2023-yilning 27-Fevralidan 2-Martiga qadar, Ispaniyaning Barselona shahridagi Mobile World Conference (MWC) taqdimotida Samsung Electronics Co. Galaxy S23 va Galaxy Book3 kabi o’zining so’nggi mahsulotlari va xizmatlarini namoyish etdi.  Samsung peshtaxtasiga tashrif buyuruvchilar yangi Samsung Galaxy innnovatsiyalari bilan immersiv hamda interaktiv eksponatlar yordamida tanishib chiqishlari mumkin bo’ladi.

“Biz Samsung kompaniyasida Galaxy innovatsiyalarining kelajagi barqaror rivojlanish g’oyasiga sodiqlik hamda hamkorlar bilan ochiq ish olib borish bilan bog’liqligiga ishonamiz” — deydi Samsung kompaniyasi Mobile eXperience (MX) yo’nalishi rahbari TM Roh. “Bu yilgi MWC ko’rgazmasida biz Galaxy S23 Ultra hamda Galaxy Book3 Ultra kabi so’nggi mahsulotlarimiz Samsung kompaniyasining kundalik hayotni yaxshilovchi imkoniyatlarni yaratish g’oyasini ifodalashini sizlarga namoyish etishdan juda xursandmiz.”

Qudratli mahsulotlar hamda takliflar bilan Epik tajriba

Kompaniyaning xizmatlari va mahsulotlari ekotizimi evaziga yanada kengayib ulgurgan so’nggi Samsung innovatsiyalari premium darajadagi mobil qurilmalar uchun yangi standartlarni belgilab bermoqda. MWC 2023 ko’rgazmasida jozibador kontent, mobil tajriba yaratish hamda yanada ekologik dizayni tufayli Galaxy S23 seriyasi Samsung kompaniyasining sohadagi so’nngi innovatsiyalarga sodiqligini namoyish etadi.

Galaxy S23 seriyasining yangilangan kameralar tizimi foydalanuvchilarga nihoyatda kinematografik uslubdagi foto va videolarni tasvirga olish orqali o’z ijodiy erkinligini namoyish etishga imkoniyat yaratadi. Peshtaxtaga tashrif buyuruvchilar past yorug’likdagi tungi suratga olish imkoniyatlari, yuqori aniqlikdagi tasvirlar uchun 200 MP adaptiv pikselli sensor[1] hamda AI Stereo Depth Map yordamidagi ajoyib portret tasvirlar kabi Galaxy S23 Ultra smartfonining barcha yangi kamera imkoniyatlari bilan tanishib chiqishlari mumkin. Galaxy S23 seriyasi o’yin ishqibozlari hamda kontent yaratuvchilar uchun Galaxy qurilmalaridagi eng tezkor hamda qudratli ish ko’rsatkichlarini taqdim etmoqda.[2] Tashrif buyuruvchilar poyga o’yinlarini o’ynab ko’rishlari hamda Galaxy S23 Ultra smartfonining yangilangan o’yin ko’rsatkichlarini sinab ko’rishlari mumkin.

Samsung Galaxy Ultra innovatsiyalarining asosida kengaytirilgan Galaxy ekotizimiga ulanish imkoniyati yotadi. Tashrif buyuruvchilar mutlaqo yangi Galaxy Book3 Ultra yordamida shaxsiy kompyuter hamda smartfonning simsiz ulanish va bir nechta qurilma, ekran va operatsion tizimlar o’rtasidagi tezkor hamda muammolarsiz ulanish tajribasini sinab ko’rishlari mumkin. MWC tashrif buyuruvchilari, shuningdek, Galaxy Watch5 soatidagi Galaxy Health funksiyasining Uyqu boshqaruvining demo versiyasi imkoniyatlari, Samsung Wallet hamda SmartThings yordamida uy qurilmalarini ulash va boshqarish kabi so’nggi Samsung xizmatlari borasidagi yuksak tajribaga ega bo’lishlari mumkin. Bundan tashqari ular One UI 5.1 o’rnatilgan Galaxy qurilmalarida yoki ko’plab tasma tanloviga ega soatlardagi ulkan sozlash imkoniyatlari bilan yaqindan tanishib chiqishlari mumkin. Galaxy S23 seriyasining yangi standartlarni belgilashga qodir innovatsiyalari Samsung kompaniyasining barqaror rivojlanish g’oyasiga sodiqligini tasdiqlovchi ajoyib dizaynida jamlangan. Avvalgi Galaxy smartfonlariga nisbatan Galaxy S23 seriyasida yanada ko’proq komponentlarda qayta ishlangan materiallardan foydalanilgan[3] hamda mazkur seriya ko’proq yaroqlilik davri va qulay sozlanish imkoniyati evaziga uzoq yillik xizmat ko’rsatishi ko’zda tutilgan. O’z navbatida, peshtaxta tashrif buyuruvchilari Samsung kompaniyasining yangi “Kundalik barqarorlik” g’oyasi haqida bilib olishlari hamda yangilangan S seriyasining bir necha avlod qurilmalaridan tashkil topgan immersiv san’at asarini sinab ko’rishlari mumkin bo’ladi.

