Samsung Electronics Co., Ltd 09 Iyul kuni  Warner Bros. va DC Studios bilan eng soʻnggi “Supermen” filmini muxlislar uchun tayyorlangan bir qator tadbirlar, Supermen mavzusidagi video kontentlar va Samsung Art Store orqali DC Comics’dan cheklangan raqamli sanʼat asarlari bilan nishonlash uchun global hamkorlikni eʼlon qildi.

“Samsung yanada qiziqarli va mazmunli koʻngilochar vositalarni yaratishga intiladi, — dedi Samsung Electronics’ning Visual Display biznesining ijrochi prezident oʻrinbosari Hun Lee. — Yetakchi ijodiy studiyalar va rassomlar bilan hamkorlik qilish orqali biz odamlarga teatrda yoki uyda oʻzlari yoqtirgan hikoyalar va personajlar dunyosiga chuqur shoʻngʻishga yordam berishda davom etamiz”.

Jeyms Gan tomonidan yozilgan, rejissyor va prodyuserlik qilingan DC Studios’ning yangi kinematik olamidagi birinchi filmi boʻlgan “Supermen” 9-iyuldan boshlab butun dunyo boʻylab kinoteatrlarda namoyish etiladi. Kino chiqishi munosabati bilan Samsung “Shunchaki katta emas. Super katta” shiori bilan global kampaniyani boshlab yuboradi. Kampaniya birlamchi Supermen kinosini raqamli platformalar, chakana savdo joylari va jamoat joylari boʻylab nishonlaydigan bir qator video kontentlarni yoritadi.

Londonda ushbu kampaniya The Shard va Kings Cross Station kabi tirbandlik yuqori joylarda paydo boʻladigan Daily Planet mavzusiga oid bir qator gazeta doʻkon kiosklari orqali amalga oshadi.

Shuningdek, muxlislar Supermen mavzusidagi cheklangan nashrdagi buyumlar, eksklyuziv sovgʻalar va oʻzlarining tadbir fotosuratlari yoki videolarini baham koʻrish orqali global ijtimoiy media tanlovida ishtirok etib, super sovrinlar, jumladan 98 dyuymli Samsung televizorini yutib olishlari mumkin.

Interaktiv tadbirlar Osiyoda, jumladan Malayziya, Vyetnam va Koreyaning yirik savdo markazlarida boʻlib oʻtadi. Unda muxlislar Supermen mavzusidagi fotostendlar, immersiv displeylar va amaliy mahsulot sinovidan bahramand boʻlishadi.

Bundan tashqari, Samsung Art televizorlaridagi yetakchi raqamli tasviriy sanʼat platformasi boʻlgan Samsung Art Store foydalanuvchilar uchun DC Comics’dan 10 ta rasmdan iborat Supermen raqamli albom toʻplamini 1-iyuldan 31-avgustgacha bepul taqdim etadi. Bu toʻplam The Frame hamda 2025 QLED va Neo QLED modellarida[1] mavjud boʻlib, Supermenning qahramonlik merosini har bir xonadonga olib kiradi va muxlislarga undan yangicha usulda bahramand boʻlish imkonini beradi.

Samsung’ning Super Big TV qatoriga Neo QLED va Crystal UHD modellari kiradi va ular 98, 100, 115 dyuymli variantlarida mavjud boʻladi.[2] Keng ekranlar, AI orqali yaxshilangan ajoyib tasvir sifati va chuqur kontrast bilan Samsung uyga moʻljallangan ajoyib koʻngilochar vositani taklif etishni maqsad qilgan.

Batafsil maʼlumot uchun uchun www.samsung.com   saytiga tashrif buyuring.

Karissa Potter oʻzini “munosabatlarga mushtoq odam” deb taʼriflaydi. Rasm chizib chiqartirish, yozuvchilik va oʻrnatma asarlar orqali u shaxslararo munosabatlarni rivojlantirishga qaratilgan ushbu mazmunli maqsadiga erishdi. Uning asarlari turli xil vositalarda mujassam boʻlib, insonlar oʻrtasidagi bunday munosabatlarning nozik jihatlarini chuqur hissiyot va oʻzaro tushunish orqali namoyon etadi.

Potter Facebook, Google va Kaliforniyaning Berkli shahridagi Kala Art institutlarida rezidentlik qilgan. Bundan tashqari, uning asarlari San Fransisko zamonaviy sanʼat muzeyi (SFMOMA) va Urban Outfitters’da namoyish etilgan. Oʻzining “People I’ve Loved” kompaniyasi orqali u dunyo boʻylab 600 dan ortiq doʻkonlarni qamrab oldi.

Uning mazmunli munosabatlarga boʻlgan istagi uning ishi — soʻzlarni chizmalar bilan birlashtirib, tomoshabinlar oʻrtasida chuqur aks-sado uygʻotadigan asarlar yaratishda yaqqol namoyon boʻladi. Samsung Newsroom Potter bilan oʻzining badiiy sayohati va odamlar bilan rishtalar oʻrnatish uchun sanʼatdan qanday foydalanishi haqida suhbatlashdi.

▲ Karissa Potter

Badiiy jihatdan oʻziga xoslik va falsafa

Savol: iltimos, oʻzingizni qisqacha tanishtirsangiz.

Men munosabatlarga mushtoq odamman. Men kitoblar yozaman, suhbatlar qilaman, badiiy oʻrnatma asarlar yarataman hamda matn va tasvirlar orqali hissiyotlarni ifoda etaman. Mening kompaniyam — “People I’ve Loved” 2012-yildan beri Kaliforniyaning Oklend shahrida odamlar va buyumlar oʻrtasidagi munosabatlarni mustahkamlash uchun turli badiiy obyektlar yaratdi.

Savol: ijodiy faoliyatingizda sizni koʻproq nima ilhomlantiradi?

Muammolarga yechim topish va biror narsa yaratish orqali xayol surish menga juda katta quvonch bagʻishlaydi. Yoshligimdanoq oʻzimga ijodiy fikrlarni talab qiladigan mushkul savollarni berib kelganman. Qiyin daqiqalarda taslim boʻlmaydigan odamlar qanday fikrlaydi? Qanday qilib maʼnolar maʼnosiz olamda mavjud boʻlishi mumkin?

Tuygʻu koʻzgulari mavzu va hikoyalar koʻrinishida

Savol: sizning shaxsiy fikr va his-tuygʻularingizni boshqalar bilan baham koʻrishdagi ochiqligingiz tasviriy sanʼat asaringizga alohida bogʻliqlik qatlamini qoʻshadi. Bu ijodingizni qanday shakllantirdi?

Tasviriy sanʼat asarlari vizual jihatdan qiziqarli boʻlishi uchun ularda qandaydir hissiy bogʻliqlik boʻlishi kerak. Men oʻz hayotiy tajribalarimni qaysidir maʼnoda aks ettiruvchi stil tomon intilaman. Bunday rasmlar xuddi men xohlagan yoki boshimdan oʻtgan hayotni koʻrsatayotgan oynadek. Qachonki men qiyin, ogʻriqli yoki chiroyli mavzularni ifodalayotgan rasm chizsam, bu kimgadir tasalli berishiga ishonaman.

“Har qanday vaqtda odamlar ochiq, rostgoʻy va himoyasiz holatda boʻlsa, ular boshqalarda xuddi shu his-tuygʻularni koʻrishni beixtiyor xohlashadi”

Vizual maʼnoda, oʻzaro bogʻlanish gʻoyasi soʻzlar va tasvirlar yordamida bevosita yetkaziladi. Mana nega men aynan bu uslubga tayanaman: odamlar eshitgisi kelgan, ammo negadir ijtimoiy cheklovlar tufayli topish qiyin boʻlgan hikoyalarni ularga soʻzlab berish. Tuygʻular tashqi stimullarga yoʻnaltirilgan javob degan fikr ruhiy ozodlik hissini beradi. Biz oʻzimizni yaxshi yoki yomon deb oʻz haqimizda hukm chiqarishimiz shart emas — biz shunchaki olamda mavjudmiz va shuning oʻzi yetib ortadi.

▲ Karissa Potter qizi Margaret bilan

Savol: tomoshabinlar odatda bu chuqur shaxsiy oʻlchovlarga qanday munosabatda boʻlishadi?

Har qanday vaqtda odamlar ochiq, rostgoʻy va himoyasiz holatda boʻlsa, ular boshqalarda xuddi shu his-tuygʻularni koʻrishni beixtiyor xohlashadi. Men odamlarning yaxshi qirralariga ishonishga harakat qilaman va oʻzim haqimda ham va ular ham oʻzlari haqida shunday fikrda boʻlishlari mumkinligini tushunaman. Ikkala tomon fikri ham birdek qiymatga ega.

Shunda kimdir “Men ham shunday oʻylayman”, “Sizning asarlaringizni oʻxshash voqealarni boshdan kechirayotib topib oldim” yoki “Asarlaringiz oʻzimni boricha qabul qilishimga yordam berdi” desa, mening bir qismim oʻzimdan-da katta yutuqqa erishganini his qilaman.

“Tasviriy sanʼat asarlari vizual jihatdan qiziqarli boʻlishi uchun ularda qandaydir hissiy bogʻliqlik boʻlishi kerak”

Savol: hissiy granulyarlik haqidagi muhokamalaringizda siz aksincha ifoda eta olmaydigan his-tuygʻularni ichingizdan ozod qilish uchun tasviriy sanʼatdan foydalanishni eslatib oʻtgandingiz. Qanday qilib tasviriy sanʼat bu his-tuygʻularni yuzaga chiqaradi?

