Kirish zaliga ham The Wall — 8K MICRO LED Samsung ekrani oʻrnatildi

Samsung Electronics Parijdagi (Fransiya) Pathé Palace kinoteatrida oltita Samsung Onyx LED displeylari muvaffaqiyatli oʻrnatilganligini eʼlon qildi. Kinoteatr qabulxonasiga oʻrnatilgan The Wall — 8K ekran va kinoteatr atrofiga oʻrnatilgan Smart Signage bilan birgalikda Samsung displeylari kino tomosha qilish hissini yangi choʻqqilarga chiqaradi.

Besh yil davomida boshdan oyoq taʼmirlangan Pathé Palace nafaqat Renzo Piano tomonidan ishlangan arxitekturasi bilan, balki oʻzining betakror xizmatlari sifati bilan ham dunyoga mashhur boʻlgan oʻzgacha muassasadir. Yuqori darajadagi kinematik imkoniyatlarni taqdim etish uchun Pathé Palace oltita Samsung Onyx ekranidan foydalanmoqda: kengligi 10 metrdan oshiq boʻlgan toʻrtta 4K Onyx ekrani va kengligi 5 metrga yetadigan ikkita 2K Onyx ekran – bularning barchasi tomoshabinlarga yangi darajadagi tasvir sifatini taqdim etishda xizmat qiladi.

“Ushbu oltita zamonaviy Samsung Onyx LED displeylari tarixiy kinematikaga ajoyib tarzda qiyoslana olishi sababi uning klassikani zamonaviy bilan uygʻunlashtirishi va tomoshabinlarga chinakam noyob hissiyot bagʻishlashidan kelib chiqadi”, dedi Samsung Electronics’ning Fransiyadagi prezidenti Menno van den Berg. “Ushbu displeylar taqdim etadigan ajoyib vizuallar tomoshabinlarni oʻziga mislsiz sifati bilan jalb qiladi va har bir rejissyorning xohishlariga toʻliq javob beradi”.

Samsung Onyx — bu teatr koʻrgazmasi uchun Digital Cinema Initiatives (DCI) tomonidan sertifikatlangan dunyodagi eng birinchi kino LED displeyidir. LED displey mislsiz jonli ranglar va tafsilotlarga boy kontentni taqdim etadi. Keng, jonli ranglar diapazoni butun ekran boʻylab uzluksiz yaxlitlikni taʼminlaydi. LED Onyx ekranlarining ichida joylashgan yoritish mexanizmi tufayli ular ishlab chiqaradigan HDR tasvirlar tim qora hududlar va tiniq kontrastlarga ega. 300 nitsgacha chiqadigan Onyx ekranlari odatiy kinoproyektorlarga qaraganda olti baravar yorqinroq.

“Eng kuchli va taʼsirli filmlar bu bizni oʻz dunyolariga toʻliq singdirib yuboradigan kinolardir va texnologiya bu moʻjizani roʻyobga chiqarishda kalit vazifasini bajaradi. Samsung Onyx ekranlari tim qora ranglar va ajoyib ravshanlik bilan teatrdagi his-hayajonni oshirib, har bir kadrga hayratlanarli darajada real narsadek qarashimizga undaydi” dedi Pathé Group bosh axborot direktori Jacques Durand.

Pathé Palace Onyx LED ekranlarining 3D imkoniyatlari tufayli ajoyib 3D kino ham taqdim etishi mumkin. Sifatli yorqinlik va ranglarning izchil kuchayishi takomillashgan realizm imkonini beradi. 3D koʻzoynak taqqaningizda filmning taglavhalari, tasvirlari va hatto kichik vizual tafsilotlari betakror ravshanlikka ega boʻladi. Bu anʼanaviy 3D kinoteatrlarga qaraganda soyalarni bartaraf etadi va bosh aylanish ehtimolini kamaytiradi.

Pathé xizmatlarini har tomonlama takomillashtirish

Samsung Pathé Palace asosiy qabulxonasiga The Wall’ni (IWC modeli) oʻrnatdi. Balandligi 5.4 metr va kengligi 9.6 metrdan iborat The Wall ekrani MICRO AI protsessoridan foydalanib, videoning har bir soniyasini bir zumda tahlil qiladi, tasvir oʻlchamini 8K gacha kattalashtiradi va vizual shovqinni kamaytirish uchun tasvir sifatini optimallashtiradi. Wall’ning HDR texnologiyasi rang va yorugʻlikdan maksimal darajada foydalanish imkonini beradi, kontrastni kuchaytiradi va yorqin ranglarni yanada yorugʻlashtiradi. Ekran tasvirning aniqligi va chuqurligini taʼminlash uchun piksellarni alohida boshqaradigan MICRO LED texnologiyasidan foydalanadi.

