2024-yilda Samsung kompaniyasi tomonidan beshta mamlakatda 1443 nafar ishtirokchi ishtirokida oʻtkazilgan soʻrovnomada^[1] AI qurilmalari boʻyicha eng koʻp maʼqullangan qulayliklar “oson va tabiiy ovozli boshqaruv” (32%), soʻng “jihozlardagi sensorli ekranlar” (30%) boʻlgan.

Samsung ilk bor 2016-yilda Family Hub sovitkichida 21.5 dyuymli ekranni taqdim etdi. Shu ondan beri kompaniya maishiy texnikalar qatoriga turli xil ekran oʻlchamlarini, jumladan, 4.3, 7 va 32 dyuymli displeylarni kiritdi. Samsung bu yil ushbu koʻlamni yanada kengaytirib, birlashtirilgan va alohida qilib terilgan kir yuvish va quritish mashinalari, shuningdek, induksion pechlarni oʻz ichiga oldi. Eʼtiborga loyiqlisi, sovitkichlar qatoriga ilk bor 9 dyuymli ekran qoʻshilib, isteʼmolchilarga yanada keng tanlovni taklif etdi.

Ekran bilan jihozlangan qurilmalar foydalanuvchilarning kundalik hayotini qanday oʻzgartirdi? Samsung Newsroom Samsung’ning Bespoke AI ekran bilan jihozlangan qurilmalari foydalanuvchilarga uylaridan samarali foydalanishda yordam beradigan beshta usulni koʻrsatadi.

1. Kundalik doska (Daily Board) bilan bir qarashda shaxsiylashtirilgan maʼlumotlarni olish

Boshqaruv paneli uslubidagi Kundalik doska^[2] foydalanuvchilarga moslashtirilgan maʼlumotlarni oshxonadan oson koʻrish imkonini beradi. Bu yil ilk marta taqdim etilgan bu funksiya turli xil ekranli sovitkichlarda, jumladan, Samsung’ning 9 dyuymli AI Home ekranli yangi sovitkichda mavjud.

Ertalab bir stakan suv ichish uchun oshxonaga kirgan foydalanuvchilar ob-havoni tekshirishlari, tartib jadvallarini koʻrishlari va hatto sovitkichda saqlangan masalliqlardan foydalangan holda retsept takliflarini olishlari mumkin. Barchasi ekran orqali. Qiziqarli funksiya sifatida foydalanuvchilar oila aʼzolari uchun ekranda eslatma qoldirishlari ham mumkin.

2. Butun aqlli uyni yagona ekrandan boshqaring

Xarita koʻrinishi (Map View) funksiyasi yordamida foydalanuvchilar oʻzlarining barcha maishiy texnikalarini bitta ekrandan kuzatishi va boshqarishi mumkin. Rejimlarni sozlash va haroratni oʻzgartirishdan tortib, boshqa asosiy sozlamalarni boshqarishgacha hammasini masofadan bajarish mumkin. Oshxonada yoki mehmonxonada ham foydalanuvchilar telefon qoʻngʻiroqlariga javob berishlari, tashrif buyuruvchilarni kuzatishlari yoki eshiklarni ochishlari mumkin. Barchasi ekran orqali.

Eng qiziqarlisi, bu yilgi yangi modellar sodda boshqaruv funksiyalari bilan cheklanmagan, yangilangan ekranlarga ega. Endi ular keng turdagi qurilmalarga ulanish va ularni boshqarishga qodir aqlli uy markazlari sifatida xizmat qiladi. Jihozlar endi Wi-Fi dan tashqari turli xil aqlli uy va narsalar interneti (IoT) ekotizimlari bilan chuqurroq moslashish uchun ular Zigbee, Matter va Thread’ni qoʻllab-quvvatlaydi.

3. Uydagi oʻyin-kulgidan bahramand boʻlish uchun shunchaki ekranga barmoq bilan bosing

Samsung’ning AI qurilmalari smartfondagi kontentni aks ettirish, internet yoki YouTube va Spotify kabi ilovalarga ekrandan bevosita kirish orqali koʻngilochar kontentlardan bahramand boʻlishni osonlashtiradi. Masalan, foydalanuvchilar sovitkich ekranida aks ettirilgan videoni tomosha qilayotib ovqat pishirishlari yoki kir yuvish mashinasi ekranidan YouTube’da kir yuvish boʻyicha maslahatlarni izlash va mos yuvish rejimini sozlashi mumkin.

