Toshkent, O‘zbekiston — 2026-yil 23-oktabr. Samsung Electronics O‘zbekistonda Samsung Innovation Campus (SIC) xalqaro ta’lim dasturi ilk bor ishga tushirilayotganini e’lon qildi. Ushbu tashabbusni amalga oshirishdagi muhim qadam Muhammad al-Xorazmiy nomidagi Toshkent axborot texnologiyalari universiteti (TATU) bilan hamkorlik memorandumi imzolanishi bo‘ldi. Marosim 22-oktabr kuni Toshkentda bo‘lib o‘tdi. Hujjatni Samsung Electronics Uzbekistan direktori Yoon Seong Chan va TATU rektori Baxtiyor Maxkamov imzoladi.

Hamkorlik amaliyotga yo‘naltirilgan IT ta’limini rivojlantirish va talabalarning zamonaviy texnologiyalarni o‘zlashtirish imkoniyatlarini kengaytirishga qaratilgan. Samsung Innovation Campus doirasida universitetda Buyumlar interneti (Internet of Things, IoT) kursi yo‘lga qo‘yiladi. Unda Samsung’ning xalqaro ta’lim tajribasi TATUning akademik imkoniyatlari bilan uyg‘unlashtiriladi.

Samsung’ning xalqaro tajribasi universitet ta’limida

Samsung Innovation Campus — Samsung Electronics kompaniyasining yoshlar o‘rtasida zamonaviy axborot texnologiyalari bo‘yicha amaliy ko‘nikmalarni rivojlantirishga qaratilgan xalqaro ijtimoiy-ta’limiy tashabbusi. TATU bilan hamkorlik doirasida ta’lim dasturi universitetdagi o‘quv jarayoniga integratsiya qilinadi.

IoT kursi TATUning o‘quv rejasiga allaqachon kiritilgan: ikkinchi bosqich talabalari uni bahorgi semestrda, uchinchi bosqich talabalari esa kuzgi semestrda o‘rganadilar. Dasturga tayyorgarlikning muhim bosqichi sifatida universitet o‘qituvchisi Samsung Innovation Campus doirasida maxsus tayyorgarlikdan o‘tib, mashg‘ulotlarni olib borishga tayyor bo‘ldilar.

Samsung ta’lim dasturi, o‘quv-uslubiy materiallar, o‘qitish metodologiyasi hamda o‘quv jarayoni davomida ko‘mak taqdim etadi. Ta’lim jarayonini tashkil etishda o‘quv materiallari, amaliy topshiriqlar va talabalar o‘zlashtirishini nazorat qilish vositalarini birlashtirgan Samsung Innovation Campus raqamli ta’lim platformasidan foydalaniladi.

Texnologiyalarni o‘rganishdan o‘z ishlanmalarini yaratishgacha

Samsung Innovation Campus dasturining asosiy xususiyati — ta’limning amaliy yo‘nalishga ega ekanidir. IoT kursida talabalar ulangan qurilmalar, sensorlar, mikrokontrollerlar va ma’lumot uzatish texnologiyalarining ishlash tamoyillarini hamda ularni aqlli tizimlarga birlashtirish usullarini o‘rganadilar. Olingan bilimlarni amaliy topshiriqlar va mustaqil loyihalarda, jumladan kundalik jarayonlarni avtomatlashtirish, infratuzilmani kuzatish va resurslardan samarali foydalanishga oid yechimlarni ishlab chiqishda qo‘llashlari mumkin.

Amaliy mashg‘ulotlarni qo‘llab-quvvatlash maqsadida Samsung talabalarga o‘z prototiplarini yaratishda foydalaniladigan o‘quv komponentlarini taqdim etishni rejalashtirmoqda. Shuningdek, mashg‘ulotlar uchun auditoriyani Samsung interaktiv displeyi bilan jihozlash ko‘zda tutilgan.

Ta’limni muvaffaqiyatli yakunlab, dasturda belgilangan talablarni bajargan talabalar kursni o‘zlashtirganini tasdiqlovchi Samsung Innovation Campus sertifikatlarini oladilar. Sertifikat va loyiha ustida ishlash tajribasi talabalarning kasbiy portfoliosini boyitib, egallangan bilim hamda amaliy ko‘nikmalarini namoyish etishga yordam beradi.

O‘zbekistonda texnologik ta’limni qo‘llab-quvvatlash

O‘zbekistonda raqamli iqtisodiyot rivojlanishi bilan zamonaviy texnologik bilim va ularni amaliy qo‘llash tajribasiga ega mutaxassislarga ehtiyoj ortib bormoqda. TATU bilan hamkorlikda Samsung Innovation Campus dasturining ishga tushirilishi talabalarning xalqaro ta’lim resurslaridan foydalanish imkoniyatlarini kengaytirib, universitetdagi nazariy bilimlarni IT sohasida dolzarb bo‘lgan amaliy ko‘nikmalar bilan to‘ldiradi.

Samsung Electronics uchun ushbu loyiha texnologik ta’limni va yoshlarni qo‘llab-quvvatlash bo‘yicha faoliyatning davomidir. Kompaniya o‘z tajribasini ulashish va yosh mutaxassislarning salohiyatini ro‘yobga chiqarishga xizmat qiluvchi ta’lim imkoniyatlarini rivojlantirishga intiladi.

Samsung Innovation Campus haqida

Samsung Innovation Campus — Samsung Electronics kompaniyasining raqamli ko‘nikmalarni rivojlantirish va yoshlarning zamonaviy texnologiyalar sohasidagi imkoniyatlarini kengaytirishga qaratilgan xalqaro ta’lim dasturi. Dastur dunyoning turli mamlakatlarida amalga oshiriladi va kompaniyaning ta’lim sohasidagi ijtimoiy tashabbuslaridan biri hisoblanadi.

