1Samsung Electronics дисплей технологиялары саласындағы әлемдік көшбасшы ретінде Барселонадағы Integrated Systems Europe (ISE) 2025 көрмесінде қонақ үй теледиларларының жаңа топтамасын ұсынады. Жаңа өнімдер талғампаз дизайн, ойын-сауықтың алдыңғы қатарлы қызметтерін және Samsung-тың премиум-санатындағы қонақ үйлердегі демалысты қайта қарастырудағы талпынысын ашып көрсететін бірыңғай платформаны ұсынады.

«2025 қонақ үй теледидарының топтамасы қонақтарға қызмет көрсету деңгейін көтеру және оны жекелендірілген ету үшін жасалған», – деп атап өтті Samsung Electronics-тың визуалдық дисплейлер бөлімшесінің атқарушы вице-президенті Хун Джонг (Hoon Chung). –  Қонақ үйлер The Frame-дағы Art Mode арқылы бөлмелерінің атмосферасын өзгерте алады, Apple AirPlay және жаңа Google Cast арқылы ыңғайлы ағынды қамтамасыз ете алады және SmartThings Pro арқылы бөлме параметрлерін басқара алады – барлығы қонақтардың жеке қалауына бейімделген».

The Frame көмегімен қонақ үй эстетикасын қайта қарастыру

2025 жылы Samsung топтамасына қонақүйлерге арналған марапатқа ие болған The Frame (HL03F моделі)¹ теледидарын қосады. 4K QLED ажыратымдылығымен жаңа өнім экраны жанды түстерді, терең контрасттарды және шынайы кескіндерді қамтамасыз етіп, әрбір бөлмеге талғампаздық қосады. Инновациялық  Art Mode режимінің арқасында, The Frame қонақ үйлерге теледидар пайдаланылмаған кезде классикалық және заманауи өнер немесе брендтік кескіндерді таңдау арқылы қонақ бөлмелерін реттеуге мүмкіндік береді.

Бөлме интерьерінің эстетикасын толықтыра отырып, экранда шағылыстырмайтын жылтырға қарсы күңгірт жабын бар, ал Slim-Fit Wall Mount  теледидарға шынайы өнер туындысының әсерін жасай отырып, қабырғаға тығыз орнатуға мүмкіндік береді.

The Frame брендімен бірлесіп, Art Basel-тің ресми демеушісі ретінде Samsung озық технологияны ескірмейтін дизайнмен үйлестіруге деген ұмтылысын тағы бір рет көрсетеді. The Frame-нің қонақ үй топтамасына қосылуы өз қонақтарына күрделі, жекелендірілген және көрнекі түрде керемет тәжірибе ұсынғысы келетін қонақүйлер үшін жаңа стандартты белгілейді.

Google Cast көмегімен қонақтардың алатын әсерін арттыру

▲ Google Cast Google LLC тауарлық белгісі болып табылады

Samsung теледидарларының жаңа топтамасы, сондай-ақ 2024 HBU8000  үлгісі, бөлме ішінде қауіпсіз және үздіксіз стримингін  ұсына отыра, Google Cast² қолдайды . Қонақтар өздерінің сүйікті фильмдерін, телешоуларын және музыкасын Android және iOS- құрылғыларынан қосымша құрылғыларды немесе кіру мәліметтерін қажет етпестен тікелей теледидарға оңай ағынмен жібере алады. Қосылу үшін QR- кодын сканерлеңіз, бұл процесті мүмкіндігінше қарапайым және ыңғайлы етеді.

«Біз Google Cast-тың Samsung теледидарларында көріне бастағанына қуаныштымыз, бұл қонақүйде де, тұтынушы теледидарларында да контентті  үздіксіз бөлісу ыңғайлылығын кеңейтеді», – деді Google мультидевайстарын жасау жөніндегі аға директоры Тайгер Лан (Tiger Lan). «Қонақтар қай жерде – үйде немесе қонақүйде болса да сүйікті контентін рахаттана тамашалайды».

Сонымен қатар, теледидарлар Apple AirPlay³ жүйесін қолдайды, бұл iOS және iPadOS пайдаланушыларына құрылғыларын қауіпсіз қосуға және еш қиындықсыз стримингтан рахаттануға мүмкіндік береді.