Samsung kompaniyasining MWC ko’rgazmasidagi hamkorlar bilan birgalikdagi integratsiyalari

Samsung foydalanuvchilariga eng a’lo tajriba taqdim etish maqsadida ochiq hamkorlik qilish hamda sohaning yetakchi tashkilotlari bilan birgalikda faoliyat olib borish g’oyalarini qo’llab-quvvatlaydi. Mazkur yondashuv asosida tashrif buyuruvchilar bu yilgi MWC ko’rgazmasi bo’ylab turli hamkorlar peshtaxtalarida Samsung mahsulotlari va xizmatlari bilan tanishishlari mumkin bo’ladi. Tashrif buyuruvchilar Galaxy S23 seriyasida foydalanilgan ekologik toza materiallar haqida bilib olish uchun, so’nggi Galaxy smartfonlarida ovozli xabarnomalarni sozlash hamda ko’rgazmdagi Galaxy Watch5 soatiga selfi qilish imkoniyatlarini sinab ko’rish uchun Android Avenue (2 va 3-zallar o’rtasida) bo’limiga tashrif buyurishlari mumkin. Bundan tashqari, Samsung Qualcomm kompaniyasining peshtaxtasida (3-zal, 3E10) ham ishtirok etadi hamda tashrif buyuruvchilar Galaxy uchun Snapdragon ® 8 Gen 2 yangi mobil platformasiga ega Galaxy S23 Ultra smartfonining yetakchi xususiyatlari bilan tanishishlari mumkin bo’ladi.  Samsung Displey peshtaxtasida (2-zal, 2K40) Samsung Galaxy Z Fold4 smartfonida foydalanilgan Samsung (UTG) ultra ingichka oynasining chidamlilik ko’rsatkichlarini ham bilib olishlari mumkin. Tashrif buyuruvchilar, Galaxy Book3 qurilmasida foydalanilgan yorqin va aniq Dynamic AMOLED 2X displeyi bilan yaqindan tanishish imkoniyatiga ega bo’ladilar.

Yangi mahsulotlarining yo’lga qo’yilganligini nishonlash uchun Samsung kompaniyasi Fira Barcelona Gran Viadagi ko’rgazma maydonlarida katta billbord, kirish qismi, tashqi bayroq ustunlari hamda ilingan bannerlar kabi reklama maydonlarida Galaxy S23 seriyasi, Galaxy Book3 hamda Galaxy oilasi qurilmalarini reklamasini namoyish etadi.

MWC ko’rgazmasida Samsung MX peshtaxtasi (3-zal, 3I10) Fira Barcelona Gran Via binosining 3-zalida joylashgan bo’ladi.

[1] Galaxy S23 Ultra uchun Samsungning yangilangan pixel binning texnologiyasi 200 MP, 50 MP hamda 12 MP chiqish ko’rsatkichlarini ta’minlaydi.

[2] Galaxy S23 seriyasi Samsung uchun moslashtirilgan hamda Galaxy S23 seiyasi yo’lga qo’yilish vaqtidagi yagona bo’lgan Galaxy uchun Snapdragon ® 8 Gen 2 mobil platformasi bilan jihozlangan. Dunyodagi eng tezkor Snapdragon degan fikr 1-Fevral, 2023-yil holati uchun amal qiladi.

[3] Galaxy S23 Ultra smartfonining 12 ta ichki va tashqi komponentlarida qayta ishlangan materiallar foydalanilgan (Galaxy S23+ va S23 da 11 ta ichki va tashqi komponentlarda). Galaxy S22 Ultra da 6 ta ichki komponentda foydalanilgan.

Galaxy Seriyasining qudratli texnik ko’rsatkichlari, innovatsion xususiyatlari hamda yangi o’yin imkoniyatlari bilan yaqindan tanishish va baho berish uchun Samsung Newsroom jamoasi Galaxy S23 Ultra smartfonini sinovdan o’tkazdi hamda foydalanuvchilar bilan yorqin taassurotlarni ulashmoqda.

