдайына байланысты өзгеруі мүмкін.

² Қарапайым антиблик пленкасымен салыстырғанда.

³ VESA DisplayHDR сертификаты өнім нарыққа шыққанға дейін аяқталады.

⁴ AMD FreeSync Premium Pro және NVIDIA G-SYNC Compatible сертификаты өнім нарыққа шыққанға дейін аяқталады.

⁵ Алдыңғы 32 дюймдік Odyssey моделімен салыстырғанда, экранның ауданына байланысты.

⁶ 2019 жылдан 2025 жылға дейін әлемдік ойын мониторлары нарығында бірінші орын. Дереккөз: IDC Quarterly PC Monitor Tracker, 2025 жылдың 4-тоқсаны (сату көлемі бойынша ақшалай мәнде).

Samsung Electronics компаниясы Кёльндегі (Германия) Gamescom 2024 көрмесінде арнайы көзілдіріктерді қолданбай,  3D-кескіндерін көруге мүмкіндік беретін Odyssey 3D  инновациялық үлгісіне ерекше назар аудара отыра, су жаңа ойын мониторларын көрсетті.

Gamescom 2024 — осы жылы тамыздың 21-25 аралығында өтіп жатқан және жабдықты өндірушілерді, бағдарламалық қамтамасыз етуді және ойын контентін қоса алғанда,1400 аса қатысушылардың басын қосатын әлемдегі ірі ойын көрмесі. Samsung қазіргі таңдағы ең көлемді және таңқалдыратын аумағы 800 м2 өзінің стендінде жоғары сыныпты ойын мониторларын орналастырды, олардың ішінде жаңа Odyssey 3D және Odyssey G6, G8 және G9бар серияларының үлгілері бар.

«Gamescom әлемдегі ірі ойын көрмесінде көзілдіріктерді қажет етпейтін өзіміздің 3D-мониторымызды қуана көрсетеміз,- деді Samsung Electronics компаниясының Visual Display Business департаментінің корпоративтік бағытының атқарушы вице-президенті Хун Джонг (Hoon Chung), — Samsung, премиум-сыныбындағы ойын мониторлары нарығында өзінің көшбасшылығын сақтауға ұмтылу жолында ойын процесін жақсартатын жаңа технологияларды үздіксіз жасап шығаруда.

Odyssey 3D мониторы: көзілдіріктерді қолданусыз 3D-эффектпен ойындар

Odyssey 3D инновациялық жарық өрісі дисплей технологиясы (LFD) алдыңғы панельдегі лентикулярлық линзалар1 арқылы 2D контентін шынайы 3D кескіндерге айналдырады. Көз қозғалысын бақылау және проекциялық кескіндеу технологияларының арқасында Odyssey 3D арнайы 3D көзілдірігін кимей-ақ үш өлшемді суретті оңтайлы қабылдауды қамтамасыз етеді: көз қозғалысын бақылау технологиясы кіріктірілген стерео камераны пайдаланады, ал проекциялық кескіндеу технологиясы оның тереңдігін қабылдауды жақсарту үшін кескінді үнемі реттейді.

Odyssey 3D тұтынушының қалауына байланысты 2D және 3D режимдері арасында біртекті ауыса алады. Монитор 27 және 37 дюйм диагоналі арасында қолжетімді, 4K шешімді дисплейімен жабдықталған, 1мс (GTG) жауап беру жылдам уақытына және 165 Гц  жаңартудың жоғары жиілігіне ие, ол қандай да бір бөгде эффектер және үзілістерсіз бірсарынды ойын процесін қамтамасыз етеді.

Бұдан бөлек,  Odyssey 3D эргономикалық дизайнымен ерекшеленеді, биікті реттеуге арналған астына қойылатын сүйемелі (HAS), ию мүмкіндігі, FreeSync Premium функциясы, DisplayPort 1.4 бір порты және HDMI 2.1. екі порты бар. CES 2024 көрмесінде монитор «Ойындар және киберспорт» (Gaming & eSports) санатында үздік инновациялары үшін  (Best of Innovation) марапатына лайықты деп танылды.