Harorat 40 darajadan oshgan, suv bosimi pasaygan, elektr toki esa har doim ham barqaror emas – bu o‘zbekistonlik oilalar uchun ayni paytda tanish manzara. Shunday sharoitda har bir kilovatt, har bir litr suv qadrli bo‘lib qoladi. Aynan shuning uchun bugun yashil texnologiyalarga e’tibor berish zaruratga aylanmoqda.

“Aqlli” texnika bilan aqlli tejamkorlik:

• Samsung’ning Bespoke muzlatkichlari foydalanuvchining kundalik odatlariga moslashib, faqat kerak bo‘lgan paytda faollashadi. Uning “AI Energy Mode” funksiyasi orqali energiya sarfi real vaqtda kuzatilib, 15% gacha tejashga erishiladi.
• Samsung kir yuvish mashinalaridagi EcoBubble texnologiyasi sovun va suvni oldindan ko‘pik holatida tayyorlab, kirni hatto past haroratda ham chuqur tozalash imkonini beradi. Bu esa elektr energiyasini kamroq ishlatadi va kiyim sifatini saqlaydi.
• Oddiy konditsionerlar tez sovitadi, lekin ko‘p elektr talab qiladi. Samsung’ning WindFree texnologiyasi esa havo harakatini nozik teshiklar orqali tarqatib, yoqimli salqinlik yaratadi va elektr sarfini 77% gacha kamaytiradi.

Elektr energiyasini tejash bo‘yicha 5 maslahat:

1. Eco rejimini faollashtiring – har bir Samsung texnikasida energiya tejash rejimi bor.
2. SmartThings ilovasini yuklab oling – barcha texnikangizni bir joydan boshqaring.
3. Kir yuvishni kechqurun rejalashtiring – kechki tarif ancha pastroq.
4. Muzlatkichni devordan 5 sm uzoqroq qo‘ying – havo aylanishi yaxshilanib, energiya kamroq ketadi.
5. Filtrlarni tez-tez tozalang – chang bosgan konditsioner yoki kir yuvish mashinasi 10-15% ko‘proq energiya sarflaydi.

Hayotiy misol: Tadbirkor oilaning tajribasi

Toshkentlik Olim aka va Farida opa uylaridagi eski texnikani yangilab, Samsung’ning Bespoke muzlatkichi va EcoBubble kir yuvish mashinasini sotib olishdi. Shuningdek, SmartThings ilovasidan foydalanishni boshlashdi.

“Avval elektr uchun 700 ming so‘mga yaqin to‘lov qilardik. Hozir esa 540–560 ming atrofida to‘layapmiz. Hisoblab ko‘rsam, har yil kamida 2 million so‘m tejab qolar ekanmiz.” – deydi Olim aka.

Bugun siz ham hayotingizga kichik o‘zgarish kiriting – ertaga o‘zingiz va butun tabiat uchun katta foyda qilgan bo‘lasiz.

Samsung qurilmasini tanlash uchun  kamida 4 ta sabab bor:

1. 1 yillik rasmiy kafolat va servis (Samsung servis markazlari).
2. IMEI ro‘yxatdan o‘tgan — bloklanish xavfi yo‘q.
3. Modellarning turiga qarab, 7 yilgacha OS xavfsiz yangilanishlari
4. Mahalliy moslik: to‘liq tarmoqqa ulanish, o‘zbek tilidagi interfeys, Samsung Members qo‘llab-quvvatlashi.

Samsung rasmiy qurilmalarini qanday tanish mumkin?

• Qutida “1 yil kafolat” gologrammasi va rasmiy yorliqlar.
• O‘zbek tilida to‘liq mahalliylashtirilgan belgilar.
• Rasmiy sotuvchi/dilerdan rasmiy chek va kafolat taloni.

IMEI – kod nima degani?

IMEI (International Mobile Equipment Identity) — har bir mobil qurilmaga biriktirilgan noyob 15 xonali raqam. O‘zbekistonda IMEI-kodlar rasmiy bazada ro‘yxatga olinadi; ro‘yxatdan o‘tmagan qurilmalar 30 kun ichida tarmoqdan uzilishi mumkin.

IMEI kodini qurilmada qanday topish mumkin?

1-usul:

*#06# kodini telefoningizda tering – ekranda IMEI-kodlar chiqadi.

2-usul:

Telefon sozlamalari → “Telefon haqida” bo‘limidan IMEI-kodni toping.

3-usul:

Qurilma qoplamasining orqa tarafida, qadoqlanishqutisida yoki SIM-karta slotida IMEI-kod yozilganbo‘lishi mumkin.

E’tibor bering: Agar telefoningizda ikkita SIM bo‘lsa, har bir IMEI’ni alohida tekshiring.

IMEI holatini tekshirishning 3 usuli:

1. www.uzimei.uz rasmiy veb sayti orqalitekshirish:

·  Bosh sahifadagi “IMEI tekshirish” bo‘limigao‘ting;

· IMEI-kodni kiriting → “Tekshirish” tugmasinibosing;

· Bir necha soniyadan so‘ng tizim Sizga IMEI-kodning holatini ko‘rsatadi.  

2. USSD orqali tekshirish:

• Telefoningizda *1170# kodini tering;
• Tizim menyusida tilni tanlang;
• “IMEI tekshirish” xizmatini tanlang;
• IMEI raqamni kiriting va tasdiqlang;
• Javob SMS tarzida keladi.

3. Samsung.com sayti orqali tekshirish:

• Havola ustiga bosing: www.samsung.com
• IMEI-kodni kiriting va “Tekshirish” tugmasini bosing.

Har bir xaridda IMEI’ni tekshirish — atigi 1 daqiqa, ammo yillar davomida xotirjam foydalanish imkoniyatini beradi. Samsung rasmiy mahsulotlari sifat, xavfsizlik va qonuniylikni ta’minlaydi

Batafsil ma’lumot www.samsung.com saytida.

