Samsung Innovation Campus әлемдік бағдарламасы Қазақстанда 2017 жылы іске қосылды. Осы жобаның арқасында 8 жыл бойы еліміздегі көптеген оқушылар және студенттер ең өзекті салада өздеріне мансап жасауға көмектесетін, сыныптан тыс тегін IT-білімге қол жеткізіп отыр.

2023 жылғы түлектердің бірі Ақтөбелік студент Ұлан Жоламанов, қазіргі таңда ол өзі Samsung Innovation Campus оқытушысы болып, мектеп оқушыларын және студенттерді Python тіліндегі бағдарламалауға оқытады. Оқытудан бөлек, сонымен бірге өзіне маман ретінде дамуға мүмкіндік беретін, әртүрлі бағдарламалық жобаларды әзірлеумен белсенді түрде айналысады.

Ұланның туып-өскен жері Ақтөбе қаласы болғандықтан №6 Г. Актаев атындағы орта мектепті аяқтады. Дәл сол мектеп қабырғасында оның бағдарламалауға деген қызығушылығы артты. «Алдымен менің компьютердің қалай жасалғандығы, оның жұмысының артында қандай құпияның бар екендігін білгім келді. «Уақыт өте келе бұл әуестік бағдарламаларды жасауға деген терең қызығушылыққа және әртүрлі шешімдерді жасап шығаруға ұласты».

Samsung Innovation Campus жобасы енді ғана Ақтөбеде пайда болғанда, Ұлан жоба туралы университетте білді. Өзі де IT саласына қызығушылық танатындықтан, өз білімін бекіту үшін бағдарламаға қатысуға бекінді. Мен Ақтөбедегі Кампустың бірінші легінің бірінші қатысушылары қатарынан табылдым. Кампус маған өзімнің бойымдағы дағдыларды жүйелендіруге, жаңа технологияларды игеруге және IT-ға құмар адамдармен танысуға септігін тигізді.

Бағдарламадағы өзінің оқуын Ұлан тебіреніп еске алады. Ол Кампустағы оқуын университетпен қатар алып жүрді, осыған бола бағдарламалауға толығымен еніп кетіп,оқу орнындағы дәрістерді жіберіп алатын. Оны бірде тіпті ұстап алды, «Мен ең нашар жағдайға дайын болдым және бұл оқудан шығаруды қоса алғанда, ауыр зардаптарға әкелуі мүмкін деп ойладым. Бірақ күтпеген жерден жағдай менің пайдама шешілді: мұғалімдер менің IT саласында оқып, дамытқым келетінін түсінді және жіберіп алған сабақтарымды онлайн алуға мүмкіндік берді. Бұл мен үшін, егер сіз шынымен де білімге ұмтылсаңыз, сіз әрқашан жаңа жол таба алатыныңызды растайтын маңызды сәт болды ” -деп есіне алады Ұлан.

Курстарды аяқтағаннан кейін және кейде бірінші курс студенттеріне сабақ беруге тура келетін университет тәжірибесі кезінде ол өз уақытын оқытуға және білімін беруге арнауды шешті. Осылайша, ол туған қаласында Python курсын үйрете бастады. Шәкірттері туралы айта келе, Ұлан мектеп оқушыларының қазіргі ұрпағы жаңа технологиялар мен құралдарға тезірек бейімделетінін, өйткені олардың бала кезінен цифрлық ортамен әрекеттесу тәжірибесі мол екенін атап өтті.

“Ақтөбеде студенттер мен оқушылар арасында бағдарламалауға деген қызығушылық үнемі артып келеді. Көпшілік IT жай ғана қызықты сала емес, табысты мансап құрудың нақты мүмкіндігі екенін түсінеді. Әсіресе, тәуелсіздікке ұмтылып, халықаралық компанияларда немесе өз жобаларында жұмыс істегісі келетіндер бағдарламалауды әлеуметтік лифт ретінде қарастырады”, – деп бөлісті Ұлан аймақтағы бағдарламалауға деген қызығушылықты талқылап.

Ұлан да болашағын IT және ұстаздық саладан көреді. Оның мақсаты жай ғана оқыту емес, студенттерге IT саласында өсу мен дамуға нақты мүмкіндіктер беру. Кім біледі, мүмкін Samsung Innovation Campus-тің қазіргі түлектерінің бірі болашақта Ұланның орнына мұғалім болып қалар. Және міндетті түрде  әлемімізді одан әрі жақсарта түседі.

Салтанатты шарадағы марапаттау рәсімі Samsung Electronics өкілдері және университет басшылығының қатысуымен өтті, олардың қатарында Samsung Electronics штаб-пәтерінің ТМД елдеріндегі корпоративтік жобалар және мемлекеттік органдармен өзара іс-қимыл жөніндегі директоры Сергей Певнев, Samsung Electronics ғылыми-зерттеу орталығының білім беру бағдарламаларының жетекшісі Светлана Юн, ҚМТУ ректоры – Мирлан Чыныбаев, – ҚМТУ АТИ директоры Гульнара Кабаева болды.