Gamescom 2024 көрмесіндегі бірден-бір ойын тәжірибесі

Gamescom 2024 көрмесінде Samsung компаниясы жетекші ойын жасаушыларымен серіктестіктің арқасында келушілерге үздік тәжірибе ұсынады. Odyssey интерактивтік аумағында келушілерге UHD  ажыратымдылығымен және  240 Гц  жаңарту жиілігімен бірге Odyssey OLED G8, QHD Odyssey ажыратымдылығымен және 360 Гц жаңарту жиілігімен бірге OLED G6, сондай-ақ  57-дюймдік DUHD-мониторымен  Odyssey Neo G9 қоса алғанда Odyssey ойын мониторларының жаңа топтамасымен танысу ұсынылады.

Samsung стендінің қонақтары сонымен бірге компанияның мониторларында көптен күткен ойын жаңа өнімдерін бағалай алады:

• Odyssey 3D: Odyssey 3D-мен келушілер KRAFTON-нан шынайы графикасымен ерекшеленетін және ойын процесіне шындап дендеп енуді ұсынатын inZOI ойынымен таныса алады. Аталған айрықша алдын ала көрсетілім геймерлерге ойын технологиялары және инновацияларының жаңа буынын  алғашқылардың бірі болып көруге мүмкіндік береді. Odyssey 3D  жауап берудің жылдам уақыты және жаңартуының жоғары жиілігі әрекеттердің біркелкілігін және сюжетке толығымен енуді қамтамасыз етеді.
• Odyssey OLED G8: Odyssey OLED G8 қанық түстер және үлкен дисплей арқасында геймерлер Genshin Impact от HoYoverse ойынынан басқа әсерге бөленеді. Серпінді кескін және жатық геймплей ойынның қарыштап дамыған оқиғаларына тереңдей енуге мүмкіндік береді.
• Odyssey Neo G9 және OLED G9: Odyssey Neo G9 және OLED үлкен, өте ең экран және жоғары өтімділік дисплейінің есебінен Blizzard Entertainment  шығарған G9 World of Warcraft: The War Within ойынынан ұмытылмас әсерлер сыйлайды. Монитор кең көру өрісін және әрбір жаңа шытырман оқиғаны шынымен қызықты ететін нақты мәліметтерді ұсынады.World of Warcraft ең жақсы еуропалық контент жасаушылардың өкілдері ойнайды. Жанкүйерлер Overwatch 2 және  Hearthstone қоса алғанда, Blizzard-тың басқа да танымал ойындарын ойнай алады.

Көрмеге келушілерге бірінші дәрежелі ойын мониторларын сынап көруге және олардың кейбіреулері ресми шығарылымға дейін қол жетімді болатын ең көп күтілген ойындарда ойнауға оларға ерекше мүмкіндік беріледі.

 2024 жылғы Odyssey OLED-дисплейлерінің топтамасын кеңейту

Samsung компаниясы онда Odyssey OLED G95SD, G93SD и G85SD.² үш жаңа үлгі пайда болған өзінің танымал топтамасы Odyssey OLED кеңейтілгені туралы хабарлады:

• OLED G9 Odyssey сериясы, соның ішінде G95SD және G93SD үлгілерін қоса алғанда : DQHD ажыратымдылығы (5120 x 1440), 32:9 экранның ультра кең арақатынасы, 1800 R радиусы бар иілмелі  дисплей, Smart Hub3 және Gaming Hub қызметтері, 4 240 Гц жаңарту жиілігі және жауап беру уақыты 0,03 МС (GTG) керемет техникалық сипаттамалардың арқасында қызықты пайдаланушы тәжірибесін ұсынады.
• 34 дюймдік Odyssey OLED G8 (G85SD үлгісі) ультра кең QHD ажыратымдылығына (3 440 x 1 440), 21:9 экран арақатынасына, 1800r радиусы бар қисық дисплейге, Smart Hub және Gaming Hub қызметтеріне, 175 Гц жаңарту жылдамдығына және 0,03 мс жауап беру уақытына ие.

Маусымда ұсынылған  Odyssey OLED G6 және G8 серияларының жетістігін жалғастыра отыра, Samsung  диагоналі 27-ден 49 дюймге дейінгі OLED мониторларын, соның ішінде жаңа ультра кең үлгілерді ұсынады, бұл OLED мониторларының портфолиосын арттырады және ойыншыларға әртүрлі таңдау ұсынады.