Global hamkorlik orqali dengiz ekotizimlarini qoʻllab-quvvatlash

2025-yil yanvar oyida Galaxy Unpacked’da taqdim etilgan Coral in Focus (Diqqat markazidagi marjon) oʻtgan yili boshlangan tashabbus boʻlib, mahalliy hamjamiyatlarni, jumladan, Fiji, Indoneziya va AQSHni qirgʻoq ekotizimlarini tiklash uchun qoʻllab-quvvatlaydi.

Samsung dengiz ekotizimlarini tiklashga bagʻishlangan Seatrees notijorat tashkiloti bilan marjon riflarini tiklash boʻyicha yangi, innovatsion yechimlarni oʻrganish uchun hamkorlik qildi. Kompaniya Galaxy S24 Ultra’da Ocean Mode’ni[1] (Okean rejimi) taqdim etdi. Kameraning ushbu maxsus funksiyasi hatto suv ostida ham ranglarga boy tasvirni olish imkonini beradi. Ushbu tasvirlar marjon riflarini doimiy ravishda kuzatish va tahlil qilish uchun 3D fotogrammetriya modellarini yaratuvchi dengiz tadqiqotchilari uchun tiniq vizual maʼlumotlarni taqdim etadi. Mahalliy hamkor tashkilotlar ushbu topilmalardan marjonlarni tiklash ishlarini yoʻlga qoʻyish uchun foydalanadilar.

[1] Okean rejimi faqat ushbu loyiha uchun ishlab chiqilgan va faqat ishtirokchi hamkorlar uchun mavjud.

Okean rejimi: Galaxy kamera innovatsiyasi marjon riflarini tiklashga qanday yordam bermoqda?

Hamkorlar va ish maydonidagi mahalliy jamoalar kameraning Okean rejimidan suv osti fotosuratlariga xos boʻlgan haddan ziyod koʻk ranglarni kamaytirish uchun foydalanadilar. Bu marjon ranglarini aniqroq tasvirlash imkonini beradi. Bu funksiya optimallashtirilgan kamera zulfini tezligi va koʻp kadrli tasvirni qayta ishlash orqali harakatning xiralashishini kamaytirishga (motion blur) yordam beradi. Bundan tashqari, intervalli suratga olish funksiyasi bir seansda minglab yuqori aniqlikdagi marjon tasvirlarini olish imkonini beradi. Bu ham samaradorlikni, ham tasvir ravshanligini oshiradi.

Ushbu marjonlarni qayta tiklash tashabbuslarida riflarning sogʻligʻi va oʻsishini tahlil qilish uchun Okean rejimi bilan olingan fotosuratlar yordamida marjon riflarining 17 ta 3D modellari ishlab chiqarildi. Jami boʻlib 10,705 kvadrat metr (taxminan 25 basketbol maydonchasi oʻlchami) marjon rifi istiqomat qiladigan joyni tiklash uchun 11,046 marjon parchalari ekilgan.

2021-yilda “Sayyoramiz uchun Galaxy” ekologik gʻoyasini taqdim etganidan beri, Samsung yanada barqaror kelajak sari saʼy-harakatlarini davom ettirdi. Bunga nafaqat oʻz mahsulotlarini ishlab chiqarish jarayoniga tashlab ketilgan baliq ovlash toʻrlaridan olinadigan plastmassalarni kiritish, balki dengiz ekotizimini qayta tiklash yoʻlini kengaytirish ham kiradi. Ushbu harakatlar kompaniyaning mahsulotning butun hayoti davomida va undan keyingi davrlarda atrof-muhitga taʼsirini kamaytirishga oid qilinayotgan doimiy izlanishlar va mehnatini aks ettiradi.

Samsung Electronics va Virtus.pro kibersport klubi o‘rtasida oʻzaro hamkorlik boshlangani eʼlon qilindi[1]. Hamkorlik doirasida Samsung Electronics eng mashhur va ancha vaqtdan buyon faoliyat yuritadigan kibersport klublaridan birining yuqori standartlariga javob beradigan innovatsion yechimlar taʼminlovchisi sifatida xizmat qiladi.

Barcha Virtus.pro jamoalari zamonaviy Samsung texnologiyasi bilan jihozlanadi. Xususan, klub mashgʻulotlari uchun televizorlar, oʻyin monitorlari, taqiladigan va mobil qurilmalar, shuningdek, planshet kompyuterlar bilan taʼminlanadi. Bu esa sportchilarga mashgʻulotlar uchun qulay sharoit yaratadi. Bundan tashqari, bir yil davomida qoʻshma kampaniyalar va maxsus loyihalar rejalashtirilgan. Bular bilan klubning ijtimoiy tarmoqlardagi rasmiy akkauntlarida tanishishingiz mumkin.

“Biz Samsung kompaniyasi klubimizning rasmiy hamkori boʻlishidan xursandmiz. Bu hamkorlik biz va muxlislarimiz uchun yangi imkoniyatlar ochadi. Xususan, dunyoga mashhur brend tomonidan qoʻllab-quvvatlanishimiz bizga xalqaro maydondagi oʻrnimizni mustahkamlash va klubning butun dunyo boʻylab muxlislarini quvontirishda davom etish imkonini beradi”, — dedi Virtus.pro ijrochi direktori Nikolay Petrosyan.

“Samsung kibersportni qoʻllab-quvvatlash boʻyicha oʻzining uzoq tarixidan faxrlanadi va ushbu sohani rivojlantirishda faol ishtirok etishda davom etmoqda. Virtus.pro bilan hamkorlik esa bu yoʻlda muhim qadamdir. Biz mashgʻulotlar uchun qulay va samarali sharoitlar yaratadigan va professional sportchilarga yuqori natijalarga erishishga yordam beradigan zamonaviy texnologik yechimlarni taklif qilamiz. Virtus.pro bilan birgalikda biz MDH davlatlarida kibersportni rivojlantirish, yosh isteʼdodlarni qoʻllab-quvvatlash va ularni sohada muvaffaqiyatga erishishiga yordam berishga intilamiz. Ishonchimiz komil, bu hamkorlik videooʻyinlar madaniyatini mustahkamlashga va professional kibersportning rivojlanishiga yordam beradi”, — deya sharhladi Samsung Electronics MDH davlatlari bosh qarorgohi prezidenti Li Chungsun.