Biz koʻpincha toʻgʻrisoʻz boʻlish yoki savob ish qilishni istaymiz. Biroq bizning niyatlarimiz va harakatlarimizga vaziyat shunchalik taʼsir qiladiki, koʻpincha kutgan natijaga erishish qiyin boʻladi. Tasviriy sanʼat orqali esa odam yaxshi koʻrgan, ammo buni izhor etolmaydigan odamiga ichidagi his-tuygʻularini oson yetkaza oladi. Siz ishongan odam bilan biror narsani ochiqchasiga gaplashish va oʻzaro yaqinlik hissi sezish sizga yengillik bagʻishlaydi.

Karissa Potter x Samsung Art Store

Savol: “Winter Moon” tasviriy asari oʻtgan qishda Samsung Art Store foydalanuvchilari orasida sevimli suratga aylandi. Mavsumiy asarlaringiz uchun oʻziga xos motivlarni tanlashda sizni nima ilhomlantiradi?

Agar “Winter Moon” nima uchun mashhur boʻlganini taxmin qil deyayotgan boʻlsangiz, men rasm sodda boʻlgani uchun deyman. Biz murakkab dunyoda yashayapmiz va oddiy tasvirlar ongimiz uchun dam beradi go‘yo. Tasvir bir vaqtning oʻzida ham tasalli beradi, ham melanxolik tusga ega. Mana nega bu tasvirda meni oʻziga jalb qiladigan neytral hissiy ohang bor. Qish koʻpincha sovuq, qorongʻi va yolgʻizlantiruvchi fasl sifatida tasvirlanadi, ammo bu fasl xavfsizlik va aloqa lahzalarini yaratishi mumkin.

▲ “Winter Moon” (2022)

Savol: “Bunny Love” va “Flowers for Mom” Samsung Art Store’ning aprel va may oylarida saralangan kolleksiyalarida namoyish etildi. Nima deb oʻylaysiz, nega bu asarlar odamlar tomonidan shunchalik keng qabul qilindi?

Qish oxirlar ekan, biz yangi hayotni qidiramiz — energiya, jonlilik va nishonlanadigan hamda umidvor kutib qoladigan imkoniyatlarimiz. “Bunny Love” va “Flowers for Mom” biz orzu qilgan narsalarning vizual tasviri va hayot bizga nimalarni tayyorlab qoʻyganini eslatib turadi. Fazo va vaqtni tushunish uchun mavsumiy marosimlar muhim ahamiyatga ega. Koʻp jihatdan, tasvirlar bizga orzularimiz uchun zamin beradi va bormoqchi boʻlgan joyimizda ekanligimizni koʻrsatib turadi.

▲ “Bunny Love” (2024)

“Siz ishongan odam bilan biror narsani ochiqchasiga gaplashish va oʻzaro yaqinlik hissi sezish sizga yengillik bagʻishlaydi”

Savol: foydalanuvchilarga ularning Frame televizorlariga yana qanday asarlaringizni tavsiya qilgan boʻlardingiz?

Depressiyada boʻlgan davrimda oʻsimliklarga qarash menga quvonch keltirishini tushundim. Toʻgʻri, buni hamma bilsa kerak. Lekin, toʻgʻrisi, bu menda yaxshigina ish berardi.

“Plant Wall” oq fonda turli xil qora oʻsimliklardan iborat. Ushbu asar mening SFMOMA bilan hamkorligimda vujudga kelgan tasvirlarning bir qismi edi. “A Family of Plants” terrakota idishlaridagi oʻsimliklar oilasi hisoblanadi. “September Bloom” guldastasi bilan oʻtirgan ayolni tasvirlaydi.

Men uchun oʻsimliklar mavjudlikning oʻzaro bogʻliqligini anglatadi, ular sizni hayotning murakkabligidan hayratda qoldiradi. Har yerda goʻzallik va hayot bor. Oʻsimliklar bilan boʻlsam, oʻzimni kichik bir jonzotdek his qilaman, ammo ular bilan boʻlish foydali. Baʼzida esa odam oʻzini kichik jonzotdek his qilsa, bundan tasalli olishi mumkin.

▲ “Plant Wall” (2020)

▲ “A Family of Plants” (2024)

▲ “September Bloom” (2023)

Raqamli dunyodagi tasviriy sanʼatni kuzatib

Savol: tasviriy sanʼatning yaratilishi va tarqalishiga taʼsir qiladigan texnologiya haqida qanday fikrdasiz?

Oʻylaymanki, barcha tasviriy sanʼat oʻsha zamonning mavjud texnologiyalari bilan yaratiladi. Lekin bu yomon narsa degani emas! Baʼzida yomon boʻlishi mumkin, ammo bu faqat yetkazilayotgan maʼlumotning boshqacha formati va tushunilishi xolos.

Kelajakda nima qanday boʻlishini aniq ayta olmayman, lekin biz rivojlanayotgan texnologiyalar yoki sunʼiy intellektni ishlatayotganda odamzod bilimlaridan qanday qilib bevosita foydalanayotganligimiz haqida oʻylashga undaydi. Bu qaysidir maʼnoda jamoaviy ongni shakllantiradi.

Savol: raqamli vositalar ommalashib borayotganligi sababli odamlarning tasviriy sanʼatga boʻlgan munosabati yoki uni qanday talqin qilishidagi oʻzgarishlarni kuzatdingizmi?

Men odamlar yaratgan turli xil asarlarni varaqlashni yaxshi koʻraman. Sanʼat maktabida birovning uyiga osib qoʻyish uchun rasm chizish qandaydir soxta narsa edi. Ammo hozirda kimdir biror rasmni yoqtirsa va uni qabul qilsa, bu u uchun qadrga ega.

Sanʼat endi ancha demokratik media. Ilgarilari faqat rasmiy muassasalarda mavjud boʻlgan tasviriy sanʼat asarlaridan endilikda oʻz uyingizdan turib bahramand boʻlish mumkin. Sanʼat asarlari bilan vujudingiz bir joyda boʻlsa, ongingiz siz sevgan narsalar va odamlar bilan oʻralgan butunlay boshqa makonda boʻladi.

Savol: bundan tashqari yana nimadir qoʻshimcha qilmoqchimisiz?

Qoʻmsash hissi haqida suhbatlashmadik, menimcha. Shu kunlar men nega eski buyumlarni saqlab kelishimiz haqida oʻyladim. Mening miyam qiyinchiliklarni eslashga moyil. Evolyutsion nuqtayi nazardan, bu mantiqqa monand. Xavfli narsami, uni bilish va yodda saqlash kerak.

Shunday boʻlsa-da, shunday narsalarni yodda saqlashni istardimki, ular nuqul meni oʻlimdan saqlashga xizmat qiladigan, neyron tizimimda saqlanib qoladigan xotiralar boʻlmasa. Yoqimli xotiralar, masalan. Hayotning shirinligini eslatuvchi, odamlar bilan bogʻlanish, shodlikka toʻla damlar va zavqli daqiqalar hali tugamasligini anglash ham muhimdir. Oʻylaymanki, tasviriy sanʼat buni va yana koʻp narsalarni amalga oshira oladi.

Tadqiqotlar shuni koʻrsatyaptiki, odamlar hayoti davomida oʻzini his-tuygʻularga chulgʻashdan yiroqlashyapti. Men buni eshitib, qaygʻuga botaman. Rishtalarni oʻrnatish, turli his-tuygʻularni boshdan kechirish va oʻzimni oʻqqa-choʻg‘ga urish shaxsan menga yoqadi. Umid qilamanki, asarlarim odamlarga ularning qalblarida yoki xayolida qolgan soʻzlarni yuzaga chiqarishga imkon beradi.

Erin Hansonning badiiy sayohati u chizgan manzaralar kabi yorqin. Nevada Red Rock Canyon (“Qizil tog’ kanyoni”, tahr. “kanyon” – tog’li hudud) va Tinch okeani sohilidagi dramatik tuslaridan ilhomlanib chizilgan Hansonning “Ochiq impressionizm” o’zgacha uslubidagi ijodiy ishlari serquvvat ranglari va teksturali ishlovlari bilan ajralib turadi.

Samsungning Saatchi Art bilan uzoq yillik hamkorligi tufayli mijozlar Samsung Art Store’da Hansonning noyob asarlaridan foydalanishlari va ularning rang-barang dunyosiga sho’ng’ishlari mumkin. Samsung Newsroom Hanson bilan uni ilhomlantirgan manzaralarni muhokama qilish uchun va texnologiyalar san’at olamini qay darajada o’zgartirib borayotgani haqida suhbat qurdi.

▲ Erin Hanson

Ijodkorlik rivojiga hissa

Savol: Rassom sifatida yo’lingiz haqida so’zlab bersangiz. Ijodiy sayohatingiz qachon boshlangan?

Esimni taniganimda beri, men doimo rassom bo’lishni xohlardim. Men 8 yoshligimda moyli rasmlardan boshladim va boshqa yo’nalishlarni ham o’rgandim – lekin hamisha moyli chizishga qaytardim, chunki san’at ustalari aynan shu usuldan foydalanishgan. Moyli bo’yoqqa to’la mo’yqalamni ushlab, moy hididan nafas olsam, men o’tmishning buyuk rassomlari bilan bevosita bog’liqlikni his etaman.

Savol: “Ochiq impressionizm” haqida ham o’z fikringizni bildirsangiz.

Odamlar menga rasmlarim o’ziga xosligi va bir zumda taniladiganligini doim aytib kelishadi, shuning uchun men ushbu noyob uslubda 400 ga yaqin rasmni yaratganimdan keyin o’zim asos solgan “Ochiq impressionizm” atamasini ishlata boshladim. Men asosiy e’tiborimni ranglar, yorug’lik va tashqaridagi go’zallikka qarataman. Men o’z uslubimni “ochiq” deb atayman, buning sababi esa ilhomim ochiq osmon ostidagi landshaftlardan olinganidadir. Men “impasto” texnikasidan foydalanaman, chizgan impressionistik rasmlarim yuqori teksturali bo’lgani bilan ajralib turadi, ishlatilgan bo’yoqlar esa aralashtirilmagan holda ishlarimda o’z joyini topadi. Qattiq mo’yqalamni ishlatib men o’z asarlarimga vitray yoki mozaika ko’rinishini berish maqsadida rasmlarim pastki qismida bo’yoqlar o’ziga xos uslubda joylashadi.

