Бүгінгі күні Samsung Electronics бұл баяндауды Odyssey 3D (G90XF) — 3D-контентті көзілдіріксіз көруге мүмкіндік беретін жоғары дәлдіктегі ойын мониторы арқылы өзгертеді. Көзді бақылау (Eye Tracking) және тереңдікті көрсету (View Mapping) технологияларымен жабдықталған Odyssey 3D иммерсивті тамашалау және гейминг парадигмасының өзгеруін білдіреді.

Odyssey 3D монитор технологиясының шындықты сезіну жолын қалай өзгертетінін түсіну үшін Samsung Newsroom өкілдері Samsung Electronics компаниясының дисплей шешімдері (VD) бөлімшесінің қызметкерлері: Корпоративтік зерттеулер және әзірлемелер зертханасынан Донгхва Лим және өнімдік инновациялар зертханасынан Тэкван Ли-мен сөйлесті.

▲ Донгхва Лим және Тхэкван Ли Odyssey 3D технологиялары және құрамдас бөліктері туралы айтып беріп жатыр.

Odyssey 3D-дың үш басты технологиялары

3D дисплейлер бинокулярлық диспаренттіліктің арқасында көлемді әсер қалдырады, онда ми суреттің үш өлшемді тереңдігін қабылдайды, әр көзге әр түрлі көрінетін сәл өзгеше кескіндерді өңдейді. Осы принципті қолдана отырып, Odyssey 3D бұл принципті қамтамасыз етеді, бірақ көзілдіріксіз: ол әр көзге бөлек кескіндер жасайды, ал көзді бақылау технологиясы (Eye Tracking) пайдаланушының көзін оның көзілдірігі арқылы да тани алады.

«Бұрын қол жеткізу мүмкін емес болып көрінген технологияларды нарыққа шығару — айтарлықтай шабыттандырады», — Донгхва Лим, Samsung Electronics

Odyssey 3D үш негізгі технологияға негізделген: көзді бақылау (Eye Tracking), тереңдікті жасау үшін Дисплейді реттеу (View Mapping) және лентикулярлық линзаларды пайдалану (Lenticular Lens).

▲ Odyssey 3D арнайы көзілдірікті пайдаланбай иммерсивті 3D-тәжірибесін жасау үшін көптеген технологияларды біріктіреді.

Eye tracking технологиясы, көздің қозғалысын бақылайды және монитордың жоғарғы жағында орналасқан стерео камера арқылы жүзеге асырылады. Ол нақты уақыт режимінде пайдаланушының көз қозғалысын түсіреді және қадағалайды.

“Екі камера көзге ұқсас әртүрлі кескіндерді түсіретіндіктен, олар пайдаланушының көзінің орналасуын, сондай — ақ олармен монитор арасындағы қашықтықты нақты уақыт режимінде анықтай алады”, – деп түсіндірді Лим. “Бұл пайдаланушы қозғалыста болса да, дәл 3D кескінін ойнатуға мүмкіндік береді”.

▲ (Солдан оңға қарай) тереңдікті жасау үшін Дисплейді реттеу (View Mapping) және лентикулярлық линза (Lenticular Lens)

Осы деректерге сүйене отырып, жүйе әр көзге пиксельдің таралуын есептейді және View Mapping технологиясы арқылы тұтас 3D кескінін құрайды. Содан кейін лентикулярлық линза стерео эффект жасау үшін жарықты ерекше түрде сындырып, әр көзге әр түрлі кескіндер шығарады.

Odyssey 3D тек 3D-ойындары үшін ғана емес. Ол гейминг үшін жасалған, сондықтан 2D-режимінде де керемет сурет сапасы мен жоғары жауап беру жылдамдығын көрсетеді. Лентикулярлық линза Odyssey 3D Hub арқылы 3D режимін қосқанда ғана белсендіріледі.

Samsung-тың озық технологияларының көмегімен айқас бөгеуілдерді азайту

3D эффектілері контентке енудің жаңа деңгейін тудырғанымен, тіпті ең аз визуалды сәйкессіздіктер қабылдаудың тұтастығын бұзуы мүмкін. Дәл осы себепті Samsung жоғары сапалы 3D визуализациясын қамтамасыз ету үшін айтарлықтай ресурстарды салды.

