Samsung Electronics va Qualcomm Technologies, Inc. bugun FDD boʻyicha birinchilardan boʻlib Frequency Division Duplex (FDD) va Time Division Duplex (TDD) spektr diapazonlari uchun 1024 Quadrature Amplitude Modulation (QAM) sinovlarini muvaffaqiyatli yakunlaganini eʼlon qilishdi. Ushbu innovatsion bosqich va hamkorlik 5G taʼsirini kuchaytirish va uning tarmoqlarining spektral samaradorligini oshirish orqali ikki kompaniyaning operatorlarni qoʻllab-quvvatlashga sodiqligini koʻrsatadi.

QAM maʼlumot yoki fayllarni yanada samaraliroq uzatuvchi ilgʻor modulyatsiya texnologiyasidir. Bu har bir uzatishda qancha bit maʼlumotlar yetkazib berilishi mumkinligiga toʻgʻridan toʻgʻri taʼsir koʻrsatadi. 256 QAM tijoriy tarmoqlarida keng qoʻllanilsa-da, Samsung va Qualcomm Technologies yaqinda 3GPP Release 17 spetsifikatsiyalarida belgilangan eng soʻnggi 1024 QAM’ga erishishdilar. Ushbu takomillashtirilgan QAM texnologiyasi operatorlarga spektr resurslaridan maksimal darajada foydalanishga yordam beradi va mobil foydalanuvchilarga yuqori yuklash tezligini talab qiluvchi jonli efir va multipleyer onlayn video oʻyinlar kabi turli mobil xizmatlardan muammosiz foydalanish imkonini beradi.

▲ Samsung ilmiy-tadqiqot laboratoriyasida oʻtkazilgan 1024 QAM testi internetdan yuklab olish tezligini 20% dan oshirganini koʻrsatdi.

Sinov Samsung kompaniyasining Koreyadagi ilmiy-tadqiqot laboratoriyasida oʻtkazildi. Bunda Samsung kompaniyasining 2.1 GHz (FDD) va 3.5 GHz (TDD) diapazonlarni qoʻllab-quvvatlaydigan 5G vRAN dasturiy taʼminoti va radio qurilmalari hamda Qualcomm Technologies’ning soʻnggi Snapdragon® 5G Modem-RF System bilan jihozlangan mobil form-faktorli sinov qurilmasidan foydalanildi.

Bu juda muhim yutuq boʻldi, chunki bu sanoatda birinchi marta FDD diapazoni uchun 1024 QAM’ga erishildi. 20MHz tarmoq kengligidan foydalangan holda kompaniyalar 485 Mbit/s ga yetib, nazariy jihatdan bu texnologiya erisha oladigan maksimal tezlikka chiqdilar. Oʻz oʻrnida bu yuklab olish tezligi joriy 256 QAM bilan solishtirganda 20% ga oshganini bildiradi.

Bundan tashqari, Samsung anʼanaviy RAN’da 1024 QAM’ning davom etayotgan sinovlarini yakunlashni rejalashtirmoqda va texnologiya shu yil ichida savdoga chiqarilishi kutilmoqda.

“Biz spektral samaradorlikni oshirish keyingi avlod yechimlarini ishlab chiqishda muhim ahamiyatga ega deb hisoblaymiz. Bu yutuq Samsung kompaniyasining mobil texnologiyalar chegaralarini yorib oʻtish yoʻlidagi izchil majburiyatini oʻtayotganini alohida taʼkidlaydi, — dedi Samsung Electronics kompaniyasining mahsulot strategiyasi, tarmoqlar biznesi boʻyicha prezident oʻrinbosari Ji-Yun Seol, — Qualcomm Technologies bilan hamkorlikdagi saʼy-harakatlarimiz bizga yana bir bor ajoyib natijalarni olib keldi va biz mobil tarmoq innovatsiyasini rivojlantirish uchun oʻzaro tajriba-koʻnikmalarimizdan unumli foydalanishni intiqlik bilan kutmoqdamiz”.

“Biz Samsung bilan ushbu sohadagi yangi yutuqda hamkorlik qilganimizdan faxrlanamiz. Ushbu yutuq operatorlarning 5G ga oʻtishlarini yengillashtirish hamda spektral samaradorlikni oshirish borasidagi saʼy-harakatlarni qoʻllab-quvvatlashga doimo sodiqligimizni koʻrsatadi. Ilgʻor QAM texnologiyasidan foydalangan holda biz operatorlarga spektr resurslarini maksimal darajada oshirish va 5G foydalanuvchilariga uzluksiz va yuqori tezlikdagi mobil xizmatlarni taqdim etish imkoniyatini beramiz”, — dedi Qualcomm Technologies, Inc. mahsulot menejmenti, prezident oʻrinbosari Sunil Patil.

Oʻtgan yilning oxirida Samsung va Qualcomm Technologies FDD spektri uchun dunyodagi ilk parallel 5G 2x yuklash va 4x yuklab olish texnologiya aggregatsiyasiga erishishdi. Shuningdek, kompaniyalar mobil 5G texnologiyasi chegaralarini kengaytirish yoʻlida hamkorlikni toʻxtovsiz davom ettirmoqda.