Odyssey OLED жаңа үлгілері күйіп кетудің алдын алу үшін Samsung OLED Safeguard  жеке технологиясымен және шағылыстың жарығын барынша азайту үшін OLED Glare Free  технологиясымен жабдықталған, бұл кескіннің жоғары деңгейдегі сапасын қамтамасыз етеді. Сонымен бірге Odyssey OLED G9 (G95SD үлгісі) мониторы CES 2024 көрмесінде «Компьютерлік жабдықтар және керек-жарақтар» (Computer Peripherals & Accessories) санатында CES Innovation Award сыйлығының құрметті иегері атанды.

Samsung Electronics бес жыл қатарынан⁵ брендтер арасында бірінші орын алып, ойын мониторларының әлемдік нарығында көшбасшылықты сақтап тұр.  International Data Corporation (IDC) соңғы деректеріне сәйкес, компания 2024 жылы бірінші орынды иеленуді жалғастыруда, ағымдағы жылдың бірінші тоқсанында Samsung осы санаттағы әлемдік нарықтың 20,6% – иеленді және 24,2% кірісі бар еуропалық ойын мониторлары нарығында көшбасшы болды.

¹ Лентикулярлық линза-бұл әр көзге әртүрлі кескіндерді бағыттайтын, 3D кескіндерін арнайы көзілдіріксіз көруге мүмкіндік беретін линзалардың ерекше түрі.
² Үлгілер бүкіл әлемде, соның ішінде Солтүстік Америкада, Еуропада және Австралияда осы жыл ішінде қол жетімді болады. Сатуды бастау кестесі елге байланысты өзгеше болуы мүмкін.
³ Smart Hub G93SD үлгісі үшін қолжетімді емес. Қолжетімділік елге байланысты.
⁴ SGaming Hub G93SD үлгісі үшін қолжетімді емес. Қолжетімділік елге байланысты.
⁵ Дереккөз: IDC Worldwide Quarterly Gaming Tracker 2024 жылғы бірінші тоқсан үшін жаhандық есебі. Ойын мониторларының жіктелуі IDC критерийлеріне негізделген (оған 2023 жылдың екінші тоқсанында және одан кейін шыққан 144 Гц-тен жоғары экранды жаңарту жиілігі бар мониторлар және бұрын шыққан 100 Гц-тен жоғары экранды жаңарту жиілігі бар мониторлар кіреді.

Дисплей технологиясының әлемдік көшбасшысы Samsung Electronics өзінің алғашқы OLED моделін – ойын мониторы 34″ Odyssey OLED G8 (G85SB моделі) – шығарғаннан кейін бір жыл өткен соң жаһандық OLED мониторларының сатылымында көшбасшылыққа ие болды.

International Data Corporation (IDC) деректері бойынша Samsung Electronics жалпы кіріс бойынша 34,7% нарық үлесімен OLED мониторларының әлемдік нарығында жетекші орынға және 2023 жылы¹ OLED мониторларының сатылымындағы 28,3% ие болды.

«OLED монитор нарығы жоғары бәсекеге қабілетті, сондықтан көшбасшылыққа жету үшін бұрын-соңды болмаған жаңашылдықтар мен ең жоғары сапалы өнімдер қажет, – деді Хун Чунг (Hoon Chung), Samsung Electronics визуалды дисплей бөлімінің атқарушы вице-президенті. – Бұл жетістік біздің жоғары деңгейге жетуге және пайдаланушының қажеттіліктерін түсінуге ұмтылысымызды көрсетеді – дүние жүзіндегі өнімділікке құштар ойыншылар үшін озық OLED дисплейлерін жеткізудің негізгі факторлары».

Samsung сондай-ақ жалпы табыс бойынша 20,8% нарық үлесімен бесінші жыл қатарынан ойын мониторларының ортақ әлемдік нарығындағы көшбасшылығын сақтап отыр.²

OLED мониторлар нарығына кіргеннен бері, Samsung жаңашылдықтарды жалғастырып, жаңа мониторлары үшін жоғары баға алуда, соның ішінде Odyssey OLED G9 (G95SC моделі), ол бүкіл әлем бойынша сарапшылар мен шолушылар тарапынан жоғары бағаға ие болды.

