Kino sanʼati va professional jihozlar rivojlanishda davom etayotgan bir davrda Samsung Electronics Culver Post’ning vujudga kelishiga qoʻshgan hissasi orqali ushbu taraqqiyot oʻchogʻini yondirishda davom etmoqda. Los Anjeles markazida joylashgan mazkur zamonaviy teatrlashtirilgan postprodakshen studiyasi yaqinda Amazon’ning ishlab chiqarish va koʻngilochar bizneslar kategoriyasiga qoʻshildi va bu hududning ijodkorlik va innovatsiyalar markazi sifatidagi obro‘y ini yanada oshirdi.

Samsung 424 Post va Harbor sanoat kashshoflari bilan hamkorlikda teatrga xos ranglarini gradatsiyalash va immersiv ovoz miksingi uchun kinematik uslubdagi haqiqiy muhitni yaratish uchun 34 futlik 8K Samsung IWA LED va DCI sertifikatiga ega 4K Samsung Onyx LED displeylarini taqdim etdi. Studiyaning yangi muhiti nafaqat kino ishlab chiqarish va isteʼmol qilishda eng soʻnggi texnologik davrga qadam qoʻyishni anglatadi, balki mutaxassislarning Samsung texnologiyasiga boʻlgan ishonchini ham koʻrsatadi.

Culver Post: postprodakshen va HDR kinematografiyasida innovatsiyalar mayogʻi

▲ Samsung Electronics 424 Post va Harbor bilan hamkorlikda Culver Post kompaniyasiga 34 futlik 8K Samsung IWA LED va DCI sertifikatiga ega 4K Samsung Onyx LED displeylarini taqdim etdi.

Culver Post Los Anjelesdagi mashhur 424 Post ovoz studiyasi va global postprodakshen rahbari Harbor oʻrtasidagi istiqbolli hamkorlik tufayli vujudga kelgan. Ushbu toʻlaqonli postprodakshen xizmat koʻrsatish studiyasi mijozlarga mislsiz HDR va SDR mastering imkoniyatlarini taqdim etishini taʼkidlamoqda.

Nega Samsung’ning displey texnologiyalari oʻz sohalarida yetakchi boʻlgan 424 Post va Harbor tomonidan maxsus tanlandi? Javob Samsung’ning innovatsiyalarga, sifatga va ajoyib tomosha tajribasiga sodiqligidadir.

Culver Post teatrlashtirilgan ranglarni gradatsiyalash va ovozni miksing qilish uchun beshta sahnaga ega. Birinchi sahna Samsung’ning zamonaviy 34 futlik 8K IWA LED kinematik displeyi, ikkinchi sahna esa DCI sertifikatiga ega 4K Onyx LED displeyi bilan jihozlangan. Har bir sahna Dolby Atmos ovoziga ega Meyer Sound Ultra Reflex kinematik ovoz tizimlari bilan toʻldirilgan. Ikkala sahna ham taxminan 50 ta mehmonni sigʻdira oladi, bu esa postprodakshen jamoasiga rejissyorlar, kinematograflar, muharrirlar, rangshunoslar va boshqa mutaxassislar uchun haqiqiy kinematik ish muhitida ishlash imkonini beradi.

▲ Culver Post 34 futli 8K IWA kinematik displeyi bilan ajralib turadi va ranglarni gradatsiyalash va ovozni miksing qilish uchun haqiqiy kinematik uslubdagi muhitni yaratadi.

8K IWA LED kinematik displeyi HDR va SDR ranglarini gradatsiyalash uchun ideal displeydir. Dunyo boʻyicha ilk bor DCI sertifikatini qoʻlga kiritgan Onyx kinematik LED displeyi esa HDR ranglarini gradatsiyalash va mastering qilish uchun maxsus yaratilgan. Ushbu displeylar tafsilotlar, kontrast va yorqinlik jihatidan standart raqamli kinematik proyeksiyalash tizimlaridan ustun turadi va Culver Post’ni kinematografiya texnologiyasi boʻyicha birinchi oʻringa qoʻyadi hamda studiyani postprodakshen texnologiyasining kelgusi yutuqlari uchun kelajakka tayyor ekanligini taʼminlaydi.