Курс өткен жылғы қаңтарда басталып, екі семестрге созылды. Осы уақыт ішінде студенттер мобильдік әзірлеме негіздерін игерді және сертификатталған жаттықтырушылардың басшылығымен іс жүзіндегі тәжірибеге ие болды. Студенттер өз бетінше жасаған толыққанды мобильдік қосымшалар мәрелік жобалар ретінде көрсетілді.

ҚМТУ АТИ -ның 12 студентінен тұратын Samsung IT-академиясының алғаш түлектері оқуды сәтті аяқтады. Енді бағдарламалау және мобильдік қосымшаны әзірлеу, командамен тиімді жұмыс істеу, нақты тапсырмаларды шешу және  IT-индустрияның заманауи талаптарына төселу түлектердің қолынан келеді. Жоба олардың кәсіби дамуына арналған алғашқы мәре болып, жоғары технологиялар және инновациялар әлеміне есік ашты.

Samsung Innovation Campus жобасы студенттерді сұранысқа ие мамандықтарға оқытып қана қоймай, олардың шығармашылық ойлауын, аналитикалық қабілетін және күрделі тапсырмаларды шешу мүмкіндігін дамытады. Осындай бастамалардың арқасында Samsung елдегі IT-сектор және технологиялардың дамуына айтарлықтай үлес қосатын  біліктілігі жоғары мамандарды дайындауға көмектеседі.

2017 жылдың желтоқсан айында Samsung Innovation Campus жобасы іске қосылғаннан бері Қазақстанда мыңдаған оқушылар мен студенттер білім алды, 700-ден астамы курстарды толық меңгеріп, сертификаттар алды. Бүгінгі таңда жобаның Алматы, Астана, Ақтөбе, Қостанай, Талдықорған, Атырау қалаларында кампустары бар.

Samsung Innovation Campus – бұл оның арқасында мектеп оқушылары мен студенттер ең сұранысқа ие IT мамандықтарын тегін меңгеру мүмкіндігіне ие болатын, Samsung Electronics компаниясының халықаралық, әлеуметтік- білім беру бағдарламасы. Соңғы 10 жылда бұл бағдарлама бүкіл әлем бойынша 100 000 студентті оқытты. Жоба қазір әлемнің 30-дан астам елінде жүзеге асырылуда.

Samsung дарынды жастарды қолдау және Қазақстан мен Қырғызстандағы болашақ инновациялар үшін берік негіз құру бойынша өз миссиясын жалғастыруда. Алдымызда – жаңа студенттерді  қабылдау, жаңа жетістіктер мен цифрлық технологиялар әлемінде дамуға дайын жандарға арналған жаңа мүмкіндіктер күтіп тұр.

Samsung Innovation Campus туралы samsung-campus.kz ресми сайтынан толығырақ білуге болады.

Samsung Electronics Samsung Innovation Campus халықаралық білім беру бағдарламасының аясында «Деректерді талдау» курсына жаңа қабылдау басталғаны туралы хабарлайды. Қатысушылар – жас қазақстандықтар – әлемдегі сұраныстағы бағдарламалау тілдерінің бірі Python тілін меңгере алады. Толығымен тегін.

Курс 1 ақпанда басталып, 4,5 айға созылады. 13 пен 25 жас аралығындағы жастар шақырылады. Оқу форматы-офлайн немесе онлайн, орыс немесе қазақ тілдерінде (таңдау бойынша). Күндізгі сабақтар Қазақстанның алты қаласында өтеді: Алматы, Астана, Ақтөбе, Атырау, Қостанай және Талдықорған. Қашықтан-Google Meet платформасында.

Қатысушыларды күтуде:

– Аптасына екі-үш рет қызықты сабақтар.

– Ыңғайлы оқыту форматы: ыңғайлы үзілістермен екі сағаттық сессиялар.

– Samsung Innovation Campus заманауи жабдықталған сыныптарындағы практикалық сабақтар (офлайн форматта).

– Тәжірибелі оқытушылар және өзекті бағдарлама.

Курс аяқталғаннан кейін қатысушылар кәсіби деректер талдаушылары дайындаған data-талдау емтиханын тапсырады және Samsung Electronics -тан сертификат  алады. Бірақ ең бастысы-еңбек нарығында сұранысқа ие дағдыларды игеріп, Samsung Innovation Campus жаһандық қауымдастығының бір бөлігі болады!

Тіркеу жобаның ресми сайтында: samsung-campus.kz ашылып тұр. Осы жерде алдағы курс туралы барлығын толық білуге болады.

Samsung Innovation Campus – әлемнің 30-дан астам елінде табысты жүзеге асырылып жатқан жаһандық бастама. Бағдарлама 2014 жылы жүзеге асырылғаннан бері шамамен 119000 студент бітірді. Қазақстанда жоба 2017 жылғы желтоқсаннан бастап жұмыс істейді және осы жылдар ішінде мыңдаған жас таланттарға заманауи технологияларды игеруге мүмкіндік берді.