Virtus.pro haqida:

Virtus.pro 2003-yil 1-noyabrda tashkil etilgan dunyodagi eng mashhur va faoliyatini birinchilardan bo‘lib boshlagan kibersport klublaridan hisoblanadi. Klubdagi jamoa aʼzolari “Dota 2”, “Counter-Strike: Global Offensive” va boshqa oʻyinlar boʻyicha xalqaro yirik turnirlarning koʻp marotaba chempionlari hisoblanadi. Virtus.pro toʻplangan mukofot puli boʻyicha dunyoning eng yaxshi 10 taligiga kiradi. Bu 20,5 million dollarni tashkil etadi. Ayni paytda klub “Dota 2”, “CS2”, “Rainbow 6 Siege”, “PUBG”, “PUBG MOBILE”, “Warface”, “Escape from Tarkov: Arena”, “Standoff 2”, “World of Tanks”, “EA Sports FC”, “Rennsport”, “Apex Legends”, “Honor of Kings”, “Overwatch 2”, “CoD: Warzone” boʻyicha jamoalarga hamda “CS2” va “Standoff 2 boʻyicha VP.Prodigy yosh jamoasiga ega.

Samsung Electronics Co., Ltd haqida

Samsung Electronics Co., Ltd. televizorlar, smartfonlar, taqiladigan qurilmalar, planshetlar, kameralar, maishiy texnika, tibbiy uskunalar, tarmoq tizimlari, yarimoʻtkazgichlar va LED yechimlarini ishlab chiquvchi eng yirik kompaniyalardan biridir. Kompaniya ofislari dunyoning 76 ta mamlakatida joylashgan. Soʻnggi yangiliklar uchun Samsung Newsroom saytiga tashrif buyuring.

[1] Hamkorlik mintaqaning bir qator mamlakatlarida amal qiladi, shu jumladan Qozogʻiston va Oʻzbekistonda.

Tibbiyot sohasida 25 yildan ortiq tajribam va hozirda Samsung Electronics kompaniyasining Digital Health jamoasi rahbari sifatida men yaratilayotgan innovatsiyalar shunchaki navbatdagi bir innovatsiya boʻlibgina qolmay, ular sogʻliqni saqlash sohasida bizni qanday qilib amalda taraqqiyotga olib kelishi mumkinligi haqida koʻp oʻylayman. Mana nega sunʼiy intellektga chuqur qiziqish bilan qarayman, chunki u murakkablikni soddalashtirish orqali jamiyatning koʻplab sogʻliqqa oid muammolarini hal qilishning yangi usullarini koʻrsatadi.

Sogʻliqni saqlashni qayta koʻrib chiqish boʻyicha davom etayotgan ishimizda Samsung Energy Score kabi yechimlarni ishlab chiqishda ilgʻor sunʼiy intellekt algoritmlari va chuqur texnik tajribadan foydalanmoqda. Bu funksiya uyqu, yurak salomatligi va jismoniy faollik kabi koʻplab salomatlik koʻrsatkichlari orqali jismoniy va aqliy energiya darajasini o‘lchaydi. Bizning keyingi rejamiz sunʼiy intellekt yordamida foydalanuvchilarning salomatlik holatining yaxlit koʻrinishini taʼminlash uchun ovqatlanish, ruhiy salomatlik va qoʻshimcha ravishda mobil telefondan foydalanish tartibi kabi kengroq koʻrsatkichlarni ham kiritishdir.

AI shablon va xatti-harakatlarni tahlil qilish, noodatiy holatlarni aniqlash va hatto ehtimoliy sogʻliq muammolarini oldindan aniqlash orqali kasallikning erta oldini olish uchun katta yordam beradi. Uzoq yillik sensor innovatsiyalarimizni AI sohasida yetakchiligimiz bilan birlashtirib, biz uyqu apnoesidan tashqari boshqa kasalliklarning ham oldini olish va kardio-metabolik kasalliklargacha kengaytirish boʻyicha imkoniyatlarimizni oshirishni maqsad qilganmiz. Xususan, qon glyukozasi biz uchun katta eʼtibor sohasi boʻlib, Samsung qandli diabetning dastlabki belgilarini aniqlovchi sensor algoritmi hamda qon glyukozasini ukolsiz monitoring qilish texnologiyasi hamda doimiy glyukoza monitoringi bilan integratsiyalashgan parhez murabbiyini ishlab chiqish ustida ishlamoqda.

Bizning maqsadimiz sogʻliqni saqlashda proaktiv yondashuvni qoʻllab-quvvatlash, odamlar, oilalar va umuman butun jamiyat uchun sogʻliqni saqlashdagi ogʻir yukni kamaytirishdir. Men AI texnologiyasi raqamli sogʻliqni saqlash sanoatini inqilob qilishiga va barcha uchun sogʻlom turmush tarzini soddalashtirishiga ishonaman. Global texnologiya yetakchisi sifatida texnologiya innovatsiyalarimiz va oʻsib borayotgan hamkorlik ekotizimimiz bilan buni haqiqatga aylantirish uchun Samsung barcha imkoniyatlarga ega.

Samsung korporativ faoliyatning tashqi muhitga taʼsirini hamda kompaniyaga tashqi omillar taʼsirini hisobga olgan holda barqaror boshqaruvga qaratilgan moddiy baholash natijalarini ommaga ochiq qilishda davom etmoqda. Ushbu hisobotda Samsung’ning atrof-muhit, jamiyat va boshqaruvga oid strategiyalari va asosiy yutuqlari keltirilgan.