▲ Tong otganda Saguaro (2021)

Savol: Sizning rasmlaringizda ko’pincha ajoyib tabiat manzaralari mavjud. Sevimli joylaringiz haqida aytib bering. Ular sizning ijodiy jarayoningizga qanday ta’sir qiladi?

Mening birinchi ilhomlantirgan manzara bu Nevada va janubiy Yutaning qoyali landshaftlari edi – men Qizil Tog’ Kanyonida toqqa chiqqanimda, go’zal cho’lning to’yingan ranglari menga cheksiz ilhom bag’ishladi. Hozir men ko’plab milliy bog’lar va yodgorliklarni o’rgandim, jumladan Sion, Brays Kanyoni, Arches, Monument Vodiysi, Grand Kanyon va Kanyon de Chelli.

Kaliforniyaga qaytib kelganimda, Tinch okeani sohilidagi Karmel va Mendochinoni kashf qilishni boshladim. Men Kaliforniyaning vino uzumzorlari, eman daraxtlari va tepaliklarini chizishni sevib qoldim. Yosemit va Leyk Tahoe meni har doim o’zlarining dramatik ranglari va fasllari bilan o’ziga jalb qilib keladi.

“Bo’yoqlarga to’yingan mo’yqalamni ushlab, moy hididan nafas olsam, o’zimni o’tmishning buyuk rassomlari bilan bevosita bog’langandek his qilaman”.

Tabiat go’zalligini tasvirlash

Savol: “Sohil qizg’aldoqlari II” deb nomlangan rasmingiz The Frame foydalanuvchilari orasida sevimli hisoblanadi. Ushbu jozibali asarni raqamli platformaga qanday qilib o’tkazdingiz?

“Sohil qizg’aldoqlari II” is inspired by one of my favorite coastal views in California, near Heart Castle and Big Sur. The painting brings me back to a time when the poppies were in full bloom, and I was standing alongside Highway 1 on the edge of the Pacific Coast — looking down into the rich aquamarine water with the salty ocean air blowing into my face. The contrast in colors and textures was so breathtaking that I completed four paintings in this series. The most recent was “Coastal Poppies IV” in 2022.

“Sohil bo’yidagi qizg‘aldoqlar II” asarini yaratayotganimda eng sevimlilarimdan biri bo’lgan Kaliforniyadagi Heart Qal’asi va Katta Sur yaqinidagi qirg‘oq manzaralaridan ilhomlanganman. Rasm meni qizg’aldoqlar gullab-yashnagan davrga qaytaradi va men Tinch okeani qirg’og’ining chekkasida 1-Magistral bo’yida turib, yuzimga okeanning sho’r havosi urayotgan boy firuza suviga qarab turardim. Ranglar va teksturalarning kontrasti shunchalik hayratlanarli ediki, men ushbu mavzudagi to’rtta rasmni tugatib oldim. Eng so’nggisi 2022-yilda “Sohil bo’yidagi qizg’aldoqlar IV” edi.

▲ Sohil bo’yidagi qizg’aldoqlar II (2020)

“Men “Ochiq impressionizm” atamasini ushbu noyob uslubda 400’ga yaqin rasm chizganimdan keyin shakllantirdim. Rang, yorug’lik va ochiq havoda go’zallik bilan o’ralganlik hissi mening asosiy e’tiborimni tortadi. Men [hozir] bu uslubda 3000’dan ortiq moyli rasmlarni chizganman”.

Savol: Sizning ishingiz The Frame’da ko’rsatilishi haqida qanday fikrda ekanligingiz bilan o’rtoqlasha olasizmi?

The Frame’ni yoqtiraman, chunki bu qurilmada san’at o’z joyini topgan, ya’ni rasm devorda haqiqatdan osilgani kabi aks ettirilgan. Mening muxlislarim va kollektsionerlar rasmdagi mo’yqalam zarbalari va tekstura ritmlarini his qilishlari mumkin, ularni kichikroq displeylarda ko’rish murakkabroq.

Bundan tashqari, The Frame mening san’at asarlarimning jonli ranglarini qanchalik yaxshi qayta yaratayotganidan hayratdaman. Mening impressionizm yo’nalishidagi rasmlarim to’laligicha ranglar bilan hamohand va men The Frame ranglarni qanchalik aniq tasvirlashini yaxshi ko’raman!

*Muharrir eslatmasi: 2024-yilda The Frame o’z sohasida birinchi bo‘lib Pantone® Validated ArtfulColor sertifikatiga ega bo‘ldi. Matli displey, shuningdek, tomoshabinlarga xonaning tepasidagi yorug’lik yoki hatto kunduzgi yorug’lik ostida san’atga qoyil qolishlariga yordam berish uchun yorug’lik aksini kamaytiradi.

Savol: Foydalanuvchilar uchun The Frame’da mavjud bo’lgan barcha rasmlaringiz ichidan qaysi uchta asarni sizningcha eng yaxshi deb tanlagan bo’lardingiz?

Mening sevimlilarim ” Sohil bo’yidagi qizg‘aldoqlar II”, “Olma gullaganda” va “Gilos gullaganda”.

▲ Olma gullaganda (2023)

“Olma gullaganda” asarini yaratishda hovlimdagi 30 yoshli olma daraxtidan ilhomlanganman. Oregon sharob hududidagi Villamet vodiysiga ko’chib o’tganimdan beri, meni Northwest to’rt fasl o’ziga jalb etdi.

▲ Gilos gullaganda (2023)

“Gilos gullaganda” Oregon shtatining Makminvill shahridagi galereyam yaqinidagi gullagan olcha daraxtlariga bag’ishlangan. Mukammal moviy osmonga qarshi pushti gilos gullari bilan rasm chindan ham bahorning “iforini” taratib turadi.

Savol: “Olma gullaganda” Samsung Art Store’ning aprel oyining “Gullagan bahor” saralangan kolleksiyasining bir qismi bo‘ladi. Foydalanuvchilar nimani kutishlari mumkin?

“Gullagan bahor” to’plami bahor fasliga batamom bag’ishlangan. Men Oregonda yashayman. Bu yerda uzoq, sovuq va yog’ingarchiklarga boy qishdan keyingina bahor keladi. “Oz yurti sehrgari” filmidagi o‘sha bir lahzada dunyo texnik rangga aylangandek tuyuladi – deyarli bir kechada kimdir go’yo hammasini o’zgartirgandek, dunyo birdan za’faron, xantal dalalari, gullagan olxo‘ri va gilos daraxtlariga to‘la bo’lib qoladi. Umid qilamanki, foydalanuvchilar ushbu to’plamni ko’rganlarida xuddi shunday mo’jiza va sehrni boshdan kechiradilar.

“Mening orzuim – insonlar chizgan rasmlarim dunyosiga [raqamli muhitda] kirib, san’at asarlarimning harakatlanuvchi jismlari bilan o’ralgan Erin Hanson yaratgan olamining hayratlanarli tajribasini yaratishdir”

Texnologiya orqali hayratlanarli san’atni qamrab olish

Savol: Art Store’ning (tarj. – “San’at do’koni”) uzoq yillik hamkori Saatchi Art bilan ishlashga sizni nima undaganligi haqida ko’proq o’rtoqlasha olasizmi?

The Frame’da o’z asarlarini namoyish etishdan tashqari, Saatchi Art original san’at asarlarini namoyish qilish uchun eng yaxshi onlayn markazdir. Juda yaxshi tanlangan badiiy to’plam, uslublar va vositalarning ajoyib xilma-xilligi ham mavjud. Istalgan inson unda qiziqtirgan san’at asarini topa olishi sababli, kollektsionerlar bu yerda yangi sanʼat asarlarini yana va yana topishlari hech gap emas. Men o’n yildan ortiq vaqtdan beri o’z ijodiy ishlarimni Saatchi Art orqali sotyapman. Saatchi jamoasi har doim yordamga tayyor va ular bilan ishlash osondir.

Savol: An’anaviy san’at galereyalari tomoshabinlarga rasmlarni shaxsan boshdan kechirish va tekstura, mo’yqalam zarbalari va o’lchovni to’liq his etish imkonini beradi. Sizningcha, raqamli formatlar insonlarning san’at bilan shug’ullanishiga qanday ta’sir qiladi?

Ochiq impressionizm uslubida 3000’dan ortiq moyli rasmlarni chizdim. Rostini aytsam, ishlarimni muxlislar va kollektsionerlar bilan baham ko‘rish yo‘llarini topishda qiynaldim. Menda bir nechta doimiy kitoblar va ko’plab qog’oz nashrlar bo’lsa-da, to’plamlarimni almashishning eng yaxshi usuli raqamli formatlar ekanligiga amin bo’ldim.

Raqamli formatlar uchun biz odatda uzun, gorizontal tartibda yaxshi ishlaydigan kompozitsiyalarni qidiramiz. Rasmlarimning bunday yuqori aniqlikdagi tasvirlarini olish uchun biz galereyamdagi butun xonani egallagan katta skanerdan foydalanamiz. Skaner besh xil yorug’lik burchagidan foydalangan holda rasmlarni yuqoridan suratga oladi, shuning uchun biz oxirgi tasvirlarda ko’rinadigan soya miqdorini nazorat qilishimiz mumkin. Ushbu o’zgarish uch o’lchovli illyuziyani beradi, shuning uchun siz mo’yqalam zarbalarini deyarli cho’zishingiz va his qilishingiz mumkin.

