Hozirda  muayyan Galaxy A modellari uchun yon tugma orqali AI yordamchisini faollashtirish imkoni bor. Avval Galaxy S modellarida mavjud boʻlgan, muxlislarning ushbu sevimli funksiyasi boshqa foydalanuvchilarga ham yetkaziladi va bu Samsungʻning soʻnggi AI qulayliklarini hamma uchun ochiq qilishga yoʻnaltirilgan qarashlarini yanada kuchaytiradi. Ushbu yangilanishdan[1] keyin foydalanuvchilar oddiygina yon tugmani uzoq bosib turish orqali yanada aqlli AI qulayliklari boʻlgan Google’ning AI’ga asoslangan yordamchisi — Gemini’ni[2] tezda ishga tushira oladigan boʻlishdi. Shuningdek, Samsung Awesome Intelligence’ni[3] eng soʻnggi Galaxy A modellarida — Galaxy A56 5G, Galaxy A36 5G va Galaxy A26 5G larda taqdim etdi. Bu yanada koʻp foydalanuvchilarga Galaxy’ning ajoyib mobil AI qulayliklarini ochib beruvchi, Galaxy muxlislarining sevimli AI funksiyalaridir. Bu songi yangilanish esa butun dunyo boʻylab Galaxy A foydalanuvchilari uchun yon tugma yordamida Gemini’ga bevosita kirish orqali kundalik vazifalarni intuitiv tarzda bajarishda yordam beradi.

Tezkorlik va hamyonboplik muvozanati bilan tanilgan Galaxy A modellari endi ushbu yangilanish orqali yanada aqlli mobil qulayliklarni taqdim etadi. Gemini’ni bir harakatda ochish orqali foydalanuvchilar osongina oʻz jadvallarini tekshirishlari, yaqin atrofdagi restoranlarni topishlari yoki ovozli buyruqlar yordamida tugʻilgan kun sovgʻasini tanlashda tavsiya olishlari mumkin. Shuningdek, foydalanuvchilar ilovalardagi vazifalarni[4] bir buyruq orqali tezda bajara olishadi. Masalan, Google Maps’dan kechki ovqat joyini topish va manzilni SMS ilovasi orqali doʻstga yuborish. Bu Samsung, Google va muayyan uchinchi tomon ilovalarida ham ishlaydi.

“Samsung va Google uzluksiz, intuitiv va mazmunli AI qulayliklarini taqdim etish, soʻnggi texnologiyalarni koʻplab foydalanuvchilar uchun yanada qulayroq qilish uchun birga ishlamoqda”, dedi Samsung Electronics kompaniyasining ijrochi prezident oʻrinbosari, Mobile eXperience Business va mijozlar bilan ishlash boʻyicha boʻlim boshligʻi Jey Kim. “Galaxy A foydalanuvchilari endi sodda barmoq harakati orqali Gemini’ni tez va tabiiy ravishda faollashtira olishlaridan xursandmiz. Bu foydalanuvchilarga kundalik vazifalarni bajarishda aqlli tarzda yordam beradi degan umiddamiz”.

Gemini’ni bir zumda ochish imkoni kun davomida har qanday lahzada siz uchun AI yordamga tayyorligini anglatadi. Masalan, kechki ovqatni kech boʻlmasidan tezda rejalashtirish. Oddiy ovozli buyruq yordamida foydalanuvchilar Gemini’ga “Yaqin-atrofdan terrasada joylashtirilgan oʻrindiqli, uy hayvonlari uchun qulay boʻlgan fransuz restoranlarni top” deb aytishi va bir necha soniya ichida takliflarni olishi mumkin. Bu birorta soʻz termasdan joy tanlash va uni doʻstlar bilan baham koʻrishni osonlashtiradi.

Dasturiy taʼminot yangilanishlari may oyining boshidan muayyan Galaxy A modellarini uchun butun dunyo boʻylab tarqaldi.

Galaxy A modellari haqida batafsil maʼlumot olish uchun ushbu manzilga tashrif buyuring: Samsung.com, Samsung Newsroom

Samsung Electronics bugun Galaxy A55 5G va Galaxy A35 5G smartfonlarini taqdim etdi. Ular Samsung kompaniyasining eng sara mobil innovatsiyalarini hamma uchun ochiq qilishga sodiqligini yorqin namoyish qiladi. Ikkala qurilma ham Knox Vault’ning keng qamrovli xavfsizlik funksiyalari, shuningdek, Galaxy flagman kamerasi innovatsiyalaridan ilhomlangan yangi fotografiya imkoniyatlari va Vision Booster yordamida foydalanuvchilarning atrofiga moslashadigan ajoyib displey bilan birga keladi.

