Samsung Electronics Co., Ltd.  o‘zining eng aqlli va ilg‘or planshet tajribasini taqdim etuvchi Galaxy Tab S11 Ultra va Galaxy Tab S11 planshetlarini e’lon qildi. Eng so‘nggi Galaxy AI[1] bilan jihozlangan, One UI 8[2] va yangi multimodal imkoniyatlar bilan takomillashtirilgan Galaxy Tab S11 Ultra hozirga qadar eng ingichka Galaxy Tab hisoblanadi. U unumdorlikka putur yetkazmagan holda, nafis shakl omilidan tashqari chiqib, premium planshetning qanday bo‘lishi mumkinligini namoyon etadi. Ushbu seriya yo‘l-yo‘lakay oson unumdorlik uchun yaratilgan bo‘lib, professional darajadagi qurilmalarni katta ekran uchun optimallashtirilgan tajribalar bilan uyg‘unlashtiradi.

Yangilangan Samsung DeX va qayta ishlab chiqilgan S Pen bilan Galaxy Tab S11 Ultra diqqatni jamlash talab qilinadigan ko‘p vazifali va uzluksiz ish jarayonlarini qo‘llab-quvvatlaydi, shuningdek, ijodiy fikrlarni ravon va ixcham shaklda ifodalash imkonini beradi. Uchrashuvda g‘oyalarni yozib olish, ma’ruzalar konspektlarini umumlashtirish yoki vizual tushunchalarni chizish bo‘ladimi, Galaxy Tab S11 Ultra foydalanuvchilarga qayerda bo‘lishidan qat’i nazar, kamroq qiyinchilik bilan ko‘proq vazifalarni bajarish imkonini beradi.

“Galaxy Tab S11 series AI innovatsiyalarini takomillashtirilgan qurilma bilan uyg‘unlashtirib, Samsung‘ning mobil unumdorlik bo‘yicha chuqur tajribasini aks ettiruvchi haqiqiy ko‘p vazifali tajribani taqdim etadi,” – dedi Jey Kim, Samsung Electronics kompaniyasining Mobile eXperience Business bo‘limi ijrochi vitse-prezident va mijozlar tajribasi ofisi rahbari. “Eng so‘nggi Galaxy AI va yangi multimodal imkoniyatlar bilan ushbu flagman planshetlar eng yuqori samaradorlikni ta’minlaydi – foydalanuvchilarga universal, katta ekranda yanada tabiiy tarzda ishlash, ijod qilish va faoliyat yuritish imkonini beradi.”

Takomillashtirilgan AI yordamida kundalik vazifalarni bajarish

One UI 8 bilan Galaxy Tab S11 seriyasi multimodal AIni markazga olib chiqadi – foydalanuvchilar yozgan, aytgan va ko‘rgan narsalarni tushunib, real vaqt rejimida foydali takliflar bilan javob beradi. Bu vositalar har qanday vazifani bajarishda yanada samarali ishlash, ijod qilish va oqimda qolish imkonini beradi.

• Gemini Live[3] ekranni real vaqtda ulashish va vizual ma’lumot kiritish imkonini beradi, shuning uchun foydalanuvchilar Gemini bilan ko‘rayotgan narsalari haqida tabiiy suhbatlasha oladi. Bu ekrandagi kontent yoki kamera orqali ko‘rsatilmoqchi bo‘lgan obyekt bo‘lishi mumkin – Gemini Live foydalanuvchi ko‘rgan narsalarni ko‘rib, kontekstga oid savollar va so‘rovlarni bajaradi. Masalan, darsdagi foydalanuvchi o‘z yozuvlarini osongina ekran orqali ulashib, keyin Gemini’dan jadvalni tahlil qilishni yoki o‘quv materialini tushuntirishni va uning xulosalarini umumlashtirishni so‘rashi mumkin.
• Yon tugmani bosib turib, foydalanuvchilar Gemini’ni faollashtirishi va ilovalar bo‘ylab buyruqlarni bitta ko‘rsatma bilan bajarishi mumkin. Masalan, katta hajmli maqolani o‘qishga vaqt bo‘lmaganda, foydalanuvchilar havolani Gemini bilan ulashib, “ushbu maqolani qisqacha bayon qil va uni Samsung Notes’ga saqla” deyishlari mumkin. Bu keyinroq o‘qib chiqishni osonlashtiradi. U murakkab harakatlarni soddalashtiradi, shu bilan foydalanuvchilar chalg‘imasdan ishlayverishadi.

Galaxy Tab S11 series unumdorlik va ijodkorlik uchun qo‘shimcha vositalar bilan to‘ldirilgan – jumladan, katta ekran uchun moslashtirilgan Galaxy AI funksiyalarining to‘liq to‘plami.

• Foydalanuvchilar Chizish Yordamchisi[4] orqali oddiy eskizlarni aniq vizual tasvirlarga aylantirishi, so‘ngra o‘zlari yaratgan rasmlarni keyingi g‘oyalar uchun boshlang‘ich nuqta sifatida Samsung Notes’ga tortib olib kelishlari[5] Bu aqliy mehnat, vizual rejalashtirish yoki ijodiy izlanishlar uchun juda qulay.

• Yozish Yordamchisi[6] matn ohangini va uslubini takomillashtiradi, shuning uchun foydalanuvchilar yozgan matnlarini e-mail, hujjat yoki boshqa ilovalarga joylashdan oldin maqsadlariga mos kelishini osonlikcha tekshira oladilar.

• Ko‘p vazifalarni bajarish paytida foydalanuvchilar Galaxy AI’ni ko‘chma va ixcham qalqib chiquvchi oyna[7] sifatida qo‘l ostida saqlashlari mumkin. Bu ularga diqqatini bo‘lmasdan ekrandagi ma’lumotlarni umumlashtirishga imkon beradi.

• Aylana chizib qidirish[8] Google bilan endi qurilma ekranida ko‘ringan har qanday narsaning kontekstini tushunish va chuqurroq o‘rganish uchun yanada foydali. Foydalanuvchilar sahifani aylantirish va o‘zaro ta’sir qilish paytida matnni real vaqt rejimida tarjima qilishlari mumkin. Yangiliklar maqolalaridan tortib ijtimoiy tarmoqlardagi xabarlargacha, foydalanuvchilar asosiy matnning o‘zlari tanlagan tildagi tezkor ekran tarjimasini ko‘radilar.

• Galaxy Tab S11 series diqqat bilan ishlash va ijodiy g‘oyalarni ifodalash uchun mo‘ljallangan yangi qayta ishlab chiqilgan S Pen bilan jihozlangan. Uning yangi konus shaklidagi ruchka uchi yaxshiroq boshqaruv uchun kattaroq qiyalik burchaklarini qo‘llab-quvvatlaydi, olti qirrali dizayni esa qo‘lda qulay va barqaror bo‘lgan tabiiy, ergonomik his etishni ta’minlaydi. Quick Tools[9] suzuvchi kirish orqali rasm chizish yoki tahrirlash paytida osonlik bilan sozlash imkonini beradi, Sticky Note esa foydalanuvchilarga to‘satdan paydo bo‘lgan fikrlar yoki vazifalarni to‘g‘ridan-to‘g‘ri Samsung Notes ustida yozib olish imkonini beradi – hujjatlarni ko‘rib chiqish paytida ilovalarni almashtirishga hojat qolmaydi.

To‘liq ko‘lamli samaradorlik

Galaxy AI’dan tashqari, Galaxy Tab S11 series’dagi takomillashtirilgan Samsung DeX[10] foydalanuvchilarga ilovalar bo‘ylab ko‘p vazifalarni bajarishda, uchrashuvlar paytida qaydlar yozishda yoki shunchaki g‘oyalarni rejalashtirish chog‘ida maksimal samaradorlikka erishish imkonini beradi. Vizual konsepsiyalarni ishlab chiqayotgan dizayner yoki ilovalar va displeylararo tez-tez sayohat qilishni yoqtirishingizdan qat’i nazar, Galaxy Tab S11 series’dagi xususiyatlar tadqiqot va eskizlardan tortib, sayqallangan natijalarni ulashishgacha bo‘lgan har bir bosqichni qo‘llab-quvvatlaydi.

