Bugun Samsung Electronics oʻzining raqamli jihozlar biznesidagi mahsulotlarning kengaytirilgan soni UL Solutions marketing daʼvolarini tekshirishda IoT xavfsizligi reytingi dasturi doirasida “Olmos” darajasi bilan tasdiqlanganligini eʼlon qildi. UL Solutions’dan “Olmos” darajasini qoʻlga kiritgan maishiy texnika sanoatidagi birinchi mahsulotlar boʻlgan AI Family Hub+[1] bilan keladigan 4 eshikli Flex sovitkich va Bespoke Jet Bot Combo AI’dan[2] soʻng yana uchta mahsulot yaqinda “Olmos” darajasi bilan tasdiqlandi. Bespoke AI Laundry Combo[3] va Air to Water Heat Pump[4] iyun oyida tasdiqlangan boʻlsa, iyul oyida Bespoke Slide-in Range[5] edi. Natijada Samsung endi UL Solutions tomonidan maishiy texnika sanoatidagi eng koʻp sonli — beshta “Olmos” darajasidagi sertifikatga ega kompaniyaga aylandi.

“AI tobora takomillashgani sari xavfsizlik choralari foydalanuvchilarning shaxsiy hayotini himoya qilish nuqtayi nazaridan dolzarb masalaga aylanib bormoqda”, dedi Samsung Electronics kompaniyasining ijrochi prezident oʻrinbosari hamda dasturiy taʼminotni ishlab chiqish va raqamli jihozlar biznesi boʻlimi rahbari Miyoung Yoo. “Natija shuni koʻrsatadiki, Samsung Knox tizimi asosida xavfsizlik sohasida oʻzining raqobatbardoshligini isbotladi. Isteʼmolchilar yanada xavfsiz muhitda mahsulotlarimizning sunʼiy intellekt imkoniyatlaridan bahramand boʻlishlari uchun biz xavfsizlikka ustuvor ahamiyat berishda davom etamiz”.

UL Solutions kompaniyasining IoT xavfsizligini baholash dasturi

UL Solutions — har yili yuzlab marketing daʼvolarini baholaydigan global xavfsizlik sohasida yetakchi kompaniya. Ularning xizmatlaridan biri IoT xavfsizlik reytingi dasturi orqali aqlli uy mahsulotlarining xavfsizlik imkoniyatlarini tekshirishdir.

UL Solutions besh darajali — bronza, kumush, oltin, platina va olmosdan foydalangan holda xavfsizlik tizimini farqlaydi. Har bir daraja qattiq sinovni talab qiladi va ulardan eng yuqorisi boʻlgan “Olmos” darajasi mahsulotlar zararli dasturiy taʼminot modulyatsiyasini aniqlash, noqonuniy kirishga urinishlarining oldini olish va foydalanuvchi maʼlumotlarini anonimlashtirish qobiliyatini baholovchi testlardan oʻtgandan keyingina beriladi. Ayniqsa, ushbu eng yuqori “Olmos” darajasiga erishgan mahsulotlar “Platina” darajasidagi mahsulotlardan nomaʼlum potentsial zaifliklarni aniqlash va xavfsizlik zaifliklarini erta aniqlash uchun dasturlarni mos tarzda sozlash qobiliyatlari bilan ajratib turadi.

“Olmos” darajasi bilan tasdiqlangan yangi mahsulotlar

Bu qoʻshimcha sertifikatlar Bespoke AI Laundry Combo, Air to Water Heat Pump va Bespoke Slide-in Range uchun berilgan. Ular SmartThings ulanuvchanligidan[6] foydalangan holda boshqa qurilmalarga bogʻlanishi va turli AI yoki aqlli funksiyalarni taqdim etishi bilan ajralib turadi.

Bespoke AI Laundry Combo — bu hammasi ichida boʻlgan kir yuvish mashinasi va quritkich boʻlib, yuvgandan keyin kirlarni quritkichga oʻtkazish muammosidan foydalanuvchilarni xalos qiladi. U 7 dyuymli LCD displeyga[7] ega boʻlib, foydalanuvchilarning xohishlariga koʻra, shuningdek, davriy va mavsumiy ehtiyojlariga qarab tavsiya etilgan sikllardan[8] foydalanishlari mumkin.[9] U uyga ulangan barcha qurilmalarni[10] ham displeyda koʻrsatgan holda foydalanuvchilarga jihozlarni muammosiz kuzatish va boshqarish imkonini beradi.

