Galaxy Z Fold6 va Z Flip6 zamonaviy, chiroyli dizaynni oʻzida mujassam etgan. Sodda va mustahkam tashqi qatlami va chiziqli shakli orqali bu qurilmalar Galaxy dizaynining mohiyatini ifodalaydi. Ushbu maqolada biz zamonaviylik va soddalikni oʻzaro birlashtirgan Galaxy Z Fold6 va Z Flip6 qurilmalari dizayn hikoyasini soʻzlab beramiz.

* Bu maqoladagi rasmlar faqat namoyish maqsadlarida keltirilgan boʻlib, amaldagi mahsulotdan farq qilishi mumkin. Mahsulot xususiyatlari mamlakat, mintaqa, model va aloqa operatoriga qarab farq qilishi mumkin.

Oʻziga xos va betakror

Galaxy Z Fold6 va Z Flip6 ga yangi kiritilgan oʻziga xos va taʼsirchan qalqib chiquvchi dizayn elementi buklanuvchan ekranlar yon tomondan qaralganda ularning tepa qismi pastki qismi ustida muallaq uchib turgandek koʻrsatadi. Buklanganida, ikki qatlam oʻrtasidagi qalin chiziq nafaqat ularning bejirim va chiziqli shaklini namoyon etadi, balki qurilmani ochishni osonlashtiradi va umumiy qulaylikni oshiradi.

Chiziqli shakl Galaxy Z Fold6 dizaynining asosiy jihati boʻlib, uning bejirim va silliq, ammo muvozanatli shakli bilan maksimal darajada oshadi. Ekran ramkasi hajmini qisqartirish va displey kengligini oshirish orqali Galaxy Z Fold6 foydalanuvchiga yanada qulay va yangicha koʻrinishni baxsh etadi. Qurilmaning oʻng tomonidagi burchaklar endi chap tomonidagilarning shaklini aks ettiradi, natijada buklanganda deyarli simmetrik siluet hosil boʻladi.

Olti avlod texnologik yutuqlari va dizayn tajribasi asosida qurilgan Galaxy Z Fold6 bugungi kunga qadar barcha Galaxy Z Fold modellari orasida eng yupqa va eng yengilligi bilan ajralib turadi. Uning muvozanatli dizayni va yupqa shakli maksimal qulaylikni taʼminlaydi va bu premium buklanuvchan telefonning afzalligini oshiradi.

Galaxy modellarining eng koʻzga tashlanadigan xususiyatlaridan biri uning oʻziga xos chiziqli kamera sxemasidir va ushbu dizayn motivi Galaxy Z Fold6 va Z Flip6 da markaziy oʻrinni egallagan. Galaxy Z Fold6 qurilmaning orqa yuqori chap burchagidan vertikal ravishda pastga tushadigan uchta qalin kamera bezagi ushbu vertikal ogʻma aylana qatorini yanada ajratib koʻrsatadi.

Galaxy Z Flip6 ning kamera dizayni esa mavjud korpus ranglarining xilma-xil diapazoniga mos keladigan yangi kamera bezagi bilan Galaxy Z Flip modellarining jonli, oʻyinqaroq ruhini aks ettiradi. Chiziqli kamera modellari oldingi modellarga qaraganda yanada yorqinroq boʻlib, yangi Galaxy smartfonlarini darhol tanib olish imkonini beradi.

Yorqin va koʻp ranglarda

* Navy koʻk, musaffo rang, yalpiz rang va sariq ranglardagi rasmlar generativ AI tomonidan yaratilgan (Navy koʻk, musaffo va sariq ranglar: Photoshop AI / Yalpiz rang: Midjourney)

Galaxy Z Fold6 va Z Flip6 yorqin va nozik ranglar bilan kayfiyatni jonlantiradi. Bu modeldagi har bir rang tabiatga aloqador quvonchli lahzalarni uygʻotadi. Galaxy Z Fold6 buklanuvchan premium telefonlarning ishonchliligi va nozikligini aks ettiruvchi Silver Shadow kumush, pushti va Navy koʻk rangli modellarda mavjud. Galaxy Z Flip6 ham Galaxy Z Fold6 bilan bir xil Silver Shadow kumush, shuningdek, musaffo rang, yalpiz rang va sariq rangli modellarda mavjud.

