O‘zbekiston – Samsung Newsroom O'zbekiston

Samsung Electronics 2025-yilda Samsung Vision AI va yangi innovatsiyalarni hamda kundalik hayotni boyitish uchun shaxsiylashtirilgan, AI’ga asoslangan ekranlarni taqdim etdi

Thu, 24 Jul 2025 09:50:25 +0000

LAS VEGAS, Nevadada 2025-yilning boshida Samsung Electronics Co., Ltd. CES 2025 First Look tadbirida kundalik hayotimizni boyitish uchun AI asosida ishlaydigan shaxsiy ekranlar — Samsung Vision AI taqdimotini o‘tkazdi. Shuningdek, Samsung eng yangi Neo QLED 8K QN990F flagmanini hamda oʻzining Lifestyle televizorlari va kelajakdagi displey texnologiyalari uchun qiziqarli yangilanishlarni taqdim etdi. Bu Samsung’ning kundalik hayotni soddalashtirish va boyitish uchun ekranlarni moslashuvchan va aqlli hamrohlarga aylantirish haqidagi qarashlarini aks ettiradi.

“Samsung televizorlarni passiv isteʼmol uchun bir maqsadli qurilmalar sifatida emas, balki ehtiyojlaringizga moslashadigan interaktiv va aqlli hamrohlar sifatida koʻradi, — dedi Samsung Electronics kompaniyasining Visual Display Business prezidenti va rahbari SW Yong. — Samsung Vision AI yordamida biz oʻyin-kulgi, shaxsiylashtirish va turmush tarzi yechimlarini birlashtirgan holda hayotingizni osonlashtirish uchun ekranlar nimaga qodirligini qayta kashf etmoqchimiz”.

Samsung Vision AI^[1]: qulay hayot tarzi uchun aqlliroq va moslashuvchan ekranlar

Samsung Vision AI bu Samsung’ning aqlli, intuitiv va uzluksiz ekran qulayliklarini taqdim etish safaridagi navbatdagi qadam demak. Samsung Vision AI Samsung televizoringizni atrof-muhitdan xabardor qilish, foydalanuvchi xohishlariga moslashish va intuitiv funksiyalarni avtonom taqdim etish qobiliyati bilan ekranlarni oʻyin-kulgi, sodda muloqotlar va oʻzaro bogʻlangan turmush tarziga muammosiz integratsiya qiluvchi aqlli hamrohlarga aylantiradi.

Samsung Vision AI’ning asosi shaxsiylashtirilgan funksiyalardan iborat boʻlib, u foydalanuvchilarning ekranlar bilan qanday munosabatda boʻlishini qayta belgilaydi.

Izlash uchun bosing funksiyasi tomoshani buzmasdan ekrandagi narsa/kimsa haqida maʼlumot (aktyorni aniqlash yoki koʻrsatilgan kontentni oʻrganish va hokazo) olish imkonini beradi.
Qurilma ichiga joylashgan AI tarjimon modeli bilan taʼminlangan Live Translate jonli ravishda subtitr bilan til toʻsiqlarini bartaraf qiladi va tomoshabinlarga global kontentlardan muammosiz bahramand boʻlish imkonini beradi.
Generativ fon rasmi ekranlarni dinamik, moslashtirilgan badiiy planshetlarga aylantirib, foydalanuvchilarga oʻz didi yoki vaziyatiga toʻliq mos keladigan tasvirlarni yaratishga imkon beradi.

Shaxsiylashtirishdan tashqari, Samsung Vision AI ekranlarni SmartThings ekotizimiga integratsiyalash orqali aqlliroq hayot tarzi markazi sifatida xizmat qiladi:

Uy insaytlari uyingizdagi muhit haqida jonli ravishda yangilanishlar, jumladan, xavfsizlik boʻyicha ogohlantirishlar va kundalik maʼlumotlarni taqdim etib, foydalanuvchilarga uyda yoki uydan uzoqda boʻlgan taqdirda ham xotirjamlikni taʼminlaydi.
Uy hayvonlari va oila aʼzolariga gʻamxoʻrlik yaqinlaringizni kuzatib boradi va uy hayvonlari va oila aʼzolarining noodatiy xatti-harakatlarini aniqlaydi. U televizorlar orqali jonli ravishda yangilanishlar va yozib olingan voqealarni taqdim etish, shuningdek, bola uxlab qolganda chiroqlarni oʻchirish kabi xona holatini avtomatik sozlovchi funksiyalar bilan qulaylikni oshiradi.

Shu bilan birga, Samsung Vision AI tasvir va ovoz sifati boʻyicha ajoyib yutuqlarga erishgan. U ekrandagi har bir lahzani jozibali xotiraga aylantiradi. Qurilma ichidagi AI tasvir va ovoz texnologiyalari kontent va atrof-muhit omillarini jonli ravishda tahlil qiladi hamda tasvir va audioni dinamik ravishda sozlab, tomoshani optimallashtiradi.

Tarixi davomida innovatsiyalari uchun tan olingan Samsung oʻz merosiga asoslandi va oʻzining eng soʻnggi Vision AI funksiyalari, jumladan, Click to Search va Live Translate, shuningdek, AI hamroh boʻlgan Ballie va Copilot’ni oʻz ichiga olgan Smart Monitor M9 kabi ilgʻor mahsulotlari nufuzli 2025 CES Innovation Award mukofotiga sazovor boʻldi.

AI ekranlar davri: kompaniya Samsung Vision AI’ni oʻzining eng keng mahsulotlar kategoriyasiga olib kiradi

Samsung AI asoslangan ekran texnologiyasining yangi davrini boshlab berdi. Samsung Vision AI funksiyalari endi oʻzining eng keng qamrovli mahsulotlar kategoriyasiga, jumladan, Neo QLED, OLED va QLED hamda The Frame modellariga kiritilgan. Ushbu kengayish kompaniyaning yanada koʻp foydalanuvchilarga aqlli va moslashuvchan ekranlarni taqdim etish, uydagi oʻyin-kulgi va aqlli hayot tarzi nimalarga qodirligini qayta kashf etishga sodiqligini taʼkidlaydi.

Ushbu innovatsiyaning boshida Samsung’ning hozirgi kundagi eng ilgʻor televizori — Neo QLED 8K QN990F turadi. Bu mislsiz tezkorlik, zamonaviy dizayn va AI’ga asoslangan aqlli funksiyalarni taqdim etadigan televizordir. Eng yangi NQ8 AI Gen3 protsessori bilan jihozlangan bu televizor tasvir sifati, tovush tiniqligi va umumiy tomosha hissini yaxshilash uchun qurilmadagi quyidagi AI funksiyalaridan foydalanadi:

8K AI Upscaling Pro: xira kontentni ajoyib 8K hajmgacha oshiradi va har bir kadrda ajoyib tafsilotlar va ravshanlik bag‘ishlaydi.
Auto HDR Remastering Pro: kontentni kadrma-kadr tahlil qilib, sahnaga mos ranglarni qoʻshish orqali hatto qorongʻi sahnalarda ham jonli rangtasvirni taʼminlaydi.
Adaptive Sound Pro: nutq, musiqa va tovush effektlari kabi tovush komponentlarini ajratish va optimallashtirish hamda aniq va muvozanatli ovozni yetkazib berish uchun AI’dan foydalanadi.
Color Booster Pro: AI asosidagi sahna tahlili va kengaytirilgan tasvirni qayta ishlash jarayoni bilan har bir kadr uchun ranglar tarkibini boyitadi.
AI Mode: AI asosida kontentni aniqlash va televizor ekrani tomonlarini tahlil qilgan holda tasvir va ovoz sifatini adaptiv tarzda sozlab, har qanday muhitda optimal tomoshani taʼminlaydi.

QN990F oʻta yupqa, minimal dizaynga ega boʻlib, ilgʻor texnologiyalarni nafis estetika bilan uygʻunlashtirgan premium uydagi koʻngilochar vosita hisoblanadi. Oʻzining ilgʻor funksiyalari va nafis dizayni bilan u har qanday xonaga koʻrk beradi va yaxlit koʻngilochar qulayliklarni taqdim etadi.

