Samsung Electronics компаниясы Integrated Systems Europe (ISE) 2025 көрмесінде зерделі функциялармен бірге коммерциялық дисплейлердің жаңа буынын ұсынды.

Samsung-тың  Color E-Paper шешімі рекордты энергия тиімділігін қамтамасыз етеді, ал в SmartThings Pro және интерактивтік дисплейлердегі ЖИ-мүмкіндіктері басқару мүмкіндігін кеңейтеді, осының арқасында бизнеске арналған экрандар зерделі және ыңғайлы бола түседі. Визуалды әсерлерді жаңа деңгейге шығаратын, алып 115-дюймдік Smart Signage экраны инновациялық топтаманы толықтырады. Осы шешімдердің барлығы 3F500 стендінде көрсетілетін болады.

«Коммерциялық дисплейлер үшін энергия тиімділігі мен басқарудың қарапайымдылығына, сондай-ақ аудиторияның ойын-сауыққа деген үмітіне сай нарық талаптарын қанағаттандыру өте маңызды», – деді Samsung Electronics компаниясының Visual Display Business бөлімшесінің атқарушы вице-президенті Хун Джонг (Hoon Chung). – «Біздің соңғы әзірлемелер, соның ішінде нөлге жуық энергия тұтынатын  Color E-Paper және барлық үлгілердегі жетілдірілген ЖИ-мүмкіндіктері, біздің нарықтарды өзгертуге және бүкіл әлем бойынша серпінді бизнес шешімдерін жеткізуге деген ұстанымызды көрсетеді».

Samsung Color E-Paper: көбірек икемділік және энергия тиімділігі

Samsung-тың  Color E-Paper (EMDX) электронды сияны толық түсті e-paper жетілдірілген технологиясымен біріктіру арқылы төмен қуатты цифрлық белгі тұжырымдамасын қайта анықтайды. Бұл өте жұқа және жеңіл дисплей тамаша көріну мен кең бизнес функционалдығын қамтамасыз ете отырып, дәстүрлі ұқсас және қағаз тақтайшаларына экологиялық таза балама ұсынады.

Инновациялық сандық сия технологиясының арқасында EMDX статикалық кескіндерді көрсету кезінде 0,00 ватт қуат тұтынады және дәстүрлі сандық белгілермен салыстырғанда контентті өзгерткен кезде қуат тұтынуды айтарлықтай азайтады, нәтижесінде айтарлықтай қаржы шығынын үнемдейді.¹

Ықшам дизайн орнатуды жеңілдетеді және әртүрлі өлшемдер – 13 дюйм (1600×1200), 25 дюйм (3200×1800), 32 дюймдік QHD (2560×1440) және 75 дюймдік 5K (5120×2880) сыртқы нұсқасы – дисплейлерді әртүрлі бизнес-тапсырмаларға бейімдеуге мүмкіндік береді.

Samsung Color E-Paper сонымен қатар 5000 мАcғ қайта зарядталатын батареямен, зарядтау және деректерді тасымалдауға арналған екі USB-C порты, 8 ГБ жады және оңай қосылу үшін Wi-Fi және Bluetooth қолдауымен жабдықталған.

Құрылғыны оңай басқару үшін дисплейді қашықтан конфигурациялауға, қосу және өшіру кестесін орнатуға және алдын ала орнатылған аралықтарда ойнату тізімдерін жасауға мүмкіндік беретін мобильді қосымша² алдын ала қарастырылған. Samsung-тың кірістірілген VXT (Visual eXperience Transformation) жүйесі контент басқаруды жеңілдетеді және жариялау алдында түстердің көрсетілуін және дисплейін тексеру үшін эксклюзивті алдын ала қарау функциясын ұсынады.

Контентті басқару мобильді қолданба және Samsung VXT арқылы жеңілдетілген және бизнес сонымен қатар қолданыстағы басқару жүйелерімен оңай интеграциялануға мүмкіндік беретін Tizen Enterprise API арқылы өз шешімдерін пайдалана алады.

Сонымен қатар, Samsung-тың баянды болашаққа үнемі ұмтылуының аясында, Color E-Paper корпусы 50%-дан астам қайта өңделген пластиктен жасалған және қаптама толығымен қағаздан жасалған.

AI-мүмкіндіктері SmartThings Pro және интерактивті дисплейге жаңа зерделі мүмкіндіктер және бақылауды қосады

2025 жылы B2B-сегментке арнап Samsung әзірлеген SmartThings Pro платформасы, бизнес жұмысының³  тиімділігін айтарлықтай арттыру үшін жаңа AI-мүмкіндіктері мен автоматтандырылған басқаруға ие болады.