[Atrof-muhit]

Iqlim oʻzgarishi va energiya │ Resurslarning qayta ishlanishi va chiqindilar │ Suv

2022-yil sentyabr oyida Samsung oʻzining “Yangi atrof-muhit strategiyasi”ni eʼlon qildi. Unda kompaniyaning 2050-yilga kelib 1- va 2-qamrovdagi emissiyalarni bartaraf etish, qayta ishlash iqtisodiyotiga hissa qoʻshish va texnologik innovatsiyalar orqali atrof-muhit muammolarini hal qilish uchun resurslarning qayta ishlanishini maksimal darajada oshirish maqsadlari koʻzda tutilgan.

Samsung’ning Device eXperience (DX) boʻlimi 2030-yilga kelib 1- va 2-qamrovdagi emissiyalarni bartaraf etishni maqsad qilgan. DX boʻlimi 2023-yil oxiriga kelib 93,4% qayta tiklanadigan energiyani konvertatsiya qilishga erishdi. Bu AQSH, Yevropa, Koreya, Xitoy, Braziliya, Hindiston va Vyetnamdagi yirik global ishlab chiqarish obyektlarida ishlatiladigan 100% qayta tiklanadigan energiyani oʻz ichiga oladi.

Kompaniyaning “Resurslarni qayta ishlash maqsadlar xaritasi”ga muvofiq, oʻtgan yili sotib olingan plastik qismlarning 25 foiziga qayta ishlangan qatron kiritilgan. Bundan tashqari, DX boʻlimi 2023-yil oxiriga kelib oʻzining elektron chiqindilarni (e-waste) qayta tiklash va qayta ishlash dasturlarini 70 dan ortiq mamlakatlarga kengaytirdi.

Samsung’ning Device Solutions (DS) boʻlimi 2050-yilga borib 1 va 2-qamrovdagi emissiya miqdorini nolga olib kelishga yordam berish uchun 2023-yilda yangi texnologik gazni tozalash inshootlarini (regenerativ katalitik tizimlar, RCS) oʻrnatdi va suyuq tabiiy gaz (LNG) chiqindisi issiqligini qayta tiklash tizimlaridan keng foydalana boshladi. Turli xil tegishli tadbirlar natijasida DS boʻlimining 1 va 2-qamrovdagi emissiyasi 2023-yilda 2022-yilga nisbatan 11,6% ga kamaydi. Bundan tashqari, DS boʻlimi Koreyada 60 megavattlik quyosh elektr stansiyasidan qayta tiklanadigan energiyani yetkazib berish uchun energiya sotib olish shartnomalarini (PPA) imzolash orqali qayta tiklanadigan energiyadan keng foydalanishni yoʻlga qoʻydi.

Suv xoʻjaligi tizimlarining mukammalligini isbotlagan holda, Samsung Koreyadagi Giheung, Hwaseong va Pyeongtaek obyektlari va Xitoyning Xi’an zavodi uchun “Suv xoʻjaligi ittifoqi”dan (AWS) eng yuqori darajali Platinum sertifikatini oldi. Bundan tashqari, kompaniya 2024-yil mart holatiga koʻra oʻzining yana toʻqqizta mahsulotiga Koreya Atrof-muhit vazirligidan sertifikat oldi. Ushbu sertifikatlar Samsung chiqindilarni kamaytirish uchun materiallardan samarali foydalanayotganini koʻrsatadi.

[Jamiyat va boshqaruv]

Xodimlar │ Taʼminot zanjiri │ Axborot xavfsizligi va muhofazasi │ Mahsulot sifati va xavfsizligi │ Biznes yuritish

Samsung rahbarlar va xodimlar uchun kuchli korporativ madaniyatini yaratishga intilib, inson huquqlarini himoya qilishda va ish muhitini yaxshilashda davom etadi. Kompaniyaning Global inson huquqlari tamoyillariga muvofiq kelib tushgan shikoyatlarning adolatli va izchil koʻrib chiqilishini taʼminlash uchun 2024-yil aprel oyida Global shikoyatlarni hal qilish siyosati kuchga kirdi. Ishchi kuchida ayollar sonini koʻpaytirish maqsadida Samsung 2030-yilga kelib 2022-yilga nisbatan ayol rahbarlarning sonini ikki barobardan ortiq koʻpaytirishni rejalashtirmoqda.

Nogiron xodimlarni qoʻllab-quvvatlashni davom ettirgan holda, Samsung 2023-yilda rivojlanishida nuqsoni boʻlgan odamlar uchun barqaror ish oʻrinlarini yaratishda “Stellar Forest” deb nomlangan shu’ba standart ish joyini ochdi. Samsung xodimlariga non mahsulotlarini yetkazib beruvchi qandolat mahsulotlari ishlab chiqaruvchisidan boshlab, Stellar Forest nogironlar uchun koʻproq ish oʻrinlarini yaratish maqsadida qoʻshimcha tarmoqlarni diversifikatsiya qilishni rejalashtirmoqda.

Samsung bosqichma-bosqich ikkinchi darajali va bilvosita ishlab chiqaruvchi taʼminotchilarni oʻz ichiga olgan holda ta’minot zanjirini boshqarish doirasini kengaytirmoqda. 2023-yilda ikkinchi darajali taʼminotchilarni tanlash uchun uchinchi tomon auditlari joriy etildi. Bu taʼminotchining xulq-atvor kodeksini yanada kengaytirdi va ishlab chiqaruvchi taʼminotchilardan tortib, Samsung’ga mahsulot va xizmatlarni taqdim etuvchi barcha taʼminotchilarga amal qila boshladi.

Bundan tashqari, kompaniya oʻzining Samsung Knox xavfsizlik platformasini nafaqat smartfonlar, balki aqlli televizorlar va aqlli uy jihozlarigacha kengaytirdi. Galaxy mobil qurilmalarining muntazam xavfsizlik yangilanishlarini taʼminlash uchun Samsung 2024-yil yanvar oyidan boshlab qoʻllab-quvvatlash muddatini yetti yilgacha uzaytirdi.