Qudratli ishlash ko’rsatkichlari bilan yangi darajaga chiqing

Galaxy S23 Ultra smartfonida Wreckfest ekshen poyga o’yini kabi qiziqarli va jozibador mobil o’yinlaridan haqiqiy zavq oling. Galaxy S23 Ultra smartfoni Galaxy uchun maxsus Snapdragon® 8 Gen 2 Mobil Platformasiga ega bo’lib, tezkor hamda samarador o’yin tajribasini taqdim etadi.

Kaftingizdagi smartfonda eng a’lo o’yin imkoniyatlarini ta’minlash uchun yuqori darajadagi dasturiy  hamda apparat ta’minoti talab etiladi. Galaxy S23 Ultra smartfoni Galaxy uchun maxsus Snapdragon® 8 Gen 2 Mobil Platformasiga ega bo’lib, butunlay yangi darajadagi o’yin tajribasini taqdim etadi. Bundan tashqari yangilangan GPU avvalgi modeldan 41% tezroq, sun’iy intellektning chuqur o’rganish faoliyati uchun zarur NPU esa 40%[1] ga yaxshi ko’rsatkichga ega. Qisqasi, yorqin grafika hamda qudratli protsessor evaziga o’yin ishqibozlari o’yin jarayoniga to’liq sho’ng’ishlari mumkin.

Galaxy S23 Ultra smartfonida Wreckfest o’yini grafikasining tasviri. Mashina detallari, obyektlarning harakatlanishi va boshqa o’yin jarayonlari yorqin hamda haqiqatga yanada yaqin ko’rinishda taqdim etiladi.

Galaxy S23 Ultra smartfonidagi GPU da Ray tracing nomli qudratli grafik render texnologiyasi qo’llanilgan. Mazkur texnologiya o’yindagi yorug’lik va soyalarning haqiqatga yanada yaqin ifodalanishi natijasida shaxsiy kompyuterdagi kabi o’yinga to’liq sho’ng’ish va haqiqiylik effektini yaratadi. Natijada siz o’z kompyuteringizdagi kabi yanada real grafika hamda o’yin jarayonidan foydalanishingiz mumkin. Bundan tashqari, Samsung Electronics GPU texnologiyasini rivojlantirish sohasida Xalqaro o’yin distribyutorlari va o’yin dvijoklari sohasidagi kompaniyalar bilan hamkorlikni davom ettirishni reja qilmoqda.

Galaxy S23 Ultra bilan o’yin o’ynash jarayoni yanada yoqimli hamda jozibador. Avvalgi modelga nisbatan 41% ga kuchaytirilgan grafika protsessori (GPU) foydalanuvchiga haqiqatga yaqin, yuqori aniqlikdagi grafikani taqdim etadi hamda o’yinga to’liq sho’ng’ish darajasini oshiradi.

Wreckfest mobil o’yinini o’ynash jarayonida yorqin vizual effektlar va qoyilmaqom grafika evaziga o’zingizni haqiqiy poyga yo’llaridagidek his eting. To’siqlar bilan to’qnashganda qum va chang reallika juda yaqin ko’rinishda sochiladi, boshqa obyektlar esa haqiqatdagi kabi siljishi evaziga zavq va sho’ng’ish effekti yanada oshadi. Shu bilan birga, Galaxy Unpacked 2023 taqdimotida Samsung kompaniyasi GPU asosidagi texnologiyalarni rivojlantirish uchun turli xalqaro o’yin distribyutorlari va o’yin dvijoklari sohasidagi kompaniyalar bilan hamkorligini davom ettirishini e’lon qilib, ko’plab o’yin ishqibozlari orasida sezilarli ijobiy kayfiyat uyg’onishiga sabab bo’ldi.

Yangilangan Vision Booster bilan Galaxy S23 ekrani baland yorug’likga va tashqi muhitga avtomatik tarzda moslashadi.

O’yin tajribasiga ekran sifati kabi sezilarli ta’sir etadigan jihat yo’q. Galaxy S23 Ultra ekrani yangilangan Vision Booster bilan taqdim etilib, u ekran yorug’ligini avtomatik tarzda foydalanuvhchining yorug’lik sharoitlariga moslashtiradi. Kuchli quyosh nuri ostida ham foydalanuvchilar ekranni aniq va ravshan ko’ra oladilar.

