Samsung Electronics qurilmalarni uzluksiz bogʻlaydigan va foydalanuvchilarning ehtiyojlariga aqlli ravishda moslashadigan ekotizim boʻlgan AI Home bilan ushbu orzudagi uyni hayotga tatbiq etish sari katta qadam tashlamoqda.

Ushbu ekotizim markazida Samsung’ning IoT platformasi va AI Home ichidagi qurilmalarni bogʻlovchi asosiy motor boʻlib xizmat qiladigan SmartThings yotadi.[1] Xizmat 380 dan ortiq hamkorlarning 4500 dan ziyod modellari bilan integratsiya qilingan boʻlib, keng koʻlamli AI Home ekotizimini yaratadi.[2] SmartThings’ga ulangan maishiy texnikalar soni 33 millionga yetdi. Bu yil boshiga nisbatan taxminan 30 foizga koʻpdir.[3]

Foydalanuvchi ehtiyojlarini tushunadigan va oldindan buyruqni bajarishga tayyor boʻlgan muhitdan xabardor (ambient) intellekt bilan mislsiz ulanuvchanlik imkoniyatini birlashtirib, Samsung kundalik yumushlarni minimallashtiradigan va foydalanuvchi imkoniyatlarini aqlli va ulangan texnikalar orqali maksimallashtiradigan AI’ga asoslangan uyni yaratishni maqsad qilgan.

“Nega Samsung?” nomli toʻrt qismli intervyu maqolaning joriy 2-sonida Samsung Newsroom Samsung Electronics’ning raqamli maishiy texnika (DA) biznesi ijrochi prezident oʻrinbosari va koʻp qurilmali imkoniyatlar (MDE) strategiyasi guruhi rahbari Xyesun Yang bilan SmartThings AI uy innovatsiyasi orqali kundalik hayotni qanday oʻzgartirayotgani haqida suhbatlashdi.

▲ Xyesun Yang, Samsung Electronics’ning raqamli maishiy texnika (DA) biznesi ijrochi prezident oʻrinbosari va MDE strategiyasi guruhi rahbari

Keyingi avlodi ulanuvchanligi

1-savol. Nega Samsung oʻzaro ulangan AI Home sari intilmoqda?

Maishiy texnika uy yumushlarini kamaytirish uchun ixtiro qilingan va bir asrdan koʻp vaqt davomida rivojlanib kelmoqda. Texnologiya ogʻir mehnatning koʻp qismini bartaraf etdi, ammo bir muammo saqlanib qolmoqda — yuvish va quritish, oziq-ovqat nazorati va pishirish hamda havoni tozalash kabi uy ishlari jarayonida uzluksiz oʻzaro aloqani yaratish.

Bu muammoni hal qilishdagi birinchi qadam — qurilmalarning muammosiz bir-biriga ulanishiga erishishdir va SmartThings aynan shuni taqdim etadi. Maishiy texnika va qurilmalarning oʻzaro muloqot qilishini va hamohang ishlashini taʼminlash orqali SmartThings pirovard natijada foydalanuvchilarni uy ishlaridan ozod qilishni va ularga yanada oson, mazmunli hayotdan zavqlanishga yordam berishni maqsad qilgan.

2-savol. Oʻzaro ulangan AI Home’ni vujudga keltirishda Samsung nimasi bilan ajralib turadi?

SmartThings orqali oʻzaro ulangan Samsung maishiy texnikalari anʼanaviy funksiyalar bilan cheklanmay qoladi. U nafaqat qurilmalarni integratsiya qilish orqali qulaylikni oshiradi, balki quvvatni nazorat qilish va samaradorlikni ham yaxshilaydi. Ochiq platforma sifatida SmartThings global hamkorlarning qurilmalari bilan muammosiz ulana oladi. Bu unga qurilmalararo murakkab funksiyalarni bajarish va sensorlar tarmogʻi orqali uy tuzilishini chuqurroq tushunish imkonini beradi. Bunday yuqori darajadagi ulanuvchanlik Samsung texnikalarining ilgʻor oʻzaro muvofiqligi bilan birgalikda haqiqiy aqlli AI uyni yaratish imkonini beradi.

SmartThings jadal oʻsdi: 2019-yildagi 100 million global foydalanuvchidan 2025-yil iyul holatiga koʻra 410 milliondan oshdi. Bu olti yil ichida toʻrt baravardan koʻproq oʻsish deganidir. Koreyaning oʻzida foydalanuvchilar soni 23 milliondan oshdi.[4] Ushbu poydevorga asoslanib, Samsung’ning AI Home tizimi kundalik tartiblarni soddalashtirish (Yengillik), yaqinlarni qoʻllab-quvvatlash (Gʻamxoʻrlik), foydalanuvchilarga vaqt va quvvatni optimallashtirishga yordam berish (Tejamkorlik) va uyni himoya qilish (Xavfsizlik) orqali koʻp tomonlama foyda keltiradi. Ilgʻor ulanuvchanlik va ochiqlik bilan taʼminlangan ushbu sinflashtirilgan AI Home imkoniyatlari Samsung’ning oʻziga xos ustunligini aks ettirib, maishiy texnikaga yuklatilgan asosiy maqsadni amalga oshiradi.

Kamroq yumush, koʻproq erkinlik

3-savol. Isteʼmolchilar Samsung’ning oʻzaro ulangan platformasi va AI Home ekotizimi orqali qanday afzalliklarga ega boʻlishlari mumkin?

Foydalanuvchilar televizor koʻrayotganda kir yuvish sikli tugasa, televizorning yuqori oʻng burchagida bildirishnoma paydo boʻladi. Bu ularga televizorning oʻzidanoq kir yuvish bosqichlarini kuzatib borish imkonini beradi. Oshxonada ovqat pishirayotganda foydalanuvchilar SmartThings’ga ulangan sovitkich displeyidan bevosita bolalar xonasidagi konditsionerni yoqishlari mumkin. 3D Map View yordamida foydalanuvchilar oʻz uylarining uch oʻlchamli chizmasi orqali barcha ulangan qurilmalarni kuzatishi va boshqarishi mumkin. SmartThings’dagi “Uydan tashqarida” rejimi foydalanuvchilar uyni tark etganda chiroqlar va televizorni avtomatik ravishda oʻchiradi va hatto mustaqil ravishda tozalash uchun robot-changyutkichini ishga tushiradi.

▲ Foydalanuvchilar 3D Map View yordamida sovitkich ekranida oʻz maishiy texnikalarini boshqarishlari mumkin.

Quick Remote (Tezkor pult) — yana bir qulay funksiya boʻlib, u foydalanuvchilarga oʻz texnikalarini bevosita smartfonlaridan boshqarish imkonini beradi.[5] SmartThings’ga ulangan qurilma yaqin boʻlganda smartfonda avtomatik ravishda qalqib chiquvchi oyna paydo boʻladi. Bu foydalanuvchilarga pultni qidirmasdan turib qurilmani darhol boshqarish imkonini beradi.

Shuningdek, SmartThings foydalanuvchilarga quvvatni oson tejashga yordam beradi. AI Energy Mode faollashtirilganda u quvvat sarfini sovitkichlar uchun 10% gacha,[6] kir yuvish mashinalari uchun 70% gacha[7] va konditsionerlar uchun 30% gacha[8] kamaytirish maqsadida foydalanish tartibini tahlil qiladi. Samsung Buyuk Britaniyadagi British Gas va Niderlandiyadagi CoolBlue kabi kompaniyalar bilan hamkorlik orqali ushbu tejamkor ekotizimni global miqyosda kengaytirmoqda.

4-savol. Qurilmalarni boshqarishdan tashqari SmartThings oila va uy hayvonlarini parvarish qilishni qanday yaxshilaydi?

Uy ishlari faqat tozalashdan iborat emas, oila va uyga gʻamxoʻrlik qilish ham muhimdir. SmartThings’ga ulangan texnikalar endi ushbu gʻamxoʻrlikni kengaytirib, foydalanuvchilar oʻzlariga, oilalariga, uy hayvonlariga qarashda yordam bermoqda.

Family Care (Oila gʻamxoʻrligi)[9] alohida yashaydigan yaqinlarni qoʻllab-quvvatlaydi. Agar gʻayrioddiy faollik aniqlansa yoki ulangan qurilma maʼlum vaqt davomida ishlatilmasa, SmartThings foydalanuvchiga ulardan xabar olish kerakligi haqida ogohlantirish yuboradi. SmartThings ilovasi orqali foydalanuvchilar dori ichish jadvallarini belgilashlari mumkin. Bu smartfonga eslatmalar yuborish orqali ishlaydi. Shuningdek, funksiya ulangan suv isitkichdan toʻgʻri miqdorda va haroratda suv quyib beradi va hatto uyda hech kim boʻlmaganda ulangan robot-changyutkich orqali uyni nazorat qilish imkonini beradi.

Pet Care (Uy hayvonlari gʻamxoʻrligi) funksiyasi uy egalari yoʻq payti uy hayvonlarining xavfsizligi taʼminlashga yordam beradi. Issiq kunlarda foydalanuvchilar masofadan turib SmartThings’ga ulangan konditsionerni yoqishlari yoki uy kamerasi orqali hayvonlarini tekshirishlari mumkin. Agar it hurishi aniqlansa, foydalanuvchilar robot-changyutkich orqali tinchlantiruvchi musiqa qoʻyishlari yoki televizorda tinchlantiruvchi videolarni yoqishlari mumkin.

