Uyquning muhim taʼsirini oʻrganish uchun Samsung 10-mart kuni Ostin (Texas, AQSh) shahrida 2024-yilda Janubi-Gʻarbiy (SXSW) yigʻinida “Texnologiyalar azaliy uyqu dilemmasini qanday inqilob qilishi mumkin” nomli panelni oʻtkazdi. Mutaxassislar SI va texnologiya uyqu sifatini sezilarli darajada yaxshilash salohiyatiga ega ekanligini aniqladilar.

▲ (Chapdan) Creative Strategies kompaniyasidan Karolina Milanesi, Samsung’dan doktor Xon Pak, uyqu olimi Vanessa Xill va Milliy uyqu fondi xodimi Jon Lopos uyquning ahamiyatini muhokama qilishdi

Panel ishtirokchilari orasida Samsung Electronics kompaniyasining MX Business kompaniyasining Raqamli sogʻliqni saqlash guruhining rahbari doktor Xon Pak, uyqu olimi Vanessa Xill va Milliy uyqu fondi (NSF) bosh direktori Jon Lopos qatnashgan edilar. Creative Strategies prezidenti va bosh analisti Karolina Milanesi moderatorlik qilgan tadbir amerikaliklar [1] yozgi vaqtga oʻtish bilanoq boshlandi va bu suhbat panel ishtirokchilari va tomoshabinlar uchun vaqt muhimligini taʼkidladi.

Uyquni dekodlash orqali yanada batafsil insaytlarni qoʻlga kiritish

Milanesi panel muhokamasini uyqu umumiy salomatlikka olib keladigan eng muhim omillardan biri ekanligini yoritish bilan boshladi. U, shuningdek, uyqu bizning kundalik hayotimizga qanday taʼsir qilishini anglash muhimligini taʼkidladi. Bu esa keyingi suhbatning asosiy qismiga aylandi.

Mutaxassislar bir ovozdan uyquning qanchalar muhim ekanligiga qoʻshilishdi va bu salomatlikning asosi bo‘lib, kundalik mashg‘ulotlar, parhez va ruhiy sogʻliqqa bevosita ta’sir ko‘rsatsa-da, u ko‘pincha birinchi o‘ringa qo‘yilmaydi, shu sababli butun dunyo bo‘ylab uyqu sifati yomonlashadi. Shu bilan birga, mutaxassislar sunʼiy ong asosidagi texnologiya va taqiladigan qurilmalar, jumladan ilgʻor sensorli aqlli uzuklar va aqlli soatlar odamlarga sogʻlom uyqu odatlarini shakllantirishga va optimal uyqu muhitini yaratishga yordam berishiga umid qilmoqda.

Mutaxassislarning taʼkidlashicha, odamlar oʻz uyqusi haqida maʼlumotga ega boʻlganda bu ular sogʻlom uyquga erishishga olib keladigan qarorlarni qabul qilishga sababchi boʻlar ekan. Pak Galaxy Watch6 va yaqinda taqdim etilgan Galaxy Ring kabi taqiladigan qurilmalar Samsung’ning sogʻlom uyquni taʼminlashda yordam berish istagida muhim rol oʻynashini va bu foydalanuvchilarni sogʻlom turmush tarziga oʻrgatuvchi va ijobiy oʻzgarishlarga olib keladigan mazmunli insaytlar taqdim etuvchi muhim qurilmalar ekanligini alohida taʼkidlab oʻtdi.

Xill odamlar mashgʻulotlar, toʻyimli ovqatlar va yillik tashxislar uchun qanchalar vaqt ajratishgisi kelsa, uyquni ham shunchalik birinchi oʻringa qoʻyish muhimligini alohida tushuntirdi. Odamlarga taqiladigan qurilmalar kabi texnologiyalar yordamida eng samarali uyquga erishish imkoni berilgan, deya qoʻshimcha qildi u. Xill bu borada Galaxy Watch6 ning uyqu boʻyicha kouchingga [2] oid oʻz tajribasi haqida soʻzlab berdi.

Muhokama chogʻida Pak Samsung’ning sogʻliqni saqlash ekotizimiga ham toʻxtalib, uning tibbiyot institutlari bilan hamkorligi va ekotizim va dasturiy taʼminotni ishlab chiqish toʻplamini (SDK) kengaytirishga yordam beruvchi sogʻliqni saqlashga yoʻnaltirilgan kompaniyalar roʻyxatini sanab oʻtdi. Bu hamkorlarga Samsung insaytlari va texnologiyalaridan foydalangan holda yechimlar ishlab chiqish imkonini beradi.