Samsung DeX’ning so‘nggi yangilanishlari Galaxy Tab S11 va tashqi monitorni uzluksiz ikki ekranli tizimga aylantiradigan Kengaytirilgan rejim bilan yanada yuqori darajadagi samaradorlikni ta’minlaydi. U yanada qulay ko‘p vazifali ishlash va moslashuvchanlik uchun Samsung DeX’ni bir vaqtning o‘zida ikkala ekranda ham ishga tushiradi – endi foydalanuvchilar ilovalarni displeylar orasida siljitishlari yoki bir ekranda hujjatga murojaat qilgan holda boshqasida taqdimot o‘tkazishlari mumkin. Bundan tashqari, Samsung DeX’da yangi imkoniyat paydo bo‘ldi: foydalanuvchilar endi turli ehtiyojlar uchun to‘rttagacha alohida, moslashtirilgan ish maydonlarini yaratishlari mumkin. Masalan, bitta ish maydoni ish uchun, boshqasi ijodiy loyihalar uchun va uchinchisi sayohatni rejalashtirish uchun ajratilishi mumkin.

Yangilangan Samsung DeX bilan foydalanuvchilar deyarli har qanday joydan to‘liq ish muhitini o‘rnatishlari mumkin – bu taqdimot uchun majlislar xonasidagi televizorga ulanish yoki ta’til boshlanishidan oldin aeroport kutish zalida ish hujjatiga so‘nggi tuzatishlarni kiritish bo‘lishi mumkin.

Book Cover Keyboard Slim bilan birgalikda Galaxy Tab S11 series maxsus Galaxy AI tugmasi orqali AI yordamchilariga tezkor kirish imkoniyatiga ega bo‘lgan shaxsiylashtirilgan ko‘chma ish stansiyasiga osongina aylanadi.

Samarali ishlash va oson ko‘chish uchun yaratilgan

Galaxy Tab S11 series o‘zining eng ilg‘or imkoniyatlarini namoyish etmoqda. U eng zamonaviy qurilmalar va nozik, yuqori darajada ko‘chma dizayndagi jonli tasvirlar bilan jihozlangan. Samsung birinchi marta S11 series’da Galaxy Tab uchun o‘zining takomillashtirilgan 3 nm protsessorini taqdim etmoqda. Bu esa tezroq ishlash, ravonroq ko‘p vazifalilik va yanada sezgir AI xususiyatlarini ta’minlaydi. Galaxy Tab S11 Ultra NPU’da 33%, CPU’da 24% va GPU’da 27% samaradorlik yaxshilanishiga erishdi[11]. Bundan tashqari, quvvatli batareya[12] va samarali issiqlik boshqaruvi ish, ijod va boshqa barcha ehtiyojlar uchun ishonchli, uzoq muddatli foydalanishni kafolatlaydi.

Maqsadli dizayn bilan uyg‘unlashgan samaradorlik Samsung‘ning apparat innovatsiyasini aks ettiradi – u o‘ta ingichka va yengil, ammo kundalik universallik uchun tayyor kuchli qurilmalarni taqdim etadi. Galaxy Tab S11 Ultra atigi 5,1 mm[13] qalinlikdagi g‘oyat nozik tuzilishga ega bo‘lib, 5,2 mm kengligi bo‘lgan ingichka ramkalar[14] ko‘chma xususiyatini yo‘qotmasdan ekran maydonini kengaytiradi. Har ikkala modelda ham Dynamic AMOLED 2X displeylar 1600 nitgacha eng yuqori yorqinlikni[15] ta’minlaydi. Bu esa ichkarida yoki tashqarida aniq, jonli tasvirlarni kafolatlaydi, shuning uchun foydalanuvchilar qayerda ishlashidan qat’i nazar, diqqatlarini jamlashlari mumkin.

Foydalanuvchilarning ish uslubiga mos keladigan vositalar

Galaxy Tab S11 series keng qamrovli uchinchi tomon ilovalar yordamida ish yoki ijodiy loyihalarni osonlik bilan boshlash imkonini beradi[16]. Goodnotes, Clip Studio Paint, LumaFusion va Notion kabi ilovalarga oson kirish imkoniyati mavjud bo‘lib, ular eskiz chizishdan tortib moslashuvchan loyiha rejalashtirishgacha bo‘lgan barcha jarayonlarni qo‘llab-quvvatlaydi. Galaxy foydalanuvchilari, shuningdek, ushbu premium vositalarni o‘rganishni, samaraliroq ishlashni va ijodiy salohiyatni ro‘yobga chiqarishni osonlashtiradigan maxsus takliflar orqali eksklyuziv imtiyozlardan foydalanadilar. Goodnotes[17] 1 yillik bepul versiyani taqdim etadi, Clip Studio Paint[18] 6 oylik bepul sinov muddati va birinchi obunada 20% chegirma bilan keladi. Foydalanuvchilar LumaFusion’dan[19] 66% chegirma va bir oylik bepul Creator Pass olishlari mumkin. Notion[20] esa yozish, rejalashtirish va tashkillashtirish uchun qo‘shimcha moslashuvchanlik beruvchi Notion AI bilan Plus tarif rejasining bir oylik bepul sinov muddatini taklif etadi.

Ushbu ilovalarga qo‘shimcha ravishda, foydalanuvchilar turli ehtiyojlarni qondiruvchi kengroq imkoniyatlarni o‘rganishlari mumkin. Noteshelf 3[21] g‘oyalarni yozib olish va tartibga solish uchun moslashuvchan maketlarni taklif etadi. ArcSite[22] foydalanuvchilarga ijodiy eskizlarni CAD maketlariga aylantirish uchun aniq vositalarni taqdim etadi. Sketchbook illyustratsiya va konseptual san’at uchun qulay muhitni yaratadi, Picsart[23] esa ijodkorlarga o‘zining AIga asoslangan dizayn vositalari orqali tasavvurlarini jonlantirishga yordam beradi. Foydalanuvchilar xoh ijodiy portfellar ustida ishlayotgan bo‘lsin, xoh unumdorlikni oshirish kerak bo‘lsin, bu vositalar kundalik vazifalarni soddalashtirish va ish jarayonlarini oqillashtirish uchun mo‘ljallangan.

One UI 8 xususiyatiga ega birinchi Galaxy plansheti sifatida taqdim etilgan Galaxy Tab S11 series yanada qulay va aqlli AI tajribasini taqdim etadi. One UI 8 oktyabr oyidan boshlab Galaxy qurilmalarining boshqa oldingi avlodlariga, jumladan Galaxy Tab S10 seriyasiga ham joriy etiladi[24].

Sotuvda mavjudligi

Galaxy Tab S11 series 4-sentyabrdan boshlab tanlangan bozorlarda sotuvga chiqariladi va ikki xil rangda taqdim etiladi[25]: kulrang va kumushrang. Galaxy Tab S11 series haqida batafsil ma’lumot olish uchun quyidagi manzillarga tashrif buyuring: www.samsung.com

Texnik xususiyatlari

*Xususiyatlar bozorga qarab farqlanishi mumkin.

*Ushbu hujjatda keltirilgan barcha funksiyalar, xususiyatlar, texnik ko‘rsatkichlar va mahsulot haqidagi boshqa ma’lumotlar, jumladan, ammo bular bilan cheklanmagan holda, mahsulotning afzalliklari, dizayni, narxi, komponentlari, ishlash samaradorligi, mavjudligi va imkoniyatlari oldindan xabardor qilmasdan o‘zgartirilishi mumkin.

[1] Ba’zi AI xususiyatlaridan foydalanish uchun Samsung akkauntiga kirish talab etilishi mumkin. Samsung AI xususiyatlari tomonidan taqdim etilgan natijalarning aniqligi, to‘liqligi yoki ishonchliligi bo‘yicha hech qanday va’da, kafolat yoki kafillik bermaydi. Galaxy AI xususiyatlarining mavjudligi mintaqa/mamlakat, operatsion tizim/One UI versiyasi, qurilma modeli va aloqa operatoriga qarab farqlanishi mumkin.

[2] Ba’zi funksional vidjetlar tarmoq ulanishini va/yoki Samsung akkauntiga kirishni talab qilishi mumkin. Ilovalarda mavjud bo‘lgan funksiyalar mamlakatlarga qarab farqlanishi mumkin.

[3] Xizmat mavjudligi mamlakat, til va qurilma modeliga qarab farqlanishi mumkin. Amaliy foydalanuvchi interfeysi ko‘rinishidan farq qilishi mumkin. Internet ulanishi talab etiladi. Moslashtiriladigan ilova va yuzalarda ishlaydi. Natijalar vizual moslikka qarab o‘zgarishi mumkin. Foydalanuvchilarga Androidni eng so‘nggi versiyasiga yangilash talab etilishi mumkin. Google – Google LLC kompaniyasining savdo belgisidir.

