Samsung Electronics kichik saʼy-harakatlar katta taʼsir koʻrsatishi mumkin deb hisoblaydi, ayniqsa hamfikrlar bilan hamkorlik qilinganda. Oxirgi besh yil davomida Samsung va Birlashgan Millatlar Tashkilotining Taraqqiyot Dasturi (BMTTD) yagona umumiy maqsad — global oʻzgarishlarni amalga oshirish uchun texnologiyadan foydalanish boʻyicha hamkorlikda ishlab keldi.

Bu missiyaning markaziy qismi yoshlarning, xususan, 80-90-yillar va Z avlodining salohiyatiga ishonch bildirishdir. Texnologiyani yaxshi biladigan global fuqarolar sifatida ularning optimizmi va ishonchi iqlim oʻzgarishi va ijtimoiy tenglik kabi dolzarb masalalarda taraqqiyotga turtki beradi. Toʻgʻri vositalar va platformalar bilan ular siyosatchilar va bizneslarni barqaror kelajak sari yetaklash qudratiga ega.

Birlashgan Millatlar Tashkilotining Barqaror Taraqqiyot Maqsadlarini (SDG) 2030-yilgacha bajarish muddati yaqinlashar ekan, Samsung va BMTTD Global maqsadlarga sodiq qoladi. Ikkala tashkilot ham innovatsiyalarga birinchi darajali ahamiyat berish orqali real taʼsirlar yaratishda sezilarli yutuqlarga erishdi. Birlashgan Millatlar Tashkiloti kunini nishonlash munosabati bilan Samsung kompaniyasi Samsung Global Goals ilovasi va Generation17 kabi tashabbuslari orqali Global maqsadlar haqida xabardorlikni oshirishda erishilgan yutuqlarini taʼkidlab, besh yillik munosabatlari haqida hisobot chiqardi.

“Biz kelajak avlodlar uchun yaxshiroq hayot yaratish va texnologiyadan katta manfaatlar uchun foydalanishda jamoaviy saʼy-harakatlar kuchiga ishonamiz”, dedi Samsung Electronics kompaniyasining marketing boʻlimi va mobile eXperience biznesi ijrochi prezident oʻrinbosari va rahbari Stefani Choy (Stephanie Choi). “Bizning BMTTD bilan soʻnggi besh yil davomidagi hamkorligimiz taraqqiyot yoʻliga qoʻyilgan muhim bir qadam boʻldi va biz oʻzgartiruvchi yoshlarni qoʻllab-quvvatlash va Global maqsadlar haqida xabardorlikni oshirish uchun birgalikda ishladik. Biz hamma uchun porloq kelajak shakllanishiga hissa qoʻshish imkoniyatidan minnatdormiz va Galaxy hamjamiyati bilan 2030-yilgacha davom etadigan sayohatimiz oxirida nimalarga erisha ekanmiz deya oʻsha kunni kutib qolamiz”.

“Dunyoning eng katta va dolzarb muammolariga qarshi chiqishning yagona yoʻli bu hamkorlikdir. Samsung bilan hamkorligimiz davlat va xususiy sektor oʻrtasidagi haqiqiy hamkorlikning kuchini koʻrsatadi”, deya qoʻshimcha qildi BMTTD maʼmuri Ahim Shtayner (Achim Steiner). “Biz Samsung Global Goals ilovasida ham, Generation17 tashabbusida ham yoshlarga barqaror taraqqiyot maqsadlarni ilgari surish imkoniyatini berishda erishgan yutuqlarimizdan faxrlanamiz. Biz kelgusi yillarda barqaror rivojlanishga erishish uchun hamkorligimiz oldimizdagi toʻsiq va chegaralarni buzib oʻtib, yangicha imkoniyatlarni kashf etishini intiqlik bilan kutamiz.

