Ilk bor CES 2026 koʻrgazmasidagi “The First Look” tadbirida taqdim etilgan ushbu kampaniya Samsungning sun’iy intellekt kelajagiga bo‘lgan qarashlarini oʻzida aks ettiradi. Unda AI texnologiyalari, o‘zaro uzviy bog‘langan qurilmalar va xizmatlar insonlarning odatiy turmush tarziga qanchalik tabiiy uyg‘unlashib ketishi namoyish etilgan. Qolaversa, foydalanuvchilar va ularning yaqinlariga gʻamxoʻrlik qilish kundalik hayotning mutlaqo yangicha formatga chiqishi ko’rsatilgan. Asosiy eʼtibor inson ehtiyojlarini oldindan seza olgan holda qurilma, platforma va xizmatlar ekotizimida aynan shaxsga moslashtirilgan yechimlarni taklif qiladigan AI imkoniyatlarini ishlab chiqishga qaratilgan.

“Mazkur kampaniya orqali biz AI bilan jihozlangan Samsung mahsulot va xizmatlari foydalanuvchilar ehtiyojini oldindan anglab, muhim damlarda shaxsiy yordam koʻrsata oladigan chinakam hayotiy hamrohga aylanishini koʻrsatmoqchimiz”, – deydi Samsung Electronics ijrochi prezidenti oʻrinbosari va Global Brand Center rahbari Stefani Choy. –  “Foydalanuvchilarimiz Samsung innovatsiyalarining qadr-qimmatini oʻzlarining kundalik hayotida toʻla his qilishlari uchun ilhomlantiruvchi imkoniyatlarni yaratishda davom etamiz”.

Kampaniya doirasida salomatlik, oila va uy hayvonlariga gʻamxoʻrlik qilishga bagʻishlangan uchta hazilomuz videorolik namoyish etildi. Ushbu roliklar kompaniya mahsulotlari va xizmatlariga integratsiya qilingan AI imkoniyatlari foydalanuvchilarning kundalik hayotini yaxshilashga qay tarzda xizmat qilishini ko‘rgazmali ravishda ochib beradi.

Oʻz salomatligiga eʼtibor qaratadigan insonlar uchun Galaxy Watch8 va Samsung Health ilovasi orqali ishlaydigan Antioxidant Index¹ funksiyasi ko‘rsatib o‘tilgan. Mazkur funksiya salomatlik koʻrsatkichlarini kuzatib borishga hamda toʻgʻri ovqatlanish odatlarini shakllantirish uchun shaxsiy tavsiyalar taqdim etishga xizmat qiladi. Bundan tashqari, Bespoke AI Refrigerator Family Hub sovutgichidagi AI Food Manager² funksiyasi oziq-ovqat mahsulotlarini nazorat qilishni osonlashtiradi va foydalanuvchiing didiga mos retseptlarni taklif etadi.

Uy hayvonlari egalari uchun esa “Mening kunim”³ funksiyasi namoyish qilingan bo‘lib, u itni sayrga olib chiqish vaqti kelganini eslatib turadi. Qolaversa, ushbu funksiya SmartThings ilovasidagi Pet Care⁴ xizmati bilan uyg‘unlikda ishlashi tufayli sayr marshruti va davomiyligini batafsil qayd etib boradi.

Oilaviy sahnalarda esa Galaxy smartfonlaridagi Call Screening funksiyasi ko‘rsatilgan. U yoshi ulug‘ qarindoshlarni kiruvchi keraksiz qoʻngʻiroqlardan, xususan, ehtimoliy telefon firibgarliklaridan himoya qilishga yordam beradi⁵. Ushbu videoroliklar Nyu-Yorkdagi Tayms-skver va Londondagi Pikadilli maydoni kabi dunyoning yirik diqqatga sazovor markazlaridagi ekranlarda namoyish etilmoqda.

Batafsil ma’lumot uchun samsung.com ga tashrif buyuring.