CES 2024 көрмесінде Samsung өзінің OLED мониторлар желісін үш жаңа өніммен кеңейтетінін жариялады:

• Odyssey OLED G8 (G80SD моделі) диагоналы 32 дюйм және 4K UHD рұқсатымен, 16:9 арақатынасы, 240 Гц жаңарту жиілігі және 0,03 мс жауап беру уақыты (GtG).³
• Odyssey OLED G6 (G60SD моделі) диагоналы 27 дюйм және QHD рұқсатымен, 16:9 арақатынасы, 360 Гц жаңарту жиілігі және 0,03 мс жауап беру уақыты (GtG).
• Жаңартылған Odyssey OLED G9 (G95SD моделі) диагоналы 49 дюйм және QHD рұқсатымен, 32:9 арақатынасы, 240 Гц жаңарту жиілігі және 0,03 мс жауап беру уақыты (GtG) және жаңа функциялар.

Жаңа OLED теледидарлары алғашқы шолушыларды таң қалдырдып, қазірдің өзінде марапаттарға ие болды. Қаңтардағы ірі жаһандық технологиялық оқиға болған CES көрмесінде Odyssey OLED G9 моделі CES® 2024 Innovation Awards сыйлығының құрметті иегері атанды.⁴

Samsung жаңа Odyssey OLED үлгілерін ұсынып, ойын мониторларының желісін кеңейтуді жалғастырады, олардың әрқайсысы Samsung компаниясының меншікті OLED технологиясын пайдаланады. Бұл жаңашылдық Quantum Mini LED технологиясы бар Odyssey Neo сериясының сәттілігіне байланысты, сондай-ақ инновациялық интерфейсі мен пішін факторы бар Odyssey Ark.

Samsung компаниясының жетекші монитор желілері туралы қосымша ақпаратты осы сайттан таба аласыз: https://www.samsung.com/kz_ru/

¹ IDC Q4 2023 Worldwide Quarterly Gaming Tracker.
² IDC Q4 2023 Worldwide Quarterly Gaming Tracker. IDC критерийлері негізінде ойын мониторларының жіктелуі (2023 жылдың 2-тоқсанынан бастап 144 Гц-тен жоғары, бұрын – 100 Гц-тен жоғары).
³ Gray to gray – пикселдің бір сұр деңгейден екіншісіне өтуіне кететін уақыттың өлшем бірлігі.
⁴ CES Innovation Awards марапаттары төрешілерге жіберілген баяндауларға негізделген. Тұтыну технологиялары қауымдастығы (CTA) ұсынылған материалдар мен мәлімдемелердің дұрыстығын тексермеді, сонымен қатар сыйлық берілген құрылғыны сынамады.

Samsung Electronics компаниясы келесі аптада Лас-Вегас қаласында өтетін Тұтынушылық технологиялар қауымдастығы (CTA) ұйымдастыратын CES 2024 әлемдегі ең ірі технологиялық көрмеде жаңа ойынға арналған OLED-мониторларын – жаңа Odyssey ойын мониторларын көпшіліктің назарына ұсынады.

OLED-мониторларының жаңа модельдері – Odyssey OLED G9 (G95SD моделі), Odyssey OLED G8 (G80SD моделі) және Odyssey OLED G6 (G60SD моделі) – жоғары өнімділікпен және кескін нақтылығымен ерекшеленеді, бұл қасиеттерді ойыншылар өз мониторларында жоғары бағалайды.

Odyssey OLED G9 – бұл DQHD (5120×1440) шешімі бар 49 дюймді иілген өте кең ойын монитор, оның жақтарының арақатынасы 32:9 және ол басқа да жаңартылған функцияларға ие. Odyssey OLED G8 – жақтарының арақатынасы 16:9 болатын және 4K UHD (3840х2160) шешімі бар 32 дюймді Samsung компаниясының ойындарға арналған OLED-мониторы. Қос монитордың да жаңартылу жиілігі 240 Гц, ал жауап қайту уақыты GTG¹ 0,03 мс құрайды. Odyssey OLED G6 – жақтарының арақатынасы 16:9 болатын және QHD (2560x 1440) шешімі бар 27 дюймді монитор, оның жаңартылу жиілігі 360 Гц және жауап қайту уақыты GTG 0,03 мс құрайды.