SmartThings orqali oʻzaro ulangan maishiy texnikalar oʻz rolini qayta belgilab oldi. Ular oddiy uy jihozlaridan foydalanuvchilar va ularning oilalariga gʻamxoʻrlik qiladigan va kundalik hayotni qulaylashtiradigan aqlli hamrohlarga aylandi.

Muhitdan xabardor intellekt — AI Home kelajagi

5-savol. Samsung SmartThings va AI Home bilan qaysi yoʻnalishda ketadi?

▲ Samsung’ning Smart Modular Home tashqi koʻrinishi

IFA 2025 koʻrgazmasida Samsung foydalanuvchilarga koʻchib oʻtgan zahotiyoq AI Home afzalliklarini his qilish imkonini beruvchi Smart Modular Home yechimini taqdim etdi va bu bilan AI Home endi kelajak tasavvuri emas, balki haqiqat ekanligini namoyish etdi.

Bundan tashqari, Samsung foydalanuvchi holatini bezovta qilmasdan intuitiv tushunadigan muhitdan xabardor (ambient) intellekt texnologiyalarini rivojlantirmoqda. Ulangan qurilmalardagi maʼlumotlarni oʻrganish va tahlil qilish orqali kompaniya foydalanuvchilarning xatti-harakatlari, afzalliklari va tartiblarini tushunadigan toʻliq avtomatlashtirilgan AI Home’ni yaratishni maqsad qilgan. SmartThings va AI Home’ning oliy maqsadi — har bir xonadonda haqiqiy hamrohga aylanish, har bir insonning turmush tarziga avtomatik moslashish, ularni uy yumushlaridan ozod qilish va xotirjamlikni taʼminlashdir.

Xavfsizliksiz esa bularning hech biri imkonsiz. “Nega Samsung?” intervyu maqolalarning uchinchi sonida Samsung Newsroom kompaniyaning xavfsizlik sohasidagi kuchli tomonlari va kelajakdagi yoʻnalishini yoritadi.

[1] SmartThings funksiyalaridan foydalanish uchun SmartThings ilovasi oʻrnatilgan boʻlishi va simsiz tarmoqqa ulangan boʻlishi kerak. Funksiyalarning mavjudligi, qoʻllab-quvvatlanadigan muhitlar va texnik xususiyatlar mahsulotga qarab farq qilishi mumkin. SmartThings ilovasini Galaxy Store, Play Store yoki App Store’dan yuklab olish mumkin (kamida 3 GB tezkor xotiraga ega Android OS 9.0 yoki undan keyingi versiya va iOS 15.0 yoki undan keyingi versiya talab qilinadi).

[2] 2025-yil iyul holatiga koʻra WWST (Works with SmartThings) hamkor maʼlumotlariga asoslangan.

[3] 2025-yil noyabr holatiga koʻra global yigʻma maʼlumotlarga asoslangan.

[4] 2025-yil noyabr holatiga koʻra Samsung akkauntlariga bogʻlangan roʻyxatdan oʻtgan foydalanuvchilarning umumiy soniga asoslangan.

[5] Quick Remote’dan foydalanish uchun SmartThings ilovasi (1.8.13 yoki undan keyingi versiya) oʻrnatilgan boʻlishi va Bluetooth yoqilgan holda simsiz tarmoqqa ulangan boʻlishi kerak. Bu funksiya faqat Android OS’da ishlaydigan va 2024-yil yoki undan keyin chiqarilgan mahsulotlarda qoʻllab-quvvatlanadigan Samsung Galaxy mobil qurilmalarida mavjud. Konditsionerlar uchun funksiya 10 metr radiusda ishlaydi. Agar signal toʻsilsa, ishlash sifati oʻzgarishi mumkin. Ishlash diapazoni va javob vaqti foydalanuvchi muhitiga qarab farq qilishi mumkin.

[6] Foydalanish tartibi va shartlariga asoslanib kompressor tezligi va muzni eritish siklini optimallashtiradigan AI Energy rejimi yoqilgan va oʻchirilgan holda dastlabki sozlamalardagi harorati taqqoslangan. Natijalar foydalanish tartibi va shartlariga qarab farq qilishi mumkin. Android va iOS qurilmalaridagi SmartThings ilovasi orqali Wi-Fi yangilanishi yordamida 2023-yil iyunidan boshlab mos modellarda mavjud. Wi-Fi tarmogʻi, Samsung akkaunti va SmartThings talab qilinadi.

[7] Tanlangan yuvish harorati 20~40°C boʻlganda qoʻllanishi mumkin. Maksimal tejamkorlikka 40 darajali siklda sovuq yuvish rejimida yuvilganda erishiladi. Tejash WW11BB944AGB modelida normal foydalanish sharoitlarida oʻtkazilgan ichki sinovlarga asoslangan. Natijalar: AI Energy rejimi boʻlmaganda quvvat sarfi = 0.539 kVt/soat. AI Energy rejimi bilan quvvat sarfi = 0.145 kVt/soat. Natijalar amaldagi foydalanish sharoitlariga qarab farq qilishi mumkin. Wi-Fi tarmogʻi, Samsung akkaunti va SmartThings talab qilinadi.

[8] Sinov Samsung’ning 132 m² maydonga ega laboratoriyasida 35°C / 24°C (quruq termometr/hoʻl termometr, KS C 9306: konditsioner) haroratda oʻtkazildi. Natijalar Intertek tomonidan taqdim etilgan va ular tomonidan talqin qilingan boʻlib, AF25DX934WARN va AR07D9181HZN modellarining AI Comfort rejimida AI Energy funksiyasi yoqilgan va oʻchirilgan holatdagi quvvat sarfi taqqoslangan. Amaldagi tejamkorlik foydalanish tartibi va muhitga qarab farq qilishi mumkin va belgilangan harorat 2 darajagacha oshishi mumkin. Wi-Fi tarmogʻi, Samsung akkaunti va SmartThings talab qilinadi.

[9] Samsung smartfonlari, planshetlari, televizorlari, muzlatkichlari, kir yuvish mashinalari, quritkichlari, pechlari, plitalari, suv tozalagichlari (faqat Koreyada), robot-changyutkichlari va boshqa SmartThings’ga mos keladigan qurilmalarga taalluqlidir. SmartThings ilovasini oʻrnatish, qurilmalarni ulash va simsiz tarmoqqa ulanish talab qilinadi. Hozirda Android OS 11.0 yoki undan keyingi versiyada ishlaydigan va kamida 3 GB tezkor xotiraga ega Samsung Galaxy smartfonlarida mavjud. Mavjudlik, qoʻllab-quvvatlanadigan funksiyalar va texnik xususiyatlar mamlakatga qarab farq qilishi va ogohlantirishsiz oʻzgartirilishi mumkin.

AI Home o‘zi nima?

Samsung AI Home – bu uy uchun yaratilgan aqlli texnologiyalar majmuasi bo‘lib, u foydalanuvchilarning ehtiyojlariga moslashib, uydagi hayotini yanada qulay va samarali qiladi. Uyingizdagi har bir qurilma, masalan, muzlatkichlar, kir yuvish mashinalari, pishirish pechlari va boshqa maishiy texnikalar o‘zaro bog‘lanib, samarali ishlaydi.

O‘zbek oilalari uchun moslashtirilgan foyda

• Uy bekalarining kundalik yumushlarga sarflanadigan vaqtlari sezilarli darajada kamayadi, ko‘proq dam olish va oila bilan vaqt o‘tkazish imkoni yuzaga keladi.

• Oilaning har bir a’zosi istalgan paytda, hatto uydan tashqarida bo‘lsa ham, ilova orqali uydagi barcha qurilmalarni boshqarishi mumkin.

• Bespoke AI Vision Inside texnologiyasi muzlatkich ichidagi oziq-ovqat mahsulotlarini nazorat qilishni osonlashtiradi.

• SmartThings va Bixby yordamida uyda ishlayotgan texnikalar oson boshqariladi. Kichik yoshli boladan tortib, keksa oila a’zolarigacha istalgan vaqtda mobil ilova yoki ovozli buyruq orqali uydagi har bir qurilmani bemalol boshqara olishadi.

Aqlli uyda samaradorlik

• Energiya samaradorligi. Samsung AI Home energiya iste’molini nazorat qiladi va optimallashtiradi. Masalan, SmartThings Energy yordamida foydalanuvchi har bir qurilmaning sarfini kuzatib, ortiqcha energiya ishlatilayotganini darhol biladi. Bespoke AI qurilmalari esa avtomatik tarzda eng tejamkor rejimni tanlab, uyni samarali boshqaradi. Natijada – kamroq xarajat, ko‘proq tejamkorlik va ekologik foyda.

• Vaqt tejamkorligi. Birgina misol: Bespoke AI Laundry Vented Combo texnologiyasi yordamida siz 68 daqiqada to‘liq kir yuvish va quritish jarayonini yakunlashingiz mumkin. Bu kabi misollar juda ko‘p.

• Suvni tejash va ekologik muvozanat. AI Wash+ suv sarfini minimal darajaga tushiradi, lekin natijada mukammal tozalikni saqlaydi. Shunday qilib, siz har bir tomchini qadrlaysiz va tabiatni asrashga o‘z hissangizni qo‘shasiz.