O’yin o’ynash jarayonida ham boshqa vazifalarni osonlik bilan bajaring

Galaxy S23 Ultra bilan yanada kengroq ko’lamda ko’p vazifalilikdan foydalaning. Multi-oyna funksiyasi yordamida bir vaqtning o’zida ikkita ilovani ishga tushirishingiz yoki ish samaradorligini oshirish uchun noutbukdagi kabi qo’shimcha oynalarni ochishingiz mumkin.

Galaxy S23 Seriyasining CPU – protsessor quvvati avvalgi modelga nisbatan 30% ga oshirildi va natijada yanada tezroq amallarni bajarish imkoniyatiga erishildi. Haqiqatan ham, ikkita ilovaning birga ishlash vaqtida bo’lishiga qaramay, protsessor tez va tekis tarzda to’xtashlarsiz ishlaydi.

Mazkur qudratli chiplar samaradorlikni yanada yuqori darajaga olib chiqib, ko’p vazifalarni bir vaqtning o’zida yanada tez va yaxshiroq natijalar bilan bajarilishini ta’minlaydi. Galaxy S23 seriyasi CPU uchun og’irlik qilishi mumkin bo’lgan jarayonlar: o’yin vaqtidagi video qo’ng’iroqlar, yoki ijtimoiy tarmoqlardan foydalanish paytida film tomoshasi kabi vazifalarni bajarish davomida ham tez va tekis ishlashni ta’minlaydi. Bundan tashqari multi-oyna funksiyasidan foydalanish qulayligi ham yaxshilandi, natijada ko’p foydalaniladigan ilovalar ro’yxati so’nggi foydalanilganlar ro’yxati ostida ko’rsatiladi va foydalanuvchiga ilovalarni oson ishga tushirish yoki ularni almashitirish imkonini beradi.

Oshirilgan batareya quvvati bilan qo’shimcha yuk kerak emas

Galaxy S23 Ultra bilan tezroq quvvatlntiring hamda ko’proq vaqt foydalaning.

O’z navbatida, Galaxy S23 seriyasi yanada kengaytirilgan batareya hajmi bilan taqdim etilmoqda. Galaxy S23 hamda Galaxy S23+ smartfonlarining batareya hajmi avvalgi modellarga nisbatan 2000 mAs ga oshirilib, mos ravishda 3,900 mAs va4,700 mAs ga teng bo’lmoqda. Galaxy S23 Ultra esa 5000 mAs batareya bilan jihozlangan bo’lib, 45Vt[1] zaryadlash adapteri bilan 30 daqiqa ichida 65% gacha zaryad olishi mumkin. Boshqacha qilib aytganda, endilikda foydalanuvchilar smartfonlarining batareyasi haqida kamroq vaqt qayg’urib, ko’proq vaqt yoqimli ilovalaridan foydalanishdan zavq olishlari mumkin.

Yangilangan Onu UI 5.1 bilan o’zingizga mos noyob tajribaga ega bo’ling.

(Chap tomon) Qulflangan oynani turli fon dizayni va soat vidjetlari bilan foydalanuvchiga moslashtirish (O’ng tomon) Yangi batareya vidjetini foydalanuvchiga moslashtirish oynasi

Dunyo bo’ylab yanada ko’proq Galaxy qurilmalari uchun yangilangan One UI 5.1 smartfoningizni didingizga ko’proq mos kelishi uchun uni sozlash imkoniyatini taqdim etadi. Foydalanuvchilar o’zlari olgan videodan lavhani kesib olib, smartfonning qulflangan oynasiga joylashtirishi va fon tasvirlarini mutlaqo yangi darajaga olib chiqishlari mumkin. Bosh ekrandan turli sozlamalar va ilovalarni boshqarish uchun yangi vidjet imkoniyatlari ham taqdim etildi. Bundan tashqari, yangi Batareya vidjeti yordamida foydalanuvchilar Galaxy Watch yoki Galaxy Buds kabi boshqa Galaxy qurilmalarining batareya zaryadi hajmini aniqlashlari hamda Smart Suggestions vidjeti bilan foydalanuvchilarning odatlariga mos Spotify musiqa maslahatlarini ham olishlari mumkin[1].

Galaxy S23 Ultra smartfonida tasvir fonini olib tashlash uchun birgina tegish, undan nusxa olish yoki keyinroq foydalanish uchun saqlash kifoya bo’lishi mumkin. U tasvirdagi uy hayvonlarining mayda yung tolalari kabi eng kichik detallarini aniqlab oladi va osonlik bilan fonni o’chiradi.