SI va taqiladigan texnologiya bilan sogʻlom uyqu

Sun’iy ongga boʻlgan qiziqish butun dunyo bo‘ylab tobora oshib borayotganligi va u har bir texnologik sohaga ta’sir ko‘rsatayotganligi haqida panel ishtirokchilari fikr yuritishdi va bu yangi aqlli qobiliyatlar va insaytlar yanada ko‘p odamlarga qanday qilib sog‘lom uyquga erishishga yordam berishi mumkinligi haqida o‘ylab ko‘rishdi.

Pak mobil qurilmalar qanday qilib sunʼiy ong uchun asosiy kirish nuqtasiga aylanishini va Samsung qanday qilib oʻzining Samsung Health ilovasi orqali keng koʻlamli maʼlumotlarni oʻz ichiga olgan va ularni tahlil qilgan holda shaxsiylashtirilgan va amaliy insaytlarni taqdim etishga intilayotganini taʼkidladi. Keyinchalik bu insaytlar SI tomonidan moslashtirilgan sogʻliqni saqlash tavsiyalarini taqdim etish uchun qayta ishlanadi.

“Uyqu — bu subyektiv tushuncha. Biroq obyektiv oʻlchovlarda u juda katta ahamiyatga ega. Xuddi taqiladigan qurilmalar taqdim etadigan insaytlar kabi”, dedi Lopos. “Uyquni kuzatish kengayib borayotgan sohadir va SI imkoniyatlari uni keyingi bosqichga olib chiqadi. SI texnologiyasi shaxsiylashtirilgan maʼlumotlarni foydalanuvchilar bilan baham koʻrish imkonini beradi va ularga salomatlik tomon kichik-kichik qadamlar bilan harakatni boshlashga sababchi boʻladi.

“Biz SI yordamida kuzatilgan maʼlumotlarni intuitiv va mazmunli insaytlarga aylantirishga eʼtibor qaratmoqdamiz. Bu bilan isteʼmolchilar puxtalik bilan moslashtirilgan tavsiyalarga ega boʻladilar”, qoʻshimcha qildi Pak. Uning taʼkidlashicha, ishlab chiqilayotgan yangi mahsulotlar va yangicha form-faktorlar, takomillashtirilgan sensorlar va ilgʻor algoritmlar yordamida texnologiya odamlarga uyqu rejimini izchil saqlab borishga va sogʻlom tungi uyquga erishishga yordam beradi.

Xill foydalanuvchilar sunʼiy ongning afzalliklarini aniq va shaxsiy darajada his qilishlarini aytdi. Xususan, yaqinda qoʻshiladigan My Vitality Score va Booster Card [3] kabi Samsung Health funksiyalari foydalanuvchiga ularning kundalik hayoti davomida taqdim etib boriladigan koʻrsatmalarni yanada moslashtirilgan va amaliy qilish uchun katta maʼlumotlarni tezkor tahlillar bilan birlashtiradi.

Mutaxassislarning Ushbu mazmunli panel sessiyasi orqali Samsung Butunjahon uyqu kunini nishonlamoqda va oʻzining texnologik imkoniyatlari va rivojlanayotgan mahsulotlar kategoriyasini kengaytirib, uyqu salomatligiga ustuvor ahamiyat berishda davom etadi. Uyqu vaqtida yurak sog‘lig‘ini monitoring qilishdan tashqari, Samsung sogʻ-salomatlik va sog‘lom uyquga erishishga yordam berishga sodiqligini namoyish etish uchun yangi uyqu ko‘rsatkichlarini qo‘shadi. Jumladan yurak urishi, nafas olish tezligi, tungi harakat va uyqu kechikishi, shuningdek uyqu bosqichi, qon kislorodi va terining harorati. Bundan tashqari, Samsung uyqu apnoesi funksiyasini [4] qo‘llab-quvvatlaydi, bu oddiy monitoringdan farqli oʻlaroq uyqu vaqtida qondagi kislorod miqdorini tahlil qilish, o‘rtacha va og‘ir obstruktiv uyqu apnoesi belgilarini aniqlash va foydalanuvchilarga tegishli yordam soʻrashni tavsiya qiladi. Samsung har bir insonga umri davomida salomatlik maqsadlariga erishish uchun zarur boʻlgan insaytlarni berib borish uchun oʻz texnologiyasi va oʻzining ekotizimidan puxta foydalanishga intiladi.

[1] AQShda yozgi vaqt keng tarqalgan tushuncha. Baʼzi shtatlar bu amaliyotdan voz kechishgan. Ularning maʼlum qismi esa yil davomida faqat bir marta almashtiradi.