Sanʼatning yangi koʻrinishi: Samsung Art Store’ni kengaytirish va Frame Pro’ni joriy qilish

Samsung sanʼat va texnologiyani Samsung Art Store kengayishi va mashhur Frame mahsulot kategoriyasiga yangi qoʻshilgan The Frame Pro taqdimoti bilan uygʻunlashtirishga sodiqligini yana koʻrsatdi. Bu innovatsiyalar birgalikda Samsung’ning sanʼatni yanada ochiq, shaxsiy va kundalik hayotga uzluksiz integratsiya qilish vazifasini mustahkamlaydi.

Samsung Art Store endi nufuzli global hamkorlar, jumladan, MoMA hamda Magritte va Basquiat xonadonlari tomonidan tayyorlangan 3000 dan ortiq asarlar taqdim etadi. 2025-yilda ushbu kengaytirilgan toʻplam nafaqat The Frame va MICRO LED modellarida, balki Neo QLED va QLED modellarida^[2] ham mavjud boʻlib, foydalanuvchilarga oʻz ekranlarini shaxsiy sanʼat galereyalariga aylantirish uchun yanada koʻp imkoniyatlarni taqdim etadi. Bu Samsung’ning uylarni dinamik sanʼat bilan boyitish harakati tomon tashlagan yana bir muhim qadamidir.

Samsung The Frame’ni toʻldirishda ushbu qatorning eng soʻnggi modeli boʻlgan The Frame Pro’ni taqdim etdi. U ilgʻor Neo QLED tasvir sifati bilan sanʼat va koʻngilochar vositalar ixlosmandlariga qulaylik beradi. Xususan, yanada yorqin ranglar, aniq kontrastlar va tim qora maydonlarni hosil qiluvchi takomillashgan texnologiyani (local dimming) taqdim etadi. NQ4 Gen3 AI protsessori bilan jihozlangan The Frame Pro sanʼat asarlari va video kontentlarni koʻrishda tengi yoʻq tasvir sifatini taʼminlaydi. Shuningdek, u innovatsion Wireless One Connect’ga ega. Bu qurilmani atrof-muhit bilan uygʻunlashib ketadigan joylarga muammosiz oʻrnatish imkonini beradi.

Samsung Art Basel bilan hamkorlik qilib, sanʼat olami bilan oʻz aloqasini yanada mustahkamladi va The Frame‘ni butun dunyoda nishonlangan tadbirning rasmiy sanʼat asari displeyiga aylantirdi.

“Vazifamiz sanʼat olamiga quvvat berishdan iborat ekan, Samsung rasmiy global displey hamkorimizga aylanishi bizga jismoniy va raqamli toʻsiqlarni yengib oʻtishda katta yordamdir. Bular orqali yanada koʻplab odamlar sanʼatni innovatsion va mazmunli yoʻllar bilan kashf etadi, — dedi Art Basel’ning rivojlanish boʻyicha bosh direktori Xeyli Romer. — The Frame va Samsung Art Store orqali sanʼat ixlosmandlari oʻz uylariga jahon darajasidagi asarlarni olib kirib, sanʼat bilan oʻz munosabatlari va unga nisbatan qadr-qiymatni qayta anglay oladilar”.

Displey texnologiyasi kelajagini shakllantirish

Samsung ekranlar rolini qayta belgilashda yetakchilik qilishda davom etar ekan, uning yutuqlari nafaqat texnologiyani taqdim etadi, balki kundalik hayotni yaxshilovchi mazmunli va shaxsiylashtirilgan qulayliklarni yaratadi.

First Look 2025 koʻrgazmasida Samsung sanoatdagi birinchi interaktiv uch lazerli ultra qisqa masofali (UST) proyektori — The Premiere 5 ni taqdim etdi. Uydagi oʻyin-kulgi vositasiga yangilik kiritishga moʻljallangan Premiere 5 interaktiv sensorli funksiya bilan jihozlangan. Bu foydalanuvchilarga ekran bilan bevosita bogʻlanish imkonini beradi. Ushbu innovatsiya yuqori sifatli proyeksiyani koʻp qirrali funksionallik bilan uzluksiz birlashtiruvchi, kundalik hayotimizdagi obyektlarga turli tasvirlarni proyeksiyalovchi Samsung LightWARP texnologiyasini oʻz ichiga oladi. Bu oʻzgacha ijodiy va taʼsirli hisni beradi.

Samsung MICRO LED Beauty Mirror yordamida displey texnologiyasi kelajagini shakllantirishga ham sodiqligini koʻrsatdi. Ushbu innovatsion displey ilgʻor aks ettirish va oʻtkazuvchanlik imkoniyatlari hamda shaxsiy goʻzallik insaytlarini taqdim etuvchi funksiyalarni oʻzida birlashtirib, zamonaviy texnologiyalar kundalik hayotni qanday yaxshilay olishini namoyish etadi. Bu oyna terining individual turlarini tahlil qilib, Koreyaning yetakchi kosmetika kompaniyasi boʻlgan Amorepacific tomonidan ishlab chiqilgan innovatsion goʻzallik yechimlaridan foydalangan holda oʻz-oʻzini parvarish qilishni yanada intuitiv va samarali qilish uchun mos mahsulotlarni tavsiya qiladi.

Eng soʻnggi yangiliklar uchun news.samsung.com (Samsung Newsroom) manziliga tashrif buyuring.

^[1] Mavjud funksiyalar mamlakat va modelga qarab oʻzgarishi mumkin.

^[2] Mavjud modellar mamlakatga qarab oʻzgarishi mumkin.

SmartThings – Oilangizning aqlli yordamchisi: endi uyingiz o‘zi ishlaydi!

Thu, 24 Jul 2025 09:24:39 +0000

Tasavvur qiling, uyga yaqinlashganingizda eshik qulfi avtomatik ochiladi, chiroqlar yoqiladi, sevimli musiqangiz yangraydi. Har tong siz belgilagan vaqtda (masalan, soat 7:00 da) choynak avtomatik suv qaynata boshlaydi. Uydan chiqqaningizdan so‘ng gaz plitasini o‘chirganingizni eslay olmasangiz, telefoningiz orqali masofadan tekshirib, birgina tugma bilan o‘chirasiz. Televizorni yoqish uchun pultni qidirishingiz yoki chiroqni oʻchirish uchun oʻrningizdan turishingiz shart emas – shu va yana boshqa ko‘plab qulaylik bilan ta’minlaydigan eng mashhur tizimlardan biri bu Samsung SmartThings hisoblanadi.

SmartThings o‘zi nima?

SmartThings – bu Samsung ishlab chiqqan aqlli uy boshqaruv tizimi bo‘lib, u orqali siz turli xil qurilmalarni telefon yoki planshet orqali masofadan boshqarishingiz, avtomatik sozlashingiz va bir-biriga bog‘lashingiz mumkin.

Qanday ishlaydi?

SmartThings ilovasini telefoningizga yuklab olasiz (Android va iOS uchun mavjud).
Uyingizdagi aqlli qurilmalarni (masalan, aqlli chiroq, televizor, changyutkich) ilovaga ulaysiz.
Qurilmalarni qo‘lda boshqarish, jadval asosida sozlash, yoki avtomatik ssenariy yaratish mumkin. Misol uchun: “Soat 19:00 da chiroqlar yoqilsin, pardalar yopilsin va televizor yoqilsin” – bularning barchasini oldindan belgilab qo‘ya olasiz.

Yana qanday afzalliklari bor?

Xavfsizlik nazorati har daqiqa siz bilan: Eshik ochilishi yoki harakat aniqlansa, darhol telefoningizga xabar keladi. Farzandingiz uyga qaytdimi yoki o‘g‘ri kirishga urinyaptimi – hammasi nazorat ostida.

Harorat avtomatik sozlanadi: Uydagi havo isib ketsa – konditsioner yoqiladi, sovuq tushsa – isitish tizimi ishga tushadi.

Masofadan boshqaruv – uy cho‘ntagingizda: Ishdamisiz, safardamisiz – farqi yo‘q. Telefoningiz orqali changyutkichni ishga tushiring, pechni yoqing yoki kir yuvish mashinasini nazorat qiling.

Nega aynan SmartThings?