«Ойын жанрларымен қатар ойын платформалары да күннен-күнге одан да қатты өзгеріп бара жатыр» – дейді Samsung Electronics компаниясының визуалды дисплейлер бөлімшесінің атқарушы вице-президенті Хун Чун (Hoon Chung). Ол сондай-ақ: «Samsung компаниясы шығарған жаңа OLED Odyssey ойын мониторлары ойыншыларға одан да таң қаларлық ойын ортасын құруға және инновациялық технологияларды қамтамасыз етуге көмектеседі, бұл өз кезегінде ойыншылардың ойын тәжірибесін дербестендіріп, олардың тұрақты түрде өзгеріп отыратын қажеттіліктерін қанағаттандырып, үміттерінен асып түседі» – деді.

Барлық сәттерді сезінуге мүмкіндік беретін технологиялар

Барлық үш модель OLED Glare-Free технологиясымен жасақталған, бұл технология жарық сәулесінің шағылысын азайтады және қосымша жабдықсыз экранды көруден әсерлерді жақсартады, сол себепті пайдаланушылар кез келген жарықта дерлік өзгеріссіз жарқындылықпен және түрлі түстермен ойындарды ойнай алады.

VESA DisplayHDR True Black 400 технологиясының арқасында мониторлар көз тартатын таң қаларлық детализацияны және ойынға немесе контентке тәуелсіз жарқын түстерді көрсетеді. Сонымен қатар, олар төмен іркілісі бар HDR-ойындарын жоғары дәрежеде бір қалыпты көрсету үшін AMD FreeSync Premium Pro технологиясын қолданады.

Барлық үш монитордың да кең физикалық мүмкіндіктері: екі HDMI 2.1 порты, USB-хабы және DisplayPort 1.4. ажырату порты бар. Пайдаланушылар сондай-ақ VESA² орнықтыру құрылғысымен үйлесімділіктің және бүгуді, бұруды, айналдыруды басқару нүктелері бар биіктігіне сәйкес реттелетін тіреуіштің (HAS) ³ арқасында бұрыңғыдан да көп рақат пен ыңғайлылық сезімін алады.

Толық қанды экожүйедегі өзара байланысты тәжірибе

Odyssey OLED G9 және Odyssey OLED G8 мониторлары енді бірнеше құрылғымен бірлестікте бұрыңғыдан да ыңғайлы және тиімді жұмыс жасау үшін құрылғылардың қуатқа тәуелсіз үздіксіз қосылысына кепілдік беретін жаңа Multi Control функциясын ұсынады. Multi Control функциясы тінтуір мен пернетақта көмегімен одан да бірқалыпты және тиімді жұмыс үрдісін жасау үшін пайдаланушыларға Samsung мониторы мен Samsung компаниясы шығарған басқа да құрылғылар, жеке алғанда Galaxy Book, планшет немесе телефон, арасында кескінді және/немесе мәтінді үздіксіз тасымалдауға мүмкіндік береді.⁴

Сонымен қатар, Odyssey OLED G9 және Odyssey OLED G8 мониторлары Samsung SmartThings Hub хабымен жасақталған. Оның көмегімен пайдаланушылар құрылғыларды басқару үшін Matter және Home Connectivity Alliance (HCA) үйлесе алатын әр түрлі IoT-құрылғыларына қосыла алады.⁵

Кез келген кеңістікті әсемдеуге арналған сәнді дизайн

Samsung компаниясы Odyssey желісінде тегіс OLED-дисплейлерді тұңғыш рет көрсетті, сондай-ақ Odyssey OLED G8 және жақтарының арақатынасы 16:9 болатын Odyssey OLED G6 моделдерін алғаш рет назарға ұсынды. Жаңа модельдер өзінде Odyssey OLED желісінің бірегей жіңішке металл дизайнын және жаңа Core Lighting+ жарықтандыруын үйлестіреді, ол экранның жіңішке жиектемесін үйлесімді толықтырады.