Samsung Global Goals ilovasi

▲ Samsung Global Goals ilovasi Galaxy foydalanuvchilariga Global maqsadlar sari oson va hamkorlikda ishlash imkonini beradi

Samsung va BMTTD 2019-yilda Samsung Global Goals ilovasini[1] ishga tushirish uchun hamkorlik qildi. Bu platforma Galaxy foydalanuvchilariga 17 ta Global maqsadlar haqida maʼlumot beradi va ularga ilova ichidagi reklamalarni koʻrish orqali ehsonlar kiritish, tashkilot jamgʻarmasini oshirish va ularga bevosita hissa qoʻshish uchun ilovadagi maxsus fon rasmlaridan foydalanish imkonini beradi. Shundan soʻng Samsung ilova ichidagi reklamalardan tushgan barcha daromadlarni koʻpaytiradi va BMTTDning Global maqsadlarini ilgari surish va ularga erishishga hissa qoʻshishdagi faoliyatini qoʻllab-quvvatlash boʻyicha hamkorlik saʼy-harakatlarini maksimal darajada oshiradi.

Galaxy foydalanuvchilarini kengroq jalb qilish uchun biz 2023-yilda Xayriya yetakchilari ro’yxati kabi yangi interaktiv funksiyalarni taqdim etdik. 2024-yilda faol foydalanuvchilarga minnatdorchilik belgisi sifatida “Minnatdorchilik sovgʻalari” boʻlgan cheklangan nashrda fon rasmlarini ishga tushirdik. Samsung Galaxy smartfonlari va soatlarida mavjud boʻlgan fon rasmlari BMTTD Global maqsadlari tashabbuslari tomonidan qoʻllab-quvvatlanadigan yoʻqolib ketish xavfi ostida turgan turli jonzotlarni namoyish etadi.

▲ Samsung Global Goals ilovasi millionlab Galaxy foydalanuvchilarini jalb qildi va BMTTDning Global maqsadlarni ilgari surish va ularning yutuqlariga hissa qoʻshishdagi faoliyatini qoʻllab-quvvatlash uchun katta mablagʻ toʻpladi

Samsung Global Goals ilovasi ishga tushirilgandan buyon deyarli 300 million Galaxy foydalanuvchilariga[2] yetdi va BMTTD uchun 20 million dollardan koʻproq mablagʻ yigʻdi[3]. Foydalanuvchilar 1-maqsad (Qashshoqlikka barham berish), 2-maqsad (Ochlikka barham berish) va 6-maqsadni (Toza suv va sanitariya) oʻzlari uchun birinchi darajali global masalalar deb belgilashdi va bu masalalarga oid qimmatli insaytlarni taqdim etishdi.

▲ Galaxy foydalanuvchilari 1-maqsad (Qashshoqlikka barham berish), 2-maqsad (Ochlikka barham berish) va 6-maqsadni (Toza suv va sanitariya) oʻzlarining birinchi darajali vazifalari sifatida belgilashdi

Sayohatimiz davom etar ekan, biz jamoaviy harakatlarni targʻib qilish va doimiy oʻzgarishlarni yaratish uchun ilovaning taʼsirini kengaytirishga intilamiz.

Generation17

2020-yilda Samsung va BMTTD yoshlarning mazmunli oʻzgarishlarni yuzaga keltirish kuchiga ishongan holda Global maqsadlar sari olgʻa siljiyotgan yosh oʻzgartiruvchilarni qoʻllab-quvvatlash maqsadida Generation17 tashabbusini ishga tushirdi. Tashabbus butun dunyo boʻylab yosh yetakchilarga texnologiya, murabbiylik va tarmoq imkoniyatlarini taqdim etadi. Shu kungacha oltita mintaqada 16 nafar shunday shaxslar qoʻllab-quvvatlandi hamda Samsung va BMTTDning global platformalari orqali ular oʻz hikoyalarini ulashdi.