[2] Mavjudligi bozor, model va oʻzaro bogʻlangan smartfonga qarab farq qilishi mumkin.

[3] My Vitality Score va Booster Card 2024-yilda Samsung Health’da ishga tushiriladi. Mavjudligi bozor, operator yoki taqiladigan qurilmaga qarab farq qilishi mumkin.

[4] Uyqu apnoesi funksiyasi shifokor retsepisiz ishlaydigan (OTC) dasturiy taʼminot boʻlib, mos Samsung Galaxy Watch va smartfonlarida ishlaydigan, tashqi qurilmasiz ishlaydigan mobil tibbiy ilovasidir. Bu funksiya 22 va undan katta yoshdagi foydalanuvchilarda ikki kunlik kechki monitoring davrida sezilarli darajada nafas olish buzilishi shaklida oʻrtacha va ogʻir obstruktiv uyqu apnoesi belgilarini aniqlash uchun moʻljallangan. Funksiya uzluksiz ravishda foydalanilishga moʻljallanmagan. Bu funksiya oldin uyqu apnoesi tashxisi qoʻyilgan foydalanuvchilar uchun moʻljallanmagan. Foydalanuvchilar ushbu funksiyadan malakali shifokor tomonidan qoʻyiladigan tashxis va davolashning anʼanaviy usullarining oʻrnini bosish uchun foydalanmasliklari kerak. Shuningdek, ushbu qurilma tomonidan taqdim etilgan maʼlumotlar shifokorlarga uyqu buzilishlarini tashxislashda yordam berish uchun moʻljallanmagan.

Samsung Electronics bugun (2023-yil 26-iyul) yangi Galaxy Watch6 va Galaxy Watch6 Classic qoʻlsoatlarini taqdim etdi^[1]. Taqdim qilingan qoʻlsoatlar foydalanuvchilarga sogʻlom hayot tarzini yuritish uchun kun-u tun yordam beradi^[2]. Galaxy Watch6 modellari ingichka hoshiya, keng va yanada yorqin displey, hamda puxta ishlangan interaktiv foydalanuvchi interfeysi bilan ajralib turadi^[3]. Ikkala model ham foydalanuvchilarga qoʻlsoat siferblatida keng tanlovni taqdim etadi. Bundan tashqari, foydalanuvchilar turli vaziyatlarga mos keladigan yangi qoʻlsoat tasmalari bilan taʼminlangan.

“Yangi Galaxy Watch6 va Galaxy Watch6 Classic qoʻlsoatlari bilan biz ilgʻor texnologiyalar asosida yaratilgan sogʻliq koʻrsatkichlarini kuzatish imkonini beruvchi qurilmani yaratish yoʻlidagi oʻz burchimizni bajarmoqdamiz, — deydi Samsung Electronics’ning Mobile eXperience bo`linmasi boshlig`i va prezidenti T.M. Roh. Bu esa toʻgʻri uyqu, fitnes murabbiyligi va tog`ri ovqatlanish haqidagi maslahatlarni har kuni hohlagan vaqtingizda qoʻlsoatingiz orqali olishingizni bildiradi.”

Sogʻligʻingiz uchun shaxsiy shifokor: ssog`lom uyqu^[4]

Galaxy Watch6 modellari kun davomida ijobiy oʻzgarishlarga olib keluvchi foydali maʼlumolarni taqdim etadi hamda aynan sizga mos boʻlgan amaliy koʻrsatmalar, maslahatlar berib, sizni harakatga undaydi. Salomatlik toʻgʻri uyqudan boshlanishini eʼtiborga olib, kunni qanday samarali oʻtkazsak, tunni ham xuddi shunday samarador qilish uchun Samsung foydalanuvchilarga 3 ta ko`rsatkichka eʼtibor qaratishda yordam beradi: har bir odamda oʻziga xos uyqu tartibi borligini anglash, yaxshi odatlarni shakllantirish va uyqu uchun qulay muhit yaratish.

