Sahifaga o’tish uchun bosing!

Try Galaxy o‘zi nima?

Try Galaxy – bu Samsung Galaxy’ning eng ilg‘or funksiyalarini boshqa telefonda sinab ko‘rishga mo‘ljallangan interaktiv veb-ilova. U hech qanday yuklab olish yoki telefon almashtirishni talab qilmaydi.

Oddiy qilib aytganda, Galaxy foydalanuvchisi bo‘lmaganlar ham o‘z telefonlarida:

• Galaxy S25 ning AI funksiyalarini (masalan, jonli tarjima, rasm tahrirlash)
• One UI interfeysini (qulay menyu, ilovalarning oson joylashuvi)
• SmartThings orqali qurilmalararo ulanish va yana ko‘plab imkoniyatlarni to‘liq his qilishi mumkin.

Nimalarni sinab ko‘rish mumkin?

• Fotosurat yordamchisi – rasmlardagi fon yoki keraksiz odamlarni, obyektlarni olib tashlash.
• Jonli tarjima – suhbat davomida har qanday tilni avtomatik tarjima qilish.
• AI video tahriri – oddiy videolardan kreativ kontentni tez va oson yaratish.
• Qurilmalar integratsiyasi – telefonni planshet yoki televizor bilan osongina bog‘lash va boshqalar.

Qanday sinab ko‘rish mumkin?

1. Telefoningizdan www.trygalaxy.com saytiga kiring.
2. Ekrandagi ko‘rsatmalarni bajaring.
3. Galaxy tajribasidan zavqlaning.

Telefoningiz o‘sha-o‘sha, ammo imkoniyatlaringiz butunlay yangicha. Hoziroq sinab ko‘ring va farqiga o‘zingiz guvoh bo‘ling.

Try Galaxy – Galaxy olamiga ochiladigan eng oson eshik.

Batafsil ma’lumot https://www.samsung.com/uz_uz/ saytida.

 Kontent yaratishda sifat – bu muvaffaqiyatning yarim qismi. Galaxy S25 seriyasi esa bu sifatni yangi bosqichga olib chiqadi:

• Galaxy AI tahriri – surat yoki videongizni soniyalarda professional darajaga olib chiqing.
• Tungi rejim – yorug‘lik kam bo‘lsa ham tiniq va jonli kadrlar.
• Ko‘p vazifalilik – yozish, montaj qilish va muloqot qilishni bir vaqtda bajaring.

Bu model — vaqtini qadrlaydigan va har lahzada sifatli kontent yaratishni xohlaydiganlar uchun.

Galaxy Tab S10 – ijodingiz uchun cheksiz makon

Planshet nafaqat ko‘rish, balki yaratish uchun ham bo‘lishi kerak. Galaxy Tab S10 — bu sizning shaxsiy kreativ studiyangiz:

• Katta ekran + DeX rejimi – vizual rejalashtirish, post tayyorlash va ishlash uchun mukammal.
• S Pen – g‘oyalarni yozib olish, eskiz chizish, tezkor tahrir.
• AI yordamida video tahrir – professional natijaga tez yetib boring.

Bu qurilma — ko‘p ishlaydigan va kontentini mukammal boshqarishni xohlaydigan blogerlar uchun.

Galaxy A56: blogerlikka ilk qadam

Yangi boshlayotgan, lekin sifatdan voz kechmaydiganlar uchun:

• 50 MP kamera – blog, storis va vloglar uchun aniq kadrlar.
• Uzoq ishlovchi batareya – jonli efirlar va uzun yozuvlar uchun yetarli quvvat.
• Engil va zamonaviy dizayn – har doim yoningizda bo‘lishi uchun.

Bu model — ijodga yangi kirib kelayotgan va darhol sifatli natija olishni istaydiganlar uchun.

Aksessuarlar – ijodingizni kuchaytiruvchi detallar

Samsung sizga nafaqat texnika, balki ijodni yengillashtiradigan yordamchi vositalarni ham taklif etadi:

• S Pen – tezkor yozuvlar va chizmalar.
• Klaviaturali g‘ilof – mobil ish joyi yaratish.
• Galaxy Buds – toza va sifatli ovoz yozish.
• SmartTag – jihozlaringizni hech qachon yo‘qotmaslik uchun.

Nega blogerlar Samsung’ni tanlaydi?

• Kamera sifati – professional darajada.
• Galaxy AI – vaqtni tejovchi sun’iy intellekt imkoniyatlari.
• Uzoq batareya va tez ishlovchi protsessor – ijod jarayoni hech qachon to‘xtamaydi.

Agar siz shunchaki kontent yaratuvchi emas, balki ilhom baxsh etuvchi shaxs bo‘lishni istasangiz – Galaxy sizga eng ishonchli hamroh!

Batafsil: samsung.com

Nima uchun Galaxy  S25 Tim Qora seniki bo‘lishi kerak?

• Flagman darajasidagi unumdorlik: kuchli protsessor, AI imkoniyatlar

• Yuqori aniqlikdagi kamera: yorqin kadrlar har kuni

• Katta batareya va tez quvvat olish — ertalabdan kechgacha barqarorlik

• O‘yinlar, video va ilovalar uchun yuqori darajadagi ishlash Yangi Galaxy S25 Tim Qora rangda — bu o‘zingni erkin ifoda etish, texnologiyani uslub bilan uyg‘unlashtirish va o‘z yo‘lingni tanlash imkoniyati.