Дәстүрлі жүйелерден айырмашылығы, Google Cast және Apple AirPlay үшінші тарап интеграторларымен (SI) интеграцияны қажет етпейді, қонақүйлер үшін орнатуды жеңілдетеді және инфрақұрылымдық шығындарды азайтады. Сондай-ақ, Samsung жеке деректерді немесе қосылым ақпаратын сақтамай, қонақтар тоқтаған кезде тыныштықты орната отыра, жоғары деңгейдегі құпиялылықты қамтамасыз етеді.

Қонақ үйлердің жұмысын қосылған экожүйе арқылы оңтайландыру

Samsung-тың  2025 жылғы қонақ үй теледидарының топтамасы бақылауды жеңілдететін және қонақтармен өзара әрекеттесуді жақсартатын толық қосылған экожүйені ұсынады. Tizen 9.0 операциялық жүйесімен қонақтар ағынды қолданбаларға, смарт бөлмені басқаруға және жеке қызметтерге қол жеткізу үшін интуитивті түсінікті интерфейске ие болады.

Қонақ үй иелері үшін LYNK Cloud платформасы контентті теңшеуге, құрылғыны қашықтан басқаруға және OTT-ойын-сауықты жеткізуге мүмкіндік беретін қуатты бұлттық шешім ұсынады. Жүйе сонымен қатар қонақтарға тағамға тапсырыс беруге, қонақүй қызметтеріне брондап қоятын және сандық консьержмен өзара әрекеттесуге мүмкіндік беретін электрондық коммерция платформасын қамтиды. Менеджерлер, өз кезегінде, қонақтарға арналған контентті жекелендіру және жаһандық деңгейде мақсатты жарнамалар жүргізу, операциялық тиімділік пен тұтынушылардың қанағаттануын арттыру үшін сараптауға қол жеткізе алады.

SmartThings Pro Samsung теледидарларды, сандық белгілерді, ауаны баптау жүйелерін және басқа құрылғыларды орталықтандырылған басқаруды қамтамасыз ету арқылы заттар интернетінің мүмкіндігін арттырады. Кеңейтілетін бақылау тақтасы және теңшелетін қолданбалы бағдарламалау интерфейстері (API) арқылы SmartThings Pro платформасы қонақүйдің АТ-бөлімдеріне өнімділікті бақылауға, бірнеше бөлмелердегі құрылғыларды басқаруға және шешімдерді қолда бар жүйелерге біріктіруге мүмкіндік береді.

¹ Hotel TV топтамасында The Frame функцияналдылығы тұтынушы нұсқасынан өзгеше болуы мүмкін. 

² Google Cast Google LLC компаниясының сауда белгісі болып табылады. Google Cast Android 6 және одан жоғары және iOS 14 және одан жоғары нұсқаларды қолдайды. Қолжетімділік құрылғыға, бағдарламалық құрал нұсқасына және аймаққа байланысты өзгеруі мүмкін.

³ AirPlay iOS 11, iPadOS 13, macOS Mojave 10.14 және одан кейінгі нұсқаларымен үйлесімді. Қолжетімділік құрылғыға, бағдарламалық құрал нұсқасына және аймаққа байланысты өзгеруі мүмкін. 

Samsung Electronics компаниясы 2024 жылдың The Frame теледидарының моделі әлемдік аты бар түстерді стандарттау облысының көшбасшысы Pantone компаниясынан Validated ArtfulColor сертификатын алғандығы туралы жариялады.¹

Аталған сертификация The Frame алдыңғы қатарлы бейімді технологиясы табиғи жарық кезінде адамның көзі көре алмайтындай түстер мен реңктерді шынайы қалпында бейнелеуде Pantone жоғары стандарттарына сәйкес келетін айрықша түстерді беруді қамтамасыз ететіндігін растайды.