• Samsung Knox Vault texnologiyasi yordamida sizning shaxsiy ma’lumotlaringiz xavfsizligi taʼminlanadi. Shu bilan birga, uyingizning ichki xavfsizligi ham oshiriladi. U uyingizni har doim nazorat qilib turadi va har qanday xavfli holatlar yuzaga kelsa, tezda ogohlantiradi.

Uyingizdagi har bir lahzani mazmunli o‘tkazing.

Ushbu qadriyatlarni va ularning ortidagi gʻoyalarni 20-oktyabrdan boshlab Samsung.com, YouTube va ijtimoiy media tarmoqlar kabi turli raqamli platformalar orqali 50 dan ortiq mamlakatlardagi isteʼmolchilarga yetkazish kampaniyaning maqsadidir.

Kampaniyani boshlash uchun Samsung maxsus AI ortidagi innovatsion AI texnologiyalarini koʻrsatadigan videoni chiqardi. Unda Samsung sovitkichlari, pechlari va boshqa maishiy texnikalari aqlli AI oshxonasini yaratish uchun birgalikda ishlaydi. Kir yuvish mashinasi va quritkichning har bir sikli optimallashtirilgan, robot changyutkich esa foydalanuvchilarning turmush tarzi va ehtiyojlariga moslashtirilgan qulayliklarni taqdim etadi.

Mustahkam xavfsizlik foydalanuvchilarga oʻzlarining aqlli qurilmalaridan bexavotir foydalanish imkonini beradi.^[1] Xususan, Knox zararli dasturlar va kiber tahdidlardan toʻliq himoya qiladi. Shuningdek, ajoyib ulanuvchanlik imkoniyatiga ega SmartThings AI uyning markaziy boshqaruv tizimi boʻlib xizmat qiladi.

Samsung har bir mahsulotning umri davomida uzoq muddatli ishonchlilikni taʼminlash uchun uning sifati, chidamliligi va mijozlarga xizmat koʻrsatish imkoniyatlarini kuchaytirishda davom etmoqda. Kompressorlar va motorlar kabi asosiy komponentlardagi raqobatbardosh ustunligidan foydalangan holda kompaniya hozirda 120 dan ortiq mamlakatda^[2] mavjud boʻlgan maishiy texnika masofaviy boshqaruvi (HRM) xizmatini^[3] taklif qilish va mahsulotlarni eng soʻnggi AI funksiyalari va xavfsizlik tizimlari bilan yangilab turadigan yetti yilgacha bepul One UI yangilanishlarini^[4] taqdim etish orqali foydalanuvchi imkoniyatlarini yanada oshiradi.

“«Nima uchun Samsung» kampaniyasi Samsung jihozlarini tubdan ajratib turadigan narsalar — innovatsion Bespoke AI, uzluksiz SmartThings ulanuvchanligi, ishonchli Knox xavfsizligi va uzoq muddatli xizmatni birlashtiradi, — dedi Samsung Electronics kompaniyasining Digital Appliances (DA) Business kompaniyasining prezident oʻrinbosari va marketing guruhi rahbari Jessi Song. — Biz bundan keyin ham butun dunyo boʻylab isteʼmolchilarga nima uchun Samsung maishiy texnikasini tanlashlari kerakligi haqida qiziqarli gʻoyalarni yetkazishda davom etamiz”.

^[1] Batafsil maʼlumot olish uchun: Knox Vault | Asosiy maʼlumotlar | Samsung Knox hujjatlari

^[2] 2025-yil avgust holatiga koʻra.

^[3] HRM 2019-yildan keyin chiqarilgan SmartThings’ga asoslangan modellarda qoʻllab-quvvatlanadi. Foydalanuvchilar Android va iOS qurilmalarida mavjud boʻlgan SmartThings ilovasini yuklab olishlari kerak. Wi-Fi tarmogʻi va Samsung akkaunti talab qilinadi. Qoʻllab-quvvatlanadigan mahsulotlar va funksiyalarning mavjudligi mamlakat va modelga qarab farq qilishi mumkin.

^[4] 2024 va undan keyingi yillarda chiqarilgan Wi-Fi’ga asoslangan maishiy texnikada qoʻllab-quvvatlanadi.

Tasavvur qiling: siz ishda yoki safardasiz, lekin kuchugingiz yoki mushugingiz uyda yolg‘iz. SmartThings ilovasi yordamida siz ularni real vaqt rejimida kuzatishingiz, ularga qulay muhit yaratishingiz, hatto ovozli xabar yuborishingiz mumkin.

Uyingizda g‘amxo‘rlik, qo‘lingizda nazorat

AI Camera uy hayvoningizning harakatini aniqlaydi, noodatiy holat bo‘lsa sizga xabar beradi. SmartThings orqali siz kamera, havo tozalagich yoki konditsionerni bitta tugma bilan boshqarasiz. Masalan, agar tashqarida havo issiq bo‘lsa, tizim avtomatik tarzda konditsionerni yoqib, “Pet Mode” rejimini ishga tushiradi.

Uy hayvoningiz uchun toza, iliq va xavfsiz makon

Samsung texnikalari insonlar bilan bir qatorda, uy hayvonlarining ham qulayligi haqida o‘ylaydi.

• AI Air Purifier mushuk yoki kuchuk tufayli paydo bo‘lgan havodagi chang, allergen va tuklarni tozalab, nafas olishni yengillashtiradi.
• Robot changyutkichlar xavfsiz tarzda tozalaydi, hayvonga tegmaydi va uxlash vaqtida tinchlikni buzmaydi.

• SmartThings ilovasi orqali siz harorat, yorug‘lik va havo sifatini boshqarib, uy hayvoningiz uchun ideal muhit yaratasiz. Masalan, mushugingiz har doim deraza yonida uxlashni yaxshi ko‘radi. Siz uyingizdan chiqayotgan paytda deraza yonidagi chiroqni avtomatik yoqish uchun jadval o‘rnatishingiz mumkin – SmartThings buni o‘zi bajaradi.

G‘amxo‘rlik – texnologiya markazida

Galaxy AI nafaqat hayvoningizni kuzatadi, balki sizga yordamchi bo‘lib xizmat

qiladi.

• Siz band bo‘lgan vaqtda, u ovqat vaqtini eslatadi.
• Uy hayvoni odatdagidan sustroq harakat qilsa, tizim sizni ogohlantiradi.
• AI tahlil algoritmlari hayvonning kayfiyati va odatlariga qarab, eng qulay muhitni yaratish bo‘yicha tavsiyalar beradi.

SmartThings va Galaxy AI yordamida siz uyingizdagi hayvonlar uchun haqiqiy “aqlli g‘amxo‘rlik tizimi” yaratasiz. Bu tizim sizga vaqt, energiya va xotirjamlik hadya etadi.

SmartThings ilovasini yuklab olish

Batafsil ma’lumot www.samsung.com saytida.

Kalit so‘zlar: Samsung; SmartThings; aqlli uy; Galaxy AI; Pet Care; Samsung O‘zbekiston.

Ko‘rgazma  mehmonlari quyidagilar bilan yaqindan tanishishadi:

• Sun’iy intellekt funksiyali zamonaviy Galaxy smartfonlari;
• Yangi Galaxy Watch8 aqlli soatlari;
• Yuqori aniqlikdagi Neo QLED 8K displeylari; 
• SmartThings ekotizimi va aqlli maishiy texnika Bespoke tizimi.

Samsung texnologiyalari dunyo bo’ylab bir necha yilki keng qo‘llanilib kelmoqda. Undan tashqari maxalliy texnologiya rivojiga o’zining boy va betakror tajribasi bilan rivoj qoshmoqda.

Samsung – Ertangi kun uchun birgalikda harakat qilamiz.

Uy bekasi emas, uy egasi bo‘ling

Yangi oilaga sarpo sifatida hadya etish uchun g‘oyalar:

• Kir yuvish mashinasi – katta hajmdagi kiyimlarni bir martada yuvib, vaqt, suv va elektrni kam sarflaydi. Yosh kelin-kuyov uy ishlaridan ko‘ra bir-birlariga ko‘proq vaqt ajrata oladi.

• Robot-changyutkich – o‘zi mustaqil ishlaydi, uyni muntazam toza saqlaydi. Ish, o‘qish va mehmonchilikda band bo‘ladigan yangi oila uchun ayni muddao.
• Idish yuvish mashinasi – kunlik yig‘ilgan idishlarni tez yuvadi va suvni 2–3 baravar tejaydi. Bu yosh oilaning byudjetiga ham, vaqtidan unumli foydalanishga ham katta yordam.

• Muzlatkich – mahsulotlarni uzoq vaqt yangiligicha saqlaydi, yozgi jaziramada ham meva-sabzavot buzilmaydi. Bu sog‘liq va oilaviy iqtisod uchun muhim.
• Televizor – birgalikda film yoki sport tomosha qilish uchun. Oilaviy hordiqni maroqli qiladi va kayfiyatni ko‘taradi.
• Smartfon yoki planshet – aloqa, onlayn ta’lim, ish va kundalik hayot boshqaruvi uchun zarur.
• Konditsioner – yozgi issiqda uyda qulay muhit yaratadi.
• Mikroto‘lqinli pech va pishirish panellari tez va xavfsiz ovqat tayyorlashda yordam beradi.