Samsung shaxsiy maʼlumotlarni himoyalash, mahsulot sifati, mijozlar xavfsizligi va roziligi hamda kompaniyada axloqiy menejmentni birinchi oʻringa qoʻyadi.

Samsung tegishli maʼlumotlarni Barqarorlik veb-sayti orqali ochiqlik bilan va samarali tarzda ommaga ochiq qildi. Bundan tashqari, kompaniya forumlar, soʻrovlar va tashriflar orqali manfaatdor tomonlar bilan faol muloqot qilmoqda.

Nomoliyaviy maʼlumotlarni tarqatish va boshqa global tendensiyalarni oshkor qilish ortidan bu yilgi hisobotda Samsung oʻzining strategiyalari, ijro faoliyati va asosiy barqaror boshqaruv masalalarining joriy holati haqida ishonchli maʼlumotni taqdim etdi.

2024-yilgi Samsung Electronics barqarorlik hisobotining toʻliq matnini bu yerdan yuklab olishingiz mumkin.

Quyidagi infografika orqali Samsung kompaniyasining soʻnggi 12 yil davomida foydalanish qulayligini yaxshilash borasidagi saʼy-harakatlarini koʻrib chiqing.

Samsung sayyoramiz va uning odamlari uchun koʻproq imkoniyatlar yaratish uchun texnologiya kuchidan foydalanish yoʻlida. Xalqaro Yer kunini nishonlashda Samsung o‘z vazifasini qanchalar uddalayotganini va yanada barqaror kelajak yaratish haqida oʻylamoqchi. Galaxy mobil qurilmalarida qayta ishlangan materiallardan foydalanishni ko‘paytirish yoki Birlashgan Millatlar Tashkilotining Taraqqiyot Dasturi (UNDP) bilan hamkorlik qilish haqida fikr yuritish shular jumlasidan.

Oʻzgarishlar uchun global platformani yaratish

Sayyoramizning kelajagini saqlab qolish bir kishining zimmasiga yuklatiladigan ish emas. Biz BMTTD bilan hamkorlikda iqlim oʻzgarishiga qarshi kurashda jamiyat kelajagimiz uchun mazmunli yutuqlarga erishayotgan yoshlarni qoʻllab-quvvatladik. Generation17[1] orqali Samsung oʻz platformalarini global miqyosga koʻtaradi va yoshlarni murabbiylik, tengdoshlari va tarmoq orqali ilhomlantiradi.

Bugun biz Generation17 ajoyib yosh yetakchilari va ularning ekologik muammolarni hal qilish borasidagi ishlariga eʼtibor qaratmoqchimiz.

▲ Maksimo Mazzokko Goals House tadbirida iqlim faolligida yoshlarning roli haqida gapiradi.

Argentinalik yetakchi iqlim faoli Maksimo Mazzokko taʼlim va ekologik tiklanish dasturlariga ixtisoslashgan Eco House[2] nodavlat tashkiloti asoschisidir. Yaqinda u 40 dan ortiq ijtimoiy-ekologik qonunlarni maʼqullash uchun soʻzga chiqdi va 150 milliondan ortiq foydalanuvchini qamrab olgan atrof-muhit uchun raqamli aloqa kampaniyalarini tashkil qildi. 2023-yilda Eco House boshqa tashkilotlar bilan 60,000 dan ortiq davlat ishchilarini davlat sektori uchun atrof-muhitni muhofaza qilishga oid qonunlarini oʻqitish uchun seminarlar oʻtkazdi. Ushbu treninglar “Davlat xodimlari uchun majburiy ekologik taʼlim toʻgʻrisida”gi qonun[3] — Eco House tomonidan ilgari surilgan qonun hujjatlarining natijasi boʻldi. Shuningdek, tashkilot ijtimoiy-ekologik maʼlumotlarni yoritish va tarqatish uchun Eco News‘ni ishga tushirdi.

▲ Tamara Gondo oʻzining barqarorlikka yoʻnaltirilgan tashkiloti — Liberty Society’da ish yuritadi.

Indoneziyalik yosh sardor Tamara Gondo Liberty Society ijtimoiy korxonasini tashkil etdi, u eʼtibordan chetda qolgan indoneziyalik ayollarga xomashyolarni qayta ishlash va ularni barqaror mahsulotlarga aylantirish boʻyicha imkoniyatlar beradi va oʻrgatadi. Xomashyolarning yaroqlik muddatini uzaytirish va qayta ishlash orqali chiqindilar va karbonat angidrid emissiyasini kamaytiradi. 2023-yilning oʻzidayoq Liberty Society 40,000 dan ortiq individual mahsulotlar yaratish uchun 2,5 tonna chiqindilarni qayta ishladi, toʻrtta bandlikka koʻmaklashish markazlarini tashkil etdi va marjinallashgan jamoatlardagi 225 nafar ayolning malakasini oshirdi.[4]

▲ AY Young oʻz studiyasida musiqa yaratadi.

AQSHlik ijrochi AY Young uzilmas elektr energiyasining ahamiyati haqida xabardorlikni oshirish va muhtoj jamoalarni quyosh batareyalari bilan taʼminlash uchun Battery Tour’ni[5] yaratdi. Oʻz gastrollarini boshlaganidan beri AY Puerto Riko, Gaiti, Gonduras va Afrikaning oltita davlatiga tibbiy jihozlar, ventilyator va chiroqlarni tok bilan taʼminlaydigan 100 dan ortiq quyosh batareyalarini sovgʻa qildi.[6] U hozirda 17 global maqsad tomon harakat qilayotgan tashkilotlarni qoʻllab-quvvatlash uchun Project 17 deb nomlangan musiqiy albom ustida ish olib boryapti.

