Samsung 1999-yilda dunyodagi eng birinchi soat telefonini tijoratlashtirish orqali taqiladigan qurilmalar davrini kashf etdi. Oʻshandan buyon kompaniya aqlli soatlar, fitnes trekerlar va simsiz quloqchinlar kabi mahsulotlarni taqdim etish orqali bozorda yetakchilikni davom ettirdi.

Quyidagi infografikada dunyodagi eng birinchi soatli telefondan Galaxy Ring’gacha Samsung innovatsion taqiladigan qurilmalari tarixi bilan tanishishingiz mumkin.

Qizg‘in “Avvalo kelajak” nomi ostida MWC texnologiya sohasidagi eng dolzarb mavzularni muhokama qiladi va kelajagimizni shakllantiruvchi turli xil ilg‘or texnologiyalarni, jumladan, AI, 5G va 6G tarmoqlari va narsalar internetini (IoT) namoyish etadi. Hisob-kitoblarga ko‘ra, bu yilgi ko‘rgazma pandemiyadan oldingi raqamlar bilan tenglashadigan 100,000 ga yaqin ishtirokchilarni jalb qilishi kutilmoqda.

Samsung Electronics o‘zining mobil, tarmoq va yarimo‘tkazgich sohalaridagi biznesi bilan yaqindan tanishtirishga taklif qiladi va 2- va 3-zallar bo‘ylab o‘z stendlarida tashrif buyuruvchilarni kutib oladi. Xususan, o‘tgan yanvar oyida Galaxy Unpacked 2024 ko‘rgazmasida lavhasi ulashilgan Galaxy Ring’ning orziqib kutilgan dizayni birinchi marta ommaga ochiq zallarda namoyish etiladi.

Samsung Newsroom ushbu stendlarni ko‘zdan kechirib chiqdi va ko‘pchilik uchun ularning nimasi e’tiborni tortishini aniqladi va Barselona markazidagi Plaça de Catalunya’dagi Galaxy Experience Space’ga tashrif buyurdi.

26-fevral kuni MWC eshiklari ochilishi bilan Fira Gran Via ko‘rgazma maydonchasidagi 1745 kvadrat metrlik Galaxy stendi ommaviy axborot vositalari, sanoat hamkorlari va ekspertlarni qamrab olgan ishtirokchilar bilan to‘ldi. Hamma o‘tgan oy taqdim etilgan “AI telefon” deb nomlangan Galaxy S24 modeliga ega bo‘lish va Galaxy Ring dizaynini birinchilardan bo‘lib tomosha qilish umidida edi.

Galaxy AI hududi ishtirokchilarga Samsung’ning eng yangi innovatsion funksiyalarini amalda intuitiv tarzda sinab ko‘rishga chorlaydi. Jumladan, jonli tarjimon — foydalanuvchilarga hatto telefon suhbatlarida ham til to‘siqlarini yengib o‘tish imkonini beradi; aylana chizib qidirish — bu foydalanuvchilarga oddiygina uy tugmachasini bosish va qidirilayotgan obyektni aylanaga olish orqali foto yoki videoda ko‘rgan narsalarini qidirib topish imkoniyatini beradi; eslatma yordami — uzun matnlarning qisqacha xulosalarini yaratuvchi dastyor; generativ tahrir — foydalanuvchilarga fotosuratlarni professionallar kabi tahrirlash imkonini beruvchi vosita.

Samsung stendida tashrif buyuruvchilar Galaxy S24 modelining kamerasini ham sinab ko‘rsa bo‘ladigan maxsus maydon mavjud. Chiroq o‘chirib qo‘yilgan nim qorong‘i xona modelning yangi Nightography (tungi tasvir) funksiyasini hamda suratga olish yoki videoga olish payti takomillashgan barqaror tasvirni yaratadigan, sun’iy ong asosida ishlaydigan ProVisual dvijogining imkoniyatlarini ko‘rsatadi.