Samsung chipsetlar, radioqurilmalar va modem chiplarni oʻz ichiga olgan 5G raqamli shifrlash yechimlarini muvaffaqiyatli yetkazib berishda kashshoflik qilib kelmoqda. Davom etayotgan tadqiqot va ishlanmalar orqali Samsung oʻzining bozordagi yetakchi mahsulotlar kategoriyasi — vRAN 3.0, Open RAN, modem chipsetlar, xususiy tarmoq yechimlari va sunʼiy intellekt yordamida boshqariladigan avtomatlashtirish vositalari bilan sanoatni 5G tarmoqlarini rivojlantirishga undaydi. Kompaniya hozirda uyali aloqa operatorlariga butun dunyo boʻylab yuz millionlab foydalanuvchilarga ulanish imkonini beruvchi innovatsion tarmoq yechimlarini taqdim etib kelmoqda.

Samsung Electronics bugun Galaxy A55 5G va Galaxy A35 5G smartfonlarini taqdim etdi. Ular Samsung kompaniyasining eng sara mobil innovatsiyalarini hamma uchun ochiq qilishga sodiqligini yorqin namoyish qiladi. Ikkala qurilma ham Knox Vault’ning keng qamrovli xavfsizlik funksiyalari, shuningdek, Galaxy flagman kamerasi innovatsiyalaridan ilhomlangan yangi fotografiya imkoniyatlari va Vision Booster yordamida foydalanuvchilarning atrofiga moslashadigan ajoyib displey bilan birga keladi.

“Galaxy A modellari bilan biz eng soʻnggi texnologiyalarimizni yanada kengroq auditoriyaga taqdim etmoqdamiz. Biz eng sara texnologiyalarimizdan hamma foydalanishini istaymiz”, dedi Samsung Electronics kompaniyasi prezidenti va Mobile eXperience Business rahbari TM Roh. “Biz bu yil Galaxy A modellari bilan foydalanuvchilarga yanada keng imkoniyatlar taqdim etishimizdan juda xursandmiz. Ayniqsa, Samsung Knox Vault’ni ushbu modellarda birinchi bor ishga tushirmoqchimiz. Biz Galaxy A modellari foydalanuvchilariga ajoyib mobillikdan xavfsiz va ishonchli holda bahramand boʻlish imkonini berishimizdan faxrlanamiz.

Serqirra fotografiya va ajoyib displeyga ega oʻyin-kulgi va ijod markazi

Takomillashgan Nightography bilan Galaxy A55 5G yorugʻlik past boʻlgan sharoitda ham tiniq va jonli suratlar olish imkoniga ega boʻlasiz. Endi tunda olingan har bir surat epik darajaga chiqishi mumkin. Galaxy A55 5G tasvir signallarini qayta ishlovchi (ISP) ilg‘or AI funksiyasi Galaxy A modellarida oldin hech kuzatilmagan ajoyib tasvirlarni past yorug‘likda ham ishlab chiqarish qobiliyatiga ega. Tasvirda fon manzarasigina ajoyib koʻrinishga ega boʻlib qolmaydi. Tungi portret rejimi va 12 bitli HDR video har bir rasmda odamlarning ham yorqin tasvirini saqlab qoladi, shunda doʻstlar va oila aʼzolari bilan xotiralarni suratga olish uchun mukammal yorugʻlik muhitini izlab oʻtirish shart boʻlmay qoladi.

Galaxy A55 5G ham, Galaxy A35 5G ham Samsung Galaxy’ning hamma biladigan ajoyib fotografiya imkoniyatlarini taqdim etadi. Jumladan optik tasvir barqarorligi (OIS) va raqamli video tasvir barqarorligi (VDIS) kabi funksiyalari yo‘lda suratga olish paytida ham fotosuratlar va videolarni tiniq va barqaror holatda saqlaydi.

Ushbu yangi chiqqan qurilmalar Galaxy A modellarining qiziqarli va immersiv mobillikni hamma uchun ochiq qilish anʼanasini davom ettiradi. Foydalanuvchilar FHD oʻlchamida hayratlanarli aniqlikni koʻrsatuvchi Super AMOLED displeylari bilan soʻnggi kinolarni tomosha qilish yoki ijtimoiy tarmoqlardagi videolarni koʻrishdan toʻliq zavqlana olish imkoniga ega boʻlishadilar. Shuningdek, Vision Booster tufayli Galaxy A55 5G va Galaxy A35 5G ning 6,6 [1] dyuymli ekrani har xil yorug‘lik sharoitlariga qaramasdan tiniq va yorqin displeyni taʼminlashi bilan foydalanuvchilarning ishonchini oqlaydi.