«Айқас бөгеуілдер сол және оң көзге арналған бейнелер сәйкес келмеген кезде орын алады, — деп түсіндірді Лим. — Бұл бас айналуын және жайсыздықты тудыруы мүмкін, сондықтан оларды азайтуға арналған әдістерді дайындап шығардық».

▲ Enterprise R&D Lab өкілі Донгхва Лим айқас бөгеуілдерді азайтатын технологиялар туралы айтып беріп жатыр.

Лимнің айтуынша, камера мен дисплей құрамдастарын өндіру немесе құрастыру кезіндегі ең кішкентай қателер де дисплей дәлдігіне әсер етуі мүмкін. «Мұны болдырмау үшін, – деп түсіндірді ол, – Samsung құрастырудан кейін калибрлеуді жүргізеді және әрбір құрылғының бірегей деректерін монитордың ішіндегі арнайы чипте сақтайды.

Аппараттық калибрлеуден басқа, Odyssey 3D терең оқыту көзді бақылау алгоритмін және жарықтың бұрмалануын және жарқырауын азайтатын арнайы экран жабынын пайдаланады, олардың барлығы айқас бөгеуілдерді азайтуға және ең жақсы 3D-тәжірибесін қамтамасыз етуге бағытталған.

Индустриядағы серіктестік арқылы 3D-геймингтағы инновациялар

Odyssey 3D-дің толық әлеуеті ойын барысында ашылады. Samsung Odyssey 3D Hub — Windows негізіндегі 3D-контент платформасын, сонымен қатар фотосуреттер мен бейнелерді 2D-ден 3D-ге түрлендіруді қолдауды әзірледі.

«Ойын индустриясының көшбасшылары күштерін біріктірген кезде, сайып келгенде ойыншылардың өзі жеңіске жетеді», — Тхэкван Ли, Samsung Electronics

Пайдаланушыларға жекелендірілген және қызықты тәжірибе ұсыну үшін Samsung көзілдірікті пайдаланбай 3D ойындарын оңтайландыру арқылы салалық серіктестермен белсенді жұмыс істейді.

▲ Тхэкван Ли салааралық ынтымақтастық — 3D-ойын нарығын кеңейтудің кілті екенін түсіндіруде.

Серіктестермен бірлескен жұмыс 3D-да ойын контентін кеңейту бойынша да жүргізілуде.

«Әзірлеушілер үнемі тұтынушылармен қарым-қатынастың жаңа түрлерін іздейді және бұл өзара әрекеттесудің бір жолы-3D-ойыны болып табылады», — деп атап өтті Ли.

Ол сондай-ақ ауқымды ынтымақтастық бүгінде қалыптасу сатысында тұрған 3D-гейминг нарығының жеделдетілген өсуінің кілті екенін атап өтті.

Samsung-пен тығыз ынтымақтастықтың арқасында қол жеткізген баурап алатын 3D-шомудың жарқын мысалы – Nexon Korea және Neople жақында шығарылған ойыны — «The First Berserker: Khazan».

«Біз бірлесіп 3D-дағы визуалдық әсерлерді теңшедік,оларды кейіпкерлердің түрлеріне және артқы көрініске байланысты таңдадық. Барлығы — көріністердің ерекшеліктерінен бастап кат-көріністерге¹ дейін — Odyssey 3D-ға бейімделген», — деп айтып берді Ли.

▲ «The First Berserker: Khazan»-нан көрініс

«Әсерлерді жасау — қалқымалы бөлшектер, жылдам қозғалатын жалындар және кинематографиялық ойындағы үзінділер — техникалық қиындық тапсырма болды. Бірақ мен командалық жұмыс арқылы қол жеткізген жетістіктерімізді мақтан тұтамын, – деп қосты Ли. «Әсіресе, Khazan-дағы қарлы тау көрінісі ерекше әсер қалдырды: Odyssey 3D ойынында ойнаған кезде, қар ұшқындары ойыншының үстіне түсіп жатқан сияқты. Бұл тәжірибені мен әркімге өзі жеке сынап көруге кеңес беремін».

«Біздің зерттеулеріміз — тұтынушыларды болашақта байланыстыратын жол»,

— Тхэкван Ли, Samsung Electronics

Odyssey 3D мониторының шығуымен бірге Samsung компаниясы ойын тәжірибесін иммерсивтіліктің жаңа деңгейіне шығарады.

