Barselona, Ispaniya – 2023-yil 27-fevral – Samsung Electronics Co., Ltd. kompaniyasi ish faoliyatini yaxshilash va quvvatni tejash uchun virtuallashtirilgan RAN (vRAN) ga yangi darajadagi imkoniyatlarni keltirayotganini e’lon qildi. Kengaytirilgan vRAN dasturi kelajakdagi operatorlarning ehtiyojlarini qondirish uchun optimallashtirilgan bir qator yangi aqlli funksiyalarga ega bo’ladi. Bu tarmoq virtualizatsiyasining keyingi bosqichiga yo‘l ochishga yordam beradigan ilg‘or imkoniyatlarni o‘z ichiga oladi. “Aqlli” funksiyalar sig‘imni oshiradi, Massive MIMO radiostansiyalar muqobilligini ta’minlaydi, tarmoq sharoitlarini optimallashtirish uchun soatlik trafik sxemalarini tahlil qiladi va quvvatni tejash uchun tarmoqlarni “uyqu rejimi” bilan avtomatlashtiradi.

Samsung kompaniyasi, vRAN bozori yetakchisi, dunyo bo‘ylab virtualizatsiyalangan 5G tarmoqlarini ommaviy ravishda tijoratlashtirishda o‘z hissasini qo‘shdi. Kompaniya ko’plab qit’alarda – Amerika, Yevropa va Osiyoda 1-darajali operatorlar bilan keng ko’lamli tijorat vRAN’ni ishga tushirgan yagona yirik sotuvchidir.

“Samsung 5G vRAN o‘z ish faoliyatini muvaffaqiyatli isbotlab, tijorat tarmoqlarida an’anaviy apparat darajasida natijalarni taqdim etgan bo‘lsa-da, biz “Samsung vRAN 3.0 bilan vRAN dasturiy ta’minotini ishlab chiqishning keyingi bosqichiga tezlik bilan o‘tmoqdamiz”, dedi Ji-Yun Seol, vitse-prezident va Samsung Electronics mahsulot strategiyasi bo’limi boshlig’i. U ta’kidladi: “Yechimning dasturiy ta’minotga asoslangan tabiati bizga ushbu ilg’or xususiyatlarni – ishlashni optimallashtirish va energiya samaradorligini – an’anaviy RAN uskunalariga qaraganda tezroq qo’shish imkonini beradi. Samsung’ning soʻnggi funksiyalari virtualizatsiya tarmoqlariga tezlik bilan oʻtadigan operatorlarga katta foyda keltiradi”.

Samsung’ning keyingi darajadagi vRAN imkoniyatlariga quyidagilar kiradi:

Unumdorlikni optimallashtirish

• 200 MGts chastotali 3 hujayrani muqobilligini ta’minlash

Dasturiy ta’minot yangilanishi bilan Samsung vRAN virtual tarmog’i o’zining 64T64R Massive MIMO radiomoduli yordamida 200 MGts tarmoqli kengligini taqdim etadigan 3 hujayrali konfiguratsiyani ta’minlash imkoniyati bilan jihozlanadi. Bu operatorning barcha oʻrta diapazonli 5G spektrini taqdim etishga qodir boʻlgan oldingi avlod dasturiy taʼminotiga nisbatan ta’minlanadigan radio oʻtkazuvchanlik kengligidan uch baravar koʻproqdir.

• Modem algoritmini optimallashtirish

Samsung o’zining rivojlanish rejasiga modem algoritmini optimallashtirish yondashuvini kiritadi. Uskunaga yo’naltirilgan yondashuvdan farqli o’laroq, modem algoritmlarini optimallashtirish operatorlarga faqat kerakli xususiyatlar va konfiguratsiyalar bilan o’z ehtiyojlariga moslashtirilgan dasturiy ta’minotni olish imkonini beradi, bu esa COTS serverlarini optimallashtirish va samarali ishlatish imkonini beradi.

Energiya tejash

• CPU yadrosining uyqudagi rejimi

Samsung vRAN dasturiy taʼminotida mavjud boʻlgan ushbu xususiyat protsessorni avtomatik ravishda “uyqu rejimiga” oʻtkazish yoki maʼlumotlar oqimi kam boʻlgan davrda foydalanilmagan CPU yadrolarini oʻchirish orqali quvvat sarfini kamaytiradi. Sig’imga bo’lgan ehtiyoj yana oshganda, Markaziy protsessor yadrolari uyqudan uyg’onadi.