Geometrik shakllarga ega Galaxy Z Fold6 va Z Flip6 fon rasmlari qurilmalarning tashqi estetikasi bilan uygʻunlashadi. Ular yorugʻlik va soyaning nafis harakatlarini ifodalab, mahsulotning orqa tomonidagi xira oynadan chiqayotgan yorugʻlikni old tomonida aks ettiradi.

Fon rasmlari palitrasi har bir qurilmaning rangiga asoslangan vizual ishoralarga dinamik ravishda moslashib, uni jonlantiradi. Estetika va qulaylikni muvozanatlash uchun yorqinlik va kontrast sozlamalari displeyning energiya sarfini optimallashtiradi. Tashqi tomonga choʻzilgan aylana va chiziqlar orqali yaratilgan boʻshliq hissi nafis animatsiyalar orqali kuchaytiriladi. Bundan tashqari, fon rasmi displey qaysi burchakda joylashganiga qarab interaktiv tarzda javob beradi va bu qurilmani buklash va ochish harakatlarini qiziqarli lahzalarga aylantiradi.

Galaxy Z Fold6 va Z Flip6 oʻzlarining mohiyatiga qaratilgan dizaynlari bilan Galaxy Z modellarining yangicha startini eʼlon qiladi. Yanada dadillik va stil tomon intilayotgan Galaxy’ning tabiatini oʻzida mujassamlashtirgan Galaxy Z Fold6 va Z Flip6 qurilmalari buklanuvchanlarning kelajagini shakllantirishga tayyordir.

Samsung Electronics dizayni haqida batafsil maʼlumot olish uchun Samsung Design veb-saytiga tashrif buyuring.

“Innovatsion dizayn loyihalarini ommaviy ishlab chiqarishga olib kirish koʻp bosqichli jarayon boʻlib, u takroriy izlanuv va qayta-qayta sinovdan oʻtkazishni oʻz ichiga oladi. Music Frame loyihasi 2021-yilning yozidan buyon dizayn, ishlab chiqish va CX jamoalarimiz oʻrtasida ijobiy energiya va ishtiyoqli hamkorlikning choʻqqisi boʻlib keldi”.

— Samsung Electronics kompaniyasining Visual Display Business, dizayn guruhi rahbari Chulyong Cho

Kelajakni bugundan loyihalash

Samsung Electronics ochilmagan imkoniyatlarni izlayotgan istiqbolli boʻlimlarga mezbondir. Oʻz nomiga sodiq qolgan holda, Visual Display Business’ning Future Experience Design guruhi ushbu gʻoyalarni innovatsion mahsulotlarga aylantirishdan oldin bozorda foydalanuvchilarga yetishmayotgan yangicha his-tuygʻu bagʻishlovchi jihoz konsepsiyalarini faol ravishda ishlab chiqishadi.

Biroq yangicha mahsulotni ishlab chiqarish oson ish emas. Dastlabki konsepsiya taklif qilingach, oldinda bizni hali uzoq yoʻl kutadi — ommaviy ishlab chiqarish uchun loyihalash va boshqa boʻlimlar bilan hamkorlik qilishdan to bozorda talabgorlikni oshirish va mahsulotning texnik jihatlarini takomillashtirish shularning jumlasidan. Soʻnmas ishtiyoq va innovatsiyalar natijasi Music Frame audio-tizimi va uning dizayn hikoyasini vujudga keltirdi.

* Kontent tasvirlari faqat namoyish maqsadlarida koʻrsatilgan va isteʼmoldagi mahsulotdan farq qilishi mumkin. Mahsulot xususiyatlari mamlakat, mintaqa va modelga qarab farq qilishi mumkin.