 Smartfon endi O‘zbekistondagi rasmiy savdo nuqtalari va onlayn sotuvda mavjud.

Quyida Galaxy AI’ning 7 ta eng foydali funksiyasi, ularni qanday ishlatish va haqiqiy kundalik vaziyatlarda qayerda foydalanish mumkinligi haqida bilib olishingiz mumkin.

Aylana chizib qidirish

Endi ma’lumot qidirish yanada oson va zavqli. Galaxy AI’ning Aylana chizib qidirish funksiyasi sizga ekrandagi istalgan rasm yoki matnga shunchaki barmoq bilan aylana chizish orqali bir zumda qidiruv natijalarini olish imkonini beradi. Murakkab havolalar, nusxalash yoki alohida ilovalarda izlash shart emas – barchasi bir joyda va bir zumda!

Asosiy imkoniyatlari:

• Shunchaki belgilaysiz – AI qidiradi;
• Tasvir va matnni kontekst bilan birga tushunadi;
• Intuitiv va interaktiv ishlash tajribasi;
• Tezkor va aniq natijalar;
• Ilovalararo ishlash imkoniyati.

Ko‘proq ishlatiladi:

• Kerakli mahsulotlarni onlayn topishda;
• Tasvirlardagi notanish joylar yoki binolarni aniqlashda;
• Matndagi murakkab atamalarni tushunish yoki tarjima qilishda;
• Ijtimoiy tarmoqlardagi postlar va suratlardagi qiziqtirgan ma’lumotlarni izlashda;
• Sayohat paytida xaritadagi nomlar yoki diqqatga sazovor joylar haqida ma’lumot olishda.

Qanday ishlatiladi?

Istalgan vaqtda, ekrandagi matn yoki rasmga oid qandaydir savol tug‘ilganda uy tugmasini bosib ushlab turing yoki maxsus qidiruv tugmasini faollashtiring. Ekranda Aylana chizib qidirish interfeysi paydo bo‘ladi. Qiziqqan so‘z, rasm yoki obyekt ustiga barmog‘ingiz bilan aylana chizing yoki chiziq torting. Galaxy AI avtomatik ravishda tanlangan qismni aqlli tarzda tahlil qiladi va sizga kontekstga mos qidiruv natijalarini taqdim etadi.

Matn yaratuvchi

Samsung klaviaturasidagi Galaxy AI Matn yaratuvchisi yozish jarayonini ancha osonlashtiradi va sifatini oshiradi. U foydalanuvchining qisqacha fikrini to‘liq, mantiqiy va o‘ziga xos matnga aylantiradi.

Asosiy imkoniyatlari:

• Matnni aytilgan uslubda yozadi. Masalan, professional yoki samimiy talqinda bayon etadi;
• Rasmiy ish xatlari, marketing postlari, oddiy suhbatlar uchun mos ohangni tanlaydi;
• Grammatik va imlo xatolarni avtomatik topadi va to‘g‘rilaydi;
• Telegram va boshqa messenjerlardagi kelgan yoki yuborilayotgan xabarlarni tarjima qiladi;
• Samsung Eslatmalar ilovasida yozgan matningizdan qisqacha xulosa tuzadi;
• Samsung Internet brauzerida sahifa matnini soddalashtirib, asosiy ma’noni ajratib beradi.

Ko‘proq ishlatiladi:

• Ishdagi rasmiy yozishmalarda;
• Universitetdagi topshiriqlarni tuzishda;
• Ijtimoiy tarmoqlarda kontent yozishda;
• Chet eldagi do‘stlar bilan yozishmalarda.

Qanday ishlatiladi?

Klaviaturadagi yulduzcha belgisi bosiladi va kerakli rejim tanlanadi. Internetga ulanishingiz kerak bo‘ladi.

Foto va video muharriri

Galaxy AI yordamida suratlar va videolarni professional sifatda tahrir qilish hech qachon bunchalik oson bo‘lmagan. Foydalanuvchidan murakkab ko‘nikmalar talab qilmaydi, ammo juda sifatli natija beradi.

Asosiy imkoniyatlari:

• Suratdagi keraksiz obyektlarni bitta bosishdayoq o‘chiradi;
• Fonni xiralashtiradi, yorug‘lik va rang balansini to‘g‘rilaydi;
• Suratlarni multfilm yoki kreativ san’at uslubida qayta ishlaydi;
• Videolarda sekinlashtirilgan kadrlar yaratadi va o‘ziga xos dramatik effekt qo‘shadi;
• Rasm ustida chizilgan eskiz asosida yangi variantlar yaratadi.

Ko‘proq ishlatiladi:

• Instagram, TikTok, Telegram postlari uchun sifatli kontent tayyorlashda;
• Mahalliy biznes uchun reklama materiallari yaratishda;
• Oilaviy suratlarni chiroyliroq qilishda.

Qanday ishlatiladi?

Galereya ilovasidagi surat yoki video tanlanadi → Qalam belgisi bosiladi → Yulduzcha belgisi tanlanadi → kerakli AI funksiyasi bosiladi.