“Galaxy A modellari bilan biz eng soʻnggi texnologiyalarimizni yanada kengroq auditoriyaga taqdim etmoqdamiz. Biz eng sara texnologiyalarimizdan hamma foydalanishini istaymiz”, dedi Samsung Electronics kompaniyasi prezidenti va Mobile eXperience Business rahbari TM Roh. “Biz bu yil Galaxy A modellari bilan foydalanuvchilarga yanada keng imkoniyatlar taqdim etishimizdan juda xursandmiz. Ayniqsa, Samsung Knox Vault’ni ushbu modellarda birinchi bor ishga tushirmoqchimiz. Biz Galaxy A modellari foydalanuvchilariga ajoyib mobillikdan xavfsiz va ishonchli holda bahramand boʻlish imkonini berishimizdan faxrlanamiz.

Serqirra fotografiya va ajoyib displeyga ega oʻyin-kulgi va ijod markazi

Takomillashgan Nightography bilan Galaxy A55 5G yorugʻlik past boʻlgan sharoitda ham tiniq va jonli suratlar olish imkoniga ega boʻlasiz. Endi tunda olingan har bir surat epik darajaga chiqishi mumkin. Galaxy A55 5G tasvir signallarini qayta ishlovchi (ISP) ilg‘or AI funksiyasi Galaxy A modellarida oldin hech kuzatilmagan ajoyib tasvirlarni past yorug‘likda ham ishlab chiqarish qobiliyatiga ega. Tasvirda fon manzarasigina ajoyib koʻrinishga ega boʻlib qolmaydi. Tungi portret rejimi va 12 bitli HDR video har bir rasmda odamlarning ham yorqin tasvirini saqlab qoladi, shunda doʻstlar va oila aʼzolari bilan xotiralarni suratga olish uchun mukammal yorugʻlik muhitini izlab oʻtirish shart boʻlmay qoladi.

Galaxy A55 5G ham, Galaxy A35 5G ham Samsung Galaxy’ning hamma biladigan ajoyib fotografiya imkoniyatlarini taqdim etadi. Jumladan optik tasvir barqarorligi (OIS) va raqamli video tasvir barqarorligi (VDIS) kabi funksiyalari yo‘lda suratga olish paytida ham fotosuratlar va videolarni tiniq va barqaror holatda saqlaydi.

Ushbu yangi chiqqan qurilmalar Galaxy A modellarining qiziqarli va immersiv mobillikni hamma uchun ochiq qilish anʼanasini davom ettiradi. Foydalanuvchilar FHD oʻlchamida hayratlanarli aniqlikni koʻrsatuvchi Super AMOLED displeylari bilan soʻnggi kinolarni tomosha qilish yoki ijtimoiy tarmoqlardagi videolarni koʻrishdan toʻliq zavqlana olish imkoniga ega boʻlishadilar. Shuningdek, Vision Booster tufayli Galaxy A55 5G va Galaxy A35 5G ning 6,6 [1] dyuymli ekrani har xil yorug‘lik sharoitlariga qaramasdan tiniq va yorqin displeyni taʼminlashi bilan foydalanuvchilarning ishonchini oqlaydi.

Samsung’ning eng kuchli xavfsizlik innovatsiyalarini hammaga ochiq qilish orqali yanada koʻp mijozlarni aqlli ravishda uzoq muddat muhofaza qilish

Bu yil Samsung oʻzining eng innovatsion flagman xavfsizlik funksiyalaridan biri — Samsung Knox Vault‘ni birinchi bor Galaxy A modellari foydalanuvchilariga, jumladan, yangi Galaxy A55 5G va Galaxy A35 5G uchun taqdim etmoqda. Apparatga asoslangan va zarbabardosh xavfsizlik yechimi Samsung Knox Vault tizimning asosiy protsessori va xotirasidan jismonan ajratilgan xavfsiz muhitni yaratish orqali ham apparat, ham dasturiy taʼminot hujumlaridan keng qamrovli himoyani taʼminlaydi. U qurilmadagi eng muhim maʼlumotlarni, jumladan, ekranlarga qoʻyiladigan PIN kodlar, parollar va grafik parollar kabi maʼlumotlarni himoya qilishga yordam beradi. Shuningdek, Samsung Knox Vault qurilmada saqlangan foydalanuvchilarning shaxsiy maʼlumotlarini shifrlab, qurilmadagi shifr kalitlarini ham himoya qiladi. Qurilma yoʻqolgan yoki oʻgʻrilangan taqdirda ham qulflangan ekran maʼlumotlarini biladigan qurilma egasigina oʻz maʼlumotlariga ega chiqa oladi.

