Galaxy AI o‘zining yuqori samaradorligi, qulayligi va ishlatish osonligi bilan talabalar, ofis xodimlari va ijodkorlar uchun yaxshi tanlovdir. Samsung Galaxy qurilmalari sizni yanada samarali o‘rganishga va ishlashga yordam beradi. Agar siz yangi texnologiyalarga qiziqsangiz va ta’lim yoki ishda ko‘p vaqtni tejashni istasangiz, Galaxy AI’ni qo‘llash siz uchun mukammal yechimlardan biri bo‘ladi.

1. Matnni qisqartirish va tartibga solish

O‘qish jarayonida eng muhim vazifalardan biri – tez va samarali yozish. Galaxy AI yordamida, audio yozuvdagi nutqni yozma matnga aylantirishingiz va o‘sha matnni qisqartirib olishingiz mumkin. Eslatma yordamchisi (Note assist) katta matnni avtomatik ravishda qisqartirib, muhim joylarini ajratib ko‘rsatadi. Shuningdek, u matnni samarali tarzda tartibga solish imkoniyatini ham beradi, bu esa ta’lim jarayonini osonlashtiradi.

2. Qo‘ng‘iroqlar va videolarni tarjima qilish

Xorijga chiqqan insonlar ko’pincha til to’siqlariga duch kelishadi. Galaxy AI yordamida Samsung qurilmasi real vaqtda jonli tarjima imkoniyatini (Live Translate) taqdim etadi. Bu funksiya yordamida nafaqat matnni, balki videolarni va hatto jonli qo‘ng‘iroqlarni ham osonlik bilan tarjima qilish mumkin. Misol uchun, talaba xorijiy tilda olib borilayotgan ma’ruzani avtomatik tarzda Galaxy AI orqali o‘zbek tiliga tarjima qiladi. Bu esa o‘qish va ish jarayonlarini sezilarli darajada yengillashtiradi.

3. Ma’lumotlarni tez qidirish

Yangiliklarni yoki ta’lim materiallarini izlashda ko‘pincha suratlar va diagrammalarni o‘rganish kerak bo‘ladi. Endi Galaxy AI yordamida, shunchaki suratga tushirib, ustiga aylana chizishingiz mumkin. Aylana chizib qidirish funksiyasi (Circle to Search) rasm yoki diagramma haqida kerakli ma’lumotni avtomatik ravishda internetdan topadi. Misol uchun, talaba ilmiy maqoladagi diagrammani rasmga oladi, va Galaxy AI uni tezda aniqlab, kerakli ma’lumotni topib berishda ko’maklashadi. .

3. Foto va video muharriri

Galaxy AI yordamida suratlar va videolarni yuqori sifatda tahrir qilish hech qachon bunchalik oson bo‘lmagan. Foydalanuvchidan murakkab ko‘nikmalar talab qilmaydi, ammo juda sifatli natija beradi. Bu funksiya:

• suratdagi keraksiz obyektlarni bitta bosishdayoq o‘chiradi;
• suratlarni multfilm yoki kreativ san’at uslubida qayta ishlaydi;
• videolarda sekinlashtirilgan kadrlar yaratadi va o‘ziga xos dramatik effekt qo‘shadi;
• rasm ustida chizilgan eskiz asosida yangi variantlar yaratadi;
• videodagi keraksiz shovqinlarni olib tashlaydi va ovoz sifatini yaxshilaydi.

Galaxy AI’ning to‘liq imkoniyatlar to‘plami qo‘llab-quvvatlanadigan modellar

• Samsung Galaxy S25, S25+, S25 Ultra
• Samsung Galaxy S24, S24+, S24 Ultra
• Samsung Galaxy S23, S23+, S23 Ultra, S23 FE
• Samsung Galaxy Z Fold 6, Z Flip 6
• Samsung Galaxy Z Fold 5, Z Flip 5
• Samsung Galaxy Tab S10+, S10 Ultra
• Samsung Galaxy Tab S9, S9+, S9 Ultra

Hozirda Galaxy AI’ning ko‘p funksiyalari Samsung’ning flagman smartfon va planshetlarida mavjud. Ammo ayrim imkoniyatlar yanada qulay narxdagi qurilmalarda ham ishlaydi – masalan, Aylana chizib qidirish funksiyasi Galaxy A seriyasidagi modellarda ham uchraydi.

Galaxy AI bilan ish, o‘qish va ijod jarayonlarini tezlashtiring va takomillashtiring.

Galaxy A17 va Yandex birlashgan holda, ko‘proq vaqtingiz va energiyangizni tejaydi. Kichik qulayliklar ham hayotingizni yoqimli qilishda katta yordam bera oladi. Masalan, endi yo‘lda adashish, ishga kechikish yoki ma’lumot izlab charchash degan muammolar sizni qiynamaydi.

Kundalik hayot uchun yaratilgan GalaxyA17

• 6,7 dyuymli Super AMOLED ekran orqali matnlar ko‘zni charchatmaydi, kechasi esa “Eye Comfort” rejimi ko‘zlarni himoya qiladi.
• 90 Hz yangilanish tezligi bilan har bir harakatni silliq ko‘rsatadi. Shunchaki ijtimoiy tarmoqlarni kuzating, film tomosha qiling yoki o‘yin o‘ynang – qotmay ishlaydi.

• 50 MP asosiy kamera (OIS bilan) sizga tungi suratlarda ham aniq, yorqin kadrlar beradi.
• 5000 mA·soat sig‘imli batareya tufayli smartfon quvvati sizga butun kun davomida bemalol yetadi.
• IP54 darajasidagi himoyasi sizni sovuq yomg‘ir yoki changli muhitda ham xavotirga solmaydi.

Uzluksiz qulaylik – Samsung ekotizimida

Galaxy A17 nafaqat mustaqil kuchli smartfon, balki Samsung ekotizimining muhim qismi hamdir.

• One UI 7 interfeysi – foydalanishingiz uchun sodda va qulay.
• Quick Share yordamida siz surat yoki hujjatni bir zumda ulashasiz,
• Smart Switch orqali esa eski telefoningizdagi barcha ma’lumotlarni yangi Galaxy’ga oson o‘tkazasiz.
• Gemini Live sun’iy intellekt imkoniyatlari, aylana chizib qidirish va shu kabi zamonaviy funksiyalar – barchasi Galaxy A17’da mavjud.

O‘zbekistonlik foydalanuvchilar uchun qulayliklar

• Yandex Kartalar – O‘zbekiston bo‘ylab ayni vaqtdagi yo‘l tirbandliklarini ko‘rsatib turadi, manzilga tezroq yetib olish uchun eng qulay marshrutni tavsiya etadi.
• Yandex Musiqa – kayfiyatga qarab musiqani moslaydi, ommalashayotgan yangi o‘zbekcha qo‘shiqlarni tinglash imkoniyatini yaratadi.
• Yandex Qidiruv – kerakli ma’lumotni soniyada topadi, siz esa o‘qish yoki ishga e’tibor qaratishingiz mumkin.
• Yandex Pogoda – ob-havo haqida ma’lumot berib, ertangi kuningizni rejalashtirishda yordam beradi.

Galaxy A17’ning tezkor tizimi va Yandex servislarining mahalliylashtirilgan funksiyalari birgalikda ishlaganda, siz o‘zingizni haqiqiy “raqamli komfort hududi”da his qilasiz.

Yangi odatlar uchun yangi imkoniyatlar

Masalan, Yandex Musiqa orqali o‘qish vaqtida diqqatni jamlaydigan pleylistni tanlab, Galaxy A17’dagi “Focus mode” funksiyasi yordamida bildirishnomalarni vaqtincha o‘chirib qo‘yish mumkin.

Yoki Yandex Kartalarda yangi kafeni topib, yo‘l-yo‘lakay kamera orqali manzara suratlarini olish – bu ham kundalik, ammo texnologiya yordamida qulaylashgan jarayon.

Galaxy A17 va Yandex’ning birlashgan imkoniyatlari sizni ortiqcha tashvishlardan ozod etishga tayyor.

Batafsil ma’lumot samsung.com saytida.

Tibbiyot sohasida 25 yildan ortiq tajribam va hozirda Samsung Electronics kompaniyasining Digital Health jamoasi rahbari sifatida men yaratilayotgan innovatsiyalar shunchaki navbatdagi bir innovatsiya boʻlibgina qolmay, ular sogʻliqni saqlash sohasida bizni qanday qilib amalda taraqqiyotga olib kelishi mumkinligi haqida koʻp oʻylayman. Mana nega sunʼiy intellektga chuqur qiziqish bilan qarayman, chunki u murakkablikni soddalashtirish orqali jamiyatning koʻplab sogʻliqqa oid muammolarini hal qilishning yangi usullarini koʻrsatadi.