Ushbu tashabbus orqali Generation17 yosh yetakchilari Mobil Jahon Kongressi, BMT Iqtisodiy va Ijtimoiy Kengashi Yoshlar Forumi va BMTning Kelajak Harakat Kunlari sammiti kabi yirik global tadbirlarda qatnashish imkoniga ega boʻldi. Ushbu tadbirlarda qatnashish ularga turli sohalardagi global qaror qabul qiluvchilar bilan hamkorlik qilish uchun imkoniyat yaratdi.

Atigi toʻrt yil ichida Generation17 orqali BMTTD va Samsung ushbu tashabbus ajoyib natijalarga erishishi va oʻz jamoalariga ajoyib taʼsir koʻrsatishga sezilarli darajada hissa qoʻshganiga ishongan yosh sardorlarni qoʻllab-quvvatladi. Generation17 qimmatli manbalarni taqdim etib, yosh sardorlar uchun eshiklarni ochgan boʻlsa-da, ularning muvaffaqiyati oxir-oqibat oʻzlarining gʻayrati, ijodkorligi, tadbirkorlik koʻnikmalari, tarmoqlari va Global maqsadlarni ilgari surish ishtiyoqidan dalolat beradi. Ushbu oʻzaro saʼy-harakatlar orqali yosh sardorlar bu tashabbus ularning mehnati taʼsirini kengaytirganini his qilishdi, bu ularga jamoalaridagi kengroq auditoriyani qamrab olish, qilinayotgan ishlardan xabardorlikni oshirish va texnologiya kuchi orqali barcha 17 ta global maqsadlarni ilgari surish imkonini beradi.

Samsung Newsroom Generation17 yetakchilari Efe Jonson, Tui An Ngo (Thùy Anh Ngô) va Tafara Makaza reproduktiv salomatlik boʻyicha taʼlim, qariyalarga gʻamxoʻrlik, iqtisodiy harakatchanlik va shu kabi muammolarni hal qilish uchun texnologiyadan qanday unumli foydalanayotganini, innovatsion yechimlar oʻzgarish va harakatga qanday turtki berayotganini taʼkidlaydi.

Efe Jonson

Nigeriyaning Kaduna shahridan reproduktiv va jinsiy salomatlik himoyachisi, Efe Jonson oʻzining birinchi hayz davrida uyat va tushunmovchilikni boshdan kechirganidan soʻng butun Afrika boʻylab jinsiy va reproduktiv salomatlik bilan bogʻliq tabularni buzish uchun Xari Africa‘ga asos solgan. Xari Afrika qizlarga hayz koʻrish, tug‘uruq nazorati va jinsiy salomatlik kabi mavzularda taʼlim beradi.

Xari Africa maktab seminarlari, onlayn kurslar va Efening Just Period It amaliy sogʻliqni saqlash qoʻllanmasi orqali Afrika boʻylab 4,500 qizga taʼsir koʻrsatdi. Endi u 1 million qizni qamrab olish uchun platformasini kengaytirishni maqsad qilgan.

▲ Efe Afrika boʻylab qizlarning imkoniyatlarini kengaytirish va oʻqitish boʻyicha oʻz ishida 1-maqsad (Qashshoqlikka barham), 4-maqsad (Sifatli taʼlim) va 5-maqsadga (Gender tengligi) birinchi darajali ahamiyat beradi

Tui An Ngo

Tui An Ngo Vyetnamda HASU mobil platformasiga asos soldi. U keksalarning jismoniy, aqliy va ijtimoiy farovonligini yaxshilaydi. Marhum bobosining oilasiga ogʻirligi tushishi qoʻrquvidan ilhomlanib, u Vyetnamning qarigan aholisi ehtiyojlarini qondirish uchun HASU’ni ishlab chiqdi. Ilova qariyalar bilan aloqada va faol boʻlish uchun salomatlik boʻyicha maslahatlar, mashq tartiblari va ijtimoiy forumlarni taqdim etadi.