Bunday sovg‘alar nafaqat bugun, balki yillar davomida qadrlanadi.

Bir tugma – barcha qulaylik

Samsung SmartThings ilovasi orqali konditsioner, kir yuvish mashinasi, changyutkich va boshqa qurilmalarni telefoningizdan boshqarishingiz mumkin. Bu orqali vaqtni tejab, uy ishlarini masofadan nazorat qila olasiz. Misol uchun, mehmonga ketayotganda changyutkichni ishga tushirish yoki uyga qaytishda konditsionerni oldindan yoqib qo‘yish mumkin.

Tejamkorlik – yangi oila uchun eng katta yordamchi

Yosh oilaning eng katta tashvishlaridan biri – moliyaviy barqarorlik. Samsung texnikalari esa:

• energiyani 30–40% gacha tejaydi;
• uzoq muddat ishlash kafolati bilan ta’minlanadi;
• keraksiz xarajatlarni kamaytiradi.

Kafolat va xizmat – yangi oila uchun xotirjamlik

Samsung mahsulotlari bilan rasmiy kafolat va ishonchli xizmat ko‘rsatish masalalarida xotirjam bo‘lish mumkin. Texnika ishlamay qolsa yoki biror muammo tug‘ilsa, uni tezda rasmiy ustaxonada bepul tekshirtirish va ta’mirlash imkoni mavjud. Bundan tashqari, qo‘shimcha xizmatlar, dasturiy ta’minotni yangilash va ehtiyot qismlarning mavjudligi yosh oilaning uzoq yillar davomida qo‘llab-quvvatlanishini ta’minlaydi.

Samsung texnikasi yordamida oilaviy hayotning dastlabki yillari yengilroq, tejamkor va yanada qulayroq bo‘ladi.

Batafsil ma’lumot www.samsung.com saytida.

LAS VEGAS, Nevadada 2025-yilning boshida  Samsung Electronics Co., Ltd. CES 2025 First Look tadbirida kundalik hayotimizni boyitish uchun AI asosida ishlaydigan shaxsiy ekranlar — Samsung Vision AI taqdimotini o‘tkazdi. Shuningdek, Samsung eng yangi Neo QLED 8K QN990F flagmanini hamda oʻzining Lifestyle televizorlari va kelajakdagi displey texnologiyalari uchun qiziqarli yangilanishlarni taqdim etdi. Bu Samsung’ning kundalik hayotni soddalashtirish va boyitish uchun ekranlarni moslashuvchan va aqlli hamrohlarga aylantirish haqidagi qarashlarini aks ettiradi.

“Samsung televizorlarni passiv isteʼmol uchun bir maqsadli qurilmalar sifatida emas, balki ehtiyojlaringizga moslashadigan interaktiv va aqlli hamrohlar sifatida koʻradi, — dedi Samsung Electronics kompaniyasining Visual Display Business prezidenti va rahbari SW Yong. — Samsung Vision AI yordamida biz oʻyin-kulgi, shaxsiylashtirish va turmush tarzi yechimlarini birlashtirgan holda hayotingizni osonlashtirish uchun ekranlar nimaga qodirligini qayta kashf etmoqchimiz”.

Samsung Vision AI^[1]: qulay hayot tarzi uchun aqlliroq va moslashuvchan ekranlar

Samsung Vision AI bu Samsung’ning aqlli, intuitiv va uzluksiz ekran qulayliklarini taqdim etish safaridagi navbatdagi qadam demak. Samsung Vision AI Samsung televizoringizni atrof-muhitdan xabardor qilish, foydalanuvchi xohishlariga moslashish va intuitiv funksiyalarni avtonom taqdim etish qobiliyati bilan ekranlarni oʻyin-kulgi, sodda muloqotlar va oʻzaro bogʻlangan turmush tarziga muammosiz integratsiya qiluvchi aqlli hamrohlarga aylantiradi.

Samsung Vision AI’ning asosi shaxsiylashtirilgan funksiyalardan iborat boʻlib, u foydalanuvchilarning ekranlar bilan qanday munosabatda boʻlishini qayta belgilaydi.

• Izlash uchun bosing funksiyasi tomoshani buzmasdan ekrandagi narsa/kimsa haqida maʼlumot (aktyorni aniqlash yoki koʻrsatilgan kontentni oʻrganish va hokazo) olish imkonini beradi.
• Qurilma ichiga joylashgan AI tarjimon modeli bilan taʼminlangan Live Translate jonli ravishda subtitr bilan til toʻsiqlarini bartaraf qiladi va tomoshabinlarga global kontentlardan muammosiz bahramand boʻlish imkonini beradi.
• Generativ fon rasmi ekranlarni dinamik, moslashtirilgan badiiy planshetlarga aylantirib, foydalanuvchilarga oʻz didi yoki vaziyatiga toʻliq mos keladigan tasvirlarni yaratishga imkon beradi.

Shaxsiylashtirishdan tashqari, Samsung Vision AI ekranlarni SmartThings ekotizimiga integratsiyalash orqali aqlliroq hayot tarzi markazi sifatida xizmat qiladi:

• Uy insaytlari uyingizdagi muhit haqida jonli ravishda yangilanishlar, jumladan, xavfsizlik boʻyicha ogohlantirishlar va kundalik maʼlumotlarni taqdim etib, foydalanuvchilarga uyda yoki uydan uzoqda boʻlgan taqdirda ham xotirjamlikni taʼminlaydi.
• Uy hayvonlari va oila aʼzolariga gʻamxoʻrlik yaqinlaringizni kuzatib boradi va uy hayvonlari va oila aʼzolarining noodatiy xatti-harakatlarini aniqlaydi. U televizorlar orqali jonli ravishda yangilanishlar va yozib olingan voqealarni taqdim etish, shuningdek, bola uxlab qolganda chiroqlarni oʻchirish kabi xona holatini avtomatik sozlovchi funksiyalar bilan qulaylikni oshiradi.

Shu bilan birga, Samsung Vision AI tasvir va ovoz sifati boʻyicha ajoyib yutuqlarga erishgan. U ekrandagi har bir lahzani jozibali xotiraga aylantiradi. Qurilma ichidagi AI tasvir va ovoz texnologiyalari kontent va atrof-muhit omillarini jonli ravishda tahlil qiladi hamda tasvir va audioni dinamik ravishda sozlab, tomoshani optimallashtiradi.

Tarixi davomida innovatsiyalari uchun tan olingan Samsung oʻz merosiga asoslandi va oʻzining eng soʻnggi Vision AI funksiyalari, jumladan, Click to Search va Live Translate, shuningdek, AI hamroh boʻlgan Ballie va Copilot’ni oʻz ichiga olgan Smart Monitor M9 kabi ilgʻor mahsulotlari nufuzli 2025 CES Innovation Award mukofotiga sazovor boʻldi.

AI ekranlar davri: kompaniya Samsung Vision AI’ni oʻzining eng keng mahsulotlar kategoriyasiga olib kiradi

Samsung AI asoslangan ekran texnologiyasining yangi davrini boshlab berdi. Samsung Vision AI funksiyalari endi oʻzining eng keng qamrovli mahsulotlar kategoriyasiga, jumladan, Neo QLED, OLED va QLED hamda The Frame modellariga kiritilgan. Ushbu kengayish kompaniyaning yanada koʻp foydalanuvchilarga aqlli va moslashuvchan ekranlarni taqdim etish, uydagi oʻyin-kulgi va aqlli hayot tarzi nimalarga qodirligini qayta kashf etishga sodiqligini taʼkidlaydi.

Ushbu innovatsiyaning boshida Samsung’ning hozirgi kundagi eng ilgʻor televizori — Neo QLED 8K QN990F turadi. Bu mislsiz tezkorlik, zamonaviy dizayn va AI’ga asoslangan aqlli funksiyalarni taqdim etadigan televizordir. Eng yangi NQ8 AI Gen3 protsessori bilan jihozlangan bu televizor tasvir sifati, tovush tiniqligi va umumiy tomosha hissini yaxshilash uchun qurilmadagi quyidagi AI funksiyalaridan foydalanadi:

• 8K AI Upscaling Pro: xira kontentni ajoyib 8K hajmgacha oshiradi va har bir kadrda ajoyib tafsilotlar va ravshanlik bag‘ishlaydi.
• Auto HDR Remastering Pro: kontentni kadrma-kadr tahlil qilib, sahnaga mos ranglarni qoʻshish orqali hatto qorongʻi sahnalarda ham jonli rangtasvirni taʼminlaydi.
• Adaptive Sound Pro: nutq, musiqa va tovush effektlari kabi tovush komponentlarini ajratish va optimallashtirish hamda aniq va muvozanatli ovozni yetkazib berish uchun AI’dan foydalanadi.
• Color Booster Pro: AI asosidagi sahna tahlili va kengaytirilgan tasvirni qayta ishlash jarayoni bilan har bir kadr uchun ranglar tarkibini boyitadi.
• AI Mode: AI asosida kontentni aniqlash va televizor ekrani tomonlarini tahlil qilgan holda tasvir va ovoz sifatini adaptiv tarzda sozlab, har qanday muhitda optimal tomoshani taʼminlaydi.