Sogʻliqni saqlashni qayta koʻrib chiqish boʻyicha davom etayotgan ishimizda Samsung Energy Score kabi yechimlarni ishlab chiqishda ilgʻor sunʼiy intellekt algoritmlari va chuqur texnik tajribadan foydalanmoqda. Bu funksiya uyqu, yurak salomatligi va jismoniy faollik kabi koʻplab salomatlik koʻrsatkichlari orqali jismoniy va aqliy energiya darajasini o‘lchaydi. Bizning keyingi rejamiz sunʼiy intellekt yordamida foydalanuvchilarning salomatlik holatining yaxlit koʻrinishini taʼminlash uchun ovqatlanish, ruhiy salomatlik va qoʻshimcha ravishda mobil telefondan foydalanish tartibi kabi kengroq koʻrsatkichlarni ham kiritishdir.

AI shablon va xatti-harakatlarni tahlil qilish, noodatiy holatlarni aniqlash va hatto ehtimoliy sogʻliq muammolarini oldindan aniqlash orqali kasallikning erta oldini olish uchun katta yordam beradi. Uzoq yillik sensor innovatsiyalarimizni AI sohasida yetakchiligimiz bilan birlashtirib, biz uyqu apnoesidan tashqari boshqa kasalliklarning ham oldini olish va kardio-metabolik kasalliklargacha kengaytirish boʻyicha imkoniyatlarimizni oshirishni maqsad qilganmiz. Xususan, qon glyukozasi biz uchun katta eʼtibor sohasi boʻlib, Samsung qandli diabetning dastlabki belgilarini aniqlovchi sensor algoritmi hamda qon glyukozasini ukolsiz monitoring qilish texnologiyasi hamda doimiy glyukoza monitoringi bilan integratsiyalashgan parhez murabbiyini ishlab chiqish ustida ishlamoqda.

Bizning maqsadimiz sogʻliqni saqlashda proaktiv yondashuvni qoʻllab-quvvatlash, odamlar, oilalar va umuman butun jamiyat uchun sogʻliqni saqlashdagi ogʻir yukni kamaytirishdir. Men AI texnologiyasi raqamli sogʻliqni saqlash sanoatini inqilob qilishiga va barcha uchun sogʻlom turmush tarzini soddalashtirishiga ishonaman. Global texnologiya yetakchisi sifatida texnologiya innovatsiyalarimiz va oʻsib borayotgan hamkorlik ekotizimimiz bilan buni haqiqatga aylantirish uchun Samsung barcha imkoniyatlarga ega.

Bir necha hafta oldin biz One UI 7 beta dasturini ishga tushirdik. Bu sunʼiy intellekt (AI) integratsiyalangan birinchi operatsion tizim paydo boʻlishi bilan yangi davrning boshlanishini anglatdi — foydalanuvchilar uchun mobil imkoniyatlarni misli koʻrilmagan darajada shaxsiylashtirish orqali qulaylikni sezilarli darajada oshiradigan haqiqiy AI platformasi.

Galaxy kompaniyasida AI’ni shaxsiylashtirishga boʻlgan yondashuvda — ilk AI telefonini ishga tushirganimizdan boshlab qurilma ichiga oʻrnatilgan AI’ning muntazam innovatsiyasigacha hech qachon foydalanuvchilarning maxfiyligini taʼminlashdan voz kechmaganmiz. Biz haqiqatan ham sizni tushunadigan mobil AI afzalliklarini xohlayotganingizni bilamiz. Hayot tarzingizga moslashtirilgan telefonni xohlaysiz, bu sizga kundalik hayotingizda toʻsiqlarni olib tashlashda yordam beradi va bunda shaxsiy maʼlumotlaringizdan nojoʻya foydalanishlari xavfi yoʻq.

Keyingi yangi standartni oʻrnatuvchi Galaxy S modelidagi smartfonlar kirib kelishi bilan biz Galaxy foydalanuvchilariga yanada chuqurroq shaxsiylashtirish imkoniyati hamda yanada koʻproq xotirjamlik tuhfa etamiz. Buning uchun biz shaxsiy maʼlumotlar mexanizmini (Personal Data Engine) yaratdik, bu qurilmada va ilovalar oʻrtasida shaxsiy maʼlumotlarni himoya qiluvchi kuchli maxfiylikni taʼminlaydi.

Shaxsiylashtirilgan maʼlumotlar Knox Vault tomonidan boshqariladigan shifrlash kaliti bilan himoyalangan xavfsiz joyda saqlanadi. Bu sizning biometrik maʼlumotlaringiz kabi smartfoningizdagi eng nozik maʼlumotlarni himoya qilish uchun ishlatiladigan yagona ishonchli platformadir. Qoʻshimcha himoya qatlami sifatida uning post-kvant kriptografiyasi kelajakdagi maʼlumotlaringiz xavfsizligini o‘sib borayotgan kvant hisoblash tahdidlaridan himoya qiladi.

Now Brief rasmi¹

Ushbu mustahkam maxfiylik zaminida biz hayotingizga moslashtirilgan mobil qulayliklar yaralishi uchun yanada koʻproq imkoniyatlar ochmoqdamiz. Barchasi Galaxy’da.

One UI 7’ning ajralib turuvchi elementlaridan biri bu Now Bar boʻlib, u kundalik faoliyatingiz va eng koʻp ishlatadigan ilovalaringizni qulflangan ekranga oson integratsiyalash orqali shaxsiylashtirishga yangicha maʼno beradi. Bu yerda siz koʻngilocharlikka oid narsalarni boshqarishingiz, keyingi puxta moslashtirilgan shaxsiy mashgʻulotingiz vaqtini belgilashingiz, navbatdagi uchrashuvga borish marshrutini olishingiz yoki boshqa tillarda muloqot qilishni boshlashingiz mumkin.

Shuningdek, Now Bar endilikda Galaxy’dagi qulayliklarga tezda kirish imkonini beradigan keng qamrovli hamda insaytlarga boy joyga aylanadi. Endi telefoningiz sizga xabar kelgani haqida ogoh qiladigan qurilma emas, balki hayot tarzingizni qoʻllab-quvvatlaydigan hamroh boʻladi.

Tasavvur qiling, siz Koreyaning Seul shahridan Kaliforniya shtatining San Xose shahriga sayohatga tayyorlanyapsiz. Tayyor boʻlganingizda telefoningiz sizga muhim ilovalaringiz toʻplangan jildni yaratishni taklif qiladi. Shunda siz boshqa narsaga chalgʻib, parvozingizni oʻtkazib yubormaysiz, u sizga aeroportga borish vaqti kelganini bilish imkonini beradi. U hatto uzoq parvoz kayfiyatiga moslab tanlangan sayohat pleylistini ham taqdim etadi.

Barmoqning birgina harakati bilan siz ob-havo maʼlumotlarini koʻra olasiz, buning uchun turli ilovalarni qidirish yoki tekshirish shart emas. Sayohatingiz davomida telefoningiz har bir lahzani yodda saqlab boradi va kunlar tunlar bilan almashar ekan, u sizga diqqatga sazovor oʻtgan voqealarni qayta jonlantirishga yordam beradi.

Ertalab va kechqurun Galaxy AI hayotingizga moslashtirilgan amaliy maslahatlar va tavsiyalar² beradi va ilhomlantiradi. Maxfiylik taʼminlangan mislsiz shaxsiylashtirish imkoniyati doim ishonchingizni oqlaydi. Bular — Galaxy AI’ning navbatdagi evolyutsiyasi.

¹Amaldagi UX/UI farq qilishi mumkin.
²Ayrim funksiyalar Samsung akkauntida login statusini talab qilishi mumkin. Xizmat mavjudligi mamlakat, til, qurilma modeli va ilovalarga qarab oʻzgarishi mumkin.