Soʻnggi izlanishlardan kelib chiqqan toʻgʻri uyqu va salomatlik choralari asosida yaratilgan Galaxy Watch6 modellari foydalanuvchilarga har bir uyquning oʻrni va sifatini tushunishga yordam berishda Uyquni Baholash Omillarini^[5] taklif etadi: umumiy uyqu vaqti, uyqu davri, uygʻonish vaqti hamda jismoniy va ruhiy hordiq chiqarishning chuqur tahlili. Bundan tashqari, Millatlararo Uyqu Jamgʻarmasi bilan hamkorlikda ishlab chiqilgan, yanada individuallashtirilgan Uyqu Xabarlari har kuni ertalab foydalanuvchilarga ularning uyqu holati haqida batafsil fikr-mulohazalarni ham berib turadi. Shuningdek, Galaxy Watch6 foydalanuvchining uyqu va uygʻonish vaqtlari qanchalik muntazam ekanligini ko‘rsatuvchi Uyqu Muntazamligi hamda ularning uyqu turini ifodalovchi maxsus dizaynga ega Jonivor Belgisini taqdim etadi^[6].

Takomillashgan Uyqu Murabbiyi funksiyasi foydalanuvchilarga uyqu haqidagi muhim maʼlumotlarni qoʻlsoat va smartfonda bejirim tarzda ko‘rsatmalar, maslahatlar va eslatmalar koʻrinishida amalda sinash uchun taqdim etadi. Uxlashga yotganingizda Galaxy Watch6 uy elektronikasi sozlamalarini avtomatik ravishda o‘zgartirish^[7] va foydalanuvchi qoʻlsoati va telefonida Uyqu Rejimini faollashtirish^[8] orqali bildirishnomalar ovozini o‘chirish, ekranlarni xiralashtirish va hatto qoʻlsoatdagi ko‘rinmas LED infraqizil sensorini ishga tushirish bilan mukammal uyqu muhitini yaratishga yordam beradi.

Qoʻlsoatning fitnesga qaratilgan xususiyatlarida foydalanuvchilarni badantarbiya payti qoʻllab-quvvatlab turishiga alohida eʼtibor qaratilgan. Skelet mushaklari, moddalar almashinishi darajasi, tanadagi suv va yogʻ foizi kabi asosiy jismoniy koʻrsatkichlarni oʻlchdaydigan Tana Kompozitsiyasi^[9] bilan foydalanuvchining tanasi va jismoniy holatining toʻliq surati tasvirlanadi hamda maqsadlarni belgilash, natijani kuzatish uchun puxta yondashuvni taklif qilib, har bir tanaga xos fitnes qoʻllanmasini taqdim etadi. Endilikda Whisk bilan yangi hamkorlik orqali tog`ri vqatlanishka oid maslahatlar ham berib boriladi^[10].

Yangi Xususiy Yurak Urish Tezligi Maydoni funksiyasi foydalanuvchining har bir jismoniy imkoniyatlarni^[11] tahlil qilib, ularga yogʻlardan xalos boʻlishdan to intensiv mashgʻulotlargacha imkoniyatlaridan kelib chiqqan holda maqsadlarni belgilashga yordam berish uchun 5 ta optimal yugurish intensivligini belgilab beradi. 100 dan ortiq mashq natijasi kuzatgichlaridan tashqari, yangi qoʻshilgan Track Run kuzatgichi foydalanuvchining trassadagi yugurishlarini qayd qiladi, Xususiy Mashq esa foydalanuvchilarga oʻzlarining shaxsiy mashgʻulotlar tartibini yaratish va kuzatish imkonini beradi.

Avvaldan mavjud qon bosimi^[12] va elektrokardiogramma^[13] koʻrsatkichiga qo‘shilgan yangi Tartibsiz Yurak Ritmi Bildirishnomasi^[14] funksiyasi hatto uyqu vaqtida ham atriyal fibrilatsiya (AFib) belgilarini yurak ritmlarini tekshirish orqali aniqlab, foydalanuvchilarga yuragi sogʻligʻi haqida xabardor boʻlishlariga yordam beradi^[15]. Shuningdek, Galaxy Watch6 tun davomida foydalanuvchilarning tana haroratini kuzatish imkonini berib, hayz davri^[16] haqida ham muhim maʼlumotlarni berib boradi. Yiqilishni Aniqlash^[17] funksiyasi esa foydalanuvchilarning jismoniy mashqlar paytida, tik turganda yoki uxlash vaqtida tasodifan to‘shakdan yiqilib tushganini aniqlashi mumkin. Yiqilish aniqlangandan soʻng qoʻlsoatingiz favqulodda xizmat raqamiga yoki belgilangan maxsus kontaktlarga avtomatik ravishda qoʻngʻiroq yuboradi.

Yangi dizayn – faqat siz uchun

Qoʻlsoatlarni yanada taassurotli va samarali qilish yoʻlida Galaxy Watch6 modellari yanada koʻrimli, yanada kuchliroq, keng sozlamali va sizga qulay boʻlgan xilma-xil variantlarni taklif etadi.