* Living AI xususiyatlarining mavjudligi mintaqa/mamlakat, OS/One UI versiyasi, qurilma modeli va telefon operatoriga qarab farq qilishi mumkin.

¹ Android 10 va undan yangi operatsion tizimda ishlovchi smartfonlarda ishlaydi; buning uchun Samsung Health ilovasining 6.0.2 yoki undan keyingi versiyasi talab etiladi.

² Wi-Fi tarmog‘i va Samsung akkauntiga ulanish talab etiladi. Agar biron mahsulot tizim tomonidan tanilmasa, u “noma’lum” tarzida ko‘rsatilishi mumkin. AI Vision funksiyasi sovutgich kamerasidagi ayrim mahsulotlarni aniqlay olmasligi yoki ro‘yxatga qo‘shmasligi ehtimoli mavjud. Obyektlarni aniqlash uchun AI modellaridan foydalaniladi va ularning ishlash aniqligini oshirish maqsadida tizim vaqti-vaqti bilan yangilanib turadi. Ro‘yxat to‘g‘ri shakllanganiga ishonch hosil qilish uchun foydalanuvchilarga uni o‘zlari tekshirib, kerak bo‘lsa, tahrirlash tavsiya etiladi.

³ Galaxy S26 va undan yangi modellarda ishlaydi.

⁴ Buning uchun SmartThings ilovasida Pet Care xizmati yoqilgan hamda Samsung akkauntiga kirilgan bo‘lishi talab etiladi. Agar uy hayvoni foydalanuvchi belgilagan vaqt davomida sayr qilmasa, tizim itni sayrga olib chiqish haqida bildirishnoma yuboradi.

⁵ Galaxy S24 seriyasidagi qurilmalar hamda One UI 8.0 yoki undan yangi versiyada ishlovchi modellarda qo‘llab-quvvatlanadi, biroq baʼzi funksiyalar modelga qarab farq qilishi mumkin. Ushbu xizmat 13 ta tilda, jumladan: xitoy (soddalashtirilgan), ingliz, fransuz, nemis, hind, italyan, yapon, koreys, polyak, portugal, ispan, tay va vyetnam tillarida faoliyat yuritadi.

Bugunga kelib, dunyo bo‘ylab oshxona dizayni tamomila yangi bosqichga o‘tdi. Minimalizm, aqlli texnologiyalar va individual dizayn ustuvor bo‘ldi. Eng quvonarlisi – Samsung bu o‘zgarishlarning markazida turibdi: aqlli, chiroyli va juda amaliy texnikalari bilan.

Minimalizm, aqlli texnologiyalar va tabiiylik

2026-yilda oshxona dizaynida uchta asosiy yo‘nalish yetakchilik qilishi aytilmoqda:

• Minimalizm va sokin ranglar

Oshxona endi ko‘zga tashlanmaydigan, ortiqcha detallar bilan to‘lib-toshgan joy bo‘lishi shart emas. Zararli vizual shovqin o‘rniga – tekis chiziqlar, sokin ranglar, yashirin tutqichlar, “zamonaviy toza ko‘rinish” talabi ortmoqda. Samsung texnikalari esa bu talabga to‘liq mos keladi.

• Yashirin texnika va integratsiya

Odamlar oshxonani yagona, uyg‘un makon sifatida ko‘radi. Shuning uchun texnika mebelga integratsiyalashgan, panel bilan bir xil rangda bo‘lishi, umumiy dizaynga moslashishi juda muhim. Samsung’ning Bespoke seriyasi aynan shunday – texnika mebelning bir qismidek ko‘rinadi.

• Aqlli uy ekotizimi

Uy bekalari ham, yosh oilalar ham vaqtni tejaydigan yechimlarni xohlashadi: masofadan boshqariladigan texnika, avtomatik pishirish rejimlari, energiya nazorati, ovoz bilan boshqarish. 2026-yilda “aqlli oshxona” standartga aylanishi kutilmoqda. SmartThings bu jarayonga to‘liq xizmat qila oladi.