Foydalanuvchilar oʻz qurilmalari bilan koʻprogʻiga erisha oladi; ishlab chiquvchilar kelajak uchun barpo etadi

Samsung Electronics bugun San Xose McEnery konferensiya markazida oʻzining yillik Samsung Developer Conference’ni (Samsung ishlab chiquvchilar konferensiyasi) (SDC) oʻtkazdi. Ishlab chiquvchilar bilan hamkorlik va innovatsiyalarning oʻn yilligini nishonlayotgan kompaniya bu safar “Hamma uchun AI” ruhida eng soʻnggi koʻp qurilmali AI texnologiyasi bilan yanada shaxsiylashtirilgan va xavfsiz imkoniyatlarni taqdim etish boʻyicha oʻz qarashlarini namoyish etdi.

3000 ga yaqin ishlab chiquvchilar, hamkorlar va ommaviy axborot vositalari ishtirok etgan holda Samsung Electronics kompaniyasining Device Experience (DX) boʻlimi raisi oʻrinbosari, bosh direktori va rahbari Jong-Hee (JH) Han shunday dedi: “Biz soʻnggi 10 yil mobaynida koʻplab ishlab chiquvchilarimiz va hamkorlarimiz bilan innovatsiyalar tomon sayohatni davom ettirdik”. U bugungi sunʼiy intellekt davrida ham raqobatbardoshlikni, ham oʻzaro oʻsishni kuchaytirish uchun ochiq hamkorlik muhimligini taʼkidladi.

JH mustahkamroq xavfsizlik, ilgʻor shaxsiylashtirish, oilaviy parvarish imkoniyatlarini yaxshilash va B2B bizneslari uchun yangi imkoniyatlarni taklif qilish yoʻlida kompaniyaning AI texnologiyasidan qanday foydalanishiga oid qoʻshimcha tafsilotlarni ulashdi. “Samsung Electronics sunʼiy intellekt texnologiyasi yanada moslashtirilgan imkoniyatlarni taqdim etishi uchun uni har bir foydalanuvchining ovozidan tortib joylashuvigacha avtomatik ravishda taniydigan darajaga koʻtarishda davom etadi”, deb tushuntirdi u. “Bu saʼy-harakatlar Samsung’ning sunʼiy intellektga asoslangan dasturiy taʼminoti, platforma innovatsiyasi va xavfsizlik texnologiyasidan unumli foydalanish orqali yanada qulay va xavfsiz koʻp qurilmali imkoniyatlarni yaratadi”.

Bundan tashqari, kompaniya keyingi yil One UI nomi ostida mobil qurilmalardan tortib, televizorlar va maishiy texnikagacha boʻlgan asosiy mahsulot kategoriyalarining dasturiy imkoniyatlarini birlashtirishini eʼlon qildi. Mahsulot imkoniyatlari yaxlitligini taʼminlash va yetti yilgacha dasturiy taʼminotni yangilash majburiyatini zimmasiga olgan holda Samsung oʻz mijozlari uchun innovatsiyalarni taqdim etishda toʻxtamaydi.

Shuningdek, “Hamma uchun AI”ni amalga oshirish uchun Samsung innovatorlarga yangi zamin yaratish, ijtimoiy muammolarni hal qilish va kelajak avlodlar uchun qulayroq hayot yaratish yoʻlida yangi texnologiyalardan unumli foydalanish imkoniyatini beruvchi AI’ni ham ishlab chiqadi.

Samsung “Hamma uchun AI” innovatsiyasini yana bir bor takrorlaydi

SDC24’da kompaniya imkoniyatlarni ochish, shaxsiy maʼlumotlarni himoya qilish va undan foydalanuvchilarning kundalik hayotini yaxshilash uchun sunʼiy intellekt texnologiyasidan foydalanishini yana bir bor tasdiqladi. Ilgʻor sunʼiy intellekt texnologiyalariga oʻn yildan ortiq sarmoya kiritib kelgan Samsung kompaniyasi oʻzining “Hamma uchun AI”ga sodiqligi asosida shakllangan tadqiqot va innovatsiyalarining yoʻl xaritasi ishlab chiquvchilar va mijozlarni qay tarzda bir tomonga yoʻnaltirayotganini ulashdi.

Har bir shaxs uchun shaxsiylashtirish asosidagi sunʼiy intellektni yaratish zaruratidan ilhomlanib, Samsung “Hamma uchun AI”ni oʻylab topdi; bu kechki kun tartibini osonlashtirishni xohlaydigan oilalar, yangi joylarga endi-endi koʻnikib borayotgan uy egalari, ilhom olish uchun ilgʻor texnologiyalarni oʻrganayotgan ijodkorlar va innovatorlar uchun yaratilmoqda. Samsung qurilma ichidagi sunʼiy intellekt imkoniyatlaridan foydalangan holda maxfiylikka putur yetkazmasdan, bulutli va generativ AI orqali mislsiz samaradorlikni taqdim etishda davom etmoqda.

Shuningdek, Samsung hayotimizni yaxshilash uchun AI’ni rivojlantirishga sodiq ekan, barcha xodimlar sunʼiy intellektni rivojlantirish va undan foydalanish uchun “Adolat”, “Shaffoflik” va “Masʼuliyatlilik” global AI axloqiy tamoyillarini qoʻllab-quvvatlaydi.

“Hamma uchun AI” strategiyasi samaradorlik, ijodkorlik va muloqotni yaxshilash uchun Galaxy AI’ni mobil qurilmalarga yanada chuqurroq integratsiya qiladi; Bespoka AI jihozlari foydalanuvchilarning kundalik hayotini soddalashtiradi; Tizen operatsion tizimli Samsung aqlli televizorlari sunʼiy intellekt asosida ishlaydigan displeylarga ega; Bixby, SmartThings va One UI 7 uchun platformalararo AI yangilanishlari kelmoqda.

One UI 7 ga qisqacha nazar tashlash

One UI foydalanuvchilarga mobil qurilmalarda mavjud boʻlgan eng moslashuvchan, ijodiy va samarali imkoniyatlarni taqdim etish uchun yaratilgan. Samsung SDC24 koʻrgazmasida One UI 7 ga qisqa nazar tashlandi va uning sodda, taʼsirchan va hissiyotli dizaynga yoʻnaltirilgan yangi UX hamda Galaxy AI funksiyalarini kundalik hayotga yengil integratsiya qilishning yangicha usullari taʼkidlandi. One UI 7 beta versiyasi shu yil oxirigacha ishlab chiquvchilarga taqdim etiladi.

AI uy hayotga tatbiq etiladi

Samsung’ning Bespoke AI jihozlari oshxonami, mehmonxonami, bundan qatʼi nazar, butun xonadonga qulay imkoniyatlarni olib kiradi. AI Family Hub ga ega sovitkichdagi AI Vision Inside[1] yoki Bespoke Jet Bot Combo AI’dagi AI Floor Detect kabi sunʼiy intellektga ega funksiyalar bilan Samsung’ning aqlli maishiy texnikalari hayotni yanada qulay, sodda va oson qilish uchun eng zoʻr AI texnologiyalaridan foydalanadi.

Bu esa AI bilan yangilangan Bixby[2] yordamida yanada kuchayadi. Foydalanuvchilar Bixby’ni qoʻllab-quvvatlaydigan qurilma orqali istalgan joydan turib butun boshli aqlli uylarning istalgan qismini boshqarishlari mumkin. Shuningdek, Bixby imkoniyati cheklangan foydalanuvchilar uchun ham qulayliklar taqdim etadi. Uyda foydalanish qulayligini oshirish uchun Auto Open Door funksiyasi tufayli u uygʻotuvchi buyruqlarsiz[3] (“Salom, Bixby” va h.k.) oddiy chaqiruv bilan jihoz eshiklarini ochishi mumkin.

Bixby’ning kengaytirilgan imkoniyatlari Samsung smart televizorlariga ham tegishli. Foydalanuvchilar endi Bixby tufayli koʻrmoqchi boʻlgan kontentini odam tilida tavsiflab va sozlamalarni koʻplab buyruqlar yordamida sozlash orqali kerakli kontentni qidirishlari mumkin. Foydalanuvchilarning kundalik hayotini soddalashtirish boʻyicha doimiy majburiyatdan ilhomlangan masofadan mobil boshqaruv funksiyasi foydalanuvchilarga televizorlarini telefonidan boshqarish imkonini beradi va Samsung AI Cast mobil qurilmalarda AI tomonidan yaratilgan natijalarni televizorga yoʻnaltirishi mumkin. Foydalanuvchilar televizorning bosh ekranida mavjud boʻlgan generativ AI yordamida ishlab chiqilgan qator tasvirlar va kontentlar, jumladan, ChatGPT integratsiyasidan endi kattaroq displeyda bahramand boʻla olishadilar.

