Жадтың алдыңғы қатарлы  технологияларының әлемдік көшбасшысы Samsung Electronics, ең жоғары өнімділігі және саладағы ең үлкен сыйымдылығы бар PM9E1, PCle 5.0 қатты денелі жинауышының сериялық өндірісінің басталғанын жариялады. 5-нанометрлік процесс (нм) және сегізінші буын (V8) V-NAND технологиясы негізінде әзірленген, жеке конторллері базасында жасалған PM9E1, бұл оны кіріктірілген жасанды интеллектпен ДК үшін оңтайлы шешім ететін, қуатты өнімділік пен жоғары энергия тиімділігін қамтамасыз етеді. Алдыңғысымен (PM9A1a) салыстырғанда, өнімділік, сыйымдылық, энергия тиімділік және қауіпсіздікті қоса алғанда, қатты денелі жинаушының басты сипаттамалары жақсартылды.

«5- нм контроллермен біріктірілген біздің PM9E1 саладағы ең үздік энергия тиімділігін және негізгі серіктестеріміз растаған ең жоғары өнімділікті қамтамасыз етеді, дейді Samsung Electronics жад өнімдерін жоспарлау жөніндегі атқарушы вице-президенті Йонг-Чеол Бэ (YongCheol Bae). – Қарқынды дамып келе жатқан дәуірде Samsung компаниясының PM9E1 жасанды интеллект құрылғысы бүкіл әлем бойынша тұтынушылар үшін жасанды интеллект портфолиосын тиімді жоспарлау үшін сенімді негіз болады».

Сегіз арналы PCIe 5.0 интерфейсімен жаңа SSD-ді дәйекті оқу және жазу жылдамдығы алдыңғы буынмен салыстырғанда екі еседен астам өсті және сәйкесінше 14,5 гигабайт/с және 13 ГБ/с -қа жетті. Бұндай жоғары өнімділік деректерді қарқынды пайдаланатын ЖИ- қосымшаларында да деректерді жылдам тасымалдауды қамтамасыз етеді, бұл 14 гигабайттық үлкен тіл моделін (LLM) SSD-ден DRAM-ға бір секундтан аз уақыт ішінде жіберуге мүмкіндік береді.

PM9E1 деректерді сақтаудың бірқатар нұсқаларын ұсынады, соның ішінде 512 ГБ, 1 терабайт (ТБ), 2 ТБ және саладағы ең үлкен көлем – 4 ТБ. 4 ТБ сыйымдылығымен нұсқа  –  бұл жасанды интеллект жасаған контент, көп  дерек пен жоғары ажыратымдылықтағы видеолар сияқты үлкен көлемдегі файлдар үшін сыйымдылықты сақтауды қажет ететін ДК пайдаланушылары үшін, сондай-ақ ойындар секілді ауыр жүктеме тапсырмалары үшін оңтайлы шешім.

Сонымен қатар, бұл құрылғыларда ЖИ-қосымшаларын пайдалану үшін мінсіз жағдай жасайтын,  50% – дан астам жақсартылған энергия тиімділігі автономдық жұмыс мерзімін ұзартуға мүмкіндік береді.

Қауіпсіздік шараларын арттыру үшін Samsung PM9E1-ге 1.2 нұсқасының қауіпсіздік протоколы мен деректер үлгісін (SPDM) енгізді. Бұл SPDM стандарты «Қорғалған арна», «Құрылғы аутентификациясы» және «Микробағдарламаның түпнұсқалығын растау» технологияларын қамтиды. Өнімде сақталған деректерді, оны өндіру немесе тарату кезеңінде, қаскүнемдер қолдан жасай немесе өзгерте алатын кезде, бұл технологиялар жеткізілім тізбегіне шабуылдардың алдын алуға көмектеседі.

PM9E1 – ден бастап Samsung бүкіл әлем бойынша ДК өндірушілері үшін өзінің озық SSD дискілерінің топтамаларын кеңейтуді жоспарлап отыр. Болашақта компания жасанды интеллект құрылғылары нарығында көшбасшылық позициясын нығайту үшін PCIe 5.0 технологиясына негізделген тұтынушылық өнімдерді шығарады.

Жадыны сақтаудың алдыңғы қатарлы технологиялары саласындағы әлемдік көшбасшы Samsung Electronics компаниясы мықты өнімділік пен арттырылған қуат тиімдігін қамтамасыз ететін компанияның тұтынушылық SSD-жинақтауыштарының желісіне жаңадан қосылған SSD 990 EVO жинақтауышының шығарылымы туралы жариялады. Видео ойындарды ойнау, жұмыс жасау және бейне/фотосуреттерді өңдеу сияқты күнделікті есептеулерді жақсарту үшін әзірленген NVMe SSD пайдаланушылардың кең ауқымы үшін мінсіз шешімге айналады деп күтілеуде.