Qo‘ng‘iroqlarni tarjima qilish

Endi chet eldagi do‘stlar, mijozlar yoki hamkorlar bilan til to‘sig‘ini unutishingiz mumkin. Jonli tarjima – bu Galaxy AI’ning sun’iy intellektga asoslangan funksiyasi bo‘lib, u real vaqt rejimida telefon yoki messenjerdagi qo‘ng‘iroqlarni avtomatik tarzda tarjima qiladi.

Asosiy imkoniyatlari:

• Telefon yoki messenjer (Telegram, WhatsApp, Signal, Google Meet) qo‘ng‘iroqlaridagi suhbatni sinxron tarjima qiladi;
• Siz o‘zbek tilida gapirasiz, suhbatdoshingiz esa o‘z tilida eshitadi va aksincha;
• Tarjima matn shaklida ham ekranda ko‘rsatiladi;
• Qo‘ng‘iroqni yozib olib, to‘liq transkriptsiya yaratadi.

Ko‘proq ishlatiladi:

• Chetdagi yaqinlar bilan muloqotda;
• Onlayn intervyularda;
• Ishdagi xalqaro muzokaralarda.

Qanday ishlatiladi?

Qo‘ng‘iroq ilovasi → Uch nuqta → Sozlamalar → Qo‘ng‘iroq sozlamalari → Sinxron tarjima. Suhbatdoshingiz tilini va ovoz sintezatorini tanlang.

Audio yozuvdagi nutqni yozma matnga aylantirish

Galaxy AI transkripsiya xizmati – og‘zaki nutqni aniq va sifatli matnga aylantirishning eng zamonaviy yechimi. Bu xizmat professional ish jarayonini soddalashtiradi va vaqtni sezilarli darajada tejaydi.

Asosiy imkoniyatlari:

• Ovoz yozuvini aniq va toza matnga aylantiradi;
• Har bir suhbatdoshning replikasini alohida ajratadi;
• Qisqacha xulosa yaratadi yoki boshqa tilga tarjima qiladi;
• Internet bo‘lmasa ham ishlaydi (oldindan til paketini yuklab qo‘yish kerak).

Ko‘proq ishlatiladi:

• Intervyularni yozib olish va matnga aylantirishda;
• Universitetda darslarda yozib olingan ma’ruzalarni matnga aylantirishda;
• Ishdagi yig‘ilishlar protokolida.

Qanday ishlatiladi?

Diktofon ilovasida kerakli fayl tanlanadi → “Transkripsiya” tugmasi bosiladi.

Mening kunim

Galaxy AI’ning Mening kunim funksiyasi – bu o‘zbekistonlik foydalanuvchilar uchun o‘z kunini qulay, tartibli va samarali boshqarishning zamonaviy yechimi. U kun davomida eng muhim va foydali ma’lumotlarni bir joyda taqdim etadi. Foydalanuvchining odatlari va jadvaliga moslashadi va ertalabdan kechgacha kerakli ma’lumotlarni tartib bilan ko‘rsatadi.

Asosiy imkoniyatlari:

• Ertalab ob-havo, uyqu sifati, rejalashtirilgan tadbirlar haqida ma’lumot;
• Kechqurun kunlik faoliyat statistikasi va suratlar;
• Kalendar va eslatmalar bilan integratsiya;
• Avtomatik yangilanish.

Ko‘proq ishlatiladi:

• Kunni rejalashtirishda;
• Sog‘lom turmush tarzini nazorat qilishda.

Qanday ishlatiladi?

Asosiy ekranga “Mening kunim” vidjetini qo‘shing va sozlang.

Audiodan shovqinni olib tashlash

Bu funksiya videoni sifatli va tushunarli shaklga keltirish imkonini beradi. Fon shovqinlarini, ortiqcha tovushlarni va audio artefaktlarni aniqlab, ularni minimal darajaga tushiradi yoki butunlay yo‘q qiladi.

Asosiy imkoniyatlari:

• Shamol, fon shovqini, musiqa va gaplarni ajratadi;
• Avtomatik yoki qo‘l bilan balandlikni sozlash imkonini beradi;
• Tovush sifatini ancha yaxshilaydi.

Ko‘proq ishlatiladi:

• TikTok, Instagram, YouTube videolarini sifatli tayyorlashda;
• Oilaviy videolarni shovqinlardan tozalashda.

Qanday ishlatiladi?

Galereya → Video → Yulduzcha belgisi → Shovqinni olib tashlash.

Avto tugmasi orqali AI optimal sozlamalarni tanlaydi.

Galaxy AI’ning to‘liq imkoniyatlar to‘plami qo‘llab-quvvatlanadigan modellar

• Samsung Galaxy S25, S25+, S25 Ultra
• Samsung Galaxy S24, S24+, S24 Ultra
• Samsung Galaxy S23, S23+, S23 Ultra, S23 FE
• Samsung Galaxy Z Fold 6, Z Flip 6
• Samsung Galaxy Z Fold 5, Z Flip 5
• Samsung Galaxy Tab S10+, S10 Ultra
• Samsung Galaxy Tab S9, S9+, S9 Ultra

Hozirda Galaxy AI’ning ko‘p funksiyalari Samsung’ning flagman smartfon va planshetlarida mavjud. Ammo ayrim imkoniyatlar yanada qulay narxdagi qurilmalarda ham ishlaydi – masalan, Aylana chizib qidirish funksiyasi Galaxy A seriyasidagi modellarda ham uchraydi.

