Galaxy Unpacked 2024’da chiqarilgan yangi mahsulotlar, jumladan, Galaxy Z Fold6, Galaxy Z Flip6 va eng soʻnggi aksessuarlar dunyodagi yettita yangi Galaxy Experience Space maydonida namoyish etilmoqda.

Parij markazida Galaxy bilan tanishing

Grafik dizaynli yorqin koʻk rangli kirish eshigi bilan bezatilgan Olympic rendezvous @ Samsung Champs-Elysees 125 oʻtar-qaytar odamlarning eʼtiborini tortadi. Katta, yorugʻ maydonda esa Galaxy Z Fold6 va Galaxy Z Flip6 kabi eng yangi Galaxy mobil mahsulotlari namoyish etilmoqda.

▲ Olympic rendezvous @ Samsung Champs-Elysees 125 ning koʻrinishi

“Yangi Galaxy qurilmalar ichidan Galaxy Z Flip6 ga qiziqdim” deydi parijlik Maya Karrara. “Sketchdan rasmga” yordamida rasmlar chizish orqali doʻstlarim bilan quvnoq vaqt oʻtkazishga qiziqyapman”.

▲ Mehmonlar ogʻzaki tarjimon funksiyasi bilan muloqot qilmoqda.

Galaxy Unpacked 2024 da taqdim etilgan, yangilangan Galaxy AI funksiyalari orasida ogʻzaki tarjimon eng sevimlisi edi. Galaxy Z Flip6 FlexMode rejimida ikki tomonlama tarjimalarni qoʻllab-quvvatlashi esa tashrif buyuruvchilarni hayratda qoldirdi.

“Galaxy Z Flip6 da ogʻzaki tarjimon men kutayotgan eng qiziqarli funksiya, chunki u suhbatdoshingizning tilini tushunmasangiz ham, ular bilan muloqot qilish imkonini beradi” dedi yana bir parijlik Anna Sako. “Men koʻplab selfilar olaman va ularni ijtimoiy tarmoqlarga joylashtiraman, shunga ularga Portrait Studio bilan turli effektlar qoʻshib koʻrishni intiqlik bilan kutyapman”.

“Galaxy Unpacked 2024 jonli strimini tomosha qilgandan soʻng tashrif buyurdim” dedi AI startapi asoschisi Stanislas Breguet. “Galaxy Z Fold6 ni sinab koʻrdim va displeyi menga yoqdi. Katta ekran ogʻzaki tarjimon va sketchdan rasmga kabi AI funksiyalari uchun qoʻl keladi”.

“Menga bu joyning interaktivligi yoqyapti” dedi germaniyalik kontent yaratuvchi Feliks Bertold. “Galaxy Z Flip6 qoʻlimga tushishini intiqlik bilan kutyapman, chunki menda Galaxy Z Flip4 va Galaxy Z Flip5 bor. Har kuni ijtimoiy tarmoqlarda ishlaganim tufayli barcha AI rasmlarni tahrirlash funksiyalari men uchun juda muhim”.

▲ Tashrif buyuruvchilar yangi Galaxy qurilmalari haqida tushuntirishlarni eshitmoqda.

Olympic rendezvous @ Samsung Champs-Elysees 125 uchrashuv joyining bir burchagida, tashrif buyuruvchilar Galaxy AI bilan shaxsan tanishishlari mumkin boʻlgan stend yaqinida Eyfel minorasi va G‘alaba arkasining kichraytirilgan shakli joylashgan.

Samsung yangi eʼlon qilingan Galaxy Z Flip6 Olympic Edition displeyini namoyish etib, hammani lol qoldirdi. U smartfonning Olimpiya uzuklari, Paralimpiya agitoslari va oltin rangda bezatilgan Samsung logotipi tushirilgan va faqat boʻlajak Parij 2024 Olimpiya va Paralimpiya oʻyinlarida ishtirok etadigan 17,000 ga yaqin sportchilar uchun moʻljallangan ajoyib sariq rangga ega modelidir.

Har bir qurilma eksklyuziv Flipsuit Case bilan keladi. U LVMH Group’dagi hashamatli erkaklar kiyim brendi va Parij 2024 mahalliy hamkori Berluti bilan birga yaratilgan. Flipsuit Case Venezia charmidan tayyorlangan boʻlib, u Olimpiya halqalarining yorqin ranglaridan ilhomlangan noyob patinaga ega.

Yangi Galaxy mahsulotlarining sotuvini nishonlash uchun Samsung dunyoning yettita shahrida — Parij, Berlin, Dubay, Jakarta, Nyu York, Seul va Tokioda Galaxy Experience Spaces’ni ochdi. Tashrif buyuruvchilar eng soʻnggi Galaxy qurilmalari va Galaxy AI qay tarzda muloqot, ijod, ish va salomatlikni boshqarishning yangi usullarini ochayotganini oʻz koʻzlari bilan koʻrishlari mumkin. Galaxy Unpacked 2024 Parijda boshlangan boʻlsa-da, Galaxy kuchi hamma joyga yetib boradi.