Kengroq matn sigʻimi va klaviatura^[18]ga ega 20% kattaroq displey^[19]da oʻqish va yozish endi yanada oson boʻlishi bilan birga, bularning barchasi qoʻlsoatning qulay oʻlchamini saqlab qoladi. Yanada jonli va katta oʻlchamdagi displey 2000 nitli oʻta yuqori yorqinlikka ega boʻlib, Doim Yoniq Displey rejimining yorqinlik sozlamasi funksiyasi foydalanuvchilarga quyosh nurida ham muammolarsiz ish yuritish imkonini beradi. Kuchli protsessor va keng xotira bilan taʼminlangan Galaxy Watch6 bilan yanada tez va qotishlarsiz ishlay olasiz.

Galaxy Watch6 30% ingicharoq hoshiyaga ega, Watch6 Classic esa 15% ingichkaroq aylanma hoshiya bilan taʼminlangan boʻlib^[20], brendimizning doirali hoshiyasi goʻzalligini oshiradi. Galaxy Watch6 modellari katta displeydan maksimal darajada unumli foydalangan yangicha didli, interaktiv va toʻliqroq maʼlumot beruvchi qoʻlsoatlar boʻlib, one-click yangi qoʻlsoat tasmalari bilan esa foydalanuvchilar oʻziga mos va yarashadigan tasmalarni osongina topa olishadi. 704 dan oshiq noyob kombinatsiya tanlovi bilan foydalanuvchilar Samsung.com^[21] sayti orqali oʻzlarining mukammal soatlarini hosil qilishlari mumkin. Misol uchun, yangicha va yengil Matoli Tasma^[22] bilan Sleep Coaching qoʻlsoat siferblati mukammal juftlik boʻlib, sizga qulay tarzda uyqungiz haqida muhim maʼlumotlarni beradi.

Oʻzining kattaroq va yorqinroq displeyiga moslangan katta sigʻimli batareya va quvvatning kam sarflanishi^[23] Galaxy Watch6 modellarining yangi xususiyatlaridir. Atigi sakkiz daqiqali tezkor quvvatlash bilan foydalanuvchilar yana sakkiz soat qoʻlsoatdan foydalana oladilar. Bu esa tun davomida uyquni kuzatish uchun ayni muddao.^[24]

Bilagingiz orqali kuningizni maksimal samarali oʻtkazing^[25]

Galaxy Watch6 modellari har bir foydalanuvchining bilagiga koʻplab qobiliyatlar tuhfa etadi. Galaxy Watch6 oʻzining yangi Samsung Wallet^[26] funksiyasi Samsung Pay bilan Samsung Pass funksiyalarni yaxlitlashtirib, foydalanuvchining turli-tuman hamyonlarini bir joyda olib yurishga qoʻl keladi. Jumladan bular IDlar, maxsus chiptalar, uchish chiptalaridan tortib, kredit kartalari va aʼzolik kartalarini o‘z ichiga oladi. Keng sozlamali Imo-ishora Boshqaruvi foydalanuvchilarga qoʻlsoatlarini qulay tarzda sodda harakatlar bilan boshqarish hamda shaxsiy yorliqlarini yaratish, endilikda ilovalar va funksiyalarni barmoq bilan tegishlarsiz ochish imkonini yaratadi.

WhatsApp Galaxy Watch foydalanuvchilariga doʻstlar va oila aʼzolari bilan telefonsiz ham aloqada boʻlishni osonlashtiradi. Joriy kuzdan boshlab foydalanuvchilar Google Calendar va Gmail’dan Wear OS’dagina foydalanish mumkin bo‘lgan yangi ilovalar bilan qoʻlsoatlar orqali samarali ishlashlari mumkin. Shuningdek, foydalanuvchilar Peloton va MyFitnessPal ilovalarining kelasi yangi versiyalari yordamida fitnes progresсini yoki овқатланиш haqidagi maʼlumotlarni osonroq kuzatishi mumkin va tez orada Audible bilan qoʻshimcha striming xizmatlaridan bahramand boʻladilar. Bundan tashqari, Samsung’ning Privileged Health dasturiy taʼminot yaratish vositasi (SDK) sirasiga kiradigan yangi Skin Temperature API joriy etilishi bilan hamkorlarimiz tez orada foydalanuvchilarga butunlay yangi imkoniyatlar dunyosini ochuvchi ilgʻor infraqizil texnologiyalardan foydalanishlari mumkin boʻladi. Bu texnologiya orqali yanada aniqroq oʻlchovlar olib borish imkoni ochiladi. Yaqinda ishga tushirilgan Thermo Check ilovasi yangi API afzalliklaridan unumli foydalanib, uzoq masofaga suzishdan oldin okean haroratini yoki sevimli taomning haroratini muammolarsiz oʻlchash imkonini beradi.