«Пайдаланушыларда The Frame теледидарынан үлкен үміттері бар» – дейді Дисплей шешімдері бөлімшесінің (Visual Display Business) атқарушы вице-президенті Ёнчжэ Ким (Yongjae Kim). Ол сондай-ақ: «Біздің мақсатымыз – пайдаланушылық тәжірибені тұрақты түрде жетілдіру, ал The Frame теледидарына келсек, біз бұл мақсатқа өнер туындыларын барынша шынайы көрсететін экранның есебінен қол жеткіздік. Pantone берген Validated ArtfulColor сертификаты осыны растайды, біз кескін сапасын жақсарту жұмыстарын одан әрі жалғастырамыз» – деді.

Pantone компаниясының Validated ArtfulColor сертификациясы Батыс және Солтүстік Еуропада түскі күн шуағының орташа статистикалық деңгейіне, Халықаралық жарықтандыру бойынша комиссияға (CIE)² сәйкес, жақындастырылған жарық беретін D65 жарық құралын пайдаланған кезде Pantone Color және Pantone SkinTone түс реңктерінің қатарын экранның сенімді беретіндігін бағалайды. The Frame теледидары осы қатаң стандартқа сәйкес келетін әлемдік саладағы тұңғыш теледидар. Бұл Samsung компаниясының дәл түс беру саласындағы көшбасшылығын нығайтады, осыны бұрын 2022 жылы QLED теледидарлары алған Pantone Validated сертификаттары да куәландырады.³

«Стандартты сыртқы жарық кезінде The Frame теледидарларының жұмысын бағалап, біз экранда Pantone түстерді берудің жоғары сапасына риза болып қалдық» – деп атап кетті Pantone компаниясының өнім мен лицензиялау жөніндегі аға директор Иэн Пайк (Iain Pike). Ол сондай-ақ: «Бұл бізге оған Pantone Validated ArtfulColor сертификатын беруге мүмкіндік берді және ол – осындай куәландыруға қол жеткізген әлемдегі тұңғыш теледидар. Біздің техникалық команда сарапшылық бағалау барысында терінің көрсетілген түстері мен реңктерін физикалық үлгілермен салыстырғанда олардың шынайы сапаны көрсеткеніне көз жеткізді. Біз өзіміз аталған The Frame теледидарларының бірегей ерекшелігін сынап көрдік» – деді.

«Сурет» режімі өнер туындыларын және фотосуреттерді барынша шынайы түстерде үйлерде және галереяларда көпшіліктің назарына ұсыну үшін арнайы әзірленген. Ол көрермендерге «Өнер туындылары дүкені» топтамасын тамашалаудан жан еліктірерлік эмоцияларды және ұмытылмас әсерлерді сыйлайды, себебі оның жарық жағдайларына байланысты кескінді оңтайландыруға арналған жарық пен реңкті зияткерлік реттеу функциясы бар.

Samsung компаниясының алдыңғы қатарлы QLED-дисплейлерінің арқасында The Frame теледидары Pantone SkinTone түстерін және барлық 2 390 түсті беру дәлдігінің стандарттарына сәйкес Pantone компаниясынан Validated және SkinTone Validated сертификаттарын бұрын алған, бұл түстер Pantone Matching System (PMS) түстерді сәйкестендірудің және таңдаудың сандық кітапханасына енген түстердің кең палитрасын құрайды. The Frame теледидары сондай-ақ шағылыс пен жарықтың кері әсерін едәуір төмендететін күңгірт дисплеймен жасақталған, ол әр түрлі топтамаларға жататын өнер туындыларын көрсетуге мүмкіндік береді.

¹ Pantone компаниясы Pantone Matching System (PMS) түстерді сәйкестендірудің және таңдаудың сандық кітапханасын ұсынады, ол брендтерге және өндірушілерге жұмыс барысының барлық кезеңдерінде түстерді беру үшін маңызды шешімдерді қабылдауға мүмкіндік береді.

² Сommission Internationale de l’Éclairage.

³ https://news.samsung.com/kz_ru/2022-samsung-qled-and-lifestyle-tvs-recognized-by-top-global-certification-institutes-for-eye-comfort-safety-and-color-accuracy

«Біз Samsung Art Store дүкеніне бұл заманауи шебердің күшін және өмірлік энергиясын алып келуге қуаныштымыз» – дейді Samsung Electronics компаниясының визуалды дисплейлер бөлімшесінің атқарушы вице-президенті Селин Сангсук Хан (Seline Sangsook Han). Ол сондай-ақ: «Кит Харинг бүкіл әлем бойынша танылатын визуалды тілді ойлап тапты және біз осы туындыларды сандық платформада ұсынуға қуаныштымыз, себебі бұл жаһандық аудиторияға үйлерінде олармен тамсануға мүмкіндік береді» – деді.