Samsung’ning eng kuchli xavfsizlik innovatsiyalarini hammaga ochiq qilish orqali yanada koʻp mijozlarni aqlli ravishda uzoq muddat muhofaza qilish

Bu yil Samsung oʻzining eng innovatsion flagman xavfsizlik funksiyalaridan biri — Samsung Knox Vault‘ni birinchi bor Galaxy A modellari foydalanuvchilariga, jumladan, yangi Galaxy A55 5G va Galaxy A35 5G uchun taqdim etmoqda. Apparatga asoslangan va zarbabardosh xavfsizlik yechimi Samsung Knox Vault tizimning asosiy protsessori va xotirasidan jismonan ajratilgan xavfsiz muhitni yaratish orqali ham apparat, ham dasturiy taʼminot hujumlaridan keng qamrovli himoyani taʼminlaydi. U qurilmadagi eng muhim maʼlumotlarni, jumladan, ekranlarga qoʻyiladigan PIN kodlar, parollar va grafik parollar kabi maʼlumotlarni himoya qilishga yordam beradi. Shuningdek, Samsung Knox Vault qurilmada saqlangan foydalanuvchilarning shaxsiy maʼlumotlarini shifrlab, qurilmadagi shifr kalitlarini ham himoya qiladi. Qurilma yoʻqolgan yoki oʻgʻrilangan taqdirda ham qulflangan ekran maʼlumotlarini biladigan qurilma egasigina oʻz maʼlumotlariga ega chiqa oladi.

Galaxy A55 5G va Galaxy A35 5G Galaxy’ning ko‘p qatlamli xavfsizlik platformasi — Samsung Knox tomonidan himoyalangan. Dunyodagi eng ishonchli xavfsizlik platformalaridan biri boʻlgan Samsung Knox butun Galaxy ekotizimida yaxlit yondashuvni qoʻllagan holda koʻp tomonlama xavfsiz apparat bilan real vaqtda tahdidlarni aniqlash va kollaborativ himoyalash orqali muhim maʼlumotlarni muhofaza qilish va zaif boʻshliqlarni yopish uchun moʻljallangan.

Himoya qilishning boshqa usullari uchun Galaxy A modellari Auto Blocker — qo‘shimcha xavfsizlik choralari to‘plamini taklif qiladi. Auto Blocker yoqilganda u ruxsatsiz manbalardan ilovalarni oʻrnatishni taqiqlaydi, potensial zararli dasturlarni skanerlash uchun ilovalarni virusga tekshiradi [2] hamda USB kabel orqali ulanganda qurilmangizga potensial zararli buyruqlar va dasturiy taʼminotni oʻrnatish buyruqlarini bloklash qobiliyatlariga ega. Yangi Galaxy A modellari foydalanuvchilari Galaxy xavfsizlik va maxfiylik boshqaruv panelidan ham foydalanish imkoniyatiga ega bo‘ladi, bu esa ularning ma’lumotlari holatini ko‘rish va nazorat qilishni yanada osonlashtiradi hamda istalgan vaqtda berilgan ruxsatlarni qaytarib olish imkoniga ega boʻladilar. Foydalanuvchilar, shuningdek, muhim shaxsiy yoki moliyaviy maʼlumotlarni oʻz ichiga olgan maxfiy fayllarni xavfsiz va shifrlangan holda oʻzaro almashish imkonini beruvchi Private Sharing (Quick Share funksiyasining bir qismi) funksiyasidan bahramand boʻladilar. Maxfiylikni taʼminlash uchun foydalanuvchilar qabul qiluvchining kirish ruxsatlari va faylning amal qilish muddatini boshqarishlari mumkin, shu bilan birga skrinshotlar yoki yuklab olishni cheklashi ham mumkin.

Yangi Galaxy A modelidagi smartfonlar Samsung kompaniyasining Galaxy qurilmalarining uzoq vaqt davomida xavfsizlik va yangilanishlarni taʼminlashga sodiqligini namoyish etadi. Galaxy A55 5G va Galaxy A35 5G bilan foydalanuvchilar Android OS va One UI yangilanishlarining to‘rt avlodigacha va besh yillik xavfsizlik yangilanishlaridan bahramand boʻlishadilar, bu esa qurilmalarni eng so‘nggi Galaxy va Android funksiyalari bilan jihozlash orqali ularning ishlash muddatini optimallashtiradi.

Doimiy kengayib borayotgan Samsung Galaxy ekotizimlari bilan uzluksiz bogʻlanish

Galaxy A55 5G va Galaxy A35 5G Galaxy ekotizimi bilan to‘liq moslasha oladi va foydalanuvchilarga Galaxy qurilmalari oʻrtasida yengil va integratsiyalashgan qulaylikni taqdim etadi. Foydalanuvchilar Galaxy Fit3 yoki Galaxy Watch6 ni Galaxy A smartfoniga ulab, fitnes maqsadlarida ishlatishlari mumkin. Auto Switch funksiyasi tufayli kiruvchi qo‘ng‘iroqlar avtomatik ravishda oʻzaro bogʻlangan Galaxy Buds FE’ga yoʻnaltiriladi va telefon qoʻngʻiroqlarini qulaylashtiradi.