“Samsung kontent ishlab chiqarish va isteʼmol qilishda revolyutsiyaga erishish uchun innovatsion displey texnologiyalaridan foydalanishga intiladi”, dedi Samsung Electronics America displey boʻlimi rahbari Devid Felps. “Yangi Culver Post postprodakshen studiyasi kino va postprodakshen kelajagida sezilarli taraqqiyot bosqichni belgilab beradi. Endi rejissyorlar va ijodkorlar tomoshabinlarga kundalik hayot tarzida doimiy taʼsir koʻrsatib keladigan immersiv hikoyalarni taqdim etishda katta ekranda tomosha qilinadigan va eshitiladigan video kontentni tahrirlashlari va sinab koʻrishlari mumkin”.

▲ Culver Post’ning ilgʻor studiya muhiti nafaqat kino ishlab chiqarish va isteʼmol qilishda eng soʻnggi texnologik davrga qadam qoʻyishni anglatadi, balki mutaxassislarning Samsung texnologiyasiga boʻlgan ishonchini ham koʻrsatadi.

Postprodakshen jarayonini optimallashtirish uchun yuqori darajali kinematik displeylar

Culver Post uchun Samsung texnologiyalarining tanlovi displeylarning HDR postprodaksheni uchun yuqori imkoniyatlarga ega ekanligini aks ettiradi. Kengaytirilgan yorqinlik, kontrast va tafsilotlar ranglarni gradatsiyalash va mastering jarayonini tubdan oʻzgartiradi, bu esa ijodkorlarga oʻz ishlarini real tomosha muhitida tekshirish imkonini beradi. Shuningdek, teatrlar va ularning immersiv kinematik displeyi masteringni umumiy ijodiy tajribaga aylantirib yuboradi va ishlab chiqarish guruhini hamkorlikka chorlaydi.

▲ Har bir teatr kichik guruhlarni sigʻdira oladi va ularga eksklyuziv skrining va postprodakshen seanslari uchun kinematik uslubdagi tomosha tajribasini taklif qiladi.

Culver Post bilan hamkorlik Samsung kompaniyasining displey texnologiyalaridagi yetakchiligi va kompaniyaning kinematik tajribalar chegarasini kengaytirishga sodiqligidan dalolat beradi. 424 Post va Harbor kabi soha mutaxassislarining yuqori standartlariga javob berish orqali Samsung butun dunyo boʻylab postprodakshen studiyalari uchun standartlarni oshirishda davom etmoqda.

Samsung’ning zamonaviy displeylari haqida batafsil maʼlumot olish uchun www.samsung.com saytiga tashrif buyuring.

424 Post haqida

424 Post barcha turdagi kontent, jumladan, teatr, uzatuv, striming, reklama roliklari va audio podkastlar uchun toʻlaqonli ovoz yozish xizmatlarini taklif etadi. Xizmatlar dizayn/tahrirlash/ADR/miksing, texnik va maʼmuriy yordam hamda barcha yakuniy ishlarni qamrab oladi. Kompaniya mijozlarga xizmat koʻrsatish bilan faxrlanadi va tajribali mutaxassislarning iqtidorli guruhi mijozlarning ehtiyojlari va byudjetiga muvofiq loyihalarni ishlab chiqishga tayyor.

HARBOR haqida

HARBOR — bu Nyu York, Los Anjeles va Londonda faoliyat yuritadigan global kompaniyadir. Isteʼdod, texnik innovatsiyalar va badiiy sanʼatni himoya qilishga tinimsiz eʼtibor qaratayotgan HARBOR harakatlanuvchi tasvir yaratish jarayonida har bir tafsilotni toblaydi: jonli sahnalar, kundalik yumushlar, ijodiy va oflayn tahririyat, dizayn, vizual effektlar, CG, ovoz va tugallovchi tasvirlar.

▲ Pavel Axtel — suvosti kinematografiyasi boʻyicha dunyoga mashhur professional, 35 yildan koʻp karyeraga ega va ekvatordan Antarktidagacha boʻlgan oraliqda 5000 dan ortiq shoʻngʻishlarni amalga oshirgan

Pavel Axtel bilan tanishamiz: 35 yildan koʻp karyeraga ega va ekvatordan Antarktidagacha boʻlgan oraliqda 5000 dan ortiq shoʻngʻishlarni amalga oshirgan, suvosti kinematografiyasi boʻyicha dunyoga mashhur professional. Rejissyorning shoʻngʻish boʻyicha katta tajribasi uning kinematografiyadagi ishi haqida maʼlumot beradi. Xususan, uning suvosti hayoti haqidagi oʻzgacha nuqtayi nazari National Geographic, BBC va Discovery kabi sanoat yetakchilari eʼtiborini tortgan va ilgʻor kinematografiya uskunalarini loyihalash va ishlab chiqarishi uning bu sohadagi katta tajribasini yana bir bor taʼkidlaydi. Shuningdek, u “Avatar: suv yoʻli” filmi uchun 8K oʻlchamdagi suvosti kadrlarini suratga olishda ishtirok etgan.