[4] Chizish Yordamchisi xususiyati tarmoq ulanishini va Samsung akkauntiga kirishni talab qiladi. Rasm saqlanayotganda, uning sun’iy intellekt tomonidan yaratilganligini ko‘rsatish maqsadida, ko‘rinadigan suv belgisi qo‘shiladi. Yaratilgan natijaning aniqligi va ishonchliligi kafolatlanmaydi.

[5] Mos keladigan ilovalar, qurilmalar va boshqa omillarga qarab mavjudlik turlicha bo‘lishi mumkin.

[6] Yozish Yordamchisi tarmoq ulanishini va Samsung akkauntiga kirishni talab etadi. Xususiyatni faollashtirish uchun matn uzunligi talablarga mos kelishi lozim. Xizmatning mavjudligi tillarga qarab farqlanishi mumkin. Natijalarning to‘g‘riligi kafolatlanmaydi.

[7] Faqat Samsung Notes va Samsung Internet ilovalarida qo‘llab-quvvatlanadi.

[8] Tanlangan qurilmalarda mavjud bo‘lib, internet ulanishi talab etiladi. Mos keladigan ilova va yuzalarda ishlaydi. Natija ko‘rish mosligiga qarab farqlanishi mumkin. Javoblarning to‘g‘riligini tekshirib ko‘ring.

[9] Hozircha bu funksiya faqat PENUP va Samsung Notes ilovalarida mavjud bo‘lib, interfeys ilovaga qarab farqlanishi mumkin.

[10] Samsung DeX simsiz ulanish faqat Android planshet ekranini aks ettirish (Miracast) imkoniyatiga ega bo‘lgan televizorlarda qo‘llab-quvvatlanadi. Televizorning texnik xususiyatlari va Wi-Fi muhitiga qarab, ishlash samaradorligida farq bo‘lishi mumkin. 2019-yildan keyin ishlab chiqarilgan Samsung Smart televizorlaridan foydalanish tavsiya etiladi. Displeylar orasida o‘tish paytida, ba’zi ilovalar yangi ekranga moslashish uchun qayta ishga tushishi va ilovadagi ayrim ma’lumotlar avtomatik tarzda saqlanmasligi mumkin. Ilovaning o‘ziga va uning ekran yoki rejim o‘zgarishlarini qanday boshqarishiga qarab, xatti-harakatlar farqlanishi mumkin.

[11] Kengaytirilgan samaradorlik ko‘rsatkichlari Galaxy Tab S11 Ultra’ni Tab S10 Ultra bilan taqqoslashga asoslangan. Amaliy unumdorlik foydalanuvchining muhiti, sharoitlari hamda oldindan o‘rnatilgan dasturiy ta’minot va ilovalariga bog‘liq bo‘ladi.

[12] Uchinchi tomon laboratoriya sharoitida sinovdan o‘tkazilgan o‘rtacha qiymat. Tipik qiymat IEC 61960 standarti bo‘yicha sinovdan o’tkazilgan batareya namunalari orasidagi sig‘im farqlarini hisobga olgan holda taxmin qilingan o‘rtacha qiymatdir. Galaxy Tab S11 Ultra uchun odatiy sig‘im 11 600 mA/soat hisoblanadi. Bu ma’lumotlar Samsung kompaniyasining ichki laboratoriya sinovlari natijalariga asoslangan bo‘lib, unda modelning dastlabki versiyasi LTE tarmog‘i orqali standart sozlamalarda Bluetooth qurilmasi yordamida quloqchinlarga ulangan holda sinab ko‘rilgan.

[13] Galaxy Tab S11’da 5,5 mm.

[14] Galaxy Tab S11’da 7,8 mm.

[15] Galaxy Tab S11 seriyasi yuqori yorqinlik rejimida maksimal 1600 nit va tashqi sharoitlarda 1000 nit yorqinlikka ega.

[16] Ilova mavjudligi va xizmat ko‘rsatish shartlari mamlakatlar va hududlarga qarab turlicha bo‘lishi mumkin.

[17] Goodnotes ilovasi Galaxy Store’dan alohida yuklab olinishi kerak va u bilan birga 1 yillik bepul to‘liq versiya taqdim etiladi. Bepul to‘liq versiya muddati tugagandan so‘ng, ilovadan uzluksiz foydalanishni davom ettirish uchun qo‘shimcha to‘lov talab qilinadi. Ilovaning mavjudligi va xizmat ko‘rsatish shartlari mamlakat va mintaqaga qarab farqlanishi mumkin.

[18] Clip Studio Paint dasturiga a’zolik talab etiladi. Ayrim bozorlarda Clip Studio Paint ilovasi oldindan o‘rnatilgan holda keladi. Ilovani Galaxy Store’dan yuklab olish mumkin va birinchi marta foydalanuvchilar uchun 6 oylik bepul sinov muddati taqdim etiladi. Bepul sinov muddati tugagach, dasturdan uzluksiz foydalanish uchun oylik yoki yillik foydalanish rejasiga pulli obuna bo‘lish lozim. Birinchi obuna uchun 20 foizlik chegirma mavjud.

[19] LumaFusion ilovasi oldindan o‘rnatilgan, ammo foydalanuvchilar uni ishga tushirish uchun ikonkani bosib, Galaxy Store’dan xaridni yakunlashlari kerak. Barcha Galaxy qurilmalari egalari Galaxy Store’dan xarid qilganda 66% chegirmaga ega bo‘ladi va 1 oylik bepul Creator Pass obunasini oladi. 66% chegirma aksiyasi 2026-yil 30-noyabrgacha amal qiladi.

[20] Notion ilovasi Galaxy Store’dan alohida yuklab olinishi kerak bo‘lib, yangi yaratilgan bitta Notion ish maydoni uchun Plus&Notion AI’ning bir oylik bepul sinov muddatini o‘z ichiga oladi. Ilovaning mavjudligi va foydalanish shartlari mamlakatlar va hududlarga qarab farqlanishi mumkin.

[21] Noteshelf 3 ilovasining Premium rejasiga o‘tish uchun alohida to‘lov talab etiladi. Ushbu rejaga o‘tishda 30% chegirma faqat Galaxy Store orqali mavjud.

[22] ArcSite ilovasi Galaxy Store’dan alohida yuklab olinishi kerak va ilk bor foydalanuvchilarga 1 oylik bepul sinov muddatini taqdim etadi. Bepul sinov muddati tugagandan so‘ng, ilovadan uzluksiz foydalanish uchun oylik yoki yillik obuna rejasiga a’zo bo‘lish talab etiladi. Birinchi oylik obuna uchun 30% chegirma mavjud. Ilovaning mavjudligi va xizmat ko‘rsatish shartlari mamlakat va hududga qarab farqlanishi mumkin.

[23] Sketchbook va Picsart ilovalarini Google Play do‘konidan alohida yuklab olish kerak. Qo‘shimcha xususiyatlar uchun qo‘shimcha to‘lov talab qilinishi mumkin.

[24] Mavjudlik va muddatlar bozor, aloqa operatori yoki model turiga qarab farqlanishi mumkin.

[25] Rang va modellarning mavjudligi mamlakat, hudud yoki aloqa operatoriga qarab o‘zgarishi mumkin.

[26] Galaxy Tab S11 Ultra’ning ekrani diagonal bo‘yicha o‘lchanganda, to‘liq to‘rtburchakda 14,6 dyuym va yumaloq burchaklarni hisobga olgan holda 14,5 dyuymni tashkil etadi. Yumaloq burchaklar va kamera teshigi sababli haqiqiy ko‘rinadigan maydon bundan kamroq bo‘ladi.

[27] Galaxy Tab S11 ning ekrani diagonal bo‘yicha o‘lchanganda, to‘liq to‘rtburchak shaklida 11,0 dyuym va yumaloq burchaklarni hisobga olgan holda 10,9 dyuymni tashkil etadi. Yumaloq burchaklar va kamera teshigi sababli haqiqiy ko‘rinadigan maydon bundan kamroq bo‘ladi.