• Moslashuvchan yadro ajratish

Samsung vRAN dasturiy ta’minotining ushbu xususiyati faol hujayralar soniga mutanosib ravishda hujayra o’rnatish vaqtida bir qator CPU yadrolarini tayinlaydi. Tayinlanmagan yoki foydalanilmagan protsessor yadrolari quvvat sarfini kamaytirish va sig’imga bo’lgan talab oshganda uyg’onish uchun uyqu rejimiga o’tkaziladi.

• Quvvatni tejash funksiyasi orkestri (ESFO)

ESFO – bu bitta platformada quvvatni tejashning bir nechta xususiyatlarini boshqaradigan, xizmat ko’rsatishni to’xtatmasdan samaradorlikni optimallashtiradigan orkestratsiya vositasi.

ESFO har bir sektor va vaqt zonasi uchun va har bir energiya tejash funksiyasi uchun soatlik trafik modellarini avtomatik ravishda tahlil qiladi va ish sharoitlarini optimallashtiradi. Asbob bir nechta energiya tejash funktsiyalari uchun ko’p darajali energiya tejash operatsiyalarini doimiy ravishda yangilaydi. Masalan, trafik shaklidagi o’zgarishlar va oldingi natijalarni aks ettirish uchun hujayrani yoqish/o’chirish va Tx yo’lini yoqish/o’chirish.

Ushbu ilg’or imkoniyatlar bilan Samsung vRAN keng ko’lamli tijorat virtualizatsiya tarmoqlarini yanada oqilona boshqarish va ishlashini qo’llab-quvvatlashi mumkin. Axir, tobora ko’proq operatorlar o’z mijozlarining yangi avlod tarmoqlaridagi ehtiyojlarini qondirishga intilmoqda. Samsung o’zining yangi vRAN imkoniyatlarini 2023 yilning birinchi yarmida Shimoliy Amerikada ishlab chiqarishni boshlab, global operatorlarga taqdim etishni rejalashtirmoqda.

Samsung 5G yechimlarini, jumladan, mikrosxemalar, radiomodullar va yadrolarni muvaffaqiyatli yetkazib berishda birinchilardan hisoblanadi. Samsung doimiy tadqiqot va ishlanmalar orqali bozorda yetakchi mahsulot portfeli bilan sanoatni 5G tarmoqlarini rivojlantirishga undamoqda. Virtuallashtirilgan RAN va Core’dan xususiy tarmoq yechimlari va sun’iy intellekt yordamida avtomatlashtirish vositalarigacha. Hozirda kompaniya uyali aloqa operatorlariga tarmoq yechimlarini taqdim etadi. Va ular butun dunyo bo’ylab yuz millionlab foydalanuvchilarga ulanish imkonini beradi.

Yangi takomillashtirilgan SCO koʻp bulutli sistemani taklif etadi, keng koʻlamli vRAN oʻrnatish uchun masshtablilik va moslashuvchanlikni yaxshilaydi va yangi xizmat turlarinii bozorga chiqarish vaqtini tezlashtiradi.

Barselona, ​​Ispaniya – 2023-yil 27-fevral – Samsung Electronics Co., Ltd. bugun o’zining Samsung Cloud Orchestrator (SCO) ni takomillashtirilgan ko`rinishini taqdim etdi, bu keng ko’lamli virtualizatsiyalangan radio ulanish tarmoqlarining (vRAN) boshqaruvinii avtomatlashtiradigan yechim. SCO operatorlarga yuzlab va minglab saytlarni bitta platformadan boshqarishni, roʻyxatga olish jarayonini, joylashuvini va operatsiyalarni osonlashtiradi.

SCO endi shaxsiy va ommaviy bulutlarda vRAN oʻrnatishni avtomatlashtirishni qoʻllab-quvvatlaydi, bu tarmoq xizmatlarini bir nechta bulutlar orqali yetkazib berish imkonini beradi va bu koʻp tarmoqli operatorlarga turli joylashuv sharoitlariga moslashuvchanlikni masshtablashtirish opsiyasini yaratadi.