Samsung oʻzining vizual displey ilovalariga ham sunʼiy intellektni birlashtirmoqda. Jumladan, aqlli televizorlarda AI Upscaling va AI Customization’dan tortib, Nextdoor bilan yangi hamkorlik orqali har qanday smart televizor ekranini ob-havo, qurilma salomatligi va mahalliy yangiliklar kabi kundalik maʼlumotlarni olsa boʻladigan yagona markazga aylantirish uchun yangi Daily Board Software Development Kit’gacha (SDK) ishlab chiquvchilarga qulay vositalarni taqdim etmoqda.

VXT bilan keyingi avlod raqamli displey yechimlari

Samsung kontentni ishlab chiqarish, ishlatish va boshqarish uchun Visual Experience Transformation (VXT), uning dasturiy platformasi va unga hamroh boʻlgan kontentni boshqarish yechimi (CMS) bilan raqamli displey yechimlarining keyingi avlodini namoyish etdi. Pre-Integrated Repeatable Solution (PIRS) & Widget and Extension (WiNE) Framework bilan sunʼiy intellektga asoslangan chatbotdan foydalangan holda VXT samarali, soddalashtirilgan raqamli displey yechimlarini taqdim etadi va ishlab chiquvchilarga bunday yechimlarni muammosiz birlashtirish va platformadagi jarayonlarni soddalashtirish imkonini beradi.

Tizen jahon darajasidagi samaradorlikka erishish uchun qurilma ichidagi AI’dan foydalanadi

Samsung kompaniyasining katta operatsion tizimi — Tizen oʻzining sanoatdagi yetakchi tajribasini koʻplab qurilmalar va xizmatlarga olib kirayotgan paytda Samsung sunʼiy intellektni qoʻllab-quvvatlaydigan maʼlum maishiy texnikalarni AI Home[4] — 7 dyuymli LCD sensorli displey bilan jihozladi.

Tizen, shuningdek, Tizen AI xizmatlari bilan kuchaytirilmoqda. Samsung Neural Processing Unit (NPU) tomonidan quvvatlangan, Samsung mahsulotlariga moslanishi va foydalanuvchi ehtiyojlariga javob berish uchun optimallashtirilgan Tizen AI xizmatlari televizor tomosha qilish yoki video qoʻngʻiroqlar qilish paytida aks-sado va shovqin darajasini nazorat qilishdan tortib, qaydlarni toʻldirishni yaxshilash uchun foydalanuvchilarning yozish uslublarini tahlil qilishgacha boʻlgan aqlli, xavfsizroq va moslashtirilgan imkoniyatlarni taqdim etadi.

Samsung’ning sunʼiy intellektdan yanada kengroq foydalanishga sodiqligi Tizen va Galaxy ekotizimlari oʻrtasidagi kuchli oʻzaro muvofiqlikda ham namoyon boʻladi. Foydalanuvchilarga bir xil Bluetooth vositalari, jumladan, sichqoncha va klaviaturalar yordamida smartfon va planshetlarida harakatlanish va boshqarish imkonini beruvchi Multi-Control funksiyasi smart monitorlar va Tizen televizorlarida ham ishlaydi.

Samsung ishlab chiquvchilar uchun Tizen’ni RISC-V[5] asosida yaratdi va RISC-V bilan ishlab chiqilgan Tizen ilovalari uchun yangi SDK 2026-yilda taqdim etiladi.

Tizen operatsion tizimi Flutter‘ni — kross-platformali ilova yaratish tizimining soʻnggi versiyasini qoʻllab-quvvatlaydi va dastur ishlab chiquvchilari uchun yuqori darajali debaglash va profillash kengaytmalarini taqdim etishda davom etadi.

SmartThings sunʼiy intellekt yordamida yangi bosqichga chiqadi va sogʻliqni saqlash imkoniyatlarini kengaytiradi

Soʻnggi oʻn yil ichida Samsung SmartThings 350 milliondan ortiq obunachi va 340 dan ortiq “SmartThings bilan ishlaydi” (WWST) hamkorlari bilan eng yirik oʻzaro bogʻlangan platformalardan biriga aylandi.

Samsung yuqori darajadagi SmartThings imkoniyatlarini vujudga keltirish va kengroq hamkorlik aloqalarini yoʻlga qoʻyishni oʻrganish uchun ilgʻor AI texnologiyasidan foydalanmoqda. SmartThings kompaniyaning mahsulot va xizmatlarini ajratib turadigan innovatsion texnologiya sifatida asosiy rolni oʻynaydi.

SmartThings’ga shu oyda keladigan asosiy yangilanishlardan biri bu Home Insight[6] boʻlib, u uy imkoniyatlarini yaxshilash uchun jonli ravishda toʻplangan foydalanuvchi maʼlumotlari, isteʼmol usuli, qurilma tarixi va uy statistikasini tahlil qiladi. Shuningdek, u kunning yoki mavsumning maʼlum bir vaqtida uydan uzoqda boʻlganingizda boʻsh turgan qurilmalarni oʻchirish kabi uyni optimallashtirish funksiyalarini tavsiya qiladi. Bundan tashqari, Galaxy Tab S10 plansheti Home Insight vidjeti bilan jihozlangan boʻlib, undan uyni kuzatish va boshqarish uchun uy paneli sifatida qulay foydalanish mumkin.

Shuningdek, Samsung ekrani bor barcha mahsulotlarini SmartThings Hub‘ni ishga tushira oladigan qilish rejasini namoyish qildi. Bu Samsung qurilmalarini uyga gʻamxoʻrlik qilish uchun birgalikda ishlashini yaxshilaydi va hatto hamkor qurilmalar bilan ulanuvchanlikni ham oʻz ichiga oladi. Rejaga SmartThings Hub asosidagi Edge AI[7] texnologiyasi qoʻshilgan boʻlib, u uyning oʻzaro bogʻlangan qurilmalariga sunʼiy intellekt imkoniyatlarini oʻrnatib, chinakam sunʼiy intellekt bilan takomillashtirilgan uyni vujudga keltirishga hissa qoʻshadi.

Ochiq hamkorlik va innovatsiya ruhida Samsung oʻzining soʻnggi SmartThings hamkorliklari haqida tafsilotlarni ulashdi. 2025-yilda Samsung Wallet ichidagi Digital Home Key’ga SmartThings Door Lock funksiyasini qoʻshadigan Schlage[8] va Aqara[9] kabi turli xil aqlli kalit ishlab chiqaruvchilari bilan yangi hamkorliklar shular jumlasidan edi.

Barqarorlik, xususan, SmartThings va Kohler oʻrtasidagi hamkorlik bilan taʼkidlandi.[10] Kohler‘ning barqaror turmush tarzi boʻyicha bosh direktori (AQSh) Laura Kohler ushbu yangi integratsiya foydalanuvchilarga aqlli dush kallaklari va joʻmraklar bilan foydalanish suv isteʼmolini kamaytirishga qanday yordam berishini tushuntirish uchun sahnada SmartThings ijrochi prezident oʻrinbosari va rahbari Jaeyeon Jungga qoʻshildi.

Ulanuvchanlik standartlari ittifoqi (CSA) rahbari Tobin Richardson masofadan eʼlon qildiki, Samsung SmartThings Matter[11] 1.3 standartini qabul qilgan birinchi xizmat boʻlib, Matter ekotizimini doimiy qoʻllab-quvvatlash va kengaytirishda hal qiluvchi rol oʻynaydi.

Shuningdek, Samsung oʻzining SmartThings va Samsung Health xizmatlari oʻrtasida yaqinroq integratsiya oʻrnatishini namoyish etdi. Dexcom[12] uzluksiz glyukoza monitoringi tizimi (CGM) kompaniyasining texnik direktori Girish Naganathan foydalanuvchilar va ularning yaqinlari uchun uyda sogʻliqni saqlashning yanada moslashtirilgan, qulay nazorati boʻyicha kompaniyalarning umumiy qarashlarini muhokama qilish uchun Samsung bilan sahnaga chiqdi.

Xavfsizlik — AI davrining poydevori

Nihoyat, Samsung mustahkam xavfsizlik va maxfiylik standartlariga sodiqligini taʼkidlashda davom etdi. Samsung Knox bilan kompaniya eng soʻnggi AI imkoniyatlari hech qachon shaxsiy maʼlumotlarni oshkor qilishni talab qilmasligini taʼminlash uchun xavfsizlik boshqaruvini kuchaytirishga sarmoya kiritishda davom etmoqda. Blokcheynga asoslangan, koʻp qurilmali xavfsizlik yechimi boʻlgan Knox Matrix koʻp qurilmali imkoniyatlar boʻyicha xavfsizlikni yanada oshirish uchun mobil qurilmalardan televizorlar va maishiy texnikagacha kengayadi.