Tasvirlaringizdan virtual stikerlar yaratish uchun birgina harakat bilan tasvir obyektini ajratib oling hamda fonni o’chiring.  Tasvirni saqlash vaqtida foydalanuvchilar uni qayerda va qachon olinganligi, saqlash joyi va kamera sozlamalari haqidagi ma’lumotlarni  birgina svayp harakati yordamida bilib olishlari mumkin. Bundan tashqari, Rejimlar va Tartiblar funksiyalari bilan uyqu, avtomobil haydash hamda ish jarayoni kabi alohida holatlar uchun alohida fon tasvirlarini o’rnatish, ilovalardan foydalanish ko’rsatkichlari, xabarnomalar va xokazo vazifalarni belgilab olish mumkin.

S Pen qalamidan foydalanish uchun ko’proq usullar

Galaxy S23 da endi siz klaviaturadan foydalanmasdan oson va tez izlashingiz mumkin. S Pen qalami yordamida ma’lumotlarni izlaganingizda, foydalanuvchi qo’l yozmasi aniqlanadi hamda avtomatik tarzda smartfondagi matnga o’zgartiriladi.

Shu bilan birga, yangilangan S Pen Qalami bilan Galaxy S23 Ultrada o’z g’oya va fikrlaringizni qayd etish va ulashish juda oson. Yangi One UI 5.1 matnni keyinroq foydalanish uchun osonlik bilan ajratish va saqlash hamda tasvirdagi kerakli narsalardan foydalanish imkonini beradi. Bundan tashqari, One UI 5.1 Google va YouTube kabi saytlardagi izlash oynasiga kiritilgan qo’l yozmani smartfon matniga o’zgaritish evaziga oson izlash tajribasini taqdim etadi. Galaxy foydalanuvchilari uchun eng afzal mobil tajriba taqdim etish uchun One UI 5.1 ketma-ketlik bilan boshqa qurilmalarda ham yangilanib boradi.

Galaxy S23 Ultra sizning kaftingizda jamlangan ulkan foydalanish imkoniyatlarni taqdim etadi.

Galaxy S23 Ultra qurilmadan foydalanish tajribasini qulay va oson qilish evaziga, foydalanuvchilarga kundalik vazifalarni bajarishga to’liq sho’ng’ish imkoniyatini taqdim etadi. Qudratli ish ko’rsatkichlari bilan birgalikda qulay foydalanish tajribasini izlayotgan foydalanuvchilar uchun Galaxy S23 Ultra mukammal mos keladi.

[1] Wreckfest ©2022THQ Nordic AB, Shvetsiya. Wreckfest THQ Nordic AB, Shvetsiya kompaniyasining ro’yxatdan o’tgan savdo belgisi. Barcha huquqlar himoyalangan. Barcha boshqa savdo belgilari, logotiplar va mualliflik huquqlari tegishli mualliflarning mulki hisoblanadi. Samsung Galaxy Store hamda ayrim mamlakatlardagi boshqa do’kon ilovalarida xarid qilish mumkin. 3 yoshdan kichkina foydalanuvchilar uchun to’g’ri kelmaydi.

[2] AP ish ko’rsatkichlaridagi yangiliklar avvalgi avlod chiplariga nisbatan ko’rsatilgan. Haqiqiy ish ko’rsatkichlari foydalanuvchi muhiti, sharoitlari va oldindan o’rnatilgan dasturiy ta’minot va ilovalarga bog’liq bo’ladi.

[3] 45 Vt quvvat adapteri alohida sotiladi. Faqat Samsung tomonidan tasdiqlangan zaryadlovchi va kabellardan foydalaning. 45 Vt quvvatga ega sayohat adapteri bilan barcha xizmatlar, xususiyatlar va ekran o’chirilgan holda qurilmaning 0% quvvati qolgan Galaxy S23 Ultra smartfonining yangi chiqarilgan versiyasiga ulangan holatdagi Samsung laboratoriya ichki sinovlari natijalari. Haqiqiy zaryadlash tezligi haqiqiy foydalanish, zaryadlash shartlari va boshqa omillarga qarab farq qilishi mumkin.

[4] Maslahatlarni olish uchun foydalanuvchilar so’nggi Spotify ilovasida Spotify akkaunti bilan ro’yxatdan o’tishlari kerak. Spotify Premium yoqilgan holatdagina amal qiladi.