QN990F oʻta yupqa, minimal dizaynga ega boʻlib, ilgʻor texnologiyalarni nafis estetika bilan uygʻunlashtirgan premium uydagi koʻngilochar vosita hisoblanadi. Oʻzining ilgʻor funksiyalari va nafis dizayni bilan u har qanday xonaga koʻrk beradi va yaxlit koʻngilochar qulayliklarni taqdim etadi.

Sanʼatning yangi koʻrinishi: Samsung Art Store’ni kengaytirish va Frame Pro’ni joriy qilish

Samsung sanʼat va texnologiyani Samsung Art Store kengayishi va mashhur Frame mahsulot kategoriyasiga yangi qoʻshilgan The Frame Pro taqdimoti bilan uygʻunlashtirishga sodiqligini yana koʻrsatdi. Bu innovatsiyalar birgalikda Samsung’ning sanʼatni yanada ochiq, shaxsiy va kundalik hayotga uzluksiz integratsiya qilish vazifasini mustahkamlaydi.

Samsung Art Store endi nufuzli global hamkorlar, jumladan, MoMA hamda Magritte va Basquiat xonadonlari tomonidan tayyorlangan 3000 dan ortiq asarlar taqdim etadi. 2025-yilda ushbu kengaytirilgan toʻplam nafaqat The Frame va MICRO LED modellarida, balki Neo QLED va QLED modellarida^[2] ham mavjud boʻlib, foydalanuvchilarga oʻz ekranlarini shaxsiy sanʼat galereyalariga aylantirish uchun yanada koʻp imkoniyatlarni taqdim etadi. Bu Samsung’ning uylarni dinamik sanʼat bilan boyitish harakati tomon tashlagan yana bir muhim qadamidir.

Samsung The Frame’ni toʻldirishda ushbu qatorning eng soʻnggi modeli boʻlgan The Frame Pro’ni taqdim etdi. U ilgʻor Neo QLED tasvir sifati bilan sanʼat va koʻngilochar vositalar ixlosmandlariga qulaylik beradi. Xususan, yanada yorqin ranglar, aniq kontrastlar va tim qora maydonlarni hosil qiluvchi takomillashgan texnologiyani (local dimming) taqdim etadi. NQ4 Gen3 AI protsessori bilan jihozlangan The Frame Pro sanʼat asarlari va video kontentlarni koʻrishda tengi yoʻq tasvir sifatini taʼminlaydi. Shuningdek, u innovatsion Wireless One Connect’ga ega. Bu qurilmani atrof-muhit bilan uygʻunlashib ketadigan joylarga muammosiz oʻrnatish imkonini beradi.

Samsung Art Basel bilan hamkorlik qilib, sanʼat olami bilan oʻz aloqasini yanada mustahkamladi va The Frame‘ni butun dunyoda nishonlangan tadbirning rasmiy sanʼat asari displeyiga aylantirdi.

“Vazifamiz sanʼat olamiga quvvat berishdan iborat ekan, Samsung rasmiy global displey hamkorimizga aylanishi bizga jismoniy va raqamli toʻsiqlarni yengib oʻtishda katta yordamdir. Bular orqali yanada koʻplab odamlar sanʼatni innovatsion va mazmunli yoʻllar bilan kashf etadi, — dedi Art Basel’ning rivojlanish boʻyicha bosh direktori Xeyli Romer. — The Frame va Samsung Art Store orqali sanʼat ixlosmandlari oʻz uylariga jahon darajasidagi asarlarni olib kirib, sanʼat bilan oʻz munosabatlari va unga nisbatan qadr-qiymatni qayta anglay oladilar”.

Displey texnologiyasi kelajagini shakllantirish

Samsung ekranlar rolini qayta belgilashda yetakchilik qilishda davom etar ekan, uning yutuqlari nafaqat texnologiyani taqdim etadi, balki kundalik hayotni yaxshilovchi mazmunli va shaxsiylashtirilgan qulayliklarni yaratadi.

First Look 2025 koʻrgazmasida Samsung sanoatdagi birinchi interaktiv uch lazerli ultra qisqa masofali (UST) proyektori — The Premiere 5 ni taqdim etdi. Uydagi oʻyin-kulgi vositasiga yangilik kiritishga moʻljallangan Premiere 5 interaktiv sensorli funksiya bilan jihozlangan. Bu foydalanuvchilarga ekran bilan bevosita bogʻlanish imkonini beradi. Ushbu innovatsiya yuqori sifatli proyeksiyani koʻp qirrali funksionallik bilan uzluksiz birlashtiruvchi, kundalik hayotimizdagi obyektlarga turli tasvirlarni proyeksiyalovchi Samsung LightWARP texnologiyasini oʻz ichiga oladi. Bu oʻzgacha ijodiy va taʼsirli hisni beradi.

Samsung MICRO LED Beauty Mirror yordamida displey texnologiyasi kelajagini shakllantirishga ham sodiqligini koʻrsatdi. Ushbu innovatsion displey ilgʻor aks ettirish va oʻtkazuvchanlik imkoniyatlari hamda shaxsiy goʻzallik insaytlarini taqdim etuvchi funksiyalarni oʻzida birlashtirib, zamonaviy texnologiyalar kundalik hayotni qanday yaxshilay olishini namoyish etadi. Bu oyna terining individual turlarini tahlil qilib, Koreyaning yetakchi kosmetika kompaniyasi boʻlgan Amorepacific tomonidan ishlab chiqilgan innovatsion goʻzallik yechimlaridan foydalangan holda oʻz-oʻzini parvarish qilishni yanada intuitiv va samarali qilish uchun mos mahsulotlarni tavsiya qiladi.

Eng soʻnggi yangiliklar uchun news.samsung.com (Samsung Newsroom) manziliga tashrif buyuring.

SmartThings o‘zi nima?

SmartThings – bu Samsung ishlab chiqqan aqlli uy boshqaruv tizimi bo‘lib, u orqali siz turli xil qurilmalarni telefon yoki planshet orqali masofadan boshqarishingiz, avtomatik sozlashingiz va bir-biriga bog‘lashingiz mumkin.

Qanday ishlaydi?

• SmartThings ilovasini telefoningizga yuklab olasiz (Android va iOS uchun mavjud).
• Uyingizdagi aqlli qurilmalarni (masalan, aqlli chiroq, televizor, changyutkich) ilovaga ulaysiz.
• Qurilmalarni qo‘lda boshqarish, jadval asosida sozlash, yoki avtomatik ssenariy yaratish mumkin. Misol uchun: “Soat 19:00 da chiroqlar yoqilsin, pardalar yopilsin va televizor yoqilsin” – bularning barchasini oldindan belgilab qo‘ya olasiz.

Yana qanday afzalliklari bor?

Xavfsizlik nazorati har daqiqa siz bilan: Eshik ochilishi yoki harakat aniqlansa, darhol telefoningizga xabar keladi. Farzandingiz uyga qaytdimi yoki o‘g‘ri kirishga urinyaptimi – hammasi nazorat ostida.

Harorat avtomatik sozlanadi: Uydagi havo isib ketsa – konditsioner yoqiladi, sovuq tushsa – isitish tizimi ishga tushadi.

Masofadan boshqaruv – uy cho‘ntagingizda: Ishdamisiz, safardamisiz – farqi yo‘q. Telefoningiz orqali changyutkichni ishga tushiring, pechni yoqing yoki kir yuvish mashinasini nazorat qiling.

Nega aynan SmartThings?

• SmartThings oddiy ilova emas, bu Samsung kompaniyasining global texnologik platformasi. Ishonchli, xavfsiz, uzluksiz va kelajakni ko‘zlagan yechim.
• Boshqa alternativalar ham bor, lekin ularning ko‘pi o‘zbek tilini qo‘llab-quvvatlamaydi, qurilmalarning integratsiyasi murakkab, xizmatlar cheklangan. SmartThings esa o‘zbek tilida ishlaydi, foydalanuvchilar uchun qulay, tez va oddiy.
• Uyingizni telefondan, ovoz orqali yoki hatto geografik joylashuvingizga qarab boshqarishingiz mumkin.
• SmartThings orqali siz turli ishlab chiqaruvchilarning yuzlab qurilmalarini bitta ilovada boshqarasiz. Chiroq boshqa firmadanmi, konditsioner boshqa, televizor esa Samsungnikimi? Muammo emas. Hammasi yagona tizimga ulanadi va sizga faqat bir ilova kerak bo‘ladi.
• SmartThings qurilmalarining narxlari va ishlatish qulayligi uni oddiy foydalanuvchi uchun ham moslashtiradi. Siz endi kelajak texnologiyasidan foydalanish uchun boy bo‘lishingiz shart emas – faqat aqlli qaror qabul qilsangiz kifoya.

SmartThings – bu kelajak uyi. Sizning uyingizda kelajak bugundan boshlanadi.

Batafsil ma’lumot https://www.samsung.com/uz_uz/ saytida.

Foydalanuvchilar oʻz qurilmalari bilan koʻprogʻiga erisha oladi; ishlab chiquvchilar kelajak uchun barpo etadi

Samsung Electronics bugun San Xose McEnery konferensiya markazida oʻzining yillik Samsung Developer Conference’ni (Samsung ishlab chiquvchilar konferensiyasi) (SDC) oʻtkazdi. Ishlab chiquvchilar bilan hamkorlik va innovatsiyalarning oʻn yilligini nishonlayotgan kompaniya bu safar “Hamma uchun AI” ruhida eng soʻnggi koʻp qurilmali AI texnologiyasi bilan yanada shaxsiylashtirilgan va xavfsiz imkoniyatlarni taqdim etish boʻyicha oʻz qarashlarini namoyish etdi.