SmartThings oddiy ilova emas, bu Samsung kompaniyasining global texnologik platformasi. Ishonchli, xavfsiz, uzluksiz va kelajakni ko‘zlagan yechim.
Boshqa alternativalar ham bor, lekin ularning ko‘pi o‘zbek tilini qo‘llab-quvvatlamaydi, qurilmalarning integratsiyasi murakkab, xizmatlar cheklangan. SmartThings esa o‘zbek tilida ishlaydi, foydalanuvchilar uchun qulay, tez va oddiy.
Uyingizni telefondan, ovoz orqali yoki hatto geografik joylashuvingizga qarab boshqarishingiz mumkin.
SmartThings orqali siz turli ishlab chiqaruvchilarning yuzlab qurilmalarini bitta ilovada boshqarasiz. Chiroq boshqa firmadanmi, konditsioner boshqa, televizor esa Samsungnikimi? Muammo emas. Hammasi yagona tizimga ulanadi va sizga faqat bir ilova kerak bo‘ladi.
SmartThings qurilmalarining narxlari va ishlatish qulayligi uni oddiy foydalanuvchi uchun ham moslashtiradi. Siz endi kelajak texnologiyasidan foydalanish uchun boy bo‘lishingiz shart emas – faqat aqlli qaror qabul qilsangiz kifoya.

SmartThings – bu kelajak uyi. Sizning uyingizda kelajak bugundan boshlanadi.

Batafsil ma’lumot https://www.samsung.com/uz_uz/ saytida.

Samsung Galaxy Watch8 modellari: uyqudan tortib to mashgʻulotlargacha ultra qulaylik

Mon, 14 Jul 2025 11:36:44 +0000

2025-yil, 9-iyul – Samsung Electronics Co., Ltd Galaxy Watch8 va Galaxy Watch8 Classic’ni taqdim etdi[1]. Bu modellar butun Galaxy Watch qatorida oʻziga xos yangicha dizayn bilan ajralib chiqdi. Galaxy Watch Ultra’ning yumshoq dizayn asosda qurilgan ushbu modellari sogʻligʻingizni doimiy ravishda kuzatishda eng nozik, eng qulay Galaxy Watch modellarini[2] oʻz ichiga oladi. Galaxy Watch8 modellari turli xil turmush tarziga mos keladi va ilgʻor imkoniyatlarni taqdim etadi hamda oʻzining stil va shaxsiylashtirilgan sogʻliq funksiyalari tufayli yangi standartni oʻrnatadi.

“Biz innovatsion texnologiyalarimiz orqali milliardlab odamlarga sogʻlom hayot kechirish imkoniyatini berishga sodiqmiz, – dedi Samsung Electronics kompaniyasining prezidenti va Device eXperience (DX) boʻlimi rahbari TM Roh. – Maqsadli dizaynni ilgʻor sensor texnologiyasi va intuitiv AI imkoniyatlari bilan uygʻunlashtirgan holda Galaxy Watch8 modellari sogʻlom va yanada chuqur oʻzaro bogʻlangan hayot tarziga oʻtish uchun boshlangʻich nuqta boʻlib xizmat qiladi va foydalanuvchilarning farovonligi yoʻlida mazmunli qadamlar bosishni yanada osonlashtiradi.

Soʻnggi salomatlik funksiyalari uchun noldan qayta ishlangan

Qurilma shakli va funksiyalari qayta koʻrib chiqilishi orqali Galaxy Watch8 modellari sanoatda yetakchi tezlik bilan tengi yoʻq qulaylikni taʼminlashga erishdi. Bu esa uni kundalik salomatlik uchun eng yaxshi hamrohga aylantiradi. Galaxy Watch Ultra bilan birga chiqqan oʻzgacha yumshoq dizayn endi butun Galaxy Watch qatorida mavjud. Eng nozik dizaynga erishish uchun Galaxy Watch8 ning ichki tuzilishi butunlay qayta ishlab chiqildi va uning komponentlarni oʻrnatish qobiliyati 30% ga yaxshilandi. Natijada dizayn 11%ga yupqalashdi. Dynamic Lug tizimi orqali bu dizayn bilak bilan tabiiy ravishda harakatlanib, yangicha qulaylik va takomillashgan barqarorlikni³ taʼminlaydi hamda sogʻliqni kuzatishning aniqligini oshiradi.

Galaxy Watch8 ning zamonaviy koʻrinishi ajoyib tezkorlik bilan toʻldirilgan. Ochiq havoda yorqin quyosh nuri ostida boʻlsangiz ham, displey 3000 nitsda 50% yorqinroq boʻlib, eng yuqori yorqinlik bilan ajralib turadi. Takomillashgan batareya⁵ esa faol hayot tarzi uchun moʻljallangan. Bundan tashqari, ikki chastotali GPS yanada aniqroq joylashuv natijalarini beradi. Eng kuchli 3 nm protsessorimiz esa tezkorlik va yuqori quvvat samaradorligini taʼminlaydi. Salomatlik boʻyicha chuqurroq va aniqroq maʼlumot olish imkonini beruvchi ilgʻor BioActive Sensor bilan esa Galaxy Watch8 modellari sogʻligingizning yaxlit koʻrinishini taqdim etishga yordam beradi.

Uzoq muddatli salomatlikka erishishga harakat uchun motivatsiya

Uyqu sizning umumiy sogʻligʻingiz koʻzgusidir. Har bir sogʻlom kechki uyqu tanangiz va ongingiz ertasi kuni darhol tiklanishiga sababchi boʻladi. Shu sababli Samsung doimiy ravishda sogʻlom uyqu uchun vositalarni rivojlantirib, moslashtirilgan uyqu boʻyicha murabbiylarni taklif qilmoqda. Bu optimal uyqu muhitini yaratishga yordam beradi va hatto uyqu apnoesining oʻrtacha va ogʻir belgilarini aniqlaydi. Bundan tashqari, Galaxy Watch8 modellari Samsung Health ilovasi yangicha va noyob sogʻliqni saqlash funksiyalari bilan taʼminlangan boʻlib, ular uyqudan tortib to ovqatlanish va mashgʻulotlargacha bir zumda motivatsion insaytlar berish orqali sogʻlom odatlarni shakllantirishga yordam beradi.

Bedtime Guidance (Uyqu vaqti boʻyicha koʻrsatma) sirkad ritmingizni oʻlchab, ertalab tetik holda uygʻonishingiz uchun necha soat uyqu optimal ekanligini koʻrsatadi. Vascular Load (Qon tomir bosimi) uyqu paytida qon tomir tizimidagi stress darajasini kuzatishda yordam beradi. Bu turli xil turmush tarzi omillari, jumladan, uyqu, stress va faollik haqida insayt berib, sogʻligʻingizni asrashda kengroq yondashuvga oʻtishingizga yordam beradi.

Shuningdek, Galaxy Watch8 modellari aqlli soatda birinchi marta Antioxidant Index (Antioksidant indeksi) ni[6] taqdim etadi. Bu sizga karotenoid darajasini atigi besh soniyada oʻlchash va sogʻlom umr kechirish uchun mazmunli turmush tarzini tanlash imkonini beradi.

Boshlangʻich yoki tajribali yuguruvchimisiz? Galaxy Watch8 modellari sizga eng kerak payti motivatsiya berish uchun moslashtirilgan fitnes insaytlarini taqdim etadi. Running Coach (Yugurish boʻyicha murabbiy)[7] fitnes darajangizni 1 dan 10 gacha boʻlgan shkalada baholaydi va jonli ravishda koʻrsatma va motivatsion insaytlar bilan moslashtirilgan mashgʻulot rejasini ishlab chiqadi. Yugurishni qoʻllab-quvvatlaydigan yangilangan Together (Birgalikda) funksiyasi orqali siz doʻstlaringiz va oilangiz bilan birga shugʻullanib, fitnes sayohatingizni qiziqarli ravishda oʻtkaza olasiz.

Agar yuqori darajali stress davom etsa, High Stress Alert (Yuqori darajali stress) shu zahoti signal beradi. Shunda siz darhol tanaffus qilib, jonli ravishda stress darajasini tushira olasiz. Mindfulness Tracker (Xotirjamlik trekeri) yordamida siz kayfiyatingizni yozib olishingiz va stressni yengillashtirish uchun nafas olish mashqlari boʻyicha koʻrsatmalar olishingiz mumkin. Bular hammasi bir vaqtning oʻzida bilagingizda qulay sodir boʻladi.