Bespoke AI muzlatkichi – zamonaviy oshxonaning yuragi

• Eshik ichidagi 9″ sensorli AI Home ekrani sizga quyidagilarni beradi: retseptlar, oilaviy reja, SmartThings qurilmalarini boshqarish, kamera orqali muzlatkich ichini ko‘rish, xarid ro‘yxatini avtomatik yaratish.
• Avtomatik sensorli eshiklar. Muzlatkich yaqinlashganingizni sezib o‘zi ochiladi.
• Dunyo bo’ylab energiya narxlari oshayotgan bir paytda, AI Energy Mode haqiqiy yordamchi. U elektr sarfini 15–20% gacha kamaytiradi.

Aqlli retseptlar, avtomatik sozlamalar va mukammal natija

Samsung’ning zamonaviy duxovka va mikroto‘lqinli pechlaridagi qulayliklar:

• AI avtopishirish – siz aytasiz, u pishiradi
• Ovqatni avtomatik tanib, pishirish rejimini, vaqtni, quvvatni mustaqil tanlay oladi.
• Avtokonditsioner rejimi (taomni qizdirmay, yumshoq isitadi)
• Air-fry (sog‘lom ovqatlanish – yog‘siz qovuradi)

Vaqt va suvni tejovchi aqlli yordamchi

Samsung AI idish yuvish mashinasi quyidagi afzalliklarni beradi:

• AI Wash Cycle – idishni ifloslik darajasini tahlil qiladi
• Avtomatik eshik ochilishi – tabiiy quritish
• Yashirin dizayn – mebel bilan birlashib ketadi

Bu funksiyalar ayniqsa ko‘p mehmonli o‘zbek oilalari uchun ajoyib yechim.

Texnikangiz kuchli bo‘lsa, hayotingiz yengil bo‘ladi.

Batafsil ma’lumot www.samsung.com saytida.

Samsung Electronics Co., Ltd. kompaniyasi SmartThings Find kengayganini va endilikda 300 milliondan ziyod “qidiruv tugunlarini”, ya’ni boshqa Samsung Galaxy foydalanuvchilariga o‘z qurilmalarini topishga yordam berishi mumkin bo‘lgan ro‘yxatdan o‘tgan va ulangan qurilmalarni o‘z ichiga olishini e’lon qildi.

Ushbu davrda SmartThings Find xizmatining tezkor va barqaror kengayishi kuzatilmoqda — 2022 yilning iyulidan boshlab yana 100 milliondan ortiq “tugunlar” ro‘yxatdan o‘tdi va atigi 10 oy davomida 1,5 barobarga o‘sdi. Bu qurilmalar joylashuvini aniqlash xizmatining samaradorligi oshishini ham bildiradi. Qurilmalar soni qanchalik ko‘p bo‘lsa, foydalanuvchilar uchun SmartThings Find shunchalik samarali bo‘lib boraveradi.

“Biz SmartThings Find’ning bunday tez sur’atda o‘sishini ko‘rishdan juda mamnunmiz. Bizning ulangan qurilmalar ekotizimimiz qurilmani yo‘qotish bilan bog‘liq stressni kamaytirish va shaxsiy ma’lumotlar saqlanishini ta’minlash kabi ko‘plab imkoniyatlar va sezilarli afzalliklar taqdim etadi[1]”, — deydi Samsung Electronics korporativ ijrochi vitse-prezidenti va SmartThings yo‘nalishi rahbari Jeyon Yung (Jaeyeon Jung). — SmartThings Find taqdim etayotgan afzalliklar bizning zamonaviy texnologiyalarni xavfsiz va ishonchli tarzda foydalanishga bo‘lgan yondashuvimizni yana bir bor isbotlaydi. SmartThings Find xizmati foydalanuvchilar ma’lumotlarini himoyalash hamda ulardan noqonuniy foydalanishning oldini olish uchun xavfsizlik va maxfiylikning kengaytirilgan funksiyalarini o‘z ichiga oladi. Shuningdek, xavfsizlikni yanada oshiruvchi o‘ziga xosliklar va standartlar shakllantirish maqsadida sohadagi boshqa ishtirokchilar bilan ham ishlar olib bormoqdamiz”.

