AI ham bulardan mustasno emas.

AI odamlar bilan uchrashganda

Sun’iy intellekt tobora aqlli bo‘lib bormoqda va bu bardavomdir. Ammo odamlarning turmush tarzini o‘zgartirish uchun u quyidagi savollarga javob berishi kerak: bu ma’lumotlar qayerga, qanday va kimning qo‘liga yetib boradi? Bu sun’iy intellektning keyingi davrini belgilab beradi.

Sun’iy intellekt endi shunchaki ma’lumot bermaydi. U vositachilik davriga kirib, inson yakuniy qarorni qabul qilayotgan paytda bizning nomimizdan harakat qiladi. Ammo kimdir nomidan harakat qilish uchun avval uni yaxshigina bilib olishi kerak.

Shuning uchun sun’iy intellekt odamlar bilan qayerda to‘qnashishi muhim. Kirish nuqtalari AI insonni tushunadigan va ishonch uyg‘otadigan joylardir. Eng yaxshi AI tajribasi foydalanuvchini eng yaxshi tushunadigan qurilmalarda yaratiladi.

Bu “Samsung” yillar davomida qurgan narsa. Telefon bizga eng yaqin, har kuni biz bilan. Planshet – bu biz ijod qiladigan va o‘rganadigan joy. Aqlli soat uyqu va yurak urishi kabi signallarni o‘qiydi. Televizor va maishiy texnika biz yashaydigan joyni zamonaviy hayot tarziga moslashtiradi. Buklanadigan qurilmalardan tortib aqlli ko‘zoynaklargacha bo‘lgan yangi texnologiyalar esa AI’ning inson bilan o‘zaro ta’sir imkoniyatlarini kengaytiradi. Ular birgalikda har bir foydalanuvchining ehtiyojlari haqida to‘liqroq tasvir hosil qiladi.

Bu kirish nuqtalari birgalikda katta kuchga ega. Turli qurilmalardan keladigan signallar o‘z vaqtida yordamga aylanadi: soatingiz orqali kuzatiladigan uyqu ertangi kun jadvalini shakllantiradi va bu ma’lumot doimo qo‘l ostida bo‘ladi. Eng yaxshi sun’iy intellekt fonda jimgina ishlaydi va bu lahzalarni yaxlit tajribaga aylantiradi. Shuning uchun biz yillar davomida nafaqat ko‘proq nuqtalarga yetkazish, balki ko‘proq lahzalarni bog‘lash uchun ekotizim yaratdik.

Ochiqlik va ishonchga asoslanib yaratilgan

Samsung bunga yolg‘iz o‘zi erishgan emas. Dunyoni o‘zgartirgan platformalar eng ochiq platformalar edi. Internet shunday edi. Mobil operatsion sistemalar ham. SmartThings yordamida biz qurilmalar, xizmatlar va hamkorlarni yagona bog‘langan tajribaga olib keldik, bu esa sanoatning ochiq standartlarini shakllantirdi. Ochiqlik eng yaxshi g‘oyalarning odamlarga tezroq yetib borishiga imkon beradi. Biz shunchaki intellektni yuqoriga qo‘ymaymiz, balki sun’iy intellektning markazda qanday ishlashini shunday loyihalashtiramizki, u har bir insonga kontekstda xizmat qiladi.

Ammo maqsad faqat ochiqlik emas. Eng qiyin vazifa – aqlni shaxsiy va ishonchli narsaga aylantirishdir. Dunyodagi eng yaxshi intellekt odamlarga ularning kundalik qurilmalari orqali yetib borishi kerak. Ammo uni shaxsiy qiladigan narsa foydalanuvchini tushunish va bu tushunchani xavfsiz saqlashdir. Bu bizning mas’uliyatimiz.

Sun’iy intellekt yanada shaxsiy va omilkor bo‘lib borar ekan, ishonch poydevorga aylanadi. Odamlar sun’iy intellekt ular uchun nima qilayotganini bilishlari va boshqaruvni saqlab qolishlari kerak.

Shuning uchun ishonch oxirida qo‘shilmaydi. Samsung Knox har bir Galaxy qurilmasini va endi ular o‘rtasidagi aloqalarni himoya qiladi. Intellekt qurilmalar bo‘ylab harakatlanayotganda, ular o‘rtasidagi oqimlarni himoya qilish juda muhimdir. Eng shaxsiy ma’lumotlar qurilmada qoladi, shuning uchun odamlar sun’iy intellekt qanday ishlashini tushunishlari va boshqaruvni saqlab qolishlari mumkin.