Samsung, shuningdek, 2025-yilda Tizen televizorlari, AI Family Hub li sovitkich va AI Home’ga ega maishiy texnikalarga Passkey‘ning kengayishini taʼkidladi. Passkey foydalanuvchilarga mobil QR kodni skanerlash orqali veb-brauzerga asoslangan loginlarni qoʻllab-quvvatlagan holda katta qulaylik va mustahkam xavfsizlikni taʼminlaydi.

Ushbu xususiyatlarning har biri foydalanuvchilarga yanada mustahkam xavfsizlikni taʼminlash, ishlab chiquvchilarni qoʻllab-quvvatlash va yangi AI davrimizdan maksimal darajada foydalanish uchun sunʼiy intellektga asoslangan eng soʻnggi va eng yaxshi innovatsiyalarni taqdim etuvchi qurilmalarni rivojlantirishda muhim rol oʻynaydi.

Samsung ishlab chiquvchilar, ijodkorlar va hamkorlar va boshqalarni ochiq innovatsiyalar va oʻzaro bogʻlanish orqali ajoyib qulayliklarni yuzaga keltirish saʼy-harakatlariga qoʻshilishga chorlaydi. SDC24 haqida qoʻshimcha maʼlumot olish uchun www.developer.samsung.com/sdc saytiga tashrif buyuring.

[1] 2024-yil mart oyi holatiga koʻra, AI Vision Inside yangi meva va sabzavotlar kabi 33 tagacha oziq-ovqat mahsulotlarini aniqlay oladi. Agar oziq-ovqat mahsuloti aniqlanib boʻlmasa, u nomaʼlum mahsulot sifatida roʻyxatga olinishi mumkin. AI Vision Inside muzlatkich eshigi qutilari yoki muzlatkichdagi biron-bir oziq-ovqat mahsulotlarini aniqlay olmaydi yoki roʻyxatga olmaydi. U oziq-ovqat mahsulotlarini chuqur oʻrganish modellari asosida aniqlaydi va aniqlikni oshirish uchun vaqti-vaqti bilan yangilanishi mumkin.

[2] Yangilanish 2024-yilda sotuvga chiqarilgan qurilmalar uchun, jumladan, AI Family Hub ga ega 4 ta fransuz eshikli sovitkich; Bespoke AI Laundry Combo; Bespoke Slide-in Range; Bespoke Jet Bot Combo AI va Bespoke AI WindFree Gallery Freestanding konditsionerlari.

[3] Bu funksiya hozirda ayrim sovitkichlar va kir yuvish mashinalarida mavjud.

[4] AI Home’da mavjud boʻlgan barcha xizmatlar sunʼiy intellekt ekanligini yoki sunʼiy intellekt yordamida maʼlumot yoki natijalarni yaratayotganini anglatmaydi. AI Home orqali mavjud boʻlgan AI Smart Dial, AI Wash & Dry va Bixby ovoz funksiyalari sunʼiy intellektga asoslangan algoritmlardan foydalanadi va aniqlikni oshirish uchun vaqti-vaqti bilan yangilanishi mumkin. AI’ga asoslangan algoritmlar toʻliq boʻlmagan yoki notoʻgʻri maʼlumotlar yaratishi mumkin.

[5] RISC-V “Kamaytirilgan koʻrsatmalar toʻplami kompyuteri” qisqartmasi boʻlib, u murakkab operatsiyalarni tezroq va samaraliroq qayta ishlash imkonini beruvchi CPU buyruqlarining kombinatsiyasi hisoblanadi.

[6] Xulosalash va taklif funksiyalari hozirda faqat AQSh va Koreyada mavjud va 24.10 dan boshlab sekinlik bilan boshqa mintaqalarga ham kengayadi. Qoʻllab-quvvatlanadigan qurilmalar Galaxy smartfonlari, planshetlari va Samsung smart televizorlari boʻlib, ularni yanada kengaytirish rejalari mavjud.

[7] Edge AI — bulutdan foydalanmasdan uyda yuqori unumdor qurilmalar yordamida maʼlumotlarni qayta ishlaydigan texnologiya. Bu maʼlumotlarni tezkor qayta ishlash va yanada mustahkam xavfsizlikni taʼminlaydi.

[8] https://www.schlage.com/en/home.html

[9] https://www.aqara.com/en/

[10] https://www.kohler.com/en

[11] Matter: CSA (Connectivity Standards Alliance) tomonidan qurilmalar oʻrtasida oʻzaro muvofiqlikni yaxshilash uchun tan olingan ulanuvchanlik standarti.

[12] https://www.dexcom.com/

Samsung oʻn yilligi nishonlanadigan SDC24’ga “Hamma uchun AI – oʻn yillik va undan keyin ham davom etadigan ochiq innovatsiyalar” mavzusi ostida dunyo boʻylab 3000 ga yaqin ishlab chiquvchilar, hamkorlar va ommaviy axborot vositalarini taklif etdi.

Samsung Newsroom sunʼiy intellekt yordamida yangi kelajak imkoniyatlarini kuzatish uchun SDC24 koʻrgazmasida ishtirok etdi.

Shaxsiylashtirilgan va xavfsiz AI imkoniyatlari

Tadbir Samsung Electronics kompaniyasining Device eXperience (DX) boʻlimi raisi oʻrinbosari, bosh direktori va rahbari Jong-Hee (JH) Hanning maʼruzasi bilan boshlandi. Oʻz nutqi davomida Han koʻp qurilmali AI texnologiyasi orqali yanada shaxsiylashtirilgan va xavfsiz qulayliklarni taqdim etish haqidagi tasavvurni ochib berdi.

“Kelajakda Samsung qurilmalari kim gapirayotganini aniqlash imkoniyatiga erishadi va foydalanuvchilarga moslashtirilgan funksional imkoniyatlarni taqdim etadi. Qolaversa, uydagi oʻzaro bogʻlangan qurilmalar va sensorlar yanada boshqacha shaxsiylashtirish imkoniyatlarini taʼminlash uchun turar joyingizni hisobga oladi”, — dedi u. “Samsung kompaniyasi mobil qurilmalardan tortib televizorlar va maishiy texnikagacha boʻlgan keng qamrovli mahsulotlar kategoriyasiga ega boʻlganligi sababli biz ushbu moslashtirilgan sunʼiy intellekt imkoniyatlarini taqdim etish uchun eng yaxshi pozitsiyada ekanligimizga ishonaman”.

▲ Rais oʻrinbosari JH Han SDC24’da nutq soʻzlamoqda

Samsung Research va Global AI Center ijrochi prezident oʻrinbosari va rahbari Daehyun Kim kompaniyaning AI tadqiqot yoʻnalishi va xavfsizlik texnologiyalari strategiyasini bayon qildi.

“Bizda qurilma ichidagi sunʼiy intellekt va bulutli sunʼiy intellekt imkoniyatlari uchun noyob texnologiya va funksionalliklarga putur yetkazmagan holda maxfiyligingizni himoya qiladigan koʻplab yechimlar mavjud. Hamkorlarimiz bilan olib borilgan faoliyat tufayli bizning matn, tasvir va nutq uchun generativ AI vositalarimiz dunyo yuzini koʻrdi. Ular AI kelajagi haqidagi tasavvurimizni shakllantirishda kalit rolini oʻynaydi”, — deb ta’kidladi Daehyun Kim.

▲ Ijrochi prezident oʻrinbosari Daehyun Kim sunʼiy intellekt va xavfsizlik oʻrtasidagi kesishmani tushuntirmoqda

Aqlliroq funksiyalar uchun sunʼiy intellektga asoslangan innovatsiyalar

Samsung mijozlar uchun qulayliklarni yaxshilash yoʻlida mahsulotlar kategoriyasiga sunʼiy intellektni integratsiya qilmoqda. Kompaniya One UI’ni mobil qurilmalardan tashqari Samsung’ning barcha isteʼmol mahsulotlari uchun dasturiy taʼminotga aylantirish rejasini eʼlon qildi.

