Samsung Account orqali foydalanuvchilar Samsung Health, Samsung Wallet, Galaxy Store va Samsung Cloud kabi funksiyalardan foydalanishi, shuningdek, SmartThings yordamida Samsung qurilmalarini ulashi va boshqarishi mumkin.

Bugun Samsung Account kundalik hayotni qanday yanada qulay va xavfsiz qilishini ko‘rib chiqamiz.

Qurilma va xizmatlardan foydalanishdagi qulaylik

Samsung Account smartfonlardan tortib televizor va maishiy texnikagacha bo‘lgan Samsung qurilmalaridan foydalanishni yanada qulay qiladi.

Yangi telefon, o‘sha-o’sha Samsung Wallet

Samsung Account bilan ishlaydigan Samsung Wallet¹ Galaxy foydalanuvchilari orasida eng ommabop xizmatlardan biridir. Yangi telefonga o‘tganda, foydalanuvchilar Samsung Account’ga kirish orqali Samsung Wallet’da saqlangan kuponlar, bortga chiqish talonlari va boshqa muhim ma’lumotlarni osongina topishlari mumkin.

Galaxy Buds yo‘qolib qoldimi? Muammo emas!

Quloqchin kabi kichik qurilmani yo‘qotib qo‘yish noqulaylik tug‘dirishi mumkin. Bunday vaziyatlarda Samsung Find² yordamga keladi.

Samsung Account’iga ulangan Galaxy qurilmalari orqali foydalanuvchilar xuddi shu akkauntga ulangan boshqa Galaxy qurilmasi yordamida Galaxy Buds yoki boshqa yo‘qolgan qurilmalarini topishlari mumkin.

Samsung Account yo‘qolgan Galaxy smartfonini ham himoya qilishga yordam beradi. Agar Samsung Account’ga  ulangan smartfon yo‘qolsa, Samsung Find orqali “Yo‘qolgan” rejimini faollashtirib, qurilmadan ruxsatsiz foydalanishning oldini olish mumkin.

Uyga yetib kelishingizdan oldin salqin muhit

Samsung Account SmartThings³ ekotizimining ajralmas qismi hisoblanadi va Samsung qurilmalarini yagona tizimda boshqarish imkonini beradi.

Masalan, yozning issiq kunlarida SmartThings’ga ulangan konditsioneri bor foydalanuvchilar uyga yaqinlashayotganida Welcome Air Care⁴ bildirishnomasini olishi mumkin. U konditsionerni oldindan yoqishni taklif qiladi, shunda foydalanuvchi uyga kirganida uni mo‘tadil haroratli xona kutib oladi.

Bunday imkoniyatlar smartfon va konditsioner bir xil Samsung akkauntiga ulanganligi tufayli ishlaydi.

Xavfsiz va ishonchli ekotizim

Samsung Account nafaqat kundalik hayotni qulaylashtiradi, balki Samsung mahsulotlari va xizmatlaridan yanada xavfsiz foydalanishga ham yordam beradi.

Yil davomida uzluksiz xizmat

Samsung Account mintaqalararo uzluksiz ishlash infratuzilmasi bilan qo‘llab-quvvatlanadi. Agar xotira infratuzilmasida nosozlik yuz bersa, xizmatlar avtomatik ravishda boshqa hududdagi serverlarga yo‘naltiriladi. Bu esa Samsung xizmatlarining uzluksiz ishlashiga yordam beradi.

Farzandingizning xavfsiz birinchi smartfoni

2023-yildan Samsung Account bolalar akkauntlarida ham ishlaydi. Bu ota-onalarga farzandlarining smartfondan foydalanishini boshqarishda yordam beradi.

Kontentni cheklash va ekran vaqtini boshqarish kabi funksiyalar bolalarda sog‘lom raqamli odatlarni shakllantirishga yordam beradi hamda ota-onalarga ko‘proq xotirjamlik baxsh etadi.

Bundan tashqari, Samsung Account bolalar va o‘smirlarni himoya qilish bo‘yicha xalqaro va mahalliy talablarni qo‘llab-quvvatlaydi. Samsung Account’da ko‘rsatilgan yosh ma’lumotlariga qarab, ayrim mamlakatlarda Galaxy Store orqali pulli ilovalarni xarid qilish yoki yuklab olish uchun ota-onaning roziligi talab qilinishi mumkin. Bu oilalar uchun yanada xavfsiz raqamli muhit yaratishga xizmat qiladi.

Shaxsiy tajribadan Oilaviygacha hamrohlik

Kelgusida Samsung Account nafaqat alohida foydalanuvchilar, balki butun oila uchun ham yanada ko‘proq imkoniyatlarni taqdim etishda davom etadi.

Samsung yaqinlar bilan aloqada bo‘lishni yanada qulay qiladigan oilaviy funksiyalarni rivojlantirishni rejalashtirmoqda. Jumladan, oila a’zolari surat va videolarni birgalikda saqlashi va ulashishi mumkin bo‘lgan umumiy oilaviy albom hamda Galaxy smartfoni yoki Galaxy Watch orqali oila a’zolarining joylashuvini ko‘rish imkonini beruvchi funksiyalarni kengaytirish ko‘zda tutilgan.

Samsung Account  foydalanuvchilarni, ularning oilalarini va Samsung ekotizimini yagona platformada birlashtiruvchi ishonchli raqamli hamroh sifatidagi o‘rnini yanada mustahkamlashda davom etadi.

¹Mavjud funksiyalar va xizmatlar mamlakat yoki mintaqaga qarab farq qilishi mumkin.
²Mavjud funksiyalar va xizmatlar mamlakat yoki mintaqaga qarab farq qilishi mumkin.
³Mavjud funksiyalar va xizmatlar mamlakat yoki mintaqaga qarab farq qilishi mumkin.
⁴Welcome Air Care smartfon joylashuvidan foydalanib, foydalanuvchi uyga yaqinlashayotganini aniqlaydi va konditsionerni yoqish bo‘yicha bildirishnoma yuboradi. Mavjud funksiyalar va xizmatlar mamlakat yoki mintaqaga qarab farq qilishi mumkin.