Tui An  oʻtgan yil davomida ichki operatsiyalarni barqarorlashtirish va qariyalar uchun xizmatlarni optimallashtirishga eʼtibor qaratdi va HASU 50,000 dan ortiq shaxslarni qamrab olishiga hissa qoʻshdi. Uning eng yangi dasturi — esdalik yozish xizmati turli toifadagi mijozlarga, jumladan, qimmatli fikrga ega yetakchilar, siyosatchilar va nafaqadagi mutaxassislarga ularning qadrli xotiralarini saqlash va asrab-avaylashda yordam bermoqda.

▲ Tui An  Vyetnamdagi keksa odamlarni qoʻllab-quvvatlash boʻyicha oʻz ishida 3-maqsad (Salomatlik va farovonlik), 4-maqsad (Sifatli taʼlim) va 10-maqsadga (Tengsizliklarni kamaytirish) birinchi darajali ahamiyat beradi

Tafara Makaza

Zimbabvelik ijtimoiy tadbirkor va texnolog Tafara Makaza Fixa‘ga hamkorlikda asos soldi. Fixa — norasmiy ishchilarni Afrikadagi xavfsiz va ishonchli bandlik imkoniyatlari bilan bogʻlaydigan raqamli platforma. “Jamiyatdan chetlashtirilgan uchun jamiyat” deb urgʻu berilgan Fixa ishchilarga raqamli profillarni yaratish va ularga rasmiy ish oʻrinlari va moliyaviy xizmatlardan foydalanish imkonini beradi.

Tafara 8,000 dan ortiq ishchilarni 300,000 dan ortiq ish imkoniyatlari bilan bogʻlab, 2021-yilda platforma ishga tushirilgandan beri 2 million dollardan ortiq maosh ajratdi. U butun Afrika boʻylab odamlarga iqtisodiy mustaqillikka erishish imkoniyatini bermoqda.

▲ Tafara Afrikada bandlikni yaxshilash boʻyicha oʻz ishida 1-maqsad (Qashshoqlikka barham berish) va 8-maqsadga (Munosib mehnat va iqtisodiy oʻsish) birinchi darajali ahamiyat beradi

2030-yil tomon nazar tashlab

2030-yil tomon tikilgan koʻz bilan Samsung’ning global taraqqiyotga boʻlgan sadoqati yanada kuchaydi. Kompaniya BMTTD va butun dunyo boʻylab yosh oʻzgartiruvchilarni qoʻllab-quvvatlash orqali mazmunli oʻzgarishlarni vujudga keltirish uchun jamoaviy harakatni kuchaytirishda oʻzining texnologik tajribasidan foydalanishda davom etmoqda. Samsung Global Goals ilovasi va Generation17 kabi tashabbuslar orqali Samsung barcha uchun yanada barqaror kelajak qurishga bel bogʻlagan.

Toʻliq hisobotni yuklab olish uchun bu yerga bosing.

[1] Rasmda koʻrsatilgan Samsung Global Goals ilovasi namoyish maqsadlarida simulyatsiya qilingan. Mavjudligi va qoʻllab-quvvatlanadigan qurilma modellari bozorga qarab farq qilishi va oʻzgarishi mumkin

[2] 2024-yil sentyabr holatiga umumiy foydalanuvchilar soni

[3] 2024-yil sentyabr holatiga koʻra jami kiritilgan hissa

Samsung sayyoramiz va uning odamlari uchun koʻproq imkoniyatlar yaratish uchun texnologiya kuchidan foydalanish yoʻlida. Xalqaro Yer kunini nishonlashda Samsung o‘z vazifasini qanchalar uddalayotganini va yanada barqaror kelajak yaratish haqida oʻylamoqchi. Galaxy mobil qurilmalarida qayta ishlangan materiallardan foydalanishni ko‘paytirish yoki Birlashgan Millatlar Tashkilotining Taraqqiyot Dasturi (UNDP) bilan hamkorlik qilish haqida fikr yuritish shular jumlasidan.