Boshqa Samsung qurilmalari bilan birgalikda Galaxy Watch6 modellari foydalanuvchining ish samaradorligini yanada oshiradi. Yangilangan Kamera Boshqaruvi qoʻlsoat orqali masofadan Galaxy Z Flip5 kamerasi^[27] rejimini almashtirish va kamerani yaqinlashtirish imkonini beradi. Samsung Smart TV^[28] yoki Galaxy Tab S9 planshetining katta ekranida real vaqtda foydalanuvchining xususiy fitnes yoki ongni rivojlantirish dasturidagi joriy progresсini ko‘rsatadi. Foydalanuvchilar Avtomatik Ulash orqali Samsung qurilmalari boʻylab Galaxy Buds2 Pro avtomatik ulanishini yoqib qoʻyishlari mumkin. Mabodo foydalanuvchilar telefonini yoʻqotib qoʻysalar, Galaxy Watch6 modellari endilikda Telefonimni Top orqali telefon turgan joyni xarita yordamida aniqlay oladilar^[29].

Qoʻlsoatdagi shaxsiy maʼlumotlar, har doimgidek, Samsung Knox tomonidan xavfsiz saqlanadi.

Mavjudligi

Galaxy Watch6 va Galaxy Watch6 Classic 26-iyuldan boshlab ayrim bozorlarda oldindan buyurtma qilish mumkin. Boshqa barcha bozorlarda 11-avgustdan mavjud boʻladi.

Galaxy Watch6 — zamonaviy va ixcham dizaynga ega eng soʻnggi kunlik hamroh qoʻlsoatingizdir. Qoʻlsoat 44 millimetr grafit va kumush rang va 40 millimetr grafit va oltin rang variantlarda mavjud. Premium turkumida va eskirmaydigan dizayn sizning istagingiz boʻlsa, muxlislarimiz sevadigan aylanma hoshiyali, Qora va Kumush ranglardagi 43 va 47 millimetrli Galaxy Watch6 Classic siz uchun eng maqbul tanlovdir.

Agar siz sayohatchi boʻlsangiz va sizga chidamlilik, tezkorlik hamda didli qoʻlsoat kerak boʻlsa, Galaxy Watch5 Pro ajoyib tanlov boʻlib qoladi. Galaxy Watch5 Pro yanada takomillashgan GPS almashinuv formati (GPX) funksiyalari bilan birga keladi^[30]. GPX Fayllar Ombori bilan yangi yoʻllarni zabt eting va tavsiya etiladigan yonalishlarni qulay qidiring. Undan tashqari, Yonalish mashqlari endilikda avvaldan mavjud piyoda sayr va velosport mashqlariga qoʻshimcha тарзда masofaga yugurish va yurish mashqlarini kuzatish imkonini beradi.

Galaxy Watch6 va Galaxy Watch6 Classic haqida batafsil maʼlumotga ega boʻlish uchun samsung.com yoki news.samsung.com/global sahifalariga tashrif buyuring.

Mahsulotlari xususiyatlari

^[1] Mahsulot mavjudligi doʻkon, model va mahsulotga ulangan smartfonga qarab oʻzgarishi mumkin. Mazkur hujjatda keltirilgan barcha funksionallik, xususiyatlar, texnik xususiyatlar va mahsulotning boshqa maʼlumotlari, shuningdek, mahsulotning afzalliklari, dizayni, narxi, komponentlari, tezkorligi, mavjudligi va imkoniyatlari ogohlantirilmasdan oʻzgartirilishi mumkin.

^[2] Faqat umumiy salomatlik va fitnes maqsadlari uchun moʻljallangan. Har qanday tibbiy holat yoki kasallikni aniqlash, tashxislash, davolash, monitoring qilishda foydalanish uchun moʻljallanmagan. Qurilma va/yoki ilova orqali olingan har qanday sogʻliq bilan bogʻliq maʼlumotlarga tibbiy koʻrik sifatida qaralmasligi kerak. Foydalanuvchilar har bir tibbiy koʻrik uchun shifokorga murojaat qilishlari lozim. Baʼzi xususiyatlar doʻkon, operatorga yoki ulangan qurilmaga qarab oʻzgarishi mumkin.

^[3] Galaxy Watch5 modellari bilan solishtirilganda.