Core Lighting+ технологиясы монитордың артқы панелінен таратылған жарықты шығара отырып, пайдаланушыларға ойын-сауық әлеміне толықтай сіңуге мүмкіндік береді. Жарықтандыру шеңбері алдыңғы модельге (G95SC моделіне),  қарағанда төрт есе жұқа және қалыңдығы 3,9 мм болатын жіңішке металл жиектемеге табиғи түрде оңтайлы енеді. Сондай-ақ дисплей дизайнымен үйлесімді және басқа құрылғыларға орын босататын жаңа жіңішке 3 миллиметрлік метал тұрақтандырғыш пайда болды, оны аспаптарды қолданбай жинауға болады.

Samsung компаниясы осы жаңа модельдерді ұсына отырып, өзінің OLED-мониторлар желісін күшейтті және ойын мониторлары нарығындағы көшбасшылық орнын нығайтты. Odyssey мониторларының OLED-дисплейлерінің инновациялары және Odyssey Neo сериясының, атап айтқанда өткен жылы шығарылған әлемдегі тұңғыш Dual UHD шешімі бар 57 дюймді монитордың, одан әрі дамуы ойын болашағын айқындай алатын озық функцияларды және өнімділікті қамтамасыз етеді.

¹  Сұр түстен сұр түске өту уақыты (GTG) – бұл пиксельдің бір сұр реңктен екінші сұр реңкке өзгеруге жұмсаған уақыты.

² VESA тіреуіші Бейнеэлектроника стандарттары қауымдастығы (VESA) анықтаған дисплейлерді орнату саласындағы ең кең тараған стандартқа жатады.

³ G80SD және G60SD модельдерінде бұрылыс және шарнирлік тіреуіштер қолданылады.

⁴ Multi Control функциясы Tizen ОЖ басқаруымен 2024 жылы немесе одан кейін шығарылған Samsung мониторларында, 2021 жылы немесе одан кейін шығарылған Galaxy Book ноутбуктарында, сондай-ақ 5.1.1 немесе одан кейінгі нұсқадағы One UI интерфейсі бар Galaxy планшеттері мен телефондарында бірлесе жұмыс жасауға қол жетімді.

⁵ Zigbee және Thread құрылғыларына қосылу және оларды басқару үшін бөлек SmartThings адаптері қажет. Z-Wave протоколы бар құрылғыларға қосылу қолданбайды.

Осы жылы Samsung Electronics компаниясы мен киберспорт бойынша ең ірі чемпионаттарда жеңіске жеткен оңтүстік кореялық Т1 командасының арасындағы ынтымақтастыққа үш жыл толады. 2020 жылдан бастап Samsung компаниясы өзінің алдыңғы қатарлы технологияларын ойыншыларға және көрермендерге көрсете отырып, Т1 командасын Odyssey ойын мониторларымен қамтамасыз етеді.

▲ Odyssey Neo G9 57″ (G95NC) және T1 командасы (солдан оңға қарай: Керия, Гумаюси, Фейкер, Онер және Зевс).

2023 жылы Samsung ойын мониторлары желісінің нарыққа шығуына байланысты 57-дюймдік Odyssey Neo G9, 49-дюймдік Odyssey OLED G9 (G95SC) және жаңартылған 55-дюймдік Odyssey Ark (G97NC) технологиялық артықшылықтарын көрсететін үш бейнебаяннан құралған серияны ұсынды. Бейнебаянды “Қылмыс қаласы” (“The Outlaws”, 2017), “Патша жасасын!” (“Long Live the King”, 2019) және «Казино» сериялымен (“Big Bet”, 2022) танымал болған атақты оңтүстік кореялық режиссер Юн-Сон Кан (Yunsung Kang) түсірді. Заманауи және орта ғасырлық элементтерді қамтитын шытырман шайқаста Т1 командасының ойнын тамашалаған көрермендер Samsung мониторларының шайқас барысына қалай әсер еткендігін өз көзімен көре алды. Samsung Newsroom берген сұқбатында Юн-Сон Кан және Т1 командасының қатысушылары: Керия (‘Keria’), Гумаюси (‘Gumayusi’), Фейкер (‘Faker’), Онер (‘Oner’) және Зевс (‘Zeus’) жобаны жасаудың кадр артындағы тарихымен бөлісті.