[28] Galaxy Tab S11 seriyasi va unga qo‘shib beriladigan S Pen IEC 60529 standarti bo‘yicha IP68 darajasiga ega. Laboratoriya sinovlari sharoitida 1,5 metr chuqurlikdagi chuchuk suvda 30 daqiqagacha bo‘lish (IP68) mumkinligi tasdiqlangan. Plyaj yoki basseynda foydalanish tavsiya etilmaydi. Qurilmaning suv va changga chidamliligi doimiy emas va vaqt o‘tishi bilan oddiy eskirish tufayli pasayishi mumkin. Changga chidamlilik darajasi laboratoriya sharoitida mustaqil tashkilot tomonidan sinovdan o‘tkazilgan: qurilma joylashtirilgan sinov kamerasiga (qurilma ichidagi havo bosimi atrofdagi havodan past holda) 2 soat davomida 1 kub metrga 2 kg talk kukuni (maksimal diametri 0,05 mm) purkaldi. Natijada IP6X darajasi berildi. Changga chidamlilik haqiqiy foydalanish sharoitlariga qarab farq qilishi mumkin.

Bugungi kunda o‘qish uchun faqat daftar va ruchka yetarli emas – samarali ta’lim olish uchun ishonchli texnologik yordamchi kerak. Keling, talaba va o‘quvchilar uchun eng kerakli Samsung gadjetlarini tanlab olamiz.

1. Galaxy Tab S10 FE – ta’limning yengil yo‘li

Taqdimot tayyorlash, elektron darsliklarni o‘qish, eslatmalarni yozish – barchasi qulay va tez. Keng va yorqin ekrani, yuqori tezlikdagi ishlashi hamda S Pen bilan yozish imkoniyati tufayli barcha o‘quvchilar uchun ideal tanlov bo‘la oladi.

2. Galaxy A-seriyasi – ko‘proq imkon, kamroq narx

Yorqin dizayn, sifatli kamera va kuchli protsessor – barchasi talaba byudjetiga mos narxda. Galaxy A-seriyasi bilan dars vaqtida ham, tanaffusda ham sifatli fotosurat va videolar olish, onlayn darslarda ishtirok etish mumkin. Bu telefonlarning quvvati uzoq muddatga yetadi va IP himoyaga ega, ya’ni yomg‘irli kunlarda ham xotirjam ishlatish imkoni mavjud.

3. Galaxy Watch – vaqt va salomatlik nazoratda

Galaxy Watch soati orqali dars jadvalini kuzatish, bildirishnomalarni olish, salomatlikni nazorat qilish juda oson. U treninglar, yurak urishi tezligi va hatto uyqu sifati haqida ma’lumot beradi.

4. Galaxy Buds – onlayn dars va tinchlik hududi

Bu turdagi quloqchinlar kutubxonada yoki uyda dars qilayotganda tashqi shovqinlarni yo‘qotib, faqat darsga e’tibor qaratish imkonini beradi. Yangi Galaxy Buds modeli tiniq ovoz va uzoq quvvat saqlash imkoniyati bilan ajralib turadi.

Maktabga AAAjoyib xarid – Samsung’dan “Back to School” 2025 aksiyasi

Yangi o‘quv yiliga tayyorgarlikni yanada foydali qiling! Samsung qurilmalaridan xarid qilib, qimmatbaho sovg‘alarni qo‘lga kiriting.

Aksiya shartlari:

• Galaxy A-seriyasi (A26 / A36 / A56) xaridi uchun Samsung Travel Adapter 25W zaryadlovchi moslama sovg‘a qilinadi.
• Galaxy S-seriyasi (S23, S23 FE, S24 va boshqalar) xaridi uchun quloqchinlar taqdim etiladi.
• Planshetlar xaridi uchun ham quloqchinlar sovg‘a sifatida beriladi.

Qayerdan xarid qilish mumkin:

Texnomart, CA Store, Mediapark va Malika bozoridagi rasmiy do‘konlardan.

Shoshiling, aksiya faqat 2025-yil  avgustdan sentabrgacha amal qiladi!

Samsung gadjetlari bilan darslar tezroq, ijod yorqinroq, hayot esa qulayroq bo‘ladi.

Batafsil ma’lumot https://www.samsung.com/uz_uz/ saytida.

Galaxy Tab S10 FE +

Samsung Electronics’ning Galaxy Tab S10 FE plansheti keng displey, kuchli AI imkoniyatlari va ajoyib portativlik bilan ajralib turadi. Bu planshet oʻrta va yuqori maktabdan tortib universitetgacha boʻlgan barcha talabalar uchun serqirra oʻquv hamrohi sifatida bozorga kirib keladi. Yuqori tezlikni arzon narx bilan uygʻunlashtirgan qurilma ajoyib qiymatga ega va u akademik muvaffaqiyatga erishishda muhim vosita sifatida oʻzini oqlaydi.

Samsung Newsroomda ushbu semestrda talabalar Galaxy Tab S10 FE va Samsung’ning Intelligent Features funksiyalaridan qanday qilib maksimal darajada foydalanishi mumkinligini oʻrganib chiqamizi.

Galaxy Tab S10 FE+

Bilim olish uchun qurilgan yanada katta displey

Onlayn maʼruzalar va masofaviy taʼlim talabalar hayotining muntazam qismiga aylangan davrda Galaxy Tab S10 FE ideal oʻquv muhitini yaratadi. Galaxy Tab S FE modellaridagi eng katta kengaytirilgan 10.9 dyuymli displey[1] 8.1 mm ingichka ramka bilan birlashtirilgan boʻlib, diqqat va eʻtiborni keyingi bosqichga olib chiqadi. Onlayn kurs materiallaridagi hatto kichik matnlar ham bir qarashda oson koʻrinadi.

Galaxy Tab S10 FE 10.9 dyuymli displeyga ega.

Yuqori yorqinlik rejimida (HBM) 800 nitsgacha chiqadigan displey hatto quyoshli sharoitda ham tiniq koʻrinib turadi. Oʻquvchilar quyoshli deraza yonida oʻtirishadimi yoki yoʻlda oʻqishadimi, istalgan vaqtda va istalgan joyda onlayn darslarni bemalol kuzatib borishlari mumkin.

Sinf ishlari bilan cheklanmagan holda Galaxy Tab S10 FE ning katta displeyi oʻyin-kulgini ham yaxshilaydi. 90 Hz yangilanish chastotasi displey animatsiyalari silliqligini taʼminlaydi, video strim va oʻyinlarni yanada ravon va taʼsirchan qiladi. Bu tanaffuslar uchun ayni muddao.

Kuchli koʻp vazifalilik funksiyalari yordamida samaradorlikni oshiring

Galaxy Tab S10 FE dagi Multi Window[2] (koʻplab oynalar) funksiyasi unumdorlikni oshiradi. Bu talabalarga bir vaqtning oʻzida onlayn maʼruzalarda qatnashish, eslatmalar yozish va notanish tushunchalarni tadqiq qilish uchun ekranni uchga boʻlish imkonini beradi. 12 GB gacha boʻlgan katta sigʻimli tezkor xotiraga ega qurilma qotishlarsiz koʻp vazifalilikni bajara oladi va bir nechtalab ilovalarni muammosiz ochadi. Bu qiyin imtihon davrida ishonchli vositadir.

Multi Window

S Pen yordamida eslatmalar yozishni soddalashtiring

S Pen bilan jihozlangan Galaxy Tab S10 FE aniq va tabiiy qoʻlyozma imkoniyatini taqdim etadi. Shuningdek, S Pen uchun turlicha AI funksiyalari mavjud.

Galaxy Tab S10 FE va S Pen.

Betartib qoʻl yozuvi yoki notekis chiziqlar haqidagi xavotirlar Handwriting help (qoʻlyozma yordami) orqali oson bartaraf etiladi: u toza, tekis chiziqlarni saqlashga koʻmaklashadigan Smart guideline (aqlli koʻrsatmalar) funksiyasiga ega. Shuningdek, Align letters (harflarni tekisla) va Fix the shape of letters (harflar shaklini toʻgʻrila) kabi qoʻshimcha funksiyalar yozuvni jonli ravishda avtomatik tarzda sayqallab, chiroyli va tartibli eslatmalar yaratishga yordam beradi.

Bundan tashqari, qoʻl yozuvidagi eslatmalarni koʻrib chiqish va doʻstlar bilan ulashish uchun ularni matnga aylantirish mumkin. Convert to text (matnga oʻgirish) funksiyasi ayniqsa matematika va tabiiy fanlar uchun foydali: u qoʻl bilan yozilgan tenglama va formulalarni tahrirlanadigan raqamli matnga aylantirib, jarayonni soddalashtiradi.

