Galaxy S26 Ultra dagi Samsung APV kodeki nima?

Galaxy S26 Ultra — APV ni qo’llab-quvvatlaydigan birinchi Galaxy qurilmasi bo’lib, qurilma xotirasidan samaraliroq foydalanadigan yuqori sifatli video fayllarni yozish imkonini beradi. Mobilda video yozishning qulayligi va ko’chma xususiyatidan voz kechmagan holda professional daraja sifatini xohlagan har kim uchun Galaxy S26 Ultra dagi APV o’yin qoidalarini o’zgartiradi.

Kodeklar video fayllarni saqlash va ulashish uchun siqadi va ochadi. HEVC kodeki bilan tizim fayl hajmini kamaytirish uchun ko’pincha juda kichik vizual tafsilotlarni olib tashlaydi. Natijada, suv tomchilari, sashkalar yoki rasmidagi nozik to’qimalar kabi mayda elementlar kodlash jarayonlaridan keyin xiralashib qoladi.

APV ko’proq asl ma’lumotni saqlaydi, bu esa bir necha bor kodlash amalga oshirilishiga qaramay suv tomchilari, to’qimalar va harakat kabi nozik tafsilotlarni — xususan rasmidagi sashka aniqligini — saqlab qolishga yordam beradi. APV kodeklari qayta-qayta tahrirlashga duchor bo’lganda ham vizual jihatdan yo’qotishsiz sifatni ta’minlaydi.

APV qanday ishlaydi?

Boshqa smartfon kodeklari kichik fayl hajmini ustuvor qilsa-da, ular yuqori sifatli tahrirlash uchun mo’ljallanmagan. APV osonroq tahrirlash va ko’proq ijodiy erkinlikni ta’minlaydi. Endi Galaxy qurilmangizda video kontent yozib, tahrirlash vaqtida kinematografik professional kamera filmiga o’xshash xulq-atvorga ega bo’lishingiz mumkin — qayta-qayta tahrirlardan keyin ham video sifati saqlanib qoladi. 30 kadr/soniya tezlikda 8K gacha aniqlikni qo’llab-quvvatlagan holda APV bir xil vizual sifatni saqlab, boshqa taqqoslanadigan formatlardan 10% kam xotira ishlatadi.

Galaxy S26 Ultra da APV ni qanday yoqish mumkin?

1. Kamera > Sozlamalar > Video formati > APV
2. Kerakli APV boshqaruvini tanlang: APV HDR yoki APV Log
3. Fayl siqish turini tanlang: APV 422 HQ (yuqori sifatli video) yoki APV 422 LQ (xotira sig’imi va cheklangan ma’lumot tezliklari uchun optimallashtirilgan)
4. Kamera oldindan ko’rish rejimida tanlangan suratga olish rejimini yoqing yoki o’chiring
5. Foydalanuvchilar APV ni tashqi USB xotirasiga to’g’ridan-to’g’ri yozib olish imkoniyatiga ham ega: Kamera > Sozlamalar > Tashqi xotirasiga saqlash

───────────────────────────────────

¹ Snapdragon brendli mahsulotlar Qualcomm Technologies, Inc. va/yoki uning sho’ba korxonalari mahsulotlari hisoblanadi. Snapdragon — Qualcomm Incorporated ning savdo belgisi yoki ro’yxatdan o’tkazilgan savdo belgisi.

Avtomobilsozlikda qo’llaniladigan xotira yechimlari kengaytirilgan qatori uzoq muddatli ta’minot zanjiri barqarorligini ta’minlaydi

Ilg‘or xotira texnologiyasi bo‘yicha jahon yetakchisi Samsung Electronics bugun Qualcomm Technologies, Inc. kompaniyasining Snapdragon® Digital Chassis bilan foydalanish uchun Samsung avtomobilsozlik sohasiga oid LPDDR4X xotirasining muvaffaqiyatli sinovdan o’tganini e’lon qildi. LPDDR4X xotirasi avtomobil ichidagi axborot-ko‘ngilochar (in-vehicle infotainment, IVI) va haydovchilarga yordamlashish ilgʻor tizimlarida (advanced driver-assistance systems, ADAS) qo‘llanilishi mumkin.