Samsung Galaxy A55 5G, Galaxy A35 5G va boshqa Galaxy smartfonlari haqida batafsil maʼlumot olish uchun ushbu manzillarga tashrif buyuring: Samsung Newsroom, Samsung Mobile Press va Samsung.com.

Qurilmalarning texnik xususiyatlari

* Texnik xususiyatlar bozorga qarab oʻzgarishi mumkin.
* Ushbu hujjatda keltirilgan barcha funksionallik, xususiyatlar, texnik xususiyatlar va mahsulotning boshqa maʼlumotlari, shu jumladan, mahsulotning afzalliklari, dizayni, narxi, komponentlari, tezkorligi, mavjudligi va imkoniyatlari ogohlantirilmasdan oʻzgartirilishi mumkin.

[1] Diagonal oʻlcham boʻyicha, ekran oʻlchami toʻliq toʻrtburchakda 6.6 dyuym va aylana ramkani hisobga olganda 6.4 dyuym; koʻrinadigan displey oʻlchami qurilmaning aylana burchaklari va kamera teshigi tufayli kichikroq.

[2] Bu modellar joriy paytda AQSh dilerlarida mavjud emas.

Samsung Electronics, Juniper Networks® (NYSE:JNPR) va Wind River® kompaniyalari oʻzaro hamkorlikda provayderlarga oʻz tarmoqlarini raqamli shifrlangan virtualizatsiya bilan boshqarishga imkon beruvchi virtual uyali aloqa minorasi routerini (vCSR) ishlab chiqarishdi. Ushbu dasturiy taʼminotga asoslangan tarmoq yangi xizmatlarni joriy qilishda yanada moslashuvchanlik, tezkorlik, barqarorlik va tez bozorga chiqish vaqtiga erishishni (TTM) taʼminlaydi.

vCSR yangi arxitekturaning bir qismi boʻlib, unda taqsimlovchi birlik va CSR funksiyalari bir serverda virtuallashtirilgan tarmoq elementlari sifatida birga mavjud bo‘ladi. Mazkur oʻzaro hamkorlikda kompaniyalar toʻliq konteynerlashtirilgan tarmoq elementi boʻlgan Juniper’ning Cloud-Native Routerini Wind River Studio Cloud platformasida Samsung’ning virtuallashtirilgan taqsimlovchi birligi (vDU) bilan integratsiyalashtirdi. Yagona virtual RAN (vRAN) serverida bir nechta tarmoq elementlarini ishga tushirish orqali kompaniyalar mohiyatan uyali aloqa minorasida oʻrnatiladigan jismoniy router uskunasiga boʻlgan ehtiyojni yoʻq qiladi va 5G va undan keyingi tarmoq tizimlarini oʻrnatish uchun ketadigan egalik huquqining jami xarajatini (TCO) kamaytiradi.

Anʼanaviy tarmoqlar bilan taqqoslaganda, ushbu dasturiy taʼminotga asoslangan infratuzilma yanada chidamli va aqlli mobil tarmoq tizimini taklif qiladi. Ushbu texnologik ishlanma turli komponentlar oʻrtasida moslashuvchanlik va oʻzaro muvofiqlikni oshirish orqali vRAN salohiyatini roʻyobga chiqarishda hal qiluvchi rolni oʻynaydi. Yagona serverda bir nechta dasturiy tarmoq elementlarini umumlashtirish orqali operatorlar quyidagilardan foyda koʻra oladilar:

• Samsung’ning CognitiV Network Operations Suite vositalari bilan raqamli shifrlangan avtomatlashtirish: bu yechim plug-and-play’ni, vizual boshqaruv tizimini va keng ko‘lamli dasturiy ta’minot yangilanishlarini qo‘llab-quvvatlaydi. Bu esa tarmoq tizimni oʻrnatish va ishlatish jarayonini yanada sodda va samarador qilishni taʼminlaydi.

• Chaqqonlik va moslashuvchanlik: dasturiy taʼminot tomonidan belgilangan tarmoq tamoyillari asosida yaratilgan ushbu virtuallashtirilgan arxitektura operatorlarning turli tarmoq konfiguratsiyalari va xizmat koʻrsatish talablarini qondirish uchun zarur boʻlgan keng masshtablashish va moslashuvchanlikni taʼminlaydi.

• Turli xil ilovalarni qoʻllab-quvvatlash qobiliyati: dasturiy taʼminotga asoslangan arxitektura bilan vCSR texnologiyasi fayrvol (firewall) kabi xavfsizlik vositalarini qoʻllab-quvvatlaydi va maʼlumotlar oqimini aqlli ravishda boshqara oladi.

• Kamroq qurilmalar bilan sodda tizim oʻrnashuvi tufayli kapital qoʻyilmalar kamaytiriladi: eski uskunalarni sotib olishning hojati yo‘q, chunki ular serveringiz ichida vDU va boshqa dasturiy platformalar bilan birlashtirilishi mumkin. Bu qurilma ichida boʻsh joyni ham yaratadi.