«Бұл жай ғана курс емес – жоғары технологиялар әлеміне билет. Бағалаулар жоқ, бірақ менторлардың қолдауы, шығармашылық атмосфера және миды “жандыратын” тапсырмалар бар”, – деп атап өтті жоба менеджері Берік Омаров.

Қызықтырса, қатарымызға қосыл!

IT кампусының қабырғасында Қостанай қаласының 13 пен 25 жас аралығындағы оқушылары мен студенттері Python бағдарламалау тілінің негіздерін және Big Data меңгере алады. Оқушыларға ыңғайлы оқу үшін барлық қажетті инфрақұрылым қамтамасыз етіледі, оларға жоғары білікті оқытушылар көмектеседі. Мұнда Samsung Innovation Campus курстарынан басқа Қостанай университетінің студенттері үшін де сабақтар өтеді. Олар кампустың техникасын және басқа сандық мүмкіндіктерін еркін пайдалана алады.

«Бүгінгі таңда цифрлық білім беруге үлкен көңіл бөлу маңызды. Өйткені, бұл болашақ, біз өскелең ұрпақты дайындауымыз керек. Samsung Electronics компаниясының білім беру жобалары біздің мақсаттарымызға сәйкес келеді, – дейді Гүлмира Дамбаулова, Qostanai IT Hub басшысы. Біз ынтымақтастығымыздан шабыт аламыз және оның көмегімен Қазақстанның IT секторының дамуына үлкен үлес қосатын кәсіби бағдарламашылар мен әзірлеушілерді өсіріп шығарамыз деп үміттенеміз».

16 қыркүйекте Samsung Innovation Campus-те жаңа оқу жылы басталды. Қостанайда Python және Big Data негіздері курстарына аймақтық іріктеу өтті. 20 оқушыдан тұратын 2 топ құрылды. Сабақтар аптасына екі рет өтеді және орташа есеппен 4,5 айға созылады. Курсты аяқтағаннан кейін түлектер Samsung Electronics компаниясының сертификаттары мен фирмалық рюкзактарын алады, ерекше көзге түскендерге смартфондар сыйға беріледі. Ең бастысы, жасөспірімдер оқуды аяқтағаннан кейін өз бетінше алгоритмдер, бағдарламалар жасап, IT мамандығы бойынша жұмысқа орналасады.

Samsung Innovation Campus-тың басты мақсаты – балаларға ақпараттық технологиялар саласында тегін, сапалы білім алу мүмкіндігін беру. Қазақстанда бұл жоба 2017 жылдың желтоқсанында іске қосылды. Осы уақыт аралығында мыңдаған оқушылар мен студенттер білім алды, 700-ден астамы курстарды толық меңгеріп, сертификаттар алды. Бүгінде жобаның Алматы, Астана, Ақтөбе, Қостанай, Талдықорған, Атырау қалаларында кампустары бар.

Қостанайда жоба Қостанай облысы әкімдігінің ақпараттандыру, мемлекеттік қызметтер көрсету және архивтер басқармасының қолдауымен жүзеге асырылды.

Samsung Innovation Campus – Samsung Electronics компаниясының халықаралық әлеуметтік және білім беру бағдарламасы, оның арқасында мектеп оқушылары мен студенттері ең танымал IT мамандықтарын тегін меңгеру мүмкіндігіне ие. Соңғы 10 жылда бұл бағдарлама әлем бойынша 100 мың студентті оқытып үлгерді. Жоба қазір әлемнің 30-дан астам елінде жүзеге асырылуда. Samsung Innovation Campus туралы толық ақпаратты samsung-campus.kz ресми сайтынан алуға болады.

Samsung Electronics Атырауда тегін бағдарламалау курстарын бастады. Арнайы жабдықталған IT-кампус Халел Досмұхамедов атындағы Атырау университетінің аумағында ашылды. Жоба Samsung Innovation Campus білім беру бағдарламасы аясында жүзеге асырылды.

IT кампусының қабырғасында 13 пен 25 жас аралығындағы атыраулық оқушылар мен студенттер Python және Big Data бағдарламалау тілінің негіздерін меңгере алады. Студенттер ыңғайлы оқу үшін барлық қажетті құрал-жабдықтармен қамтамасыз етіледі, оларға біліктілігі жоғары оқытушылар көмектеседі. Samsung Innovation Campus курстарынан басқа Атырау университетінің студенттері үшін аудиторияда сабақтар өтеді. Олар сондай-ақ құралдарды және басқа цифрлық мүмкіндіктерді еркін пайдалана алады.

Айтпақшы, Samsung Innovation Campus-те жаңа оқу жылы 16 қыркүйекте басталады. Осыған байланысты Атырауда Python және Big Data негіздері пәні бойынша оқуға қабылдау жүріп жатыр. Сабақтар аптасына екі рет өтеді және орташа есеппен 4,5 айға созылады. Курсты аяқтаған соң түлектер Samsung Electronics компаниясынан сертификаттар мен фирмалық рюкзактар алады, ерекше көзге түскендерге смартфондар бұйрады.