SmartThings Find bir qancha turdagi Samsung Galaxy qurilmalarini, jumladan, smartfonlar, planshetlar, soat va quloqchinlarni tezda topib berishi mumkin. U kalit yoki biror yukka biriktiriladigan Galaxy SmartTag yoki SmartTag+[2] qurilmalarini ham aniqlash imkonini beradi.

Qulaylik va xavfsizlik orqali xotirjamlik

SmartThings Find kun sayin yanada ko‘proq foydalanuvchilarga foyda keltirayotgani sababli Samsung uchun xavfsizlik va daxlsizlik ustuvor maqsad bo‘lib qoladi. Maxfiy ma’lumotlarning himoyalanganligini ta’minlash uchun SmartThings Find foydalanuvchi ma’lumotlarini shifrlaydi va Samsung Galaxy qurilmalarida mavjud mudofaa turidagi xavfsizlik platformasi Samsung Knox orqali qo‘shimcha himoyani amalga oshiradi. Qurilmaning joylashuvi haqidagi ma’lumotlar faqat foydalanuvchi ruxsati bilan boshqa odamlarga ulashiladi hamda har bir foydalanuvchi qurilmasining identifikatori har 15 daqiqada o‘zgarib turadi va anonim tarzda saqlanadi.

“Yoningizdagi noma’lum teglarni qidirish” funksiyasi yordamida Android va iOS foydalanuvchilari noma’lum teglar ularning yonida bor yoki yo‘qligini osongina aniqlashlari mumkin. Bu funksiya tegning signal kuchi ko‘rsatkichini taqdim etishi mumkin, bu foydalanuvchilarga noma’lum teg ularning hozirgi manziliga qanchalik yaqinligini bilish imkonini beradi. Zarurat bo‘lganda foydalanuvchilar aniqlangan teglarni “xavfsiz” deb belgilashlari mumkin.

Galaxy foydalanuvchilari uchun SmartThings Find o‘zining “Noma’lum teg ogohlantirishlari” funksiyasi bilan ham xavfsizlikni ta’minlashi mumkin. Agar SmartThings Find ergashayotgan noma’lum SmartTag’ni aniqlasa, bu funksiya ruxsatsiz kuzatuvlar haqida foydalanuvchilarga bildirishnoma yuborish orqali ogohlantiradi. Bu foydalanuvchilarni himoya qilishga va joylashuvni kuzatish xizmatlaridan noto‘g‘ri foydalanishning oldini olishga yordam beradi.

Funksiyani faollashtirish uchun foydalanuvchilar SmartThings ilovasining “Life” qismida Find xizmatini topishlari kerak. Sozlamalar menyusida foydalanuvchilar “Noma’lum teglar ogohlantirishlari” funksiyasini yoqish va o‘chirishi yoki o‘zlariga yaqin noma’lum teglarni mustaqil qidirishlari mumkin.

[1] Tegishli Samsung Galaxy qurilmalarining Bluetooth diapazoni doirasida bo‘lishi lozim.

[2] SmartTag va SmartTag+ Android 8 yoki undan keyingi versiyalari boshqaruvidagi barcha Samsung Galaxy smartfonlari, planshetlari va boshqa qurilmalarda ishlaydi. SmartTag+’dagi AR (to‘ldirilgan voqelik) qidiruvi funksiyasi UWB bilan jihozlangan qurilmalarda, jumladan Galaxy S23+ va Ultra, Galaxy S22+ va Ultra, S21+ va Ultra, Note20 Ultra, Z Fold2, Z Fold3 va Z Fold4’da mavjud.