Oʻzgarishlar uchun global platformani yaratish

Sayyoramizning kelajagini saqlab qolish bir kishining zimmasiga yuklatiladigan ish emas. Biz BMTTD bilan hamkorlikda iqlim oʻzgarishiga qarshi kurashda jamiyat kelajagimiz uchun mazmunli yutuqlarga erishayotgan yoshlarni qoʻllab-quvvatladik. Generation17[1] orqali Samsung oʻz platformalarini global miqyosga koʻtaradi va yoshlarni murabbiylik, tengdoshlari va tarmoq orqali ilhomlantiradi.

Bugun biz Generation17 ajoyib yosh yetakchilari va ularning ekologik muammolarni hal qilish borasidagi ishlariga eʼtibor qaratmoqchimiz.

▲ Maksimo Mazzokko Goals House tadbirida iqlim faolligida yoshlarning roli haqida gapiradi.

Argentinalik yetakchi iqlim faoli Maksimo Mazzokko taʼlim va ekologik tiklanish dasturlariga ixtisoslashgan Eco House[2] nodavlat tashkiloti asoschisidir. Yaqinda u 40 dan ortiq ijtimoiy-ekologik qonunlarni maʼqullash uchun soʻzga chiqdi va 150 milliondan ortiq foydalanuvchini qamrab olgan atrof-muhit uchun raqamli aloqa kampaniyalarini tashkil qildi. 2023-yilda Eco House boshqa tashkilotlar bilan 60,000 dan ortiq davlat ishchilarini davlat sektori uchun atrof-muhitni muhofaza qilishga oid qonunlarini oʻqitish uchun seminarlar oʻtkazdi. Ushbu treninglar “Davlat xodimlari uchun majburiy ekologik taʼlim toʻgʻrisida”gi qonun[3] — Eco House tomonidan ilgari surilgan qonun hujjatlarining natijasi boʻldi. Shuningdek, tashkilot ijtimoiy-ekologik maʼlumotlarni yoritish va tarqatish uchun Eco News‘ni ishga tushirdi.

▲ Tamara Gondo oʻzining barqarorlikka yoʻnaltirilgan tashkiloti — Liberty Society’da ish yuritadi.

Indoneziyalik yosh sardor Tamara Gondo Liberty Society ijtimoiy korxonasini tashkil etdi, u eʼtibordan chetda qolgan indoneziyalik ayollarga xomashyolarni qayta ishlash va ularni barqaror mahsulotlarga aylantirish boʻyicha imkoniyatlar beradi va oʻrgatadi. Xomashyolarning yaroqlik muddatini uzaytirish va qayta ishlash orqali chiqindilar va karbonat angidrid emissiyasini kamaytiradi. 2023-yilning oʻzidayoq Liberty Society 40,000 dan ortiq individual mahsulotlar yaratish uchun 2,5 tonna chiqindilarni qayta ishladi, toʻrtta bandlikka koʻmaklashish markazlarini tashkil etdi va marjinallashgan jamoatlardagi 225 nafar ayolning malakasini oshirdi.[4]

▲ AY Young oʻz studiyasida musiqa yaratadi.

AQSHlik ijrochi AY Young uzilmas elektr energiyasining ahamiyati haqida xabardorlikni oshirish va muhtoj jamoalarni quyosh batareyalari bilan taʼminlash uchun Battery Tour’ni[5] yaratdi. Oʻz gastrollarini boshlaganidan beri AY Puerto Riko, Gaiti, Gonduras va Afrikaning oltita davlatiga tibbiy jihozlar, ventilyator va chiroqlarni tok bilan taʼminlaydigan 100 dan ortiq quyosh batareyalarini sovgʻa qildi.[6] U hozirda 17 global maqsad tomon harakat qilayotgan tashkilotlarni qoʻllab-quvvatlash uchun Project 17 deb nomlangan musiqiy albom ustida ish olib boryapti.

Kelajakka nazar tashlash

Biz bu yutuqlar bilan faxrlansak-da, Samsung bu ishlardan toʻxtab qolgani yoʻq va doimiy ravishda rivojlanib bormoqda. Biz hamfikr tashkilotlar bilan kuchlarni birlashtirishni davom ettiramiz va sayyoramizga yanada ijobiy taʼsir koʻrsatadigan barqaror innovatsiyalarni yaratish boʻyicha saʼy-harakatlarimizni tezlashtiramiz.