Samsung Newsroom Pavel Axtel bilan suvosti kinematografiyasi tafsilotlari haqida maʼlumot olish va Samsung Neo QLED 8K televizorlari kino ijodkorlari va uydagi tomoshabinlar uchun kino olamini qanday o‘zgartirayotganini o‘rganish uchun suhbatlashdi.

8K texnologiyasi qanday qilib suvosti filmlarini yaratishni taraqqiy etadi

Suvosti kinematografiyasi kabi vizuallik muhim boʻlgan sohalarda Samsung Neo QLED 8K televizori ajralmas unsur hisoblanadi. Bu nafaqat tomoshabinlarni filmga shoʻngʻishiga yordam beradi, balki kino ijodkorlari uchun suvosti kadrlarini texnik jihatdan baholay olishi uchun ham juda muhimdir.

▲ Suvosti kinematograflari suvostida suratga olish jarayonida koʻplab muammolarga duch kelishadi: okean oqimlari, yorugʻlikning sinishidan optikal muhitning qiyinlashishi. Ammo Axtelga to‘siqlarni yengib o‘tgandan keyingi hayratlanarli natijalar qiziqroqdir (video manba: havola)

Okean oqimlari va yorugʻlikning sinishi kabi toʻsiqlar tufayli suv ostida haqiqiy 8K sifatiga ega videoni suratga olish qiyinlashadi. “Ammo hammasi reja boʻyicha ketganda natijalar hayratlanarli chiqadi”, dedi Axtel.

Suvosti linzalari kabi ilg‘or texnologiyalar ushbu kadrlarni suratga olishda yordam bersa-da, o‘zining yuqori detallar va tiniqligi bilan mashhur Neo QLED 8K televozori Axtel kabi kino ijodkorlarga suvosti sahnalarining eng mayda detallarini ham sinchiklab o‘rganish imkonini beradi. Bu suvosti optikasi muammolarini yengan holda suratga olishdan keyingi tasvir aniqligi va uning boshqa jihatlarini yaxshilashga yordam beradi.

▲ Samsung Neo QLED 8K kinematograflarga detallarni sinchiklab o‘rganish va tasvir sifatini yaxshilashga yordam beradi

“Suvosti dunyosini boʻysindirish qiyin va kino ijodkorlari odamlarga uni boshqa hech qayerda uchratolmaydigan qilib batafsil koʻrsatib berish uddasidan doim ham chiqa olmaydi”, dedi Axtel. “Bu omillar kadrlarni qiziqarli va jozibali qiladi. Ayniqsa, biz uchun mutlaqo begona boʻlgan muhit ajoyib detallar bilan ochib berilsa.”

Samsung CES 2024 ko‘rgazmasida katta shov-shuv koʻrsatdi: yangi Neo QLED 8K televizorini yangi NQ8 AI Gen3 protsessori bilan birga namoyish etib, uy ichidagi kinematografik muhitni yaratdi. Uning xususiyatlaridan hayratda qolgan kinorejissyor televizorni “tubdan oʻzgartiruvchi texnologiya” deb atadi.

U Neo QLED 8K modellarida mavjud bo‘lgan 8K AI Upscaling Pro va AI Motion Enhancer Pro [1] kabi funksiyalarni alohida maqtab, Samsung’ning ajoyib vizual tasvirlarni yetkazishga sodiqligini ta’kidladi. “CES 2024 ko‘rgazmasida ilg‘or funksiyalarga guvoh bo‘lib, ishonch bilan aytishim mumkinki, ular realistik va immersiv muhitni rivojlantiradi”, deya qo‘shimcha qildi Axtel.

Biroq ushbu suvosti kinematografi 8K ning haqiqiy kuchi kontent yaratish va isteʼmol qilishda yangi yoʻnalishni belgilab beruvchi ishlab chiqarish va tomosha qilish texnologiyalarining uzluksiz integratsiyasida deb biladi.