▲ Фейкер Odyssey Neo G9 57″ технологиялық мүмкіндіктерімен танысып жатыр.

В. Сіздің Odyssey ойын мониторларының жаңа моделдері туралы ойыңыз, әсерлеріңіз қаңдай?

Фейкер: Odyssey ойын мониторлары жылдан жылға жетілдіріліп келеді. Жаңа 57-дюймдік Odyssey Neo G9 ойын мониторы шын мәнінде өзінің алып экранымен назарға ілігіп таң қалдырады. Алыстан қарағанда мен оның мөлшеріне көп көңіл бөлмедім, бірақ жақыннан қарағанда оның мөлшеріне тамсандым. Odyssey Neo G9 ойын мониторы – үлкен дисплейлерді ұнататындар үшін мінсіз таңдау.

Онер: Odyssey OLED G9 ойын мониторының үлкендігі соншалықты ол қарапайым мониторға қарағанда теледидарға көбірек ұқсайды. Ол бейнебаяндарды қарау үшін тамаша таңдау.

Зевс: Samsung мониторлары өзінің алып мөлшерлерімен ерекшеленеді. Аса қызықты ойын үрдісін және картаның ауқымды көрінісін ұсына отырып, оның өте кең экраны League of Legends ойнында стратегияны жасауға көмектеседі.

▲ Т1 командасынан Фейкер және Онер Odyssey OLED G9 мониторында ойындар ойнап жатыр.

▲ (Солдан оңға) Т1 командасынан Гумаюси мен Керия Odyssey Ark 2023 мониторында Multi View режімін сынап жатыр.

В. Сізге геймер ретінде мониторды таңдауда басты басымдылық не болып табылады?

Фейкер: Геймерлердің көпшілігі үшін монитордың жауап қайту уақыты мен жаңартылу жиілігі маңызды. Мен гостингті барынша азайту үшін жауап қайту уақыты тез болатын мониторды ұнатамын.

Онер: Мен үшін жаңартылудың жоғары жиілігі маңызды. Мен монитордың 240 Гц жаңартылу жиілігін қолдайтынын әрқашан тексеремін.

Керия: Жұмыс кезінде мен жаңартылу жиілігі 240 Гц болатын мониторды пайдаланамын, алайда көптеген пайдаланушылар жаңартылу жиілігі 144 Гц және одан жоғары болатын мониторлармен шектеліп қояды.

Гумаюси: Басқа геймерлерге қарағанда мен монитордың сипаттамасына көп көңіл бөлмеймін. Алайда мен жаңарту жиілігі жоғары болатын мониторларға үйренгендіктен параметрлері төмен болатын мониторға ауысу менің шеберлігіме әсер ете алады. Ал мен ойынға толықтай ынтамды қойғым келеді.

Зевс: Мен Онермен келісемін. Мен үшін жаңартылу жиілігі басты болып табылады. Бұрын менде жаңартылу жиілігі 60 Гц болатын монитор болған, бірақ жақсартылған сипаттамалары бар мониторға ауысқаннан кейін ойын барысы одан да бірқалыпты бола бастады. Енді мен жаңартылу жиілігі төмен мониторға қайтуды елестете алмаймын.

2021 жылы Odyssey Neo G9 туралы жарнамалық бейнебаян түсірген Юн-Сон Кан Samsung компаниясымен жұмысын жалғастырып, 2023 жылы Odyssey жаңа желісінің мониторлары туралы бейнебаяндар сериясын түсірді.

▲ Юн-Сон Кан Odyssey желісінің көптеген бейнебаяндарының режиссері.

В. Odyssey желісі туралы бейнебаяндарды түсірген кезде сіз үшін не негізгі болды?

Юн-Сон Кан: Осы жобада менің басты міндетім монитордың алып мөлшеріне көңіл қою болды. Бұл үшін мен Odyssey моделдерінің артықшылықтарын көрсету мақсатында ірі көлемді ортағасырлық шайқастың концепциясын ойлап таптым.

В. Осы жобаның басты сәттері туралы айтып берсеңіз.