Samsung SCOni virtualizatsiyalangan RAN Osiyo, Yevropa va Shimoliy Amerikadagi birinchi darajali operatorlarga oʻz tarmoqlarini joylashtirishlari va ishlatishlari uchun foydalanishga topshirdi.

“Avtomatlashtirilgan dasturiy taʼminotga asoslangan tarmoqlarga tezlik bilan oʻtayotgan operatorlar uchun ajoyib imkoniyat yaratilmoqda. Bizning takomillashtirilgan Samsung Cloud Orchestratorimiz yordamida operatorlar o‘z vRAN’larini maksimal samaradorlik va moslashuvchanlik bilan joylashtirishlari va boshqarishlari mumkin bo`ladi”, dedi Ijrochi vitse-prezident Jun Mun, Samsung Electronics kompaniyasining tarmoq biznesi bo’yicha ilmiy-tadqiqot bo’limi boshlig’i. “Bu Samsungning vRANni keyingi bosqichga olib chiqish vositalarni ishlab chiqish va joylashtirish uchun yonaltirilgan maqsadlaridan biri.”

SCO virtuallashtirilgan va Open RAN tarmoqlari operatorlariga tarmoq yaratish jarayonida qo’lda bajariladigan vazifalarni soddalashtirish imkonini yaratadi. Bu markazlashtirilgan portal orqali jarayonlarni oxirigacha muvofiqlashtirishni qo’llab-quvvatlaydigan integratsiyalashgan avtomatlashtirish platformasi bo’lib, unda foydalanuvchilar o’z tarmog’ining holatini yagona platformada ko’rishlari va nazorat qilishlari mumkin.

SCO tomonidan taqdim etilgan takomillashkan asosiy jarayonlar quyidagilardan iborat:

• Onboarding: Operatorlar ushbu funksiyadan har bir saytga o’rnatish uchun tayyorlangan paketlarni va rejalashtirilgan joylashtirish vazifalarini avtomatik ravishda bajarish uchun foydalanilishi mumkin. Bu operatorlarga o’zlarining CI/CD (uzluksiz integratsiya va uzluksiz joylashtirish) muhitini osongina amalga oshirish imkonini beradi. U paket versiyasini va fayl formatlarini tekshiradi va paketdagi yetishmayotgan komponentlarni avtomatik ravishda tekshiradi.

• Joylashtirish. Operatorlar markazlashtirilgan joydan bitta tugmani bosish orqali katta saytlarning populyatsiyalarini ishga tushirish uchun zarur bo’lgan bir nechta dasturiy ta’minot paketlarini va vRAN konteynerlarini tarqatishi mumkin, bu esa umumiy joylashtirish vaqtini qisqartiradi. Bundan tashqari, markazlashtirilgan vazifalarni boshqarish orqali har bir tayanch stantsiyani o’rnatish jarayonini soddalashtirishga yordam beradi.

• Operatsiyalar: SCO har bir tarmoqning barqarorligini ta’minlash uchun vRAN dasturiy ta’minotini avtomatik yangilanishi, tiklanishi va masshtablanishi mumkin, bu esa operatorlarga ushbu vazifalarni masofadan masshtabda bajarish orqali optimal tarmoq sharoitlarini saqlab qolish imkonini beradi.

Samsung 5G yechimlarini, jumladan, chipsetlar, radiolar va yadrolarni muvaffaqiyatli yetkazib berishda yetakchi kompaniyalarni biri dep hisoblanadi. Davom etayotgan tadqiqot va ishlanmalar orqali Samsung oʻzining bozorda yetakchi mahsulot portfeli bilan virtualizatsiyalangan RAN va Core dan xususiy tarmoq yechimlari va sunʼiy intellekt yordamida boshqariladigan avtomatlashtirish sanoatini 5G tarmoqlarini rivojlantirishga undamoqda. Hozirda kompaniya butun dunyo bo’ylab yuz millionlab foydalanuvchilarni bog’laydigan uyali aloqa operatorlariga tarmoq yechimlarini taqdim etadi.

Butun dunyodagi Galaxy muxlislariga Galaxy S23 seriyasini yaxshiroq bilish imkoniyatini berish uchun Samsung maxsus Galaxy Experience Spaces va dunyoning ba’zi mashhur joylarida bir qator tadbirlar uyushtirdi.