8K uy kinoteatriga sho‘ng‘iymiz

8K suratga olish jihozlarini ishlab chiqish va sohada qoʻllash toʻxtovsiz davom etar ekan, bu 8K oʻlchamli sifatni toʻliq ochib beradigan kontent yaratilishiga ham turtki boʻlmoqda. 8K ning mislsiz detallarga boyligi va aql bovar qilmaydigan jihatlari uni storitelling uchun muhim vositaga aylantiradi. Ayniqsa, unda kuchli vizual taʼsirga ega kontent talab qilinadigan boʻlsa.

Koʻpincha sekinlik bilan koʻrsatiladigan suvosti tasvirlarni misol qilib olaylik. Sekin kadrlar tomoshabinlarga notanish muhit manzaralarini kuzatish, ularni oʻrganish va eʼtibordan chetda qoladigan elementarni ilgʻay olishi uchun choʻzilib koʻrsatiladi.

▲ Turli omillar, jumladan, oqimlar va yorugʻlikning sinishi suv ostida aniq va chiroyli suratlarni olishda qiyinchiliklar tugʻdiradi

Neo QLED 8K televizori bilan tomoshabinlar okean tubidagi ta’sirchan ranglar turfaligi va detallarga boy sahnalarning nozik tasviridan bahramand boʻla olishadi. Tinchlantiruvchi moviy suvdan baliq va marjon riflarining jonli va yorqin ranglarigacha Axtel oʻzining 8K suvosti tasvirida ularning jozibador noyob ranglari va naqshlarining xilma-xilligini detallar bilan koʻrsatib beradi. Neo QLED 8K bilan endi video kontentning sifati bilangina cheklanib qolmaysiz.

“Tomoshabinlar nuqtayi nazaridan, Neo QLED 8K televizori 8K ekotizimini jonlantirishda muhim rol oʻynaydi”, taʼkidladi u. “Televizor ajoyib tasvir aniqligi bilan kontentni namoyish etibgina qolmay kichik oʻlchamli tasvirlarni ham deyarli 8K sifatida koʻrsatadi va tomosha qilish paytidagi taassurotni choʻqqilarga chiqaradi.”

Kengaytirilgan neyron tarmoqlari va ilgʻor AI apskeyl funksiyalari bilan taʼminlangan tasvir sifatini hisobga olgan holda, Neo QLED 8K televizori dastlab 8K formatida suratga olinmagan kontentda ham tomosha zavqini oshiradi. Kengaytirilgan tasvir sifatini katta ekran o‘lchamlari bilan birlashtirish yangi imkoniyatlar eshigini ochadi. Xususan, teatrdagi anʼanaviy katta ekranlar bilan raqobatlasha oladigan televizor endi uyingizda boʻladi.

Toʻxtamasdan rivojlanib borayotgan vizual storitelling sohasida televizorning 8K boʻlmagan kontentni apskeyl qilish qobiliyati katta imtiyozdir. Bu esa kino ijodkorlarini yuqori sifatli kontent yaratishga ilhomlantiradi.

“Oxir-oqibat, kengaytirilgan vizual tasvir va immersiv qobiliyatlar bilan jihozlangan qurilmaga ega boʻlish kinematograflarga tomoshabinlar yoqtiradigan diqqatni tortuvchi kontentni yaratish va baholash imkonini beradi”, dedi Axtel.

▲ AI Motion Enhancer Pro nafaqat suv ostidagi kadrlarni, balki sahnadagi raqqoslar yoki sport tadbirlari kabi tezkor surʼatlarda kadrga olinayotgan tasvirlarni ham 8K oʻlchamida yanada zavq bilan tomosha qilishga yordam beradi

8K texnologiyasining suvosti kinematografiyasida va uyda maroqli vaqt oʻtkazishda oʻynaydigan roli vizual storitellingni yaxshilash va butun dunyo boʻylab tomoshabinlarga qoyilmaqom taassurotlarni yetkazish bilan oʻzining sohadagi taraqqiy salohiyatini namoyish etadi.

Samsung Neo QLED 8K haqida batafsil ma’lumot olish uchun samsung.com saytiga tashrif buyuring.

[1] 8K AI Upscaling Pro va AI Motion Enhancer Pro funksiyalari faqat QN900D modeli uchun.