* Videoda koʻrsatilgan mahsulot rasmlari mintaqaga qarab oʻzgarishi va amaldagi foydalanish usulidan farq qilishi mumkin.

Samsung Newsroom ushbu Media Day’dagi har bir voqeadan hayajonli taassurotlarni quyidagi fotosuratlar va videolar orqali tasvirlab berdi.

Bespoke jihozlari Samsung Seocho binosiga yetib keldi

“BESPOKE AI’ga xush kelibsiz” Seuldagi Samsung Electronics Seocho binosida kompaniya raisi o‘rinbosari, bosh direktori va Device eXperience (DX) bo‘limi rahbari Jong-Hee Hanning ochilish nutqi bilan boshlandi. Nutq davomida Han yangi Bespoke AI mahsulot kategoriyasini taqdim etdi, u mijozlar hayotiga mazmunli integratsiya qilinishi, bularning barchasi kompaniyaning “Sun’iy Intellekt (SI) hamma uchun” qarashlari ostida ekanligini taʼkidladi.

Tadbirda aqlli uylarning kelajagini namoyish etuvchi Bespoke AI mahsulotlari markaziy o‘rinni egalladi. Mehmonlar SmartThings ichidagi innovatsion 3D Map View funksiyasi bilan tanishdilar, bu ularga barcha ulangan jihozlarni yagona markaziy paneldan boshqarish imkonini beradi. Shuningdek, anʼanaviy sovitish tizimini raqamli invertorli kompressor va samarali “Peltier” komponentlari bilan birlashtirgan zamonaviy gibrid muzlatkich ham mehmonlarning eʼtiborini tortdi.

▲ Rais oʻrinbosari va bosh direktor Jong-Hee Han Seuldagi “BESPOKE AI’ga xush kelibsiz” tadbirida ochilish nutqi bilan chiqish qildi

▲ Samsung Electronics Seocho binosida turli xil Bespoke AI maishiy texnikalari

Samsung 837 Bespoke AI orqali innovatsiyalar markaziga aylanadi

Nyu York shahridagi Samsung 837 binosida “BESPOKE AI’ga xush kelibsiz” AQSh mijozlari uchun maxsus ishlab chiqilgan mahsulotlar, jumladan, AI Home va Bespoke AI Laundry Combo bilan Bespoke Slide-In gaz plitasi diqqatga sazovor mahsulotlar boʻldi. Mehmonlar, ayniqsa, AI Home imkoniyatlari bilan jihozlangan ko‘p funksiyali induksion portativ Bespoke Slide-In gaz plitasiga chuqur qiziqish bildirishdi. Ushbu mahsulot yordamida foydalanuvchilar retsept tavsiyalari olishi va hatto Bixby yordamida ovoz bilan boshqariladigan 7 dyuymli LCD displey orqali boshqa maishiy texnikalarni masofadan boshqarishlari mumkin. Bundan tashqari, sinov ishtirokchilari ichki kamera orqali pechning ichki qismini masofadan turib kuzatishlari va pishirish jarayonining tezlashtirilgan videosini tomosha qilishi mumkin. Bu videolarni yozib olish va ijtimoiy tarmoqlarda boshqalar bilan baham koʻrish imkonini beradi.

▲ Sheyn Xigbi, Samsung Electronics America kompaniyasining maishiy texnika biznesi bo‘yicha bosh direktori va rahbari Nyu York shahridagi “BESPOKE AI’ga xush kelibsiz” tadbirida ochilish nutqiga chiqdi

▲ Samsung 837 da turli xil Bespoke AI maishiy texnikalari

Les Pavillons des Étangs’dagi sunʼiy intellekt bilan ta’minlangan aqlli uy bilan yaqindan tanishish

Samsung tashrif buyuruvchilarni Parijdagi 19-asr fransuz binolarining o‘ziga xos va zamonaviy chiroy talqini boʻlgan Les Pavillons des Étangs ichidagi “BESPOKE AI’ga xush kelibsiz” ko‘rgazmasida Yevropa bozori uchun Bespoke AI maishiy texnikalarini sinab ko‘rishga taklif qildi.

Sokinlikka choʻmgan tarixiy binoda mehmonlar turli xil Bespoke sunʼiy intellekt mahsulotlari va funksiyalari, jumladan, qoʻshimcha keng kamerali muzlatkich, energiya tejamkor kir yuvish mashinalari kategoriyasi, Samsung Climate Hub va AI Family Hub’ga ega 4 ta fransuz eshikli sovitkich kabi mahsulotlarni qiziqqonlik bilan koʻzdan kechirishdi.