Galaxy’ning keyingi bosqichi

Xuddi shu tushuncha biz yaratadigan qurilmalarni shakllantiradi. Sun’iy intellekt qanchalik shaxsiy va salohiyatli bo‘lsa, uning shakli shunchalik muhim bo‘ladi. Sun’iy intellekt bizga bir vaqtning o‘zida ko‘proq ishlarda yordam berar ekan, buklanadigan ekran imkoniyatlarni kengaytiradi. Bu buklanadigan qurilmalarni o‘ziga xos qiladi: ular qo‘lingizda taxlanadi yoki kattaroq sahna ochadi. Bu yo‘lda Samsung buklanadigan qurilmalarni yupqaroq, yengilroq, kuchliroq va yanada jozibali qilishni davom ettirdi.

Sun’iy intellekt salomatlik uchun ham muhimdir. Qanday uxlashimiz, tiklanishimiz va o‘zimizga g‘amxo‘rlik qilishimiz – kundalik tanlovlarimiz yig‘indisidir. Bizga yaqin bo‘lgan qurilma, masalan, soat, bu signallarni kuzatib, yaxshiroq kun kechirishimizni ta’minlaydi.

Kelgusi Galaxy Unpacked’da biz bularning barchasini birlashtirishda keyingi bosqich nima ekanligini ko‘rsatamiz: ko‘proq hamkorlar tayanishi mumkin bo‘lgan poydevorda yanada shaxsiy, tabiiy sun’iy intellekt tajribalarini taqdim etamiz. Keyingi davrni boshlab beradigan savol kim eng aqlli sun’iy intellektga ega ekanligi emas, balki kim odamlarni eng yaxshi tushunishi va bu tushunchani ular ishonishi mumkin bo‘lgan tajribalarga aylantirishidir.

Biz bu yo‘lni ochiqlik va mas’uliyat bilan, qo‘lingizdagi qurilmadan boshlash niyatidamiz. Galaxy Unpacked’da biz ushbu keyingi sahifani birgalikda ochamiz.

22-iyul kuni Samsung Buyuk Britaniyaning London shahrida Galaxy Unpacked tadbirini o‘tkazadi. Galaxy innovatsiyasining navbatdagi sahifasini ochib berishda bizga qo‘shiling.

Galaxy Unpacked 2024 koʻrgazmasida taqdim etilgan Galaxy Z Fold6 oʻzining chiroyli dizayni va buklanuvchan telefonlarning cheksiz imkoniyatlarini namoyish etuvchi yangi xususiyatlari bilan isteʼmolchilarni rom qildi. Yanada ixchamroq va yengilroq korpusga ega bu qurilma xuddi avvalgidek chidamli, eng soʻnggi Z Fold modeli sifatida Galaxy AI bilan jihozlangan, foydalanuvchi unumdorligini yangi darajaga olib chiqish uchun optimallashtirilgan.

Galaxy Z Fold6 innovatsiyalarining siri nimada? Buning tagiga yetish maqsasida Samsung Newsroom qurilma ichiga nazar tashladi.

1. Asosiy displey

Asosiy displey maksimal 2600 nitsli yorqinlikka ega boʻlib, buklanuvchan ekranni kunduzgi yorugʻlikda ham aniq-ravshan koʻrish imkonini beradi. Vision Booster turli xil yoritish muhitlari uchun tasvirlarning ranglari va kontrastini optimallashtirish orqali vizual taassurotni yanada yaxshilaydi.

2. Qanot qoplamasi

Qanot qoplamasi Galaxy Z Fold6 ni silliq buklab ochishga ochishga yordam beradi. Displey va oshiq-moshiq orasida harakatlanuvchi qanot qoplamasi ichki qismni tekislaydi va displeyni har qanday mexanik shikastlanishdan himoya qiladi. Qanot qoplamasi juda yupqa boʻlishiga qaramay, katta kuch oʻtkazadigan maxsus materialdan yasalgan.

3. Oshiq-moshiq

Oshiq-moshiq telefonning buklanib ochilishida markaziy oʻq vazifasini bajaradi. Yupqa qurilmalarda oshiq-moshiqlar uchun torroq joylar kerak boʻlganligi sababli takomillashgan oshiq-moshiq texnologiyasi uning unumdorligi va barqarorligiga putur yetkazmasdan yigʻma qismlarni iloji boricha yupqalashtirish uchun juda muhimdir. Galaxy Z Fold6 oshiq-moshigʻi oldingisiga qaraganda kichikroq va ingichkaroq, ammo yangi va mustahkamlangan materiallar tufayli bir xil darajada chidamli. Yangi oshiq-moshiq tufayli Samsung istalgan joyda va istalgan vaqtda olib yurish oson boʻlgan ultra portativ telefonni yaratishga muvaffaq boʻldi.