Samsung’ning barqarorlik borasidagi saʼy-harakatlari haqida koʻproq maʼlumot olish uchun bizning “Barqarorlik” veb-saytimizga tashrif buyuring.

^{—————————————-—————————————-—————————————————-—————————————-—————————————-————————————–}

[1]     2020-yildan boshlab Generation17 Samsung va Birlashgan Millatlar Tashkiloti Taraqqiyot Dasturi (BMTTD) oʻrtasidagi hamkorlik hisoblanadi va u butun dunyo boʻylab 17 ta global naqsad sari aniq-ravshan chora-tadbirlar koʻrayotgan yoshlarning imkoniyatlarini kengaytirish uchun mobil texnologiyalardan foydalanadi.

[2]     Eco House butun dunyo boʻylab 40 ta ekologik dasturlarni amalga oshiradi va har yili Argentinada 100,000 dan ortiq yoshlarni ekologik mavzularga oʻqitadi.

[3]     Eco House taʼsiri hisoboti: barqarorlik uchun 7 yillik harakatlar (2016-2023)

[4]     Liberty Society 2023-yilgi taʼsiri boʻyicha yillik hisoboti

[5]     Shoular 100% qayta tiklanuvchan energiyada ishlaydi.

[6]     Battery Tour

Samsung sayyoramiz va uning odamlari uchun koʻproq imkoniyatlar yaratish uchun texnologiya kuchidan foydalanish yoʻlida. Xalqaro Yer kunini nishonlashda Samsung o‘z vazifasini qanchalar uddalayotganini va yanada barqaror kelajak yaratish haqida oʻylamoqchi. Galaxy mobil qurilmalarida qayta ishlangan materiallardan foydalanishni ko‘paytirish yoki Birlashgan Millatlar Tashkilotining Taraqqiyot Dasturi (UNDP) bilan hamkorlik qilish haqida fikr yuritish shular jumlasidan.

Innovatsiyalar va atrof-muhit oʻrtasidagi muvozanatni topish

Samsung Galaxy texnologiyasi qanday ishlab chiqilishi va qadoqlanishi kerakligini qayta koʻrib chiqmoqda. Sayyoramizning tabiiy resurslari haqida gap ketganda, biz kamroq olib, koʻproq berishni oʻylaymiz. Soʻnggi oʻn yil davomida biz qayta ishlangan materiallardan tayyorlangan yuqori samarali komponentlarni yaratish yoʻllarini oʻylab topdik.

2022-yilda biz katta yutuqqa erishdik va Galaxy S22 modellarini ishlab chiqishda tashlandiq baliq ovlash to‘rlaridan (arvoh toʻrlar ham deb ataladi) foydalandik. Qayta ishlangan materiallarni endi barcha Galaxy mobil mahsulotlarida, jumladan, smartfonlar, planshetlar, shaxsiy kompyuterlar va taqiladigan qurilmalarda kuzatish mumkin.[1] Shu bilan birga, biz turli xil plastmassalardan tortib, metall va shishalargacha bo‘lgan qayta ishlangan materiallardan foydalanishni kengaytirdik.

▲ Galaxy S24 modellari odamlar va sayyoramiz uchun kamroq olib, koʻproq berish uchun qanday ishlab chiqilishi va qadoqlanishini namoyish qilish uchun dizaynlashtirilgan.

Galaxy S24 modellari[2] bu saʼy-harakatlarni bir daraja yuqoriga olib chiqadi. Har qaysi Galaxy qurilmasida ilk marta biz qayta ishlangan kobalt, noyob tuproq elementlari va poʻlatdan iborat asosiy qurilma komponentlarini ishlab chiqdik. Galaxy S24 Ultra akkumulyatorida[3] kamida 50% qayta ishlangan kobalt, karnaylarda esa 100% qayta ishlangan nodir yer elementlari[4] va kamida 40% qayta ishlangan po‘latdan[5] foydalanilgan.