^[4] Uyquga oid funksiyalar faqat umumiy salomatlik va fitnes maqsadlari uchun moʻljallangan. Qurilma tomonidan olingan oʻlchovlar faqat shaxsiy maʼlumotlaringizni solishtirish uchun. Iltimos, tibbiy maslahat uchun shifokor bilan maslahatlashing.

^[5] Ulangan smartfonda koʻrinadi.

^[6] Kamida 7 kunlik uyqu va 2 kunlik dam kunlariga oid maʼlumot talab qilinadi.

^[7] SmartThings’dan roʻyxatdan oʻtgan smart qurilmalarda mavjud. Samsung Clock va SmartThings mobil ilovalarining oxirgi versiyasini talab qiladi.

^[8] One UI 5 yoki undan yuqori versiyada ishlaydigan Galaxy smartfonlarida mavjud.

^[9] Agar sizda yurak stimulyatori yoki boshqa implantatsiya qilingan tibbiy uskuna oʻrnatilgan boʻlsa yoki homilador boʻlsangiz, Tana Kompozitsiyasidan foydalanmaslik kerak. Agar siz 20 yoshdan kichik boʻlsangiz, oʻlchov natijalari aniq boʻlmasligi mumkin. Faqat umumiy salomatlik va fitnes maqsadlari uchun moʻljallangan.

^[10] Ingliz va koreys tillarida.

^[11] Yugurish mashqi uchun har bir Yurak Urushi zonasining diapazonlarini yurak va oʻpka organlari imkoniyatlardan kelib chiqqan holda yangilash uchun ochiq havoda 10 daqiqadan koʻproq vaqt davomida 4 km/soat yoki undan yuqori tezlikda yugurish talab qilinadi.

^[12] Qon bosimi funksiyasi faqat ayrim doʻkonlarda mavjud. Aniqlik taʼminlanishi uchun foydalanuvchilar har toʻrt haftada anʼanaviy qon bosimi oʻlchagichi yordamida qurilmalarini kalibrlab turishi kerak. Qon Bosimi funksiyasi gipertenziya, turli kasalliklarni tashxis qila olmaydi yoki yurak xuruji belgilarini tekshira olmaydi. Bu malakali sogʻliqni saqlash mutaxassisi tomonidan tashxisni yoki davolashning anʼanaviy usullarining oʻrnini bosish uchun moʻljallanmagan.

^[13] ECG funksiyasi faqat saralangan doʻkonlarda mavjud. Bu tibbiy tashxis yoki davolashning anʼanaviy usullarining oʻrnini bosish uchun moʻljallanmagan. Funksiya AFib’dan tashqari maʼlum boshqa aritmiyalari bor foydalanuvchilar uchun moʻljallanmagan. Foydalanuvchilar malakali sogʻliqni saqlash mutaxassisi bilan konsultatsiya qilmasdan qurilmada koʻrsatilgan maʼlumot asosida tibbiy choralar koʻrmasliklari kerak.

^[14] TYRB funksiyasi faqat saralangan doʻkonlarda mavjud. Bu AFib’ni koʻrsatadigan tartibsiz ritmning har bir epizodi haqida xabar berish uchun moʻljallanmagan va bildirishnomaning yoʻqligi kasallik mavjud emasligini koʻrsatish uchun moʻljallanmagan. Boshqa maʼlum aritmiyalari bor foydalanuvchilar uchun moʻljallanmagan.

^[15] Bu funksiyalar Samsung Health Monitor ilovasida taqdim etiladi. Mavjudligi doʻkon yoki qurilmaga qarab oʻzgarishi mumkin. Tibbiy dasturiy taʼminot qurilmasi (SaMD) sifatida tasdiqlash/roʻyxatdan oʻtishda doʻkon cheklovlari tufayli faqat joriy vaqtda xizmat taqdim etilgan mamlakatlarda xarid qilingan telefon va qoʻlsoatlarda ishlaydi (biroq foydalanuvchilar xizmat koʻrsatilmaydigan doʻkonlarga borganlarida, xizmat cheklanishi mumkin). Bu ilovadan faqat 22 va undan katta yoshdagilar foydalanishi mumkin.