Bundan tashqari, AI bilan qoʻllab-quvvatlangan Energy Score (Energiya balli)[8] jismoniy va ruhiy energiya koʻrsatkichlaringizni birlashtirib, sizga yaxlit energiya darajangiz suratini beradi. Bu orqali siz har kunni sogʻlom ravishda oʻtkazayotganingizga ishonch hosil qilasiz.

Wear OS va Gemini bilan oson qoʻlsoat amallari

Google bilan yaqin hamkorlikda ishlab chiqilgan Galaxy Watch8 modellari Google’ning AI yordamchisi boʻlgan Gemini[9] bilan keladigan va Wear OS 6 tomonidan qoʻllab-quvvatlanadigan birinchi aqlli qoʻlsoatdir. Qoʻlsoatning Samsung Health, Calendar, Reminder va Clock kabi Galaxy Watch ilovalarida yoʻl-yoʻlakay ishlarni bajarish uchun tabiiy ovozli buyruqlardan foydalana olasiz. Misol uchun, siz Gemini’dan yaqin atrofdan

kafe topishni soʻrashingiz va doʻstingizga oʻsha yerda uchrashish haqida SMS yuborishingiz mumkin. Barchasi bir urinishda. Yoki mashgʻulot qilishga tayyor boʻlsangiz va maqsad aniq boʻlsa, shunchaki “30 daqiqalik yugurishni boshladim” deb ayting. Qoʻlsoatingiz Samsung Health’da shu zahoti mashqni ishga tushiradi.

Bundan tashqari, yangi One UI 8 Watch tufayli foydalanuvchi interfeysi soat yuzining oʻlchami va shakli uchun optimallashtirilgan. Yangi Multi-Info Tiles (Koʻp maʼlumotli plitkalar) sogʻliqni saqlash koʻrsatkichlari, ob-havo, voqealar va boshqalarni oson koʻrish imkonini beradi. Barchasi yagona va tezkor koʻrinishda. Bundan tashqari, yangi Now Bar paneli va ustma-ust tushirilmagan bildirishnomalar asosiy faollik oldinda va markazda boʻlishini taʼminlaydi.

[Galaxy Watch Series Product KV]

Har bir turmush tarziga moslashtirilgan

Galaxy Watch8, Galaxy Watch8 Classic va yangi Galaxy Watch Ultra’ga bugundan boshlab ayrim bozorlarda oldindan buyurtma berish mumkin. Asosiy sotuvlar 25-iyuldan[10] boshlanadi.

Zamonaviy va minimal dizaynli Galaxy Watch8 kundalik salomatlik uchun moʻljallangan. Qoʻlsoat 44 millimetr yoki 40 millimetr oʻlchamlarda va grafit yoki kumush rangda mavjud boʻlib, u kundalik faoliyat uchun qulaylik va stilni taʼminlaydi. Shuningdek, Galaxy Watch8 Classic aylanadigan ramka va tezkor tugma kabi qoʻshimcha qulaylik va zamonaviy xususiyatlar bilan bilagingizga davr tanlamaydigan nafosatni beradi. Classic modelning oʻlchami 46 millimetr va qora va oq rangda. Bundan tashqari, har ikkala model turli turmush tarziga moslashtirilgan bir qator zamonaviy tasmalarga11] mos kelishi mumkin.

Ochiq havoda sarguzasht qilishni yaxshi koʻradiganlar uchun Galaxy Watch Ultra shu kungacha eng ilgʻor va bardoshli Galaxy Watch modelidir. U toʻrtta titanium ranglarida, jumladan, yangi Titanium Blue’da mavjud boʻlib, eng uzoq ishlaydigan batareya va eng barqaror tezkorlikni taklif qiladi.

Agar siz sogʻligʻingizni uzluksiz kuzatishni taʼminlaydigan, koʻzga tashlanmaydigan taqiladigan qurilmani qidirayotgan boʻlsangiz, Galaxy Ring yuqori qulayligi va yetti kunlik batareyasi bilan ajoyib tanlov boʻladi. Titanium Black, Titanium Silver va Titanium Gold ranglarida mavjud boʻlgan Galaxy Ring 5-15 oʻlchamlarda keladi.

Galaxy Watch8 va Galaxy Ring haqida batafsil maʼlumot olish uchun ushbu havolalarga oʻting: www.samsungmobilepress.com, news.samsung.com/global, www.samsung.com/galaxy-watch yoki http://www.samsung.com/galaxy-ring.

Galaxy Watch8 modellarining texnik xususiyatlari

	Galaxy Watch8	Galaxy Watch8 Classic
Rang	– 44 mm: grafit, kumush – 40 mm: grafit, kumush	46 mm: qora, oq
Oʻlchamlar[12] & Ogʻirligi[13	– 44 mm: 43.7 mm x 46 mm x 8.6 t (34.0 g) – 40 mm: 40.4 mm x 42.7 mm x 8.6 t (30.0 g)	46 mm: 46.4 mm x 46 mm x 10.6 t (63.5 g)
Displey	Sapphire Crystal – 44 mm: 1.47 dyuym (480×480) Super AMOLED, Full Color, Doim yoniq displey – 40 mm: 1.34 dyuym (438×438) Super AMOLED, Full Color, Doim yoniq displey	Sapphire Crystal – 46 mm: 1.34 dyuym (438×438) Super AMOLED, Full Color, Doim yoniq displey
Protsessor	Exynos W1000 (5 yadroli, 3 nm)
Tezkor xotira & Doimiy xotira	2 GB tezkor xotira + 32GB doimiy xotira	2 GB tezkor xotira + 64 GB doimiy xotira
Batareya[14] (odatiy)	– 44 mm: 435 mAh – 40 mm: 325 mAh	445 mAh
Quvvatlash[15]	Tezkor quvvatlash (WPC’ga asoslangan simsiz quvvatlanish)

	Galaxy Watch8		Galaxy Watch8 Classic
Rang	– 44 mm: grafit, kumush – 40 mm: grafit, kumush		46 mm: qora, oq
Oʻlchamlar & Ogʻirligi	– 44 mm: 43.7 mm x 46 mm x 8.6 t (34.0 g) – 40 mm: 40.4 mm x 42.7 mm x 8.6 t (30.0 g)		46 mm: 46.4 mm x 46 mm x 10.6 t (63.5 g)
Displey	Sapphire Crystal – 44 mm: 1.47 dyuym (480×480) Super AMOLED, Full Color, Doim yoniq displey – 40 mm: 1.34 dyuym (438×438) Super AMOLED, Full Color, Doim yoniq displey		Sapphire Crystal – 46 mm: 1.34 dyuym (438×438) Super AMOLED, Full Color, Doim yoniq displey
Protsessor	Exynos W1000 (5 yadroli, 3 nm)
Tezkor xotira & Doimiy xotira	2 GB tezkor xotira + 32GB doimiy xotira		2 GB tezkor xotira + 64 GB doimiy xotira
Batareya (odatiy)	– 44 mm: 435 mAh – 40 mm: 325 mAh		445 mAh
Quvvatlash	Tezkor quvvatlash (WPC’ga asoslangan simsiz quvvatlanish)
OS[16]	Samsung tomonidan qoʻllab-quvvatlangan Wear OS (Wear OS 6)
UI	One UI 8 Watch
Sensorlar	Samsung BioActive sensori (Optik Bio-signal sensori + yurak elektrik signali + Bioelektrik impedans tahlili), Tana harorati sensori, Akselerometr, barometr, giroskop, geomagnit sensor, yorugʻlik sensori	Samsung BioActive sensori (Optik Bio-signal sensori + yurak elektrik signali + Bioelektrik impedans tahlili), Tana harorati sensori, Akselerometr, barometr, giroskop, geomagnit sensor, yorugʻlik sensori, 3D Hall sensori
Ulanuvchanlik	LTE[17], Bluetooth 5.3, Wi-Fi 2.4+5 GHz, NFC, L1+L5 ikki chastotali GPS (GPS, Glonass, Beidou, Galileo)
Chidamlilik[18]	5ATM + IP68 / MIL-STD-810H
Mos qurilma	Xotirasi 1.5 GB dan ortiq boʻlgan Android 12 yoki undan keyingi versiyadagi telefonlar[19]

[1] Mavjudligi va funksiyalari bozor, model va ulangan smartfonga qarab farq qilishi mumkin. Ushbu hujjatda keltirilgan barcha funksionallik, xususiyatlar, texnik xususiyatlar va mahsulotning boshqa maʼlumotlari, shu jumladan, mahsulotning afzalliklari, dizayni, narxi, komponentlari, unumdorligi, mavjudligi va imkoniyatlari ogohlantirilmasdan oʻzgartirilishi mumkin.