Samsung Innovation Campus жобасының басты мақсаты – балаларға ақпараттық технологиялар саласында тегін, сапалы білім алу мүмкіндігін беру. Қазақстанда бұл жоба 2017 жылдың желтоқсанында іске қосылды. Осы уақыт аралығында мыңдаған оқушылар мен студенттер білім алды, 700-ден астамы курстарды толық меңгеріп, сертификатқа ие болды. Бүгінде жобаның Алматы, Астана, Ақтөбе, Қостанай, Талдықорған, Атырау қалаларында кампустары бар. Қазақстанда Samsung Innovation Campus «Аяла» қайырымдылық қорының қолдауымен жүзеге асырылуда. Samsung Innovation Campus туралы толық ақпаратты samsung-campus.kz ресми сайтынан алуға болады

Samsung Innovation Campus – Samsung Electronics компаниясының халықаралық әлеуметтік және білім беру бағдарламасы, оның арқасында мектеп оқушылары мен студенттері ең танымал IT мамандықтарын тегін меңгеру мүмкіндігіне ие. Соңғы 10 жылда бұл бағдарлама әлем бойынша 100 мың студентті оқытып үлгерді. Жоба қазір әлемнің 30-дан астам елінде жүзеге асырылуда.

Біз Samsung Innovation Campus-тың ең қабілетті түлектерімен сөйлестік. Олар бағдарламалауға құмарту жолын, кедергілерді қалай жеңу керектігін, алда қандай мүмкіндіктер күтіп тұрғанын айтып берді.

Мектеп партасынан медициналық стартапқа дейін

Арай Камалиева бала кезінен басқаларға пайдалы болсын деген лебізбен өз кәсібін ашуға құштарланды. Бұл ойын іске асырды да. Бүгінгі таңда ол терідегі пигментті дақтарды талдайтын стартаптың негізін қалаушылардың бірі, оны әлемнің ең үздік университеттеріне шақырады. Бірақ мұндай жетістікке жету оңай болмағандығы туралы еске алады бойжеткен.

Өз идеяларын жүзеге асыру үшін Арай Камалиева, мектеп табалдырығынан бастап түрлі дағдыларды жетілдіруді шешті. Бағдарламалау басымдықтардың біріне айналды. Мектепте оқып жүргенде ол Java тілін үйренуге шешім қабылдап, Samsung Innovation Campus курстарына жазылды. Еңбекқорлық пен тәртіптің арқасында Арай оқуын ойдағыдай бітіріп, өзін жақсы жағынан көрсете білді. Дипломдық жұмыс ретінде ол адамдарға салауатты өмір салтын ұстауға көмектесетін қосымшаны ұсынды.

«Даму курстары мықты іргетас болды», – дейді Арай. Оның айтуынша, алған білімі Джонс Хопкинс университетінің (АҚШ) дарынды жастар орталығындағы «Ауруларды модельдеу» курсына түсуге көмектесті. Мұнда бойжеткен R бағдарламалау тілін игере бастады. Оның көмегімен ол жұқпалы аурулардың таралуын болжау үшін дифференциалдық теңдеулерді қолдануды үйренді.

Арай Камалиеваның еңбегі шетелде де жоғары бағалана бастады. Ол Канададағы ең үздік университетке – «University of Toronto-ға» шақырылды. Мұнда бойжеткенге «Молекулярлық биология, иммунология және аурулар» бағыты бойынша оқу ұсынылды. Келесі кезекте Арай өзінің тәжірибесін одан әрі арттырып, жобаларын кеңейтуді жоспарлап отыр.

«Тәртіп маған бағдарламалауға құмартуға көмектесті»

Роман Васильев бағдарламалаумен 7-сыныпта танысқан. Сол кезде ол веб-сайттарды жасауға тырысты, бірақ тез арада көңілі қалды, деп еске алады бозбала. Сынып жетекшісінің кеңесі бойынша оқушы 10-сыныпта Samsung Innovation Campus-қа түсті. Мұнда Романға бағдарламалауға басқаша қарауға және осы іске зейінің ашылуына көмектесті. Соның нәтижесінде, жас жігіт ақша тауып қана қоймай, сонымен қатар ұстаздықпен айналысып, «кодерлерді» біріктіретін қауымдастық құрды.

Роман Васильевтің айтуынша, бастапқыда бағдарламалау қиын және тек таңдаулыларға ғана арналған сияқты көрінді. Бірақ іс жүзінде бәрі басқаша болып шықты. Көп уақытын оқуға арнап, алдына нақты мақсат қоя отырып, жас жігіт ең қабілетті түлектердің бірі болды. Ол бүкіл оқу жылында бірде-бір сабақтан қалмады, сонымен қатар алдыңғы лекте үздік деп танылған жүк тасымалдауға арналған қосымшаны әзірледі. Бұл іс жүзінде нарыққа дайын өнім еді.