SEOUL, KOREYA – 2023-yil 15-fevral – Samsung Electronics Co., Ltd. Bugun Galaxy Unpacked 2023-da Galaxy S23 seriyasi bilan birga taqdim etilgan One UI 5.1 global miqyosda Galaxy-dan boshlab Galaxy S20, S21, S22 seriyalarida, Z Fold4 va Z Flip4 qurilmalariga ham chiqarilishini e’lon qildi. One UI 5.1 bilan Galaxy qurilmalari yanada jozibali interfeysga ega bo‘lib, yangi xususiyatlar bilan yanada yaxshi umumiy tajriba uchun ko‘proq ijodkorlik va shaxsiylashtirish imkonini beradi.

“One UI 5.1 Samsung kompaniyasining eng so‘nggi innovatsiyalarni Galaxy foydalanuvchilariga imkon qadar tezroq yetkazishga intiladi”, dedi Yanghyun Yun, EVP va dasturiy ta’minot bo‘limining katta ijrochi direktori. “So’nggi bir necha hafta ichida biz xizmat ko’rsatuvchi provayderlar va aloqa operatorlari bilan yaqin hamkorlik natijasida, One UI 5.1 ni Galaxy S23 seriyasi e’lon qilinganidan keyin bir necha hafta ichida butun dunyo bo’ylab zamonaviy Galaxy smartfon va planshetlariga uladik.”

Professional kamera sifati

One UI 5.1 Galaxy S23 seriyasida e’lon qilingan yangilangan kamera xususiyatlari kengaytirildi. Galaxy foydalanuvchilari endi to‘g‘ridan-to‘g‘ri Galaxy Camera ilovasida mavjud bo`lgan Expert RAW funksiyalari bilan professional sifatli suratlar yaratishi mumkin. Yuqori sifatli surat olish uchun surat olish jarayonida shunchaki “Ko‘proq”-ni tanlang. Bundan tashqari, sun’iy intellektga asoslangan Advanced Photo Remaster hatto orqadan yoritilgan sahnalarda ham tafsilotlarni yoritish, sozlash va ranglarni to’g’rilash orqali buzilgan tasvir tafsilotlarini avtomatik ravishda yaxshilaydi. Bundan tashqari, mukammal fotosurat uchun keraksiz soyalar va ko’zgularni olib tashlaydi.

▲ Surat remasteri yaxshilandi

Navigatsiya yaxshilanishlari, shuningdek, Galereya ilovasida suratlarni topish va umumiy oilaviy albomlar yaratishni osonlashtiradi. Koʻproq rasmlarni qidirish uchun suratdagi odamning yuziga teging, Galereya ilovasi esa oilaviy fotoalbomlarga tavsiya qilish uchun yaqinlaringizning yuzlarini qidiradi.

Har bir foydalanuvchi uchun moslashtirilgan noyob mobil tajriba

Samsung uzoq vaqtdan beri Galaxy foydalanuvchi interfeysining turli jihatlarini moslashtirish orqali foydalanuvchilarga o’z qurilmalari ustidan ko’proq nazorat qilish imkonini beradi. One UI 5.1 foydalanuvchilarga tashqi ko‘rinishdan tortib aloqa, harakatlar va boshqa mobil tajribasining deyarli barcha jihatlarini sozlash imkonini beruvchi bir nechta qiziqarli yangi xususiyatlarni taqdim etdi. Samsung qurilmalardan qanday foydalanishni tushunadigan va muvofiq tavsiyalar beradigan yangi funksiyalarni taqdim etdi. Masalan, yangi dinamik ob-havo vidjeti joriy sharoitlarni tahlil qiladi va iqlimni aks ettiruvchi maxsus dizaynga ega. Moslashtirilgan fon rasmlari, qo’ng’iroq ohanglari, sensor sezgirligi va shrift rejimlari va protseduralar kengaytirildi, ular yanada qulayroq bo’lishi uchun muayyan harakatlarni shaxsiylashtirishi mumkin. One UI 5.1 foydalanuvchilar faoliyati asosida Spotify treklari va pleylistlarini tavsiya etish imkoniyatlari uchun Smart Suggestions vidjetini yaxshiladi.

▲ Yangi dinamik ob-havo vidjeti

▲ Spotify bilan birlashtirilgan aqlli takliflar vidjeti

* Tasvir simulyatsiya qilingan. UX/UI oʻzgarishi mumkin. Faqat Spotify Premium bilan amal qiladi.

Mavjudligi

Samsung Galaxy S20, S21, S22,  Z Fold4, Z Flip4, seriyalari uchun yangilangan UI 5.1 dasturiy ta’minoti moslashuvi boshlandi. Qo’shimcha Galaxy qurilmalari, jumladan Galaxy Z Fold3 va Z Flip3 uchun dasturiy ta’minot yangilanish jarayoni kelgusi haftadn ishga tushiriladi.