[2] Oldingi Galaxy qoʻlsoatlari bilan solishtirganda.

[3] Faqat umumiy salomatlik va fitnes maqsadlari uchun moʻljallangan. Har qanday tibbiy holat yoki kasallikni aniqlash, tashxislash, davolash, monitoring qilish yoki nazorat qilish uchun moʻljallanmagan. Qurilma va/yoki ilova orqali berilgan sogʻliqqa oid har qanday maʼlumotlarga tibbiy maslahat sifatida qaralmaslik kerak. Foydalanuvchilar har qanday tibbiy maslahat uchun shifokorga murojaat qilishlari kerak. Baʼzi xususiyatlar bozor, operator yoki ulangan qurilmaga qarab farq qilishi mumkin.

[4] Foydalanuvchining sirkad ritmi va 3 kunlik uyqudagi bosim tahliliga asoslangan.

[5] Oxirgi 14 kunda kamida 3 kun davomida mos Galaxy Watch soatini taqib uxlash talab qilinadi.

[6] Oʻlchash uchun foydalanuvchi barmoq uchini soat orqasidagi sensorga qoʻyib, 5 soniya ushlab turishi kerak. Antioksidant indeksini har qanday barmoq yordamida oʻlchash mumkin, lekin eng aniq natija uchun bosh barmoq tavsiya etiladi. Terining notekis tuzilishi tufayli takroriy oʻlchov turli natijalarga olib kelishi mumkin.

[7] Murabbiy dasturini boshlashdan oldin yugurish darajasi testidan oʻtish va darajani belgilash talab qilinadi.

[8] Foydalanuvchi mos Galaxy Watch yoki Galaxy Ringʻni kamida bir marta roʻyxatdan oʻtkazsagina ishlaydi.

[9] Gemini mobil ilovasi muayyan qurilmalar, tillar va mamlakatlarda mavjud. Qurilmaga ulanishi uchun mos Wear OS qoʻlsoatini talab qiladi. Natijalar aniqligini tekshiring. Internet tarmogʻi va sozlash talab qilinishi mumkin. Funksiyalar obuna va akkauntga qarab farq qilishi mumkin. Natijalar namoyish maqsadlari uchun va amalda farq qilishi mumkin. Google va Gemini Google LLC kompaniyasining savdo belgilaridir.

[10] Rang va oʻlcham mavjudligi bozorga qarab farq qilishi mumkin.

[11] Alohida sotiladi. Qoʻlsoat tasmalarining mavjudligi bozor yoki dilerlarga qarab farq qilishi mumkin.

[12] Sogʻliq sensorlarisiz oʻlchandi.

[13] Tasmasiz oʻlchandi.

[14] Batareya davomiyligi Samsung tomonidan oʻtkaziladigan odatiy foydalanish ssenariylarida ichki laboratoriya sinovlari natijalariga asoslanadi. Batareyaning amaldagi davomiyligi turli xil foydalanish usullari, qurilma modeli, tarmoq muhiti va boshqa omillarga qarab farq qilishi mumkin. Uchinchi tomon laboratoriya sharoitida sinovdan oʻtgan odatiy qiymat. Odatiy qiymat IEC 6196 standarti boʻyicha sinovdan oʻtgan akkumulyator namunalari orasidagi akkumulyator sigʻimidagi ogʻishlarni hisobga olgan taxminiy oʻrtacha qiymatdir.

[15] Galaxy Watch8 va Galaxy Watch8 Classic (BT & LTE) relizdan oldingi versiyalarida Samsung telefoniga ulangan holda Samsung tomonidan sinovdan oʻtkazildi; barcha qurilmalar relizdan oldingi dasturiy taʼminot, Galaxy Watch Magnetic Fast Charging USB C kabeli (EP-OL300) va Samsung 25W USB C quvvat adapteri (EP-TA800) bilan sinovdan oʻtdi. Quvvatlash vaqti mintaqa, sozlamalar, foydalanish tartibi va atrof-muhit omillariga qarab farq qiladi; amaliy natijalar farq qilishi mumkin. Samsung 25W USB C quvvat adapteri (EP-TA800) alohida sotiladi.

[16] Samsung tomonidan qoʻllab-quvvatlangan Wear OS tizimi Android 12 yoki undan keyingi versiyada ishlaydigan, xotirasi 1.5 Gb dan ortiq boʻlgan telefonlarda ishlaydi. Mos qurilmalar bozor, operator yoki qurilma brendiga qarab farq qilishi mumkin.

[17] LTE tarmogʻi faqat LTE modellarida mavjud.

[18] Galaxy Watch8 modellari MIL-STD 810H sertifikatiga ega boʻldi: qurilmalar jami 6 soat davomida -20 °C dan (1 soat) 50 °C gacha (1 soat) takrorlanadigan sinovdan oʻtdi.

[19] Qurilmani Google mobil xizmatlarini qoʻllab-quvvatlaydigan smartfonga ulagandan keyingina faollashtirish mumkin. Mos qurilmalar bozor, operator yoki qurilma brendiga qarab farq qilishi mumkin.

Samsung “Super katta” Supermenni taqdim etish uchun Warner Bros. va DC Studios bilan hamkorlik qiladi

Thu, 10 Jul 2025 09:04:27 +0000

Samsung Electronics Co., Ltd 09 Iyul kuni Warner Bros. va DC Studios bilan eng soʻnggi “Supermen” filmini muxlislar uchun tayyorlangan bir qator tadbirlar, Supermen mavzusidagi video kontentlar va Samsung Art Store orqali DC Comics’dan cheklangan raqamli sanʼat asarlari bilan nishonlash uchun global hamkorlikni eʼlon qildi.

“Samsung yanada qiziqarli va mazmunli koʻngilochar vositalarni yaratishga intiladi, — dedi Samsung Electronics’ning Visual Display biznesining ijrochi prezident oʻrinbosari Hun Lee. — Yetakchi ijodiy studiyalar va rassomlar bilan hamkorlik qilish orqali biz odamlarga teatrda yoki uyda oʻzlari yoqtirgan hikoyalar va personajlar dunyosiga chuqur shoʻngʻishga yordam berishda davom etamiz”.

Jeyms Gan tomonidan yozilgan, rejissyor va prodyuserlik qilingan DC Studios’ning yangi kinematik olamidagi birinchi filmi boʻlgan “Supermen” 9-iyuldan boshlab butun dunyo boʻylab kinoteatrlarda namoyish etiladi. Kino chiqishi munosabati bilan Samsung “Shunchaki katta emas. Super katta” shiori bilan global kampaniyani boshlab yuboradi. Kampaniya birlamchi Supermen kinosini raqamli platformalar, chakana savdo joylari va jamoat joylari boʻylab nishonlaydigan bir qator video kontentlarni yoritadi.

Londonda ushbu kampaniya The Shard va Kings Cross Station kabi tirbandlik yuqori joylarda paydo boʻladigan Daily Planet mavzusiga oid bir qator gazeta doʻkon kiosklari orqali amalga oshadi.

Shuningdek, muxlislar Supermen mavzusidagi cheklangan nashrdagi buyumlar, eksklyuziv sovgʻalar va oʻzlarining tadbir fotosuratlari yoki videolarini baham koʻrish orqali global ijtimoiy media tanlovida ishtirok etib, super sovrinlar, jumladan 98 dyuymli Samsung televizorini yutib olishlari mumkin.

Interaktiv tadbirlar Osiyoda, jumladan Malayziya, Vyetnam va Koreyaning yirik savdo markazlarida boʻlib oʻtadi. Unda muxlislar Supermen mavzusidagi fotostendlar, immersiv displeylar va amaliy mahsulot sinovidan bahramand boʻlishadi.