• Energiya tejamkorligi bilan operatsion xarajatlar kamayishi: server umumlashuvi tufayli jismoniy CSR uskunasiga boʻlgan ehtiyoj yoʻq qilinishi energiyani taxminan 30% ga tejashi mumkin.

“Samsung amalda vRAN’ni o‘rnatishdan yigʻilgan tajribasi yordamida Juniper va Wind River bilan bir qatorda butun dunyo bo‘ylab raqamli shifrlangan virtuallashtirilgan tarmoqlarga yo‘l ochmoqda”, dedi Samsung Electronics kompaniyasi prezident oʻrinbosari, mahsulot strategiyasi va tarmoq biznesi rahbari Ji-Yun Seol. “Ushbu revolyutsion yondashuv bilan biz operatorlarga oʻz tarmoqlarini taraqqiy etish va virtual hamda ochiq yondashuvlarni qabul qilishlari uchun katta turtki beramiz.”

“vRAN’ning asosiy maqsadi — operatorlarga moslashuvchanlik va chaqqonlikni taqdim etish. Bizning bulutga asoslangan routerimiz ajoyib tezkorlikni taqdim etish bilan birga operatsiyalarning soddaligini va iqtisodiy moslashuvchanlikini taʼminlaydi. Bugungi kundagi operatorlar oʻzlari taqdim etayotgan xizmatlari bilan foydalanuvchilar qulayligini birinchi oʻringa qoʻygan holda xarajatlarni ham toʻgʻri qoplashi kerak. Juniper’ning Samsung va Wind River bilan hamkorligi ularga 5G investitsiyalarini amortizatsiya qilish, barqaror infratuzilmani qurish va yanada qiziqarli va yangi xizmat takliflarini oʻylab chiqishga yordam beradigan yechim yaratmoqda”, dedi Juniper Networks kompaniyasining katta prezident oʻrinbosari va bosh texnik direktori Raj Yavatkar.

“5G vRAN/O-RAN tizimlarining koʻp qismini global operatorlar bilan taʼminlaydigan 5G sohasidagi yetakchi sifatida bizning Wind River Studio platformamiz vRAN va Open RAN uchun serverlarda ishlaydigan keng miqyosli, maqsadli va taqsimlangan bulut xizmatidir, — dedi Wind River kompaniyasining bosh texnik direktori Pol Miller. — Samsung va Juniper bilan hamkorlikda Wind River Open RAN dunyosini roʻyobga chiqaradi va uyali aloqa operatorlari uchun egalik huquqining jami xarajatlarini sezilarli darajada kamaytirish va yangi biznes imkoniyatlarini yaratadi”.

Ushbu innovatsion vCSR texnologiyasi Mobile World Congress 2024’da kompaniyalarning tegishli stendlarida namoyish etiladi: Samsung (2-zal, 2M20), Juniper Networks (2-zal, 2D12) va Wind River (2-zal, 2F25).

Samsung’ning vRAN va Open RAN texnologiyasi 100% virtualizatsiyalashgan, bulutga asoslangan va qurilmadan ajratilgan vDU va vCU yechimini taklif etadi. Bu butun dunyo boʻylab keng koʻlamli tijoriy tarmoqni joylashtirishda sinalgan va isbotlangan yechimdir. Uning sanoatdagi yetakchi vRAN dasturiy taʼminoti boʻlmish vRAN 3.0 kelajak operatorlarining yangi avlod tarmoq tizimlarini qurish ehtiyojlarini qondirish uchun optimallashtirilgan bir qator aqlli va chidamkor funksiyalarga ega. Samsung’ning virtual Open RAN tizimi oʻzining mustahkam ekotizimi bilan tezkorlikni kuchaytiradigan va energiya samaradorligini oshiradigan ilgʻor texnologiyalarni taqdim etadi.

Juniper’ning bulutga asoslangan routeri konteynerlash iqtisodidan va operatsion samaradorlikdan toʻliq foydalanadi, bu esa xizmat koʻrsatuvchi provayderlarga 5G’ni oʻrnatish uchun zarur boʻlgan moslashuvchanlikni beradi. Tezkor va dasturiy taʼminotga asoslangan Juniper’ning sinovdan oʻtgan router texnologiyasi Kubernetes konteyner tarmoq interfeysi (CNI) doirasida taqdim etiladi. Bu Wind River Studio platformasida Samsung vDU bilan yengil integratsiya qilish imkonini beradi.

Ochiq kodli StarlingX loyihasi asosida Wind River Studio keng miqyosda tarqalgan tarmoqlarni ishlab chiqish, oʻrnatish, ishlatish va ularga xizmat ko‘rsatish uchun toʻliq bulutli, Kubernetes va konteynerlashga asoslangan arxitekturani taqdim etadi. Bu texnologiya bir panelda barcha sozlamalarni koʻra olish va odam qatnashuvisiz avtomatlashtirish yechimlarini taqdim etish orqali tarmoq tizimlarini oʻrnatishdagi dastlabki va undan keyingi operatsiyalarni soddalashtiradi va geografik miqyosda taqsimlangan tarmoqlarni boshqarish uchun zamin yaratadi. Bu platforma xizmat koʻrsatuvchi provayderlar uchun chigal masala tugunini yechadi: yirik va taqsimlangan tarmoqlar uchun bulutga asoslangan infratuzilmani oʻrnatish va boshqarish endi qiyin emas. Bu ularga virtual Open RAN tizimida ham anʼanaviy RAN tezligiga erishish imkonini beradi.