▲ Tashrif buyurganlar Parijdagi “BESPOKE AI’ga xush kelibsiz” tadbirida to‘planishdi

▲ Les Pavillons des Étangs’da turli xil Bespoke AI maishiy texnikalari

Uchala “BESPOKE AI’ga xush kelibsiz” tadbirida ham ishtirokchilar AI orqali maishiy texnikalar uyg‘unlikda ishlaydigan toʻlaqonli aqlli uyga katta qiziqish bildirishdi. Baʼzilar hattoki bu taassurotni smartfonlar birinchi marta dunyo yuzini koʻrgandagi hayajonga tenglashtirishdi.

Qulaylikni maksimal darajaga chiqaradigan, energiyani tejaydigan va aynan siz uchun moslashtirilgan funksiyalarni taklif qiluvchi Bespoke AI texnologiyasi orqali Samsung har bir foydalanuvchining kundalik hayotni o‘zgartiruvchi uy imkoniyatlarini rivojlantirishda davom etadi. “BESPOKE AI’ga xush kelibsiz” filmining asosiy qismlarini ko‘rish uchun quyidagi videoni tomosha qiling.

[1] Ingliz tilidagi “AI – artificial intelligence” so’z birikmasi o’zbek tilidagi “SI – sun’iy intellekt” ma’no jihatidan analogi sifatida ishlatilmoqda (tahr.)

Samsung Electronics Co., Ltd Yevropada yangi energiya tejovchi katta sigʻimli konteyneri pastga oʻrnatilgan muzlatkichni[1] sotuvga chiqarilishini eʼlon qildi. Sovitkich 3-aprel kuni Parijdagi les Pavillon des Étangs’da bo‘lib o‘tgan “BESPOKE AI’ga xush kelibsiz” global taqdimotida namoyish etildi. U yagona mahsulot sifatida yuqori energiya tejash reytingiga ega, Wi-Fi imkoniyatlari esa SmartThings Energy yordamida yanada ko‘proq energiya tejash imkonini beradi.

“Isteʼmolchilar uchun energiya samaradorligi kun sayin muhim boʻlib borayotganligiga javoban Samsung zamonaviy davr uchun yangi modelni ishga tushirmoqda”, dedi Samsung Electronics’ning ijrochi prezident oʻrinbosari va raqamli jihozlar (DA) biznesining mijozlar tajribasi guruhi rahbari Muhyung Li. “Ilmiy-tadqiqot ishlari boʻyicha katta saʼy-harakatlarimiz tufayli biz Samsung jiholari sifati va global isteʼmolchilarga manzur boʻlgan funksiyalardan tashqari energiyani tejash imkoniyatlarini ham taqdim eta oldik. Ishonchimiz komilki, foydalanuvchilar Samsung’ning yangi sovitkichidan kundalik hayotlarida mamnunlik bilan foydalanishadi”.

Shunisi eʼtiborga loyiqki, sovitkich Yeropa Ittifoqi energiya standartlariga muvofiq “A” energiya darajasiga ega boʻldi, bu Samsung’ning katta sigʻimli konteyneri pastga oʻrnatilgan muzlatkichi ilk bor bunday koʻrsatkichga erishishidir. Samsung anʼanaviy modelga nisbatan energiya sarfini 55,9% ga kamaytirishi uchun oʻzining noyob yechimlarini ishlab chiqqan.[2] Ayniqsa, yangi AI Inverter Compressor[3] Yevropa Ittifoqi energiya standartlariga muvofiq “A” darajasiga erishishda kalit qismga aynaladi.

Yangi yuqori samarali AI invertorli kompressor aylanadigan qismlar radiusini kengaytirish uchun qayta dizaynlashtirilgan boʻlib, bu uning inersiyasini anʼanaviy kompressorga[4] qaraganda 4,1 barobar oshirish imkonini beradi. Yaʼni kompressor quvvatni uzoqroq ushlab turishi mumkin, shuning uchun sovitkichdagi haroratni oʻrtacha darajada ushlab turganda kamroq energiya sarflaydi. Shuningdek, kompressor yangi boshqaruv texnologiyasi tufayli shovqin darajasini anʼanaviy modelga[5] qaraganda 5 baravargacha tushirishga yordam beradi.