«Біз 3D ойын нарығын кеңейту үшін жергілікті және жаһандық деңгейде ойын әзірлеушілерімен келіссөздер жүргізіп жатырмыз, деп атап өтті — Ли. — Біздің мақсатымыз — тұтынушыларға 3D ойындарының кең таңдауын ұсыну үшін ынтымақтастықты белсенді дамыту. Ойын индустриясының көшбасшылары күштерін біріктірген кезде, сайып келгенде ойыншылардың өзі жеңіске жетеді».

Мүмкін еместі жүзеге асыруға дейін: 3D-мониторлары нарығының болашағын қалыптастырамыз

Лим сонымен қатар соңғы онжылдықта технологияның қаншалықты алға жылжығаны туралы ой қозғады.

«Мен Samsung-қа алғаш рет келгенде, 3D-технологияларына арналған жиналыста болдым, сол кездегі технологияның деңгейінде, лентикулярлық линзаларды жасау жүзеге асуы мүмкін емес арман болып саналды», – деді ол. Ал енді, бірнеше жыл өткен соң, біз оны жүзеге асырып қана қоймай, оны нарыққа шығардық. Бір кездері қол жетімсіз деп есептелген технология негізінде іске қосылған құрылғыны көру шынымен таңғаларлық және керемет шабыттандырады».

▲ Донгхва Лим және Тхэкван Ли 3D-технологиялардың болашағына сенімді.

«Жаңа тәжірибелерді жасау бойынша біздің зерттеулеріміз — тұтынушыларды болашақпен байланыстыратын жол болып табылады. Odyssey 3D онда технологиялар әдеттегі аядан асып шығатын жаңа дәуірдің басталуын білдіреді, — деп атап өтті Ли. — Odyssey 3D-да іске қосылған ойындар тек жекелеген сәттерде ғана емес, бүкіл ойын барысында “вау”-әсерін беретініне кепілдік беріледі».

Samsung ойын мониторы нарығында жетекшілік етуді жалғастыруда және Odyssey 3D компанияның иммерсивті технологияны қалай қайта елестететіндігінің және дисплей инновациясының шекарасын қалай ілгерілететінінің жарқын мысалы болып табылады.

¹ Ойын процесі кезінде кезеңдер арасында көрсетілетін қысқа сюжеттік роликтер.

Samsung Electronics компаниясы Тәжікстандағы серіктестері үшін кезекті B2B семинарын өткізді. Іс-шара 2024 жылдың 19 қарашасында Hyatt Regency Dushanbe қонақүйінде өтті. Оған дәстүрлі түрде сауда желілерінің, кәсіпорындардың, қонақүйлердің, ұялы байланыс операторларының және т.б. өкілдері қатысты. Компания жаңа мүмкіндіктер мен жетілдірілген шешімдердің арқасында күнделікті бизнес-процестерді айтарлықтай жеңілдететін және операциялық тиімділікті арттыратын экономиканың әртүрлі секторларына арналған өзінің инновациялық өнімдері мен шешімдерін көрсетті.

Душанбедегі Partner’s Day Қазақстан, Қырғызстан және Моңғолиядағы серіктестермен осындай кездесулер сериясынан кейінгі биылғы жылдың қорытынды іс-шарасы болды. Ағымдағы семинардың айрықша ерекшелігі Samsung Electronics екі бөлімшесінің – мобильді (Mobile eXperience) және дисплей шешімдерінің (Visual Display) бірлескен тұсаукесері болды.

Мобильді құрылғылар

Қауіпсіз мобильді құрылғылардың жаңа үлгілері – Galaxy Tab Active5 және Galaxy Xcover7 – алдыңғы қатарға шықты. Бұл беріктігі жоғары және су мен шаңнан қорғалған планшеттер мен смартфондар қатал ортада жұмыс істеуге арналған. Samsung Electronics өкілдері Galaxy Tab Active5 және Galaxy Xcover7 кез келген сынаққа дайын екенін және өндірісте немесе логистика саласында жұмыс істейтін кәсіпорын қызметкерлері үшін сенімді көмекші болатынын анық көрсетті.

Мониторлар, дисплейлер және интерактивті панельдер

Сондай-ақ, компанияның серіктестері басқа да озық B2B өнімдерімен, соның ішінде ақпараттық дисплейлер мен ойындарға да, бизнеске де жарамды қуатты мүмкіндіктері бар мониторлар туралы білді. Мұнда алдымен инновациялық мониторларға назар аударылды. Олардың ішінде 5K ажыратымдылығы бар флагмандық ViewFinity S9, Smart Monitor желісі және 240 және 360 Гц жаңарту жиілігі бар Odyssey ойын мониторлары ерекше көзге түсті.