“Biz yanada koʻproq odamlar sunʼiy intellektdan bahramand boʻlishini istaymiz. Shuning uchun flagman qurilmalarimizdan tashqari, ushbu Galaxy AI imkoniyatlarini A modellariga kengaytiramiz va Galaxy AI’ni butun Galaxy ekotizimiga olib kirishda davom etamiz”, — dedi Framework, R&D va Mobile eXperience (MX) bo‘linmasi ijrochi prezident oʻrinbosari va rahbari Sally Hyesoon Jeong.

Shuningdek, u ishtirokchilarga yaqinlashib kelayotgan One UI 7 haqida qisqacha taqdimot oʻtkazdi. Uning Beta versiyasi joriy yilning oxirigacha ishlab chiquvchilarga taqdim etiladi.

“Biz yangicha UX dizaynini oʻrganmoqdamiz. One UI 7 butun interfeysga yangilik olib kiradi” — deb qoʻshimcha qildi Jeong.

▲ Ijrochi prezident oʻrinbosari Sally Hyesoon Jeong One UI 7’ga qisqa nazar tashlamoqda

“Biz uy jihozlarini boshqarish va foydalanuvchi imkoniyatlarini yaxshilash uchun Bixby’ni AI uyga integratsiya qilishning yangi usullari ustida ishlamoqdamiz, — dedi UX va Digital Appliances (DA) bo‘linmasi prezident oʻrinbosari va rahbari Young Ah Lee. — Bizning Bixby uchun soʻnggi yangilanishimiz maishiy texnika bilan oʻzaro aloqangizni xuddi doʻstingiz bilan gaplashgandek osonlashtirish uchun AI texnologiyasidan foydalanadi”.

▲ Prezident oʻrinbosari Young Ah Lee Bespoke AI maishiy texnikasi bilan foydalanuvchi imkoniyatlarini muhokama qilmoqda

Application S/W R&D va Vizual Display (VD) bo‘linmasi prezident oʻrinbosari va rahbari Moon-soo Kim yangilangan Bixby foydalanuvchilarga oddiy ovozli buyruqlar yordamida moslashtirilgan televizor kontentini topish va undan bahramand boʻlishda qanday yordam berishi haqida maʼlumotlarni ulashdi. Samsung AI Cast esa mobil qurilmalardan sunʼiy intellekt tomonidan yaratilgan materiallarni toʻgʻridan toʻgʻri Samsung televizorlariga yoʻnaltirish imkonini beradi.

“Bunday funksiyalar Samsung televizorlarini AI bilan o‘zaro ishlash uchun haqiqatan ham eng yaxshi yechimga aylantiradi”,  — dedi u.

▲ Prezident oʻrinbosari Moon-soo Kim Samsung kompaniyasining sunʼiy intellektga ega televizorlarining yangi xususiyatlarini taʼkidlamoqda

Shu yilning yanvarida Samsung kompaniyasi Samsung Visual eXperience Transformation (VXT) — kontentni boshqarishning keyingi avlod yechimini ishga tushirdi. Visual eXperience PM va Visual Display (VD) bo‘linmasi ijrochi prezident oʻrinbosari va rahbari Alex YW Lee foydalanuvchilar sunʼiy intellekt yordamida B2B displeylarini qanday yaratishi va boshqarishi hamda hamkorlarning oldindan integratsiyalangan takrorlanuvchi yechimlarining keng doirasidan qanday foydalanish mumkinligini namoyish etdi.

“VXT kelajagiga nazar tashlar ekanmiz, biz ishlab chiquvchilar hamjamiyatlari bilan hamkorlik qilishning yangi usullarini izlashda davom etamiz. Ushbu yangi ekotizimni shakllantirish va VXT’da dunyoning eng zoʻr ilova va xizmatlarini ishlab chiqarishda bizga qoʻshiling”, — dedi u.

▲ Ijrochi prezident oʻrinbosari Alex YW Lee B2B sohasida AI ahamiyatini taʼkidlamoqda

Platforma innovatsiyasi va masʼuliyatli AI

Bundan tashqari, Samsung foydalanuvchilarga yanada moslashtirilgan va uzluksiz imkoniyatlar taqdim etish uchun ochiq hamkorlik va AI’ga tayanadigan soʻnggi SmartThings yangilanishlarini taqdim etdi.

“Biz yaqindagina Home Insight’ni ishga tushirdik, — dedi SmartThings, Device Platform Center ijrochi prezident oʻrinbosari va rahbari Jaeyeon Jung. — U sizning yashash tarzingizni tushunish uchun ishlab chiqilgan boʻlib, uy haqida hisobotlarni taqdim etadi va sizning kommunal isteʼmolingiz, odatlaringiz va hatto yil davomida mavsumlarga moslashtirilgan tavsiyalarni taqdim etadi”.

▲ Ijrochi prezident oʻrinbosari Jaeyeon Jung eng yangi SmartThings xizmatlarini tanishtirmoqda

Samsung Research va Platform prezident oʻrinbosari va rahbari Hobum Kwon Tizen OS Samsung’ning neyron protsessor chiplari bilan quvvatlanadigan sunʼiy intellekt modellarini oʻzida integratsiya qilishi va Galaxy qurilmalari bilan rivojlangan ulanuvchanlikni taqdim etishini taʼkidladi.

“Tizen’ning tartibli va toza dasturiy taʼminot arxitekturasi Tizen qurilmalarini yetti yilgacha OS yangilanishlari bilan taʼminlaydi”, — dedi u.

▲ Prezident oʻrinbosari Hobum Kwon Tizen OS’ning eng yangi funksiyalarini taqdim etmoqda

Platforma innovatsiyasi ilgʻor xavfsizlik texnologiyasi bilan harakatga keltiriladi.

“Samsung sunʼiy intellektni masʼuliyat bilan rivojlantirishga intiladi va unda uchta asosiy sunʼiy intellekt axloqiy tamoyillari mavjud: adolat, shaffoflik va mas’uliyat — bu sifatlar biz amalga oshirayotgan barcha ishlarning zamirida yotadi, — dedi Device Platform Center va xavfsizlikni taʼminlash boʻlimi rahbari Shin Baik. — Biz zaifliklarni aniqlashni avtomatlashtirish kundan kunga kengayib borayotgan tahdidlarga moslashish uchun muhim deb hisoblaymiz. Yaʼni biz yangi mahsulotlarda avtomatlashtirilgan xavfsizlik tekshiruvlarini oʻtkazish uchun AI texnologiyasidan foydalanamiz. Siz buni birinchi boʻlib Tizen mahsulotlarida kuzatasiz va biz bu imkoniyatni Samsung’ning butun mahsulot kategoriyalari va xizmatlariga tarqatishda davom etamiz”.

▲ Xavfsizlikni taʼminlash boʻlimi rahbari Shin Baik AI innovatsiyalarida masʼuliyatli boʻlish zarurligini alohida taʼkidlamoqda

Ishlab chiquvchilar va hamkorlar bilan kelajak qurish

Taqdimot davomida ishtirokchilar Samsung’ning eng yangi dasturiy taʼminot texnologiyalari va ishlab chiquvchilarni qoʻllab-quvvatlash tashabbuslariga guvoh boʻlishdi. Samsung oʻzining sunʼiy intellekt ekotizimini ishlab chiquvchilar va hamkorlar bilan ochiq hamkorlik orqali rivojlantirishda davom etadi hamda AI davrida kompaniyaning raqobatdosh ustunligini mustahkamlab boradi.

▲ Ishlab chiquvchilar va hamkorlar SDC24’da maʼruzani tomosha qilishmoqda

Samsung Electronics kompaniyasi Interbrand global brendlar bo’yicha konsalting kompaniyasi tomonidan ketma-ket beshinchi yil “Global Top 5” brendi sifatida tan olinganini e’lon qildi. Interbrand har yili o’zining “Eng yaxshi global brendlar” ro’yxatini e’lon qiladi va bu yilgi ro’yxatda Samsung brendi qiymati 100,8 milliard dollarga yetgani va yiliga 10 foizga o’sgani ma’lum bo’ldi.

Samsung Electronics brendi qiymatining sezilarli o’sishiga AI sanoatining o’sishi, xususan, uning qurilmadagi AI sohasidagi yetakchiligi va yarimo’tkazgichlar sektoridagi raqobatbardoshligi sabab bo’ldi. 2020-yildagi birinchi beshlik reytingidan buyon Samsung Electronics to‘rt yil davomida 62 foizlik sezilarli o‘sishni ko’rsatdi va global beshlik brendlari orasida yagona Osiyolik biznesi bo‘lib qolmoqda.

