Парижде өтетін 2024 жылғы Жазғы Олимпиада ойындарына санаулы уақыт қалғанда, Samsung Electronics, дүниежүзілік Олимпиадалық және Паралимпиадалық серіктес ретінде Open always wins (Ашықтық әрдайым жеңеді) науқанын ресми түрде бастады. Науқан компанияның алдағы Олимпиада және Паралимпиада ойындарымен ашықтыққа байланысты ортақ көзқарасын жеткізеді. Сонымен қатар, компания Olympic rendezvous @ Samsung көрмесінің салтанатты ашылуын жариялады.

Қаңтар айында Samsung компаниясы Open always wins ұранының идеясын ашты. Ол брендтің жаңа нәрселерге ашық болу бұрын-соңды болмаған перспективалар мен шексіз мүмкіндіктерді ашады деген сенімін көрсетеді. Науқан «Париж 2024» бағдарламасының негізі болады. Оның жуырдағы дебюті франциялық Samsung Galaxy командасының скейтбордшысы Орельен Жиро (Aurélien Giraud), германиялық пара-спринтер Йоханнес Флоорс (Johannes Floors) және француздық брейк-бишісі Сара Бидің (Sarah Bee) оқиғалары арқылы Open always wins принципін өмірге әкелді және ашықтық адамды әдеттен тыс нәрселерді жасауға қалай итермелейтінін көрсетті.

«Дүниежүзілік Олимпиадалық және Паралимпиадалық серіктес ретінде Samsung 40 жылға жуық Ойындарда озық технологиялар мен жаңа тәжірибелерді жеткізетін жаңартпалар еңгізіп келеді», – деді Тэ Мун Ро (TM Roh), Samsung Electronics компаниясының Mobile eXperience Business бөлімшесінің президенті және басшысы. – Уақыт өте келе технология олимпиадалық рухты өмірге әкелуде маңызды рөл атқара бастады. Сондықтан біз олимпиада жанкүйерлері мен спортшылар арасында мағыналы байланыс орнатып, Open always wins науқаны арқылы жарқын әсер қалдыруға қуаныштымыз».

Сондай-ақ, Samsung жаңа Olympic rendezvous @ Samsung атты көрмесімен таныстырды, ол Олимпиада және Паралимпиада ойындарының жанкүйерлерін «Париж 2024» эпикалық саяхатқа шығарып, оларға керемет тәжірибе сыйлайды. Олар Galaxy көмегімен өткен Ойындарының маңызды сәттерін қайта өте алады, Samsung компаниясының соңғы жаңартпаларымен танысып, Galaxy AI-мен өмір бойы есте қалатын естеліктер қалдырады.

Бұл көрмені әзірлеу барысында Samsung олимпиадалық және паралимпиада спортшыларының таңғажайып рухын бейнелейтін, Притцкер сыйлығының иегері, сәулетші Жан Нувельмен (Jean Nouvel) бірлесіп жұмыс істеді. Кеңістік Париждік Ағарту салондарынан шабыттанып, және ашықтық, үйлесімділік, байланыс сезімін тудыратын рефлексиялар мен оптикалық иллюзиялар арқылы жаңа перспективалар мен мүмкіндіктерге ашықтықты атап өтеді.

«Кеңістік Samsung компаниясының ашықтыққа деген ұмтылысын көрсетуге арналған», – дейді Жан Нувель. – Абстрактылы графикалық қасбет бір сәтте пайда болып, жоғалып кететін қозғалыс пен жарықтың шағылыстарын береді, ал холлдағы күңгірт, шағылыстыратын ақ айналар сізді соңғы жаңартпаларды ашуға шақырады».

Olympic rendezvous @ Samsung көрмесінің ашылуына арналған лента қию рәсіміне Тэ Мун Ро, Samsung Galaxy командасының елшілері, оның ішінде француз серфері Джоан Дефей (Joanne Defay), британдық брейк-биші Карам Сингх (Karam Singh) және француз парасвингері Уго Дидье (Ugo Didier) қатысты; одан басқа Анн-Софи Воумард (Anne-Sophie Voumard), теледидар және маркетинг қызметтерінің басқарушы директоры, Париж әкімінің спорт, Олимпиада және Паралимпиада ойындары жөніндегі орынбасары Пьер Рабадан және 2024 жылғы Олимпиада және Паралимпиада ойындарының Париж ұйымдастыру комитетінің бас директоры Этьен Тобуа (Étienne Thobois).

«Біз ортақ құндылықтарымызды Olympic rendezvous @ Samsung көрмесінде жүзеге асыруды асыға күтеміз, – деді Анн-Софи Вумар, теледидар және маркетинг қызметтерінің басқарушы директоры. – Samsung өзінің жаңашыл технологиялар арқылы ондаған жылдар бойы Олимпиада ойындарындағы жанкүйерлер тәжірибесін арттыруға елеулі үлес қосып келеді. Біз осы керемет тәжірибенің көрме арқылы келесі деңгейге көтерілгеніне, сондай-ақ Париждегі алдағы Олимпиада және Паралимпиада ойындарына қолдау көрсетудің көптеген жолдарына куә болуымызға қуаныштымыз».