Bundan tashqari, Samsung Art televizorlaridagi yetakchi raqamli tasviriy sanʼat platformasi boʻlgan Samsung Art Store foydalanuvchilar uchun DC Comics’dan 10 ta rasmdan iborat Supermen raqamli albom toʻplamini 1-iyuldan 31-avgustgacha bepul taqdim etadi. Bu toʻplam The Frame hamda 2025 QLED va Neo QLED modellarida[1] mavjud boʻlib, Supermenning qahramonlik merosini har bir xonadonga olib kiradi va muxlislarga undan yangicha usulda bahramand boʻlish imkonini beradi.

Samsung’ning Super Big TV qatoriga Neo QLED va Crystal UHD modellari kiradi va ular 98, 100, 115 dyuymli variantlarida mavjud boʻladi.[2] Keng ekranlar, AI orqali yaxshilangan ajoyib tasvir sifati va chuqur kontrast bilan Samsung uyga moʻljallangan ajoyib koʻngilochar vositani taklif etishni maqsad qilgan.

Batafsil maʼlumot uchun uchun www.samsung.com saytiga tashrif buyuring.

[1] Samsung Art TV qatoriga MICRO LED, The Frame, The Frame Pro, Neo QLED 8K, Neo QLED hamda Q7F va undan yuqori boʻlgan QLED modellari kiradi.

[2] Mahsulot mavjudligi mintaqaga qarab oʻzgaradi.

Supermen haqida

DC Studios IMAX® va kinoteatrlarda Warner Bros. Pictures tomonidan taqdim etiladigan Troll Court Entertainment/The Safran Company Production, Jeyms Gan filmi boʻlgan Supermenni 2025-yil 9-iyulda namoyish etadi.

Samsung Galaxy A modellaridagi yon tugmani Direct Access’dan AI yordamchisiga kengaytirdi

Wed, 09 Jul 2025 17:02:47 +0000

Hozirda muayyan Galaxy A modellari uchun yon tugma orqali AI yordamchisini faollashtirish imkoni bor. Avval Galaxy S modellarida mavjud boʻlgan, muxlislarning ushbu sevimli funksiyasi boshqa foydalanuvchilarga ham yetkaziladi va bu Samsungʻning soʻnggi AI qulayliklarini hamma uchun ochiq qilishga yoʻnaltirilgan qarashlarini yanada kuchaytiradi. Ushbu yangilanishdan[1] keyin foydalanuvchilar oddiygina yon tugmani uzoq bosib turish orqali yanada aqlli AI qulayliklari boʻlgan Google’ning AI’ga asoslangan yordamchisi — Gemini’ni[2] tezda ishga tushira oladigan boʻlishdi. Shuningdek, Samsung Awesome Intelligence’ni[3] eng soʻnggi Galaxy A modellarida — Galaxy A56 5G, Galaxy A36 5G va Galaxy A26 5G larda taqdim etdi. Bu yanada koʻp foydalanuvchilarga Galaxy’ning ajoyib mobil AI qulayliklarini ochib beruvchi, Galaxy muxlislarining sevimli AI funksiyalaridir. Bu songi yangilanish esa butun dunyo boʻylab Galaxy A foydalanuvchilari uchun yon tugma yordamida Gemini’ga bevosita kirish orqali kundalik vazifalarni intuitiv tarzda bajarishda yordam beradi.

Tezkorlik va hamyonboplik muvozanati bilan tanilgan Galaxy A modellari endi ushbu yangilanish orqali yanada aqlli mobil qulayliklarni taqdim etadi. Gemini’ni bir harakatda ochish orqali foydalanuvchilar osongina oʻz jadvallarini tekshirishlari, yaqin atrofdagi restoranlarni topishlari yoki ovozli buyruqlar yordamida tugʻilgan kun sovgʻasini tanlashda tavsiya olishlari mumkin. Shuningdek, foydalanuvchilar ilovalardagi vazifalarni[4] bir buyruq orqali tezda bajara olishadi. Masalan, Google Maps’dan kechki ovqat joyini topish va manzilni SMS ilovasi orqali doʻstga yuborish. Bu Samsung, Google va muayyan uchinchi tomon ilovalarida ham ishlaydi.

“Samsung va Google uzluksiz, intuitiv va mazmunli AI qulayliklarini taqdim etish, soʻnggi texnologiyalarni koʻplab foydalanuvchilar uchun yanada qulayroq qilish uchun birga ishlamoqda”, dedi Samsung Electronics kompaniyasining ijrochi prezident oʻrinbosari, Mobile eXperience Business va mijozlar bilan ishlash boʻyicha boʻlim boshligʻi Jey Kim. “Galaxy A foydalanuvchilari endi sodda barmoq harakati orqali Gemini’ni tez va tabiiy ravishda faollashtira olishlaridan xursandmiz. Bu foydalanuvchilarga kundalik vazifalarni bajarishda aqlli tarzda yordam beradi degan umiddamiz”.

Gemini’ni bir zumda ochish imkoni kun davomida har qanday lahzada siz uchun AI yordamga tayyorligini anglatadi. Masalan, kechki ovqatni kech boʻlmasidan tezda rejalashtirish. Oddiy ovozli buyruq yordamida foydalanuvchilar Gemini’ga “Yaqin-atrofdan terrasada joylashtirilgan oʻrindiqli, uy hayvonlari uchun qulay boʻlgan fransuz restoranlarni top” deb aytishi va bir necha soniya ichida takliflarni olishi mumkin. Bu birorta soʻz termasdan joy tanlash va uni doʻstlar bilan baham koʻrishni osonlashtiradi.

Dasturiy taʼminot yangilanishlari may oyining boshidan muayyan Galaxy A modellarini uchun butun dunyo boʻylab tarqaldi.

Galaxy A modellari haqida batafsil maʼlumot olish uchun ushbu manzilga tashrif buyuring: Samsung.com, Samsung Newsroom

[1] Mavjudligi va qoʻllab-quvvatlanadigan funksiyalar bozor, operator va qurilma modeliga qarab farq qilishi mumkin. Bu yangilanish faqat One UI 7 bilan ishlaydigan Galaxy A56 5G, A55 5G, A54 5G, A36 5G, A35 5G, A34 5G, A26 5G, A25 5G, A25e 5G va A24 modellarida mavjud boʻladi va may oyida chiqarilishi rejalashtirilgan. Vaqti oʻzgarishi mumkin.

[2] Internet tarmogʻi va mos operatsion tizim talab qilinadi. Mavjudligi qurilma, mamlakat/mintaqa va tilga qarab oʻzgarishi mumkin.

[3] Awesome Intelligence Galaxy A56 5G, Galaxy A36 5G va Galaxy A26 5G qurilmalarida mavjud. Awesome Intelligence funksiyalari mavjudligi mamlakat/mintaqa, One UI/OS versiyasi, qurilma modeli va operatorga qarab farq qilishi mumkin.

[4] Internet tarmogʻi va Google akkauntiga kirish talab qilinadi. Xizmat mavjudligi mamlakat/mintaqa, til va qurilma modeliga qarab farq qilishi mumkin. Mos ilovalarda ishlaydi. Obunaga qarab funksiya mavjudligi va natijalar farq qilishi mumkin. Muayyan funksiyalar yoki ilovalar uchun sozlash talab qilinishi mumkin. Natijalar aniqligi kafolatlanmaydi.

Samsung Wallet Mercedes-Benz uchun raqamli kalitni joriy qildi

Mon, 30 Jun 2025 07:57:52 +0000

SEOUL, Koreya – 25-iyun, 2025-yil – Samsung Electronics Co., Ltd bugun Samsung Wallet 2025-yil iyul oyidan boshlab Mercedes-Benz avtomobillari uchun raqamli kalitlarni qoʻllab-quvvatlashini eʼlon qildi. Ushbu yangi integratsiya bilan Galaxy foydalanuvchilari^[1] endi Mercedes-Benz avtomobillarini oʻzlarining smartfonlaridan qulflash, ochish va oʻt oldirishlari mumkin boʻladi^[2].

“Biz Mercedes-Benz egalariga Samsung Digital Key bilan birga keladigan ajoyib qulaylikni taqdim qilishdan xursandmiz, — dedi Samsung Electronics kompaniyasining Mobile eXperience (MX) Business Digital Wallet jamoasi rahbari va ijrochi prezident oʻrinbosari Vonchxol Chai (Woncheol Chai). — Mercedes-Benz bilan hamkorligimiz Galaxy ekotizimida texnologiyaga asoslangan qulayliklardan oson foydalanishni taʼminlashga oid tasavvurimizni yanada rivojlantiradi”.