Bundan tashqari, biz yuqori aniqlikdagi, uch o’lchamli teksturali nashrlarni ishlab chiqarish uchun moyli rasmlarimni xaritalashtiramiz. Ular shunchalik jonliki, ko’pchilik nusxa va aslini farqlay olmaydi.

Mening orzuim – insonlar mening rasmlarimga to’g’ridan-to’g’ri kirib, mening san’at asarlarimning harakatlanuvchi rasmlari bilan o’ralgan bo’lishi mumkin bo’lgan Erin Hanson tajribasini yaratish. Bunday raqamli muhitda tashrif buyuruvchilar galereya yoki festival muhitida osilgan o’nlab asarlardan ko’ra ko’proq hajmdagi san’at asarlarini qadrlashlari mumkin.

Savol: San’at olamida texnologiya tobora muhim rol o’ynayotganini haqida ham so’zlab bersangiz. Agar bu tendentsiya saqlanib qolsa, kelgusida bu qanday rivojlanishini taxmin qilasiz?

Ishonchim komilki, texnik innovatorlar san’at asarlarini yaratish va almashishning yangi usullarini topishda davom etadilar. Masalan, kattaroq The Frame televizorlari san’at ixlosmandlariga o’z devorlarida yanada kattaroq san’at asarlarini namoyish qilish imkonini beradi. Mening buyumlarim AI modellari va millionlab raqamli rasmlarga ta’sir qilishini bilaman. Bu tendentsiya qayerga olib borishiga ishonchim komil bo’lmasa-da, men bilamanki, insonlar tomonidan yaratilgan asl san’at har doim kelajakda har qanday texnologiyaning asosi bo’ladi. Kompyuter yangi asar yaratish uchun turli rasmlarni o’zgartirishi va birlashtirishi mumkin, ammo asl tasvirlarning barchasi dunyoni o’ziga xos tarzda ko’rgan individual rassomlar tomonidan yaratilgan.

Savol: Kelgusi loyihalar haqida bizga aytib bera olasizmi?

This year, I am traveling to France to follow the footsteps of the impressionists and visit all the famously painted locations in Paris, trailing the Seine to Arles and Le Havre in southern France. I will be visiting the windowsill where Van Gogh sat and painted “Starry Night” and exploring the gardens Monet so famously painted. This has been a dream of mine for several years, and it is finally coming true. Afterward, I plan to create a collection of French-inspired works in homage to the 150th anniversary of the first impressionist exhibition.

Bu yil men impressionistlar izidan borish va Sena daryosidan Fransiya janubidagi Arl va Gavrgacha bo’lgan Parijning barcha mashhur rasmlarda o’z aksini topgan joylarini ziyorat qilish uchun Fransiyaga sayohat qilishni rejalashtiryapman. Men Van Gog o’tirgan va “Yulduzli tun” (“Starry Night”) rasmini chizgan deraza tokchasiga tashrif buyuraman va Monet chizgan juda mashhur bog’larni o’rganaman. Bu mening bir necha yillardan buyon orzuim edi va nihoyat ushalmoqda. Keyinchalik, birinchi impressionistlar ko’rgazmasining 150 yilligiga bag’ishlab, fransuz tilidan ilhomlangan asarlar to’plamini yaratishni rejalashtirmoqdaman.

Ushbu to’plamdagi “Sena Akslari” asarlari sentyabr oyida chiqariladi. Batafsil bu yerda oʻqishingiz mumkin: erinhanson.com/Event/ReflectionsoftheSeine.

▲ Pez Dispenser (1984), Baskiyaning eng taniqli sanʼat asarlaridan biri, The Frame’da namoyish etilgan

Samsung Art Store onlayn obuna xizmati boʻlib, The Frame egalariga 2500 dan ortiq raqamli sanʼat asarlari, jumladan, eng taniqli rassomlar, muzeylar va rassomlik sanoatida estetik chiroy standartini belgilovchi ustalarning asarlari bilan istalgan boʻshliqni maʼnaviy orom oluvchi makonga aylantirish imkonini beradi.

Jan-Mishel Baskiya innovatsiyalar va ijtimoiy fikrlar mayogʻi boʻlib, uning ishlari butun dunyo boʻylab galereyalar va muzeylarda namoyish etilgan hamda madaniy masalalar borasida qizgʻin muzokaralar oʻchogʻini yoqqan. Artestar va Jan-Mishel Baskiyaning mulki uning sanʼati va ishlaridagi yashirin mazmunlarni yetkazish orqali uning sermahsul merosini hurmat qilishda davom etar ekan, hamkorlik uning istiqbolli ishlari hammaga ochiq va hamma uchun ilhom bagʻishlay olishi uchun butun dunyo boʻylab sanʼat ishqibozlari bilan muloqot qilishga intiladi.

“Samsung Art Store bilan Baskiyaning sanʼat durdonalarini bevosita uyingizga olib kirish jahon tomoshabinlari uning ishlarini zamonaviy va oʻzgacha tarzda kuzatishlari uchun ajoyib imkoniyatdir”, dedi Jan-Mishel Baskiya mulki vakili Artestar xalqaro brendni litsenziyalash va konsalting agentligi asoschisi va prezidenti Devid Stark. “Baskiyaning ishlari muhim muhokamalarni qoʻzgʻatishda davom etmoqda va bizni dunyoga boshqacha nazarda qarashga undaydi. The Frame raqamli planshetiga asoslangan ushbu hamkorlik uning asarlarini har kimning uyida kuzatish imkon beradi. Oʻz navbatida bu sanʼatkorning ishlarini hamma bilan baham koʻrishga va uning merosini hurmat qilishga xizmat qiladi.

Yangi kolleksiyada Baskiya faoliyati davomidagi noyob asarlari keltirilgan. Art Store obunachilari uchun mavjud boʻlgan asarlardan biri Bird on Money (1982) boʻlib, u Charli Parkerga koʻrsatilgan ajoyib ehtiromdir. Shuningdek, oʻzining soʻnggi nozik uslubida katta koʻk ranglarda chizilgan Boy and Dog in a Johnnypump (1982), King Zulu (1986), Endi Uorxol bilan qoʻsh portret — Dos Cabezas (1982) asarlari ham kolleksiyaga kiritilgan. Dos Kabezas uning koʻplab asarlari singari Puerto Riko merosidan ilhom olgan.

Ushbu asar jamlanmasi Samsung Art Store uchun maxsus tayyorlangan bo‘lib, 16×9 formatga moslashtirilgan va Baskiya merosiga mos ravishda raqamli formatga oʻgirsa boʻladiganlari tanlab olingan.

Jan-Mishel Baskiya 20-asrning eng muhim rassomlaridan biri sifatida tanilgan boʻlib, uning asarlari meroslik, oʻziga xoslik va inson hayoti mavzulariga boy. Nyu York shahrida SAMO taxallusi ostida graffiti rassomi sifatida oʻz faoliyatini boshlagan Baskiya keyinchalik ramziy, mavhum va majoziy uslublarning oʻziga xos aralashmasini varaqqa tushirish uchun anʼanaviy planshetga oʻtadi. Uning qizgʻin ranglar, dinamik shakllar va sirli matnlar bilan ajralib turadigan sanʼat asarlari ijtimoiy kuch tuzilmalari, irqiy tengsizlik va oʻzlikni aniqlashga intilish kabi mavzularni qamrab oladi. Baskiyaning taʼsiri monumental boʻlib, sanʼat olamida uning pop madaniyatiga qiziqishi va oʻzining chuqur neo-ekspressionistik uslubi orqali ijtimoiy muammolarni oʻrganuvchi davomiy merosni qoldirdi.

▲ Mitchel Crew (1983), The Frame’da Samsung Art Store orqali koʻrsatilgan

2019-yilda tashkil etilganidan beri Samsung Art Store dunyoning eng mashhur muzeylari va taniqli rassomlarining sanʼat asarlarini butun dunyo boʻylab oila xonadonlariga olib kirishga intiladi. Baskiya toʻplamining qoʻshilishi hozirda butun dunyo boʻylab namoyish etilishi mumkin zamonaviy amerikalik rassomlarning kolleksiyasini sezilarli darajada kengaytiradi.

“Jan-Mishel Baskiyaning ishlari zamonaviy sanʼat tarixida tubdan ajralib turgani uchun uning eng yorqin asarlari Samsung Art Store’da namoyish etilishi juda muhim edi”, dedi Samsung Art Store global kuratori Darya Grin. “Baskiyaning madaniyatimizdagi muhim oʻrni va dunyoga yetkazmoqchi boʻlgan noyob xabari bugungi kunda ham oʻz qadrini yoʻqotmagan va biz bu xabarni hamma bilan baham koʻrish va uning merosini kengaytirishga yordam berishdan gʻururlanamiz”.

Baskiyaning ishlari koʻplab retrospektivlar bilan nishonlangan va butun dunyo boʻylab nufuzli toʻplamlarda, jumladan, Nyu Yorkda Zamonaviy sanʼat muzeyi; Metropolitan sanʼat muzeyi; Uitni Amerika sanʼati muzeyi; Menil kolleksiyasi, Xyuston va Los Anjelesdagi Zamonaviy sanʼat muzeylarida saqlanadi. Uning ishlari koʻcha sanʼati va yuksak sanʼat oʻrtasidagi koʻprikni oʻzida mujassam etibgina qolmay, jamiyat meʼyorlarini sinashga kirishuvchi asarlari yangi avlodlarni ilhomlantirishda davom etmoqda.

Dunyo boʻylab rassomlar va muassasalarning minglab asarlarini oʻrganish yoʻlida

Sanʼat shinavandalari ushbu yangi Baskiya asarlari bilan bir qatorda Dali va Van Gog kabi rassomlarning minglab sanʼat asarlarini Samsung Art Store’da[1] kuzatishlari, ularni shu zahoti The Frame’da namoyish qilishlari mumkin. Bundan tashqari, Samsung Art Store’da siz yirik global muassasalarning asarlarini topa olasiz. Metropolitan sanʼat muzeyi, Teyt kolleksiyasi, Tayvandagi Milliy saroy muzeyi, Madriddagi Prado muzeyi va Venadagi Belvedere muzeyi shular jumlasidan.

