Hamkorlik doirasida Samsung Research Arm bilan birgalikda paketlarni parallel qayta ishlash texnologiyasini ishlab chiqish va takomillashtirish uchun ochiq kodli loyihani ishga tushirishni rejalashtirmoqda.

Ushbu texnologiya katta hajmdagi aloqa ma’lumotlarini qayta ishlaganligi sababli, Samsungning Arm bilan hamkorlik qilishi 6G muhitlari tomonidan boshqariladigan ma’lumotlarning ko’payishidan oldin tadqiqot va ishlanmalar vaqtini sezilarli darajada tezlashtirishga qaratilgan.

Keyingi avlod aloqalarida ma’lumotlarning o’sishi bilan parallel paketlarni qayta ishlash texnologiyasi moslashuvchan va samarali aloqa tizimlarini yaratishga yordam berishi mumkin.

“6G aloqalarida dasturiy ta’minot texnologiyasining ahamiyati ortib bormoqda. Innovatsiyalar buning natijasida yuzaga keladigan katta hajmdagi ma’lumotlarni qayta ishlashda juda muhimdir “, dedi Jinguk Jeong, Samsung Research Kengaytirilgan aloqa tadqiqot markazi (KATM, yohud ingliz tilida ACRC, Advanced Communications Research Center) ijrochi vitse-prezidenti. “Arm bilan ushbu texnik hamkorlik parallel texnologiyani inqilob qilish yo’lidagi muhim qadamdir.”

“AI 6G kabi yangi avlod texnologiyalariga talabni oshirmoqda, biroq maʼlumotlarning toʻyib boʻlmaydigan miqdori energiyani tejaydigan qayta ishlash uchun muhim ehtiyojni keltirib chiqaradi”, dedi Mohamed Avad, katta vitse-prezident va infratuzilma biznes yoʻnalishi boʻyicha Arm. “Biz 6G dasturiy taʼminotini ishlab chiqishni tezlashtirish va sunʼiy intellekt infratuzilmasini iloji boricha samarali ishlashini taʼminlash uchun Samsung Research bilan hamkorlik qilib, yuqori unumdorlik, kam quvvat sarflaydigan va moslashuvchan hisoblash sohasidagi tajribamizdan foydalanmoqdamiz”.

2019-yil may oyida tashkil etilgan Samsung Research’ning KATM faoliyati yangi avlod aloqa texnologiyalarini ishlab chiqish, standartlashtirish ishlarida faol ishtirok etish, 6G texnologiyalarini tadqiq qilish va parallel paketlarni qayta ishlash va sunʼiy intellekt kabi ilgʻor aloqa dasturiy yechimlarini takomillashtirishga qaratilgan.

Ilgʻor yarimoʻtkazgich texnologiyasi boʻyicha dunyo yetakchisi boʻlmish Samsung Electronics kompaniyasi bugun Samsung Foundry’ning soʻnggi Gate-All-Around (GAA) hisoblash texnologiyasi asosida optimallashtirilgan yangi avlod Arm® Cortex-X protsessorini bozorga yetkazishini eʼlon qildi. Ushbu tashabbus Samsung Foundry tomonidan turli oʻlchamlarda taqdim etilgan Arm’ning intellektual mulki boʻlgan protsessorlar bilan jihozlangan millionlab qurilmalar va koʻp yillik hamkorlikka asoslangan.

Ushbu hamkorlik Samsung va Arm oʻrtasida bir qator kelgusi muhim eʼlonlar va rejalashtirilgan innovatsiyalar uchun zamin yaratadi. Kompaniyalar yangi avlod maʼlumotlar markazi va infratuzilmaning maxsus kremniyi uchun 2 nanometrli (nm) GAA’ni qayta kashf etish, shuningdek, kelajakda sunʼiy ongli mobil hisoblash bozorini revolyutsiyaga olib chiqadigan yangi AI chiplet yechimini yaratish kabi dadil tashabbuslarga ega.