Bundan tashqari, Samsung stendi ishtirokchilarga yangi Galaxy Book4 seriyasi va uning bog‘lanuvchanlik imkoniyatlarini namoyish etadi. Shuningdek, dasturiy ta’minot yangilanishi orqali Galaxy S23 modellarida ham eng yangi Galaxy AI funksiyalari mavjud bo‘lganligi tufayli bu smartfonlar ham ishtirokchilar sinab ko‘rishlari uchun ko‘rgazmaga qo‘yilgan edi.

MWC 2024 ko‘rgazmasida Galaxy Ring taqdimoti boshlanar ekan, global ommaviy axborot vositalari va ishtirokchilar katta hayajon bilan Samsung’ning so‘nggi mahsuloti bilan tanishishga intilishardi.

Samsung’ning innovatsion texnologiyalariga boy, kichik form-faktorga ega Galaxy Ring mahsuloti kecha-yu kunduz to‘playdigan salomatlikka oid ma’lumotlariga asoslangan holda foydalanuvchilarga integratsiyalashgan insaytlarni taqdim etadi. Galaxy Ring hali chiqarilmagan bo‘lsa-da, u o‘zining uchta rang — qora, oltin va kumush ranglarda va to‘qqiz xil o‘lchami bilan tomoshabinlarni o‘ziga jalb qilib bo‘lgan edi.

Ayni paytda markaziy Barselonadagi Plaça de Catalunya’da joylashgan Galaxy Experience Space maydonga olomonni yig‘gan, tashrif buyurganlar esa oldin hech xayoliga kelmagan narsalarni Galaxy AI orqali qidirish, tarjima qilish, xulosalash va tahrirlash orqali sinab ko‘rish imkoniyatini intiqlik bilan kutmoqda.

Galaxy Experience Space 15-fevraldan beri ochiq va MWC 2024’ning oxirgi kuni — 29-fevralgacha ochiq bo‘ladi.

Samsung Electronics AI-RAN [1] Ittifoqida tashkiliy a’zo sifatida ishtirok etishini e’lon qildi va uning maqsadi Sun’iy Intellekt (SI) va simsiz aloqa texnologiyasini birlashtirib, 6G innovatsiyalarini ilgari surishdir.

Bugun Mobile World Congress (MWC) Barcelona 2024 da rasman tashkil etilgan AI-RAN Ittifoqi AI va simsiz aloqa konvergensiyasini va tegishli kompaniyalar bilan hamkorlik qilish orqali yetakchi texnologik innovatsiyalarni jonlantirishga qaratilgan tashkilotdir. Ittifoqda jami o‘n bitta tashkilot — Samsung, Arm, Ericsson, Microsoft, Nokia, NVIDIA, SoftBank va Northeastern University tashkiliy a’zolar sifatida ishtirok etmoqda. Mazkur yangi ta’sis etilgan ittifoq innovatsion yangi texnologiyalarni ishlab chiqish, shuningdek, yaqinlashib kelayotgan 6G davriga tayyorgarlik ko‘rish yo‘lida ushbu texnologiyalarni tijoriy mahsulotlarda qo‘llash bo‘yicha hamkorlik qiladi.

“6G davrida vujudga kelayotgan yangidan yangi xizmatlar odamlarning texnologiya bilan o‘zaro munosabatini yangi bosqichga olib chiqadi va sun’iy ong bu tendensiyaning ajralmas qismiga aylanadi”, dedi Samsung Research America’ning katta prezident o‘rinbosari Charli Chjan. “AI-RAN Ittifoqi hamkorlikni rivojlantiradi, innovatsiyalarni rag‘batlantiradi va AI va 6G tarmoqlari atrofidagi taraqqiyotning yangi davrini boshlab beradi. Ushbu koalitsiya a’zolari sifatida biz AI’ga asoslangan keyslar va innovatsiyalar foydalanuvchilar va operatorlar uchun yangi imtiyozlar yaratishiga ishonamiz.”