Samsung ham yaqinda The Frame mahsulotlarini yangiladi va ushbu yangi modellarni endilikda sotib olish mumkin. 2024-yilgi toʻplamda har bir sanʼat asari yanada realroq koʻrinishi uchun Pantone Art Validated Colors hamda Samsung Art Store’dan olingan muntazam saralangan sanʼat asarlarining bepul toʻplami boʻlgan yangi Samsung Art Store – Streams taklif etiladi. The Frame Art rejimida yanada koʻp energiya tejash orqali ekran yangilanishi chastotasini avtomatik ravishda sozlaydi. Bu sizga energiyani tejash bilan birga yuqori sifatli sanʼat asaridan bahramand boʻlishingizni taʼminlaydi.[2]

JAN-MISHEL BASKIYA HAQIDA

Jan-Mishel Baskiya oʻz avlodining eng taniqli rassomlaridan biri boʻlib, 20-asrning eng muhim sanʼatkorlaridan biri hisoblanadi. Uning sanʼatdagi karyerasi 1970-yillardan 1980-yillargacha 1988-yilda 27 yoshida vafot etguniga qadar davom etdi. Baskiyaning asarlari gʻayrioddiy va xom, rang va kompozitsiyaning dadilligi orqali u bir-biriga qarama-qarshi boʻlib koʻringan tartib va spontanlik, tahdid va aql, shahar tasviri va primitivizm kabi kuchlar oʻrtasida nozik muvozanatni saqlaydi.

ARTESTAR HAQIDA

Ushbu hamkorlik aloqalari yuqori darajali rassomlar, fotosuratchilar, dizaynerlar va ijodkorlarni taqdim etuvchi Artestar global litsenziyalash va ijodiy konsalting agentligi bilan amalga oshirildi. Artestar brendlarni rassomlar bilan bogʻlaydi va dunyodagi eng taniqli ijodiy hamkorliklarni boshqaradi va kuratorlik qiladi. Batafsil maʼlumot uchun olish uchun Artestar.com saytiga tashrif buyuring.

[1]  Art Store’da bitta foydalanuvchi obunasi oyiga 4,99$ yoki yiliga 49,90$ turadi.

[2] Bu funksiya 55 dyuymli va undan katta displeylarda mavjud.

Oʻtgan yildan buyon Samsung Art Store foydalanuvchilari The Frame’da Metropolitan sanʼat muzeyi (The Met) sanʼat asarlarini tomosha qilish imkoniga ega boʻlib, televizorlarini har qanday boʻshliqqa badiiy joziba bagʻishlovchi raqamli planshetga aylantirishga muvaffaq boʻldilar. Samsung bilan hamkorlik qilish orqali odamlar tarixiy yodgorliklardan raqamli immersiv televizor yordamida uydan turib bahramand boʻla olishadi.

The Met madaniy almashinuvga ijobiy taʼsir koʻrsatish va butun dunyo boʻylab tomoshabinlarni ilhomlantirish uchun texnologiyalarning yangicha qoʻllanish usullarini oʻrganadi va odamlarning badiiy taʼlimini kengaytirishga intiladi. Bundan maqsad — goʻzallik va ijod har qanday joyda gullab-yashnay oladigan kelajakni yaratish uchun oʻtmish va hozirgi kun oʻrtasidagi tafovutni bartaraf etish.

Samsung Newsroom The Met kompaniyasining chakana savdo va litsenziyalash boʻlimi boshligʻi Stefan Mannello bilan Samsung bilan hamkorligini va texnologiyalar muzeylarga qanday ijobiy taʼsir koʻrsatishi mumkinligini muhokama qilish uchun suhbatlashdi.

▲ Metropolitan sanʼat muzeyi oʻzining jahon darajasidagi sanʼat kolleksiyasidan foydalanishni demokratlashtirish maqsadida Samsung Art Store bilan hamkorlik qiladi

Raqamli davr uchun yangi hamkorlik

Savol: The Met’da vazifangiz nimadan iborat? Muzey va unga tashrif buyuruvchilarga qanday taʼsir koʻrsatasiz?

Men The Met kompaniyasining chakana savdo va litsenziyalash bo‘limi boshlig‘iman, yaʼni men Met Store va litsenziatlarimiz bilan muzeyning 5000 yillik san’at kolleksiyasi asosida ishlab chiqilgan mahsulotlar va nashrlarni dunyo boʻylab iste’molchilar qo‘liga yetkazish uchun ishlayman.

Mening vazifam tashrif buyuruvchilar va isteʼmolchilar bilan The Met’ning 19 xil toʻplamini yangicha qirralarda sinab koʻrishga jalb qiladigan, oʻrgatadigan va ilhomlantiradigan mahsulotlar orqali oʻzaro aloqa oʻrnatish uchun menga noyob imkoniyatni taqdim etadi. Bizning ishimizdan tushgan mablagʻlar The Met kolleksiyasini oʻrganish, saqlash va keng taqdim etishni qoʻllab-quvvatlashga ketadi, shu sababli ham ishlab chiqarilayotgan mahsulotlarimizda sezilarli natija bor.

“Biz The Met’ning sanʼatni kundalik hayotga tatbiq etish vazifasini davom ettirish yoʻlida rivojlanish va turli tajriba-sinovlarni olib borish niyatidamiz. Texnologiyalar esa buni amalga oshirishning muhim unsuridir.”

Savol: The Met o‘tgan yilning kuzida Samsung Art Store bilan hamkorlik qila boshlaganida dastlabki eʼtibor nimalarga qaratilgan edi?

Samsung Art Store bilan ishlash bizga raqamli innovatsiyalar va interyer dizayni zamonaviy texnologiyalar bilan chiroyli ravishda uygʻunlashadigan noyob sohaga qadam qoʻyish imkonini berdi. Bizning ilk kolleksiyamiz zamon va makon boʻylab sayohat qilgan, The Met’ning 17 ta kuratorlik departamentidan tanlangan asarlarni oʻz ichiga olgan boʻlib, The Frame foydalanuvchilari mazkur kolleksiyani oʻz uylarida oʻrganishi va namoyishga qoʻyishlari mumkin.

Ushbu sevimli asarlarni Samsung Art Store bilan baham koʻrish bizga The Met taqdim etayotgan asarlarning kichik bir qismini sanʼat va dizayn ixlosmandlarining global auditoriyasiga noyob tarzda taqdim etish imkonini berdi va bu bizning uzoq davom etadigan hamkorlik munosabatlarimizning boshlanishi xolos. Kelajakda Samsung Art Store foydalanuvchilarini ilhomlantiradigan va zavqlantiradigan turli tematik takliflarni oʻrganish va navbatdagi kolleksiyalarimizni boʻlishishni orziqib kutamiz.

Savol: so‘nggi bir necha oy ichida The Frame foydalanuvchilari The Met kolleksiyasiga qanday munosabatda bo‘lishdi?

Biz The Metning taniqli sanʼat asarlari The Frame platformasida qanchalik mashhur boʻlganini koʻrib, hayratda qoldik. Bu Vinsent van Gogning “Sarvli bugʻdoy dalasi” yoki Emanuel Leytsening “Delaverni kesib oʻtuvchi Vashington” kabi asarlarining abadiy jozibasi vaqt oqimiga taslim boʻlmasligidan dalolat beradi. Bu ikki surat bizning galereyalarimizda ham mashhur diqqatga sazovor sanʼat asarlaridir va The Frame’da raqamli tarzda namoyish etilganda ham bor chiroyini sira yoʻqotmaydi.

▲ The Frame’da Vinsent van Gogning “Sarvli bugʻdoy dalasi” koʻrsatilgan

The Met va Art Store bilan zamonaviy impressionizm harakatlari

Savol: Samsung Art Store shu oyda The Met kolleksiyasidan sara impressionist asarlarni taqdim etadi. Ushbu yangi kolleksiya qanday ahamiyatga ega?

Impressionistlar harakati 1874-yilda The Met tashkil etilganidan atigi toʻrt yil oʻtgach boshlangan. Ikkala voqea bir-biridan mustaqil ravishda sodir boʻlgan boʻlsa-da, ushbu harakatlarda boshchilik qilgan Edgar Degas va Kamil Pissarro kabi rassomlarning inqilobiy ruhida qiziqarli oʻxshashlik mavjud. Ular kundalik hayotga yangi urgʻu beradigan ushbu radikal sanʼat uslubini yaratdi. Bu esa sanʼatni ommaga yetkazish orqali uni demokratlashtirishga intilgan The Met’ning ulugʻvor maqsadiga poydevor qurdi.

Harakat 150 yil oldin tashkil etilganidan beri The Met koʻplab mashhur impressionist asarlarni saqlovchi uyga aylandi. Bu asarlar tashrif buyuruvchilarning eng sevimlilaridandir. Ushbu sanʼat asarlarining koʻrki koʻplab ajoyib hikoyalarni soʻzlay oladi. Masalan, “Mone oilasi Argenteuildagi bogʻida” 1874-yilda ikki rassom bir-birining yonida dam olayotgan paytda Eduard Manet tomonidan chizilgan. Ushbu asar tayyorlanayotganda Mone oʻz navbatida Manetni chizadi va Renuar shu vaqtning oʻzida “Madam Mone va uning oʻgʻli”ni chizadi (Hozirda Vashingtondagi Milliy sanʼat galereyasida saqlanadi). Ushbu sanʼat asarlari mazkur harakatning dastlabida impressionistlar oʻrtasida sodir boʻlgan jonli ijodiy almashinuv haqida chuqur maʼlumot beradi.