Кан:  Осы бейнебаяндардың ең жарқын эпизодтарының бірі – сюжеттің күтпеген жерден өзгеруі: сценарий бойынша Т1 командасы шайқастың барысын өзгертеді, ал содан соң күтпеген жағдай орын алады. Қатысушылар шайқасты жеңіп алдық деп ойлағанда, Фейкер экранды үлкейтіп, екі жақтан жаңа жаулардың келе жатқандығын көрсетеді. Оқиғаның осылай өзгеруі көрермендердің назарын баулап алады.

▲ Т1 командасының қатысуымен Odyssey бейнебаянынан үзінділер, оң жақта – Фейкер.

▲ Т1 командасынан Фейкер Odyssey моделінің жаңа бейнебаяны алаңында.

▲ Т1 командасынан Зевс (сол жақта) және Онер (оң жақта) бейнебаяннан хореографиялық элементтерді көрсетіп жатыр.

▲ Гумаюси (сол жақта) және Керия (оң жақта) Odyssey промо-бейнебаяндарын түсірген кезде.

▲ Т1 командасының қатысушылары түсірілім кезінде хореографияны жаттап жатыр.

В. Промо-бейнебаянға түсу үшін үйреншікті ойын матчтерінен және күнделікті жаттығулардан кетіп, өзге қызметпен айналасуды қалай деп ойлайсыз?

Онер, Зевс және Керия: Бізді хореография үшін біздің танымал қозғалыстарымыз қолданылғаны таң қалдырды.

Басында біз қобалжыдық, себебі біз кәсіби бишілер емеспіз, алайда хореографтың жан-жақты нұсқаулары бізге жобаны табысты аяқтауға көмектесті. Жанкүйерлерге біздің жұмысымыз ұнайды деп үміттенеміз.

Фейкер: Тұтас алғанда, бұл – жаңа және қызықты тәжірибе. Бұрын мен көптеген камералар орнатылған теледидар шоуларына қатысқанмын, алайда мен бірінші рет толқып, ыңғайсыздықты сезініп биледім.

▲ Odyssey Neo G9 57” және Т1 командасы (солдан оңға қарай: Керия, Гумаюси, Фейкер, Онер и Зевс).

В. Сіз ойнаған Odyssey мониторларының қайсысы көбірек ұнады?

Фейкер: Менің сүйіктім – бұл 49-дюймдік Odyssey OLED G9 ойын мониторы. Маған оның тез жауап қайту уақыты және артқы панелінің сәнді металл түсті дизайны ұнайды.

Зевс: Мен үшін де 49-дюймдік Odyssey OLED G9 ойын мониторы ең үздік таңдау. Infinity Core жарығы кемпірқосақ тәрізді түстерді береді, ал металл тәрізді дизайн монитордың сыртқы пішінін кербез етеді.

Керия: Мен үшін 57-дюймдік Odyssey Neo G9 мониторы ең тартымды, оның артқы жылтыр ақ түсті панелі сәнді-салтанатты көрінеді.

Гумаюси: Мен бұрын Т1 штабының холында Odyssey Ark мониторын пайдаланған едім. Маған Multi View режімі ұнады, себебі мен бірнеше ойынды бір уақытта ойнауды жақсы көремін. Бірақ мен үлкен экрандарды ұнататындықтан, менің таңдауым — 57-дюймдік Odyssey Neo G9.

Онер: Шындығын айтсам, біреуін таңдау өте күрделі. Odyssey ойын мониторларының жаңа моделдері үлкен мөлшерімен және кең экрандарымен таң қалдырады. Маған барлығы да ұнайды.

Т1 командасының жауынгерлік әлеуетін бағалаңыз және келесі сілтемелер бойынша ұсынылған бейнебаяндарды көріп, Odyssey ойын мониторларының ең жаңа желісімен танысыңыз:

▲Odyssey x T1: Odyssey Ark ойын мониторымен неге қол жеткізе алатындығыңды көрсет

▲ Odyssey x T1: Odyssey Neo G9 | Samsung ойын мониторымен бірге жеңімпаз бол

▲ Odyssey x T1: Odyssey OLED G9 I Samsung ойын мониторымен ештеңеден қорықпа