Air to Water Heat Pump uy sharoitiga mos keladigan nozik dizaynga ega. Uning 7 dyuymli LCD displeyi[11] turli tillarni qoʻllab-quvvatlaydi va foydalanuvchilarga quyosh PV energiya sarfini kuzatishda yordam beradi. Foydalanuvchilar displey orqali ulangan jihozlarini boshqarishi mumkin.

Nihoyat Bespoke Slide-in Range yuqori sifatli pishirish qulayligini beruvchi 7 dyuymli LCD displeyiga[12] ega. Foydalanuvchilar ulangan qurilmalarni[13] plitaga oʻrnatilgan mikrofon va karnay orqali Bixby[14] bilan boshqarishlari mumkin. Bundan tashqari, u foydalanuvchilarning afzal koʻrgan maʼlumotlarini tahlil qiladi va moslashtirilgan koʻrsatmalar, bildirishnomalar va retsept boʻyicha tavsiyalar beradi.[15]

Barcha Samsung maishiy texnikalariga qoʻllaniladigan Samsung Knox tufayli maʼlumotlar va qurilmalar oʻrtasidagi aloqa toʻliq himoya ostida boʻlar ekan, mijozlar kuchli xavfsizlik koʻrsatkichlariga ishonch hosil qilgan holda mahsulotlarning AI xususiyatlaridan bexavotir foydalanishlari mumkin.

Shu bilan birga, Berlinda 6-10-sentyabr kunlari boʻlib oʻtadigan IFA 2024 koʻrgazmasiga tashrif buyuruvchilar Samsung kompaniyasining yuqori xavfsizligi isbotlangan maishiy texnikalarini koʻrishlari mumkin boʻladi. Stendda Samsung yangi sertifikatlangan Air to Water Heat Pump hamda Bespoke AI Laundry Combo ni namoyish etadi.

[1] RF**DB99****, RF**DB95****, RF**DG9H****, Shimoliy va Lotin Amerikasi, Yevropa, Oʻrta Sharq, Janubi-Sharqiy Osiyo, Hindiston va Koreyada mavjud

[2] VR7M*97****, Shimoliy Amerika, Yevropa, Janubi-Sharqiy Osiyo va Koreyada mavjud

[3] WD**DB89****, WD53DBA*00H*, Shimoliy va Lotin Amerikasi va Koreyada mavjud

[4] AE***DN**P*, MIM-E03*N, Yevropada mavjud. “Air to Water Heat Pump” atamasi global foydalanuvchilar uchun moʻljallangan. Samsung qoʻygan nom: EHS

[5] NSI6D*99******, Shimoliy Amerikada mavjud

[6] Android va iOS qurilmalarida mavjud. Wi-Fi tarmogʻi va Samsung akkauntida login statusi talab qilinadi.

[7] Bespoke AI Laundry Combo da mavjud AI Home uchun: AI Opti Wash & Dry va AI Home orqali kirish mumkin boʻlgan Bixby funksiyasi AI’ga asoslangan algoritmdan foydalanadi. AI’ga asoslangan algoritmlarimiz aniqlikni oshirish uchun vaqti-vaqti bilan yangilanishi mumkin. Wi-Fi tarmogʻi va Samsung akkauntida login statusi talab qilinadi. Alohida qurilmadan foydalanishingiz kerak boʻlishi mumkin, yaʼni Samsung akkauntini yaratish/kirish uchun alohida noutbuk/kompyuter yoki mobil qurilma. Agar tizimga kirmasangiz, SmartThings ilovasida mavjud xizmatlar va telefon qoʻngʻirogʻi funksiyalari kabi AI Home’da mavjud funksiyalardan foydalana olmaysiz.

[8] Sikl taklif xabarlari boshqaruv panelida yoki SmartThings ilovasi bor smartfonda koʻrsatiladi.

[9] Sikl taklif xabarlari boshqaruv panelida yoki SmartThings ilovasi bor smartfonda koʻrsatiladi.