AI-RAN Ittifoqi turli sohalarda qo‘llaniladigan sun’iy ong va simsiz aloqa texnologiyalarini birlashtirish, ekotizim yaratish va pirovard natijada yangi korxonalar uchun imkoniyatlarni kengaytirishni maqsad qilgan. Shu maqsadda u texnik tadqiqotlar olib boradigan uchta ishchi guruhini tuzdi: RAN uchun SI, SI va RAN, RAN’dagi SI. RAN uchun SI RAN spektrini, narxini va energiya samaradorligini oshirish uchun AI/ML [2] dan foydalanadigan texnologiyaga e’tibor qaratadi. SI va RAN resurslarni samarali boshqarish va infratuzilmadan maksimal darajada foydalanish uchun sun’iy ong va radio tarmoqlarini konvergensiyalash texnologiyasiga e’tibor qaratadi. RAN’dagi SI simsiz tarmoqlarda yangi SI ilovalari va xizmatlarini kashf etishga qaratilgan. Ushbu faoliyat natijalari (texnik hisobotlar va oq qog‘ozlar) kelajakda 6G texnologiyasini standartlashtirish va tijoratlashtirishga katta hissa qo‘shishi kutilmoqda. Bu yangi xizmatlarni kashf qilish, texnik talablar va spetsifikatsiyalarni aniqlashni o‘z ichiga oladi.

Samsung ushbu ittifoq faoliyatidan foydalangan holda sun’iy ongni simsiz aloqa texnologiyasi bilan uyg‘unlashtirgan texnologik konvergensiya va xizmat ko‘rsatish innovatsiyalariga rahbarlik qilishni rejalashtirmoqda. Kompaniya, shuningdek, 6G ekotizimida yetakchilik qilishda davom etmoqchi. Yarimo‘tkazgichlar, sun’iy ong qurilmasi va dasturiy ta’minot texnologiyalari, simsiz aloqa tizimlari va terminallarni o‘z ichiga olgan sun’iy ong va simsiz aloqa yechimlari bo‘yicha o‘zining sohadagi obro‘yidan foydalangan holda kompaniya ushbu yetakchilikka erishishni maqsad qilgan.

Samsung Research dastlab 2019-yilning may oyida Ilg‘or aloqa tadqiqot markazini (ACRC) tashkil etish orqali 6G texnologiyalarini rivojlantirishga boshchilik qildi. O‘shandan buyon Samsung Research 2020-yilning iyul oyida 6G oq qog‘ozi va 2022-yilning may oyida 6G spektrumi oq qog‘ozini nashr etish orqali o‘zini 6G tadqiqotining ilk yetakchisi sifatida ko‘rsatdi. 2022-yilning may oyida Samsung kompaniyasi yangi avlod aloqa tadqiqotlari va ishlanmalarida o‘zining yetakchiligini namoyish etgan Samsung 6G ochilish marosimi forumini o‘tkazdi.

Samsung Research o‘zgaruvchan telekommunikatsiya sanoati landshaftiga moslashish uchun o‘zining 6G texnologiyasi strategiyasini doimiy ravishda rivojlantirib kelgan. Xususan, AI-RAN Ittifoqi bilan bog‘liq holda Samsung Research SI’ga asoslangan texnologiyalargina kelajakdagi 6G tarmoqlarining asosiy atributi bo‘la oladi deb biladi. Samsung Research sun’iy ong 6G tizimi funksionalligining tabiiy qismi sifatida kelajakdagi tarmoq tizimlarining sig‘imi va qamrovini sezilarli darajada rivojlantirishi, ularni to‘liq avtomatlashtirishi va energiya tejashda katta yutuqqa erishishimizga ishonadi. Kelgusida Samsung Research yangi avlod aloqa tizimlarini muvaffaqiyatli ishga tushirish va tijoratlashtirish maqsadida innovatsiyalarga rahbarlik qilishda davom etadi.

AI-RAN Ittifoqi haqida qo‘shimcha ma’lumot olish uchun https://ai-ran.org/ saytiga tashrif buyuring.

[1] AI-RAN qisqartmasi sunʼiy ongli radio kirish tarmogʻi degan maʼnoni anglatadi.