Одан әрі келушілер Andriod жүйесінде жұмыс істейтін Samsung Flip интерактивті панельдерінің қасиеттерін жоғары бағалады. Кәсіби QMC дисплейлерінің соңғы желісіне қосымша әмбебап All-In-One жарықдиодты экрандар да атап өтілді.

Partner’s Day заманауи технологияларды көрсету алаңы ғана емес, сонымен қатар Samsung Electronics үшін серіктестермен қарым-қатынасты нығайту, бизнесті дамыту перспективаларын талқылау және тәжірибе алмасу мүмкіндігіне айналды.

Samsung Electronics компаниясы келесі аптада Лас-Вегас қаласында өтетін Тұтынушылық технологиялар қауымдастығы (CTA) ұйымдастыратын CES 2024 әлемдегі ең ірі технологиялық көрмеде жаңа ойынға арналған OLED-мониторларын – жаңа Odyssey ойын мониторларын көпшіліктің назарына ұсынады.

OLED-мониторларының жаңа модельдері – Odyssey OLED G9 (G95SD моделі), Odyssey OLED G8 (G80SD моделі) және Odyssey OLED G6 (G60SD моделі) – жоғары өнімділікпен және кескін нақтылығымен ерекшеленеді, бұл қасиеттерді ойыншылар өз мониторларында жоғары бағалайды.

Odyssey OLED G9 – бұл DQHD (5120×1440) шешімі бар 49 дюймді иілген өте кең ойын монитор, оның жақтарының арақатынасы 32:9 және ол басқа да жаңартылған функцияларға ие. Odyssey OLED G8 – жақтарының арақатынасы 16:9 болатын және 4K UHD (3840х2160) шешімі бар 32 дюймді Samsung компаниясының ойындарға арналған OLED-мониторы. Қос монитордың да жаңартылу жиілігі 240 Гц, ал жауап қайту уақыты GTG¹ 0,03 мс құрайды. Odyssey OLED G6 – жақтарының арақатынасы 16:9 болатын және QHD (2560x 1440) шешімі бар 27 дюймді монитор, оның жаңартылу жиілігі 360 Гц және жауап қайту уақыты GTG 0,03 мс құрайды.

«Ойын жанрларымен қатар ойын платформалары да күннен-күнге одан да қатты өзгеріп бара жатыр» – дейді Samsung Electronics компаниясының визуалды дисплейлер бөлімшесінің атқарушы вице-президенті Хун Чун (Hoon Chung). Ол сондай-ақ: «Samsung компаниясы шығарған жаңа OLED Odyssey ойын мониторлары ойыншыларға одан да таң қаларлық ойын ортасын құруға және инновациялық технологияларды қамтамасыз етуге көмектеседі, бұл өз кезегінде ойыншылардың ойын тәжірибесін дербестендіріп, олардың тұрақты түрде өзгеріп отыратын қажеттіліктерін қанағаттандырып, үміттерінен асып түседі» – деді.

Барлық сәттерді сезінуге мүмкіндік беретін технологиялар

Барлық үш модель OLED Glare-Free технологиясымен жасақталған, бұл технология жарық сәулесінің шағылысын азайтады және қосымша жабдықсыз экранды көруден әсерлерді жақсартады, сол себепті пайдаланушылар кез келген жарықта дерлік өзгеріссіз жарқындылықпен және түрлі түстермен ойындарды ойнай алады.

VESA DisplayHDR True Black 400 технологиясының арқасында мониторлар көз тартатын таң қаларлық детализацияны және ойынға немесе контентке тәуелсіз жарқын түстерді көрсетеді. Сонымен қатар, олар төмен іркілісі бар HDR-ойындарын жоғары дәрежеде бір қалыпты көрсету үшін AMD FreeSync Premium Pro технологиясын қолданады.

Барлық үш монитордың да кең физикалық мүмкіндіктері: екі HDMI 2.1 порты, USB-хабы және DisplayPort 1.4. ажырату порты бар. Пайдаланушылар сондай-ақ VESA² орнықтыру құрылғысымен үйлесімділіктің және бүгуді, бұруды, айналдыруды басқару нүктелері бар биіктігіне сәйкес реттелетін тіреуіштің (HAS) ³ арқасында бұрыңғыдан да көп рақат пен ыңғайлылық сезімін алады.