Juniper Networks haqida

Juniper Networks oddiy aloqa mustahkam aloqa bilan bir xil emas deb hisoblaydi. Juniper’ning AI’ga asoslangan tarmoq platformasi AI kuchidan to‘liq foydalanishi uchun AIOps qatlami va kompaniyaning xususiy tizimlari bilan birgalikda qurilgan. Mahsulot jonli ravishda nosozliklarni izolyatsiya qilish, proaktiv anomaliyalarni aniqlash va avtomatik tuzatish protokollari kabi funksiyalarni taklif etadi. Bu funksiyalar turli tarmoq operatsiyalari, jumladan, kampuslar, filiallar, maʼlumotlar markazlari va WAN operatsiyalarida aniqlilik, ishonchlilik va xavfsizlikni oshiradi. Batafsil maʼlumotni Juniper Networks (www.juniper.net) sahifasidan topishingiz mumkin. Biz bilan bogʻlanish uchun X (Twitter), LinkedIn va Facebook‘dagi sahifalarimizga murojaat qiling.

Wind River haqida

Wind River oʻta muhim intellektual tizimlar uchun dasturiy taʼminotni yetkazib berish boʻyicha jahon yetakchisi hisoblanadi. Qirq yildan koʻp vaqt mobaynida kompaniya eng yuqori darajadagi xavfsizlik va ishonchlillika ega milliardlab qurilmalar va tizimlarni qoʻllab-quvvatlovchi novator va kashshof bo‘lib kelmoqda. Wind River dasturiy taʼminoti va tajribasi turli sanoatlarda raqamli taraqqiyotni tezlashtirmoqda. Avtomobilsozlik, aerokosmik, mudofaa, tibbiyot va telekommunikatsiya shular jumlasidan. Kompaniya jahon darajasidagi professional xizmatlar va qoʻllab-quvvatlash hamda keng hamkorlik ekotizimini taklif qiladigan katta xizmatlar toʻplamiga ega. Batafsil maʼlumot uchun www.windriver.com saytiga tashrif buyuring.

Barselona, Ispaniya – 2023-yil 27-fevral – Samsung Electronics Co., Ltd. kompaniyasi ish faoliyatini yaxshilash va quvvatni tejash uchun virtuallashtirilgan RAN (vRAN) ga yangi darajadagi imkoniyatlarni keltirayotganini e’lon qildi. Kengaytirilgan vRAN dasturi kelajakdagi operatorlarning ehtiyojlarini qondirish uchun optimallashtirilgan bir qator yangi aqlli funksiyalarga ega bo’ladi. Bu tarmoq virtualizatsiyasining keyingi bosqichiga yo‘l ochishga yordam beradigan ilg‘or imkoniyatlarni o‘z ichiga oladi. “Aqlli” funksiyalar sig‘imni oshiradi, Massive MIMO radiostansiyalar muqobilligini ta’minlaydi, tarmoq sharoitlarini optimallashtirish uchun soatlik trafik sxemalarini tahlil qiladi va quvvatni tejash uchun tarmoqlarni “uyqu rejimi” bilan avtomatlashtiradi.

Samsung kompaniyasi, vRAN bozori yetakchisi, dunyo bo‘ylab virtualizatsiyalangan 5G tarmoqlarini ommaviy ravishda tijoratlashtirishda o‘z hissasini qo‘shdi. Kompaniya ko’plab qit’alarda – Amerika, Yevropa va Osiyoda 1-darajali operatorlar bilan keng ko’lamli tijorat vRAN’ni ishga tushirgan yagona yirik sotuvchidir.

“Samsung 5G vRAN o‘z ish faoliyatini muvaffaqiyatli isbotlab, tijorat tarmoqlarida an’anaviy apparat darajasida natijalarni taqdim etgan bo‘lsa-da, biz “Samsung vRAN 3.0 bilan vRAN dasturiy ta’minotini ishlab chiqishning keyingi bosqichiga tezlik bilan o‘tmoqdamiz”, dedi Ji-Yun Seol, vitse-prezident va Samsung Electronics mahsulot strategiyasi bo’limi boshlig’i. U ta’kidladi: “Yechimning dasturiy ta’minotga asoslangan tabiati bizga ushbu ilg’or xususiyatlarni – ishlashni optimallashtirish va energiya samaradorligini – an’anaviy RAN uskunalariga qaraganda tezroq qo’shish imkonini beradi. Samsung’ning soʻnggi funksiyalari virtualizatsiya tarmoqlariga tezlik bilan oʻtadigan operatorlarga katta foyda keltiradi”.