Galaxy A55 5G va Galaxy A35 5G Galaxy’ning ko‘p qatlamli xavfsizlik platformasi — Samsung Knox tomonidan himoyalangan. Dunyodagi eng ishonchli xavfsizlik platformalaridan biri boʻlgan Samsung Knox butun Galaxy ekotizimida yaxlit yondashuvni qoʻllagan holda koʻp tomonlama xavfsiz apparat bilan real vaqtda tahdidlarni aniqlash va kollaborativ himoyalash orqali muhim maʼlumotlarni muhofaza qilish va zaif boʻshliqlarni yopish uchun moʻljallangan.

Himoya qilishning boshqa usullari uchun Galaxy A modellari Auto Blocker — qo‘shimcha xavfsizlik choralari to‘plamini taklif qiladi. Auto Blocker yoqilganda u ruxsatsiz manbalardan ilovalarni oʻrnatishni taqiqlaydi, potensial zararli dasturlarni skanerlash uchun ilovalarni virusga tekshiradi [2] hamda USB kabel orqali ulanganda qurilmangizga potensial zararli buyruqlar va dasturiy taʼminotni oʻrnatish buyruqlarini bloklash qobiliyatlariga ega. Yangi Galaxy A modellari foydalanuvchilari Galaxy xavfsizlik va maxfiylik boshqaruv panelidan ham foydalanish imkoniyatiga ega bo‘ladi, bu esa ularning ma’lumotlari holatini ko‘rish va nazorat qilishni yanada osonlashtiradi hamda istalgan vaqtda berilgan ruxsatlarni qaytarib olish imkoniga ega boʻladilar. Foydalanuvchilar, shuningdek, muhim shaxsiy yoki moliyaviy maʼlumotlarni oʻz ichiga olgan maxfiy fayllarni xavfsiz va shifrlangan holda oʻzaro almashish imkonini beruvchi Private Sharing (Quick Share funksiyasining bir qismi) funksiyasidan bahramand boʻladilar. Maxfiylikni taʼminlash uchun foydalanuvchilar qabul qiluvchining kirish ruxsatlari va faylning amal qilish muddatini boshqarishlari mumkin, shu bilan birga skrinshotlar yoki yuklab olishni cheklashi ham mumkin.

Yangi Galaxy A modelidagi smartfonlar Samsung kompaniyasining Galaxy qurilmalarining uzoq vaqt davomida xavfsizlik va yangilanishlarni taʼminlashga sodiqligini namoyish etadi. Galaxy A55 5G va Galaxy A35 5G bilan foydalanuvchilar Android OS va One UI yangilanishlarining to‘rt avlodigacha va besh yillik xavfsizlik yangilanishlaridan bahramand boʻlishadilar, bu esa qurilmalarni eng so‘nggi Galaxy va Android funksiyalari bilan jihozlash orqali ularning ishlash muddatini optimallashtiradi.

Doimiy kengayib borayotgan Samsung Galaxy ekotizimlari bilan uzluksiz bogʻlanish

Galaxy A55 5G va Galaxy A35 5G Galaxy ekotizimi bilan to‘liq moslasha oladi va foydalanuvchilarga Galaxy qurilmalari oʻrtasida yengil va integratsiyalashgan qulaylikni taqdim etadi. Foydalanuvchilar Galaxy Fit3 yoki Galaxy Watch6 ni Galaxy A smartfoniga ulab, fitnes maqsadlarida ishlatishlari mumkin. Auto Switch funksiyasi tufayli kiruvchi qo‘ng‘iroqlar avtomatik ravishda oʻzaro bogʻlangan Galaxy Buds FE’ga yoʻnaltiriladi va telefon qoʻngʻiroqlarini qulaylashtiradi.

Samsung Galaxy A55 5G, Galaxy A35 5G va boshqa Galaxy smartfonlari haqida batafsil maʼlumot olish uchun ushbu manzillarga tashrif buyuring: Samsung Newsroom, Samsung Mobile Press va Samsung.com.