“Bu yilgi brendning sezilarli darajada o‘sishi AI’ga bo‘lgan yaxlit yondashuvimiz va ushbu kuchli texnologiyani butun dunyodagi Samsung foydalanuvchilari qo‘liga topshirishga qaratilgan sa’y-harakatlarimizning bevosita natijasidir”, dedi YH Lee, Samsung Electronics kompaniyasi prezidenti va Global marketing Ofisi rahbari. “Oldinga harakatlanib, biz foydalanuvchilarimiz sevadigan va kutgan fazilatlarga yanada ko’proq tayanamiz.”

Qurilmada AI, takomillashgan ulanish tajribasi va AI yetakchiligi bilan tan olingan kompaniya

Interbrand ma’lumotlariga ko’ra, Samsung Electronics kompaniyasini bu tarzda baholashga quyidagilar ijobiy ta’sir ko’rsatdi:

• Asosiy mahsulotlarda AI texnologiyalarini qo’llash va qurilmalardagi AI bozorida yetakchilik
• AI’ga ega platformalar va mahsulotlar orqali takomillashgan ulanish tajribasi
• Yarimo’tkazgichlar sektoridagi raqobatbardoshligiga asoslangan AI yetakchiligi
• Jahon bozorida izchil brend strategiyasini amalga oshirish
• Barqaror kelajakka doimiy sodiqlik

Bu yil “AI Hamma uchun” g‘oyasi ostida Samsung mijozlar tajribasini yaxshilash uchun AI texnologiyalari bilan ta’minlangan mahsulotlar portfelini kengaytirmoqda. Galaxy S24 seriyasining chiqarilishi bilan Samsung mobil AI sohasida yetakchilik qilmoqda. Shuningdek, u AI protsessorlari va AI miqyosini oshirish bilan jihozlangan AI televizorlarini ishga tushirdi, shu bilan birga foydalanuvchining kundalik hayotini kengaytiruvchi Bespoke AI qurilmalarini taqdim etdi.

Kompaniya SmartThings ekotizimini birlashgan ulanish tajribasini ta’minlash uchun kengaytirmoqda, bu nafaqat o’z mahsulotlarini, balki turli xil uchinchi tomon qurilmalarini ham ta’minlaydi. Ushbu integratsiya energiyani tejash va oilaga g’amxo’rlik qilish kabi qulayliklardan tashqari katta afzalliklarni taklif etadi.

Yarimoʻtkazgichlar sanoatining yetakchisi sifatida Samsung ortib borayotgan AI talabini qondirish uchun ilmiy-tadqiqot ishlariga dadil sarmoya kiritmoqda va DDR5, GDDR7, HBM3E, LPDDR5X, 9-avlod V-NAND, Exynos SoC, yuqori aniqlikdagi tasvir sensori kabi innovatsion xotira mahsulotlari bilan server va qurilmalardagi AI ehtiyojlarini faol ravishda hal qilishga o’z sa’y-harakatlarini qaratmoqda.

Brend strategiyasiga kelsak, kompaniya doimiy brend qadriyatlarini yetkazib berish va mijozlar bilan haqiqiy munosabatlar o’rnatish uchun tan olingan.

Bundan tashqari, Samsung mahsulot toifalarining keng assortimentida qayta ishlangan turli materiallarni o’zlashtirib, atrof-muhitga e’tiborli faoliyat va tashabbuslarni amalga oshirishga e’tibor qaratadi. U global tashabbuslarda ishtirok etdi va qurilmadan foydalanish bilan bog’liq uglerod chiqindilarini kamaytirish kabi maqsadlarga e’tibor qaratgan holda sanoat rahbarlari bilan hamkorlik qildi. Samsung Electronics’ning barqarorlikni ta’minlash va turli korporativ madaniyatni rivojlantirish borasidagi sa’y-harakatlari ham ijobiy baholandi.

Samsung’ning har bir biznes yo’nalishidagi e’tirof etilgan sa’y-harakatlari

Mobil qurilmalar

• Galaxy S24 seriyasining chiqarilishidan keyin Galaxy AI bilan mobil AI davrida yetakchilik qilmoqda
• Yangi Galaxy AI noyob Galaxy Z Fold6 va Z Flip6 buklanadigan tajriba bilan yuqori darajaga ko‘tarildi
• Galaxy Ring va yangi Galaxy Watch seriyalarining chiqarilishi bilan sog‘liqni saqlash AI sohasida yetakchilik mustahkamlandi.

Tarmoqlar

• Virtuallashtirilgan Radio Access Network (vRAN) va Open RANda yetakchilikni kuchaytirildi
• 6G texnik standartlashtirishda yetakchilik saqlanmoqda
• Turli 5G’dan foydalanish holatlarini, jumladan, striming va gaming’ni qo‘llab-quvvatlash uchun izchil innovatsion texnologiyalar ishlatilishi
• Mijoz kompaniyalari bilan hamkorlikni kuchaytirish va Samsung tarmoq texnologiyasining barqarorlik jihatlarini yetkazish

Vizual Displeylar

• Televizor va saundbar bozorlarida global yetakchilikni mustahkamlash
• AI televizorlari, MICRO LED displeylari va Musiqa ramkasi kabi mahsulotlarni doimiy ravishda innovatsiya qilish
• Ko‘rish tajribasini ilg‘or texnologiyalar, jumladan, AI’ni oshirish va Active Voice Amplifier Pro bilan yangilash
• Turli hamkorliklar orqali o’zini asosiy o’yin hamkori sifatida joylashtirish
• Samsung Knox orqali xavfsizlik va maxfiylikni mustahkamlash

Raqamli maishiy texnika

• Izchil mahsulot innovatsiyasi va ilg‘or AI qobiliyatlari orqali muzlatgichlar va kir yuvish mashinalari kabi toifalarda global yetakchilikni saqlab qolish
• Bespoke AI qurilmalari orqali mijozlarga yo’naltirilgan qiymat va tajribani taqdim etish
• Avtomatik ochiq eshik va yangilangan Bixby ovozli boshqaruvi yordamida foydalanish imkoniyatini oshirish
• SmartThings AI Energy Mode orqali energiya samaradorligi kabi katta imtiyozlarni taklif qilish va SmartThings ulanish tajribasini butun dunyo bo‘ylab kengaytirish

Yarimo’tkazgichlar

• Sanoatdagi birinchi GDDR7 DRAM, HBM3E DRAM, LPDDR5X DRAM va 9-avlod V-NANDni yetkazib berish hamda AI davri uchun bozor yetakchiligini mustahkamlash
• Avtonom avtotransport vositalarini ishlab chiqish uchun optimallashtirilgan ISOCELL Auto 1H1 sensorlari kabi izchil rivojlanayotgan AI texnologiyalari
• 990 EVO va SSD T9 kabi noyob B2C SSD mahsulotlarining izchil chiqarilishi bilan mijozlar kutgan ko’rsatkichlardan oshib ketish

Interbrand’ning eng kuchli global brendlari har bir brend qiymatini baholashga ko’ra ro’yxatga olinadi, bu kompaniyaning moliyaviy ko’rsatkichlarini har tomonlama tahlil qilish, brendning mijozlar xaridlariga ta’siri va brendning raqobatbardoshligiga (strategiya, empatiya, mijozlarni jalb qilish, izchillik, ishonchlilik va boshqalar) ta’sir qilishini inobatga oladi. Ushbu tashkilot brend qiymatini baholash bo’yicha dunyodagi eng uzoq tarixlardan biriga egaligi va ishonchliligi uchun keng e’tirof etilgan.

Samsung kompaniyasi Atlanta deb nomlangan jamoani tuzdi — uning tarkibiga Georgia texnologiya instituti, Nyu-York Universiteti (NYU), Koreya ilm-fan va texnologiya ilg‘or instituti (KAIST), Pohang fan va texnologiya universiteti (POSTECH) hamda Samsung huzuridagi yetakchi tadqiqot va ishlanmalar tashkiloti Samsung Research kabi tashkilotlarning 30 dan ortiq xavfsizlik tadqiqotchilari kirdi.

▲ Atlanta jamoasi a’zolari suratga tushishdi.

AIxCC ishtirokchilari AI’dan foydalangan holda keng ko’lamli dasturiy ta’minot tizimlaridagi zaifliklarni aniqlash va yumshatish uchun raqobatlashadilar. Umumiy mukofot jamg‘armasi 20 million dollardan ortiq bo‘lgan tanlov ijtimoiy infratuzilma tizimlari, jumladan, transport, kommunal xizmatlar va sog‘liqni saqlash tizimlari uchun kompyuter kodlari xavfsizligini yaxshilash uchun yangi texnologiyalarni rivojlantirishga ko‘maklashishga qaratilgan.