Onyx ekranlari va The Wall’ga qoʻshimcha ravishda Samsung kinoteatrni Smart Signage (QMC modellari) bilan jihozladi, bu esa posterlarni 1 milliarddan ortiq ranglar bilan jonlantirish uchun qabulxonada hamda har bir xona oldida teatr dasturlari va kino treylerlarini namoyish etadi. Har bir teatr xonasiga kiraverishda Samsung’ning choʻziq displeyi (SH37C modeli) tomoshabinlarni 16:4.5 nisbatda tiniq va toza ekran bilan kutib oladi. Pathé shtab-kvartirasi yaqinda 200 ga yaqin 5K ViewFinity S9 monitorlarini oʻrnatdi va majlislar zali The Wall’ning (IWA modeli) taʼsirchan hajmi va video imkoniyatlaridan foydalanadi.

Samsung Electronics bundan oldin Pathé kinoteatrlarini Parijdagi Pathé Beaugrenelle va Liondagi Pathé Bellecour’da ham Onyx LED ekranlari bilan jihozlagan. Pathé Palace’dagi ushbu yangi oʻrnashma Samsung va Pathé oʻrtasidagi hamkorlikni yangi bosqichga olib chiqqanini anglatadi va ular kelajakda birgalikda innovatsiyalarni davom ettirishni maqsad qilgan.

Kino sanʼati va professional jihozlar rivojlanishda davom etayotgan bir davrda Samsung Electronics Culver Post’ning vujudga kelishiga qoʻshgan hissasi orqali ushbu taraqqiyot oʻchogʻini yondirishda davom etmoqda. Los Anjeles markazida joylashgan mazkur zamonaviy teatrlashtirilgan postprodakshen studiyasi yaqinda Amazon’ning ishlab chiqarish va koʻngilochar bizneslar kategoriyasiga qoʻshildi va bu hududning ijodkorlik va innovatsiyalar markazi sifatidagi obro‘y ini yanada oshirdi.

Samsung 424 Post va Harbor sanoat kashshoflari bilan hamkorlikda teatrga xos ranglarini gradatsiyalash va immersiv ovoz miksingi uchun kinematik uslubdagi haqiqiy muhitni yaratish uchun 34 futlik 8K Samsung IWA LED va DCI sertifikatiga ega 4K Samsung Onyx LED displeylarini taqdim etdi. Studiyaning yangi muhiti nafaqat kino ishlab chiqarish va isteʼmol qilishda eng soʻnggi texnologik davrga qadam qoʻyishni anglatadi, balki mutaxassislarning Samsung texnologiyasiga boʻlgan ishonchini ham koʻrsatadi.

Culver Post: postprodakshen va HDR kinematografiyasida innovatsiyalar mayogʻi

▲ Samsung Electronics 424 Post va Harbor bilan hamkorlikda Culver Post kompaniyasiga 34 futlik 8K Samsung IWA LED va DCI sertifikatiga ega 4K Samsung Onyx LED displeylarini taqdim etdi.

Culver Post Los Anjelesdagi mashhur 424 Post ovoz studiyasi va global postprodakshen rahbari Harbor oʻrtasidagi istiqbolli hamkorlik tufayli vujudga kelgan. Ushbu toʻlaqonli postprodakshen xizmat koʻrsatish studiyasi mijozlarga mislsiz HDR va SDR mastering imkoniyatlarini taqdim etishini taʼkidlamoqda.

Nega Samsung’ning displey texnologiyalari oʻz sohalarida yetakchi boʻlgan 424 Post va Harbor tomonidan maxsus tanlandi? Javob Samsung’ning innovatsiyalarga, sifatga va ajoyib tomosha tajribasiga sodiqligidadir.

Culver Post teatrlashtirilgan ranglarni gradatsiyalash va ovozni miksing qilish uchun beshta sahnaga ega. Birinchi sahna Samsung’ning zamonaviy 34 futlik 8K IWA LED kinematik displeyi, ikkinchi sahna esa DCI sertifikatiga ega 4K Onyx LED displeyi bilan jihozlangan. Har bir sahna Dolby Atmos ovoziga ega Meyer Sound Ultra Reflex kinematik ovoz tizimlari bilan toʻldirilgan. Ikkala sahna ham taxminan 50 ta mehmonni sigʻdira oladi, bu esa postprodakshen jamoasiga rejissyorlar, kinematograflar, muharrirlar, rangshunoslar va boshqa mutaxassislar uchun haqiqiy kinematik ish muhitida ishlash imkonini beradi.