Қазіргі уақытта Роман Васильев әртүрлі компанияларға арналған мобильді қосымшаларды әзірлеуде/жетілдіруде. Сонымен бірге, университетте Software Engineering мамандығы бойынша оқып жүр. Енді Роман өз тәжірибесін жаңадан бастаған бағдарламашылармен бөлісуді жөн көрді. Astana IT University қабырғасында мобильді даму клубын ұйымдастырды. Мұнда қызығушылық танытқандар үшін түрлі байқаулар мен шеберлік сабақтары өткізіледі. Жас жігіт Samsung Innovation Campus оның болашақ өміріне, мамандығы мен университет таңдауына айтарлықтай әсер еткенін айтады.

Экономист мамандығын тастап, бағдарламалаумен айналысты

Венера Юлдашева жастайынан ғылыми фантастикаға әуестенген. Соның арқасында инновациялық технологияларға деген тұрақты қызығушылық пайда болды. Уақыт өте келе ол тек бақылаушы болғысы келмейтінін, осы әлемнің бір бөлігі болғысы келетінін түсінді.

Бойжеткен біраз уақыт экономика саласында жұмыс істеді. Үзіліс жасап, жаңа мамандықты меңгеру туралы шешім қабылдады. Көптеген ұсыныстар болды, деп еске алуда Венера. Бірнеше курстардан өткен, бірақ дәл Samsung Innovation Campus көңілінен шықты. Оның айтуынша, мұғалімнің ептілігі, кәсібилігі және практикалық оқыту жүйесі басты артықшылық болды. Нәтижесінде бойжеткен Python пәні бойынша ең жақсы түлектердің бірі атанды.

«Мақсатты дұрыс қою және сылтауға жол бермеу – жаңа істі үйренудегі маңызды элементтер»-, дейді Венера Юлдашева. Олар тамаша маман болуына көмектесіп, үлкен мүмкіндіктер ашты. Бойжеткен Johannes Kepler University-ге (Австрия) шақырылды. Енді ол жасанды интеллект технологияларын зерттейтін болады. Айтпақшы, бұл университет Еуропада жасанды интеллект саласында академиялық дәреже ұсынатын бірінші жоғары оқу орны.

Samsung Innovation Campus — Samsung Electronics компаниясының әлеуметтік және білім беру бағдарламасы. Бағдарлама  Samsung компаниясы орналасқан көптеген елдерде бар. Бұл бастама коммерциялық емес және бизнестің әлеуметтік жауапкершілігі аясында жүзеге асырылады. Жобаның басты мақсаты – балалардың ақпараттық технологиялар саласында тегін, сапалы білім алуына мүмкіндік беру. Қазақстанда осы жоба 2017 жылғы желтоқсанда іске қосылды. Осы уақыт ішінде мыңдаған бала жаңа мамандықты игерді. Samsung Innovation Campus туралы толық ақпаратты samsung-campus.kz ресми сайтынан алуға болады.

Samsung Innovation Campus-та оқу жылы аяқталды. Кезекті ағында Қазақстанның барлық дерлік облыстарынан 200-ден астам оқушылар мен студенттер қатысты. Тоғыз ай бойы олар екі пән – «Python және үлкен деректер негіздері» және «Мобильді өңдеу курсы» бойынша тегін оқыды.

Түлектердің көпшілігі емтихандарды сәтті тапсырып, көкейкесті сертификаттар мен фирмалық рюкзактардың иегерлері атанды. Жоғары балл жинағандарға Samsung Electronics компаниясы Galaxy A сериялы смартфондарын қосымша табыс етті.

«Мобильді өңдеу курсының» студенттері хакатон барысында дайын ойын мен әлеуметтік қолданбаларды ұсынды. Рецептер анықтамасы, қызметкерлерді іздеу, қаржылық сауаттылық және онлайн зоодүкені бойынша жобалар ерекше атап өтілген. Көптеген оқушылар өздерінің мобильді ойындарын әзірледі.

«Python және Big Data негіздері» бойынша түлектер бағдарламалау дағдыларын және үлкен деректермен жұмыс істеуді меңгерді. Олардың кейбіреулері оқу кезінде отандық компанияларда веб-әзірлеуші ​​немесе бағдарламалық жасақтама жасаушы ретінде мансабын бастады.

Оқу жылы аяқталмай-ақ Samsung Innovation Campus жаңа оқу жылының басталғанын хабарлайды. 21 тамыз бен 5 қыркүйек аралығында «Python және үлкен деректер негіздері» және «Мобильді өңдеу курсы» пәндері бойынша студенттер қабылдануда. Іріктеуден өткендер Алматы, Астана, Талдықорған, Атырау, Ақтөбе және Қостанай қалаларындағы арнайы жабдықталған сыныптарда оффлайн режимде оқи алады. Басқа аймақтардан келген талапкерлер үшін онлайн оқу мүмкіндігі бар.

Samsung Innovation Campus курстарына жаңа қабылдау және жобаның өзі туралы толық ақпаратты samsung-campus.kz ресми сайтынан табуға болады.