3000 ga yaqin ishlab chiquvchilar, hamkorlar va ommaviy axborot vositalari ishtirok etgan holda Samsung Electronics kompaniyasining Device Experience (DX) boʻlimi raisi oʻrinbosari, bosh direktori va rahbari Jong-Hee (JH) Han shunday dedi: “Biz soʻnggi 10 yil mobaynida koʻplab ishlab chiquvchilarimiz va hamkorlarimiz bilan innovatsiyalar tomon sayohatni davom ettirdik”. U bugungi sunʼiy intellekt davrida ham raqobatbardoshlikni, ham oʻzaro oʻsishni kuchaytirish uchun ochiq hamkorlik muhimligini taʼkidladi.

JH mustahkamroq xavfsizlik, ilgʻor shaxsiylashtirish, oilaviy parvarish imkoniyatlarini yaxshilash va B2B bizneslari uchun yangi imkoniyatlarni taklif qilish yoʻlida kompaniyaning AI texnologiyasidan qanday foydalanishiga oid qoʻshimcha tafsilotlarni ulashdi. “Samsung Electronics sunʼiy intellekt texnologiyasi yanada moslashtirilgan imkoniyatlarni taqdim etishi uchun uni har bir foydalanuvchining ovozidan tortib joylashuvigacha avtomatik ravishda taniydigan darajaga koʻtarishda davom etadi”, deb tushuntirdi u. “Bu saʼy-harakatlar Samsung’ning sunʼiy intellektga asoslangan dasturiy taʼminoti, platforma innovatsiyasi va xavfsizlik texnologiyasidan unumli foydalanish orqali yanada qulay va xavfsiz koʻp qurilmali imkoniyatlarni yaratadi”.

Bundan tashqari, kompaniya keyingi yil One UI nomi ostida mobil qurilmalardan tortib, televizorlar va maishiy texnikagacha boʻlgan asosiy mahsulot kategoriyalarining dasturiy imkoniyatlarini birlashtirishini eʼlon qildi. Mahsulot imkoniyatlari yaxlitligini taʼminlash va yetti yilgacha dasturiy taʼminotni yangilash majburiyatini zimmasiga olgan holda Samsung oʻz mijozlari uchun innovatsiyalarni taqdim etishda toʻxtamaydi.

Shuningdek, “Hamma uchun AI”ni amalga oshirish uchun Samsung innovatorlarga yangi zamin yaratish, ijtimoiy muammolarni hal qilish va kelajak avlodlar uchun qulayroq hayot yaratish yoʻlida yangi texnologiyalardan unumli foydalanish imkoniyatini beruvchi AI’ni ham ishlab chiqadi.

Samsung “Hamma uchun AI” innovatsiyasini yana bir bor takrorlaydi

SDC24’da kompaniya imkoniyatlarni ochish, shaxsiy maʼlumotlarni himoya qilish va undan foydalanuvchilarning kundalik hayotini yaxshilash uchun sunʼiy intellekt texnologiyasidan foydalanishini yana bir bor tasdiqladi. Ilgʻor sunʼiy intellekt texnologiyalariga oʻn yildan ortiq sarmoya kiritib kelgan Samsung kompaniyasi oʻzining “Hamma uchun AI”ga sodiqligi asosida shakllangan tadqiqot va innovatsiyalarining yoʻl xaritasi ishlab chiquvchilar va mijozlarni qay tarzda bir tomonga yoʻnaltirayotganini ulashdi.

Har bir shaxs uchun shaxsiylashtirish asosidagi sunʼiy intellektni yaratish zaruratidan ilhomlanib, Samsung “Hamma uchun AI”ni oʻylab topdi; bu kechki kun tartibini osonlashtirishni xohlaydigan oilalar, yangi joylarga endi-endi koʻnikib borayotgan uy egalari, ilhom olish uchun ilgʻor texnologiyalarni oʻrganayotgan ijodkorlar va innovatorlar uchun yaratilmoqda. Samsung qurilma ichidagi sunʼiy intellekt imkoniyatlaridan foydalangan holda maxfiylikka putur yetkazmasdan, bulutli va generativ AI orqali mislsiz samaradorlikni taqdim etishda davom etmoqda.

Shuningdek, Samsung hayotimizni yaxshilash uchun AI’ni rivojlantirishga sodiq ekan, barcha xodimlar sunʼiy intellektni rivojlantirish va undan foydalanish uchun “Adolat”, “Shaffoflik” va “Masʼuliyatlilik” global AI axloqiy tamoyillarini qoʻllab-quvvatlaydi.

“Hamma uchun AI” strategiyasi samaradorlik, ijodkorlik va muloqotni yaxshilash uchun Galaxy AI’ni mobil qurilmalarga yanada chuqurroq integratsiya qiladi; Bespoka AI jihozlari foydalanuvchilarning kundalik hayotini soddalashtiradi; Tizen operatsion tizimli Samsung aqlli televizorlari sunʼiy intellekt asosida ishlaydigan displeylarga ega; Bixby, SmartThings va One UI 7 uchun platformalararo AI yangilanishlari kelmoqda.

One UI 7 ga qisqacha nazar tashlash

One UI foydalanuvchilarga mobil qurilmalarda mavjud boʻlgan eng moslashuvchan, ijodiy va samarali imkoniyatlarni taqdim etish uchun yaratilgan. Samsung SDC24 koʻrgazmasida One UI 7 ga qisqa nazar tashlandi va uning sodda, taʼsirchan va hissiyotli dizaynga yoʻnaltirilgan yangi UX hamda Galaxy AI funksiyalarini kundalik hayotga yengil integratsiya qilishning yangicha usullari taʼkidlandi. One UI 7 beta versiyasi shu yil oxirigacha ishlab chiquvchilarga taqdim etiladi.

AI uy hayotga tatbiq etiladi

Samsung’ning Bespoke AI jihozlari oshxonami, mehmonxonami, bundan qatʼi nazar, butun xonadonga qulay imkoniyatlarni olib kiradi. AI Family Hub ga ega sovitkichdagi AI Vision Inside[1] yoki Bespoke Jet Bot Combo AI’dagi AI Floor Detect kabi sunʼiy intellektga ega funksiyalar bilan Samsung’ning aqlli maishiy texnikalari hayotni yanada qulay, sodda va oson qilish uchun eng zoʻr AI texnologiyalaridan foydalanadi.

Bu esa AI bilan yangilangan Bixby[2] yordamida yanada kuchayadi. Foydalanuvchilar Bixby’ni qoʻllab-quvvatlaydigan qurilma orqali istalgan joydan turib butun boshli aqlli uylarning istalgan qismini boshqarishlari mumkin. Shuningdek, Bixby imkoniyati cheklangan foydalanuvchilar uchun ham qulayliklar taqdim etadi. Uyda foydalanish qulayligini oshirish uchun Auto Open Door funksiyasi tufayli u uygʻotuvchi buyruqlarsiz[3] (“Salom, Bixby” va h.k.) oddiy chaqiruv bilan jihoz eshiklarini ochishi mumkin.

Bixby’ning kengaytirilgan imkoniyatlari Samsung smart televizorlariga ham tegishli. Foydalanuvchilar endi Bixby tufayli koʻrmoqchi boʻlgan kontentini odam tilida tavsiflab va sozlamalarni koʻplab buyruqlar yordamida sozlash orqali kerakli kontentni qidirishlari mumkin. Foydalanuvchilarning kundalik hayotini soddalashtirish boʻyicha doimiy majburiyatdan ilhomlangan masofadan mobil boshqaruv funksiyasi foydalanuvchilarga televizorlarini telefonidan boshqarish imkonini beradi va Samsung AI Cast mobil qurilmalarda AI tomonidan yaratilgan natijalarni televizorga yoʻnaltirishi mumkin. Foydalanuvchilar televizorning bosh ekranida mavjud boʻlgan generativ AI yordamida ishlab chiqilgan qator tasvirlar va kontentlar, jumladan, ChatGPT integratsiyasidan endi kattaroq displeyda bahramand boʻla olishadilar.

Samsung oʻzining vizual displey ilovalariga ham sunʼiy intellektni birlashtirmoqda. Jumladan, aqlli televizorlarda AI Upscaling va AI Customization’dan tortib, Nextdoor bilan yangi hamkorlik orqali har qanday smart televizor ekranini ob-havo, qurilma salomatligi va mahalliy yangiliklar kabi kundalik maʼlumotlarni olsa boʻladigan yagona markazga aylantirish uchun yangi Daily Board Software Development Kit’gacha (SDK) ishlab chiquvchilarga qulay vositalarni taqdim etmoqda.

