Енді барлығы өзгерді.

Samsung компаниясы Galaxy S24 жаңа сериясында Galaxy пайдаланушыларына қалыпты шектеулерді артта қалдыру үшін камералар саласындағы алдыңғы қатарлы инновацияларды ұсынады. Galaxy смартфондарындағы ProVisual Engine – бұл жасанды интеллект негізінде жұмыс жасайтын аспаптардың жиынтығы, оның көмегімен фотографтар түсіруден реттеулерге және кейінгі өңдеуге дейін әр қадамында өзінің шығармашылық бостандығын барынша кеңейте алады. NPU арттырылған өнімдігінің және 400 миллионнан астам кескін деректерінің жиынтығынан тұратын кең кітапханасының арқасында Galaxy S24 смартфоны пайдаланушының тәжірибесіне тәуелсіз таңқаларлықтай суреттерді түсіруге мүмкіндік береді.

Реттеулерге алаңдамай, бірегей суретті сәтті түсіріңіз

Galaxy S24 сериясында сізге керемет суретті түсіру үшін камераның режімдеріне артық алаңдаудың немесе оңтайлы реттеулерді іздестірудің қажеті жоқ.

• Нысан алыс орналасқан ба? Бұл енді қиындық емес, Quad Tele System жүйесі зумның 2 еселі, 3 еселі, 5 еселі, 10 еселі және одан да үлкен мәндерінде оптикалық сапаны қамтамасыз етеді. Бұл функция сіздің қаншалықты алыс орналасқандығыңызға қарамастан, концерттің, үйлену тойының немесе дипломдарды табыстау салтанатының әрбір бөлшегін еш қиындықсыз түсіруге мүмкіндік береді.

• Түн – бұл достарыңызбен және отбасы мүшелеріңізбен естелікті сәттерді сақтауға мүмкіндік беретін ерекше уақыт, бірақ нашар жарықтану кадрды бұзуы мүмкін. Galaxy S24 Ultra смартфонындағы Nightography атты түнде түсірудің мықты мүмкіндіктері осы мәселені тіпті үлкен қашықтықта түсірілген суреттерде шешуге мүмкіндік береді. Алдыңғы модельге қарағанда сенсордың мөлшері екі еседей – 12,52 квадраттық миллиметрден 24,47 квадраттық миллиметрге дейін ұлғайтылған, бұл Galaxy S24 Ultra смартфонына ұсақ бөлшектерді одан да үлкен дәлдікпен түсіруге мүмкіндік береді. Сонымен қатар, оның пиксельдерінің мөлшері бұрыңғыдан – 60%-ға дерлік үлкенірек және 5 еселі зум кезінде пиксельдің әрбір жағының мөлшері 1,4 мкм болады. ¹ ISP жетілдірілген жасанды интеллектпен бірге үйлесімділікте Galaxy S24 Ultra смартфонының объективі бұрыңғыдан да көп жарықты жинай алады, бұл – ол одан да жарқын және шуы аздау кескіндерді түсіре алады деген сөз. Сонымен қатар, фотокамера қақпағының жылдамдығы 30%-ға артты, ал телевик кескінінің оптикалық тұрақтандыру бұрышы бұрыңғыдан да кеңейді. Бұл – сіздің қолыңыз тіпті шамалы дірілдесе де, одан да нақты суреттерге тезірек қол жеткізе аласыз деген сөз.

• Ал түсірілген суретіңіз сіз ойлағандай тамаша шықпаса, не істей аласыз? Бұл жағдайда, сізге генеративті жасанды интеллекті қолданатын Generative Edit көмекке келеді, ол нысандарды түзетуге және олардың орнында (егер сіз нысанды жойсаңыз немесе оның орнын ауыстырсаңыз) мінсіз үйлесімді фонды жасауға арналған. Сіз оның көмегімен әлдеқашан түсірілген кадрды жетілдіріп, есте қалардай мінсіз сәтке айналдыра аласыз. Генеративті жасанды интеллект түзету және мөлшерді өзгерту сияқты өзгерістерді енгізуге, сондай-ақ кескіндегі барлық бос жерлерді толтыру үшін сурет салу және бояу әдістерін қолдануға мүмкіндік береді. Содан кейін жасанды интеллект нәтижелердің жарамдылығын анықтап, кейінгі өңдеу бойынша барлық қажетті іс-шараларды орындайды.