Boʻsh joylarga pardoz berish

Sizning turmush tarzingizdan ilhomlangan holda

Isteʼmolchilar endilikda faqat funksional mahsulotlarni sotib olishning oʻrniga, turar joylariga tabiiy uygʻunlashib ketadigan mahsulotlarni afzal koʻrishmoqda. Shu maqsadda Samsung The Serif, The Frame va The Sero kabi turmush tarziga mos televizorlarni taqdim etdi. Televizorlar koʻpincha xonada oʻchiq turadi. Bu mahsulotlar esa qora ekranni koʻrsatishning oʻrniga yoqimli dizayn hissini taratuvchi Ambient yoki Art rejimiga oʻtadi.

Audioni ramkadagi rasm koʻrinishida yetkazib beradigan Music Frame ushbu yondashuvning kengaytmasi hisoblanadi. Ovozni kuchaytirish uchun moʻljallangan anʼanaviy karnaylardan ajralib turadigan Music Frame va uning konsepsiyasi foydalanuvchining turmush tarzi va turarjoyini birinchi oʻringa qoʻyadi. Rasm ramkalari har qanday joyga osish mumkin boʻlgan tanish mebel boʻlib, u namoyish etilayotgan surat turiga qarab har bir shaxsning didi va uning shaxsiyatini aks ettirishi mumkin. Music Frame oddiy rasm ramkalaridan ilhom olgan boʻlib, foydalanuvchilarga sevimli rasmlarini tomosha bilan qadrlash va bir vaqtda musiqa tinglash imkonini beradi.

Innovatsiyaga hayot ato etish

Ishlab chiqish va CX guruhlari bilan hamkorlikda Samsung dizaynerlari yuqori sifatli ovozni taqdim etuvchi amaliy prototipni yaratdilar va sinovdan oʻtkazdilar. Ular keng koʻlamli sinovlardan soʻng foydalanuvchilardan ijobiy javoblar oldi, bu esa mahsulotning akustik tizimi va umumiy konsepsiyasiga boʻlgan ishonchni mustahkamladi. Natijada gʻoyaning dastlabki dizayni saqlanib qoldi va ommaviy ishlab chiqarish bosqichiga oʻtdi.

Dekoratsiya va audio oʻrtasidagi ayirmani bartaraf etish

Nomaʼlum tovushni maʼlum shaklga keltirib

Music Frame audioni oʻzida mujassam etadi, shu sababli Samsung odamlarning yuqori sifatli musiqa tinglashdan zavqlanishini eʼtibordan chetda qoldirolmaydi. Anʼanaviy, uzunchoq saundbarlarga nisbatan bu mahsulotning oʻziga xos form-faktorini hisobga olgan holda dizaynerlar akustika tizimini boshidanoq mukammal qilish uchun ovoz prodyuserlari guruhi bilan yaqindan hamkorlik qildilar. Ovozni yengil chiqarish uchun karnaylarning old tomonida odatda mato, panjara yoki boshqa materiallar boʻladi. Ovoz prodyuserlari guruhi bilan birgalikda dizaynerlar Music Frame uchun ramka va panel orasidagi boʻshliq orqali ovozni kuchaytirish yoʻlini topdilar. Shu tarzda audio mahsulotlarda kamdan kam uchraydigan dizayn yaratildi. Natija, deysizmi? Old tomoni material bilan qoplanmagan ramka shaklidagi karnay vujudga keldi.

Ramkaning shakli tufayli ramka chetlari va panel orasidagi boʻshliq muhim edi, chunki bu qism yuqori va oʻrta balandlikdagi tovushlarni chiqaradi. Dizayn va ovoz sifati boʻyicha optimal oʻlchamdagi boʻshliqni topish uchun son-sanoqsiz sinovlardan soʻng jamoa 9 mm boʻshliq qoldirishga qaror qilishdi. Dizaynerlar ishlab chiquvchilar bilan birga ishlab, bass uchun masʼul boʻlgan orqa vufer karnaydan tebranishlar chiqib, devorga rasm ramkasi kabi osilganida shovqin yaratmasligiga ishonch hosil qilishdi.

