O‘zingizning sevimli musiqangizni tinglayapsizmi, shunchaki dam olmoqchimisiz yoki atrof muhitdan chetlanmoqchimisiz, Galaxy Buds2 Pro barcha uchun tengi yo‘q tovush sifatini taklif etadi. Butunjahon maxsus imkoniyatlardan xabardorlik kunini nishonlar ekan, Samsung eshitish qobiliyati past odamlarga yangi Ambient Sound (atrof tovushi) funksiyasi orqali atrof muhitdagi tovushlardan yanada ko‘proq bahramand bo‘lishga yordam berishga intiladi.

Texnologiyalarni yanada ochiq va inklyuziv qilamiz

Avval uchta sozlash darajasiga ega bo‘lgan Ambient Sound funksiyasi foydalanuvchilarga o‘z atrofini eshitish va anglash imkoniyatlarini bergan bo‘lsa, endilikda uning yangilangan versiyasi yana ikkita qo‘shimcha sozlash darajasini taqdim etadi va umumiy hisobda 5 ta kuchaytirish bosqichidan iborat bo‘ladi. Bu yanada ko‘proq foydalanuvchilar uchun eshitish imkoniyatini yaxshilaydi[1].

Bu funksiyaning samaradorligini baholash uchun[2] Ayova universitetining (University of Iowa) eshitish apparatlari va qarish bo‘yicha tadqiqot laboratoriyasi klinik sinov o‘tkazdi. Tadqiqotdan shunday xulosa olindiki, Galaxy Buds2 Pro yengil darajadan o‘rta darajagacha eshitish qobiliyatini yo‘qotgan insonlarda nutqni idrok qilish sezilarli darajada yaxshilandi. Samsung tibbiyot markazi tomonidan o‘tkazilgan xuddi shunday tadqiqot ham ko‘rsatdiki, Galaxy Buds2 Pro quloqchinlari yengil darajadan o‘rta darajagacha eshitish qobiliyatini yo‘qotgan insonlarga tinch joyda yaxshiroq muloqot qilishga yordam beruvchi samarali vosita bo‘la oladi.

Tovush sozlamasining yangi darajalari

Ushbu yaxshilangan funksiya yordamida Galaxy Buds2 Pro foydalanuvchilari turli xil ehtiyojlarga ko‘ra atrof muhit tovushi parametrlarini aniqroq sozlab olishlari mumkin. Foydalanuvchilar chap va o‘ng tarafdagi tovush balandligini o‘zgartirishlari, shuningdek, Ambient Sound tovushi diapazonini mayindan aniqlikkacha bo‘lgan beshta darajada sozlashlari mumkin. Bundan tashqari, atrof tovushi Adapt Ambient Sound (moslashtirilgan atrof tovushi) funksiyasi yordamida foydalanuvchi quloqlariga sozlanishi va yanada aniqlik bergan holda atrofni yaxshiroq eshitish imkonini berishi mumkin.

“Biz Butunjahon maxsus imkoniyatlardan xabardorlik kuni munosabati bilan foydalanuvchilarga Galaxy Buds2 Pro’ning yangi yaxshilangan maxsus imkoniyatlarini taqdim etishdan mamnunmiz, — deydi Samsung Electronics MX Business bo‘linmasining Advanced Audio Lab mutaxassisi va rahbari Xan Gil Mun, — Samsung o‘zining Galaxy Buds2 Pro yordamida barcha foydalanuvchilarga istalgan vaqtda va har qanday joyda eng yaxshi tovushdan bahramand bo‘lishga yordam berish ustida ishlashda davom etamiz”.

Ta’minot

Takomillashtirilgan Ambient Sound funksiyasi yaqin haftalar ichida dasturiy ta’minot yangilanishi ko‘rinishida Galaxy Buds2 Pro qurilmalari uchun ochiq bo‘ladi[3].

[1] Galaxy Wearable ilovasida quloqchinlar sozlamasidagi “Laboratoriya” menyusi orqali foydalanish mumkin.

[2] Ayova universiteti va Samsung tibbiy markazining klinik sinovlari Ambient Sound funksiyasining maksimal darajasi (5-daraja)da o‘tkazilgan.

[3] Ochiqlik hudud, aloqa operatori va modelga bog‘liq.