[10] Qurilmalar plitaga SmartThings ilovasi orqali va yagona Samsung akkuntidan foydalangan holda ulangan boʻlishi kerak.

[11] Faqat baʼzi modellar

[12] Bespoke Slide-in Range’da mavjud AI Home uchun: retsept boʻyicha tavsiyalar va AI Home orqali kirish mumkin boʻlgan Bixby funksiyasi AI’ga asoslangan algoritmlardan foydalanadi. AI retsepti tavsiyalariga kirish uchun AI Home menyusidagi SmartThings ilovasidagi “Oziq-ovqat” xizmatiga bosing.

[13] Qurilmalar plitaga SmartThings ilovasi orqali va yagona Samsung akkuntidan foydalangan holda ulanishi kerak.

[14] Faqat maʼlum plita xususiyatlariga tegishli. Ovozli buyruq orqali boshqarilishi/faollashtirilishi mumkin boʻlgan xususiyatlarning toʻliq roʻyxatini foydalanuvchi qoʻllanmasida tekshiring. Bixby — bu Samsung kompaniyasining sunʼiy intellekt (AI) / Internet of Things (IoT) ovozli yordamchisi. Bixby xizmatining mavjudligi mamlakatga qarab farq qilishi mumkin. Bixby ingliz (AQSh, Buyuk Britaniya, Hindiston), xitoy, koreys, fransuz, nemis, italyan, ispan va portugal tillarining baʼzi aksent/dialektlarini taniydi. Samsung akkauntida login statusi va Wi-Fi tarmogʻi talab qilinadi.

[15] Oddiy retseptlar. AI retsepti boʻyicha tavsiyalarga (aniqlikni oshirish uchun vaqti-vaqti bilan yangilanishi mumkin boʻlgan chuqur oʻrganish modellari asosida) kirish uchun AI Home menyusidagi SmartThings ilovasidagi “Oziq-ovqat” xizmatiga bosing.

“Inside Out 2” 14-iyunda kinoteatrlarda namoyish etiladi

Kirlarni yuvish baʼzan juda qiyin boʻlishi mumkin. Ranglarni, kattalar va bolalar kiyimlarini ajratish, kiyimdagi yuvish tartibi yorliqlarini oʻqish va tushunish, turli xil yuvish vositalari va matolarni yumshatuvchi vositalarni tanlash haqida bosh qotirish… hammaga ham yoqmaydi.

28-may kuni chiqarilgan yangi kampaniya videosida Samsung Bespoke AI Laundry Combo bizni kundalik uy yumushlaridan qanday xalos etishini koʻrsatadi. Video Disney va Pixar bilan hamkorlikda ishlangan va unda 14-iyunda kinoteatrlarda chiqadigan “Inside Out 2” qahramonlari namoyish etilgan.[1]

Kampaniya videosida odamlar AI EcoBubble kabi funksiyalarga ega Samsung’ning Bespoke AI Laundry Combo kir yuvish mashinasini xarid qilishsa, qancha-qancha yoqimsiz holatlardan qutulishi haqida gʻaroyib namoyish koʻrsatiladi.[2] “Inside Out 2” yangi “His-tuygʻu”larni taqdim etadi: “Xavotir”, “Uyat”, “Qayg‘u” va “Hasad”. Bosh qahramon Rayli esa 13 yoshga toʻlganda navbatdagi qiyinchiliklarga duch kelishi hikoya qilingan.

“Disney va Pixar’ning ‘Inside Out 2’ filmi bilan hamkorlikda biz yangicha gʻoyalarni kashf etdik. Xususan, hikoya qilishning yangicha usullarini oʻylab topdik” — dedi Samsung Electronics prezident oʻrinbosari Jinni Jung va qoʻshimcha qildi — “Biz isteʼmolchilarga Bespoke AI Laundry Comboning afzalliklarini taqdim etishda davom etamiz. Umid qilamizki, bu ularga turli vaziyatlarda gʻamxoʻr boʻladi”.

Fevral oyida sotuvga chiqarilgan Bespoke AI Laundry Combo Koreyada juda mashhur boʻldi. Mahsulot chiqarilgach, dastlabki uch kun ichida 1000 ta mashina sotildi va u Koreya bozorida ilk bor 10,000 dan ortiq sotuvni qayd etgan issiqlik nasosiga asoslangan kir yuvish mashinasi deb tanildi.