Бизнес кеңістіктерінің интуитивті және көрнекі көрінісін қамтамасыз ете отыра, ол жасанды интеллект арқылы 2D үй-жай жоспарларын 3D модельдеріне түрлендіретін Interactive View, негізгі мүмкіндіктердің бірі болады. Бұл қосылған құрылғыларды шарлауды және басқаруды айтарлықтай жеңілдетеді

Сонымен қатар, SmartThings Pro жетілдірілген автоматтандыру құралдарын ұсынады: жүйе дисплей параметрлерін (жарықтық, дыбыс деңгейі, қуат тұтыну) жарық деңгейі, үй ішіндегі адамдардың болуы немесе мекеменің жұмыс уақыты сияқты сыртқы факторларға байланысты автоматты түрде реттей алады. SmartThings Pro пайдаланатын Samsung дисплейлерінде оңай өзара әрекеттесу үшін⁴ арналарды немесе сигнал көздерін жылдам өзгерту арқылы контент ағындары арасында лезде ауысуға болады.

Қауіпсіздікті қамтамасыз ету  үшін барлық Samsung Smart Signage цифрлық маңдайша белгілері FIPS 140-3 стандарты бойынша сертификатталған CryptoCore модулімен жабдықталған. Ол аутентификация деректерін қорғайды және құрылғылар арасындағы IoT қосылымдарының қауіпсіздігіне кепілдік береді.⁵

ISE көрмесінде Samsung сонымен қатар Android OS 15 жүйесінде жұмыс істейтін және оқу және бірлесіп жұмыс істеу мүмкіндіктерін кеңейтетін жаңа AI-мүмкіндіктерімен жабдықталған 2025 жылғы интерактивті дисплейді (WAFX-P моделі) ұсынады

WAFX-P моделі, соның ішінде пайдаланушыларға суреттерді оңай табуға немесе мәтінді тікелей экранда аударуға мүмкіндік беретін «Белгілеу арқылы табу» (Circle to Search), сонымен қатар дәрістер мен кездесулердің қысқаша мазмұнын автоматты түрде жасайтын AI Summary қоса алғанда, жасанды интеллект мүмкіндіктерін ұсынады.

Аса үлкен  4K Smart Signage: контентке енудің жаңа деңгейі

Samsung -тан  115 дюймдік 4K Smart Signage (QHFX моделі) бизнеске аудиторияны тартудың және қызықты визуализация арқылы кеңістікті өзгертудің инновациялық жолдарын ұсына отыра, аса үлкен дисплейлер арасында жаңа стандартты орнатады.

Өткен жылғы  105 дюймдік QPDX-5K моделінің сәттілігіне сүйене отырып, 21:9 арақатынасы бейнеконференциялар үшін оңтайландырылған, 115 дюймдік QHFX 16:9 әмбебап форматты ұсынады. Төрт бөлінген терезеге дейін қолдайтын көп тапсырма (Multi-View) мүмкіндігімен дисплей бір уақытта бірнеше контент ағындарын көрсетуге өте ыңғайлы. Бұл бейімделу аталғани модельді конференц – залдардан бастап жоғары деңгейлі дисплейлерді қажет ететін премиум бөлшек сауда орындарына дейін әртүрлі салалар үшін әмбебап шешімге айналдырады.

QHFX моделі сонымен қатар дәстүрлі бейне қабырғаларға тән көрінетін шекараларды жояды, көрермендердің жақсы қатысуын қамтамасыз ететін үздіксіз кескін жасайды. 4K QLED-ажыратымдылығымен, жарықтығы 700 нитке дейін және Tizen OS 8.0 операциялық жүйесімен жабдықталған дисплей қанық түстер мен жатық жұмысқа кепілдік береді. QHFX SmartThings Pro және Samsung VXT-пен оңай біріктіріледі, сонымен қатар бизнеске максималды икемділік пен ыңғайлылықты қамтамасыз ете отыра, қарапайым орнатуға арналған кіріктірілген тұтқа және VESA үйлесімділігі⁶ сияқты ыңғайлы мүмкіндіктерді ұсынады.

¹ Қуатты өлшеу Халықаралық электр комиссиясының IEC 62301 стандарттарына негізделген. Осы стандарттарға сәйкес орташа қуаты 0,005 Вт-тан аз 0,00 Вт ретінде анықталады.

² Samsung Color E-Paper мобильді қосымшасы Android 10 және одан жоғары ОЖ-ны, сондай-ақ iOS 15 және одан жоғары нұсқаларында ұстайды. Қолжетімділік құрылғыға, бағдарламалық жасақтама нұсқасына және аймаққа байланысты болуы мүмкін.