Turarjoyingizni shaxsiylashtirish uchun bir parcha mebel

Haqiqiy ramka kabi, Music Frame ham foydalanuvchilarga shaxsiy fotosuratlar yoki sanʼat asarlarini uning ichiga solish imkonini beradi. Esdalik suratlari yoki sanʼat asarlarini ramkada tomosha qilgan holda musiqa tinglash foydalanuvchilarga oʻzgacha his-tuygʻu bagʻishlaydi.

Samsung dizaynerlari Music Frame’ni devorga osish oʻrniga, stol ustiga turgʻizib qoʻyishni istaydigan foydalanuvchilarni ham hisobga oldilar. Ramka stendining shakli va burchagi juda koʻzga tashlanmasligi yoki panelda shuʼlalar aks ettirishga olib kelmasligi uchun unga sinchkovlik bilan oʻzgartirishlar kiritildi. Stol ustiga qoʻyilsa, mahsulotning orqa tomoni koʻrinishi sabab orqa tarafi toza va minimal dizaynga keltirildi.

Har kuningiz musiqali ramka bilan

Ramkaga tushirilgan hayotingizdan parcha

Foydalanuvchilarning qadrli esdalik rasmlari boʻlsa, ular rasmni uchinchi shaxs veb-saytiga yuklash va buyurtma berish orqali oʻzlarining rasm panelini yaratishlari mumkin.

Music Frame standart qora ramkada keladi, ammo foydalanuvchilar oʻzlarining uy bezaklariga mos keladigan qoʻshimcha oq ramka sotib olishlari mumkin. Foydalanuvchilar musiqa tinglash uchun mukammal boʻlgan zamonaviy makonni yaratishda oʻz ramkalarini ajoyib tasvirlar bilan toʻldirishlari mumkin.

* Rasm panellar alohida sotiladi va maxsus buyurtma mavjudligi mintaqaga qarab farq qilishi mumkin. Oq ramkalar alohida sotiladi va 2024-yilning yozida sotuvga chiqariladi.

Xonangizni ritm bilan toʻldiring

Televizor tomoshasidan yanada taʼsirli his olish uchun foydalanuvchilar televizorlarining ikki tomonining biriga Music Frame’ni oʻrnatish orqali yanada chuqur stereo tovush yaratadigan Q-Symphony’dan foydalanishlari mumkin. Qurshab turgan atrof tovushini chiqarish uchun foydalanuvchilar televizor oldiga saundbar va orqa karnay vazifasini bajarish uchun qarama-qarshi devorga Music Frame’ni ossa boʻladi. SmartThings ilovasi yordamida foydalanuvchilar ekvalayzerni oʻz xohishlariga koʻra sozlay oladilar. Ovozni sozlash orqali foydalanuvchilar yanada jonli ovoz va immersiv kontentdan bahramand boʻlishlari mumkin.

* Music Frame’dagi Q-Symphony faqat 2024 Samsung TV (DU7000↑ & LS03D) yoki 2024 Samsung TV va 2024 Samsung Soundbar (Q700D↑, Ultra Slim, S-Series) ga ulanganda mavjud.

Kelajakdagi yangi imkoniyatlarni intiqlik bilan kutayotgan Samsung dizaynerlari kelgusi ham foydalanuvchilarning turmush tarzi va turarjoylariga tabiiy uygʻunlashadigan mahsulotlar va dizaynlarni ishlab chiqishdan toʻxtashmaydi.

Samsung Electronics dizaynlari haqida batafsil maʼlumot olish uchun Samsung Design veb-saytiga tashrif buyuring.