4. Old gʻilof

Gʻilof avvalgisiga qaraganda yupqaroq va yengilroq, lekin bir xil darajada chidamli. Takomillashgan zirhli alyuminiydan yasalgan. Gʻilof nomidan koʻrinib turibdiki, zirh buklanuvchan qurilmaning ichki qismlarini xavfsiz oʻrab olgan holda himoya qiladi. Gʻilofning IP48 reytingli suvga chidamliligi Galaxy Z Fold6 dan ochiq havoda yomgʻirli kunlarda ham xavfsiz foydalanish mumkinligini anglatadi.

5. Bugʻli kamera

Bugʻli kameralar smartfonlarning qizib ketishining oldini olish uchun issiqlikni tarqatadi. Bugʻli kamera qancha katta boʻlsa, u issiqlikni shuncha samarali tarqatishi va qurilmalarning barqaror ishlashini taʼminlashi mumkin. Samsung Galaxy Z Fold6 ga Galaxy Z Fold5 nikidan taxminan 1,6 baravar katta boʻlgan bugʻli kamera oʻrnatilgan.

6. Asosiy batareya

Samsung oʻzining yupqaroq dizaynini maromiga yetkazish uchun qurilmaga ingichka asosiy batareyani joylashtirdi. Baton shaklidagi smartfonlardan farqli oʻlaroq, Galaxy Z Fold6 ning asosiy batareyasi ikki qismga boʻlingan.

7. Quyi batareya

Quyi batareya asosiy batareyaning qarama-qarshi tomonida joylashgan va Galaxy Z Foldning chiroyli dizayniga mos kelishi uchun yupqalashtirilgan.

8. Asosiy bosma plata yigʻindisi

Smartfonning miyasi — bosma plata yigʻindisi (PBA) yoki ona plata xotira va protsessor kabi asosiy qismlarni oʻz ichiga oladi. Galaxy Z Fold’da ingichka dizaynga erishish uchun Samsung ustma-ust tushirilgan, koʻp qatlamli asosiy PBA’dan voz kechib, bir qatlamli variantiga oʻtdi.

9. Quyi bosma plata yigʻindisi

Quyi PBA qurilma displeyi va karnaylarini boshqarishga masʼul boʻlgan chiplarni oʻz ichiga oladi. Quyi PBA uchun ingichka bosma elektron plata (PCB) ishlatilgan.

10. Orqa gʻilof

Orqa gʻilof Galaxy Z Fold6 ni ishlab chiqarish jarayonining yakuniy bosqichidir. U nafaqat ichki qismlarni himoya qiladi, balki buklanuvchan qurilmaning ajoyib dizaynini ham namoyish etadi. Orqa gʻilofga oʻzining ajoyib chidamliligi bilan mashhur boʻlgan Corning’s Gorilla® Glass Victus® 2 kiritilgan boʻlib, u foydalanuvchilarda telefonlari yaxshi himoyalanganligiga ishonch hosil qildiradi.

11. Pastki displey

Galaxy Z Fold6 oʻzidan oldingi modeliga nisbatan yaxshi muvozanatlangan, gorizontal kengroq ekran nisbatiga ega boʻlib, buklanuvchan qurilmaning qulayligini sezilarli darajada oshiradi. Foydalanuvchilar oʻz qurilmalarini buklab, faqat pastki displey bilan ham qulay tomosha hissidan bahramand boʻla olishadi. Asosiy displey singari, pastki displey ham 2600 nitsgacha yorqin boʻlishi mumkin va foydalanuvchilarga hatto kunduzgi yorugʻlikda ham ekranlarni aniq-ravshan koʻrish imkonini beradi.

Ushbu serqirralik beqiyos texnologiyalar va foydalanuvchilarning turmush tarzi va ehtiyojlarini diqqat bilan oʻylab chiqqan dizayndan kelib chiqadi. Samsung Newsroom Galaxy Z Flip6 ning har bir tarkibiy qismini chuqur oʻrganishga kirishdi.

1. Bosh displey

Foydalanuvchilar qurilmani ochganida ular beqiyos Dynamic AMOLED ekraniga guvoh boʻlishadi. Suratlar, videolar, oʻyinlar va boshqa kontent yorqin tafsilotlarda jonlanadi. Bosh displey tashqi zarbalarga bardosh bera olishi va qurilma ochilganda asl shaklini tiklay olishi kerak. Bu xususiyatlar Galaxy Z Flip6 da chidamlilik va moslashuvchanlikni kafolatlaydigan yangi materiallar va dizayn texnikalari bilan yanada takomillashdi.