Olympic rendezvous @ Samsung көрмесі, 125 Елисей алаңдары авенюсы мекен-жайында орналасқан, 3 мамырда есігін айқара ашып және 31 қазанға дейін жұмыс істейді. Ол дүйсенбіден сенбіге дейін сағат 10:00-ден кешкі 20:00-ге дейін, және жексенбі күні 11:00-ден кешкі 20:00-ге дейін ашық болады. Көрме жаз бойы бірқатар арнайы іс-шараларды өткізіп, 2024 жылғы Париж Олимпиадасы мен Паралимпиада ойындарының атмосферасына енгісі келетін қонақтарды қарсы алады.

Елисей алаңдарынан басқа, Samsung компаниясы Париждің басқа аудандарында, соның ішінде Олимпиадалық саябақта, Олимпиадалық және Паралимпиадалық ауылдарда және Бас баспасөз орталығын қоса алғанда, қосымша Olympic rendezvous @ Samsung кеңістіктерін ашады. Сонымен қатар Samsung Galaxy қуаттау станциялары негізгі Олимпиада және Паралимпиада нысандарда орнатылады, мұнда қонақтар ең соңғы Galaxy өнімдерін сынай алады.

Samsung компаниясының YouTube арнасынан Samsung Open always wins науқаны туралы көбірек біліңіз:

Осы жылдың басында жарияланғандай, Samsung компаниясының Париждегі 2024 жылғы Олимпиада және Паралимпиада ойындарының ресми ұраны «Ашықтық әрқашан жеңеді». Ол брендтің ашықтық арқылы әрбір жаңа тәжірибе, перспективалар мен шексіз мүмкіндіктерді ашатын мағыналы жетістікке айналатынына сенімін білдіреді. Ортақ құндылықтар мен құрметке негізделген осы үш спорт түрі «Ашықтық әрқашан жеңеді» дүниетанымының рухын қамтиды. Samsung осы спорт бағыттарының шабыттандыратын және бір-бірімен тығыз байланысқан қауымдастықтарына қолдау көрсетуге тырысады.

«Серфинг, скейтбординг және брейк, олардың бірегейлігіне қарамастан, ортақ негізге ие, – деді Стефани Чой (Stephanie Choi), Samsung Electronics компаниясының Mobile eXperience Business бөлімшесінің атқарушы вице-президенті және маркетинг бөлімінің басшысы. – Әр спорттың негізінде жаңа нәрселерді сынауға деген ашық ниет, шекараны ілгерілетуге деген ұмтылыс пен барлығын қамтитын инклюзивтілік мәдениеті жатыр. Samsung компаниясында біз де осы қасиеттерге құмармыз және осы үш ұйым мен олардың спортшыларын қолдау және олардың қауымдастықтарын мойындау біз үшін үлкен мәртебе. Париж 2024-ке кері санау кезінде ғана емес, күн сайын, олар өз спорт түрлерін әлемге таныстыруға тырысып жатқан сәтте».

Samsung WSL, SLS және PBT спортшылары мен жанкүйерлерін алдағы Ойындар кезінде маңызды оқиғаларға тартады. Бұл серіктестік сәуір айында ұсынылатын әр қауымдастықтың ерекше тұлғалары мен субмәдениеттерін және олардың бірегей оқиғаларын көрсетуіне бағытталған жаңа бірлескен бастама арқылы жүзеге асады.

«Біз Samsung компаниясымен ынтымақтастығымызды мақтан тұтамыз – бұл біздің дарынды спортшыларымызды және олардың Париж-2024 және Таитиге баратын жолын көрсету мүмкіндігі, – деді Тим Гринберг (Tim Greenberg), WSL контент стратегиясы және өндірісінің атқарушы директоры. – Біз бірге серфингтің бірегей мәдениетін, қауымдастығын және спортшыларды спорт үшін осы маңызды және қызықты жыл ішінде асқақтаймыз».

«Біздің ұйым көше скейтбордингінің бүкіл әлемде танымал болуына және танылуына ықпал ету мақсатымен құрылған, – деді Мэтт Родригес (Matt Rodriguez), SLS бас директоры. – Біз күн сайын осы құндылықтармен өмір сүреміз және өз негізінде ашықтық пен инклюзивтілікке ұмтылатын Samsung брендімен серіктес болғанымызға қуаныштымыз. Бірге біз платформамызды нығайтып, қауымдастықты қолдаймыз және инклюзивтілікке деген ортақ сенімімізді нығайтамыз».

«Турымыздың негізі қаланған соңғы он жыл ішінде біздің спорт пен мәдениетіміздің керемет эволюциясына куә болдық, – деді Крис Райт (Chris Wright), PBT негізін қалаушы, Cros One ретінде де белгілі. – Шығармашылық пен өзін-өзі көрсетудің шекарасын күн сайын ілгерілететін би-жігіттер мен би-қыздарға үлкен сәлем. Енді біз Олимпиада ойындарында дебют жасап, тарихқа кіруге дайындалып жатырмыз, және Samsung компаниясының біздің спортты дамытуға үлкен өзгерістер енгізу үшін бізбен бірге жұмыс істейтініне қуаныштымыз».