“Biz AI davri tomon yoʻl olishda davom etar ekanmiz, mijozlarimizga innovatsion mahsulotlarni yaratish imkonini beradigan yangi avlod Cortex-X protsessorini yetkazib berish boʻyicha Arm bilan hamkorligimizni kengaytirishdan xursandmiz”, dedi Samsung Electronics kompaniyasi ijrochi prezident oʻrinbosari va Foundry Design platformasi ishlab chiqish boʻlimi rahbari Jongvuk Kay. “Samsung ham, Arm ham ko‘p yillik hamkorlik natijasida mustahkam poydevor qurdi. Dizayn texnologiyasini hamkorlikda optimallashtirishning misli koʻrilmagan darajasi eng soʻnggi GAA hisoblash texnologiyasi asosida qurilgan eng yangi Cortex protsessoridan foydalanishga imkon beruvchi ulkan muvaffaqiyatga olib keldi.

“Samsung bilan uzoq yillik hamkorligimiz avlodlar mobaynida shakllangan yetakchi va ilgʻor innovatsiyalarni taqdim etdi”, dedi Arm Inc. kompaniyasining katta prezident oʻrinbosari va bosh menejer hamda mijoz biznesi rahbari Kris Bergey. “Samsung’ning soʻnggi oʻlchamdagi Cortex-X va Cortex-A protsessorlarini optimallashtirishimiz mobil hisoblash dunyosi nimalarga qodirligini keng ochib berishga qaratilgan oʻzaro qarashlarimizni yana bir bor taʼkidlaydi. Shuningdek, biz sun’iy ong davri talab qiladigan tinimsiz ishlash va quvvat samaradorligiga javob berish uchun texnologik chegaralarni yorib oʻtishda davom etishni intiqlik bilan kutamiz.”

Samsung 2022-yilda oʻzining GAA texnologiyasiga asoslangan 3 nanometrli Multi-Bridge-Channel FET (MBCFET) ning dastlabki koʻrinishini ishlab chiqarishini eʼlon qildi. GAA texnologiyasi eski FinFET avlodiga qaraganda qurilmalarni yanada kengaytirish imkonini berib, quvvat taʼminoti kuchlanishi darajasini kamaytirgan holda quvvat samaradorligini oshiradi hamda yuqori tok oqimi imkoniyatlari takomillashgan tezlikni taʼminlaydi. Nanoyuzalar tuzilmasi bilan GAA’ni ishlab chiqish yondashuvi esa maksimal dizayn moslashuvchanligi va kengayuvchanligi imkonini beradi.

Samsung’ning eng ilgʻor GAA hisoblash texnologiyasidan foydalangan holda Arm eng yangi optimallashgan Cortex-X protsessorini taqdim etdi. Natijada unumdorlik va samaradorlik sezilarli darajada oshdi. Yanada kuchli va energiya tejaydigan mahsulot foydalanuvchilar uchun qulayliklarni yangi darajaga olib chiqdi.

Mahsulotlarni oʻz vaqtida yetkazib berish kabi doimiy bosim ostida boʻlishga qaramasdan birinchi urinishdayoq eng raqobatbardosh quvvat, tezkorlik va kichik oʻlcham (PPA) xossalariga ega kremniyini ishlab chiqarish va taʼminlash sanoatda muhim ahamiyatga ega. Dizayn va ishlab chiqarishni endi alohida optimallashtirish mumkin emas. Boshidanoq Samsung va Arm jamoalari yangi avlod Cortex-X protsessor dizayni arxitekturasi va GAA hisoblash texnologiyasi uchun PPA afzalliklarini maksimal darajada oshirishda muhim omil boʻlgan dizayn texnologiyalarini birgalikda optimallashtirish yoʻnalishini (DTCO) qabul qildilar.

Generativ AI foydalanuvchilar uchun yuqori qulayliklarni taklif qiluvchi yangi mahsulotlari oqimining asosiy oʻsish komponenti hisoblanadi. Ushbu hamkorlik orqali Samsung va Arm Samsung’ning so‘nggi GAA hisoblash texnologiyasi asosida qurilgan va optimallashtirilgan yangi avlod Cortex-X protsessoridan foydalanishni tezroq yoʻlga qoʻyish harakatida. Bu esa sanoatda yetakchi tezkorlikka ega mahsulot innovatsiyalari — keyingi avlod tugʻilishiga imkon beradi.