Samsung Notes’da eslatmalar yozayotganda talabalar audioyozuv ham olishi mumkin. Qoʻl yozuvi esa avtomatik tarzda audio bilan sinxronlanadi. Yozib olingan audioni ijro qilayotganda eslatmalarning istalgan joyiga tegsangiz, audioyozuvning aynan oʻsha taymiga darhol oʻtasiz. Bu audio fayllarni qoʻlda qidirmasdan takrorlashni maqsadli jarayonga aylantiradi.

Aqlli AI imkoniyatlari orqali yanada samarali oʻqishga

koʻmaklashuv

Yolgʻiz tayyorgarlik chogʻida Galaxy Tab S10 FE dagi AI funksiyalari talabalarga javoblarni oson topishga yordam beradi. Google orqali aylana chizib qidirish yordamida ekrandagi tegishli matn yoki tasvirni aylana ichiga olib, murakkab tushunchalarni darhol izlash yoki qiyin matematik masalalarni bosqichma-bosqich izohlar bilan yechish mumkin. Shuningdek, bu intuitiv vosita ekrandagi matnni tarjima qilib, chet tilini oʻrganishni yanada qulay va samarali jarayonga aylantiradi.

Samsung Notes’dagi Solve Math[3] (matematik masalalarni yechish) funksiyasi murakkab matematik tenglamalarga ham tez va aniq yechimlar taqdim etadi. Formula yozib, oxiriga teng belgisini (=) qoʻysangiz, javob avtomatik ravishda paydo boʻladi. Vosita jonli ravishda ham qoʻl yozuvi, ham terilgan ifodalarni qoʻllab-quvvatlaydi. Bu oddiy arifmetikadan tortib, ilgʻor, ilmiy kalkulyator darajasidagi hisob-kitoblargacha va yuza, uzunlik, harorat kabi oʻlchovlar boʻyicha birliklar konversiyasini ham bajaradi. Aytish joizki, funksiya talabaning oʻz qoʻl yozuvi uslubini hamda tanlangan ruchka turi, matn oʻlchami va chiziqlar qalinligini saqlab, eslatmalar stilini bir xil olib boradi.

Faol takrorlashni qoʻllab-quvvatlash va xatolarni kuzatib borish uchun Galaxy Tab S10 FE talabalarga shaxsiy takrorlash daftarchasini yaratishda yordam beradi. Ekranning oʻng tomonidagi ruchka shaklidagi belgi ustiga S Pen bilan bosish orqali ular Air Command’ni faollashtirishlari mumkin. AI Select yordamida notoʻgʻri javob berilgan savollarni aniqlab, ularni yangi yoki mavjud eslatmaga koʻchirish mumkin. Bu takrorlash uchun materiallarni yigʻish va tartibga solishda qoʻl keladi.

Insho yoki hisobotlar kabi katta hajmli yozma topshiriqlar uchun Book Cover Keyboard aksessuari Galaxy Tab S10 FE ni noutbukka aylantiradi. Maxsus Galaxy AI Key tugmasini bosish bilan AI yordamchilari darhol ishga tushadi, bu esa talabalarga maʼlumotni tezda izlash va oʻquv jarayonini yanada boyitishga imkon beradi.

Ham dizayn, ham tezlikni qadrlaydigan talabalar uchun Galaxy Tab S10 FE  Galaxy Tab S modellarining puxta dizayn merosidan ilhom oladi. Yangi planshet uchta nafis rangda taqdim etiladi: koʻk, kulrang va kumush. Ushbu ranglardagi nozik rang tonlari har qanday joyga nafislik bagʻishlaydi.

Samsung’ning Intelligent Features funksiyalarini qulay narx bilan uygʻunlashtirgan Galaxy Tab S10 FE eng ajoyib hamroh sifatida ajralib turadi. U imtihonlarga yanada aqlli ravishda tayyorgarlik koʻrish, vaqtni samaraliroq boshqarishda yordam beradi va har bir talaba uchun stilistik va funksional qulayliklarni taʼminlaydi.

[1] Diagonalda oʻlchanganda ekran oʻlchami toʻliq toʻrtburchakda 10.9 dyuym. Aylana burchaklar tufayli amalda ishlaydigan displey maydoni kichikroq.

[2] Baʼzi ilovalar Multi Window funksiyasini qoʻllab-quvvatlamasligi mumkin.

[3] Solve Math ilovasi qurilmada ishlaydi va internet tarmogʻini talab qilmaydi, lekin Samsung akkauntiga kirishni talab qiladi. Qoʻl yozuvini xato aniqlash notoʻgʻri hisob-kitoblarga olib kelishi mumkin.

Samsung Electronics Co., Ltd.  Galaxy Tab S10 FE va Galaxy Tab S10 FE+ ni namoyish qildi va bu premium dizaynli planshet Galaxy ekotizimiga kirishning yangi yoʻlini ochdi. Galaxy Tab S FE modellaridagi eng katta ekran va ingichka ramkalar bilan jihozlangan Galaxy Tab S10 FE+ oʻyin-kulgidan tortib, oʻqish va kundalik vazifalargacha boʻlgan barcha ishlarni qiziqarli va immversiv displeyda bajarish imkonini taqdim etadi. Samsung’ning Intelligent Features (aqlli funksiyalar) foydalanuvchilarga yanada koʻp vazifalarni osonlik bilan bajarishga, ingichka dizayn esa foydalanuvchilarga istalgan joyda ijodkorlik va mahsuldorlikka erishishga yordam beradi.

“Yangi Galaxy Tab S10 FE modellari ilgʻor mobil AI imkoniyatlari va Samsung’ning oʻzaro bogʻlangan ekotizimini koʻplab planshet foydalanuvchilariga olib kiradi va yetakchi tezkorlik va ajoyib dizaynni taklif qiladi, — dedi Samsung Electronics’ning ijrochi prezident oʻrinbosari va yangi hisoblash boʻyicha ilmiy-tadqiqot guruhi rahbari va Mobile eXperience Business rahbari Changtae Kim. — Ishonchimiz komil, ingichka ramkalar va katta displeylar koʻplab funksional yaxshilanishlarga olib keladi va bu foydalanuvchilarga yanada koʻplab imkoniyatlar, ijodkorlik va izlanuvchanlik kuchini baxsh etadi”,

Yanada katta va jonli displeyda ajoyib tasvir ravshanligi

Galaxy Tab S modellarining meros dizaynini ingichka ramkalarda birlashtirgan Galaxy Tab S10 FE+ 13.1 dyuymli displeyi[1] oldingi FE+ dan deyarli 12% kattaroq boʻlib, ajoyib oʻyin-kulgini imkoniyatlarini taklif etadi. Galaxy Tab S10 FE modellaridagi 90Hz yangilanish chastotasi va 800nits HBM gacha yangi ekran darajalari video va oʻyinlarda optimal tomoshani taʼminlaydi. Vision Booster’ning avtomatik sozlamalari doimiy oʻzgarib turadigan tashqi muhitda ham yorqinlik va tasvirni yaxshilaydi hamda koʻz zoʻriqishini minimallashtirish uchun koʻk yorugʻlik emissiyasini xavfsiz tarzda kamaytiradi. Umuman olganda, bular har qanday displeyga boʻlgan ehtiyojni qondiradi.

Portativ dizaynda barqaror tezlik

Galaxy Tab S10 FE modellari ishlash yoki oʻqish vaqtida unumdorlikni oshiradi va video oʻyinlar qotmasligini uzluksiz taʼminlaydi. Galaxy Tab S10 FE modellarida qayta ishlash tezligi yangilanishi foydalanuvchilarga ijodkorlik payti bir nechta ilovalar boʻylab oson almashishga yordam bergan holda koʻp vazifalilik imkoniyatlarini yaxshilaydi. Sinfda yoki ish joylarida kundalik lahzalarni suratga olish uchun yangilangan 13 megapikselli yuqori aniqlikdagi orqa kamera esa jonli va ravshan suratlarni yaratadi.

Ogʻir ishlardan tortib, uzluksiz video oʻyinlargacha ushbu serqirra imkoniyatlar foydalanuvchilarga har yerda hamroh boʻladi. Endi Galaxy Tab S10 FE oʻzidan oldingi modeldan 4% (yoki undan koʻp) yengilroq boʻlib, uni olib yurish yanada qulay va bu qatordagi modellar oʻzining nozik dizayni bilan uyda, kampusda, ish joyida va boshqa joylarda harakatlanishda hech qanday noqulaylik tugʻdirmaydi. Zarralarga bardoshli va chidamli qilib ishlab chiqilgan FE modellari eng yangi Galaxy Tab S10 modellari bilan bir xil IP68 reytingiga ega.