Galaxy Z Flip6 ning asosiy displeyi himoya plyonkasi va yanada moslashuvchan himoya qatlami bilan oʻralganligidan tashqari yanada chidamli ultra yupqa shisha (UTG) bilan ham ajralib turadi va u 60% qalinroq. Bundan tashqari, yuqori samarali organik materiallar va kamroq shuʼlalar aks ettiruvchi paneldagi yangi qoplama texnikasi foydalanish vaqtini maksimal darajada oshiradi va 1750 dan 2600 nitsgacha chiqadigan yorqinlik ekrandagi tasvirni tashqarida koʻrishni osonlashtiradi.

2. Oshiq-moshiq

Samsung kompaniyasining yuqori darajadagi xususiy oshiq-moshiqli texnologiyasi Galaxy Z Flip6 ga oʻzining nozik dizayn va silliq buklanuvchanlik hissini beradi. Qurilma buklanganida, toʻrtta harakatlantiruvchi vallar displeyni suv tomchisi shaklida buklaydi va ikkita ekranni bir-biriga mos holda ushlab turadi. Integratsiyalashgan oshiq-moshiq moduli ikki relsli simmetrik tuzilishga ega boʻlib, tashqi zarbalarni bir xil taqsimlaydi. Bu qurilmadan toʻliq buklangan va ochilgan holda yoki 75 dan 115 gradus burchak ostida buklangan holda foydalanish mumkin. FlexMode esa foydalanuvchilarga telefon stendi yoki tripodsiz video tomosha qilish yoki suratga olish uchun telefonni istalgan burchak ostida ushlab turish imkonini beradi.

3. Oshiq-moshiq qopqogʻi va telefon gʻilofi

Galaxy Z Flip’ning gʻilofi va oshiq-moshiq qopqogʻi takomillashgan zirhli alyuminiydan yasalgan boʻlib, ularni tirnalish va shikastlanishga chidamliroq qiladi. Buklanuvchan modelning estetikasini oshiradigan hashamatli ranglar esa optimallashtirilgan anodlash jarayonidan oʻtadi, shuningdek, qurilmada qayta ishlangan materiallardan foydalanish kompaniyaning atrof-muhitga boʻlgan gʻamxoʻrligini oshiradi.

4. Bugʻli kamera

Galaxy Z Flip6 smartfoni Z Flip modellarida ilk bor bugʻli kameradan foydalandi. Bugʻli kameralar smartfonlarning qizib ketishining oldini olish uchun issiqlikni tarqatadi. Bugʻli kamera qanchalik katta boʻlsa, u issiqlikni shunchalik samarali tarqatishi va qurilmalarning barqaror ishlashini taʼminlashi mumkin. Samsung buklanuvchan smartfonga katta sigʻimdagi bugʻli kamerani kiritishga muvaffaq boʻldi.

5. Asosiy batareya

Galaxy Z Flip6 4000 mA/soat batareya sigʻimiga ega. Samsung himoya platasi oʻlchamini minimallashtirish uchun asosiy batareya himoya zanjirlarida eritib quyish texnikasidan foydalandi, bu esa qurilma ichidagi joyni maksimal darajada oshirish orqali batareya sigʻimini kengaytirish imkonini berdi.

6. Quyi batareya

Avvalgi modelga qaraganda, yanada zich energiya sigʻimiga ega quyi batareya Galaxy Z Flip6 batareya unumdorligini yanada oshiradi.

7. Asosiy bosma plata yigʻindisi

Smartfonning miyasi — bosma plata yigʻindisi (PBA) yoki ona plata xotira va protsessor kabi asosiy qismlarni oʻz ichiga oladi. Galaxy Z Flip6 smartfoni Galaxy Z Flip modellarining eng ixcham modeli boʻlib, u yuqori darajada integratsiyalangan qismlarga ega boʻlgan, ustma-ust joylashtirilgan PBA’dan foydalanadi.

8. Quyi bosma plata yigʻindisi

Quvvatlash terminali va karnay tomonida joylashgan quyi PBA turli xil radiochastota diapazonlarini va xalqaro standartlashtirilgan USB Type-C portini qoʻllab-quvvatlaydi. Shuningdek, u past shovqinli mikro elektromexanik tizim (MEMS) mikrofoni bilan jihozlangan boʻlib, u nutqni yuqori aniqlikda ajratishni osonlashtiradi.

9. Orqa gʻilof

Orqa gʻilof buklanganida Galaxy Z Flip6 ning old va orqa tomonlarini hosil qiladi. Unga Corning® Gorilla® Glass Victus 2® kiritilgan boʻlib, u shisha ilmida jahon yetakchisi va Samsung kompaniyasining uzoq yillik hamkori boʻlgan Corning kompaniyasining mahsulotidir.