Galaxy Experience Space tadbiri qanday o’tganligi haqida tasavvurga ega bo’lish uchun Samsung Newsroom tashrif buyuruvchilar uchun qiziqarli joylarning eng epik fotolahzalarini namoyish etmoqda.

“London Mall”ning qoq markazidagi Premium darajadagi tajriba

▲ Londondagi “Unutilmas lahzalar bilan bo’lishing”. Vestfild Uayt-Siti shahriga tashrif buyuruvchilar Galaxy Experience Space-da Galaxy S23 seriyasining yangi xususiyatlari, betakror gadjet vitrinalari bilan tanishishmoqdalar.

Galaxy S23 seriyasining innovatsion xususiyatlarini Buyuk Britaniyadagi foydalanuvchilarga yetkazish uchun Samsung kompaniyasi Londonning Westfield White City savdo markazining o‘rtasida joylashgan Galaxy Experience Spaceni namoyish qildi.

Foydalanuvchilar Samsungning so‘nggi qurilmalari va “Epik lahzalar” haqida ko‘proq ma’lumot olishga ega Londondagi eng yirik savdo markazlaridan birida innovatsion dizaynli, mahsulotlarning tabiatiga mos  futuristik o‘yin maydonchasi sifatida yaratilgan.

Seulning hayajonli tungi hayotidan tortib Galaxy bilan jihozlangan fotostend va interaktiv o‘yin zonalari 1 fevraldan 12-martgacha Galaxyning so‘nggi xususiyatlarini haqiqiy uslubda ko‘rish imkoniyati paydo bo‘ladi.

Parij Galaxy Experience Spaceda innovatsion qurilmalar va unutilmas tajriba

▲ Parijdagi Westfield Les 4 Temps savdo markazidagi Galaxy Experience Spacega tashrif buyuruvchilar yangi Galaxy S23 seriyasi bilan tanishishlari mumkin va eng so’nggi flagman seriyasidan ilhomlangan tajribalardan bahramand bo’lish imkoniga egadirlar.

Parijda (Fransiya) Yevropaning yetakchi biznes hududi bo‘lmish La Défense markazida joylashgan Westfield Les 4 Temps savdo markaziga tashrif buyuruvchilar ham butunlay yangi Galaxy S23 seriyasini ko‘rish imkoniyatiga ega bo‘ldilar.

Yangi mahsulotni namoyon qilish, ya’ni ochilish marosimidan so’ng, tashrif buyuruvchilar maxsus tajriba o’yinlari, foto- va “Nightography” zonalaridan bahramand bo’lishlari maqsadida Galaxy Experience Space 1-martgacha ochiq bo’ladi.

Bundan tashqari, tashrif buyuruvchilar, Galaxy S23 seriyasi foydalanuvchilari uchun ijodkorlikdan ilhomlangan har hafta Galaxy S23 mavzusidagi maxsus tadbirlar va tanlovlarda ishtirok etishlari ham mumkin.

Singapurdagi Marina Bayda Epik lahzalar

▲ Marina Bay markazida joylashgan Singapurning Galaxy Experience Space foydalanuvchilarga Galaxy S23 seriyasining barcha qiziqarli yangi xususiyatlari bilan tanishish imkonini beradi.

Marina Bay koʻrfaz bogʻlarining goʻzal gʻarbiy maysazorida joylashgan, 2-25 fevral kunlari boʻlib oʻtadigan Singapurdagi Galaxy Experience Space koʻrgazmasi oʻziga xos bogʻ shahriga, sayyoramiz ekologiyasini o’ylab yaratilgan Galaxy S23 seriyasining oʻziga ehtirom koʻrsatadi.

“Tungi Seul” foto zonasida tashrif buyuruvchilar Janubiy Koreya poytaxtining hayratlanarli tungi manzarasidan, Galaxy S23 bilan chinakam kinematografik tungi suratga olishdan bahramand bo‘lishlari mumkin.  O’yin zonasida geymerlar Galaxy S23 seriyasining premium o’yin ko’rsatkichlariga sho’ng’ishlari mumkin.