Bespoke AI Laundry Combo mashinasi kir yuvish jarayonini tubdan oʻzgartiradi. Bu mashina kir yuvish va quritish funksiyalarini oʻzida birlashtirgani sabab kirlarni u yoqdan bu yoqqa olib oʻtishga hojat qolmaydi va natijada 40% gacha joy tejaladi. Bundan tashqari, foydalanuvchilar Bespoke AI Laundry Combo va boshqa SmartThings’ga ulangan maishiy texnikalar holatini AI Home orqali kuzatishlari mumkin. AI EcoBubble kirlarning vazni, ifloslanish darajasi va materialini aniqlaydi va AI Wash & Dry va Bedding sikllarida qanchalik kir yuvish vositasini qoʻshishni va yuvish vaqtini optimallashtirish orqali kir yuvishni yanada samaraliroq qiladi. Shuningdek, AI Energy Mode[3] yuvishda energiya sarfini 60% gacha va quritishda 30% ga kamaytiradi.[4]

Shuningdek, POS (sotish nuqtasi) va POP (sotib olish nuqtasi) kobrending asosida Disney va Pixar’ning “Inside Out 2” filmidagi hamkorligi global chakana savdo nuqtalarida qiziqarli merchlarni ham sotuvga qoʻyadi.

“Inside Out 2” 14-iyunda dunyo kinoteatrlarida namoyish etilishidan oldin kampaniya videosi Samsung’ning YouTube, Instagram, TikTok va Facebook kanallarida chiqariladi.

“Inside Out 2” haqida

Disney va Pixar’ning “Inside Out 2” filmi oʻspirin Rayli haqida hikoya qiladi. Shtab-kvartira kutilmagan voqealarga rivoj beruvchi portlashdan keyin yangi “His-tuygʻu”lar vujudga keladi. “Quvonch”, “Xafalik”, “Gʻazab”, “Qoʻrquv” va “Jirkanish” uzoq vaqt muvaffaqiyatli faoliyat yuritib kelar ekan, “Xavotir”, “Hasad”, “Qayg‘u” va “Uyat” paydo boʻlgach, ular oʻzlarini qanday his qilishni bilmay qolishadi. Ovoz aktyorlaridan Amy Poehler, Maya Hawke, Kensington Tallman, Liza Lapira, Tony Hale, Lewis Black, Phyllis Smith, Ayo Edebiri, Lilimar, Grace Lu, Sumayyah Nuriddin-Green, Adèle Exarchopoulos, Diane Lane, Kyle MacLachlan, Paul Walter Hauser va Yvette Nicole Brown’lar qatnashgan. “Inside Out 2” filmi rejissyori Kelsey Mann, prodyuseri Mark Nielsen va ijrochi prodyuserlari Pete Docter, Jonas Rivera va Dan Scanlon. Meg LeFauve va Dave Holstein ssenariysi va Mann va LeFauve hikoyasi. Musiqa Andrea Datzman tomonidan taqdim etilgan boʻlib, mazkur yangi film kinoteatrlarda 2024-yil 14-iyunda chiqadi.

[1] “Inside Out 2” chiqarilish sanasi mamlakatga qarab farq qilishi mumkin.

[2] AI EcoBubble’ning aniqlash va sezish imkoniyatlari faqat AI Wash & Dry va Bedding sikllari uchun mavjud va ular oldindan belgilangan maʼlumotlar toʻplamidan foydalangan holda oʻqitilgan chuqur oʻrganish modellarimizga asoslanadi va noaniq yoki notoʻgʻri natijalar berishi mumkin. Vaqti-vaqti bilan uning aniqligini oshirish uchun oʻquv modellarimizga yangi maʼlumotlar toʻplamlari kiritilishi mumkin.

[3] Android va iOS qurilmalarida mavjud. Wi-Fi tarmogʻi va Samsung akkauntida login statusi talab qilinadi.

[4] Sinovlarimiz KATRI (Korea Apparel Testing Institute) tomonidan tasdiqlangan. Natijalar amaldagi muhitga qarab farq qilishi mumkin.