Qurilmalarning texnik xususiyatlari

* Texnik xususiyatlar bozorga qarab oʻzgarishi mumkin.
* Ushbu hujjatda keltirilgan barcha funksionallik, xususiyatlar, texnik xususiyatlar va mahsulotning boshqa maʼlumotlari, shu jumladan, mahsulotning afzalliklari, dizayni, narxi, komponentlari, tezkorligi, mavjudligi va imkoniyatlari ogohlantirilmasdan oʻzgartirilishi mumkin.

[1] Diagonal oʻlcham boʻyicha, ekran oʻlchami toʻliq toʻrtburchakda 6.6 dyuym va aylana ramkani hisobga olganda 6.4 dyuym; koʻrinadigan displey oʻlchami qurilmaning aylana burchaklari va kamera teshigi tufayli kichikroq.

[2] Bu modellar joriy paytda AQSh dilerlarida mavjud emas.

Samsung Electronics 15 mart kuni Samsung Galaxy ajoyib mobil tajribani rivojlantirishga sodiqligini tasdiqlovchi ikkita innovatsion smartfon – Galaxy A54 5G va Galaxy A34 5G smartfonlarini taqdim etdi. Mashhur Galaxy A seriyasiga kiritilgan ushbu yangi qo‘shimchalar foydalanuvchilarga barqaror va tiniq video suratga olishga, hatto yorug‘likda ham aniq ko‘rishga va ikki kundan ortiq ishlaydigan batareya quvvati bilan siz yoqtirgan narsalarni qo’shishga yordam beradi.[1]

“Mobil qurilmalarning ilg‘or imkoniyatlari kundalik hayotda tobora muhim ahamiyat kasb etmoqda”, deb o’tdi Samsung Electronics kompaniyasining Mobile eXperience Business prezidenti va rahbari T.М. Roh. “Galaxy A seriyasini doimiy ravishda takomillashtirish orqali biz butun dunyo bo’ylab ko’proq odamlar bizning o’zgartiruvchi innovatsiyalarimizdan foydalana olishini ta’minlaymiz.”

Tungi rejim bilan kechayu kunduz ajoyib suratlar oling

Galaxy A54 5G va Galaxy A34 5G Samsung Galaxy qurilmalarining ilg‘or tungi rejimi va sun’iy intellekti tufayli yorqin muhitda ham ajoyib va ​​tiniq suratga olish imkoniyatini taqdim etadi. Foydalanuvchilar mukammal selfi olishni yoki yanada tiniq videoqo‘ng‘iroqlar orqali ulanishlari mumkun, Galaxy A54 o‘zining 32 megapikselli old kamerasi bilan ajoyib selfi tafsilotlarni taqdim etadi.

Yangi smartfonlar ilg’or optik tasvirni (OIS) va raqamli videoni barqarorlashtirish (VDIS) yordamida tebranish va xiralashishga qarshi ajoyib ravshanlik bilan video ishlab chiqaradi. Qo’llar beqaror bo’lsa ham yoki yo’lda suratga olish paytida ham foydalanuvchilar ajoyib kontentni suratga olishlariga ishonch hosil qilishlari mumkin. Qorong’udan keyin va kam yorug’lik sharoitida sarguzashtlar uchun tungi rejim foydalanuvchilarga kamera piksel o’lchamini oshirish orqali ko’proq tafsilotlarni olishga yordam beradi.

Shuningdek, foydalanuvchilar ilg‘or tahrirlash vositalari yordamida Galaxy A seriyasida birinchi marta keraksiz soyalar va aksni olib tashlashlari mumkin.

Yorqin displey, tezkor 5G va uzoq ishlaydigan batareya bilan ajoyib samaradorlikni his eting

Ikkala qurilma ham Galaxy A54 5G 6,4 dyuymli[2]  va Galaxy A34 5G 6,6[3] dyuymli smartfonlarida Super AMOLED displeylariga ega. Ikkala displey ham yorqin quyosh nurida ham ajoyib tashqi ko’rinishni ta’minlash uchun takomillashtirilgan. Yaxshilangan Vision Booster va 120 Gts yangilanish tezligi bilan displeylar turli yorug’lik sharoitlari o’rtasida harakatlanayotganda foydalanuvchilarga mos keladi.

Galaxy A54 5G va Galaxy A34 5G ham to‘rt avlod OS yangilanishi va besh yillik xavfsizlik yangilanishi kafolatlanadi. Ushbu xususiyatlar foydalanuvchilarga smartfonning ishlash muddatini maksimal darajada oshirish uchun eng so’nggi dasturiy ta’minot va xavfsizlik xususiyatlariga kirish imkonini beradi.