1. Galaxy S22 seriyasiga Galaxy S22, S22+ va S22 Ultra kiradi.

2. Galaxy S21 seriyasiga Galaxy S21, S21+, S21 Ultra va S21 FE kiradi.

3. Galaxy S20 seriyasiga Galaxy S20, S20+, S20 Ultra, S20 FE va S20 FE 5G kiradi.

4. Expert RAW ayrim modellarda mavjud, jumladan Galaxy S22, S22+, S22 Ultra, Z Fold4, S21 Ultra, Z Fold3, S20 Ultra, Note20 Ultra va Z Fold2. Funksiyaning mavjudligi qurilma modeliga qarab farq qilishi mumkin.

5. Ob’ektdan soyalarni o’chirishni qo’llab-quvvatlaydi va u birinchi bo’lib One UI 5.1 dan Photo Remaster-da ishga tushadi.

6. Samsung oylaviy qayd yozuvi shahsiy qayd yozuvga asoslanadi.

7. Aqlli takliflar mavjudligi mintaqa yoki qurilmaga qarab farq qilishi mumkin.

8. Takliflarni olish uchun foydalanuvchilar Spotify ilovasining so‘nggi versiyasidan foydalanishlari lozim.

9. Multi Control faqat ayrim Galaxy telefonlarida, Galaxy Tabs va Galaxy Books-da mavjud. U One UI 4.1 yoki undan keyingi versiyali planshetlarda, One UI 5.1 yoki undan keyingi versiyali telefonlarda va 2021 yilda chiqarilgan Galaxy Book seriyasida yoki Samsung Settings 1.5 (Intel) yoki Samsung Settings 3.3 (ARM) versiyasida ishlaydi. Funksiyaning mavjudligi qurilma modeliga qarab farq qilishi mumkin. Samsung hisobiga kirish talab qilinadi. Wi-Fi va Bluetoothga ulanishi talab qilinadi.

10. Samsung Internet ilovasidagi eng so`nggi veb-saytlardan foydalanish imkoniyati faqat One UI 3.1.1 yoki undan yuqori versiyada (Samsung Galaxy S, Note, Z Fold, Z Flip) ishlaydigan Samsung Galaxy smartfonlarida va Windows 10 20H1 yoki undan yuqori versiyalarda ishlovchi kompyuterda mavjud. Windows/Samsung uchun Microsoft Phone Link uchun ilovaning so‘nggi versiyasini yuklab o`lish talab qilinadi.

Hozirda biror tasvir faylini qabul qilish orqali ham hakerlarning sizning qurilmanigizga yo’l topishi uchun yetarli bo’lishini bilasizmi? Deyarli barcha foydalanuvchilar uchun ayon bo’lgan qoidalar, ya’ni notanish havolalarni yoki biriktirilgan fayllarni ochmaslikning o`zi hozirgi kunda yetarli emas. Chunki, kiber jinoyatchilar yangidan-yangi hujum yo’llarini yaratishda davom etmoqdalar.

Tugma bosilmasdan ishga tushadigan xavflar eng so’nggi kiber hujumlardan biri bo’lib, tasvir qabul qilinganidan song istalgan paytda amalga oshirilishi mumkin. Ya’ni, yagona tasvir faylida xavfli kod yashirin tarzda kiritilgan bo’ladi.

Hozirgi kunga qadar Samsung Galaxy smartfonlarida bunday hujumlar qayd etilmagan bo’lsada, Samsung Electronics sodir bo’lish xavfi mavjud holatlarga doimo tayyor va Samsung Message Guard kabi ilgarilama xavfsizlik choralarini ishlab chiqish uchun harakat qiladi.

Yangi turdagi xatarlar uchun yangicha himoya

Tasavvur qiling, sizning smartfoningizga yangi rasm keldi. Xabar kelganligini yetkazish uchun u bir necha bor vibratsiya beradi-da, so’ngra yana sokin holatga qaytadi. Yoki bo’lmasa, siz shirin uyqudaligingizda uning ekrani qisqa muddatga yonishi va so’ngra yana o’chishi mumkin. Siz telefoningizga biror marotaba tegmagan bo’lsangiz ham, shu vaqtning o’zida boshqa foydalanuvchi sizning xabarlaringizni o’qishi, galereyangizdagi fayllarni ko’rishi yoki bank ma’lumotlaringizni o’ziga saqlab olayotgan bo’lishi mumkin.