Bundan tashqari, katta sigʻimli konteyneri pastga oʻrnatilgan muzlatkichi SmartThings Energy’ning[6] energiya tejash rejimini qo‘llab-quvvatlaydi, bu esa energiya sarfini 15% gacha kamaytiradi.[7] SmartThings AI Energiya rejimi, shuningdek, foydalanuvchilarga kunlik, haftalik va oylik energiya sarfini osongina tekshirish va elektr toʻlovlarini hisoblab chiqish imkonini beradi. Agar energiya sarfi belgilangan meʼyordan oshib ketsa, energiyani faol ravishda tejashi rejimini yoqadi.[8] Bundan tashqari, u energiya sarfi va atrof-muhitga qarab kompressor tezligini va muzni eritish sikli chastotasini optimallashtirishi mumkin, bu esa foydalanuvchilarga oziq-ovqat mahsulotlarini uzoqroq vaqt saqlashni taʼminlaydi.

Samsung, shuningdek, modelni sigʻimi va dizayni boʻyicha ham raqobatbardosh qilib yaratdi. Katta sigʻimli sovitkich imkoniyatlarini oshirish uchun Samsung kompaniyasi oʻz muzlatkichlarining merosi boʻlgan SpaceMax texnologiyasini qoʻllaydi. Sovitkich barqaror haroratni saqlab turgan holda sigʻimni oshirish uchun yupqa devorlar va samarali izolyatsiyadan foydalanadi. Qoʻshimcha sigʻim sovitkichning tashqi koʻrinishiga taʼsir qilmaydi, chunki sovitkichning umumiy nisbatan ixcham oʻlchami foydalanuvchilarning uylarida kengroq boʻshliq yaratadi.

Sovitkich oʻzining unumdorligi va sigʻim imkoniyatlaridan tashqari, zamonaviy uylarga mos keladigan zamonaviy estetik dizaynga ham ega. U toʻliq tekis eshik va sovitkichga uygʻun estetika baxsh etadigan ichkariga joylashtirilgan tutqichga ega. Gentle Lighting esa yorqinlikni boshqaradi va shuʼlalarning ham oldini oladi.

Mavjudligi

Energiya tejovchi katta sigʻimli konteyneri pastga oʻrnatilgan muzlatkich mintaqaga qarab Yevropa, MDH, Oʻrta Sharq, Lotin Amerikasi, Janubi-Sharqiy Osiyo, Kanada va Afrikada sotuvga chiqariladigan uchta sig‘imli variantda (538L, 508L va 458L) taqdim etiladi.

Sovitkich aprel oyidan boshlab Yevropa va boshqa mintaqalarda sotilishi kutilmoqda.

Samsung sovitkichlari va boshqa maishiy texnikalari haqida batafsil maʼlumot olish uchun Samsung.com saytiga tashrif buyuring.

[1]     Kengligi 70 sm yoki undan uzun boʻlgan katta sigʻimli konteyneri pastga oʻrnatilgan muzlatkich (“BMF”) qisqartmasi. Yevropada Extra Wide Fridge Freezer deb ataladi.

[2]     RL435EFBAS8/EF modeli bilan solishtirganda.

[3]     AI Energy rejimini yoqish uchun Wi-Fi tarmogʻi va SmartThings ilovasi zarur.

[4]     Anʼanaviy S3 Samsung kompressorlari bilan solishtirganda ichki test asosida.

[5]     IEC 60704 ga muvofiq ichki test asosida.

[6]     Android va iOS qurilmalarida mavjud. Wi-Fi tarmogʻi va Samsung akkauntida login statusi talab qilinadi.

[7]     Sinov natijalari AI Energy rejimidan foydalanganda va AI Energy rejimidan foydalanmasdan dastlabki sozlamalardagi haroratni taqqoslash bilan oʻlchangan. Natijalar foydalanish muhiti va usuliga qarab farq qilishi mumkin.

[8]     SmartThings “Maksimal rejim” va “Maxsus rejim”da saqlash algoritmini faollashtirishdan oldin bildirishnoma yuboradi.

Tide POD Cold yuvish sikli AQSh va Kanadadagi yangi Bespoke AI Laundry Combo da mavjud bo‘lib, Tide Hygienic Clean Heavy Duty 10X Power PODS® bilan ishlatilganda ajoyib sovuq suvda yuvish samaradorligini beradi

Samsung Electronics bugun AQSh va Kanadada yangi Tide POD Cold yuvish siklini ishga tushirishda Procter & Gamble (P&G) bilan koʻp yillik hamkorlik aloqalar oʻrnatganini eʼlon qildi. P&G’ning sovuq suvda yuviladigan kir yuvish vositasi[1] texnologiyasi uchun optimallashtirilgan, birinchi bor Tide Cold bilan sertifikatlangan sikli bilan isteʼmolchilar yangi Bespoke AI Laundry Combo da sovuq suvda yuvishning ajoyib samaradorligining guvohi boʻlishadi.