Xavfsizlikdan voz kechmasdan aloqada qoling

Kengaytirilgan smartfon imkoniyatlari rivojlangan xavfsizlik darajasiga bog’liq. Samsung Knox bilan maʼlumotlar himoya darajasidagi mobil qurilma himoyasi bilan qulf va kalit ostida saqlanadi. Galaxy A54 5G va Galaxy A34 5G foydalanuvchilarga xavfsizlik va maxfiylik boshqaruv panelidan foydalanish imkonini beradi, bu esa ilovalar ma’lumotlarni qanday kuzatayotganini ko‘rishni osonlashtiradi va keraksiz ma’lumotlarni to‘plashni to‘xtatishning oson usullarini taklif etadi. Agar foydalanuvchilar maxfiy yoki shaxsiy ma’lumotlarni o’z ichiga olgan muhim fayllarni maxfiylik va nazoratning eng yuqori darajasi bilan baham ko’rishni istasalar, bu holatda “Private Share” funksiyasi yordam beradi[4]. Bu foydalanuvchilarga fayllarni faqat belgilangan qabul qiluvchilar bilan cheklangan vaqt va ekran tasvirlari oʻchirilgan holda almashish imkonini beradi.

Galaxy A54 5G va Galaxy A34 5G ham Samsung Galaxy ekotizimiga mos keladi va qurilmalar o‘rtasida uzluksiz ulanishni ta’minlaydi. Foydalanuvchilar Galaxy A54 5G va Galaxy A34 5G smartfonlarida mavjud bo‘lgan Microsoft 365 Basic[5] ilovasining olti oylik sinov muddati bilan 100GB bulutli xotiraga ega bo‘lishlari va suratlarni OneDrive ga osongina zaxiralashlari mumkin.

Mavjudligi

Galaxy A54 5G to‘rtta rangda mavjud bo’ladi, jumladan Laym rangi, Grafit rangi, Binafsha va oq. Galaxy A34 5G ham to‘rtta rangda taqdim etiladi: Laym rangi, Grafit rangi, Binafsha va xameleon rang.

Mahsulot spetsifikatsiyasi

*Texnik xususiyatlar do’konga qarab farq qilishi mumkin.

*Ushbu hujjatda keltirilgan barcha funksionallik, xususiyatlar, spetsifikatsiyalar va mahsulotning boshqa maʼlumotlari, jumladan, mahsulotning afzalliklari, dizayni, narxi, komponentlari, mahsulot unumdorligi, mavjudligi va imkoniyatlari ogohlantirilmasdan oʻzgartirilishi mumkin.

[1] Batareyaning haqiqiy ishlash muddati, zaryadlash va foydalanish vaqti, tarmoq muhiti, foydalanish usullari, qo’ng’iroqlar va xabarlar soni, zaryadlash chastotasi va boshqa omillarga qarab farq qilishi mumkin.

[2] Diagonal bo’yicha, ekran o’lchami smartfon hajmi bo’ylab 6,4 dyuym va burchaklari yumaloq 6,3 dyuym. 3 Dumaloq burchaklar va kamera joyi tufayli haqiqiy ko’rinish mumkin bo’lgan maydon kichikroq.

[3] Diagonal bo’yicha, ekran o’lchami smartfon hajmi bo’ylab 6,6 dyuym va burchaklari yumaloq bo’lgan 6,4 dyuym. Dumaloq burchaklar va kamera joyi tufayli haqiqiy ko’rinish maydoni kichikroq.

[4] “Private Share” joʻnatuvchi va qabul qiluvchi Android 9 yoki undan keyingi versiyada ishlaydigan Galaxy mobil qurilmalari va Private Share ilovasiga ega boʻlishi talab qilinadi.

[5] “OneDrive-Gallery” sinxronlash xususiyatiga ega Samsung qurilmasida mavjud. Foydalanuvchilar taklifdan foydalanish uchun Galereyani “OneDrive” bilan sinxronlashtirishlari kerak. Taklif mavjud Microsoft 365 yoki “OneDrive Premium” obunachilari (jumladan, bepul sinovlar) yoki oxirgi 90 kun ichida Premium obunalarini bekor qilgan sobiq Microsoft 365 yoki OneDrive obunachilari uchun mavjud emas. Mavjudligi do’kon va tashuvchiga qarab farq qilishi mumkin. Amaldagi Google Play qoidalari va shartlari haqida qoʻshimcha maʼlumot olish uchun https://www.microsoft.com/onedrive-samsung-offer saytiga tashrif buyuring.