Savol: Samsung Art Store uchun tanlangan sanʼat asarlaridan qaysi uchtalikni The Frame uchun tavsiya qilgan boʻlardingiz?

▲Tomas Koul tomonidan “Momaqaldiroqdan keyin Xolyok togʻi manzarasi, Nortgempton, Massachusets — Oksbou” (1836)

Birinchi tanolovim Tomas Koulning “Momaqaldiroqdan keyin Xolyok togʻi manzarasi, Nortgempton, Massachusets” (1836) boʻladi. Ushbu taʼsirchan Gudzon daryosining landshaft tasviri Amerika manzarasining goʻzalligini koʻrsatish uchun bir qismida odamsiz biyobonlar va yana bir qismida choʻpon aholi punktidan tashkil topgan kontrastini tasvirlaydi. Tasvirga qarab, rassomning yetkazmoqchi boʻlgan xabarini turlicha koʻp maʼnolarda talqin qilish mumkin. Oldinda yashirinib olgan Koul oʻzining dastgohi oldida hayajonli manzarani planshetga muhrlayotgani tasvirlangan. Rasmning nozik tafsilotlari va sirli tabiati uyda tomosha qilish uchun ayni muddao.

▲ Jorj Seurat tomonidan “Sirk paradi (Parade de Cirque)” (1887-88)

Keyingi oʻrinda Jorj Seuratning “Sirk paradi (Parade de Cirque)” (1887-88). Bu ilgʻor texnika yordamida chizilgan rasm qalam egasining birinchi tungi sahnasi va mashhur oʻyin-kulgilarni tasvirlaydigan birinchi tasviridir. Ushbu asar tayyorlanayotganda bu parad namoyishi piyodalarni asosiy sirk tomoshasiga chipta sotib olishga jalb qilish uchun moʻljallangan bepul attraksion edi. Mazkur puantilist kompozitsiyasining ajoyib tafsilotlarini The Frame’da tomosha qilish oʻzgacha taassurotni beradi.

▲ Pol Sezanning “Olma va bir guldon navroʻzgul bilan natyurmort” (Taxminan 1890-yillar)

Nihoyat, men Pol Sezanning “Olma va bir guldon navroʻzgul bilan natyurmort” (Taxminan 1890-yillar) asarini tavsiya qilgan boʻlardim. Bu nafis natyurmort bir vaqtlar gʻayratli bogʻbon Klod Monega tegishli boʻlgan va unga Buyuk markaziy stansiyasida astrologik shift dizaynini yaratgan rassom Pol Xelleu tomonidan sovgʻa qilingan. Oʻzining dadil ranglari va grafik chiziqlari bilan ushbu goʻzal asar Sezanning natyurmortdagi bor mahoratini namoyish etadi. The Frame orqali bu asar har qanday xonaning kayfiyatini oʻzgartirishi aniq.

Savol: sizningcha, The Met turli mamlakatlar va madaniyatlar bo‘ylab tomoshabinlarni birlashtirish va baxtli aloqalarni o‘rnatishga intilishda davom etish uchun The Frame va Samsung Art Store’dan qanday qilib unumli foydalandi?

Ushbu raqamli dunyoda sanʼat eshiklarini ochish uydagi muzey taassurotini tubdan oʻzgatirdi. Galereyalarni ziyorat qilgan paytimiz kabi turli xil asarlar turli daqiqalarda odamlarga turlicha taʼsir qiladi. Shunisi hayratlanarliki, endi foydalanuvchilar uylarida namoyish etilayotgan sanʼat asarini oʻzlarining kayfiyatlari, dizayn estetikasi yoki mavsumigacha mos ravishda tanlab, oʻzgartirishlari mumkin. Muzeylarga tashrif buyurish kutilmagan hodisalarning bir qismi sifatida izlanish va qiziqishdan kelib chiqishi lozim. Shu oʻrinda Samsung Art Store platformasida The Met kolleksiyalarining taqdim etilishi muzeyni raqamli dunyoga olib kirishning muvaffaqiyatli namunasidir.

Texnologiyaning sanʼat va uning hamma uchun mavjudligiga taʼsiri

Savol: sanʼatning shaxs va jamiyatga taʼsirini qanday tushunasiz? The Met bu taʼsirga qanday hissa qoʻshadi?

The Met hamma uchun ilhom olish, vaqt va makon boʻylab baxtli aloqalarni oʻrnatish va fikrdoshlarni topish uchun moʻljallangan joy. Bizning kolleksiyamiz butun dunyo boʻylab odamzodning ijodiy yutuqlarining 1,5 milliondan ortiq namunalarini namoyish etadi hamda muzey va veb-saytimizga tashrif buyuruvchilarga sanʼat yogʻdusiga shoʻngʻish imkonini beradi. Mazkur muzey oʻzligimiz haqida fikr yuritish, oʻzimizga savollar berish va hali kashf etilmagan ijod va gʻoyalarni aniqlash uchun ajoyib maskandir.

“[Impressionistik harakatning] inqilobiy ruhida qiziqarli oʻxshashlik mavjud. U kundalik hayotga yangi urgʻu berdi va sanʼatni demokratlashtirishga intilgan The Met uchun poydevor qurdi.”

Savol: sizningcha, Samsung Art Store kabi platformalar orqali kengroq auditoriyaga sanʼat asarlarini taqdim etish bilan sanʼat va ijodni hamma uchun demokratlashtirish nega muhim?

Biz sanʼat hamma uchun ekanligiga ishonamiz, lekin The Met’ga kelgan koʻplab odamlar hayotida faqat bir marta bu yerga tashrif buyura olishi mumkin. Raqamli dunyo, mahsulotlar va texnologiyalar orqali asarlarni hammaga ochiq qilish bizga butun dunyo boʻylab sanʼat ixlosmandlari bilan doimiy aloqada boʻlish imkonini beradi. Umid qilamizki, The Frame televizorlarida The Met kolleksiyalarini taqdim etish orqali biz oʻtmish, hozir va kelajakda sizlar bilan madaniyat va ijodkorlik haqida mazmunli muloqot qura olamiz.

Savol: muzeyni taraqqiy etishda texnologiya qanday rol o‘ynaydi? Ayniqsa, Samsung Art Store kabi raqamli san’at platformalari kontekstida-chi?

Sanʼat ixlosmandlari bilan raqamli aloqada boʻlish bizga The Met kolleksiyasidagi asarlarni yangi yoʻllar bilan ajratib koʻrsatish imkonini beradi, bu esa turli kashfiyot va izlanishlarga yoʻl ochdi. Bu galereyalarda namoyish etilmaydigan asarlarni koʻrish, rasm va rassomlar ortidagi voqealarni oʻrganish yoki tafsilotlarga uzoq nuqtayi nazardan qarash imkonini berishi mumkin. Bu esa jismoniy sanʼat asarlarini raqamli makonga olib kirishning dastlabki bosqichidir. Biz The Met’ning sanʼatni kundalik hayotga tatbiq etish vazifasini davom ettirish yoʻlida rivojlanish va turli tajriba-sinovlarni olib borish niyatidamiz. Texnologiyalar esa buni amalga oshirishning muhim unsuridir.

The Frame televizorlari san’atni jonlantirdi

2024-yilning 22-fevralidan 22-martigacha davom etayotgan ko’rgazma doirasida tashrif buyuruvchilar O‘zbekiston Tasviriy san’at galereyasi ko‘rgazmalar zalining eksklyuziv maydonida vizual sinergiya olamiga sho‘ng‘ish uchun noyob imkoniyatga ega bo‘ldilar.

Ko‘rgazma tashkilotchilari san’at ixlosmandlarini animatsiyalashtirilgan san’at asarlari bilan tanishtirish, an’anaviy rasmlar o‘rniga raqamli formatdagi animatsion rasmlarni taqdim etish orqali an’anaviy san’atga innovatsion yondashishga muvaffaq bo‘lishdi. O‘zmilliybank kolleksiyasidagi to‘qqiz nafar iste’dodli rassomlarning asarlari Samsung kompaniyasining The Frame televizorlari ekranlarida jonlandi.

Jamol Usmonov, Shavkat Hakimov, Muxtor Isanov, Zelimxon Saidjonov, Baxtiyar Obidov, G‘ofur Qodirov, Shaxnoz Abdullayeva, Murod Qoraboyev va Baxtiyar Serekeyev kabi ijodkorlar shular jumlasidandir.

The Frame interyer televizorlari

Yupqa dizayni bilan ajralib turadigan Samsung The Frame televizorlari devorga bir tekis joylashib, san’at asarlarini tomosha qilishni yuqori darajaga olib chiqadi. “Rasm” rejimi bilan televizor haqiqiy badiiy tuvalga aylanadi, televizor ko’rmaganingizda shaxsiy galereyangizdagi nafis kompozitsiyalar va durdona asarlarni namoyish etiladi.

Shu bilan birga, The Frame seriyali Samsung televizorlari mat qoplamasi bilan ajralib turadi, u yorug‘likni turli yo‘nalishlarda turli burchaklarda to‘liq tarqatadi, kunduzi yorug‘lik ta’sirida tasvir sifatini yo‘qotishning oldini oladi. QLED-texnologiyasi yordamida tomoshabinga imkon qadar haqiqatga yaqin yorqin va boy ranglarga to’la namoyish kafolatlanadi.

The Frame televizorlari estetik dizayn ustuvor bo’lgan mehmonxona xonalari, biznes-markaz xollarining interyer dizayni, zamonaviy ko’rgazma zallari va uyni jihozlash uchun mukammal yechimdir.