Galaxy AI funksiyalarini yoqish

Qurilmangizda Samsung hisobingizga kirganingizdan so‘ng, “Sozlamalar” ilovasidagi “Qo‘shimcha funksiyalar” → “AI funksiyalar” bo‘limini oching yoki “Sozlamalar” → “Galaxy AI” menyusidagi mavjud AI imkoniyatlarni ko‘rib chiqing va yoqing.

Galaxy AI – o‘zbekistonlik foydalanuvchilar uchun zamonaviy, qulay va xavfsiz sun’iy intellekt yordamchisi. One UI interfeysi va o‘zbek tilidagi qo‘llab-quvvatlash smartfoningizni yanada aqlli va foydali qiladi. Samsung bilan birga hayotingizni soddalashtiring, vaqtingizni tejang va ilhomlaning. Chunki kelajak – sizning

Batafsil ma’lumot https://www.samsung.com/uz_uz/ saytida.

Samsung Electronics Co., Ltd. bugun Galaxy S25 Ultra, Galaxy S25+ va Galaxy S25 modellarini ommaviy eʼlon qildi, bu orqali eng tabiiy va kontekstdan xabardor mobil qulayliklar bilan haqiqiy AI hamroh sifatida AI telefonlar uchun yangi standartni oʻrnatdi. Bu multimodal AI agentlarini taqdim etgan Galaxy S25 modellari foydalanuvchilarning oʻz telefonlari va atrofidagi dunyo bilan oʻzaro aloqani tubdan oʻzgartirishga qaratilgan Samsung’ning birinchi qadamidir. Galaxy uchun oʻzgacha va maxsus tarzda yaratilgan Snapdragon® 8 Elite mobil platforma chipseti Galaxy AI[1] uchun telefonning oʻzidayoq yanada koʻproq AI hisob-kitoblarini bajarish hamda Galaxy’ning keyingi avlod ProVisual Engine yordamida yuqori darajali kamera diapazoni va imkoniyatlarini taʼminlaydi.

“Eng buyuk innovatsiyalar — ulardan foydalanadiganlarning chuqur xohishi tufayli yuzaga keladiganidir. Shu sababdan ham biz har bir kishiga oʻz qurilmalaridan tabiiyroq va oson foydalana olishiga yordam berish va ularning maxfiyligi kafolatlanganiga ishonch hosil qilish uchun Galaxy AI’ni ishlab chiqdik, — dedi Samsung Electronics kompaniyasi prezidenti va Mobil eXperience Business rahbari TM Roh. — Galaxy S25 modellari AI bilan zich integratsiyalashgan OS eshigini ochadi, bu bizning texnologiyadan qanday foydalanish va hayotimizni qanday yashashni tubdan oʻzgartiradi”.

Telefondan foydalanishning biz taqdim etadigan yanada intuitiv va sodda usuli

One UI 7[2] bilan Galaxy S25 modellari haqiqiy AI hamrohingiz boʻlib, u sizning ehtiyojlaringiz va afzal koʻrgan narsalaringizni tushunadi va har qadamda maxfiylik bilan shaxsiylashtirilgan AI qulayliklarini taqdim etadi. Bu Android’ni AI bilan integratsiyalashgan operatsion tizim sifatida taqdim qilishda Google bilan hamfikrligimizning boshlangʻich nuqtasi boʻlib, u orqali butun dunyo boʻylab ishlab chiquvchilar va hamkorlarni birlashtiramiz.

Multimodal imkoniyatlarga ega AI agentlari Galaxy S25 ga matn, nutq, tasvir va videolarni tushunish va oʻzaro tabiiy muloqot qilish imkonini beradi. Google orqali aylana chizib qidirish[3] yangilanishlari telefon ekranida qidiruvni yanada foydali, tez va kontekstli qiladi. Aylana chizib qidirish endi ekraningizdagi telefon raqamlari, elektron pochta manzillari va URL manzillarini tezda aniqlaydi va birgina harakat bilan qoʻngʻiroq qilish, elektron pochta xabarini yuborish yoki veb-saytga tashrif buyurish imkonini beradi.

Galaxy S25 modellari yordamida siz keyingi bajariladigan qadamlar boʻyicha kontekstdan xabardor takliflar bilan amaliy qidiruvlarni ham amalga oshirishingiz mumkin. Bundan tashqari, Galaxy S25 GIF almashish yoki voqea tafsilotlarini saqlash kabi tezkor amallarni bajarishda ilovalar boʻylab almashishni sezilmas qiladi.

Shuningdek, Galaxy S25 tabiiy tilni tushunishda mukammallashgan boʻlib, telefon bilan bajariladigan kundalik ishlarni osonlashtiradi. Endi Samsung galereyasida maʼlum bir fotosuratni oddiy tilda soʻrab, tezda topa olasiz yoki xuddi shu tartibda sozlamalar menyusida displey shriftlarining oʻlchamini sozlay olasiz.

Yon tugmani uzoq bosib turib, Gemini’ni faollashtiring hamda AI bilan Samsung va Google ilovalari, shuningdek, Spotify kabi uchinchi tomon ilovalarida uzluksiz amallarni bajaring. Masalan, sevimli sport jamoangizning joriy mavsumdagi jadvalini topib, uni Samsung Calendar ilovasiga qoʻsha olasiz. Hammasi birgina ogʻzaki buyruq bilan.