VXT bilan keyingi avlod raqamli displey yechimlari

Samsung kontentni ishlab chiqarish, ishlatish va boshqarish uchun Visual Experience Transformation (VXT), uning dasturiy platformasi va unga hamroh boʻlgan kontentni boshqarish yechimi (CMS) bilan raqamli displey yechimlarining keyingi avlodini namoyish etdi. Pre-Integrated Repeatable Solution (PIRS) & Widget and Extension (WiNE) Framework bilan sunʼiy intellektga asoslangan chatbotdan foydalangan holda VXT samarali, soddalashtirilgan raqamli displey yechimlarini taqdim etadi va ishlab chiquvchilarga bunday yechimlarni muammosiz birlashtirish va platformadagi jarayonlarni soddalashtirish imkonini beradi.

Tizen jahon darajasidagi samaradorlikka erishish uchun qurilma ichidagi AI’dan foydalanadi

Samsung kompaniyasining katta operatsion tizimi — Tizen oʻzining sanoatdagi yetakchi tajribasini koʻplab qurilmalar va xizmatlarga olib kirayotgan paytda Samsung sunʼiy intellektni qoʻllab-quvvatlaydigan maʼlum maishiy texnikalarni AI Home[4] — 7 dyuymli LCD sensorli displey bilan jihozladi.

Tizen, shuningdek, Tizen AI xizmatlari bilan kuchaytirilmoqda. Samsung Neural Processing Unit (NPU) tomonidan quvvatlangan, Samsung mahsulotlariga moslanishi va foydalanuvchi ehtiyojlariga javob berish uchun optimallashtirilgan Tizen AI xizmatlari televizor tomosha qilish yoki video qoʻngʻiroqlar qilish paytida aks-sado va shovqin darajasini nazorat qilishdan tortib, qaydlarni toʻldirishni yaxshilash uchun foydalanuvchilarning yozish uslublarini tahlil qilishgacha boʻlgan aqlli, xavfsizroq va moslashtirilgan imkoniyatlarni taqdim etadi.

Samsung’ning sunʼiy intellektdan yanada kengroq foydalanishga sodiqligi Tizen va Galaxy ekotizimlari oʻrtasidagi kuchli oʻzaro muvofiqlikda ham namoyon boʻladi. Foydalanuvchilarga bir xil Bluetooth vositalari, jumladan, sichqoncha va klaviaturalar yordamida smartfon va planshetlarida harakatlanish va boshqarish imkonini beruvchi Multi-Control funksiyasi smart monitorlar va Tizen televizorlarida ham ishlaydi.

Samsung ishlab chiquvchilar uchun Tizen’ni RISC-V[5] asosida yaratdi va RISC-V bilan ishlab chiqilgan Tizen ilovalari uchun yangi SDK 2026-yilda taqdim etiladi.

Tizen operatsion tizimi Flutter‘ni — kross-platformali ilova yaratish tizimining soʻnggi versiyasini qoʻllab-quvvatlaydi va dastur ishlab chiquvchilari uchun yuqori darajali debaglash va profillash kengaytmalarini taqdim etishda davom etadi.

SmartThings sunʼiy intellekt yordamida yangi bosqichga chiqadi va sogʻliqni saqlash imkoniyatlarini kengaytiradi

Soʻnggi oʻn yil ichida Samsung SmartThings 350 milliondan ortiq obunachi va 340 dan ortiq “SmartThings bilan ishlaydi” (WWST) hamkorlari bilan eng yirik oʻzaro bogʻlangan platformalardan biriga aylandi.

Samsung yuqori darajadagi SmartThings imkoniyatlarini vujudga keltirish va kengroq hamkorlik aloqalarini yoʻlga qoʻyishni oʻrganish uchun ilgʻor AI texnologiyasidan foydalanmoqda. SmartThings kompaniyaning mahsulot va xizmatlarini ajratib turadigan innovatsion texnologiya sifatida asosiy rolni oʻynaydi.

SmartThings’ga shu oyda keladigan asosiy yangilanishlardan biri bu Home Insight[6] boʻlib, u uy imkoniyatlarini yaxshilash uchun jonli ravishda toʻplangan foydalanuvchi maʼlumotlari, isteʼmol usuli, qurilma tarixi va uy statistikasini tahlil qiladi. Shuningdek, u kunning yoki mavsumning maʼlum bir vaqtida uydan uzoqda boʻlganingizda boʻsh turgan qurilmalarni oʻchirish kabi uyni optimallashtirish funksiyalarini tavsiya qiladi. Bundan tashqari, Galaxy Tab S10 plansheti Home Insight vidjeti bilan jihozlangan boʻlib, undan uyni kuzatish va boshqarish uchun uy paneli sifatida qulay foydalanish mumkin.

Shuningdek, Samsung ekrani bor barcha mahsulotlarini SmartThings Hub‘ni ishga tushira oladigan qilish rejasini namoyish qildi. Bu Samsung qurilmalarini uyga gʻamxoʻrlik qilish uchun birgalikda ishlashini yaxshilaydi va hatto hamkor qurilmalar bilan ulanuvchanlikni ham oʻz ichiga oladi. Rejaga SmartThings Hub asosidagi Edge AI[7] texnologiyasi qoʻshilgan boʻlib, u uyning oʻzaro bogʻlangan qurilmalariga sunʼiy intellekt imkoniyatlarini oʻrnatib, chinakam sunʼiy intellekt bilan takomillashtirilgan uyni vujudga keltirishga hissa qoʻshadi.

Ochiq hamkorlik va innovatsiya ruhida Samsung oʻzining soʻnggi SmartThings hamkorliklari haqida tafsilotlarni ulashdi. 2025-yilda Samsung Wallet ichidagi Digital Home Key’ga SmartThings Door Lock funksiyasini qoʻshadigan Schlage[8] va Aqara[9] kabi turli xil aqlli kalit ishlab chiqaruvchilari bilan yangi hamkorliklar shular jumlasidan edi.

Barqarorlik, xususan, SmartThings va Kohler oʻrtasidagi hamkorlik bilan taʼkidlandi.[10] Kohler‘ning barqaror turmush tarzi boʻyicha bosh direktori (AQSh) Laura Kohler ushbu yangi integratsiya foydalanuvchilarga aqlli dush kallaklari va joʻmraklar bilan foydalanish suv isteʼmolini kamaytirishga qanday yordam berishini tushuntirish uchun sahnada SmartThings ijrochi prezident oʻrinbosari va rahbari Jaeyeon Jungga qoʻshildi.

Ulanuvchanlik standartlari ittifoqi (CSA) rahbari Tobin Richardson masofadan eʼlon qildiki, Samsung SmartThings Matter[11] 1.3 standartini qabul qilgan birinchi xizmat boʻlib, Matter ekotizimini doimiy qoʻllab-quvvatlash va kengaytirishda hal qiluvchi rol oʻynaydi.

Shuningdek, Samsung oʻzining SmartThings va Samsung Health xizmatlari oʻrtasida yaqinroq integratsiya oʻrnatishini namoyish etdi. Dexcom[12] uzluksiz glyukoza monitoringi tizimi (CGM) kompaniyasining texnik direktori Girish Naganathan foydalanuvchilar va ularning yaqinlari uchun uyda sogʻliqni saqlashning yanada moslashtirilgan, qulay nazorati boʻyicha kompaniyalarning umumiy qarashlarini muhokama qilish uchun Samsung bilan sahnaga chiqdi.

Xavfsizlik — AI davrining poydevori

Nihoyat, Samsung mustahkam xavfsizlik va maxfiylik standartlariga sodiqligini taʼkidlashda davom etdi. Samsung Knox bilan kompaniya eng soʻnggi AI imkoniyatlari hech qachon shaxsiy maʼlumotlarni oshkor qilishni talab qilmasligini taʼminlash uchun xavfsizlik boshqaruvini kuchaytirishga sarmoya kiritishda davom etmoqda. Blokcheynga asoslangan, koʻp qurilmali xavfsizlik yechimi boʻlgan Knox Matrix koʻp qurilmali imkoniyatlar boʻyicha xavfsizlikni yanada oshirish uchun mobil qurilmalardan televizorlar va maishiy texnikagacha kengayadi.

Samsung, shuningdek, 2025-yilda Tizen televizorlari, AI Family Hub li sovitkich va AI Home’ga ega maishiy texnikalarga Passkey‘ning kengayishini taʼkidladi. Passkey foydalanuvchilarga mobil QR kodni skanerlash orqali veb-brauzerga asoslangan loginlarni qoʻllab-quvvatlagan holda katta qulaylik va mustahkam xavfsizlikni taʼminlaydi.

Ushbu xususiyatlarning har biri foydalanuvchilarga yanada mustahkam xavfsizlikni taʼminlash, ishlab chiquvchilarni qoʻllab-quvvatlash va yangi AI davrimizdan maksimal darajada foydalanish uchun sunʼiy intellektga asoslangan eng soʻnggi va eng yaxshi innovatsiyalarni taqdim etuvchi qurilmalarni rivojlantirishda muhim rol oʻynaydi.

Samsung ishlab chiquvchilar, ijodkorlar va hamkorlar va boshqalarni ochiq innovatsiyalar va oʻzaro bogʻlanish orqali ajoyib qulayliklarni yuzaga keltirish saʼy-harakatlariga qoʻshilishga chorlaydi. SDC24 haqida qoʻshimcha maʼlumot olish uchun www.developer.samsung.com/sdc saytiga tashrif buyuring.