Samsung “Dunyoga ochiq har doim gʻalaba qozonadi” kampaniyasini e’lon qildi va Parijning qoq markazida yangi Olimpiya ko’rgazmasi, @ Samsung Olympic uchrashuvini o’tkazdi.

Parij 2024 Olimpiadasiga 100 kundan kamroq vaqt qolganda, Butunjahon Olimpiya va Paralimpiya hamkori Samsung Electronics o’zining “Dunyoga ochiq har doim g’alaba qozonadi” kampaniyasini rasman boshladi – bu brendning yaqinlashib kelayotgan Olimpiya va Paralimpiya o’yinlari bilan umumiy ochiqlik qadriyatlarini nishonlanishi va o’zining Olympic rendezvous (tarj. “uchrashuv”) – @ Samsung | Champs-Elysees 125 ko’rgazmasining tantanali ochilishini e’lon qildi.

Yanvar oyida e’lon qilinganidek, Samsungning “Dunyoga ochiq har doim g’alaba qozonadi” xabari brendning ochiqlik yangi istiqbollar va cheksiz imkoniyatlarni taqdim etishi va Parij 2024 dasturining markazi bo’lib xizmat qilishiga ishonchini ifodalaydi. Bugun debyut qilingan yangi kampaniya Samsung Galaxy jamoasi skeytbordchisi Orelyen Jiro (Fransiya), para-sprinter Yoxannes Floors (Germaniya) va breyk-danschi Sara Bi’ning (Fransiya) hikoyalari orqali “Dunyoga ochiq har doim g’alaba qozonadi” filmini jonlantiradi va ochiqlik qanday g’ayrioddiy narsalarni amalga oshirishga imkon berishini namoyish etadi.

“Samsung butun dunyo boʻylab Olimpiya va Paralimpiya hamkori sifatida qariyb 40 yil davomida Oʻyinlarda innovatsiyalar va ilgʻor texnologiyalar va tajribalarni taqdim etib kelmoqda”, dedi Samsung Electronics kompaniyasi prezidenti va Mobil Tajriba Biznesi rahbari TM Roh. “O‘yinlardan zavqlanish uslubimiz vaqt o‘tishi bilan keskin o‘zgardi, texnologiya Olimpiya ruhini jonlantirishda muhim rol o‘ynadi. Biz “To’laqonli ochiq o‘yinlar”ga kirishar ekanmiz, bu yanada to‘g‘riroqdir va biz “Dunyoga ochiq har doim g’alaba qozonadi” kampaniyamiz bilan Parij-2024da yangi tajriba va mazmunli aloqalarni ochib, Olimpiya muxlislari va sportchilarni har qachongidan ham yaqinroq qilishdan xursandmiz”.

Samsung shuningdek, Olympic rendezvous @ Samsung | Champs-Elysees 125’ni yangi ko’rgazmani taqdim etdi, bu Olimpiya va Paralimpiya o’yinlari muxlislarini ajoyib taasurotlar orqali Parij 2024’ga epik sayohatga olib boradi. Ular Galaxy bilan o‘tgan o‘yinlarning eng muhim voqealarini jonlantirishadi va Samsungning so‘nggi yangiliklarini o‘rganadilar va Galaxy AI yordamida umrbod xotiralar yaratadilar.

Ushbu ko’rgazmani yaratishda Samsung Pritsker mukofoti sovrindori, innovatsion ishlari olimpiya va paralimpiya sportchilarining ajoyib ruhini aks ettiruvchi, chegaralarni doimiy ravishda oshirib boruvchu va imkoniyatlarni qayta belgilovchi arxitektor Jan Nouvel bilan hamkorlik qildi. Ma’rifat Uyg’onishi davridagi Parij salonlaridan ilhomlangan makon ochiqlik, uyg’unlik va aloqa tuyg’ularini uyg’otadigan aks ettirish va optik illyuziyalar orqali yangi istiqbollar va imkoniyatlarga ochiqlikni namoyon etish uchun mo’ljallangan.

“Butun makon Samsungning ochiqlikka sodiqligini namoyon etish uchun yaratilgan”, dedi Jan Nouvel. “Mavhum grafik jabha bir zumda paydo bo’ladigan va yo’qolib ketadigan harakatlar va yorug’lik aksini aks ettiradi, lobbidagi mot, aks ettiruvchi oq nometall esa so’nggi innovatsiyalarni kashf etishga chorlaydi.”