“Marimekko kundalik hayotimizning go‘zalligi va quvonchini qadrlab kelgan”, dedi Marimekko kompaniyasining bosh marketing direktori Sanna-Kaisa Niikko. “Kunni yangi rasmlar bilan boshlash uchun faxrli naqshlarimizni yangi auditoriyaga yetkazishdan juda mamnunmiz. Ayniqsa, Samsung bilan hamkorlikda Unikkoning 60 yilligini nishonlash biz uchun sharafdir.”

▲ Bu yil o‘zining 60 yilligini nishonlayotgan Unikko Samsung Art Store’da mavjud 40 ta zamon tanlamaydigan Marimekko illyustratsiyalari qatoriga kiradi

Samsung Art Store va Marimekko: san’at va innovatsiyalar uyg‘unlashadigan maskan

Samsung’ning innovatsiyalarga sodiqligi ushbu cheklangan nashrdagi hamkorlik bilan zamonaviy tus olib, Marimekkoning 30 ta sara shoh asarlaridan iborat galereyani The Frame’ga olib kiradi. Fasllar almashinuvini aks ettirish uchun foydalanuvchilar o‘z televizorlarini 12 ta rasmdan iborat uchta aylanma to‘plam bilan o‘zgartirishlari mumkin.

Hamkorlik quyidagi rassomlar tomonidan yaratilgan rasmlarga boy san’at portfelini taklif qiladi:

• Maija Isola, mashhur Unikko gul naqshining dizayneri va Marimekko uchun yana 500 dan ortiq ishlangan san’at asarlari
• Ishimoto Fujio, 1970-yillardan buyon brend bilan ishlab kelgan, mukofotga sazovor bo‘lgan yapon dizayneri
• Vakisaka Katsuji, o‘zining organik shakllari va to‘q ranglari bilan mashhur yapon to‘qimachilik dizayneri
• Vuokko Eskolin-Nurmesniemi, o‘zining funksional va zamon tanlamaydigan dizaynlari bilan mashhur fin to‘qimachilik dizayneri
• Maija Louekari, narrativ chiziqli tasvirlarni ajoyib va rangdor yuzalar bilan birlashtirgan dizayner

“Samsung o‘zining Art Store do‘koniga ilk bor qo‘shilgan Finlyandiya dizaynerchilik xonadonini g‘urur bilan e’lon qilmoqchi”, dedi Samsung Art Store Yevropa mahsuloti menejeri Sofiya Monteyro. “Mazkur hamkorlikning maqsadi foydalanuvchilarga bevosita o‘z uylarini Finlandiya ijodkorligi bilan bezashga imkon beruvchi zamon tanlamas dizaynlarni yetkazib berishdan iboratdir. Ushbu ajoyib dizaynlar va didli illyustratsiyalar to‘plami orqali qadrli foydalanuvchilarimizga ma’naviy qiymatga ega tasvirlarni ulashib borishda to‘xtamaslikka umid qilib qolamiz.

Marimekko dizaynlari Samsung Art Store’da The Frame uchun eksklyuziv obuna xizmati bo‘lib, u yerda foydalanuvchilar taniqli rassomlar, muzeylar, galereyalar va dizayn kompaniyalarining 2500 dan ortiq asarlarini ko‘rib chiqib, tanlashlari mumkin.

[1] Marimekko oʻzining original illyustratsiyalari va ranglar tanlovi bilan mashhur boʻlgan, Finlyandiyaning turmush tarziga asoslangan dizaynerchilik kompaniyasidir. Kompaniyaning mahsulot portfeli yuqori sifatli kiyim-kechak, sumka va aksessuarlar, shuningdek, toʻqimachilikdan tortib, idishlargacha boʻlgan bezaklarini oʻz ichiga oladi. Marimekko kompaniyasiga ilk bor 1951-yilda asos solinganida uning misli koʻrilmagan bosma matolari unga oʻziga xos shaxsiyat ato etdi. 2022-yilda kompaniyaning sof qiymati 167 million yevroni, bir sanoatda taqqoslanadigan operatsion foyda esa 30,4 million yevroni tashkil etdi. Uning dunyo miqyosida 35 ta mamlakat boʻylab 150 ga yaqin Marimekko doʻkonlari va onlayn doʻkon xizmatlari mavjud. Asosiy bozorlari Shimoliy Yevropa, Osiyo-Tinch okean mintaqasi va Shimoliy Amerikada joylashgan. Kompaniyada 460 ga yaqin kishi ishlaydi. Kompaniyaning Nasdaq Helsinki Ltd.’dagi ulushi kotirovkalarda hisoblanadi. www.marimekko.com

2024-yil 22-fevraldan 22-martgacha tashrif buyuruvchilar O‘zbekiston Tasviriy San’at Galereyasining eksklyuziv maydonida vizual simfoniya olamiga sho‘ng‘ish imkoniyatiga ega bo‘ladilar.

Ko‘rgazmaning asosiy g‘oyasi — an’anaviy san’atga innovatsion yondashuv, asarlar animatsiyasi orqali tarixga sho‘ng‘ish. To‘qqiz nafar iste’dodli rassomning O‘zmilliybank kolleksiyasiga kiritilgan asarlari The Frame televizorlari ekranlarida jonlanadi.

Jamol Usmonov, Shavkat Hakimov, Muxtor Isanov, Zelimxon Saidjonov, Baxtiyor Obidov, G‘afur Qodirov, Shaxnoz Abdullayeva, Murod Qoraboyev va Baxtiyar Serekeyev kabi ijodkorlar shular jumlasidandir.

The Frame interyer televizorlari

Ingichka dizaynga ega Samsung The Frame televizori devorga zich taqalib turadi hamda The Frame televizor tomoshasini san’atga aylantiradi.

“Surat” rejimi bilan televizoringiz haqiqiy rassomlik polotnosiga aylanadi va televizor tomosha qilmayotganingizda nafis kompozitsiyalarni namoyish etadi. Shaxsiy galereyangizdan ekranga buyuk rassomlarning asarlaridan iborat durdonalarni chiqarishingiz mumkin. U yoqilganida — ajoyib televizor. O‘chirilganida esa — san’at asari!

San’at chegaralarni olib tashlab, kundalik hayotingizning bir qismiga aylanadigan noyob tadbirning bir qismi bo‘lish imkoniyatini qo‘ldan boy bermang.

Ko‘rgazmaning ochilish sanasi: 22.02-22.03.2024

Manzil: O‘zbekiston Tasviriy San’at Galereyasi, Buyuk Turon ko‘chasi, 2

Murojaat uchun telefonlar: 71 209 8015, 71 209 8037

Barcha yangiliklar va eksklyuziv yangilanishlardan xabardor bo‘lish uchun quyidagi havolalarni kuzatib boring: Instagram | Telegram

Raqamli platformalarning rivojlanishi bilan san’at olami har qachongidan ham qulayroq bo‘ldi. Samsung Art Store ushbu inqilobning oldingi safida bo‘lib, san’at ixlosmandlariga o‘z uylarida qulay sharoitda ajoyib san’at asarlarining keng kutubxonasidan bahramand bo‘lishlari uchun platformani taqdim etadi.

Samsung nashri “Museo Nacional Del Prado Difusion” (Museo del Prado tijorat kompaniyasi) bosh menejeri Kristina Alovisetti bilan shaxsiy san’at tajribasi va raqamli displeylar oʻrtasidagi munosabatni oʻrganish uchun suhbatlashdi. Prado muzeyi eng mashhur san’at galereyalaridan biri va Art Store’ning eng uzoq muddatli hamkorlaridan biridir.

Ushbu savol-javobda biz san’at ixlosmandlari va institulari raqamli san’at platformalaridan qanday foyda olishlari mumkinligi va oxir-oqibat, shaxsiy san’at tajribasi va yangi texnologiyalarning birlashuvi rassom va ijodkorlar uchun qanday yangi yondashuv imkoniyatlariga turtki bo‘lishi haqida gaplashamiz.

Prado Milliy muzeyi

Samsung Art Store X Prado Museum: Uzoq muddatli hamkorlik

Savol: Hamkorlik bilan tanish bo‘lmaganlar uchun bizga Museo Nacional Del Prado va o‘zingizning muzeydagi o‘rningiz haqida biroz ma’lumot bera olasizmi?

Prado muzeyi dunyodagi eng nufuzli san’at galereyalaridan biridir. Uning doimiy kolleksiyasi Yevropa san’ati va uning Velaskes, Bosch, Rubens va Titian kabi taniqli rassomlari evolyutsiyasini tushunishda muhim ahamiyatga ega. Muzeyning xalqaro miqyosda ekani uning boshqa xalqaro institutlar bilan hamkorligi bilan, shuningdek, global raqamli o‘rni uning veb-sayti, shu jumladan, ijtimoiy media kanallari va ilovalari bilan yaqqol namoyon boʻladi.

Muzey tijorat kompaniyasining bosh menejeri sifatida men ushbu muassasa 2006-yilda tashkil etilganidan beri uning bir qismi ekanligimdan faxrlanaman. Kompaniyamizning asosiy maqsadi “Museo del Prado” brendini, uning kolleksiyasini targ‘ib qilish va intellektual mulk huquqlarini qo‘llab-quvvatlash va shu bilan birga muzeyning moliyaviy fondi rivojlanishiga hissa qo‘shishdir. Biz kengroq auditoriyani qamrab olishga yordam beradigan hamkorlikni o‘rnatgan holda izchil va mustahkam o‘ziga xoslik yaratishga intilamiz.

Savol: Samsung Art Store bilan hamkorlik qanday paydo bo‘lganini va siz bu hamkorlikdan qanday foydalarni ko‘rayotganingiz haqida bizga ko‘proq so‘zlab bera olasizmi?

Biz Samsung Art Store bilan hamkorlikni Samsung Electronics Ispaniya jamoasi taklifiga binoan galereya loyihamizning tashkil qilinganida boshladik. Biz 2017-yilda Berlinda boʻlib oʻtgan Frame hamkorligining ilk taqdimotida ishtirok etish baxtiga muyassar boʻldik. Oʻshandan beri biz hamkorlikni yangilab, boyitib, birga ishlashda davom etyapmiz.