Kelajakka nazar tashlash

Biz bu yutuqlar bilan faxrlansak-da, Samsung bu ishlardan toʻxtab qolgani yoʻq va doimiy ravishda rivojlanib bormoqda. Biz hamfikr tashkilotlar bilan kuchlarni birlashtirishni davom ettiramiz va sayyoramizga yanada ijobiy taʼsir koʻrsatadigan barqaror innovatsiyalarni yaratish boʻyicha saʼy-harakatlarimizni tezlashtiramiz.

Samsung’ning barqarorlik borasidagi saʼy-harakatlari haqida koʻproq maʼlumot olish uchun bizning “Barqarorlik” veb-saytimizga tashrif buyuring.

^{—————————————-—————————————-—————————————————-—————————————-—————————————-————————————–}

[1]     2020-yildan boshlab Generation17 Samsung va Birlashgan Millatlar Tashkiloti Taraqqiyot Dasturi (BMTTD) oʻrtasidagi hamkorlik hisoblanadi va u butun dunyo boʻylab 17 ta global naqsad sari aniq-ravshan chora-tadbirlar koʻrayotgan yoshlarning imkoniyatlarini kengaytirish uchun mobil texnologiyalardan foydalanadi.

[2]     Eco House butun dunyo boʻylab 40 ta ekologik dasturlarni amalga oshiradi va har yili Argentinada 100,000 dan ortiq yoshlarni ekologik mavzularga oʻqitadi.

[3]     Eco House taʼsiri hisoboti: barqarorlik uchun 7 yillik harakatlar (2016-2023)

[4]     Liberty Society 2023-yilgi taʼsiri boʻyicha yillik hisoboti

[5]     Shoular 100% qayta tiklanuvchan energiyada ishlaydi.

[6]     Battery Tour

Samsung sayyoramiz va uning odamlari uchun koʻproq imkoniyatlar yaratish uchun texnologiya kuchidan foydalanish yoʻlida. Xalqaro Yer kunini nishonlashda Samsung o‘z vazifasini qanchalar uddalayotganini va yanada barqaror kelajak yaratish haqida oʻylamoqchi. Galaxy mobil qurilmalarida qayta ishlangan materiallardan foydalanishni ko‘paytirish yoki Birlashgan Millatlar Tashkilotining Taraqqiyot Dasturi (UNDP) bilan hamkorlik qilish haqida fikr yuritish shular jumlasidan.

Innovatsiyalar va atrof-muhit oʻrtasidagi muvozanatni topish

Samsung Galaxy texnologiyasi qanday ishlab chiqilishi va qadoqlanishi kerakligini qayta koʻrib chiqmoqda. Sayyoramizning tabiiy resurslari haqida gap ketganda, biz kamroq olib, koʻproq berishni oʻylaymiz. Soʻnggi oʻn yil davomida biz qayta ishlangan materiallardan tayyorlangan yuqori samarali komponentlarni yaratish yoʻllarini oʻylab topdik.

2022-yilda biz katta yutuqqa erishdik va Galaxy S22 modellarini ishlab chiqishda tashlandiq baliq ovlash to‘rlaridan (arvoh toʻrlar ham deb ataladi) foydalandik. Qayta ishlangan materiallarni endi barcha Galaxy mobil mahsulotlarida, jumladan, smartfonlar, planshetlar, shaxsiy kompyuterlar va taqiladigan qurilmalarda kuzatish mumkin.[1] Shu bilan birga, biz turli xil plastmassalardan tortib, metall va shishalargacha bo‘lgan qayta ishlangan materiallardan foydalanishni kengaytirdik.

▲ Galaxy S24 modellari odamlar va sayyoramiz uchun kamroq olib, koʻproq berish uchun qanday ishlab chiqilishi va qadoqlanishini namoyish qilish uchun dizaynlashtirilgan.

Galaxy S24 modellari[2] bu saʼy-harakatlarni bir daraja yuqoriga olib chiqadi. Har qaysi Galaxy qurilmasida ilk marta biz qayta ishlangan kobalt, noyob tuproq elementlari va poʻlatdan iborat asosiy qurilma komponentlarini ishlab chiqdik. Galaxy S24 Ultra akkumulyatorida[3] kamida 50% qayta ishlangan kobalt, karnaylarda esa 100% qayta ishlangan nodir yer elementlari[4] va kamida 40% qayta ishlangan po‘latdan[5] foydalanilgan.

Samsung qayta ishlangan materiallarga asoslangan innovatsiyalarimiz orqali plastik chiqindilari kabi dolzarb muammoni hal qilishda uzoq tarixga ega va qayta ishlangan plastmassalar Galaxy S24 modellarida muhim rol oʻynashda davom etmoqda. Galaxy S24 modellari tashlandiq baliq ovlash toʻrlari, suv bochkalari va PET butilkalaridan olingan qayta ishlangan plastmassalardan unumli foydalanishimizni taʼminlaydi.

Okeanga oid qayta ishlangan plastik[6] materiallarimiz okeanlar yaqinida tashlab ketilgan baliq ovlash toʻrlarini yigʻadigan global tashkilotlar bilan hamkorlikda yaratilgan. Toʻrlar yuqori samarali qayta ishlangan poliamid sharchalariga optimallashtirilishidan oldin uning xossalari ajratib tozalanadi va ekstrudirovka qilinadi. Xuddi shu tarzda qayta ishlangan polikarbonat va PET materiallari boshqa qoʻshimcha moddalar bilan maydalangan, filtrlangan va eritilgan suv bochkalari va PET butilkalaridan olinadi. Bu jarayon bizga ushbu nozik resurslarni Samsung’ning zamonaviy dizayni va yuqori sifat standartlariga javob beradigan yuqori samarali va optimallashtirilgan materiallarga aylantirishga yordam beradi. Shuningdek, biz poyabzal ishlab chiqarishda qoʻllaniladigan tashlandiq termoplastik poliuretanni (TPU) qayta ishlash uchun boshqa tashkilotlar bilan hamkorlik qildik.