[2] AI/ML qisqartmasi sunʼiy ong va mashina oʻrganuvi degan maʼnoni anglatadi.

Samsung Electronics, Juniper Networks® (NYSE:JNPR) va Wind River® kompaniyalari oʻzaro hamkorlikda provayderlarga oʻz tarmoqlarini raqamli shifrlangan virtualizatsiya bilan boshqarishga imkon beruvchi virtual uyali aloqa minorasi routerini (vCSR) ishlab chiqarishdi. Ushbu dasturiy taʼminotga asoslangan tarmoq yangi xizmatlarni joriy qilishda yanada moslashuvchanlik, tezkorlik, barqarorlik va tez bozorga chiqish vaqtiga erishishni (TTM) taʼminlaydi.

vCSR yangi arxitekturaning bir qismi boʻlib, unda taqsimlovchi birlik va CSR funksiyalari bir serverda virtuallashtirilgan tarmoq elementlari sifatida birga mavjud bo‘ladi. Mazkur oʻzaro hamkorlikda kompaniyalar toʻliq konteynerlashtirilgan tarmoq elementi boʻlgan Juniper’ning Cloud-Native Routerini Wind River Studio Cloud platformasida Samsung’ning virtuallashtirilgan taqsimlovchi birligi (vDU) bilan integratsiyalashtirdi. Yagona virtual RAN (vRAN) serverida bir nechta tarmoq elementlarini ishga tushirish orqali kompaniyalar mohiyatan uyali aloqa minorasida oʻrnatiladigan jismoniy router uskunasiga boʻlgan ehtiyojni yoʻq qiladi va 5G va undan keyingi tarmoq tizimlarini oʻrnatish uchun ketadigan egalik huquqining jami xarajatini (TCO) kamaytiradi.

Anʼanaviy tarmoqlar bilan taqqoslaganda, ushbu dasturiy taʼminotga asoslangan infratuzilma yanada chidamli va aqlli mobil tarmoq tizimini taklif qiladi. Ushbu texnologik ishlanma turli komponentlar oʻrtasida moslashuvchanlik va oʻzaro muvofiqlikni oshirish orqali vRAN salohiyatini roʻyobga chiqarishda hal qiluvchi rolni oʻynaydi. Yagona serverda bir nechta dasturiy tarmoq elementlarini umumlashtirish orqali operatorlar quyidagilardan foyda koʻra oladilar:

• Samsung’ning CognitiV Network Operations Suite vositalari bilan raqamli shifrlangan avtomatlashtirish: bu yechim plug-and-play’ni, vizual boshqaruv tizimini va keng ko‘lamli dasturiy ta’minot yangilanishlarini qo‘llab-quvvatlaydi. Bu esa tarmoq tizimni oʻrnatish va ishlatish jarayonini yanada sodda va samarador qilishni taʼminlaydi.

• Chaqqonlik va moslashuvchanlik: dasturiy taʼminot tomonidan belgilangan tarmoq tamoyillari asosida yaratilgan ushbu virtuallashtirilgan arxitektura operatorlarning turli tarmoq konfiguratsiyalari va xizmat koʻrsatish talablarini qondirish uchun zarur boʻlgan keng masshtablashish va moslashuvchanlikni taʼminlaydi.

• Turli xil ilovalarni qoʻllab-quvvatlash qobiliyati: dasturiy taʼminotga asoslangan arxitektura bilan vCSR texnologiyasi fayrvol (firewall) kabi xavfsizlik vositalarini qoʻllab-quvvatlaydi va maʼlumotlar oqimini aqlli ravishda boshqara oladi.

• Kamroq qurilmalar bilan sodda tizim oʻrnashuvi tufayli kapital qoʻyilmalar kamaytiriladi: eski uskunalarni sotib olishning hojati yo‘q, chunki ular serveringiz ichida vDU va boshqa dasturiy platformalar bilan birlashtirilishi mumkin. Bu qurilma ichida boʻsh joyni ham yaratadi.