Samsung Innovation Campus (SIC) – бұл Samsung Electronics компаниясының әлеуметтік білім беру жобасы болып табылады. Бұл біздің компания өкілдік ететін елдердің көпшілігінде жұмыс істейтін SIC жаһандық білім беру жобасының бөлігі. Осы бастама коммерциялық емес және бизнестің әлеуметтік жауапкершілігі аясында жүзеге асырылады. Жобаның басты мақсаты – балалардың ақпараттық технологиялар саласында тегін, сапалы білім алуына мүмкіндік беру. Қазақстанда бұл жоба 2017 жылдың желтоқсанында іске қосылды.

Спорттық мансаптан бағдарламалауға көшу

Мен әрқашан бағдарламалауды тек кәсіп емес, сонымен қатар шығармашылықпен өзін-өзі көрсету тәсілі деп санадым. Маған кодтау ұнап, үйде түрлі жобалар жасап жүргем. Дегенмен, бұл бағытты қосалқы нұсқа ретінде қабылдағам. Басты назарым спорттық мансабыма арналды.

Уақыт өте келе кодтауды жақсы білетінімді түсіндім және осы арада өзім үшін курстарға барғым келді. Түрлі нұсқаларды қарап отырып, әлеуметтік желілерде Samsung Innovation Campus-ке қабылдау туралы хабарландыруға тап болдым. Ең алдымен жобаны осындай технологиялық алпауыт жүзеге асырып жатқаны мені қызықтырды, екіншіден, бұл тегін болды және сертификат беріледі. Қабылдау сынақтарынан оңай өтіп, мен «Android әзірлеу» бағытына түстім.

Сабақтар менің барлық үміттерімді ақтады. Маған әсіресе теория мен практика арасындағы тепе-теңдік ұнады – жаңа ұғымдарды біліп қана қоймай, оларды үйдегі жобаларымда бірден қолдана алдым. Бұл менің өз бетімше алған білімімді жүйелеуге және өз мүмкіндіктеріме сенімдірек қарауға көмектесті.

IT саласындағы алғашқы қадамдар

Оқып жүріп, «Law Group Kazakhstan» компаниясына жұмысқа орналастым. Оларға Android әзірлеушісі қажет болған. Мен өтініш беріп, сұхбаттан кейін жұмысқа қабылдандым. Алғашында жалақысы 150 мың теңге болатын. Ол кезде мен үшін көп ақша сияқты көрінді. Ең бастысы, өзімнің шеберлігімнің арқасында ақша тауып жатқаныма қуандым.

Samsung Innovation Campus-те алған білім жұмыс барысында өте пайдалы болды. Сабақтар кешкі уақытта өтетін. Мен оларға қатысып, сұрақтарыма жауап тауып, оларды бірден жұмысымда қолданатынмын. Өкінішке орай, қандай жобаларда жұмыс істегенімді айта алмаймын, өйткені ақпаратты жария етпеу туралы келісімге қол қойғанмын.

Менің мансабым тез дами бастады. Содан кейін «Panda Innovation» компаниясында мобильді әзірлеуші ​​болып жұмысқа орналастым. Сондай-ақ, танысуға арналған «Hitba» атты онлайн платформада қысқа жұмыс кезеңі болды. Осыдан кейін «Magnum» компаниясы болды, онда маған әзірлеушілер тобын басқару сеніп тапсырылды. Бұл мен үшін үлкен сынақ болды. Барлық жергілікті жобалармен қатар халықаралық деңгейде жұмыс жасадым. Мені АҚШ пен Ресейде ашылған компанияларға аутсорсингке шақырды. Сол жерлерде де басшылық қызметтерді атқара бастадым.

Жаһандық деңгейге шығу

Менің мансабымдағы шешуші сәт халықаралық деңгейдегі топ жетекші рөліне дайын екенімді түсіну болды. Осындай бос орындарға құжат тапсыра бастап, сұхбаттардан сәтті өте бастадым. Маған БАӘ, Чехия және басқа елдердің IT компанияларынан жұмыс туралы ұсыныстар түсті. Сол кезде мен өз ісімнің маманы болып жатқанымды түсіндім.

Қазір әртүрлі компаниялар үшін бюджетті бақылауға маманданған канадалық стартапта жұмыс істеймін. Мұнда мен жетекші Flutter әзірлеушісі лауазымын атқарамын. Менде тамаша команда бар және жақсы жағдай жасалған. Сонымен қатар, бос уақытым мен қалауым болса, басқа жобаларды қолға алуға тырысамын.

Samsung Innovation Campus менің кәсіби дамуымның маңызды сәті болды. Жоба маған қай бағытта жүргім келетінін және нені дамытуым керек екенін түсінуге көмектесті. IT саласында мансапты армандайтын кез келген адамға кеңесім: алға жылжудан қорықпаңыз, үнемі дамып, әр қадамыңыздан ләззат алыңыз. Дәл осы тәсіл үнемі өзгеріп отыратын және бізден бір қадам алда болуды талап ететін салада табысқа жетуге мүмкіндік берді.