Kengaytirilgan funksiyalar potensialni ochib beradi

Galaxy ekotizimida premium qulayliklarni taqdim etish boʻyicha Samsung merosiga asoslangan holda Galaxy Tab S10 FE+ va Galaxy Tab S10 FE planshetlari FE qatorida bu turdagi eng birinchi modellar boʻlib, ular eng soʻnggi AI imkoniyatlari bilan jihozlangan va foydalanuvchilarning unumdorligini oshirishga tayyor.

• Muxlislarning sevimli Google orqali aylana chizib qidirish[2] funksiyasi u ilovadan bu ilovaga oʻtmasdan planshetingiz ekranida koʻrinib turgan istalgan narsani qidirish imkonini beradi. Kerakli maʼlumotlarni tezda olish, ekrandagi matnni tarjima qilish yoki bosqichma-bosqich tushuntirishlar bilan uy vazifasi boʻyicha yordam olish – barchasi bitta katta ekranda.

• Samsung Notes’ning Solve Math[3] (matematik masalani yechish) kabi qoʻl yozuvi va matnni tezda hisoblash funksiyasi, eslatmalarni oson tartibga solish uchun Handwriting Help[4] (qoʻl yozuvi yordami) funksiyasi. Bular eslatma yozishni yanada osonlashtirib, foydalanuvchilarga bor eʼtiborini fikrlarini jamlashga qaratishga yordam beradi.

• AI yordamchilari Book Cover klaviaturasida Galaxy AI Key[5] tugmasi bosilishi bilan bir zumda ishga tushadi. Bundan tashqari, AI yordamchilari yanada shaxsiylashtirilgan qulayliklarni taqdim eta olishi uchun foydalanuvchilarning afzalliklariga qarab sozlanishi mumkin.

• Yangilangan Object Eraser[6] (obyekt oʻchirgich) foydalanuvchilarga tez va oson rasm tahriri boʻyicha avtomatik takliflar orqali suratlardan keraksiz narsalarni oson olib tashlash imkonini beradi.

• Yangi taqdim etilgan Best Face[7] (eng yaxshi yuz) eng yaxshi yuz ifodalarini tanlab, birlashtirib, ajoyib guruh fotosuratlarini yaratadi.

• Automatic Trim[8] (avtomatik qirquv) bir nechta videolarni filtrdan oʻtkazib, diqqatga sazovor lahzalarini bitta videoga taxlaydi.

• Galaxy Tab S10 FE modellari Noteshelf 3[9], Sketchbook va Picsart[10] kabi taniqli ilovalar qatorida boʻlgan LumaFusion[11], Goodnotes[12], Clip Studio Paint[13] va boshqalarni oʻz ichiga olgan qurilmaga oldindan oʻrnatilgan ilova va vositalar[14] bilan keladi va ular ijodkorlik uchun mukammal ish qurollari boʻlib xizmat qiladi.

Yanada intuitiv AI qulayliklarini taʼminlash uchun FE modellari boshqa Samsung Galaxy qurilmalari bilan muammosiz integratsiyalashadi. Galaxy Tab S10 modellaridagi kabi, foydalanuvchilar Home Insight vidjeti va 3D Map View funksiyasi yordamida uy holatining toʻliq koʻrinishiga ega boʻlishlari mumkin. SmartThings’ga ega qurilmalarning holati haqida xulosalangan maʼlumot esa foydalanuvchilarga uydan tashqarida boʻlganda ham xotirjamlik hisini beradi.

Sizga moslashgan xavfsizlik

Har qanday Galaxy qurilmalarida boʻlgani kabi, Galaxy Tab S10 FE modellari ham kuchli xavfsizlik tizimi bilan mustahkamlangan. Xususan, Samsung Galaxy’ning hukumat darajasidagi koʻp qatlamli xavfsizlik platformasi — Samsung Knox muhim maʼlumotlarni himoya qilish va zaifliklarni bartaraf etish uchun raqamli shifrlangan apparat vositalari, jonli ravishda tahdidlarni aniqlash va oʻzaro himoya tizimi bilan jihozlangan.

Mavjudligi

3-apreldan boshlab Galaxy Tab S10 FE va Galaxy Tab S10 FE+ ayrim bozorlarda sotuvga chiqadi va uchta rangda taqdim etiladi: kulrang, kumush va koʻk[15]. Galaxy Tab S10 FE modellari haqida batafsil maʼlumot olish uchun ushbu manzilga tashrif buyuring: [https://www.samsung.com/sec/tablets/].

Texnik xususiyatlar jadvali

*Texnik xususiyatlar bozorga qarab oʻzgarishi mumkin.

*Ushbu hujjatda keltirilgan barcha funksionallik, xususiyatlar, texnik xususiyatlar va mahsulotning boshqa maʼlumotlari, shu jumladan, mahsulotning afzalliklari, dizayni, narxi, komponentlari, tezkorligi, mavjudligi va imkoniyatlari ogohlantirilmasdan oʻzgartirilishi mumkin.

[1] Diagonalda oʻlchanganda toʻliq toʻrtburchakda 13.1 dyuym va aylana burchaklar tufayli 13 dyuym. Aylana burchaklar tufayli displey maydoni kichikroq.

[2] Xizmat mavjudligi mamlakat, til va qurilma modeliga qarab farq qilishi mumkin. Internet tarmogʻini talab qiladi. Foydalanuvchilar Android va Google ilovalarini soʻnggi versiyaga yangilashlari kerak boʻlishi mumkin. Mos ilova va yuzalarda ishlaydi. Natijalar vizual oʻxshashliklarga qarab farq qilishi mumkin. Natijalar aniqligi kafolatlanmaydi.

[3] Math Solve funksiyasi qurilmada ishlaydi va internet tarmogʻini talab qilmaydi, lekin Samsung akkauntiga kirishni talab qiladi. Qoʻl yozuvini xato aniqlash notoʻgʻri hisob-kitoblarga olib kelishi mumkin. Faqat S Pen qoʻllab-quvvatlanadigan qurilmalarda mavjud.

[4] Handwriting Help funksiyasi qurilmada ishlaydi va internet tarmogʻini talab qilmaydi, lekin Samsung akkauntiga kirishni talab qiladi.

[5] Book Cover Key va Book Cover Key Slim alohida sotiladi. Bixby yoki Gemini’dan foydalanish uchun internet tarmogʻini talab qiladi. Galaxy AI Key tugmasi yordamida Gemini’ni ishga tushirish uchun Google Assistant funksiyasi Gemini’ga yangilanishi kerak.

[6] Natijalar olib tashlanmoqchi boʻlgan tasvir va obyektlarga qarab oʻzgarishi mumkin.

[7] Natijalarning aniqligi kafolatlanmaydi. Best Face funksiyasi faqat Motion Photo yoqilgan holda olingan suratlar uchun mavjud. Funksiya yangi yuz ifodalarini yaratmaydi, u Motion Photo videoklipidagi kadrlardan tanlaydi. U har bir tasvir uchun beshtagacha odamni aniqlay oladi va bir kishi uchun uchtagacha variant taklif qiladi.

[8] Har bir klipning maksimal uzunligi 90 daqiqa. Birlashtirilgan kliplarning maksimal uzunligi 180 daqiqa. Har bir video loyihada maksimal kliplar soni 60 ta. Natijalar aniqligi kafolatlanmaydi.

[9] Noteshelf 3 ilovasi Premium tarifga yangilanish uchun alohida xaridni talab qiladi. Yangilanish uchun 30% chegirma faqat Galaxy Store’da mavjud.

[10] Picsart va Sketchbook ilovalari Google Play Store’dan yuklab olinishi kerak. Qoʻshimcha funksiyalar alohida xaridni talab qilishi mumkin.

[11] LumaFusion ilovasi haqiqiy ilovaga havola sifatida oldindan oʻrnatilgan boʻlib, undan foydalanish uchun foydalanuvchilardan uning usitga bosish va Galaxy Store’dan xaridni yakunlash talab etiladi. Barcha Galaxy foydalanuvchilari Galaxy Store’dan xarid qilishda 50% chegirmaga va 1 oylik bepul Creator Pass obunasiga ega boʻlishlari mumkin. 50% chegirma aksiyasi 2025-yil 30-noyabrgacha davom etadi.