• Energiya tejamkorligi bilan operatsion xarajatlar kamayishi: server umumlashuvi tufayli jismoniy CSR uskunasiga boʻlgan ehtiyoj yoʻq qilinishi energiyani taxminan 30% ga tejashi mumkin.

“Samsung amalda vRAN’ni o‘rnatishdan yigʻilgan tajribasi yordamida Juniper va Wind River bilan bir qatorda butun dunyo bo‘ylab raqamli shifrlangan virtuallashtirilgan tarmoqlarga yo‘l ochmoqda”, dedi Samsung Electronics kompaniyasi prezident oʻrinbosari, mahsulot strategiyasi va tarmoq biznesi rahbari Ji-Yun Seol. “Ushbu revolyutsion yondashuv bilan biz operatorlarga oʻz tarmoqlarini taraqqiy etish va virtual hamda ochiq yondashuvlarni qabul qilishlari uchun katta turtki beramiz.”

“vRAN’ning asosiy maqsadi — operatorlarga moslashuvchanlik va chaqqonlikni taqdim etish. Bizning bulutga asoslangan routerimiz ajoyib tezkorlikni taqdim etish bilan birga operatsiyalarning soddaligini va iqtisodiy moslashuvchanlikini taʼminlaydi. Bugungi kundagi operatorlar oʻzlari taqdim etayotgan xizmatlari bilan foydalanuvchilar qulayligini birinchi oʻringa qoʻygan holda xarajatlarni ham toʻgʻri qoplashi kerak. Juniper’ning Samsung va Wind River bilan hamkorligi ularga 5G investitsiyalarini amortizatsiya qilish, barqaror infratuzilmani qurish va yanada qiziqarli va yangi xizmat takliflarini oʻylab chiqishga yordam beradigan yechim yaratmoqda”, dedi Juniper Networks kompaniyasining katta prezident oʻrinbosari va bosh texnik direktori Raj Yavatkar.

“5G vRAN/O-RAN tizimlarining koʻp qismini global operatorlar bilan taʼminlaydigan 5G sohasidagi yetakchi sifatida bizning Wind River Studio platformamiz vRAN va Open RAN uchun serverlarda ishlaydigan keng miqyosli, maqsadli va taqsimlangan bulut xizmatidir, — dedi Wind River kompaniyasining bosh texnik direktori Pol Miller. — Samsung va Juniper bilan hamkorlikda Wind River Open RAN dunyosini roʻyobga chiqaradi va uyali aloqa operatorlari uchun egalik huquqining jami xarajatlarini sezilarli darajada kamaytirish va yangi biznes imkoniyatlarini yaratadi”.

Ushbu innovatsion vCSR texnologiyasi Mobile World Congress 2024’da kompaniyalarning tegishli stendlarida namoyish etiladi: Samsung (2-zal, 2M20), Juniper Networks (2-zal, 2D12) va Wind River (2-zal, 2F25).

Samsung’ning vRAN va Open RAN texnologiyasi 100% virtualizatsiyalashgan, bulutga asoslangan va qurilmadan ajratilgan vDU va vCU yechimini taklif etadi. Bu butun dunyo boʻylab keng koʻlamli tijoriy tarmoqni joylashtirishda sinalgan va isbotlangan yechimdir. Uning sanoatdagi yetakchi vRAN dasturiy taʼminoti boʻlmish vRAN 3.0 kelajak operatorlarining yangi avlod tarmoq tizimlarini qurish ehtiyojlarini qondirish uchun optimallashtirilgan bir qator aqlli va chidamkor funksiyalarga ega. Samsung’ning virtual Open RAN tizimi oʻzining mustahkam ekotizimi bilan tezkorlikni kuchaytiradigan va energiya samaradorligini oshiradigan ilgʻor texnologiyalarni taqdim etadi.