Samsung Innovation Campus – бұл Samsung Electronics компаниясының халықаралық әлеуметтік және білім беру бағдарламасы, оқушылар мен студенттерге ең танымал IT мамандықтарын тегін меңгеруге көмектеседі: жасанды интеллект, заттар интернеті, мобильді даму және үлкен деректер секілді. 2014 жылдан бері бүкіл әлем бойынша шамамен 119 000 студент осы бағдарлама арқылы оқуын аяқтады. Қазіргі уақытта Samsung Innovation Campus жобасы әлемнің 30-дан астам елінде жүзеге асырылуда. Қазақстанда бағдарлама 2017 жылы іске қосылды. Осы уақыт ішінде оған 10 мыңға жуық жас қазақстандық қатысты. Бағдарлама туралы толық ақпаратты samsung-campus.kz сайтынан алуға болады.

Samsung Electronics Орталық Еуразия (ортада) және cпорттық бағдарламалау федерациясының өкілдері.

Samsung Electronics Орталық Еуразия және спорттық бағдарламалау Федерациясы серіктестік туралы меморандумға қол қойды. Бұдан былай тараптар елде бағдарламалауды бірлесе танымал етіп, дамытуды көздеп отыр.

Ынтымақтастық аясында Қазақстанның аймақтарында спорттық бағдарламалау және стандартты кодтау бойынша түрлі іс-шаралар мен жарыстар өткізу жоспарлануда.

«Біз бір үлкен іс жасап жатырмыз – Қазақстанда IT саласын дамытып отырмыз. Жаңадан бастаған бағдарламашыларды қолдап, барған сайын қазақстандық жастарды болашақтың мамандықтарына үйретуге бар күшімізді салып жүрміз. Енді бірлескен күш-жігердің арқасында біз еліміздегі бағдарламалау деңгейін жаңа биіктерге көтереміз деп ойлаймын», – деп атап өтті Берік Умаров, Samsung Electronics Орталық Еуразия компаниясының корпоративтік коммуникациялар бөлімінің басшысы.

Қатысушыларды әртүрлі компаниялардың тәжірибелі әзірлеушілерімен және спорттық бағдарламалау саласындағы жетекші сарапшылармен кездесулер күтіп тұр. Осылайша, жас әзірлеушілер кәсіби мамандардан құнды кеңестер мен шабыт ала алады.

Спорттық бағдарламалау федерациясы 2023 жылы құрылған. Осындай қысқа мерзімде қоғамдық бірлестік Қазақстанның 11 облысында өкілдіктерін ашып, спорттық бағдарламалаудың экожүйесін белсенді түрде құруда, оқушылар, студенттер мен мұғалімдер арасында тренингтер мен турнирлер өткізуде. Мұнда қатысушылар халықаралық олимпиадаларда табысты өнер көрсету үшін құнды білім алады.

Samsung Electronics компаниясының осы бағытта тәжірибесі мол. Бірнеше жылдан бері компания әлемнің 30 елі мен 120 мыңнан астам студентті қамтитын Samsung Innovation Campus әлеуметтік және білім беру бағдарламасын жүзеге асыруда. Курстар барысында мектеп оқушылары мен студенттер сұранысқа ие IT мамандықтарын тегін меңгереді. Қазақстанда бұл жоба 2017 жылы іске қосылды. Оқыту үш бағыт бойынша жүргізіледі: Python & Big Data, Android-әзірлеу және IoT (Заттар интернеті). Осы уақыт ішінде 10 мыңға жуық жас қазақстандық бағдарламалау негіздерін меңгере алды.

Бағдарлама туралы толық ақпаратты samsung-campus.kz ресми сайтынан біле аласыз.

Қазақстандық кодтаудың ішкі жұмысы туралы астаналық бағдарламашы Жұлдыз Социалмен сөйлесіп көрдік. Ол Astana IT University-дің ұстазы, сонымен бірге Samsung Innovation Campus-те бағдарламалау негіздерінен сабақ береді. Ең бастысы, Жұлдыз студенттер мен оқушыларға стереотиптерді жеңуге белсенді түрде көмектеседі.

«Бағдарламалау – математика туралы емес»

IT саласына саналы түрде және нақты ниетпен келдім. Жолымды математика мен инженериядан бастап, жүйелі түрде бағдарламалауға көштім.

Мұнда мен бірінші маңызды нәрсе ұқтым: бағдарламалау – математика туралы емес. Бұл саладағы бастысы – табандылық пен парасаттылық. Әрине, күрделі және көп функционалды қосымшаларды жасау үшін дамыған логикалық және құрылымдық ойлау қажет. Бірақ мұндағы барлық математика арифметикамен шектеледі.

«Қорқыныш пен кемсітушілік балаларға өз мүмкіндіктерін жүзеге асыруға кедергі болуда»

Мен 3 жылдан астам бағдарламалаудан сабақ беремін. Осы уақыт ішінде қыздар мен ұлдардың оқу үрдісі жиі ерекшеленетінін байқадым. Кейбір теріс пікірлерге байланысты кыздар оларға деген немқұрайлы көзқарасқа дағдыланады: қателеріне көз жұмып, дәл осылай баға қояды. Бірақ бұл, менің ойымша, студенттік жылдардағы болатын уақытша және қате құбылыс. Өйткені, мұндай жеңілдіктердің кесірінен бәсекелестіктен жеңіліп жатқаныңызды байқайсыз.