Musobaqa Las-Vegasda kiberxavfsizlik va dasturchilik bo’yicha har yil o’tkaziladigan DEF CON konferentsiyasi bilan birgalikda o’tkaziladi. 2023-yil avgust oyida AIxCC musobaqasi e’lon qilinganidan so‘ng, 2024-yil 9-11-avgust kunlari DEF CON 32 yarimfinalidan muvaffaqiyatli o‘tishdan oldin Team Atlanta o‘zining kiber mulohaza yuritish tizimini ishlab chiqdi va taqdim etdi. 2 million AQSh dollarini tashkil etuvchi tadqiqot fondini ta’minlab, Atlanta jamoasi 2025-yil avgust oyida DEF CON 33’da final bosqichida ishtirok etadi.

Yarim final bosqichida Atlanta jamoasi keng ko‘lamli dasturiy ta’minotdagi xavfsizlik zaifliklarini avtomatik aniqlash va o‘z tizimi yordamida xavfsizlik “yamoq”larini qo‘llash qobiliyatini namoyish etdi. Atlanta jamoasi tashkilotchilarning e’tirofiga sazovor bo’ldi, chunki u 39 jamoa ichida musobaqa doirasida topilishi kerak bo’lgan kamchilikdan tashqari haqiqiy zaiflikni aniqlagan yagona jamoa bo’ldi.

“Biz sun’iy intellekt ilovalarini diversifikatsiya qilish va dasturlash tillarini tadqiq qilish va zaifliklarga qarshi chora-tadbirlarni o‘rganish orqali bo‘lajak final bosqichga puxta tayyorgarlik ko‘ramiz”, dedi Atlanta jamoasiga rahbarlik qilgan Samsung Research vitse-prezidenti Taesoo Kim.

▲ AIxCC final bosqichi qatnashchilari

Kiberhujumlar tez-tez va murakkablashib borar ekan, AI texnologiyasining xavfsizlikdagi ahamiyati tobora ortib bormoqda. Katta hajmdagi ma’lumotlardan o’rganish orqali AI xavfsizlik tahdidlarini oldindan bilish va ularga javob berish uchun yangi ma’lumotlarni tahlil qilishi va xulosa qilishi mumkin. Generativ AI, xususan, dasturiy ta’minot dasturlarini yaxshiroq tushunish va xavfsizlikka tahdidlarga samaraliroq yechim topish orqali xavfsizlik sektorida samaradorlikni oshiradi. Shunday qilib, AI’ni xavfsizlikda qo’llash zaruratga aylandi.

Samsung Electronics axborotlar tarmog‘i texnologiyasiga ixtisoslashgan Buyuk Britaniyaning Oxford Semantic Technologies startapini xarid qilish bo’yicha kelishuv imzolaganini e’lon qildi.

2017-yilda Oksford universitetining uchta professori ­– Ian Horrocks, Boris Motik va Bernardo Cuenca Grau tomonidan tashkil etilgan Oxford Semantic Technologies kompaniyasi axborotlarni ifodalash va semantik fikrlash sohalarida ilg’or texnologik imkoniyatlarga ega. O’zining sun’iy intellektga asoslangan RDFox® dvigateli bilan kompaniya hozirda Yevropa va Shimoliy Amerikadagi moliya, ishlab chiqarish va elektron tijorat sohalarida ishtirok etuvchi tashkilotlar bilan hamkorlik qilmoqda.

Axborotlar tarmog’i texnologiyasi ma’lumotni odamlarning bilimga ega bo’lish, eslash, xotiralash va mulohaza yuritish usullariga o’xshash tarzda o’zaro bog’liq g’oyalar va ma’lumotlarni qayta ishlash tarmog’i sifatida saqlaydi. Ma’lumotlarni birlashtirish va ulash orqali ushbu texnologiya odamlarning mahsulot yoki xizmatdan qanday foydalanishini tushunishni kuchaytiradi va tezkor ma’lumot olish va tavsiyalar berish imkonini beradi. Shunday qilib, u yanada murakkab va shaxsiylashtirilgan AI yechimlarini amalga oshirish uchun asosiy texnologiyalardan biri hisoblanadi.

Dinamik va keng ko’lamli real dunyo ma’lumotlarini axborotlar tarmoqlariga aylantirish va ulardan foydalanish jarayonida qo’llaniladigan murakkab hisob-kitoblar tufayli axborotlar tarmog’i texnologiyasini amalga oshirish qiyin. Biroq, Oxford Semantic Technologies bulutda va qurilmada ma’lumotlarni qayta ishlashni optimallashtiradigan va ilg’or fikr yuritish imkonini beruvchi axborotlar tarmog’i texnologiyasini ishlab chiqdi va muvaffaqiyatli tijoratlashtirdi.

Samsung Electronics 2018-yildan beri Oxford Semantic Technologies bilan turli loyihalar, jumladan Samsung Ventures sarmoyasi bo’yicha hamkorlik qilib kelmoqda. Ushbu xarid bilan Samsung shaxsiy axborotlar tarmog’lari uchun ilg’or asosiy axborot mexanikalrini ta’minlaydi. Ushbu tarmoqlar turli xizmatlar va ilovalar bo’ylab tarqalgan ma’lumot va kontekstni birlashtiradi va foydalanuvchilarning afzalliklari va foydalanishlari bilan tobora ko’proq tanish bo’lish orqali moslashtirilgan foydalanuvchi tajribasini yaratadi.

Samsung Galaxy S24 seriyasidagi kabi qurilmadagi sunʼiy intellekt texnologiyasi bilan birgalikda shaxsiy axborotlar tarmog’i texnologiyasi qurilmada maxfiy shaxsiy maʼlumotlar xavfsizligini taʼminlab, giperpersonallashtirilgan foydalanuvchi tajribasini osonlashtiradi. U Samsung kompaniyasining barcha mahsulotlarida qo’llaniladi, faqatgina mobil qurilmalardan tashqari televizorlar va maishiy texnikalargacha.

Oxford Semantic Technologies bosh direktori Piter Kroker: “Biz Samsung bilan hamkorlik qilishdan mamnunmiz” dedi. “Samsung kompaniyasining foydalanuvchi tajribasi va maʼlumotlari boʻyicha tajribasini ilgʻor axborotlar tarmog’i va fikrlash texnologiyamiz bilan birlashtirib, biz Samsung mijozlariga yanada murakkab shaxsiylashtirishni taqdim etamiz. Bundan tashqari, RDFox’ni Samsung bilan ishlab chiqish va katta guruhning bir qismi bo’lish barcha mijozlarimizni yanada yaxshi mahsulot, xizmat va qo’llab-quvvatlash bilan ta’minlaydi.

“Global iste’molchilar ko‘proq shaxsiylashtirilgan sun’iy intellekt tajribasiga bo‘lgan ehtiyoj ortib borayotganini anglab yetar ekan, Oxford Semantic Technologies’ni sotib olish Samsung’ning axborotlar injeneriyasidagi kuchli imkoniyatlarini yanada oshiradi”, dedi Samsung Research rahbari va Samsung Electronics texnik direktori Paul Kyungwhoon Cheun. “Ushbu xarid oldinga qo’yilgan yana bir muhim qadamdir, chunki biz o’ziga xos texnologik innovatsiyalar asosida yaratilgan AI tajribasini taqdim etishga intilamiz.”

Oxford Semantic Technologies Ltd haqida

Oxford Semantic Technologies – bu Oksford universitetining axborotlarni ifodalash va fikr yuritish sohasidagi yetakchi akademiklari tomonidan ishlab chiqilgan. Innovatsion dasturiy ta’minotiga ega bo’lgan RDFox® kompaniyasi ko’plab sohalardagi yetakchi kompaniyalarga turli xil ma’lumotlar to’plamlarini birlashtirish va ular bo’ylab fikr yuritishda yordam beradi. Foydalanish holatlari tavsiya axborot mexanikalarini, mahsulot konfiguratorlari, avtonom transport vositalari uchun xaritalar integratsiyasi va moliyaviy operatsiyalarda anomaliyalarni aniqlashni o’z ichiga oladi. Qo’shimcha ma’lumot uchun www.oxfordsemantic.tech saytiga tashrif buyuring.