Bundan tashqari, Galaxy Experience Spacening Bespoke Studio maydoni tashrif buyuruvchilarga One UI 5 yordamida o‘z qurilmalarining korpusini qanday sozlashni va o‘ziga xos qilishlari mumkinligini ko’rsatiladi.

  «Iconic Dubai Mall»da Galaxy S23 seriyasi bilan tanishuv

The Dubai Mall’dagi Galaxy Experience Space’ga tashrif buyuruvchilar Samsung’ning maxsus mutaxassislari orqali Galaxy S23 seriyasini immersiv tajriba zonalarida ko‘rishadi.

Mintaqaning eng mashhur savdo markazlaridan biri bo‘lgan Dubai Mallga tashrif buyurganlar 2-28 fevral kunlari Galaxy Experience Space-da yangi Galaxy S23 seriyasini birinchi qo‘ldan ko‘rishga muvaffaq bo‘lishdi. Tashrif buyuruvchilar Samsungning “Kundalik barqarorlik” haqidagi qarashlari bilan tanishdilar va Galaxy texnologiyalari atrof-muhitga e’tiborli amaliyotlarni o‘zida mujassamlashtirganini ko‘rishdi.

Tashrif buyuruvchilarga Samsung kompaniyasining so‘nggi yangiliklari hamda Galaxy S23 seriyasining ajoyib xususiyatlari haqidagi barcha ma’lumotlarni taqdim etish maqsadida Samsung mutaxassislari ishtirokida maxsus tajriba maydoni tashkil etilgan. Tashrif buyuruvchilar noyob o‘yinlar yoki fototanlovlarda ishtirok etishlari hamda qurilmaning qalqib chiquvchi oynasidan foydalanib, Galaxy qurilmasi orqali surat va kontent olish uchun sinab ko‘rishlari mumkin.

Har bir zona xoh u eng soʻnggi Galaxy kamera tizimining obyektivini koʻrish bo’ladimi, Galaxy ekotizimining ulanishini sinab koʻrish yoki Samsungning barqaror kelajakni qurish borasidagi saʼy-harakatlarini oʻrganish bo’ladimi, oʻziga xos tajribani taqdim etadi.

“Bangalor” Opera teatrida smartfonlarning Yangi davrining katta tantanasi

Galaxy muxlislari Unpacked kechasidan taasurotlanib, Hindistonning Bangalor shahridagi Samsung Opera House’da so’nggi flagman liniyasi haqida bilib olishadi.

Hindistondagi Galaxy muxlislari va matbuot vakillariga Unpacked Night kabi tajribasini berish uchun Samsung Bangalor markazida joylashgan Samsung Opera Houseda maxsus tadbir uyushtirdi.

Kompaniyaning eng so‘nggi qurilmalari taqdimoti ajoyib Samsung Opera Housega tashrif buyuruvchilar uchun kulminatsion nuqta bo‘ldi, sababi tashrif buyuruvchilarga dunyoda “epik uslub” nimani anglatishini ko‘rsatuvchi yangi standartlarni belgilovchi eng so‘nggi qurilmalar bilan bevosita tanishish imkonini berdi. Galaxy S23 seriyasi taqdim etgan premium tajribalarga mos keladigan tadbir deya olamiz.

Yorqin kechalar. Samsung KX, London

▲ Londondagi Samsung KX ko’rgazmasida namoyish etilgan Galaxy Unpacked, yangi shiori bilan empirik displey bo’lib, yangi slogan bilan “Epik lahzalar” namoyish etildi.

Samsung KX Unpacked tadbiri ishtirokchilari Galaxy S23 seriyasining imkoniyatlarini namoyish etuvchi inson e’tiborini tortadigan, tajriba stendi bilan ham bahramand bo’lishdi. Quick Share funksiyasidan foydalanib, tashrif buyuruvchilar videolarini ijtimoiy tarmoqlar platformalariga osongina yuklashlari mumkin bo’ldi.

Shuningdek, ko’rgazmanda Galaxy Book3 seriyasining yangi displeyi va Samsungning to’liq ekotizimini namoyish etib va tashrif buyuruvchilarga yangi qurilmalar bilan tanishish uchun ajoyib va  qiziqarli shaklda namoyish etildi.

Yangi Galaxy S23 seriyasi haqidagi so’nggi yangiliklardan xabardor bo’lish uchun Samsung Newsroomni kuzating.