Samsung’ning avtomobilsozlikka tegishli LPDDR4X’ning sinovdan o’tgani kompaniyaning avtomobillar uchun moʻljallangan turli xil yangi mahsulotlar va texnologiyalar bilan mijozlarni uzoq muddatli qoʻllab-quvvatlashini anglatadi. Bu, shuningdek, Snapdragon’ning raqamli shassisidan foydalanayotgan ekotizim hamkorlari uchun mustahkam ta’minot zanjiri barqarorligini va takomillashtirilgan qo’llab-quvvatlashni ta’minlashga yordam beradi.

“Qualcomm Technologies kompaniyasi AEC-Q100[1] standarti asosida sinovdan o’tgan DRAM va NAND mahsulotlarining avtomobilsozlik sohasiga oid keng qatori mavjudligi va mijozlar uchun uzoq muddatli yechimlarni ta’minlashi tufayli ajoyib hamkordir”, dedi Samsung Electronics kompaniyasi Xotira biznesiga qarashli avtomobilsozlik guruhi vitse-prezidenti va rahbari Hyunduk Cho. “Samsung kompaniyasining xotira yechimlari uchun dizayn, ishlab chiqarish va qadoqlash bo‘yicha yetakchiligi orqali Qualcomm Technologies kompaniyasi bilan hamorlikdagi ishimiz avtomobilsozlik sanoati uchun muhim bo‘lgan ishonchlilik, sinovdan o’tkazish va mahsulotlarning alohida nazoratini ta’minlash bilan birga rivojlanish sikllarini tezkor qo‘llab-quvvatlashga yordam beradi”.

Samsung shuningdek, o’zining yangi avlod LPDDR5 avtomobilsozlikka oid xotira qurilmalarini ishlab chiqmoqda, joriy yilning to’rtinchi choragida esa namunalar taqdim etilishi kutilmoqda. LPDDR5 mahsuloti hozirda avtomobilsozlik xotira qurilmalari bozorida mavjud bo’lgan eng yuqori tezlikni sekundiga 9,6 gigabitgacha, hatto ekstremal haroratlarda ham qo’llab-quvvatlay oladi.

[1] AEC-Q100 standarti avtomobilsozlikda ishlatiladigan qadoqlangan integral mikrosxemalar (integrated circuits, IC) uchun mo’ljallangan stress-test sinovidan o’tganligini tasdiqlaydi.

Samsung Electronics va Qualcomm Technologies, Inc. bugun FDD boʻyicha birinchilardan boʻlib Frequency Division Duplex (FDD) va Time Division Duplex (TDD) spektr diapazonlari uchun 1024 Quadrature Amplitude Modulation (QAM) sinovlarini muvaffaqiyatli yakunlaganini eʼlon qilishdi. Ushbu innovatsion bosqich va hamkorlik 5G taʼsirini kuchaytirish va uning tarmoqlarining spektral samaradorligini oshirish orqali ikki kompaniyaning operatorlarni qoʻllab-quvvatlashga sodiqligini koʻrsatadi.

QAM maʼlumot yoki fayllarni yanada samaraliroq uzatuvchi ilgʻor modulyatsiya texnologiyasidir. Bu har bir uzatishda qancha bit maʼlumotlar yetkazib berilishi mumkinligiga toʻgʻridan toʻgʻri taʼsir koʻrsatadi. 256 QAM tijoriy tarmoqlarida keng qoʻllanilsa-da, Samsung va Qualcomm Technologies yaqinda 3GPP Release 17 spetsifikatsiyalarida belgilangan eng soʻnggi 1024 QAM’ga erishishdilar. Ushbu takomillashtirilgan QAM texnologiyasi operatorlarga spektr resurslaridan maksimal darajada foydalanishga yordam beradi va mobil foydalanuvchilarga yuqori yuklash tezligini talab qiluvchi jonli efir va multipleyer onlayn video oʻyinlar kabi turli mobil xizmatlardan muammosiz foydalanish imkonini beradi.

▲ Samsung ilmiy-tadqiqot laboratoriyasida oʻtkazilgan 1024 QAM testi internetdan yuklab olish tezligini 20% dan oshirganini koʻrsatdi.