Толық қанды экожүйедегі өзара байланысты тәжірибе

Odyssey OLED G9 және Odyssey OLED G8 мониторлары енді бірнеше құрылғымен бірлестікте бұрыңғыдан да ыңғайлы және тиімді жұмыс жасау үшін құрылғылардың қуатқа тәуелсіз үздіксіз қосылысына кепілдік беретін жаңа Multi Control функциясын ұсынады. Multi Control функциясы тінтуір мен пернетақта көмегімен одан да бірқалыпты және тиімді жұмыс үрдісін жасау үшін пайдаланушыларға Samsung мониторы мен Samsung компаниясы шығарған басқа да құрылғылар, жеке алғанда Galaxy Book, планшет немесе телефон, арасында кескінді және/немесе мәтінді үздіксіз тасымалдауға мүмкіндік береді.⁴

Сонымен қатар, Odyssey OLED G9 және Odyssey OLED G8 мониторлары Samsung SmartThings Hub хабымен жасақталған. Оның көмегімен пайдаланушылар құрылғыларды басқару үшін Matter және Home Connectivity Alliance (HCA) үйлесе алатын әр түрлі IoT-құрылғыларына қосыла алады.⁵

Кез келген кеңістікті әсемдеуге арналған сәнді дизайн

Samsung компаниясы Odyssey желісінде тегіс OLED-дисплейлерді тұңғыш рет көрсетті, сондай-ақ Odyssey OLED G8 және жақтарының арақатынасы 16:9 болатын Odyssey OLED G6 моделдерін алғаш рет назарға ұсынды. Жаңа модельдер өзінде Odyssey OLED желісінің бірегей жіңішке металл дизайнын және жаңа Core Lighting+ жарықтандыруын үйлестіреді, ол экранның жіңішке жиектемесін үйлесімді толықтырады.

Core Lighting+ технологиясы монитордың артқы панелінен таратылған жарықты шығара отырып, пайдаланушыларға ойын-сауық әлеміне толықтай сіңуге мүмкіндік береді. Жарықтандыру шеңбері алдыңғы модельге (G95SC моделіне),  қарағанда төрт есе жұқа және қалыңдығы 3,9 мм болатын жіңішке металл жиектемеге табиғи түрде оңтайлы енеді. Сондай-ақ дисплей дизайнымен үйлесімді және басқа құрылғыларға орын босататын жаңа жіңішке 3 миллиметрлік метал тұрақтандырғыш пайда болды, оны аспаптарды қолданбай жинауға болады.

Samsung компаниясы осы жаңа модельдерді ұсына отырып, өзінің OLED-мониторлар желісін күшейтті және ойын мониторлары нарығындағы көшбасшылық орнын нығайтты. Odyssey мониторларының OLED-дисплейлерінің инновациялары және Odyssey Neo сериясының, атап айтқанда өткен жылы шығарылған әлемдегі тұңғыш Dual UHD шешімі бар 57 дюймді монитордың, одан әрі дамуы ойын болашағын айқындай алатын озық функцияларды және өнімділікті қамтамасыз етеді.

¹  Сұр түстен сұр түске өту уақыты (GTG) – бұл пиксельдің бір сұр реңктен екінші сұр реңкке өзгеруге жұмсаған уақыты.

² VESA тіреуіші Бейнеэлектроника стандарттары қауымдастығы (VESA) анықтаған дисплейлерді орнату саласындағы ең кең тараған стандартқа жатады.

³ G80SD және G60SD модельдерінде бұрылыс және шарнирлік тіреуіштер қолданылады.

⁴ Multi Control функциясы Tizen ОЖ басқаруымен 2024 жылы немесе одан кейін шығарылған Samsung мониторларында, 2021 жылы немесе одан кейін шығарылған Galaxy Book ноутбуктарында, сондай-ақ 5.1.1 немесе одан кейінгі нұсқадағы One UI интерфейсі бар Galaxy планшеттері мен телефондарында бірлесе жұмыс жасауға қол жетімді.

⁵ Zigbee және Thread құрылғыларына қосылу және оларды басқару үшін бөлек SmartThings адаптері қажет. Z-Wave протоколы бар құрылғыларға қосылу қолданбайды.