Juniper’ning bulutga asoslangan routeri konteynerlash iqtisodidan va operatsion samaradorlikdan toʻliq foydalanadi, bu esa xizmat koʻrsatuvchi provayderlarga 5G’ni oʻrnatish uchun zarur boʻlgan moslashuvchanlikni beradi. Tezkor va dasturiy taʼminotga asoslangan Juniper’ning sinovdan oʻtgan router texnologiyasi Kubernetes konteyner tarmoq interfeysi (CNI) doirasida taqdim etiladi. Bu Wind River Studio platformasida Samsung vDU bilan yengil integratsiya qilish imkonini beradi.

Ochiq kodli StarlingX loyihasi asosida Wind River Studio keng miqyosda tarqalgan tarmoqlarni ishlab chiqish, oʻrnatish, ishlatish va ularga xizmat ko‘rsatish uchun toʻliq bulutli, Kubernetes va konteynerlashga asoslangan arxitekturani taqdim etadi. Bu texnologiya bir panelda barcha sozlamalarni koʻra olish va odam qatnashuvisiz avtomatlashtirish yechimlarini taqdim etish orqali tarmoq tizimlarini oʻrnatishdagi dastlabki va undan keyingi operatsiyalarni soddalashtiradi va geografik miqyosda taqsimlangan tarmoqlarni boshqarish uchun zamin yaratadi. Bu platforma xizmat koʻrsatuvchi provayderlar uchun chigal masala tugunini yechadi: yirik va taqsimlangan tarmoqlar uchun bulutga asoslangan infratuzilmani oʻrnatish va boshqarish endi qiyin emas. Bu ularga virtual Open RAN tizimida ham anʼanaviy RAN tezligiga erishish imkonini beradi.

Juniper Networks haqida

Juniper Networks oddiy aloqa mustahkam aloqa bilan bir xil emas deb hisoblaydi. Juniper’ning AI’ga asoslangan tarmoq platformasi AI kuchidan to‘liq foydalanishi uchun AIOps qatlami va kompaniyaning xususiy tizimlari bilan birgalikda qurilgan. Mahsulot jonli ravishda nosozliklarni izolyatsiya qilish, proaktiv anomaliyalarni aniqlash va avtomatik tuzatish protokollari kabi funksiyalarni taklif etadi. Bu funksiyalar turli tarmoq operatsiyalari, jumladan, kampuslar, filiallar, maʼlumotlar markazlari va WAN operatsiyalarida aniqlilik, ishonchlilik va xavfsizlikni oshiradi. Batafsil maʼlumotni Juniper Networks (www.juniper.net) sahifasidan topishingiz mumkin. Biz bilan bogʻlanish uchun X (Twitter), LinkedIn va Facebook‘dagi sahifalarimizga murojaat qiling.

Wind River haqida

Wind River oʻta muhim intellektual tizimlar uchun dasturiy taʼminotni yetkazib berish boʻyicha jahon yetakchisi hisoblanadi. Qirq yildan koʻp vaqt mobaynida kompaniya eng yuqori darajadagi xavfsizlik va ishonchlillika ega milliardlab qurilmalar va tizimlarni qoʻllab-quvvatlovchi novator va kashshof bo‘lib kelmoqda. Wind River dasturiy taʼminoti va tajribasi turli sanoatlarda raqamli taraqqiyotni tezlashtirmoqda. Avtomobilsozlik, aerokosmik, mudofaa, tibbiyot va telekommunikatsiya shular jumlasidan. Kompaniya jahon darajasidagi professional xizmatlar va qoʻllab-quvvatlash hamda keng hamkorlik ekotizimini taklif qiladigan katta xizmatlar toʻplamiga ega. Batafsil maʼlumot uchun www.windriver.com saytiga tashrif buyuring.

Samsung Electronics va Vodafone AMD bilan hamkorlikda bugun sanoatda ilk bor Open RAN texnologiyasini ta’minlovchi eng so‘nggi AMD protsessorlari bilan raqamli shifrlangan (end-to-end) qo‘ng‘iroqni muvaffaqiyatli namoyish etganini e’lon qildi. Ushbu qo‘shaloq yutuq sanoat bo‘ylab Open RAN ekotizimini boyitishda bu kompaniyalarning texnik yetakchiligini ifodalaydi.