Бағдарламалау әлемінде кемшіліктердің жеткілікті үлесі бар. Бұл жерде, әрине, кемсітушілік ерекше атап өтіледі. Ол соншалықты анық көрсетілмеген, ол туралы ешкім дауыстап айтпайды, бірақ бұл оның жоқтығын білдірмейді. Мысалы, робототехникада жігіттерге басымдық берілетінін жиі кездестірдім. Ауыр техника, оған күш керек деген сөздер. Бірақ микроконтроллерлерді пайдалану үшін сізге физикалық күш қажет емес.

Осының аясында бағдарламалаудың «ер» мамандығының мәртебесін алуы ғажап емес. Қыздың код жазуға деген ұмтылысын жұртшылық көбінесе жасы ұлғайған сайын жоғалып кететін уақытша хобби ретінде қабылдайды. Нәтижесінде, мұның бәрі адамның сәтсіздігіне әкеледі.

«Жыныс маңызды емес, дағдылар маңызды»

Пессимизмді былай қойғанда, кемсітушілік бірте-бірте қолданыстан шығып барады. Мен мұны күнде байқаймын. Көптеген қыздар мен әйелдер өздерінің стартаптарын ашады, өздері бағдарламалау тілдерін меңгереді және осы дағдыларды басқаларға үйретеді. Ал менің мотивациям – әрқашан жаңа нәрсені үйрену. Бағдарламалау әрқашан сізді таң қалдыруға және сынауға дайын.

Әр адам кодтауда өз орнын таба алады. Табысты бағдарламашы болу үшін сізге табандылық, интеллект және тәжірибе қажет, оларсыз ешқайда жете алмайсыз. Осының барлығын Samsung Innovation Campus студенттеріне жеткізуге тырысамыз. Мен әрқашан студенттерге жыныс маңызды емес, сіздің дағдыларыңыз маңызды екенін айтамын.

«Ұстаздық – талант емес, тынымсыз еңбек арқылы қол жеткізесіз»

Ұстаздық маған әрқашан жақын болды. Университетте оқып жүргенде бастауыш сынып оқушыларына сабақ беруге тырыстым, сосын жоғары сынып оқушылары да болды. Осындай шағын қадамдармен университет деңгейіне дейін өстім. Мен мұны қандай да бір талант деп айтпас едім, барлығына тынымсыз еңбек арқылы қол жеткізіледі.

Көптеген мұғалімдер шәкірттеріне өз балаларындай қарайды деп бекер айтпаған. Егер сіз өз жұмысыңызды жақсы көретін болсаңыз, онда тыңдаушыға бәрін түсінуі үшін барлық ақпаратты жеткізуге тырысасыз: алгоритмдерді мұқият сипаттайсыз, әр сан мен нүктені түсіндіресіз. Нәтижесінде студенттеріңіздің алған білімді өмірде сәтті қолданғанын қалайсыз. Сондықтан сіз оларға шын жүректен тамыр сала бастайсыз, олардың жеңістеріне қуанасыз және сәтсіздіктері үшін олармен бірге қайғырасыз.

Дәл осы нәрселер студенттер мен оқушыларды Samsung Innovation Campus-ке тартады. Менің студенттерім айтқандай, мұнда сізге тек Python, Big Data немесе Android әзірлеуін сәтті меңгеруге көмектесіп қана қоймайды, ізді барлық жағынан қолдап, сіз үшін пікірлес адамдарды табады және сізді әрқашан бір нәрсеге қызықтырады.

«Samsung курстары университеттегі оқуды жеңілдетеді»

Мұғалім ретінде мен Samsung компаниясының білім беру стратегиясын ерекше бағалаймын. Мысалы, бізде IoT (заттар интернеті) курсы бар. Ол Astana IT University-дегі оқу бағдарламасымен біріктірілген. Алгоритм келесідей: университет студенттері осы таңдау курсын Samsung Innovation Campus-те оқиды, оқуды аяқтағаны туралы сертификаттар алады және бұл университетте аяқталған пән ретінде есептеледі. Өте керемет ынтымақтастық.

Samsung Innovation Campus – бұл Samsung Electronics компаниясының халықаралық әлеуметтік және білім беру бағдарламасы, оқушылар мен студенттерге ең танымал IT мамандықтарын тегін меңгеруге көмектеседі: жасанды интеллект, заттар интернеті, мобильді даму және үлкен деректер секілді. 2014 жылдан бері бүкіл әлем бойынша шамамен 119 000 студент осы бағдарлама арқылы оқуын аяқтады. Қазіргі уақытта Samsung Innovation Campus жобасы әлемнің 30-дан астам елінде жүзеге асырылуда. Қазақстанда бағдарлама 2017 жылы іске қосылды. Осы уақыт ішінде оған 10 мыңға жуық жас қазақстандық қатысты.