Bespoke AI Laundry Combo ning 7 dyuymli ekranidagi Tide POD Cold yuvish sikli menyusi rasmi

Samsung va P&G oʻrtasidagi hamkorlik yangi Tide POD Cold yuvish siklini yaratish uchun ikki global kompaniyaning bilim va tajribasidan foydalanadi. Yangi yuvish sikli Tide Hygienic Clean Heavy Duty 10X Power PODS® yuvish vositasidan sovuq suvda foydalanganda eritish uchun optimallashtirilgan boʻlib, suvni isitish uchun energiya sarflamasdan kir yuvish mumkin boʻladi. Oddiy iliq suvda yuvish sikli bilan solishtirganda[2] Tide POD Cold yuvish sikli yuvish samaradorligini pasaytirmasdan energiyani tejash imkonini beradi.

“Samsung oʻz mijozlariga maishiy texnika boʻyicha eng soʻnggi texnologiyalarni taqdim etishga intiladi”, dedi Samsung Electronics kompaniyasining ijrochi prezident oʻrinbosari va raqamli jihozlar (DA) biznesi uchun mijozlar tajribasi guruh rahbari Muhyung Li. “Samsung texnologiyasi va innovatsiyalaridan foydalangan holda P&G bilan hamkorligimiz ushbu yo‘nalish tomon bosgan muhim qadamimizdir. Kelajak sari intilar ekanmiz, mijozlar tajribasini yaxshilash uchun P&G bilan hamkorlikni yanada kengaytirishdan biz juda xursandmiz”.

“Biz Samsung bilan hamkorlik qilishdan xursandmiz va 2030-yilga borib, kir yuvish mashinalarining toʻrtdan uch qismini sovuq rejimga oʻtkazish niyatidamiz”, dedi P&G kompaniyasining NA Fabric Care katta direktori Aleks Perez. “Ushbu hamkorlik yuzaga keltiradigan texnologiya isteʼmolchilar uchun ajoyib qulayliklar taqdim etadi. Samsung jihozi bilan sovuq suvda kir yuvish uchun Tide siklidan foydalanish ular uchun eng zoʻr samaradorlikni beradi”.

Tide POD Cold yuvish sikli AQSH va Kanadada yangi Bespoke AI Laundry Combo da mavjud bo‘lib, yagona ixcham qurilma ajoyib yuvish va quritish imkoniyatlarini beradi. Shuningdek, Bespoke AI Laundry Combo AI Opti Wash & Dry[3] ga ega boʻlib, u yuk og‘irligi, mato turi va ifloslanish darajasi kabi omillarga qarab optimal yuvish va quritish sikllarini belgilaydi. Bundan tashqari, SmartThings[4] ilovasi isteʼmolchilarimizga nafaqat Samsung aqlli qurilmalarini, balki oʻzaro ulangan uy ekotizimidagi boshqa aqlli qurilmalarni ham bitta ilovadan qulay tarzda kuzatish va boshqarish imkonini beradi.[5]

Tide Cold bilan sertifikatlangan Bespoke AI Laundry Combo rasmi

P&G bilan hamkorlik Samsung’ning mijozlar tajribasini yaxshilash va energiyani tejash maqsadida innovatsion kompaniyalar bilan yaqin hamkorlik munosabatlarida ishlashda davom etishni koʻrsatuvchi ajoyib namunadir.

Procter & Gamble haqida

P&G butun dunyo boʻylab eng keng mahsulotlar kategoriyasiga ega ishonchli, sifatli va yetakchi brendlar, jumladan, Always®, Ambi Pur®, Ariel®, Bounty®, Charmin®, Crest®, Dawn®, Downy®, Fairy®, Febreze®, Gain®, Gillette®, Head & Shoulders®, Lenor®, Olay®, Oral-B®, Pampers®, Pantene®, SK-II®, Tide®, Vicks® va Whisper®’larning isteʼmolchilariga xizmat qiladi. P&G jamoati dunyoning 70 ga yaqin mamlakatlarida xizmat koʻrsatadi. P&G va uning brendlari haqidagi soʻnggi yangiliklar va maʼlumotlar uchun https://www.pg.com saytiga tashrif buyuring. Boshqa P&G yangiliklari uchun https://www.pg.com/news saytiga tashrif buyuring.

