Samsung Electronics компаниясы өндіріп шыққан тұрмыстық техниканың он моделі (Digital Appliances Business) үш өнімдік санатта Carbon Trust ұйымынан «Өнімнің көміртек ізі» (Product Carbon Footprint) атты сертификатты иеленді. Ол Carbon Trust  ұйымы PAS 2050:2011 әлемдік стандартының негізінде аталған өнімдерді өндіруге және пайдалануға байланысты шығарылған көміртегі газдарының шамасын өлшеп растағанын дәлелдейді.

«Біздің тұрмыстық құралдарымыздың Product Carbon Footprint сертификатын иеленуі – біз үшін өте маңызды жетістік» – дейді Samsung Electronics компаниясының атқарушы вице-президенті және сандық тұрмыстық техника (Digital Appliances Business) бөлімшесінің ҒЗТКЖ командасының жетекшісі Чжон Сын Мун (Jeong Seung Moon).

Carbon Trust – бұл климаттың өзгеруімен күресу мәселелері жөнінде кеңес беретін халықаралық ұйым. Оның мақсаты көміртегі газы шығарылмайтын болашақты құруды жақындату болып табылады. Оның негізі Ұлыбританияда қаланды және ол халықаралық стандарттарға сәйкес әр түрлі өнімдердің көміртек ізін сертификациялау арқылы бүкіл әлем бойынша жұмыс істейді.

Samsung өнімдері алған сертификат өнімнің қолданыс циклінің барлық кезеңдерінде: шикізат алынған сәттен бастап өндірілген, дистрибуцияланған, пайдаланылған және жойылған сәтке дейін шығарылатын жылыжай газдарының шығыстарын ескереді.

Сертификат он модельге берілді, соның ішіне төменгі мұздатқыш камерасы бар тоңазытқыштардың¹ үш моделі, Еуропада сатылатын тұрмыстық бөлмелерге арналған WindFree желсіз режімі бар кондиционердің²  бір моделі, Оңтүстік Кореяда сатылатын Bespoke Grande  кір жуғыш машинасының³ алты моделі кіреді.

Samsung Electronics компаниясы болашақта алынған деректерді аталған өнімдік санаттардағы кейінгі модельдерді өндіру кезінде шығарылатын шығыстарды бағалау және олардың көлемін реттеу үшін пайдалануды жоспарлап отыр.

¹ RB38A7CGTS9/EF, RB38A7CGTS9/EU, RL38A7CGTS9/EG.

² AR12CXCAAWKNEU.

³ WF25CB8895BV, WF25CB8895BG, WF25CB8895BF, WF25CB8895BB, WF25CB8895BE, WF25CB8895BW.