Ushbu intuitiv amallar Galaxy AI’ning muloqot, mahsuldorlik va ijodkorlik uchun yaratilgan mashhur vositalari bilan kengaygach, yanada keng imkoniyatlarni koʻrsatadi. Galaxy S25 qoʻngʻiroqlaringizni qoʻngʻiroqlar transkripsiyasi[4] va xulosalash bilan tartibda saqlaydi. Yozish yordamining kontentni xulosalash yoki eslatmalarni avtomatik formatlash kabi funksiyalari esa matnlarni tanlash mumkin boʻlgan joylarda u ilovadan bu ilovaga oʻtmasdan faollashtirilishi mumkin. Chizish yordami[5] sketchlar, matn yoki rasm soʻrov kombinatsiyalari orqali gʻoyalarni hayotga tatbiq etishning yangi usullarini ochadi.

Maxfiylik bilan super shaxsiylashtirilgan qulayliklar

AI davrida shaxsiylashtirish maxfiyliksiz boʻlmaydi. Galaxy S25’da shaxsiy maʼlumotlar mexanizmi[6] siz afzal koʻrgan narsalar va ishlash tartibingizga birma-bir mos tushadigan, yuqori darajada moslashtirilgan qulayliklarni taqdim etish uchun qurilmadagi maʼlumotlaringizni xavfsiz tahlil qiladi. Bu maʼlumotlar galereyada tabiiy tilda ancha avval olingan suratni qidirish yoki qulflangan ekrandagi Now Bar[7] orqali faol ravishda takliflarni koʻrsatuvchi Now Brief[8] yordamida kun davomida yoʻl-yoʻriq olish kabi moslashtirilgan qulayliklarni taʼminlashda ishlatiladi. Barcha shaxsiy maʼlumotlar maxfiy saqlanadi va Knox Vault tomonidan himoyalanadi. Qurilmada ilgʻor ishlov berish imkoniyatlari bilan birgalikda bu imkoniyat Galaxy’da maxsus boʻlgan kuchli va himoyalangan AI qulayliklarini yaratadi.

Galaxy S25 kvant hisoblashga tayyor kriptografiyani ham taqdim etadi va shaxsiy maʼlumotlarni kvant hisoblash rivojlanishi bilan kuchayishi mumkin boʻlgan tahdidlardan himoya qiladi.

Yaxlit xavfsizlik yechimisiz maxfiylik yuzaga kelmasligi bois yangi One UI 7 interfeysi AI va giper bogʻlanuvchanlik davriga moʻljallangan, qurilma xavfsizligining qoʻshimcha mustahkam qatlamini joriy etish orqali ushbu innovatsiyalar uchun asos yaratdi. Qoʻshimcha yangilanish sifatida maksimal cheklovlar sozlamalari, oʻgʻirlatishdan himoyaning yaxshilangan versiyasi va oʻzaro bogʻlangan qurilmalar ekotizimida xavfsizlik holatini kuzatish uchun yangi Knox Matrix boshqaruv panelini sanash mumkin.

Galaxy’lar orasidagi eng kuchli Galaxy

Galaxy S25 modellari Galaxy uchun maxsus Snapdragon® 8 Elite bilan jihozlangan. Galaxy tomonidan maxsus oʻzgartirishlar kiritilgan bu protsessor Galaxy S modellaridagi eng kuchli protsessor boʻlib, oldingi avlodga nisbatan NPU’da 40%, CPU’da[9] 37% va GPU’da 30% ga tezlikni oshiradi. Bu quvvat Galaxy S25 modellarida AI imkoniyatlarini, jumladan, Generative Edit[10] kabi bulutga asoslangan AI vazifalarini qurilmaning oʻzida qotishlarsiz qayta ishlash qobiliyatini kuchaytiradi.

Samsung va Qualcomm Technologies Galaxy uchun maxsus Snapdragon® 8 Elite’ni yaratishda birgalikda ishladilar. Galaxy S25 modellari displey tasvirini apskeyl qilish sifatini 40% ga yaxshilash[11] uchun ilgʻor va samarali AI tasvirni qayta ishlaydigan ProScaler[12], shuningdek, batareya davomiyligini oshirish uchun Galaxy IP yordamida protsessor ichiga oʻrnatilgan Samsung mobil raqamli tabiiy tasvir mexanizmini (mDNIe) oʻz ichiga oladi.

Shuningdek, Galaxy uchun maxsus Snapdragon® 8 Elite Vulkan Engine va takomillashgan reytreysing bilan jihozlangan. Bu mobil oʻyinlar grafikasini yanada silliq va realroq qilish imkonini beradi.

40% ga kattaroq bugʻ kamerasiga ega qayta ishlangan issiqlik tarqalish tizimi va uning samaradorligini yanada yaxshilash imkonini beruvchi maxsus termal interfeys materiali (TIM) tufayli ogʻir vazifalarda ham qurilma qizib ketmaydi va AI muammosiz ishlaydi.

Chinakam professionallardek ijodkorlik imkoniyati

Galaxy S25 modellari yuqori aniqlikdagi sensorlar va ProVisual Engine yordamida har bir diapazonda ultra tafsilotlar bilan suratga olish imkonini beradi hamda mobil kameralar uchun yangi standartni oʻrnatadi. Oldingi 12 MP dan farqli o‘laroq, yangi 50 MP ultra keng kamera sensori bilan Galaxy S25 Ultra ajoyib tiniqlik va jonli ranglarni taʼminlaydi.