Samsung’ning Koreyadagi ilmiy-tadqiqot laboratoriyasida o‘tkazilgan birinchi qo‘ng‘iroq Samsung’ning multifunksional, O-RAN texnologiyasini qo‘llab-quvvatlovchi, virtualizatsiyalangan RAN (vRAN) dasturida Supermicro’ning Telco/Edge serverlarida AMD EPYC 8004 seriyasidagi protsessorlari bilan jihozlangan, Wind River Studio tomonidan qo‘llab-quvvatlangan xizmat asosida taqdim etiladigan konteyner (CaaS) platformasida amalga oshirildi. Ushbu namoyish texnologiyaning optimal ishlash tartibi, energiya tejash samaradorligi va hamkorlarning mahsulot yechimlari o‘rtasida o‘zaro muvofiqligini tasdiqlashga qaratildi.

Mazkur qo‘shma namoyish Samsung va Vodafone’ning Open RAN bozoridagi o‘z o‘rnini mustahkamlaydi hamda sanoatning yetakchi hamkorlari bilan bu ekotizimni kengaytirish bo‘yicha olib borayotgan mehnat va hissasini ifodalaydi. Keng va o‘sib borayotgan Open RAN ekotizimi operatorlarga mobil tarmoqlarni yanada moslashuvchan, yanada tez bozorga chiqish vaqtiga erishish (TTM) va avval kuzatilmagan tezlik va barqarorlikda ishlashini ta’minlash va modernizatsiya qilishga yordam beradi.

“Open RAN kelajak uchun mobil tarmoqlarni rivojlantirishda kirib kelayotgan yuksak o‘zgarishlarni ifodalaydi. Samsung va AMD kabi yetakchi sanoat hamkorlari bilan ushbu marraga erishish Vodafone kompaniyasining Open RAN innovatsiyalarini ro‘yobga chiqarishga sodiqligini ko‘rsatadi”, — dedi Vodafone Group’ning tarmoq strategiyasi va muhandislik direktori Nadiya Benabdalla. “Vodafone doimiy ravishda ekotizimning potensialini va turli qirralarini o‘rganish orqali o‘z tarmog‘ini yangilashga intiladi.”

“Ushbu jamoaviy sa’y-harakatlar mobil tarmoq sanoati uchun tarmoq stekining har bir qatlamida bir nechta provayderlarni qamrab olgan holda Open RAN’ni taraqqiy etish uchun muhim hisoblanadi. Bu namoyish Samsung’ning bu ishga qanchalik bel bog‘laganini, mobil tarmoqlarning to‘liq salohiyatini ochib berishga sodiqligini ko‘rsatadi”, dedi Samsung Electronics’ning ijrochi prezident o‘rinbosari, ilmiy-tadqiqot laboratoriyasi va tarmoq biznesi rahbari Jun Mun. “Samsung doimiy ravishda boshqa texnologiya yetakchilari bilan hamkorlik qilgan holda operatorlarga o‘z tarmoqlarini taraqqiy etish va Open RAN ekotizimining serqirraligidan foydalanish vositalarini taklif qiladi.”

“Mobil tarmoqlar tobora o‘sib borayotgan ma’lumotlar trafigini va yangi ilovalardagi murakkab hisob-kitoblarni bajarishda tezkor va samarali usullarni talab qilibgina qolmay energiyani tejashning yangi bosqichlariga o‘tishni ham talab qilib kelmoqda, — dedi AMD’ning bozorni strategik rivojlantirish bo‘yicha korporativ prezident o‘rinbosari Kumaran Siva. — AMD EPYC 8004 seriyali protsessorlari telekommunikatsiya sanoati chinakam raqamli shifrlangan va virtuallashtirilgan tarmoqlarga o‘tishini ta’minlashda zamonaviy tarqalgan tarmoqlar va o‘rnatiluvchan vRAN modellari uchun optimallashtirilgan. Biz Samsung va Vodafone bilan hamkorligimizdan juda faxrlanamiz. Shuningdek, eski telekommunikatsion infratuzilmani modernizatsiya qilish va yuqori innovatsion mobil tarmoqlarni yuzaga keltirish uchun zarur bo‘lgan yetakchi, tezkor va samarador Open RAN modelini yetkazish uchun eng so‘nggi ma’lumotlar markazi protsessorlaridan foydalanamiz”.