[12] Goodnotes ilovasi Galaxy Store’dan alohida yuklab olinishi kerak va 1 yillik bepul toʻliq versiya obunasi bilan birga keladi. Bepul toʻliq versiya muddati tugagach, doimiy foydalanish uchun qoʻshimcha xarid talab qilinadi. Ilovaning mavjudligi va xizmat koʻrsatish shartlari mamlakat va mintaqaga qarab oʻzgarishi mumkin.

[13] Clip Studio Paint obunasi talab qilinadi. Clip Studio Paint ilovasi maʼlum doʻkonlardagi telefonlarda oldindan oʻrnatilgan boʻladi. Ilovani Galaxy Store’dan yuklab olish mumkin va yangi foydalanuvchilar uchun 6 oylik bepul sinov muddati taqdim etiladi. Bepul sinov muddati tugagach, doimiy foydalanish uchun oylik yoki yillik pulli obuna talab qilinadi. Birinchi obunada 20% chegirma mavjud.

[14] Ilovaning mavjudligi va xizmat koʻrsatish shartlari mamlakat va mintaqaga qarab farq qilishi mumkin.

[15] Rang va model mavjudligi mamlakat, mintaqa yoki dilerga qarab farq qilishi mumkin.

Quyida Galaxy AI’ning 7 ta eng foydali funksiyasi, ularni qanday ishlatish va haqiqiy kundalik vaziyatlarda qayerda foydalanish mumkinligi haqida bilib olishingiz mumkin.

Aylana chizib qidirish

Endi ma’lumot qidirish yanada oson va zavqli. Galaxy AI’ning Aylana chizib qidirish funksiyasi sizga ekrandagi istalgan rasm yoki matnga shunchaki barmoq bilan aylana chizish orqali bir zumda qidiruv natijalarini olish imkonini beradi. Murakkab havolalar, nusxalash yoki alohida ilovalarda izlash shart emas – barchasi bir joyda va bir zumda!

Asosiy imkoniyatlari:

• Shunchaki belgilaysiz – AI qidiradi;
• Tasvir va matnni kontekst bilan birga tushunadi;
• Intuitiv va interaktiv ishlash tajribasi;
• Tezkor va aniq natijalar;
• Ilovalararo ishlash imkoniyati.

Ko‘proq ishlatiladi:

• Kerakli mahsulotlarni onlayn topishda;
• Tasvirlardagi notanish joylar yoki binolarni aniqlashda;
• Matndagi murakkab atamalarni tushunish yoki tarjima qilishda;
• Ijtimoiy tarmoqlardagi postlar va suratlardagi qiziqtirgan ma’lumotlarni izlashda;
• Sayohat paytida xaritadagi nomlar yoki diqqatga sazovor joylar haqida ma’lumot olishda.

Qanday ishlatiladi?

Istalgan vaqtda, ekrandagi matn yoki rasmga oid qandaydir savol tug‘ilganda uy tugmasini bosib ushlab turing yoki maxsus qidiruv tugmasini faollashtiring. Ekranda Aylana chizib qidirish interfeysi paydo bo‘ladi. Qiziqqan so‘z, rasm yoki obyekt ustiga barmog‘ingiz bilan aylana chizing yoki chiziq torting. Galaxy AI avtomatik ravishda tanlangan qismni aqlli tarzda tahlil qiladi va sizga kontekstga mos qidiruv natijalarini taqdim etadi.

Matn yaratuvchi

Samsung klaviaturasidagi Galaxy AI Matn yaratuvchisi yozish jarayonini ancha osonlashtiradi va sifatini oshiradi. U foydalanuvchining qisqacha fikrini to‘liq, mantiqiy va o‘ziga xos matnga aylantiradi.

Asosiy imkoniyatlari:

• Matnni aytilgan uslubda yozadi. Masalan, professional yoki samimiy talqinda bayon etadi;
• Rasmiy ish xatlari, marketing postlari, oddiy suhbatlar uchun mos ohangni tanlaydi;
• Grammatik va imlo xatolarni avtomatik topadi va to‘g‘rilaydi;
• Telegram va boshqa messenjerlardagi kelgan yoki yuborilayotgan xabarlarni tarjima qiladi;
• Samsung Eslatmalar ilovasida yozgan matningizdan qisqacha xulosa tuzadi;
• Samsung Internet brauzerida sahifa matnini soddalashtirib, asosiy ma’noni ajratib beradi.

Ko‘proq ishlatiladi:

• Ishdagi rasmiy yozishmalarda;
• Universitetdagi topshiriqlarni tuzishda;
• Ijtimoiy tarmoqlarda kontent yozishda;
• Chet eldagi do‘stlar bilan yozishmalarda.

Qanday ishlatiladi?

Klaviaturadagi yulduzcha belgisi bosiladi va kerakli rejim tanlanadi. Internetga ulanishingiz kerak bo‘ladi.

Foto va video muharriri

Galaxy AI yordamida suratlar va videolarni professional sifatda tahrir qilish hech qachon bunchalik oson bo‘lmagan. Foydalanuvchidan murakkab ko‘nikmalar talab qilmaydi, ammo juda sifatli natija beradi.

Asosiy imkoniyatlari:

• Suratdagi keraksiz obyektlarni bitta bosishdayoq o‘chiradi;
• Fonni xiralashtiradi, yorug‘lik va rang balansini to‘g‘rilaydi;
• Suratlarni multfilm yoki kreativ san’at uslubida qayta ishlaydi;
• Videolarda sekinlashtirilgan kadrlar yaratadi va o‘ziga xos dramatik effekt qo‘shadi;
• Rasm ustida chizilgan eskiz asosida yangi variantlar yaratadi.

Ko‘proq ishlatiladi:

• Instagram, TikTok, Telegram postlari uchun sifatli kontent tayyorlashda;
• Mahalliy biznes uchun reklama materiallari yaratishda;
• Oilaviy suratlarni chiroyliroq qilishda.

Qanday ishlatiladi?

Galereya ilovasidagi surat yoki video tanlanadi → Qalam belgisi bosiladi → Yulduzcha belgisi tanlanadi → kerakli AI funksiyasi bosiladi.

Qo‘ng‘iroqlarni tarjima qilish

Endi chet eldagi do‘stlar, mijozlar yoki hamkorlar bilan til to‘sig‘ini unutishingiz mumkin. Jonli tarjima – bu Galaxy AI’ning sun’iy intellektga asoslangan funksiyasi bo‘lib, u real vaqt rejimida telefon yoki messenjerdagi qo‘ng‘iroqlarni avtomatik tarzda tarjima qiladi.

Asosiy imkoniyatlari:

• Telefon yoki messenjer (Telegram, WhatsApp, Signal, Google Meet) qo‘ng‘iroqlaridagi suhbatni sinxron tarjima qiladi;
• Siz o‘zbek tilida gapirasiz, suhbatdoshingiz esa o‘z tilida eshitadi va aksincha;
• Tarjima matn shaklida ham ekranda ko‘rsatiladi;
• Qo‘ng‘iroqni yozib olib, to‘liq transkriptsiya yaratadi.

Ko‘proq ishlatiladi:

• Chetdagi yaqinlar bilan muloqotda;
• Onlayn intervyularda;
• Ishdagi xalqaro muzokaralarda.

Qanday ishlatiladi?

Qo‘ng‘iroq ilovasi → Uch nuqta → Sozlamalar → Qo‘ng‘iroq sozlamalari → Sinxron tarjima. Suhbatdoshingiz tilini va ovoz sintezatorini tanlang.

Audio yozuvdagi nutqni yozma matnga aylantirish

Galaxy AI transkripsiya xizmati – og‘zaki nutqni aniq va sifatli matnga aylantirishning eng zamonaviy yechimi. Bu xizmat professional ish jarayonini soddalashtiradi va vaqtni sezilarli darajada tejaydi.

Asosiy imkoniyatlari:

• Ovoz yozuvini aniq va toza matnga aylantiradi;
• Har bir suhbatdoshning replikasini alohida ajratadi;
• Qisqacha xulosa yaratadi yoki boshqa tilga tarjima qiladi;
• Internet bo‘lmasa ham ishlaydi (oldindan til paketini yuklab qo‘yish kerak).