Bu moʻrt plastik chiqindilarni Galaxy qurilmalarida qoʻllaniladigan yuqori samarali materialga aylantirish boʻyicha hamkorlarimiz bilan olib borilayotgan davomiy saʼy-harakatlarimizning yakuniy natijasidir. Galaxy S24 modellari bilan 2024-yil oxirigacha bizning maqsadimiz 100 metrik tonnaga yaqin qayta ishlangan plastmassadan[7] unumli foydalanishga yordam berishdir, bu 10 millionta bo‘sh plastik butilkaga teng.[8]

Qayta ishlangan metall haqida gap ketganda, Galaxy S24 modellari ishlab chiqarish jarayonida hosil boʻlgan metallolomdan olingan qayta ishlangan alyuminiyni[9] nazarda tutadi. Alyuminiy qoldiqlari qayta eritiladi, notoza moddalardan filtrlanadi va Samsung mahsulotini ishlab chiqish jarayonida komponentlar tayyorlash uchun qoʻllaniladi. Galaxy S24 modellari bilan 2024-yil oxirigacha bizning maqsadimiz 110 metrik tonna qayta ishlangan alyuminiydan unumli foydalanishdir, bu 9 millionta metall qadoqli ichimlik qutisiga teng.[10]

Bundan tashqari, Galaxy S24 modellari 100% qayta ishlangan qogʻoz materialidan tayyorlangan qadoqlash qutisiga ega. 2024-yil oxirigacha biz Galaxy S24 modellari 2760 metrik tonna qayta ishlangan qogʻozdan unumli foydalanishiga umid qilamiz, bu 552 million dona A4 qogʻoziga teng.[11] Agar ustma-ust qoʻyib chiqilsa, bu taxminan dunyodagi eng baland bino — 71 Burj Xalifalar[12] bilan bir balandlikka tenglashadi.

Galaxy S24 modellari eng kichik komponentlardan tortib, eng yangi, eng premium funksiyalargacha ishlab chiqishda Samsung’ning barqarorlikka erishish yoʻlidagi muhim yutugʻimizni ifodalaydi va biz kelgusi yillarda ham bu innovatsiyalarni kengaytirishga sodiq qolamiz. Bu ish bizga koʻproq qayta ishlanadigan dizaynlarga oʻtishga va yanada barqaror kelajakni qoʻllab-quvvatlaydigan texnologiyani yaratishga yordam beradi.

Samsung’ning barqarorlik borasidagi saʼy-harakatlari haqida koʻproq maʼlumot olish uchun bizning “Barqarorlik” veb-saytimizga tashrif buyuring.

[1]     Qayta ishlangan materiallarni 2022-yilda va undan keyin chiqarilgan barcha Galaxy qurilmalarida kuzatish mumkin.

[2]     Galaxy S24 modellarida turli xil qayta ishlangan materiallar, jumladan, isteʼmoldan oldin yoki keyin qayta ishlangan plastmassalar, jumladan, poliamid (PA), polikarbonat (PC), polietilen tereftalat (PET) va termoplastik poliuretan (TPU) ham ichki, ham tashqi komponentlar uchun qoʻllanilgan. Shuningdek, u isteʼmoldan oldin qayta ishlangan alyuminiy va shishadan hamda isteʼmoldan oldin va keyin qayta ishlangan kobalt, noyob tuproq elementlari (neodim) va poʻlatdan tayyorlangan komponentlarni oʻz ichiga oladi. Galaxy S24 modellaridagi qayta ishlangan materiallar haqida koʻproq maʼlumot olish uchun “Barqarorlik” veb-saytidagi Samsung mahsulotining atrof-muhitga oid hisobotlarini koʻrib chiqing.

[3]     Galaxy S24 Ultra va Galaxy S24+ akkumulyatorlari kamida 50% isteʼmoldan oldin va keyin qayta ishlangan kobaltni oʻz ichiga oladi. Galaxy S24 akkumulyatori kamida 10% isteʼmoldan oldin va keyin qayta ishlangan kobaltni oʻz ichiga oladi. Mazkur oʻlchovlar komponent ogʻirligiga asoslangan.

[4]     Galaxy S24 modellarining karnaylari 100% isteʼmoldan oldin va keyin qayta ishlangan neodimni oʻz ichiga oladi. Mazkur oʻlchovlar komponent ogʻirligiga asoslangan.

[5]     Galaxy S24 modellarining karnaylari kamida 40% isteʼmoldan oldin va keyin qayta ishlangan poʻlatni oʻz ichiga oladi. Mazkur oʻlchovlar komponent ogʻirligiga asoslangan.

[6]     Okeanga oid plastmassa — bu jamoat joylarida qirgʻoqlardan 50 km masofada joylashgan barcha oʻlchamdagi (mikroplastmassalar, mezoplastmassalar va makroplastmassalar) tashlab ketilgan plastik chiqindilar.

[7]     Ushbu maqolada qayta ishlangan materiallarning hisoblangan tonnalari ichki hisob-kitoblarga asoslanadi.

[8]     500 ml PET butilkalarning ogʻirligi 10 grammni tashkil qiladi, bu bozor boʻylab ishlab chiqariladigan PET butilkalarining oʻrtacha ogʻirligidir.

[9]     Galaxy S24 modellarining ichki va tashqi alyuminiy komponentlarida kamida 28% qayta ishlangan alyuminiy qoʻllaniladi. Galaxy S24 modellaridagi qayta ishlangan materiallar haqida koʻproq maʼlumot olish uchun “Barqarorlik” veb-saytidagi Samsung mahsulotining atrof-muhitga oid hisobotlarini koʻrib chiqing.

[10]   330 ml metall qadoqli ichimlik idishining oʻrtacha ogʻirligi Metal Packaging Europe maqolasidan kelib chiqib hisoblanadi.

[11]   A4 qogʻozning oʻrtacha ogʻirligi ISO 536:2019 asosida hisoblanadi.

[12]   828 metrga baland boʻlgan Burj Xalifa dunyodagi eng baland bino sifatida rekord oʻrnatgan.