▲ Culver Post 34 futli 8K IWA kinematik displeyi bilan ajralib turadi va ranglarni gradatsiyalash va ovozni miksing qilish uchun haqiqiy kinematik uslubdagi muhitni yaratadi.

8K IWA LED kinematik displeyi HDR va SDR ranglarini gradatsiyalash uchun ideal displeydir. Dunyo boʻyicha ilk bor DCI sertifikatini qoʻlga kiritgan Onyx kinematik LED displeyi esa HDR ranglarini gradatsiyalash va mastering qilish uchun maxsus yaratilgan. Ushbu displeylar tafsilotlar, kontrast va yorqinlik jihatidan standart raqamli kinematik proyeksiyalash tizimlaridan ustun turadi va Culver Post’ni kinematografiya texnologiyasi boʻyicha birinchi oʻringa qoʻyadi hamda studiyani postprodakshen texnologiyasining kelgusi yutuqlari uchun kelajakka tayyor ekanligini taʼminlaydi.

“Samsung kontent ishlab chiqarish va isteʼmol qilishda revolyutsiyaga erishish uchun innovatsion displey texnologiyalaridan foydalanishga intiladi”, dedi Samsung Electronics America displey boʻlimi rahbari Devid Felps. “Yangi Culver Post postprodakshen studiyasi kino va postprodakshen kelajagida sezilarli taraqqiyot bosqichni belgilab beradi. Endi rejissyorlar va ijodkorlar tomoshabinlarga kundalik hayot tarzida doimiy taʼsir koʻrsatib keladigan immersiv hikoyalarni taqdim etishda katta ekranda tomosha qilinadigan va eshitiladigan video kontentni tahrirlashlari va sinab koʻrishlari mumkin”.

▲ Culver Post’ning ilgʻor studiya muhiti nafaqat kino ishlab chiqarish va isteʼmol qilishda eng soʻnggi texnologik davrga qadam qoʻyishni anglatadi, balki mutaxassislarning Samsung texnologiyasiga boʻlgan ishonchini ham koʻrsatadi.

Postprodakshen jarayonini optimallashtirish uchun yuqori darajali kinematik displeylar

Culver Post uchun Samsung texnologiyalarining tanlovi displeylarning HDR postprodaksheni uchun yuqori imkoniyatlarga ega ekanligini aks ettiradi. Kengaytirilgan yorqinlik, kontrast va tafsilotlar ranglarni gradatsiyalash va mastering jarayonini tubdan oʻzgartiradi, bu esa ijodkorlarga oʻz ishlarini real tomosha muhitida tekshirish imkonini beradi. Shuningdek, teatrlar va ularning immersiv kinematik displeyi masteringni umumiy ijodiy tajribaga aylantirib yuboradi va ishlab chiqarish guruhini hamkorlikka chorlaydi.

▲ Har bir teatr kichik guruhlarni sigʻdira oladi va ularga eksklyuziv skrining va postprodakshen seanslari uchun kinematik uslubdagi tomosha tajribasini taklif qiladi.

Culver Post bilan hamkorlik Samsung kompaniyasining displey texnologiyalaridagi yetakchiligi va kompaniyaning kinematik tajribalar chegarasini kengaytirishga sodiqligidan dalolat beradi. 424 Post va Harbor kabi soha mutaxassislarining yuqori standartlariga javob berish orqali Samsung butun dunyo boʻylab postprodakshen studiyalari uchun standartlarni oshirishda davom etmoqda.

Samsung’ning zamonaviy displeylari haqida batafsil maʼlumot olish uchun www.samsung.com saytiga tashrif buyuring.

424 Post haqida

424 Post barcha turdagi kontent, jumladan, teatr, uzatuv, striming, reklama roliklari va audio podkastlar uchun toʻlaqonli ovoz yozish xizmatlarini taklif etadi. Xizmatlar dizayn/tahrirlash/ADR/miksing, texnik va maʼmuriy yordam hamda barcha yakuniy ishlarni qamrab oladi. Kompaniya mijozlarga xizmat koʻrsatish bilan faxrlanadi va tajribali mutaxassislarning iqtidorli guruhi mijozlarning ehtiyojlari va byudjetiga muvofiq loyihalarni ishlab chiqishga tayyor.

HARBOR haqida

HARBOR — bu Nyu York, Los Anjeles va Londonda faoliyat yuritadigan global kompaniyadir. Isteʼdod, texnik innovatsiyalar va badiiy sanʼatni himoya qilishga tinimsiz eʼtibor qaratayotgan HARBOR harakatlanuvchi tasvir yaratish jarayonida har bir tafsilotni toblaydi: jonli sahnalar, kundalik yumushlar, ijodiy va oflayn tahririyat, dizayn, vizual effektlar, CG, ovoz va tugallovchi tasvirlar.