Ko‘proq ishlatiladi:

• Intervyularni yozib olish va matnga aylantirishda;
• Universitetda darslarda yozib olingan ma’ruzalarni matnga aylantirishda;
• Ishdagi yig‘ilishlar protokolida.

Qanday ishlatiladi?

Diktofon ilovasida kerakli fayl tanlanadi → “Transkripsiya” tugmasi bosiladi.

Mening kunim

Galaxy AI’ning Mening kunim funksiyasi – bu o‘zbekistonlik foydalanuvchilar uchun o‘z kunini qulay, tartibli va samarali boshqarishning zamonaviy yechimi. U kun davomida eng muhim va foydali ma’lumotlarni bir joyda taqdim etadi. Foydalanuvchining odatlari va jadvaliga moslashadi va ertalabdan kechgacha kerakli ma’lumotlarni tartib bilan ko‘rsatadi.

Asosiy imkoniyatlari:

• Ertalab ob-havo, uyqu sifati, rejalashtirilgan tadbirlar haqida ma’lumot;
• Kechqurun kunlik faoliyat statistikasi va suratlar;
• Kalendar va eslatmalar bilan integratsiya;
• Avtomatik yangilanish.

Ko‘proq ishlatiladi:

• Kunni rejalashtirishda;
• Sog‘lom turmush tarzini nazorat qilishda.

Qanday ishlatiladi?

Asosiy ekranga “Mening kunim” vidjetini qo‘shing va sozlang.

Audiodan shovqinni olib tashlash

Bu funksiya videoni sifatli va tushunarli shaklga keltirish imkonini beradi. Fon shovqinlarini, ortiqcha tovushlarni va audio artefaktlarni aniqlab, ularni minimal darajaga tushiradi yoki butunlay yo‘q qiladi.

Asosiy imkoniyatlari:

• Shamol, fon shovqini, musiqa va gaplarni ajratadi;
• Avtomatik yoki qo‘l bilan balandlikni sozlash imkonini beradi;
• Tovush sifatini ancha yaxshilaydi.

Ko‘proq ishlatiladi:

• TikTok, Instagram, YouTube videolarini sifatli tayyorlashda;
• Oilaviy videolarni shovqinlardan tozalashda.

Qanday ishlatiladi?

Galereya → Video → Yulduzcha belgisi → Shovqinni olib tashlash.

Avto tugmasi orqali AI optimal sozlamalarni tanlaydi.

Galaxy AI’ning to‘liq imkoniyatlar to‘plami qo‘llab-quvvatlanadigan modellar

• Samsung Galaxy S25, S25+, S25 Ultra
• Samsung Galaxy S24, S24+, S24 Ultra
• Samsung Galaxy S23, S23+, S23 Ultra, S23 FE
• Samsung Galaxy Z Fold 6, Z Flip 6
• Samsung Galaxy Z Fold 5, Z Flip 5
• Samsung Galaxy Tab S10+, S10 Ultra
• Samsung Galaxy Tab S9, S9+, S9 Ultra

Hozirda Galaxy AI’ning ko‘p funksiyalari Samsung’ning flagman smartfon va planshetlarida mavjud. Ammo ayrim imkoniyatlar yanada qulay narxdagi qurilmalarda ham ishlaydi – masalan, Aylana chizib qidirish funksiyasi Galaxy A seriyasidagi modellarda ham uchraydi.

Galaxy AI funksiyalarini yoqish

Qurilmangizda Samsung hisobingizga kirganingizdan so‘ng, “Sozlamalar” ilovasidagi “Qo‘shimcha funksiyalar” → “AI funksiyalar” bo‘limini oching yoki “Sozlamalar” → “Galaxy AI” menyusidagi mavjud AI imkoniyatlarni ko‘rib chiqing va yoqing.

Galaxy AI – o‘zbekistonlik foydalanuvchilar uchun zamonaviy, qulay va xavfsiz sun’iy intellekt yordamchisi. One UI interfeysi va o‘zbek tilidagi qo‘llab-quvvatlash smartfoningizni yanada aqlli va foydali qiladi. Samsung bilan birga hayotingizni soddalashtiring, vaqtingizni tejang va ilhomlaning. Chunki kelajak – sizning

Batafsil ma’lumot https://www.samsung.com/uz_uz/ saytida.

Samsung Electronics bugun ish va oʻyin uchun moʻljallangan zamonaviy Galaxy Tab S6 Lite (2024) planshetini eʼlon qildi. Yuqori aniqlikdagi S Pen bilan birlashtirilgan va ishonchli protsessor quvvatini taʼminlovchi Galaxy Tab S6 Lite (2024) plansheti talabalar, yosh mutaxassislar va oilalar uchun ilhom berishni, g‘oyalar va natijalarni ishlab chiqishni maksimal darajada oshiradi.

“Kompaniyamizda biz hayot tez oʻtishi, ishlar esa oʻzgaruvchan va isteʼmolchilarning kundan kunga band boʻlgan turmush tarziga mos keladigan qurilma kerakligini tushunamiz”, dedi Samsung Electronics’ning Galaxy ekotizimi mahsulotlarini rejalashtirish guruhi, MX biznesi boʻyicha prezident oʻrinbosari va rahbari Junho Park. “Galaxy Tab S6 Lite (2024) va uning S Pen qalami unumdorlikni o‘yin-kulgi va ijodkorlik bilan uzluksiz uyg‘unlashtirib, odamlarga yo‘l-yo‘lakay o‘zlariga yoqadigan mashgʻulotlari bilan koʻproq shugʻullanish imkonini beruvchi eng yaxshi hamrohdir”.

Eslatmalar yozib borish unumdorligining yangi darajasi

Galaxy Tab S6 Lite g‘oyalarni aniqlik bilan yozib olishni juda oson va yoqimli mashgʻulotga aylantiradi. U ergonomik S Pen bilan birga kelib, qalamdan uzoq vaqt foydalansangiz ham toliqishni sezmaysiz. Shuningdek, Samsung Notes’da planshetni qulfdan chiqarmasdan eskizlar chizish boʻladimi yoki fikr-gʻoyalarni tezda yozib olish boʻladimi, foydalanuvchilar S Pen bilan yozish yoki chizishdan doim zavqlana oladilar. Alohida quvvatlovchi talab qilmaydigan S Pen ijodkorlik paydo boʻlgan har qanday fursatda oldingizda foydalanishga doim shaydir.

Samaradorlikni yanada oshiruvchi Galaxy Tab S6 Lite boshqa Galaxy qurilmalari, jumladan, bir nechta qurilmalar o‘rtasida uzluksiz ulanish imkonini beruvchi Galaxy Buds FE bilan sezilmas darajada uygʻunlashadi. Foydalanuvchilar Galaxy ekotizimida oʻzlarining ijodkorlik imkoniyatlarini kengaytirishadi va oʻzlari belgilagan tartib-qoidalarga koʻra yanada koʻprogʻiga erisha oladilar.

Zamonaviy, portativ va kuchli qurilma

Galaxy Tab S6 Lite (2024) zamonaviy dizaynli, yuqori sifatli metall ko‘rinishga ega uchta jozibali rangda mavjud: Oksford kulrang, shifon pushti va yalpiz rang. Planshet ixcham va yengil bo‘lib, portativlik qobiliyatini oshiradi, Wi-Fi versiyasi uchun atigi 465 gramm, LTE bilan jihozlanganida esa 467 gramm. Bundan tashqari, Galaxy Tab S6 Lite’ning 10.4 dyuymli keng ekrani hamda ingichka va simmetrik 9 millimetrli ramkasi planshetning har bir versiyasida ajoyib displeyni taqdim etadi.

Galaxy Tab S6 Lite (2024) mislsiz unumdorlik va ko‘ngilochar funksiyalari bilan bir qatorda 14 soat davomida to‘xtovsiz video ijro etish imkonini beruvchi kuchli akkumulyator ega boʻlib, foydalanuvchilarga immersiv tomosha taassurotini beradi va ijodiy erkinlikdan istagancha bahramand bo‘lish ishonchini ta’minlaydi. Planshet u ilovadan bu ilovaga oson sakrab oʻtishga qodir boʻlganligi tufayli foydalanuvchilar turli xil vazifalarni yanada samarali ravishda bajara oladilar.

Mavjudligi

Galaxy Tab S6 Lite (2024) 28-martdan boshlab sotuvga chiqariladi.[1]

Mahsulotning texnik xususiyatlari

[1]      Mavjudligi va chiqish vaqti mintaqaga qarab oʻzgaradi.