[1]     Faqat Tide Hygienic Clean Heavy Duty 10X Power PODS®’da sinovdan oʻtkazildi. Natijalar boshqa kir yuvish vositalarida farq qilishi mumkin.

[2]     Oddiy sikl bilan solishtirganda 8 funt (3.6kg) kirlarni iliq suvda Tide POD Cold siklida Tide Power PODS® bilan yuvganda.

[3]     Aniqlash va sezish imkoniyatlari oldindan belgilangan maʼlumotlar toʻplamidan foydalangan holda oʻqitilgan chuqur oʻrganish modellarimizga asoslanadi va notoʻgʻri yoki noaniq natijalar berishi mumkin. Vaqti-vaqti bilan uning aniqligini oshirish uchun oʻquv modellarimizga yangi maʼlumotlar toʻplamlari kiritilishi mumkin.

[4]     Android va iOS qurilmalarida mavjud. Wi-Fi tarmogʻi va Samsung akkauntida login statusi talab qilinadi.

[5]     Mahsulot, geografiya va bozor boʻyicha ishlab chiqaruvchiga bogʻliq. Individual holatlar kuzatilishi mumkin.

Samsung Newsroom tadbirda SI uydagi hayotni qanday o‘zgartirayotganini his qilish uchun ishtirok etdi.

“Sun’iy intellekt hamma uchun” shiorini o‘zida mujassam etgan Bespoke AI

▲ Kompaniya prezidenti o‘rinbosari va bosh direktori Jong-Hee Han “BESPOKE AI davriga xush kelibsiz” tadbirida kirish nutqini so‘zlamoqda.

Samsung Electronics kompaniyasi prezidenti o‘rinbosari va Device eXperience (DX) bo‘limi bosh direktori Jong-Hee Han kirish qismida so‘zga chiqib, Bespoke AI kompaniyaning “Sun’iy intellekt hamma uchun” tushunchasini o‘zida mujassamlashtirganini ta’kidladi, ya’ni mukammallashgan xavfsizlik, barqarorlik va foydalanish imkoniyatlari yordamida hayotni yanada yaxshilashga qaratilgani e’tirof etdi.

“SI’ning ko‘rish, ovoz orqali murojaat qilish va ma’lumotlar texnologiyalaridan foydalanib, biz maishiy texnikani boshqarish va intuitivroq ulash mumkin bo‘lgan yangi tajribani taklif qilamiz”, dedi u.

▲ Su-Hyeon Seong yangi Bespoke SI mahsulotlari foydalanuvchilarning hayotini qanday o’zgartirishi haqida so’zlamoqda.

Samsung Electronics kompaniyasining Digital Appliance (DA) bo’limi xodimi Su-Hyeon Seong’ning fikricha, SI texnologiyasi va ulanishning so’nggi yangilanishi foydalanuvchilarning shaxsiylashtirilgan tajribasini yaratishda yangi innovatsiyalarga olib keladi. “Kundalik hayotimizga kirib keladigan yangicha erkinlikni orziqib kutaman”, dedi u.

▲ Cheol-Min Yeom 2024 Bespoke AI maishiy texnikasi maxsulotlar qatorini taqdim etmoqda.

“Eng so’nggi mahsulotlarimiz yuqori samarali SI chiplari, kameralar va sensorlar bilan jihozlanganligini inobatga olib, biz foydalanuvchi tajribasini sezilarli darajada mukammalashtirdik”, dedi DA bo’limi vakili Cheol-Min Yeom.

▲ Se-Rim Jeong SmartThings foydalanuvchilarga energiyani tejashga qanday yordam berishini tasvirlamoqda.

“Biz atrof-muhitga nisbatan zararni kamaytiradigan va iste’molchilarga xavfsiz, barqaror maishiy texnikani noqulayliklarsiz his qilish imkonini beradigan texnologiyalarni rivojlantirishga sarmoya kiritishni davom ettirishni rejalashtirmoqdamiz”, dedi DA bo’limidan Se-Rim Jeong.

SI bilan uy bo’shliqlariga o’zgacha nazar: Qulaylik tajriba zonasi

▲ Tadbir mehmonlari Xavfsizlik va Oson Ulanish Zonasida SmartThings bilan tanishishmoqda.