Foydalanuvchilar ma’lumotlariga qaratilgan kiber hujumlarning soni oshib bormoqda, hozirgi davrda tugma bosilmasdan ishga tushadigan xavflar virusning eng so’nggi turi. Dunyoda har uchinchi foydalanuvchi hakerlar tomonidan o’girlik natijasida o’z ma’lumotlarining yo’qolishi qurboni bo’lgan. Ma’lumotlar yo’qolishi holatlari ommalashib bormoqda, va 2013-2021 yillar mobaynida ularning soni uch karraga oshdi.

Xatarlar rivojlanib borgani sari Samsungning mobil himoya vositalari ham mukammalashib bormoqda. Qudratli Knox platformasi yordamida Samsung smartfonlari foydalanuvchilarga keng qamrovli himoya taqdim etadi va foydalanuvchilar allaqachon video va audio formatidagi fayllar orqali amalga oshiriladigan kiber hujumlardan himoyalangan. Endilikda esa, Samsung Message Guard imkoniyatlari yordamida tasvir fayllari orqali yuboriladigan xavflardan ilgarilama himoya taklif etilmoqda hamda yuqorida qayd etilgan himoya darajasi yana bir pog’ona yuqoriga ko’tarilmoqda.

Mazkur himoya hozirda Samsung Messages hamda Messages by Google4 ilovalarida ishga tushirilgan. Samsungning ochiq hamkorlik falsafasiga sodiq qolgan holda, navbatdagi yangilanishlar Samsung Message Guard yordamida uchinchi tomon xabar ilovalarida ham himoyalanish imkoniyatini taqdim etadi.

Xavfsiz muhit

Samsung Media Guard funksiyasini keng imkoniyatli “tekshiruv maydoni” yoki virtual karantin sifatida ifodalashimiz mumkin. Ya’ni, yangi tasvir fayli kelishi bilanoq u nazorat ostiga olinib, qurilmadagi boshqa fayllardan ajratib olinadi. Natijada, fayllarda yashirin holatda kelishi mumkin bo’lgan zararli kodlar sizning shaxsiy yoki dasturiy ta’minot fayllaringizga yo’l topa olmaydi. Samsung Message Guard kelgan faylning har bir “bit”-ni tekshiradi hamda nazoratga olingan muhitda uni ishga tushirib, qurilmaga zarar yetkazmasligiga ishonch hosil qiladi.

Oddiy qilib aytganda, Samsung Message Guard tasvir fayllaridagi yashirin xavflar foydalanuvchiga zarar yetkazishga ulgurmasdan ularni mustaqil tarzda yo’q qiladi. O’z navbatida u doimi ravishda ishlaydi va foydalanuvchi tomonidan ishga tushirilishi talab etilmaydi. Natijada, sal avval siz hech qanday harakatsiz ham xavf ostida qolayotgan bir paytda, Samsung sizga ortiqcha harakatlarsiz yangi turdagi xavflardan himoyani taklif etadi.

Samsung Message Guard — bu Samsung kompaniyasi tomonidan taklif etilayotgan eng so’nggi himoya imkoniyatidir. Bundan tashqari o`z sohasida ilg`or bo’lgan Samsung Knox ilovasi yordamida Samsung Galaxy qurilmalari boshqa sohalarda ham eng yuqori darajadagi himoya va shaxsiy xavfsizlik imkoniyatlarini taqdim etmoqda. U har bir dastur va qurilmada foydalanuvchiga qulay bo’lgan himoyani taqdim etadi va xavflarni aniqlashda qo’l keladi.

Mavjudlilik

Samsung Message Guard hozirda Samsung Galaxy S23 seriyasi qurilmalarida himoya vositasi sifatida foydalanilmoqda. 2023 yildan u boshqa Galaxy smartfonlari va planshetlari uchun ham amal qilishni boshlaydi. 

1. Thales foydalanuvchilarning raqamli ishonch indeksi 2022 yil ko’rsatkichlari https://cpl.thalesgroup.com/data-trust-index.
2. Verizon ma’lumotlar yo’qotilishi 2022 yil xisoboti https://www.verizon.com/business/resources/reports/dbir/.
3. Samsung Message Guard quyidagi formatlardagi tasvir fayllari uchun himoya imkoniyatini beradi: PNG, JPG/JPEG, GIF, ICO, WEBP, BMP, WBMP.
4. Odatiy xabar ilovalari mintaqaga qarab farq qilishi mumkin
5. One UI 5.1 yoki yuqori versiyalar