Samsung’ning keyingi darajadagi vRAN imkoniyatlariga quyidagilar kiradi:

Unumdorlikni optimallashtirish

• 200 MGts chastotali 3 hujayrani muqobilligini ta’minlash

Dasturiy ta’minot yangilanishi bilan Samsung vRAN virtual tarmog’i o’zining 64T64R Massive MIMO radiomoduli yordamida 200 MGts tarmoqli kengligini taqdim etadigan 3 hujayrali konfiguratsiyani ta’minlash imkoniyati bilan jihozlanadi. Bu operatorning barcha oʻrta diapazonli 5G spektrini taqdim etishga qodir boʻlgan oldingi avlod dasturiy taʼminotiga nisbatan ta’minlanadigan radio oʻtkazuvchanlik kengligidan uch baravar koʻproqdir.

• Modem algoritmini optimallashtirish

Samsung o’zining rivojlanish rejasiga modem algoritmini optimallashtirish yondashuvini kiritadi. Uskunaga yo’naltirilgan yondashuvdan farqli o’laroq, modem algoritmlarini optimallashtirish operatorlarga faqat kerakli xususiyatlar va konfiguratsiyalar bilan o’z ehtiyojlariga moslashtirilgan dasturiy ta’minotni olish imkonini beradi, bu esa COTS serverlarini optimallashtirish va samarali ishlatish imkonini beradi.

Energiya tejash

• CPU yadrosining uyqudagi rejimi

Samsung vRAN dasturiy taʼminotida mavjud boʻlgan ushbu xususiyat protsessorni avtomatik ravishda “uyqu rejimiga” oʻtkazish yoki maʼlumotlar oqimi kam boʻlgan davrda foydalanilmagan CPU yadrolarini oʻchirish orqali quvvat sarfini kamaytiradi. Sig’imga bo’lgan ehtiyoj yana oshganda, Markaziy protsessor yadrolari uyqudan uyg’onadi.

• Moslashuvchan yadro ajratish

Samsung vRAN dasturiy ta’minotining ushbu xususiyati faol hujayralar soniga mutanosib ravishda hujayra o’rnatish vaqtida bir qator CPU yadrolarini tayinlaydi. Tayinlanmagan yoki foydalanilmagan protsessor yadrolari quvvat sarfini kamaytirish va sig’imga bo’lgan talab oshganda uyg’onish uchun uyqu rejimiga o’tkaziladi.

• Quvvatni tejash funksiyasi orkestri (ESFO)

ESFO – bu bitta platformada quvvatni tejashning bir nechta xususiyatlarini boshqaradigan, xizmat ko’rsatishni to’xtatmasdan samaradorlikni optimallashtiradigan orkestratsiya vositasi.

ESFO har bir sektor va vaqt zonasi uchun va har bir energiya tejash funksiyasi uchun soatlik trafik modellarini avtomatik ravishda tahlil qiladi va ish sharoitlarini optimallashtiradi. Asbob bir nechta energiya tejash funktsiyalari uchun ko’p darajali energiya tejash operatsiyalarini doimiy ravishda yangilaydi. Masalan, trafik shaklidagi o’zgarishlar va oldingi natijalarni aks ettirish uchun hujayrani yoqish/o’chirish va Tx yo’lini yoqish/o’chirish.

Ushbu ilg’or imkoniyatlar bilan Samsung vRAN keng ko’lamli tijorat virtualizatsiya tarmoqlarini yanada oqilona boshqarish va ishlashini qo’llab-quvvatlashi mumkin. Axir, tobora ko’proq operatorlar o’z mijozlarining yangi avlod tarmoqlaridagi ehtiyojlarini qondirishga intilmoqda. Samsung o’zining yangi vRAN imkoniyatlarini 2023 yilning birinchi yarmida Shimoliy Amerikada ishlab chiqarishni boshlab, global operatorlarga taqdim etishni rejalashtirmoqda.

Samsung 5G yechimlarini, jumladan, mikrosxemalar, radiomodullar va yadrolarni muvaffaqiyatli yetkazib berishda birinchilardan hisoblanadi. Samsung doimiy tadqiqot va ishlanmalar orqali bozorda yetakchi mahsulot portfeli bilan sanoatni 5G tarmoqlarini rivojlantirishga undamoqda. Virtuallashtirilgan RAN va Core’dan xususiy tarmoq yechimlari va sun’iy intellekt yordamida avtomatlashtirish vositalarigacha. Hozirda kompaniya uyali aloqa operatorlariga tarmoq yechimlarini taqdim etadi. Va ular butun dunyo bo’ylab yuz millionlab foydalanuvchilarga ulanish imkonini beradi.

Yangi takomillashtirilgan SCO koʻp bulutli sistemani taklif etadi, keng koʻlamli vRAN oʻrnatish uchun masshtablilik va moslashuvchanlikni yaxshilaydi va yangi xizmat turlarinii bozorga chiqarish vaqtini tezlashtiradi.