Контентті PRO деңгейінде түсіріңіз

Expert RAW қосымшасы әуесқойларға да, тәжірибелі фотографтарға да суреттерді кәсіби сапада түсіруге мүмкіндік береді. Жасанды интеллекттің арқасында Galaxy S24 сериясында әр түрлі шешімдерден барынша тиімді әсерді алу үшін кескіндерді біріктіретін 24MP fusion функциясы жүзеге асырылған. 50 Мп жоғары шешімді кескіндер одан да жоғары детализацияны, ал 12 Мп шешімді кескіндер – шуларды төмендететін және динамикалық диапазонды жақсартатын көп кадрдан құралған синтезді қамтамасыз етеді. Олар бірігіп, кез келген жағдайларда тамаша фотосуреттерді жасайды. Осыған HDR қосыңыз, ол жарқындықтың, түстің және контрасттылықтың одан да теңестірілген диапазонына жауап береді. Барлық аталған аспаптар шығысында мінсіз контентке қол жеткізу үшін сізге суреттерді кәсіби деңгейде өңдеуге мүмкіндік береді.

Әуесқойларға және тәжірибелі фотографтарға арналған PRO-өңдеу

Ұялы фото түсірілімде өз қабілеттерін жетілдіруге ниет білдірілген пайдаланушылар одан да көп шығармашылық бақылауға қол жеткізу үшін Enhance-X атты өңдеуге арналған қосымшаны қолдана алады.

Enhance-X қосымшасының соңғы нұсқасында жаңа функция – Camera Shift пайда болды. Мінсіз сәт сізді күтпейді және кейде сізде суретті түсіру үшін бір ғана секунд уақытыңыз болады. Сол себепті көп жағдайда алынған нәтиже сіз күткендей таңқаларлықтай керемет болмайды: жоғарыдан түсірген кезде нысан кішірек болып көрінеді, төменнен түсіргенде қарама-қарсы жағдай – ол үлкенірек, ал тік бұрышта түсіргенде нысан сіз қалағаннан жақынырақ болып көрінуі мүмкін. Camera Shift функциясы сіз суретке түсіргеннен кейін, түсірілімнің көрінісін өзгертуге мүмкіндік береді. Енді сіз мінсіз ракусты немесе камераның күйін таңдауға артық алаңдамай, керемет сәтті түсіре аласыз. Camera Shift функциясы түсірілімнен кейін сізге қажетті әсерге қол жеткізу үшін бұрышты және көріністі реттеу үшін жасанды интеллектті қолдануға мүмкіндік береді.

¹ Galaxy S23 Ultra 10x және Galaxy S24 Ultra 5x сенсорының және пиксельдерінің мөлшерін салыстыру. Мәндер бүтін санға дейінгі дәлдікпен өлшенген.

Сіздің сүйікті тобыңыздың сахнада ән шырқауының немесе үйлену тойында сақиналармен алмасудың сырлас сәті болсын алдыңғы қатарлы аппараттық шешімді және жасанды интеллекттің (ЖИ) жаңа мүмкіндіктерін пайдаланатын Galaxy S24 смартфонындағы ProVisual Engine жаңа қозғалтқышы сізге зумның көмегімен қашықтықтан таң қаларлықтай суреттерді түсіруді қамтамасыз етеді.

ProVisual Engine – Galaxy S24 смартфонында кескіндерді өңдеудің мықты механизмі

Galaxy S24 сериясында ProVisual Engine қозғалтқышы жасанды интеллекттің көмегімен кескіндерді жасау мен өңдеу аспаптарының жиынтығы болып табылады. Бұл шешім кадрды реттеуден бастап түсірілген және өңделген сәтке дейін сіздің шығармашылық жолыңызда фотосуреттеріңізді және бейнебаяндарыңызды жетілдіруге арналған, оның ішіне Nightography, AI Zoom, Instant Slow-mo, Edit Suggestion, Generative Edits және Super High Dynamic Range (HDR) функциялары кіреді.

ЖИ Galaxy S24 сериясында орталық орынды алады, осы ретте, мынаны атап өту керек: ол Galaxy S10 сериясы пайда болған сәттен бастап контентті құруда маңызды рөл атқарды, онда ЖИ модельдері, нейронды өңдеу блоктары (NPU) және ауқымды деректер қолданылды. Сол бастапқы мүмкіндіктермен салыстырып қарағанда Galaxy S24 ішіндегі ProVisual Engine құрамына жасанды интеллекттің 112 моделі кіреді, бұл Galaxy S10 қарағанда 28 есе рет көп және бұрыңғыға қарағанда Galaxy зияткерлік фототүсірілім үшін 13 есе көп NPU өнімділігін ұсынады.