10 bitli HDR format endi birlamchi sozlama sifatida qoʻllanadi, bu 8 bitga nisbatan toʻrt barobar koʻproq ranglar palitrasini taqdim etadi. Endi Galaxy S25 har qanday yorugʻlik sharoitida tafsilotlarni aniqlik bilan yozib olishi mumkin. Bundan tashqari, xira yoritilgan sharoitda Galaxy S25[13] bilan olingan videolarning tiniqligiga aql bovar qilmaydi. Kuchli protsessorga asoslangan Galaxy S25 shovqinni yanada samarali kamaytirishda harakat va vaqtni tahlil qiladi. Ushbu integratsiya harakatlanuvchi va statik obyektlarni yanada aniqroq belgilab olish imkonini beradi va har qanday vaziyatda aniq va ravshan tasvirlarni taʼminlaydi.

Galaxy S25 bir vaqtlar maxsus dasturiy taʼminotlardagina boʻlgan bir qator vositalarni ham hammaga taqdim etadi, bu esa ilgʻor tahrirlash imkoniyatlarini hamma uchun ochiq qiladi. Endi har kim fotosuratlar va videolarni tahrirlashda professional boʻlishi mumkin. Audio Eraser[14] videolardagi shovqinlarni olib tashlashni osonlashtiradi. Videodagi tovushlar ovoz, musiqa, shamol, tabiat, olomon va shovqin kabi tovushlar turlariga ajratilib, qaysi tovushni pasaytirish yoki butunlay yoʻq qilish imkoniyati sizga beriladi.

Mobil qurilmada DSLR’ga oʻxshash hisni berishi uchun Galaxy S25 mashhur Expert RAW’ga[15] integratsiyalashgan virtual diafragma bilan maydon chuqurligini boshqarish imkonini beradi. Shuningdek, Galaxy S25 Galaxy Log bilan kinematografiya ijodkorligini oshiradi, bu funksiya esa ranglarni aniqlik bilan gradatsiya qilish orqali yanada professional darajada videolar yaratishga yordam beradi.

Yanada aylana shaklga yondashgan bardoshli dizayn

Galaxy S25 modellari Galaxy’ning “Sodda, taʼsirli va hissiyotli” elementlardan tashkil topgan “Asosli dizayn” bilan yaratilgan. Galaxy S25 Ultra’da ushbu gʻoya eng ingichka, eng yengil va eng bardoshli Galaxy S modelida gavdalanadi. Smartfonni qoʻlda tutishga qulay qiluvchi aylana burchakli dizayn estetikasi esa uni boshqa modellar orasida ajratib turadi.

Galaxy S25 Ultra mustahkam titan va yangi Corning® Gorilla® Armor 2 bilan jihozlangan boʻlib, u shishadan-da mustahkamroq boʻlgan yangicha materialdir. U Corning keramik shishasiga xususiy shuʼlalarga qarshi sirt qoʻshgan holda tirnalishga chidamlilik va qoʻldan tushib ketishlardan yaxshiroq himoya qilishga yordam beradi.[16]

Galaxy S25+ va S25 ning har bir tashqi komponenti endi kamida bitta qayta ishlangan materialni[17], xususan, ularning metall ramkasi birinchi marta qayta ishlangan zirhli alyuminiyni oʻz ichiga oladi.[18]

Bundan tashqari, barcha Galaxy S25 modellarining batareyalarida kamida 50% qayta ishlangan kobaltdan foydalanilgan.[20] Shu bilan Galaxy S25 avvalgi Galaxy qurilmalaridan olingan qayta ishlangan kobaltdan yoki ishlab chiqarish jarayonida tashlab yuborilgan batareyalardan foydalaniladigan eng birinchi Galaxy smartfoniga aylandi. Samsung hamkorlar bilan bir necha bosqichlarni bosib oʻtdi: ishlatilgan batareyalardan kobaltni chiqarib olishdan tortib undan Galaxy S25 uchun batareyalar qayta ishlab chiqarishgacha.

Yetti avlod OS yangilanishlari va yetti yillik xavfsizlik yangilanishlari[21] bilan Galaxy S25 modellari uzoq muddat ishonchli va optimallashgan tezlikni taʼminlaydi.

Foydalanuvchilarga qoʻshimcha xotirjamlik berish uchun Samsung Care+ tasodifiy shikastlanishlardan taʼmirlash va almashtirishlar boʻyicha keng qamrovli kafolatni taqdim etadi. Bundan tashqari, Samsung yangi Galaxy Club’ni taqdim etmoqda.[22] Eng yangi texnologiyalarga ega boʻlishni yaxshi koʻradigan foydalanuvchilar uchun ushbu moslashuvchan obuna modeli Galaxy qurilmalariga ega boʻlish va yangilashni yanada qulayroq qilish uchun moʻljallangan. Mintaqaviy tafsilotlar va ularning mavjudligi keyinroq eʼlon qilinadi.

Barcha Galaxy S25 qurilmalari hech qanday qoʻshimcha toʻlovlarsiz 6 oylik Gemini Advanced va 2 TB bulutli xotira bilan keladi. Gemini Advanced bizning eng qobiliyatli AI modellarimiz, Gems kabi eng yangi funksiyalar, har bir mavzu boʻyicha maxsus AI mutaxassislari va shaxsiy AI tadqiqotchi yordamchingiz vazifasini bajaradigan Deep Research kabi yangilanishlardan hammadan erta foydalanish imkoniyati bilan birga keladi.