Sinov Samsung kompaniyasining Koreyadagi ilmiy-tadqiqot laboratoriyasida oʻtkazildi. Bunda Samsung kompaniyasining 2.1 GHz (FDD) va 3.5 GHz (TDD) diapazonlarni qoʻllab-quvvatlaydigan 5G vRAN dasturiy taʼminoti va radio qurilmalari hamda Qualcomm Technologies’ning soʻnggi Snapdragon® 5G Modem-RF System bilan jihozlangan mobil form-faktorli sinov qurilmasidan foydalanildi.

Bu juda muhim yutuq boʻldi, chunki bu sanoatda birinchi marta FDD diapazoni uchun 1024 QAM’ga erishildi. 20MHz tarmoq kengligidan foydalangan holda kompaniyalar 485 Mbit/s ga yetib, nazariy jihatdan bu texnologiya erisha oladigan maksimal tezlikka chiqdilar. Oʻz oʻrnida bu yuklab olish tezligi joriy 256 QAM bilan solishtirganda 20% ga oshganini bildiradi.

Bundan tashqari, Samsung anʼanaviy RAN’da 1024 QAM’ning davom etayotgan sinovlarini yakunlashni rejalashtirmoqda va texnologiya shu yil ichida savdoga chiqarilishi kutilmoqda.

“Biz spektral samaradorlikni oshirish keyingi avlod yechimlarini ishlab chiqishda muhim ahamiyatga ega deb hisoblaymiz. Bu yutuq Samsung kompaniyasining mobil texnologiyalar chegaralarini yorib oʻtish yoʻlidagi izchil majburiyatini oʻtayotganini alohida taʼkidlaydi, — dedi Samsung Electronics kompaniyasining mahsulot strategiyasi, tarmoqlar biznesi boʻyicha prezident oʻrinbosari Ji-Yun Seol, — Qualcomm Technologies bilan hamkorlikdagi saʼy-harakatlarimiz bizga yana bir bor ajoyib natijalarni olib keldi va biz mobil tarmoq innovatsiyasini rivojlantirish uchun oʻzaro tajriba-koʻnikmalarimizdan unumli foydalanishni intiqlik bilan kutmoqdamiz”.

“Biz Samsung bilan ushbu sohadagi yangi yutuqda hamkorlik qilganimizdan faxrlanamiz. Ushbu yutuq operatorlarning 5G ga oʻtishlarini yengillashtirish hamda spektral samaradorlikni oshirish borasidagi saʼy-harakatlarni qoʻllab-quvvatlashga doimo sodiqligimizni koʻrsatadi. Ilgʻor QAM texnologiyasidan foydalangan holda biz operatorlarga spektr resurslarini maksimal darajada oshirish va 5G foydalanuvchilariga uzluksiz va yuqori tezlikdagi mobil xizmatlarni taqdim etish imkoniyatini beramiz”, — dedi Qualcomm Technologies, Inc. mahsulot menejmenti, prezident oʻrinbosari Sunil Patil.

Oʻtgan yilning oxirida Samsung va Qualcomm Technologies FDD spektri uchun dunyodagi ilk parallel 5G 2x yuklash va 4x yuklab olish texnologiya aggregatsiyasiga erishishdi. Shuningdek, kompaniyalar mobil 5G texnologiyasi chegaralarini kengaytirish yoʻlida hamkorlikni toʻxtovsiz davom ettirmoqda.

Samsung chipsetlar, radioqurilmalar va modem chiplarni oʻz ichiga olgan 5G raqamli shifrlash yechimlarini muvaffaqiyatli yetkazib berishda kashshoflik qilib kelmoqda. Davom etayotgan tadqiqot va ishlanmalar orqali Samsung oʻzining bozordagi yetakchi mahsulotlar kategoriyasi — vRAN 3.0, Open RAN, modem chipsetlar, xususiy tarmoq yechimlari va sunʼiy intellekt yordamida boshqariladigan avtomatlashtirish vositalari bilan sanoatni 5G tarmoqlarini rivojlantirishga undaydi. Kompaniya hozirda uyali aloqa operatorlariga butun dunyo boʻylab yuz millionlab foydalanuvchilarga ulanish imkonini beruvchi innovatsion tarmoq yechimlarini taqdim etib kelmoqda.