Mehmonxona, kir yuvish xonasi va oshxona kabi joylarni rekonstruksiya qilgan Qulaylik tajribasi zonasiga kirishda Samsung o‘zining eng foydali xizmatlarini namoyish etdi. Xavfsizlik va Oson Ulanish Zonasida tashrif buyurganlar Smart Forward tizimi qanday qilib doimiy ravishda qurilmalarni yangilashi va Samsungning noyob xavfsizlik standarti bo’lgan Samsung Knox foydalanuvchilarning shaxsiy ma’lumotlarini himoya qilishini kuzatdilar. Bundan tashqari, tashrif buyurganlar Calm Onboarding tizimi mahsulotlarni SmartThings’ga qanday ulashini va har bir xariddan keyin qurilmalarni ro‘yxatdan o‘tkazish bilan bog‘liq qiyinchiliklarni minimallashtirishini aniqladilar.

▲ 2024 Bespoke AI maishiy texnikasi BESPOKE SI Qulaylik tajribasi zonasida namoyish etilmoqda.

▲ Family Hub ilovasida smartfon tugmachasini bosish orqali muzlatkich ekranida videolarni tomosha qiling.

Bespoke AI Qulaylik tajribasi zonasida tadbir mehmonlari SI Family Hub+ yordami bilan 2024-yilgi Bespoke AI mahsulotlarini va to’rt eshikli Flex muzlatkichda Tap View fuksiyasini sinovdan o‘tkazishdi. Endi foydalanuvchilar muzlatkich eshigini bosish orqali smartfon ekranidagi tasvir yoki videolarni aks ettirishi mumkin, shuning uchun ular to‘xtagan joyidan davom etishlari va endigina tomosha qilayotgan film yoki teleko‘rsatuvni ko’rishda davom ettirishlari mumkin.

Bundan tashqari, foydalanuvchilar SI Vision Inside funksiyasi yordamida oziq-ovqat paketlaridagi yaroqlilik muddatini tekshirishlari yoki Samsung Food yordami bilan moslashtirilgan retsept tavsiyalarini olishlari mumkin.

▲ 3D Map View yordamida SmartThings’ga ulangan maishiy texnika joylashuvi va holatini tekshirish imkoniyati mavjud.

▲ Tadbir mehmonlari Bespoke AI Combo (kir yuvish va quritish mashinasi) namoyishi bilan tanishishmoqda.

Bespoke AI Laundry Combo kir yuvish va quritish mashinasi yagona, hammasi birda omili asosida ishlaydigan va SI texnologiyasi yordamida foydalanuvchi ehtiyojlarini inobatga olgan holda optimal kir yuvish dasturlarini o’zida mujassamlashtirgan qurilma hisoblanadi. 7 dyuymli LCD ekran va SI bilan jihozlangan Bixby ovozni aniqlash yordamchisi foydalanuvchining qulaylik tajribasini yanada takomillashtiradi.

▲ The Bespoke Jet Bot Combo robotlashtirilgan vakuum chang yutkichi sterilizatsiya xususiyatiga ham ega.

Bespoke Jet Bot Combo xonani changdan tozalaydi va tozalash sirtini bug’ bilan sterilizatsiya qiladi. To’siqlarni aniqsh va ularni aylanib o’tish, chang yutkich tozalash qoniqarli yoki qoniqarsiz bo’lgani haqida hisobot beradi.

▲ SI Energiyani tejash zonasi va SI Texnologiya zonasi SI Tejash rejimi va Samsung mukofotlarini taqdim etadi.

Tashrif buyurganlar SI Energiyani tejash zonasida va SI Texnologiya zonasida SI yordamida energiyani qanday tejashini o’rgandilar. SI Energy Mode atrof-muhitni muhofaza qilish va energiyani tejash imkoniyatlari bilan alohida e’tiborga molikdir.

Joriy yilning birinchi yarmiga rejalashtirilgan Samsung Rewards dasturi iste’molchilarni kundalik hayotlarida energiyani faol tejashga undaydi.

▲ Barqaror texnologiyalar Barqaror kelajak uchun zonasida tasvirlangan.

Barqaror kelajak zonasida energiya tejamkorligiga innovatsion yondashuvlar, jumladan, energiya tejamkor SI inverter kompressori, Pasaytirilgan Yong’in Xavfi sertifikati va mikroplastmassani kamaytiradigan filtrlar ko’rsatib o’tildi. Bespoke SI Hybrid muzlatkichi gibrid sovutish texnologiyasini SI invertorli kompressor bilan termoelektrik elementlar bilan birlashtirib, energiyani maksimal darajada tejash imkonini beradi.