Galaxy S25 modellariga [XXX] sanasidan boshlab buyurtma berish mumkin. Galaxy S25 Ultra koʻk-kumushrang titan, qora titan, oq-kumush titan va kulrang titan ranglarida sotuvga chiqariladi.[23] Galaxy S25 va Galaxy S25+ harbiy (Navy), kumush soya (Silver Shadow), moviy muz (Icyblue) va yalpiz (Mint) ranglarida sotuvga chiqariladi.

Galaxy S25 modellari haqida batafsil maʼlumot olish uchun quyidagi manzilga tashrif buyuring: Samsung Newsroom, SamsungMobilePress.com yoki Samsung.com.

TEXNIK XUSUSIYATLAR JADVALI

*Texnik xususiyatlar bozorga qarab farq qilishi mumkin.

*Ushbu hujjatda keltirilgan barcha funksionallik, xususiyatlar, texnik xususiyatlar va mahsulotning boshqa maʼlumotlari, shu jumladan mahsulotning afzalliklari, dizayni, narxi, komponentlari, tezkorligi, mavjudligi va imkoniyatlari ogohlantirilmasdan oʻzgartirilishi mumkin.

[1] Samsung AI funksiyalaridan foydalanish uchun Samsung akkauntiga kirish talab qilinishi mumkin. Samsung AI funksiyalari tomonidan taqdim etilgan natijalarning aniqligi, toʻliqligi yoki ishonchliligi boʻyicha hech qanday vaʼda yoki kafolat bermaydi. Galaxy AI funksiyalarning mavjudligi mintaqa/mamlakat, OS/One UI versiyasi, qurilma modeli va telefon operatoriga qarab farq qilishi mumkin. Baʼzi funksiyalar mavjudligi qurilma modeliga qarab farq qilishi mumkin. Galaxy AI xizmati baʼzi hududlarda balogʻatga yetmaganlar uchun cheklangan boʻlishi mumkin. Galaxy AI funksiyalari qoʻllab-quvvatlanadigan Samsung Galaxy qurilmalari uchun 2025-yil oxirigacha bepul taqdim etiladi. Uchinchi shaxslar tomonidan taqdim etilgan AI funksiyalari uchun turli shartlar qoʻllanishi mumkin.

[2] Rasmiy One UI 7 yaqinlashib kelayotgan Galaxy S modellari bilan birga chiqib boshlaydi. Yangilanish asta-sekin boshqa Galaxy qurilmalariga ham tarqalishi kutilmoqda.

[3] Aylana chizib qidirish Google LLC kompaniyasining savdo belgisidir. Ketma-ketliklar qisqartirilgan va modellashtirilgan. Natijalar faqat namoyish maqsadlarida. Xizmat mavjudligi mamlakat, til, qurilma modeliga qarab farq qilishi mumkin. Internet tarmogʻini talab qiladi. Foydalanuvchilar Android va Google ilovalarini soʻnggi versiyaga yangilashlari kerak boʻlishi mumkin. Natijalar vizual yoki audio oʻxshashliklarga qarab farq qilishi mumkin. Natijalarning aniqligi kafolatlanmaydi. Mos ilovalar va yuzalarda va faqat atrofdan kelayotgan musiqa bilan ishlaydi. Telefon ovozi oʻchirilganda yoki quloqchin orqali kelayotgan musiqa aniqlanmaydi.

[4] Qoʻngʻiroq transkripsiyasi qoʻngʻiroqlarni qabul qilish uchun internet tarmogʻini talab qiladi. Samsung akkauntiga kirish talab qilinadi. Qoʻngʻiroq transkripsiyasining xulosalash funksiyasi matn maʼlum belgilar soniga yetganda va belgilar chegarasidan chiqmasa, yozib olingan qoʻngʻiroqlarni avtomatik ravishda transkripsiya qilish imkoniyatiga ega. Qoʻngʻiroqlarni yozib olish baʼzi mamlakatlarda qoʻllab-quvvatlanmasligi mumkin. Hozirda oldindan oʻrnatilgan Samsung Phone va Voice Record ilovalarida mavjud. Xizmat mavjudligi til yoki mintaqaga qarab farq qilishi mumkin. Ayrim tillar til paketini yuklab olishni talab qilishi mumkin. Natijalar aniqligi kafolatlanmaydi.

[5] Chizish yordami internet tarmogʻi va Samsung akkauntiga kirishni talab qiladi. Saqlashdan soʻng tasvirning AI tomonidan yaratilganligini koʻrsatish uchun ustiga himoya belgisi ustiga tushiriladi. Natijalar aniqligi va ishonchliligi kafolatlanmaydi.

[6] Shaxsiy maʼlumotlar razvedkasi menyusi yoqilgan holda shaxsiy maʼlumotlar mexanizmi ishlaydi. Tahlil qilingan maʼlumotlar shaxsiy maʼlumotlar razvedkasi menyusi oʻchirilgandan soʻng oʻchiriladi. Shaxsiy maʼlumotlar mexanizmi tanlangan tillarni va ayrim urgʻu/dialektlarni, jumladan, arab, soddalashtirilgan xitoy, golland, ingliz, fransuz, nemis, hind, indoneziya, italyan, yapon, koreys, polyak, portugal, rumin, rus, ispan, shved, tay, turk va vyetnam va boshqa tillarini aniqlay oladi. Shaxsiy maʼlumotlar mexanizmi hozirda Samsung ilovalarini tahlil qila oladi.