Olympic rendezvous @ Samsung | Champs-Elysees 125 tantanali ochilish va tasma kesish marosimida TM Roh, Samsung Galaxy jamoasi elchilari, jumladan fransuz so’rfingchi Joanne Defay, Buyuk Britaniyalik breykdanschi Karam Singx va fransuz para-suzuvchi Ugo Didier, hamda XOQ’ning Televidenie va Marketing Xizmatlari boʻyicha Boshqaruvchi direktori Anne-Sophie Voumard, Parij shahri Merining Sport, Olimpiya va Paralimpiya oʻyinlari boʻyicha oʻrinbosari Pierre Rabadan va 2024-yilgi Olimpiya va Paralimpiya o’yinlari Parij Tashkiliy Qoʻmitasi Bosh direktori Étienne Thobois ishtirok etdilar.

“Olimpik @ Samsung uchrashuvida ushbu “Ochiq oʻyinlar” uchun umumiy qadriyatlarimiz nishonlanganidan xursandmiz”, dedi XOQ Televideniye va marketing xizmatlari boʻyicha boshqaruvchi direktori Anne-Sofi Voumard. “Samsung yillar davomida innovatsion texnologiyalari orqali Olimpiya oʻyinlari muxlislari hayotiy tajribasini takomillashtirishda katta rol oʻynadi va biz ushbu ko’rgazmada uni keyingi bosqichga olib chiqqanidan hayratda qoldik, shuningdek, Parijda bo’lib o’tadigan Olimpiya va Paralimpiya o’yinlarini sahnalashtirishni qoʻllab-quvvatlashlari ham e’tiborga molik.

Olympic rendezvous @ Samsung, 125 Avenue des Champs-Elysées da joylashgan bo’lib, o’z eshiklarini 3-may kuni jamoatchilikka ochdi va 31-oktabrga qadar, dushanba-shanba kunlari soat 10:00 dan 20:00 gacha va yakshanba kunlari soat 11:00 dan 20:00 gacha ishlaydi. U yoz davomida bir qator maxsus tadbirlarga mezbonlik qiladi va 2024 yilgi Parijdagi Olimpiya va Paralimpiya o’yinlariga sho’ng’ishni istagan har bir kishi uchun ochiq bo’ladi.

Champs-Elysées’da joylashgan ko’rgazmadan tashqari, Samsung yorug’lik shahri va uning atrofida qo’shimcha Olympic rendezvous @ Samsung maydonlarini ochadi, jumladan Olimpiya bog’i, Olimpiya va Paralimpiya shaharchasi va Bosh matbuot markazi, shuningdek, asosiy Olimpiya va Paralimpiya o’yinlari bo’lib o’tadigan hududlarida Samsung Galaxy zaryadlash stansiyalari ham o’rnatiladi. Bu yerda tashrif buyuruvchilar eng so’nggi Galaxy innovatsiyalari bilan tanishadilar.

Samsungning YouTube kanalida Samsung kompaniyasining “Dunyoga ochiq har doim g’alaba qozonadi” kampaniyasini ko‘ring:

Samsung’ning Olimpiya oʻyinlaridagi ishtiroki haqida

Samsung 1998-yil Nagano qishki Olimpiya o‘yinlaridan buyon Butunjahon Olimpiya hamkori hisoblanadi. 25 yildan ortiq vaqt davomida sportchilar va muxlislar Samsung’ning transformativ mobil texnologiyasi butun dunyo bo‘ylab Olimpiya ruhini birga boʻlishishi va Parij 2024 Olimpiya o‘yinlarining raqamli kelajagini shakllantirishda davom etishiga va bu bilan toʻxtab qolmasligiga ishonishadi. Kompaniyaning Olimpiya harakatiga sodiqligi yaqin orada hamkorlikning to‘rtinchi o‘n yilligiga to‘g‘ri keladi va Los Angeles 2028 gacha davom etadi. Samsung’ning simsiz aloqa va hisoblash uskunalari toifasidagi maqsadli innovatsiyalari, jumladan, sun’iy intellekt, virtual reallik, kengaytirilgan reallik va 5G’ni o‘z ichiga oluvchi texnologiyalari dunyo Olimpiya oʻyinlarini qanday oʻtkazishini tubdan o‘zgartirib yuboradi.

Samsung’ning Paralimpiya oʻyinlaridagi ishtiroki haqida

Samsung simsiz aloqa va hisoblash uskunalari toifasida Xalqaro Paralimpiya qoʻmitasining (IPC) Butunjahon hamkori hisoblanadi. 2006-yil Torino qishki Paralimpiya oʻyinlaridan boshlab kompaniya Paralimpiya harakatini gʻurur bilan qoʻllab-quvvatlab keladi va butun dunyo boʻylab sportchilar va muxlislarga Samsung’ning transformativ mobil texnologiyasi orqali oʻyinlarning hayajon va ilhomini keng baham koʻrish imkonini berdi. Samsung’ning Paralimpiya o‘yinlariga sodiqligi Los Angeles 2028 gacha davom etadi va simsiz aloqa va hisoblash uskunalari toifasidagi maqsadli innovatsiyalar, jumladan sun’iy intellekt, virtual reallik, kengaytirilgan reallik va 5G bilan jihozlangan innovatsion mobil va kompyuter texnologiyalari orqali nishonlanadi.