^[16] Tibbiy qurilma sifatida ruxsat olish/roʻyxatdan oʻtish boʻyicha mamlakat cheklovlari tufayli bu funksiya faqat joriy vaqtda xizmat taqdim etilgan mamlakatlarda xarid qilingan telefon va qoʻlsoatlarda ishlaydi. Kontratsepsiya uchun moʻljallanmagan. Agar siz hozirda gormonal kontratseptiv vositalardan foydalanayotgan boʻlsangiz yoki ovulyatsiyani toʻxtatuvchi gormonal davolanishdan oʻtayotgan boʻlsangiz, bu funksiya ovulyatsiyani kuzatish uchun qoʻl kelmaydi. Qoʻlsoatingizdan toʻgʻri foydalanish, unga kiritilgan maʼlumotlar, atrof-muhitingizdagi sharoit va boshqa omillarga qarab, qurilma chiqaradigan taxminiy natijalar farq qilishi mumkin. 18 yosh va undan katta foydalanuvchilar uchun moʻljallangan. Foydalanuvchilar malakali sogʻliqni saqlash mutaxassisi bilan konsultatsiya qilmasdan taxminiy natijalarga asoslanib tibbiy choralar koʻrmasliklari kerak.

^[17] Favqulodda kontaktga xabar yuborish uchun internet tarmogʻiga ulanish talab qilinadi. GPS aniqligi sun’iy yoʻldosh signalini toʻsadigan binolar tufayli pasayishi mumkin.

^[18] Galaxy Watch6 Small (40 mm) va Galaxy Watch6 Classic Small (43 mm) modellarini Galaxy Watch5 va Galaxy Watch4 Classic bilan solishtirganda, bildirishnoma xabariga 33 foiz ko‘proq matn sigʻgan va klaviatura hajmi 13 foizga oshgan.

^[19] Ekran o‘lchami Galaxy Watch6 Small (40 mm) va Galaxy Watch6 Classic Small (43 mm) bilan taqqoslangan. Galaxy Watch5 Small (40 mm) va Galaxy Watch4 Classic Small (42 mm) bilan solishtirilgan. Galaxy Watch6 Large (44 mm) va Galaxy Watch6 Classic Large (47 mm) modellari taqqoslanishi asosida ekran o‘lchami farqi 16% ni tashkil qiladi.

^[20] Galaxy Watch6 Small (40 mm) Galaxy Watch5 Small (40 mm) modelidan 30 foizga ingichkaroq hoshiyani, Galaxy Watch6 Classic esa Galaxy Watch4 Classic moedelidan 15 foizga ingichkaroq aylanma hoshiyani taqdim etadi.

^[21] samsung.com saytida saralangan doʻkonlarda mavjud. Mavjud kombinatsiyalar soni doʻkonga qarab oʻzgarishi mumkin.

^[22] Alohida sotiladi. Tasmalarning mavjudligi doʻkon yoki operatorga qarab oʻzgarishi mumkin.

^[23] Galaxy Watch5 va Galaxy Watch4 Classic bilan solishtirganda.

^[24] Sinov Samsung telefoniga ulangan Galaxy Watch6 va Galaxy Watch6 Classic (BT & LTE) ning prereliz versiyalarida Samsung tomonidan oʻtkazildi; har bir qurilma prereliz dasturiy taʼminotida hamda Galaxy Watch Magnetic Fast Charging USB C kabeli (EP-OR900) va Samsung 25W USB C quvvat adapteri (EP-TA800)  bilan sinovdan oʻtdi. Quvvatlash vaqti davomiyligi mintaqa, sozlamalar, foydalanish tartibi va atrof-muhit omillariga qarab oʻzgaradi; boshqa natijalar bilan farq qilishi mumkin. Samsung 25W USB C quvvat adapteri (EP-TA800) alohida sotiladi.

^[25] Muayyan ilovalar/xususiyatlarning mavjudligi doʻkon, operator yoki ulangan qurilmaga qarab oʻzgarishi mumkin. Baʼzi ilovalar uchun obuna toʻlovlari olinishi mumkin.

^[26] Samsung Wallet va uning funksiyalari mavjudligi doʻkon va ulangan smartfonga qarab oʻzgarishi mumkin.

^[27] Galaxy S9 va yangi modellarda mavjud.

^[28] Bu funksiya Galaxy Watch modelini 2021-yilgi yoki undan yangi Smart TV bilan ulashni talab qiladi. Mavjudligi doʻkon va ulangan smartfonga qarab oʻzgarishi mumkin.

^[29] Bu funksiya foydalanuvchi qoʻlsoatini telefoniga ulashi va bir Samsung akkauntiga kirishni talab qiladi.

^[30] GPS funksiyasi internetga ulanishni talab qiladi. U LTE mavjud modellarda smartfon ulanishini talab qilmaydi. LTE mavjud boʻlmagan modellari smartfonga ulanishi va smartfonda Bluetooth tarmogʻi yoniq boʻlishini talab qiladi.