Samsung qayta ishlangan materiallarga asoslangan innovatsiyalarimiz orqali plastik chiqindilari kabi dolzarb muammoni hal qilishda uzoq tarixga ega va qayta ishlangan plastmassalar Galaxy S24 modellarida muhim rol oʻynashda davom etmoqda. Galaxy S24 modellari tashlandiq baliq ovlash toʻrlari, suv bochkalari va PET butilkalaridan olingan qayta ishlangan plastmassalardan unumli foydalanishimizni taʼminlaydi.

Okeanga oid qayta ishlangan plastik[6] materiallarimiz okeanlar yaqinida tashlab ketilgan baliq ovlash toʻrlarini yigʻadigan global tashkilotlar bilan hamkorlikda yaratilgan. Toʻrlar yuqori samarali qayta ishlangan poliamid sharchalariga optimallashtirilishidan oldin uning xossalari ajratib tozalanadi va ekstrudirovka qilinadi. Xuddi shu tarzda qayta ishlangan polikarbonat va PET materiallari boshqa qoʻshimcha moddalar bilan maydalangan, filtrlangan va eritilgan suv bochkalari va PET butilkalaridan olinadi. Bu jarayon bizga ushbu nozik resurslarni Samsung’ning zamonaviy dizayni va yuqori sifat standartlariga javob beradigan yuqori samarali va optimallashtirilgan materiallarga aylantirishga yordam beradi. Shuningdek, biz poyabzal ishlab chiqarishda qoʻllaniladigan tashlandiq termoplastik poliuretanni (TPU) qayta ishlash uchun boshqa tashkilotlar bilan hamkorlik qildik.

Bu moʻrt plastik chiqindilarni Galaxy qurilmalarida qoʻllaniladigan yuqori samarali materialga aylantirish boʻyicha hamkorlarimiz bilan olib borilayotgan davomiy saʼy-harakatlarimizning yakuniy natijasidir. Galaxy S24 modellari bilan 2024-yil oxirigacha bizning maqsadimiz 100 metrik tonnaga yaqin qayta ishlangan plastmassadan[7] unumli foydalanishga yordam berishdir, bu 10 millionta bo‘sh plastik butilkaga teng.[8]

Qayta ishlangan metall haqida gap ketganda, Galaxy S24 modellari ishlab chiqarish jarayonida hosil boʻlgan metallolomdan olingan qayta ishlangan alyuminiyni[9] nazarda tutadi. Alyuminiy qoldiqlari qayta eritiladi, notoza moddalardan filtrlanadi va Samsung mahsulotini ishlab chiqish jarayonida komponentlar tayyorlash uchun qoʻllaniladi. Galaxy S24 modellari bilan 2024-yil oxirigacha bizning maqsadimiz 110 metrik tonna qayta ishlangan alyuminiydan unumli foydalanishdir, bu 9 millionta metall qadoqli ichimlik qutisiga teng.[10]

Bundan tashqari, Galaxy S24 modellari 100% qayta ishlangan qogʻoz materialidan tayyorlangan qadoqlash qutisiga ega. 2024-yil oxirigacha biz Galaxy S24 modellari 2760 metrik tonna qayta ishlangan qogʻozdan unumli foydalanishiga umid qilamiz, bu 552 million dona A4 qogʻoziga teng.[11] Agar ustma-ust qoʻyib chiqilsa, bu taxminan dunyodagi eng baland bino — 71 Burj Xalifalar[12] bilan bir balandlikka tenglashadi.

Galaxy S24 modellari eng kichik komponentlardan tortib, eng yangi, eng premium funksiyalargacha ishlab chiqishda Samsung’ning barqarorlikka erishish yoʻlidagi muhim yutugʻimizni ifodalaydi va biz kelgusi yillarda ham bu innovatsiyalarni kengaytirishga sodiq qolamiz. Bu ish bizga koʻproq qayta ishlanadigan dizaynlarga oʻtishga va yanada barqaror kelajakni qoʻllab-quvvatlaydigan texnologiyani yaratishga yordam beradi.