³ Smart Signage және қонақүй теледидарлары үшін SmartThings Pro Tizen 7.0 немесе одан жоғары модельдерде қол жетімді.

⁴ Кезеңді жаңарту 2025 жылдың наурыз айында басталады деп жоспарлануда.

⁵ Smart Signage үшін CryptoCore Tizen 8.0 немесе одан жоғары модельдерде қол жетімді.

⁶ Video Electronics Standards Association (бейне электроника стандарттары қауымдастығы).

Samsung Electronics бүгін өзінің меншікті Samsung CryptoCore¹ криптографиялық модулі Ұлттық стандарттар және технологиялар институтынан (NIST) беделді FIPS 140-3 сертификатын² алғанын жариялады. Бұл сертификат Samsung компаниясының Smart TV пайдаланушыларына саладағы жетекші қауіпсіздік пен деректерді қорғауды қамтамасыз ету міндеттемесін көрсетеді.

«Үйдегі ойын-сауық жүйелері барған сайын өзара байланысты болғандықтан, қазір технологиялық компаниялар үшін жеке деректерді қорғау өте маңызды. Өйткені, олар көптеген адамдарға ұнайтын үздіксіз байланысты қамтамасыз етеді», — деді Samsung Electronics визуалды дисплей бөлімінің ғылыми-зерттеу және тәжірибелік-конструкторлық жұмыс тобының жетекшісі мен атқарушы вице-президенті Йонгджэ Ким (Yongjae Kim). «FIPS 140-3 сертификаты бар CryptoCore жүйесін Smart теледидарларымызға біріктіре отырып, Samsung үйдегі ойын-сауық қауіпсіздігіне деген міндеттемесін алға жылжытады және біздің пайдаланушылар өнімдеріміздің құндылығын еркін сезінуіне кепілдік береді».

2025 жылдан бастап Samsung CryptoCore толықтай Tizen OЖ, Samsung Smart TV операциялық жүйесімен біріктіріледі, бұл теледидарлар, мониторлар және цифрлық белгілер сияқты негізгі өнімдердің қауіпсіздігін жақсартады. Samsung CryptoCore жүйесін Tizen OS жүйесіне біріктіру арқылы Samsung есептік жазбалармен байланысты жеке деректер қауіпсіз шифрланады, SmartThings аутентификация деректері бұзудан қорғалады және теледидарларда қаралатын мазмұн жақсартылған авторлық құқық қорғауына ие болады.

2015 жылдан бастап Samsung өзінің Smart теледидарларын 10 жыл қатарынан Common Criteria (CC)⁴ сертификатын алып келе жаткан Samsung Knox⁵ қауіпсіздік платформасымен жабдықтайды. Бірақ жаңадан алған FIPS 140-3 сертификатымен Samsung озық шифрлау технологиясын қолдана отырып, жеке ақпаратты белсенді түрде қорғау арқылы бұзудан және деректердің ағып кетуінен қорғауды одан әрі күшейтті.

10 ұлттық үкімет мойындаған⁶, FIPS 140-3 сертификаты олардың қауіпсіздігін, тұтастығын және сенімділігін қамтамасыз ету үшін криптографиялық модульдерді ауқымды сынақтан өткізуді талап етеді. Пайдаланушылар үшін бұл Samsung Smart теледидарлары контенттен ләззат алуға, смарт құрылғыларды қосуға және IoT қызметтерімен қауіпсіз және кедергісіз өзара әрекеттесуге мүмкіндік беретін құпиялылықты бұзудан кеңейтілген қорғаныс ұсынатынын білдіреді.

¹Samsung CryptoCore – жіберу кезінде де, сақтау кезінде де деректерді шифрлайтын және шифрын ашатын бағдарламалық жасақтама кітапханасы.
²Ақпаратты өңдеудің федералдық стандарты (FIPS) 140-3 криптографиялық модульдерге арналған қауіпсіздік талаптарын қамтиды.
³Tizen OS 9.0.
⁴Common Criteria (CC) сертификаты IT өнімдерінің тұтастығы үшін 31 ел мойындаған жаһандық қауіпсіздік стандарты болып табылады.
⁵Samsung Knox өзінің Smart теледидарларында Tizen OЖ мониторингі, фишингтік сайтты блоктау және Knox Vault сияқты мүмкіндіктері бар құпиялылық қорғауды қамтамасыз етеді. Knox Vault тек QN900D және QN800D құрылғыларында қол жетімді.
⁶АҚШ, Канада, Ұлыбритания, Германия, Франция, Оңтүстік Корея, Жапония, Сингапур, Австралия және Жаңа Зеландияда танылған.