Quad Tele System бірге әрқашан оңтайландырылған зум

Қашықтық суреттің сапасын қаншалықты нашарлата алатындығын көз алдыңызға елестетіңіз. Айтайық, сіз қызыңыздың бітіру кешіндесіз және сахнадағы өз қызыңыздың бет келбетін суретке түсіру үшін фотосуреттің ауқымын үлкейтіңіз келеді дейік, бірақ сіз фотосурет бұлыңғыр шығады деп қорқасыз. Бұл енді проблема емес! Galaxy S24 Ultra ішіндегі Quad Tele System икемді шешімі арқасында сіз қандай объектив немесе режімді таңдау қажеттігіне алаңдамай, кез келген, тіпті 10 есеге дейінгі үлкейтумен зумның оптикалық сапасына қол жеткізе аласыз. Жай ғана кескінді үлкейтіңіз, бұл сәтті – сүйікті бітіруші қызыңыздың дипломын қолында ұстап тұрған бақытты сәтін сақтап қойыңыз.

Осы GIF-анимацияда пайдаланылған кескін тек бейнелеу мақсатында берілген.

Осы GIF-анимацияда пайдаланылған кескін тек бейнелеу мақсатында берілген.

Quad Tele System жұмысының принципі

Зерттеулер пайдаланушылар зумның 3 еселік және 10 еселік ауқымы арасында үлкенірек икемділікті қалайтынын көрсетті. Сол себепті 2х, 3х, 5х, 10х және барлық аралық мәндерде кескіннің оптикалық сапасына қол жеткізуге мүмкіндік беретін Quad Tele System жүйесі әзірленіп шығарылды, оның арқасында пайдаланушылар зумның деңгейіне тәуелсіз ең үздік кескінді түсіруден рақат алатын болады. Бұл мақсатқа жету үшін Samsung компаниясы үлкейтудің әр қадамы үшін әр түрлі технологияларды пайдаланады.

• 2x және 10x. Пиксельдердің биннингі, жеке алғанда тетра-биннинг төрт кішкене пиксельді бір үлкен пиксельге біріктіру арқылы жұмыс жасайды. Осы технологияның арқасында ProVisual Engine 200 Мп шешімі бар ірі кескінді 50 Мп шешімі бар жетілдірілген кескінге аударады. Зияткерлік талдау нәтижесінде 12 Мп мөлшеріндегі телім кесіп алынады және жоғары шешімдегі 1х кескіннен 2 есе үлкейтілген детализацияланған фотосурет жасалады. 10 еселік оптикалық сапаға жету де тап осылай жұмыс жасайды, бұл үшін 5 еселік зуммен 50 мегапиксельдік кескін 12 Мп дейін кішірейтіледі, нәтижесінде жоғары детализациясы бар 10 еселік зумы бар сурет пайда болады. Осылайша, жасанды интеллекттің негізіндегі супер-шешім 10 еселік кескінді жасаған кезде оның нақтылығын арттырады. Кескінді өңдеу барысының әрбір кезеңінде барлық диапазондарда нақты және дәл суреттерді түсіру үшін жасанды интеллекттің негізіндегі көпкадрлық өңдеу (MFP) қолданылады.
• 3x және 5x. Galaxy S24 Ultra ішінде 3x және 5x зумдау кезінде арнайы оптикалық линзалар қолданылады. Мөлшері бойынша алдыңғы модельдерден екі есе асатын жаңа 50 мегапиксельді матрицаның арқасында 5х кезінде суреттің жоғары детализациясын алуға болады. Сонымен қатар, 60% дейін ұлғайтылған пиксельдердің арқасында қараңғыда одан да нақты және шуы аз суреттерді түсіруге болады.
• Жетілдірілген ISP. Керемет зум – бұл тек масштабты үлкейту емес. Оған сондай-ақ нақтылық жатады, осы жағдайда бізге Galaxy S24 ішіндегі кескін сигналын жетілдірілген өңдеу (ISP) көмекке келеді. Galaxy S24 смартфонындағы алдыңғы және негізгі камерада қолданылатын жетілдірілген ISP жүйесі кадрда не болып жатқанын түсіну үшін және өңдеудің күрделі әдістерін пайдалану үшін және нақтылық, терінің реңкі және шуды азайту, сондай-ақ детализацияны жақсарту сияқты кескіннің бөлек аспектілерінің мұқият реттеулерін қолдану үшін кескіннің сегменттерін талдайды. 2х, 3х және 5х зумдау кезінде кескіннің оптикалық сапасын алу үшін аппараттық ISP пайдаланылады. Бұрын AI ISP тек 30 еселік және одан жоғары зум кезінде қолданылатын, бірақ қазір AI ISP сондай-ақ 1x, 2x, 3x, 5x арасындағы деңгейлерде және барлық аралық мәндерде сандық зумның сапасын жақсатады.