Men Art Store san’at asari va unga mas’ul muassasalarni qadrlaydigan to‘g‘ri o‘ylangan va hurmatga sazovor konsepsiya ekanligiga ishonaman. Bu bizning kundalik hayotimiz va odatlarimiz bilan uzluksiz uyg‘unlashadigan raqamli taraqqiyotni ifodalaydi. Ushbu platforma yordamida san’atni qulay va oson tarzda kashf qilishim va qadrlashim mumkin. Shu bilar birga, rassomlar va ularning ishlari haqida bilib olaman va o‘z kashfiyotlarimni boshqalar bilan baham ko‘rishim mumkin, Bu foydalanuvchilar uchun ham katta foyda keltiradi.

San’at platformalarining hozirgi holatini baholash

Savol: Raqamli san’at platformalari foydalanuvchilarga uyidan turib san’at asarlariga egalik qilish va ularni qadrlashning oson va qiziqarli usullarini taqdim qilgani uchun ommalashmoqda. Bu jarayon qanday yo‘nalishda ketmoqda va bu san’at sohasiga qanday ta’sir qiladi deb o‘ylaysiz?

Samsung Art Store — bu innovatsion platforma bo‘lib, u foydalanuvchilarga o‘z uylarida turib san’at asarlaridan bahramand bo‘lish va ulardan foydalanishning o‘ziga xos usulini taklif etadi. San’at asarlari, rasmlar, fotografiya va boshqa ko‘plab narsalarni tomosha qilish platformasini taqdim etish orqali Art Store kolleksionerlarga san’atga egalik qilish va uni qadrlashni osonlashtirdi.

Ushbu texnologiya odamlarga san’atdan foydalanish va shug‘ullanish uchun yangi yo‘llarni taqdim etish orqali san’at sohasiga sezilarli ta’sir ko‘rsatishi mumkin. Art Store shaxsiy muhit bilan integratsiya qilish va san’at kolleksionerlariga o‘z kolleksiyalarini namoyish qilish uchun yangi imkoniyatlarni taqdim etish salohiyatiga ega.

Umuman olganda, Samsung Art Store kabi raqamli san’at platformalarining tobora ommalashib borishi san’at sohasiga ijobiy ta’sir ko’rsatishi mumkin, bu esa san’atni kengroq auditoriya uchun qulayroq va qiziqarli qilish imkonini beradi.

Savol: San’at asarini galereyada jonli ko‘rsatish va The Frame orqali raqamli ko‘rinishda namoyish qilish o‘rtasida qanday farqlarni ko‘rasiz?

Bu ajoyib savol. Birinchidan, shuni ta’kidlash kerakki, biz san’at asarlarining o‘zini emas, balki ularning tasvirlarini namoyish qilish haqida gapiryapmiz. Tomoshabinning san’at asarini qanday his qilishi asarning asl asar bilan bir xil his-tuyg‘ularni uyg‘ota olishiga bog‘liq bo‘ladi. Raqamli displeylar Velaskes rasmini shaxsan ko‘rish tajribasining o‘rnini bosa olmasa-da, san’at asarlarining yuqori sifatli tasvirlari bazasiga kirish va o‘z uylarimizda namoyish qilish qulayligini taklif etadi.

Bundan tashqari, raqamli san’at asarlarini xuddi mebel yoki dekorativ obyektlar kabi yashash joylarimizga integratsiyalash imkoniyati san’atni qanday idrok qilishimiz va qadrlashimiz uchun yangi makon yaratadi. U bizning kundalik hayotimizda san’atdan zavqlanish va baham ko‘rish uchun yangi imkoniyatlarni taklif etadi va bu ajoyib.

Savol: Odamlarning muzeyning onlayn kolleksiyalaridan foydalanishida biror-bir e’tiborga molik tendensiya yoki holatlarni kuzatdingizmi?

Art Store’da namoyish etilgan tasvirlarga jamoatchilik qanday munosabatda bo‘lishini ko‘rish hayratlanarli. Tomoshabinlarni estetika va boshqa ommaviy axborot vositalari taʼsir koʻrsatayotgan zamonaviy tendensiyalar jalb etayotganga oʻxshaydi, bizning muzeyli doʻkonlarimizda kuzatilayotgan xaridlar modeli shuni aks ettirmoqda.

Savol: Kolleksiyangizdan hozirda Art Store‘da namoyish etilayotgan eng esda qolarli asarlarni biz bilan baham ko‘ra olasizmi?

Bu yerda bir qancha oʻn yilliklarni qamrab oluvchi turli xil rassomlarning turfa xil uslublar va mavzularda yaratilgan asarlarning eng saralab olinganlari mavjud. Ushbu asarlar sanʼat goʻzalligi va boyligiga nazar tashlashni taklif etgan holda kuchli portretlar va afsonaviy raqslardan tortib gul kataloglarining nafis detallarigacha keng qamrovli mavzularni namoyish etadi.

Las Meninas (1656) Diego Rodríguez de Silva y Velázquez tomonidan ishlangan (detallashtirish uchun qirqilgan)

Las Meninas, shubhasiz, Prado muzeyining eng mashhur kartinasi va Velaskesning eng mashhur asaridir. Bu asar Velaskez san’atining o‘ziga xosliklarini juda yaxshi ifodalaydi. Madriddagi Al-Qasr saroyining katta bir xonasida biz infanta Margaritani koʻramiz, uning detallashtirilgan shaklini mana shu tasvirda tomosha qilishimiz mumkin: unda u ikkita freylina yoki menin atrofida turibdi.

Rasm turlicha talqin qilinadi. Infanta Margaritaning markazdaligi, qirol va malikaning oynada aks etishi siyosiy va sulolaviy ahamiyatga ishora qiladi. Velaskesning qirol, malika va infanta atrofida bo‘lishi hamda uning ijtimoiy mavqeining atributlari sifatida Santyago unvoni medali va qirollik xonadoni boshqaruvchisi kalitini osib yurishi uning va rasmning e’tiborga loyiqligini tasdiqlaydi.

Yerdagi lazzatlar bog‘i (1490-1500) Iyeronim Bosx triptixi

Ufqda dunyoning to‘rt daryosi joylashgan Markaziy panel Yerdagi holatni aks ettiradi. Chiroyli yalang‘och ayollar va qizil mevalar qatori bilan ifodalangan shahvoniy xohish insoniyatning harakatlantiruvchi kuchiga aylanadi. Insoniyat instinktiv va ongsiz ravishda yengiladigan turli xil dunyo lazzatlari ushbu asarda ramziy yoki aniq tasvirlangan. Markaziy panelda hislarni aldaydigan shahvat gunohi evaziga berilgan soxta jannat tasvirlangan.

Mifologik obrazlar va qishloq aholisi raqsi (1630-1635) Piter Paul Rubens

Bir guruh dehqonlar daraxtda fleytachi hamrohligida boshqarib bo‘lmaydigan vasvasa holatida raqsga tushishmoqda. Ushbu sahna Italiyani eslatuvchi manzarada sodir boʻlmoqda, ayniqsa orqa fondagi koshona shakllari Andrea Palladioni eslatadi.

Gulxayri (1872-1873) Maria Fortuni Marsal (detallashtirish uchun qirqilgan)

Fortuni o‘z asarlarida ochilgan gullarni tasvirlashni yoqtirardi. Ularning ranglariga mahliyo bo‘lgan holda u ularni alohida o‘rgangan. Yoqimli tuslari va poyalarining nafis vertikalligi tufayli uning eng sevimli guli gulxayri edi, bunga bu yerda ishlatilgan format bilan urg‘u berilgan. Orqa fon ochiqligi sababli ularning tojlari noaniq bo‘shliqda, turli darajadagi ranglar bilan suzib yurganday go‘yo, rasmning ba’zi joylarida esa yer qatlami ko‘rinadi.

San’at va texnologiya kesishuvini tadqiq qilish

Savol: Sizningcha, so‘nggi texnologik yutuqlar rassomlarga, ularning ijodiy jarayoniga va tugallangan san’at asariga qanday ta’sir ko‘rsatdi?

Fikrimcha, rassomlar yangi texnologik vositalarning butun olami bilan tanishdilar, bu ularning ijodiy jarayoniga individual qiziqishlarga qarab turli darajada ta’sir qilishi mumkin. Ajoyib asarlar yaratish uchun raqamli vositalarni qabul qilgan ba’zi zo‘r rassomlar bor. O‘ylashimcha, bu yutuqlar rassomlar uchun xoh yangi san’at asari bo‘lsin, xoh hamkorlik asari yoki ikkalasi — cheksiz imkoniyatlarni taqdim etadi.

Savol: Kengroq auditoriyaga san’atni yanada ko‘proq yetkazish uchun texnologiyadan qanday foydalanish mumkin?

Shubhasiz, raqamli texnologiya san’atning turli tillarda va kontekstlarda qadrlanishiga imkon berib, jismoniy makonlardan tashqarida san’at asaralarining yetib borishini sezilarli darajada kengaytirish imkoniyatiga ega. Misol uchun, ko‘rgazmalarda qatnasha olmaydigan ko‘p odamlar raqamli formatda ko‘rish orqali san’at asarlarini qadrlashlari mumkin. Bundan tashqari, Samsung Art Store kabi raqamli san’at platformalari odamlarga uyda o‘zlarining “kolleksiyalarini” yaratishga imkon beradi, bu esa san’atni kengroq auditoriya uchun yanada qulayroq va inklyuziv qiladi.

Prado muzeyi kolleksiyasi bilan batafsil tanishish uchun The Frame‘dagi Samsung Art Store’ga tashrif buyuring.