Кит Харинг – өз заманының ең танымал жас суретшілерінің бірі. Ол өз туындыларында 1980 жылдардың Нью-Йорк қаласының қалалық көше мәдениетін шоғырландырды. Қалаға тән көше өнерімен шабыттанған Харинг өз туындыларын бүкіл әлем бойынша галереяларда, мұражайларда көпшіліктің назарына шығара бастады. Ол сондай-ақ сауатсыздыққа және ЖИТС-ке қарсы күрес кампанияларын қосқандағы әлеуметтік жобаларға қатысты.

Енді пайдаланушылар Samsung Art Store дүкенінде «Сәуледей жарқын бала», «Ретроспектива» және «Атауы жоқ (Билеп жатқан иттер)» сияқты туындыларды орната алады, бұл Харингтің аңызға айналған өнер туындыларын бүкіл әлем бойынша сатып алушылар үшін одан да қол жетімді етеді. Сонымен қатар, арнайы жасалған жиынтық қабырғаларының 16:9 арақатынасымен The Frame экраны үшін іріктелген және оңтайландырылған.

«Samsung Art Store дүкенімен ынтымақтастық – әлемдік аудиторияға Кит Харингтің аңызға айналған туындылары туралы баяндаудың тамаша мүмкіндігі» – дейді Кит Харинг студиясының мүддесін білдіретін Брендтерді лицензиялау және консалтинг бойынша халықаралық агенттік Artestar компаниясының президенті және негізін қалаушы Дэвид Старк (David Stark). Оның сөзінше, Кит «өнер – баршаға» принципін басшылыққа ала отырып өмір сүрді және The Frame оның туындыларына жанкүйерлердің және жаңа қызушылық білдірген жандардың үйлерінде орын табуға мүмкіндік береді. Ол сондай-ақ «Біз осы топтама Харингке және оның мұрасына қызушылықты арттырады деп үміттенеміз» – деді.

Харинг өзінің мансабы бойы өнер туындыларын тек шығармашылық мақсатта ғана емес, сондай-ақ өз қоғамының өмірін жақсарту үшін жасады. Ол ауруханалардың, панасыз балалар топтарының және денсаулық саласының әр түрлі қоғамдық ұйымдарының пайдасына көптеген фрескаларды, мүсіндерді жасаған, суреттерді салған. Оның қоры Харингтің туындыларын естелікте қалдыру үшін мұражайлармен, галереялармен, баспалармен және шығармашылық білім беру бағдарламаларының тәлімгерлерімен ынтымақтастықта жұмыс жасайды. Харинг бірнеше халықаралық ретроспективалардың нысанына айналды, ал оның туындылары ірі жеке меншік және мемлекеттік топтамаларда, соның ішінде Заманауи өнер мұражайында, Уитни американдық өнер мұражайында және көптеген басқа жерлерде орнын тапты.

2017 жылы Samsung Art Store дүкені құрылған сәттен бастап, ол пайдаланушылар әйгілі өнер туындыларымен және құнды топтамалармен үйден шықпай танысу үшін атақты суретшілермен, мұражайлармен және шығармашылық галереялармен ынтымақтастықта жұмыс жасады. Осы топтамамен қатар, Samsung Art Store дүкенінде Густав Климт, Кандинский және Ван Гог сияқты шеберлердің мыңдаған қосымша сандық өнер туындылары, сондай-ақ онда Лондондағы Тейт мұражайын, Мадридтағы Прадо мұражайын және Венадағы Бельведер мұражайын қосқанда ірі әлем өнер ордаларының сандық өнер туындылары ұсынылған.

The Frame және Samsung Art Store туралы қосымша ақпаратты samsung.com сайтынан таба аласыз.

¹ Samsung Art Store дүкенінде жазылымның болуы қажет.

² Қол жетімді туындылардың саны аймаққа тәуелді әр түрлі болуы мүмкін.