«Samsung компаниясы өзінің алдыңғы қатарлы жадыны жасау технологияларын SSD-шешімдерін оңтайландыру үшін пайдаланып жатыр, ал біз соңғы тұтынушылық өнімімізде пайдаланушылардың есептеуіш мүмкіндіктерін жақсарту үшін инновациялар мен тиімділікті біріктірдік» – дейді Samsung Electronics компаниясының Memory Brand Product Biz Team бөлімшесінің вице-президенті Хангу Сон (Hangu Sohn). Оның сөзіне сәйкес, 990 EVO жинақтауышында өнімділік, қуат тұтыну тиімділігі және сенімділік үйлесімін тапты, бұл оны ойындарды, бизнес-үрдістерді және шығармашылықты қосқанда, әр түрлі күнделікті міндеттерді шеше алатын ең жаңа интерфейс үшін әмбебап таңдауға айналдырады.

Арттырылған өнімділік

990 EVO жинақтауышы алдыңғы 970 EVO Plus моделіне қарағанда 43%-ға арттырылған өнімділікті қамтамасыз етеді. Ілеспе оқудың жылдамдығы секундына 5 000 мегабайтқа (МБ/с), ал жазу жылдамдығы – 4 200 МБ/с жетеді. Кездейсоқ оқу және жазу жылдамдығы да сондай-ақ өсті: секундына 700 мыңға дейін кіріс-шығыс операциялары (IOPS) және тиісті 800 мыңға дейін IOPS артты.

Хост-процессордың DRAM-на тікелей қосылу үшін Host Memory Buffer (HMB) технологиясын пайдаланудың арқасында SSD жинақтауышы тіпті DRAM болмаған жағдайда оңтайлы өнімділікке жете алады. Мейнстримнің алдыңғы қатқыл жинақтауыштарынан көшкен пайдаланушылар ойындарды жүктеудің жылдамдығын едәуір арттыру және үлкен файлдарға жылдам қол жеткізу мүмкіндігіне ие болды.

Арттырылған қуат тиімділігі және зияткерлік жылу шешімі

Samsung 990 EVO жинақтауышының қуат тұтыну тиімділігі алдыңғы 970 EVO Plus моделіне қарағанда 70%-ға өсті, бұл пайдаланушыларға автономды жұмыс уақытына үнемі алаңдамай, ЖК-де ұзақ уақыт бойы жұмыс жасауға мүмкіндік береді. Ол сондай-ақ Modern Standby¹ функциясын қолдайды, бұл функция тіпті қуатты тұтынудың деңгейі төмен болғанда ғаламторға үздіксіз қосылумен және хабарламаларды үздіксіз алумен лезде қосу/өшіру қызметтерін қамтамасыз етеді.

990 EVO жинақтауышының жылуды тарататын жапсырмасы дисктің тұтастығына зиян келтірмей, ең жоғары деңгейде операцияларды орындауға мүмкіндік беріп, NAND чипінің жылу режимін тиімді реттейді.

Заманауи және болашақ есептеулерге арналған әмбебап қатқыл жинақтауыш

990 EVO – бұл ағымдағы және болашақтағы есептеу қажеттіліктерін қанағаттандыруға арналған әмбебап қатқыл жинақтауыш. Пайдаланушылар ойындар, бизнес және шығармашылық үрдіс сияқты күнделікті өмірдің талаптарына жауап беретін бір ғана SSD-жинақтауышпен көп міндеттілік режимінде жұмыс жасай алады.

990 EVO жинақтауышы PCIe 4.0 x4 және PCIe 5.0 x2 интерфейстерін қолдай отырып, PCIe 4.0 M.2. слоттарын қолдайтын заманауи ЖК қажеттіліктеріне жауап береді. Сонымен қатар, жаңа шешім болашақ қосымшалардағы PCIe 5.0 интерфейстерімен, сондай-ақ термореттеумен және қуат тұтыну тиімділігімен үйлесімділікті қамтамасыз етеді.

990 EVO моделі сыйымдылығы 1 ТБ және 2 ТБ болатын нұсқаларда ұсынылған.

Samsung Magician бағдарламалық жасақтамасын қолдау

Samsung Magician бағдарламалық жасақатамасы – бұл Samsung компаниясының барлық қатқыл жинақтауыштарының, соның ішінде 990 EVO жинақтауышының да функционалдығын арттыруға арналған оңтайландыру аспаптарының жиынтығы болып табылады. Пайдаланушылар SSD-ді жаңартқан кезде деректерді тасымалдау үрдісін оңай және қауіпсіз жеңілдете алады. Сонымен қатар, Samsung Magician құнды деректерді қорғайды, дисктің күйін қадағалайды және бағдарламалық жасақтаманы жаңарту қажеттілігі туралы уақытында хабардар етеді.

¹Modern Standby туралы толығырақ ақпаратты келесі сілтеме бойынша Microsoft сайтынан таба аласыз (https://learn.microsoft.com/en-us/windows-hardware/design/device-experiences/part-selection#ssd-storage).