“Telekommunikatsiya sanoati jadal rivojlanishda davom etar ekan, Samsung va uning ekotizim hamkorlari innovatsiya va transformatsiyalarning boshida turishadi, — dedi Tantra Analyst asoschisi va direktori Prakash Sangam. — Samsung, Vodafone va AMD o‘rtasidagi muvaffaqiyatli hamkorlik ularning texnologiyalari Open RAN tarmog‘ida yaxshi ishlashini isbotlaydi. Bu boshqa kompaniyalar uchun Open RAN ekotizimiga qo‘shilish va yangi yechimlarni ishlab chiqish uchun yo‘l ochadi.”

MWC 2024 ko‘rgazmasida uch kompaniya Open RAN tarmog‘idagi bir nechta uyali aloqa minoralariga ulangan bir nechta qurilmalar 1 Gbit/s dan yuqori ma’lumotlar tezligiga erishishi bo‘yicha muvaffaqiyatli o‘tkazilgan sinov natijalarini namoyish etadilar.

2021-yilning iyun oyida Samsung Vodafone kompaniyasining eski tarmoqlarni modernizatsiya qilish va kuchli Open RAN ekotizimini rivojlantirish bo‘yicha Vodafone’ning Open RAN’ga nisbatan qarashlarini va rejalarini amalga oshirishda yordam berish uchun strategik hamkorga aylandi. O‘shandan buyon Samsung va Vodafone hamkorlikni yanada chuqurlashtirdi. Bu muhim yutuq bilan nishonlandi: Buyuk Britaniyada 2023-yilning avgust oyida yakunlangan eng katta Open RAN dasturining ishga tushirilishi. Shuningdek, Samsung tarmoqni takomillashtirish maqsadida 5G vRAN va virtualizatsiyalangan Open RAN’ni rivojlantirish uchun AMD bilan yangi hamkorlikni e’lon qildi.

Samsung’ning kuchli ekotizimi uning ishonchli va barqaror hamda eski telekommunikatsiya tezligidan yuqori bo‘lgan vRAN va Open RAN yechimlarini taklif qilishda yetakchi ekanligini ko‘rsatadi. Tarmoq operatorlariga o‘z tarmoqlarini tez va samarali joylashtirishga yordam berish uchun Samsung o‘zining vRAN va Open RAN yechimlarini ishga tushirishdan oldin faol ravishda sinab ko‘rish va integratsiya qilishini nazarda tutadi. Samsung Shimoliy Amerika, Yevropa va Osiyodagi 1-darajali operatorlarga tijoriy tarmoqlarida o‘zining keng tajribasini isbotlagan.

Samsung chipsetlar, radiolar va markaziy tarmoq uskunalarini o‘z ichiga olgan 5G raqamli shifrlangan mahsulot yechimlarini muvaffaqiyatli yetkazib berishda yetakchilik qildi. Davom etayotgan tadqiqot va ishlanmalar orqali Samsung o‘zining vRAN 3.0, Open RAN, Core’dan to xususiy tarmoq yechimlari va sun’iy ongga asoslangan avtomatlashtirish vositalarigacha bo‘lgan bozordagi yetakchi mahsulot portfeli bilan sanoatni 5G tarmoqlarini rivojlantirishga undaydi. Hozirda kompaniya butun dunyo bo‘ylab yuz millionlab foydalanuvchilarga aloqada bo‘lish uchun uyali aloqa operatorlariga tarmoq yechimlarini taqdim etib keladi.

▲ Chapdan Jyunxi Li (Samsung Electronics), Jun Mun (Samsung Electronics), Nadiya Benabdalla (Vodafone Group), Yago Tenoriyo (Vodafone Group), Alberto Ripepi (Vodafone Group), Vuujun Kim (Samsung Electronics)