Samsung’ning barqarorlik borasidagi saʼy-harakatlari haqida koʻproq maʼlumot olish uchun bizning “Barqarorlik” veb-saytimizga tashrif buyuring.

[1]     Qayta ishlangan materiallarni 2022-yilda va undan keyin chiqarilgan barcha Galaxy qurilmalarida kuzatish mumkin.

[2]     Galaxy S24 modellarida turli xil qayta ishlangan materiallar, jumladan, isteʼmoldan oldin yoki keyin qayta ishlangan plastmassalar, jumladan, poliamid (PA), polikarbonat (PC), polietilen tereftalat (PET) va termoplastik poliuretan (TPU) ham ichki, ham tashqi komponentlar uchun qoʻllanilgan. Shuningdek, u isteʼmoldan oldin qayta ishlangan alyuminiy va shishadan hamda isteʼmoldan oldin va keyin qayta ishlangan kobalt, noyob tuproq elementlari (neodim) va poʻlatdan tayyorlangan komponentlarni oʻz ichiga oladi. Galaxy S24 modellaridagi qayta ishlangan materiallar haqida koʻproq maʼlumot olish uchun “Barqarorlik” veb-saytidagi Samsung mahsulotining atrof-muhitga oid hisobotlarini koʻrib chiqing.

[3]     Galaxy S24 Ultra va Galaxy S24+ akkumulyatorlari kamida 50% isteʼmoldan oldin va keyin qayta ishlangan kobaltni oʻz ichiga oladi. Galaxy S24 akkumulyatori kamida 10% isteʼmoldan oldin va keyin qayta ishlangan kobaltni oʻz ichiga oladi. Mazkur oʻlchovlar komponent ogʻirligiga asoslangan.

[4]     Galaxy S24 modellarining karnaylari 100% isteʼmoldan oldin va keyin qayta ishlangan neodimni oʻz ichiga oladi. Mazkur oʻlchovlar komponent ogʻirligiga asoslangan.

[5]     Galaxy S24 modellarining karnaylari kamida 40% isteʼmoldan oldin va keyin qayta ishlangan poʻlatni oʻz ichiga oladi. Mazkur oʻlchovlar komponent ogʻirligiga asoslangan.

[6]     Okeanga oid plastmassa — bu jamoat joylarida qirgʻoqlardan 50 km masofada joylashgan barcha oʻlchamdagi (mikroplastmassalar, mezoplastmassalar va makroplastmassalar) tashlab ketilgan plastik chiqindilar.

[7]     Ushbu maqolada qayta ishlangan materiallarning hisoblangan tonnalari ichki hisob-kitoblarga asoslanadi.

[8]     500 ml PET butilkalarning ogʻirligi 10 grammni tashkil qiladi, bu bozor boʻylab ishlab chiqariladigan PET butilkalarining oʻrtacha ogʻirligidir.

[9]     Galaxy S24 modellarining ichki va tashqi alyuminiy komponentlarida kamida 28% qayta ishlangan alyuminiy qoʻllaniladi. Galaxy S24 modellaridagi qayta ishlangan materiallar haqida koʻproq maʼlumot olish uchun “Barqarorlik” veb-saytidagi Samsung mahsulotining atrof-muhitga oid hisobotlarini koʻrib chiqing.

[10]   330 ml metall qadoqli ichimlik idishining oʻrtacha ogʻirligi Metal Packaging Europe maqolasidan kelib chiqib hisoblanadi.

[11]   A4 qogʻozning oʻrtacha ogʻirligi ISO 536:2019 asosida hisoblanadi.

[12]   828 metrga baland boʻlgan Burj Xalifa dunyodagi eng baland bino sifatida rekord oʻrnatgan.