Barselona, ​​Ispaniya – 2023-yil 27-fevral – Samsung Electronics Co., Ltd. bugun o’zining Samsung Cloud Orchestrator (SCO) ni takomillashtirilgan ko`rinishini taqdim etdi, bu keng ko’lamli virtualizatsiyalangan radio ulanish tarmoqlarining (vRAN) boshqaruvinii avtomatlashtiradigan yechim. SCO operatorlarga yuzlab va minglab saytlarni bitta platformadan boshqarishni, roʻyxatga olish jarayonini, joylashuvini va operatsiyalarni osonlashtiradi.

SCO endi shaxsiy va ommaviy bulutlarda vRAN oʻrnatishni avtomatlashtirishni qoʻllab-quvvatlaydi, bu tarmoq xizmatlarini bir nechta bulutlar orqali yetkazib berish imkonini beradi va bu koʻp tarmoqli operatorlarga turli joylashuv sharoitlariga moslashuvchanlikni masshtablashtirish opsiyasini yaratadi.

Samsung SCOni virtualizatsiyalangan RAN Osiyo, Yevropa va Shimoliy Amerikadagi birinchi darajali operatorlarga oʻz tarmoqlarini joylashtirishlari va ishlatishlari uchun foydalanishga topshirdi.

“Avtomatlashtirilgan dasturiy taʼminotga asoslangan tarmoqlarga tezlik bilan oʻtayotgan operatorlar uchun ajoyib imkoniyat yaratilmoqda. Bizning takomillashtirilgan Samsung Cloud Orchestratorimiz yordamida operatorlar o‘z vRAN’larini maksimal samaradorlik va moslashuvchanlik bilan joylashtirishlari va boshqarishlari mumkin bo`ladi”, dedi Ijrochi vitse-prezident Jun Mun, Samsung Electronics kompaniyasining tarmoq biznesi bo’yicha ilmiy-tadqiqot bo’limi boshlig’i. “Bu Samsungning vRANni keyingi bosqichga olib chiqish vositalarni ishlab chiqish va joylashtirish uchun yonaltirilgan maqsadlaridan biri.”

SCO virtuallashtirilgan va Open RAN tarmoqlari operatorlariga tarmoq yaratish jarayonida qo’lda bajariladigan vazifalarni soddalashtirish imkonini yaratadi. Bu markazlashtirilgan portal orqali jarayonlarni oxirigacha muvofiqlashtirishni qo’llab-quvvatlaydigan integratsiyalashgan avtomatlashtirish platformasi bo’lib, unda foydalanuvchilar o’z tarmog’ining holatini yagona platformada ko’rishlari va nazorat qilishlari mumkin.

SCO tomonidan taqdim etilgan takomillashkan asosiy jarayonlar quyidagilardan iborat:

• Onboarding: Operatorlar ushbu funksiyadan har bir saytga o’rnatish uchun tayyorlangan paketlarni va rejalashtirilgan joylashtirish vazifalarini avtomatik ravishda bajarish uchun foydalanilishi mumkin. Bu operatorlarga o’zlarining CI/CD (uzluksiz integratsiya va uzluksiz joylashtirish) muhitini osongina amalga oshirish imkonini beradi. U paket versiyasini va fayl formatlarini tekshiradi va paketdagi yetishmayotgan komponentlarni avtomatik ravishda tekshiradi.

• Joylashtirish. Operatorlar markazlashtirilgan joydan bitta tugmani bosish orqali katta saytlarning populyatsiyalarini ishga tushirish uchun zarur bo’lgan bir nechta dasturiy ta’minot paketlarini va vRAN konteynerlarini tarqatishi mumkin, bu esa umumiy joylashtirish vaqtini qisqartiradi. Bundan tashqari, markazlashtirilgan vazifalarni boshqarish orqali har bir tayanch stantsiyani o’rnatish jarayonini soddalashtirishga yordam beradi.

• Operatsiyalar: SCO har bir tarmoqning barqarorligini ta’minlash uchun vRAN dasturiy ta’minotini avtomatik yangilanishi, tiklanishi va masshtablanishi mumkin, bu esa operatorlarga ushbu vazifalarni masofadan masshtabda bajarish orqali optimal tarmoq sharoitlarini saqlab qolish imkonini beradi.

Samsung 5G yechimlarini, jumladan, chipsetlar, radiolar va yadrolarni muvaffaqiyatli yetkazib berishda yetakchi kompaniyalarni biri dep hisoblanadi. Davom etayotgan tadqiqot va ishlanmalar orqali Samsung oʻzining bozorda yetakchi mahsulot portfeli bilan virtualizatsiyalangan RAN va Core dan xususiy tarmoq yechimlari va sunʼiy intellekt yordamida boshqariladigan avtomatlashtirish sanoatini 5G tarmoqlarini rivojlantirishga undamoqda. Hozirda kompaniya butun dunyo bo’ylab yuz millionlab foydalanuvchilarni bog’laydigan uyali aloqa operatorlariga tarmoq yechimlarini taqdim etadi.