“Mijozlarimizga qulaylik va hashamat bagʻishlash bizning ustuvor vazifamiz ekan, biz doim ularga eng yaxshi avtomobil qulayliklarini taqdim etishga intilamiz, — dedi Mercedes-Benz AG kompaniyasining Body-/Comfort-E/E, UI komponentlari direktori Stefan Blossi. — Samsung Digital Key’ning kompaniyamizga keltiradigan foydasi mijozlarimizga oʻz avtomobillaridan qulay foydalanish va ulanuvchanlikni taklif qilishda davom ettirish imkonini beradi”.

Samsung Wallet serqirra platforma boʻlib, u Galaxy foydalanuvchilariga raqamli kalitlar, toʻlov usullari, identifikatsiya kartalari va boshqa barchasini yagona xavfsiz va qulay ilovada taqdim etadi. 2022-yil iyun oyida ishga tushirilgan Samsung Wallet Samsung Knox^[3] tomonidan hukumat darajasidagi xavfsizlik bilan himoyalangan qulay interfeysni taklif etadi. U foydalanuvchilarning kundalik hayotida kuchli ulanuvchanlik va mustahkam xavfsizlikni taqdim etib, keng Galaxy ekotizimida tabiiy ravishda uygʻunlashadi.

Samsung Wallet’ga Mercedes-Benz Digital Key qoʻshilishi bilan foydalanuvchilar shundoqqina qoʻlda boshqariladigan yangicha qulaylik darajasini his qilishlari mumkin. Avtomobilga oʻtirgach, Samsung raqamli kaliti funksiyasi haydovchilarga jismoniy kalitsiz yoki hatto smartfonini choʻntaklaridan chiqarmasdan ham avtomobilni oʻt oldirish imkonini beradi. Shuningdek, ular raqamli kalitni doʻstlari yoki oila aʼzolari bilan ulashish uchun qulay va xavfsiz interfeysdan foydalana olishadi. Bu orqali erkin ravishda avtomobildan foydalanishga ruxsat berish yoki cheklov qoʻyish mumkin.

Mercedes-Benz raqamli kalitining Samsung Wallet bilan integratsiyalashuvi Galaxy’ning foydalanuvchilar uchun xavfsiz va ishonchli mobil aloqa qulayliklarini taʼminlash majburiyati bilan ham quvvatlanadi. Raqamli kalitlar xavfsiz tarzda qurilma ichiga oʻrnatilgan boʻlib, EAL6+^[4] mustahkam xavfsizlik standartlariga javob beradi va ruxsatsiz boshqaruvdan himoya qiladi. Car Connectivity Consortium (Avtomobillar ulanuvchanligi konsortsiumi) tomonidan oʻrnatilgan, standartlashtirilgan aloqa protokoli boʻlgan ultra keng tarmoq (UWB) texnologiyalaridan foydalangan holda raqamli kalit funksionallikni yuqori aniqlikda taʼminlaydi va avtomobil boshqaruviga ega chiqish urinishlari xavfini sezilarli darajada kamaytiradi.

Raqamli kalitga ega qurilma unutib qoldirilsa yoki oʻgʻirlatilsa, foydalanuvchilar Samsung Find xizmati orqali raqamli kalitlarni masofadan turib qulflashlari yoki oʻchirib tashlashlari mumkin. Bu qoʻshimcha himoya qatlamini taqdim etadi. Biometrik yoki PIN kodga asoslangan foydalanuvchi autentifikatsiyasi orqali esa Samsung Wallet avtomobillarni ehtiyotkorlik bilan himoya qiladi hamda har bir oʻzaro aloqa shaxsiy va xavfsiz boʻlishini taʼminlaydi.

Mavjudligi

Muayyan Mercedes-Benz avtomobillari uchun raqamli kalit funksiyasi 2025-yil iyul oyidan boshlab dunyoning ayrim hududlarida^[5] ishga tushiriladi. Foydalanuvchilar raqamli kalitlarini Mercedes me ilovasi orqali roʻyxatdan oʻtkazishlari mumkin.

Mercedes-Benz AG haqida qisqacha

Mercedes-Benz AG butun dunyo boʻylab jami 175,000 ga yaqin xodimlarga ega Mercedes-Benz Group AG tarkibiga kiradi va Mercedes-Benz Cars va Mercedes-Benz Vans global biznesiga masʼuldir. Ola Kellenius (Ola Källenius) — Mercedes-Benz AG boshqaruv kengashi raisi. Kompaniya asosan yengil avtomobillar, furgonlar va transport vositalari bilan bogʻliq xizmatlarni ishlab chiqish, terish va sotish bilan shugʻullanadi. Bundan tashqari, kompaniya elektromobillik va avtomobil dasturiy taʼminoti sohasida yetakchi boʻlishga intiladi. Mahsulotlar portfeli Mercedes-AMG, Mercedes-Maybach va G-Class bilan jihozlangan Mercedes-Benz brendi, shuningdek, ularning toʻliq elektr modellari hamda smart brendi mahsulotlarini oʻz ichiga oladi. Mercedes-Benz AG yengil avtomobillar ishlab chiqaruvchi dunyodagi eng yirik kompaniyalardan biri hisoblanadi. 2024-yilda u 2.4 millionga yaqin yengil avtomobil va furgonlarni sotdi. Mercedes-Benz AG oʻzining ikkita biznes segmentida toʻrtta qitʼada 30 dan ortiq ishlab chiqarish maydonlari bilan butun dunyo boʻylab ishlab chiqarish tarmogʻini doimiy ravishda kengaytirib, elektromobillik talablariga javob berishga tayyorlanmoqda. Shu bilan birga, kompaniya uchta qitʼada oʻzining global akkumulyator ishlab chiqarish tarmogʻini qurib, kengaytirmoqda. Barqarorlik Mercedes-Benz strategiyasi va kompaniyaning birlamchi tamoyili boʻlgani uchun bu barcha manfaatdor tomonlar — mijozlar, xodimlar, investorlar, biznes hamkorlar va butun jamiyat uchun doimiy qiymat yaratish demakdir. Buning zamirida Mercedes-Benz Group’ning barqaror biznes strategiyasi yotadi. Shu tarzda kompaniya oʻz biznes faoliyatining iqtisodiy, ekologik va ijtimoiy oqibatlari uchun javobgarlikni oʻz zimmasiga oladi va qiymat yaratishning to‘liq zanjirini nazorat qilib boradi.

^[1] Samsung Wallet Digital Key ayrim qurilmalarda qoʻllab-quvvatlanadi. Jumladan, Galaxy S21 Ultra/S21+, S22 Ultra/S22+, S23 Ultra/S23+, S24 Ultra/S24+, S25 Ultra/S25+, S25 Edge, Z Fold3, Z Fold4, Z Fold5, Z Fold6, Z Fold Special Edition.

^[2] Raqamli avtomobil kalitini qoʻllab-quvvatlaydigan Mercedes-Benz avtomobillari mintaqaga qarab farqlanadi. AQSHda bularga quyidagilar kiradi: E-Class Sedan W214, E-Class Wagon S214, Mercedes-Maybach EQS SUV Z296, EQS Sedan V297, EQS SUV X296, EQE Sedan V295, EQE SUV X294, S-Class Sedan W223, S-Class Sedan Long V223, Mercedes-Maybach S-Class Z223, Mercedes-AMG GT Coupé C192, Mercedes-AMG SL R232, Mercedes-Maybach SL Z232, C-Class Saloon W206, C-Class Estate S206, GLC SUV X254, GLC Coupé C254. Mintaqalar boʻyicha toʻliq taqsimot uchun https://moba.i.mercedes-benz.com/baix/cars/dck-compatibility/landingpage/index.html havolasiga tashrif buyuring.