[1] 2024-yil mart oyi holatiga koʻra, AI Vision Inside yangi meva va sabzavotlar kabi 33 tagacha oziq-ovqat mahsulotlarini aniqlay oladi. Agar oziq-ovqat mahsuloti aniqlanib boʻlmasa, u nomaʼlum mahsulot sifatida roʻyxatga olinishi mumkin. AI Vision Inside muzlatkich eshigi qutilari yoki muzlatkichdagi biron-bir oziq-ovqat mahsulotlarini aniqlay olmaydi yoki roʻyxatga olmaydi. U oziq-ovqat mahsulotlarini chuqur oʻrganish modellari asosida aniqlaydi va aniqlikni oshirish uchun vaqti-vaqti bilan yangilanishi mumkin.

[2] Yangilanish 2024-yilda sotuvga chiqarilgan qurilmalar uchun, jumladan, AI Family Hub ga ega 4 ta fransuz eshikli sovitkich; Bespoke AI Laundry Combo; Bespoke Slide-in Range; Bespoke Jet Bot Combo AI va Bespoke AI WindFree Gallery Freestanding konditsionerlari.

[3] Bu funksiya hozirda ayrim sovitkichlar va kir yuvish mashinalarida mavjud.

[4] AI Home’da mavjud boʻlgan barcha xizmatlar sunʼiy intellekt ekanligini yoki sunʼiy intellekt yordamida maʼlumot yoki natijalarni yaratayotganini anglatmaydi. AI Home orqali mavjud boʻlgan AI Smart Dial, AI Wash & Dry va Bixby ovoz funksiyalari sunʼiy intellektga asoslangan algoritmlardan foydalanadi va aniqlikni oshirish uchun vaqti-vaqti bilan yangilanishi mumkin. AI’ga asoslangan algoritmlar toʻliq boʻlmagan yoki notoʻgʻri maʼlumotlar yaratishi mumkin.

[5] RISC-V “Kamaytirilgan koʻrsatmalar toʻplami kompyuteri” qisqartmasi boʻlib, u murakkab operatsiyalarni tezroq va samaraliroq qayta ishlash imkonini beruvchi CPU buyruqlarining kombinatsiyasi hisoblanadi.

[6] Xulosalash va taklif funksiyalari hozirda faqat AQSh va Koreyada mavjud va 24.10 dan boshlab sekinlik bilan boshqa mintaqalarga ham kengayadi. Qoʻllab-quvvatlanadigan qurilmalar Galaxy smartfonlari, planshetlari va Samsung smart televizorlari boʻlib, ularni yanada kengaytirish rejalari mavjud.

[7] Edge AI — bulutdan foydalanmasdan uyda yuqori unumdor qurilmalar yordamida maʼlumotlarni qayta ishlaydigan texnologiya. Bu maʼlumotlarni tezkor qayta ishlash va yanada mustahkam xavfsizlikni taʼminlaydi.

[8] https://www.schlage.com/en/home.html

[9] https://www.aqara.com/en/

[10] https://www.kohler.com/en

[11] Matter: CSA (Connectivity Standards Alliance) tomonidan qurilmalar oʻrtasida oʻzaro muvofiqlikni yaxshilash uchun tan olingan ulanuvchanlik standarti.

[12] https://www.dexcom.com/

Samsung Newsroom butun dunyo bo’ylab dasturchilar va Samsung Electronics hamkorlarini birlashtirgan tadbirdan ba’zi muhim voqealarni suratga oldi.

Texnik sessiya davomida Samsung’ning AI yo’l xaritasi taqdimoti

SDC24’da Texnik sessiya (Tech Session) Samsung rahbarlari va xodimlari uchun Samsung AI innovatsiyalarining hozirgi holati va kelajak tasavvurlarini taqdim etish uchun platformaga aylandi. Bu yil Tech Session beshta mavzuga bo’lingan – Device AI, SmartThings, Responsible AI, Advanced Tech va Enterprise & Ecosystem. Har bir mavzuda Galaxy AI, AI televizorlari va Bespoke AI qurilmalari, shuningdek, ushbu AI mahsulotlarini quvvatlaydigan platformalar kabi butun mahsulot qatorini qamrab olgan AI innovatsiyalari ta’kidlangan. Muhokamalarda, shuningdek, kengaytirilgan xavfsizlik texnologiyalari loyihasini yaratish masalasi ko’rib chiqildi.

Muhokama qilingan yangiliklar qatorida Samsung televizorlarining foydalanuvchilar va kontekstlarni yanada aniqroq tanib olish uchun takomillashtirilgan AI imkoniyatlari ishtirokchilarni hayratga soldi. Shuningdek, aqlli uy tajribasini oshirish uchun Bixby bilan jihozlangan Bespoke AI qurilmalari ham kun tartibida o’rin olgan edi.

Bundan tashqari, Samsung Health SDK Suite sog’liqni saqlash ekotizimini o’zgartirish potentsiali bilan raqamli salomatlikning kelajagiga e’tibor berishni taklif qildi.

Ochiq sahnada AI’ga asoslangan aloqa va almashinuv

SDC24 davomida dasturchilar oʻrtasida muloqot va oʻzaro taʼsirni ilgari surish uchun moʻljallangan turli dasturlarni, jumladan, Ochiq sahna (Open Stage) tadbiri doirasida turli tashqi maʼruzachilar oʻz bilimlari va sohadagi tajribalarini baham koʻrishdi, Tech Session spikerlari bilan savol-javob sessiyasi, ishtirokchilar uchun eksponatlar bilan tanishish va fikr almashish uchun Davra suhbati va muhokama sessiyalarini tashkil etildi.

TiffinTech asoschisi, dasturchi Tiffany Janzen Open Stage davomida AI va IoT yaqinlashuvi natijasida shakllanadigan kundalik hayotning kelajagi haqida gapirdi. Shu bilan birga, savol-javob ishtirokchilari qizg’in munozaralarda qatnashdilar va qimmatli fikrlar bilan o’rtoqlashdilar.

Tech Square’da AI’ga asoslangan dasturiy yechimlar bilan tanishish

Samsung kompaniyasining so‘nggi innovatsiyalarini namoyish etuvchi Tech Square ko‘rgazma maydoni ishtirokchilarga kompaniyaning ilg‘or dasturiy ta’minoti va AI’ga asoslangan xizmatlari bilan bevosita tanishish imkonini berdi.

Dasturchilar televizorlar, maishiy texnika va boshqa qurilmalarga integratsiyalangan so‘nggi AI xususiyatlarini o‘rganish uchun saf tortdilar. Samsung televizorlaridagi Generativ Wallpaper funksiyasi hamda Bespoke AI Family Hub, ayniqsa, dasturchilarning katta e’tiborini tortdi.

O’zining 10 yilligini nishonlayotgan SmartThings, AI bilan Home Insight’ni ishga tushirish va SmartThings Hub’ni yanada ko’proq mahsulotlarga kiritish uchun takomillashdi.

Tadbirda Samsung sho’ba korxonasi HARMAN ham ishtirok etdi. Kompaniya dasturchilarga avtomobil ilovalari bozoriga kirishga yordam berishga qaratilgan texnologiyani taqdim etdi va o’zining Ignite platformasini namoyish qilib, turli xil avtomobil ichidagi tajribalarni, shu jumladan avtomobil ilovalarini taklif qildi.

Samsung dasturiy ekotizimini hamkorlar bilan kengaytirmoqda

Tech Square’da dasturiy ta’minot va qurilmalar innovatsiyasi bo’yicha yetakchi hamkor kompaniyalar ham ishtirok etishdi. Hamkorlik zonasi ularning qurilmalari hamda SmartThings va Samsung Health ekotizimidagi yechimlari haqida toʻliq maʼlumot berdi. Ishtirokchilar Samsung Health va SmartThings’ning uzluksiz integratsiyasi orqali uyda shaxsiylashtirilgan sog‘liqni saqlashning kelajagini yaqindan ko‘rish uchun yugurish yo‘laklari, qon bosimi monitorlari, aqlli tana tarozilari va boshqalar bilan turli real hayot tajribalarini his etdilar.

Bundan tashqari, Samsung Wallet turli hamkorlar, jumladan, aqlli kalit kompaniyalar bilan hamkorlik qilish orqali keyingi yutuqlarni ko’rdi. Masalan, SmartThings’ning eshikni qulflash funksiyasi qulaylik va foydalanish qulayligi uchun raqamli uy kaliti sifatida Samsung Wallet’ga birlashtirilgan. Mobil toʻlovdan tortib raqamli identifikatorlar va tadbir chiptalarini saqlashgacha boʻlgan Samsung Wallet’ning aksariyat mavjud funksiyalari hamkor kompaniyalar bilan yaqin hamkorlikda ishlab chiqilgan va ishga tushirilgan.

Kodlash laboratoriyasida Samsung dasturiy ta’minoti bilan interaktiv tajriba

Jami 13 ta kodlash dasturlarini oʻz ichiga olgan Kodlash laboratoriyasida (Code Lab) dasturchilarga salomatlik, SmartThings, Samsung Wallet va avtomobil ilovalari kabi mavzularni qamrab oluvchi amaliy kodlash tajribasini taqdim etdi. O’zlarining qiziqish sohalarini tanlagandan so’ng, dasturchilar qiziqarli va interaktiv tajriba uchun vaqt chegaralangan rejimda turli xil dasturiy ta’minot muammolarini yechim topishdi.