[7] Ilovalarda qoʻllab-quvvatlanadigan funksiyalarning mavjudligi mamlakatga qarab farq qilishi mumkin. Baʼzi funksional vidjetlar internet tarmogʻini va/yoki Samsung akkauntiga kirishni talab qilishi mumkin.

[8] Now Brief Samsung akkauntiga kirishni talab qiladi. Xizmat mavjudligi mamlakat, til, qurilma modeli va ilovalarga qarab farq qilishi mumkin. Ayrim funksiyalar internet tarmogʻini talab qilishi mumkin.

Portrait Studio[8] ham takomillashtirildi, bu foydalanuvchilarga haqiqiy odam yuz ifodalariga yaqinroq boʻlgan shaxsiylashtirilgan avatarlarni yaratish imkonini beradi. Filtrlar funksiyasi esa foydalanuvchilarning fotosuratlari va videolari uchun kinoga oʻxshash estetikani taʼminlovchi yangi analog uslubdagi filtrlarni taqdim etadi.

[9] Galaxy S24 Ultra bilan solishtirganda protsessor tezligi yaxshilangan. Amaldagi tezlik foydalanuvchi muhiti, qurilma holati va oldindan oʻrnatilgan dasturiy taʼminot va ilovalarga qarab oʻzgaradi.

[10] Foto yordamidagi generativ tahrirlash funksiyasi internet tarmogʻi va Samsung akkauntiga kirishni talab qiladi. Generativ tahrir bilan qayta ishlangan rasmlarda surat oʻlchami oʻzgarishi mumkin. Saqlashdan soʻng tasvirning AI tomonidan yaratilganligini koʻrsatish uchun ustiga himoya belgisi tushiriladi. Natijalar aniqligi va ishonchliligi kafolatlanmaydi.

[11] Galaxy S24 modellariga nisbatan. PSNR (Peak Signal-to-Noise Ratio) testiga asoslangan.

[12] ProScaler funksiyasi Galaxy S25+ va Ultra modellarida qoʻllab-quvvatlanadi. Tasvir sifati qurilmaning ekran oʻlchamlari sozlamalariga qarab, QHD+ gacha oshirilishi mumkin.

[13] Galaxy S24 modellarida xira yoritilgan muhitda olingan video bilan solishtirganda.

[14] Natijalar har bir videoda qanday tovushlar mavjudligiga qarab farq qilishi mumkin. Samsung akkauntiga kirish talab qilinadi. Ovoz, musiqa, shamol, tabiat, olomon va shovqin kabi ayrim tovush turlarini aniqlashi mumkin. Amaldagi tovushni aniqlash qobiliyati audio manbasiga va videoning holatiga qarab farq qilishi mumkin. Natijalar aniqligi kafolatlanmaydi.

[15] Expert RAW’ni Galaxy Store’dan yuklab olish mumkin. Ilova Galaxy S20 yoki undan keyingi modellarda mavjud.

[16] Foto yordamidagi Portrait Studio funksiyasi internet tarmogʻini va Samsung akkauntiga kirishni talab qiladi. Portrait Studio yordamida tahrirlash natijasida oʻlchami oʻzgartirilgan surat paydo boʻladi. Saqlashdan soʻng tasvirning AI tomonidan yaratilganligini koʻrsatish uchun suv belgisi ustiga qoʻyiladi. Natijalar aniqligi va ishonchliligi kafolatlanmaydi.

[17] Galaxy S24 Ultra’dagi Corning® Gorilla® Armor bilan solishtirganda.

[18] Galaxy S25+ va S25 ning har bir tashqi komponenti, jumladan, old ekran, orqa shisha yigʻilmasi, metall ramka (gʻilofning old qismi), yon tugma, ovoz balandligi tugmasi va SIM karta tagida kamida bitta qayta ishlangan material mavjud.

[19] Galaxy S25+ va S25 ning metall ramkasi (gʻilofning old qismi) ogʻirligi boʻyicha kamida 20% qayta ishlangan alyuminiydan iborat.

[20] Galaxy S25 batareyasi ogʻirligi boʻyicha kamida 25% kobaltdan, uning 50% qismi qayta ishlangan kobaltdan tashkil topgan.

[21] Galaxy S25 modellari yetti avlod OS yangilanishlarini va global ishga tushirilgan kundan boshlab yetti yillik xavfsizlik yangilanishlarini qoʻllab-quvvatlaydi. Operatsion tizim va xavfsizlikni yangilash vaqti qurilma modeli, tarmoq provayderi va bozorga qarab farq qilishi mumkin.

[22] Shartlar amal qiladi. Yangi Galaxy Club xizmat turi va aksiya tafsilotlari mamlakat/mintaqaga qarab farq qilishi mumkin va xizmat toʻlovi qoʻllanishi mumkin. Turli imtiyozlarga ega boʻlish uchun roʻyxatdan oʻtish talab qilinishi mumkin.

[23] Ranglar bozor va tarmoq provayderiga qarab farq qilishi mumkin.