^[3] Samsung Knox butun dunyo boʻylab hukumatlar va yirik korxonalar tomonidan qoʻyilgan qatʼiy xavfsizlik talablariga muvaffaqiyatli javob berdi va biznes foydalanuvchilariga mustahkam mobil xavfsizlik yechimini taqdim etdi. Qoʻshimcha maʼlumot uchun quyidagi manzilga tashrif buyuring: https://www.samsungknox.com/en/knox-platform/knox-certifications

^[4] Evaluation Assurance Level6+ (6+ darajali kafolat bahosi) ga erishish uchun mahsulot maxsus yon kanalli hujumlar yoki boshqa rivojlangan hujum vektorlaridan himoyaga egaligini isbotlashi, shuningdek, mahsulotning xavfsizlik funksiyalarini qoʻshimcha va yanada kengroq sinovlardan oʻtkazish va tekshirish lozim.

^[5] Mavjud hududlarga quyidagilar kiradi: Abu Dabi, Avstraliya, Avstriya, Belgiya, Bolgariya, Kanada, Xorvatiya, Kipr, Chexiya, Daniya, Dubay, Estoniya, Finlyandiya, Fransiya, Germaniya, Gretsiya, Vengriya, Hindiston, Irlandiya, Italiya, Latviya, Litva, Lyuksemburg, Malayziya, Yangi Norvegiya, Polsha, Portugaliya, Ruminiya, Singapur, Slovakiya, Sloveniya, Janubiy Afrika, Janubiy Koreya, Ispaniya, Shvetsiya, Shveytsariya, Tayvan, Tailand, Buyuk Britaniya va AQSH.

BTS guruhining a’zosi RM Samsung Art TV’ning global elchisiga aylandi.

Wed, 18 Jun 2025 15:09:55 +0000

RM — dunyoga mashhur timsol va keng hurmatga sazovor sanʼat ixlosmandi rasman Samsung Art TV yuziga aylandi. Elchi sifatida u Samsung Art Store orqali sanʼat asarlariga oʻz sharhini berib, foydalanuvchilar va muxlislarni oʻzining noyob dunyoqarashi orqali sanʼat olamini kashf etishga chorlaydi. (Rasm BIGHIT MUSIC’dan olingan)

BASEL, Shveytsariya – 2025-yil 17-iyun — Samsung Electronics Co., Ltd. bugun 21-asr pop ikonasi BTS guruhining yetakchisi RM’ni Samsung Art TV’ning rasmiy elchisi sifatida e’lon qildi. Ushbu tayinlov RM’ning Janubiy Koreyada harbiy xizmatni tugatgach, qayta faoliyatini boshlagan ilk rasmiy loyihalaridan biridir.

San’atni chuqur qadrlovchi va jahon miqyosida tan olingan ixlosmand sifatida, RM ilgari ham mashhur muzeylarga tashriflari va zamonaviy san’atdan iborat shaxsiy kolleksiyasi bilan e’tiborni tortgan. Endi esa u Samsung Art TV elchisi sifatida o‘zining noyob ovozi va vizual san’atga bo‘lgan ishtiyoqini butun dunyo Samsung TV foydalanuvchilari bilan bo‘lishadi.

Samsung Art TV — bu zamonaviy displey texnologiyalari va san’atning mukammal uyg‘unligi. Samsung Art Store² — dunyo muzeylari, rassomlari va galereyalaridan 3 500 dan ortiq yuqori sifatli san’at asarlarini o‘z ichiga olgan obuna tizimi — orqali endi foydalanuvchilar RM’ning tanlovi va sharhlari bilan boyitilgan kontentdan bahramand bo‘lishlari mumkin. RM tanlagan asarlar bo‘yicha shaxsiy fikr va mulohazalari to‘g‘ridan-to‘g‘ri Samsung Art Store’da joylashtiriladi va muxlislarga uning estetik didini yaqindan anglash imkonini beradi.

Joriy yilda Samsung Art Store xizmati 2025 yilgi Neo QLED 8K, Neo QLED 4K va tanlangan QLED televizorlariga ham tatbiq etildi, bu esa ko‘proq odamlarga san’atdan bahra olish imkonini yaratadi. Shuningdek, mashhur The Frame televizorlar to‘plami yangi The Frame Pro modeli bilan boyitildi — u Neo QLED displey, kabelsiz o‘rnatish uchun Wireless One Connect Box va istalgan interyerga moslashuvchan dizaynga ega. Endilikda The Frame’ning o‘zi ham yuqori chastotadagi yangilanish tezligi va kuchliroq protsessor bilan jihozlangan — bu nafaqat san’at asarlari, balki o‘yinlar va filmlar uchun ham ajoyib namoyon etadi.

“Sanʼatda chuqur ilhom va xotirjamlik topadigan inson sifatida men Samsung bilan hamkorlik qilish va oʻz sayohatim va tasviriy ijodga boʻlgan muhabbatimni barcha bilan baham koʻrish men uchun sharafdir”, dedi RM. “Ushbu hamkorlik orqali yanada koʻproq odamlar xuddi men kabi kundalik hayotda sanʼat bilan yanada osonroq bogʻlana olishadi degan umiddaman.”

Yangi roli doirasida RM dunyodagi eng nufuzli xalqaro sanʼat koʻrgazmalaridan biri boʻlgan va Shveytsariyaning Bazel shahrida boʻlib oʻtadigan Art Basel’da koʻrinish beradi. U yerda u zamonaviy sanʼat, kolleksiya va vizual hikoyaning madaniy ahamiyati haqidagi fikrlari bilan oʻrtoqlashish uchun maxsus sessiya oʻtkazadi. Ushbu tadbirning diqqatga sazovor joylari, jumladan, eksklyuziv insaytlar va sahna ortidagi lahzalar Samsung Global Newsroom’da chiqariladi.

RM’ning Samsung Art TV bilan hamkorligi sanʼat, texnologiya va global pop madaniyati oʻrtasida yangicha umumiy til uchun uchun zamin yaratadi. Ushbu hamkorlik orqali esa Samsung endilikda RM bilan jahon miqyosidagi sanʼatni yanada ommabop qilish va shaxsiylashtirish boʻyicha oʻz hissasini qoʻshishda davom etadi. RM bunda muxlislari va sanʼat olami oʻrtasida koʻprik sifatini oʻtaydi.

www.samsung.com

BTS guruhining RM a’zosi haqida

RM (Kim Namjun) — Janubiy Koreyalik reper, qo‘shiq muallifi, musiqa prodyuseri va 21-asr pop ikonasi BTS guruhining yetakchisi. Uning diskografiyasiga quyidagilar kiradi: • “RM” (2015-yil mart) — solo mixtape • “mono.” (2018-yil oktyabr) — minimalist va introspektiv albom• “Indigo” (2022-yil dekabr) — ilk rasmiy solo albomi• “Right Place, Wrong Person” (2024-yil may) — ikkinchi solo albomi bo‘lib, tanqidchilar tomonidan e’tirof etilgan. RM o‘zining ko‘p qirrali musiqiy iste’dodi va san’atga chuqur mehr-muhabbati bilan tanilgan. Uning qo‘shiqlari ko‘pincha turli san’at shakllaridan ilhomlanib yoziladi. U musiqaga moslashuvchan va falsafiy yondashuvi, hamda innovatsion hamkorliklar orqali ijodiy chegaralarni kengaytirish qobiliyati bilan mashhur. U ishlagan san’atkorlar orasida quyidagilar bor: Erykah Badu, Anderson .Paak, Lil Nas X, HONNE, Mahalia va boshqa ko‘plab nomlar. 2024-yil 24-may kuni RM o‘zining yuqori baholangan ikkinchi solo albomi **“Right Place, Wrong Person”**ni chiqardi.

1. Samsung Art TV modellariga MICRO LED, The Frame, The Frame Pro, Neo QLED 8K, Neo QLED va Q7F dan yuqori QLED modellar kiradi.

2. Samsung Art Store — bu Samsung Art TV’lar (shu jumladan, The Frame, NEO QLED va QLED modellarida) uchun mo‘ljallangan san’at asarlariga obuna xizmati. Hozirda bu xizmat dunyoning 117 mamlakatida mavjud bo‘lib, foydalanuvchilarga 70 dan ortiq hamkorlar va 3 500 ta san’at asari (4K sifatda) taqdim etiladi. Samsung Art Store orqali foydalanuvchilar dunyo darajasidagi galereyalar va ustoz rassomlarning asarlarini uyda tomosha qilishlari, har kuni ichki interyerlariga yangilik olib kirishlari mumkin.