“BESPOKE AI davriga xush kelibsiz” tadbirida Samsung maishiy texnika kelajagi haqida o‘z qarashlarini ma’lum qildi. Kundalik hayotda qo‘llaniladigan oddiy vositalardan ko‘ra Samsung maishiy texnikasi samaradorlik, ulanish va shaxsiylashtirish sohasidagi innovatsiyalar orqali foydalanuvchilarning hayotini o‘zgartirishga va’da beradi. Samsung tez orada 2024-yilgi Bespoke SI mahsulot qatorini AQSh va Fransiyadagi “BESPOKE AI davriga xush kelibsiz” tadbirlarida taqdim etadi.

Bundan 50 yil muqaddam 1974-yilda Samsung Electronics oʻzining birinchi sovitkichi, kir yuvish mashinasi va konditsionerini dunyoga taqdim etdi. Oʻshandan buyon biz raqamli texnikalarda innovatsiya chegaralarini doimiy ravishda ochib bordik.

Besh yil oldinga, 2019-yilda Samsung oʻzining birinchi Bespoke jihozlarini ommaga ilk bor namoyish qilgan paytga qaytamiz. Ushbu mahsulotlar foydalanuvchilarning kundalik hayotini moslashtirilgan funksiyalar va optimallashtirilgan dizaynlar bilan oʻzgartirish uchun yaratilgandi. Endilikda biz zamonaviy sunʼiy intellekt (SI) va SmartThings’ga asoslangan ulanuvchanlikka ega SI qurilmalarining yangi davrini boshlashga tayyormiz.

3-aprel kuni boʻlib oʻtadigan global mahsulot taqdimoti oldidan ushbu tahririyat sunʼiy intellekt jihozlari va oʻzaro bogʻlangan aqlli uylar bizning zamonaviy uy hayoti haqidagi tushunchamizni qanday oʻzgartirishini oʻrganadi.

Nima uchun xavfsizlik Bespoke SI jihozlari uchun fundamental ahamiyatga ega?

Ipsos bozor tadqiqot kompaniyasi tomonidan yaqinda oʻtkazilgan tadqiqot sunʼiy intellekt davrida xavfsizlikning ahamiyatini taʼkidlaydi. Tadqiqotda 17 mamlakatda 17,000 kishi “Sunʼiy intellekt bilan bizning hayotimiz: bugungi kunning haqiqati va ertangi kunning vaʼdasi” sarlavhasi ostida ishtirok etishdi. Muhim xulosa shundan iboratki, respondentlarning 42 foizi sunʼiy intellekt uchun “takomillashgan xavfsizlik”ni o‘ta muhim vazifa sifatida belgilagan, qo‘shimcha 44 foizi esa buni biroz muhim deb hisoblagan.

SI texnologiyalari salohiyati keng soha, lekin u foydalanuvchilarni himoya qila olmasa, hatto eng yaxshi SI ham foyda keltirmaydi, aksincha, bu xavfli boʻlishi mumkin. Shuning uchun xavfsizlik Bespoke SI qurilmalarining asosini tashkil qiladi. Biz mahsulotlarimizni ishlab chiqishda xavfsizlikni birinchi o‘ringa qo‘yganmiz, shu sababli ham foydalanuvchilarimiz SI’ga asoslangan raqamli qurilmalarning barcha afzalliklaridan xotirjamlik bilan foydalana olishadi.

Xavfsizlikni taʼminlash uchun sunʼiy intellektga asoslangan qurilmalarimiz Samsung Knox tomonidan himoyalanadi. Blokcheynga asoslangan Knox Matrix Samsung’ning bir-biriga ulangan qurilmalarini kuzatib boradi va himoya qiladi.

Bizning eng yangi sunʼiy intellektga asoslangan qurilmalarimiz — SI Family Hub+ ega 4 eshikli Flex sovitkichi va Bespoke Jet Bot Combo SI changyutkichlari oʻzlarining narsalar interneti (IoT) xavfsizlik imkoniyatlari uchun global xavfsizlik kompaniyasi UL Solutions tomonidan “olmos” darajasidagi reytingga sazovor boʻldi. Ushbu reyting IoT xavfsizligining eng yuqori darajasini ifodalaydi, shu kungacha dunyoda hech bir mSIshiy texnika bunga erisha olmagan.

Ammo Samsung bu bilan toʻxtab qolmadi. Biz doimo SI qurilmalari va aqlli uylarning xavfsizligini yanada oshirishi mumkin boʻlgan yangi texnologiyalarni tadqiq qilib boramiz.

Jamiyatni rivojlantirish uchun SI jihozlaridan foydalanish

Samsung kompaniyasida biz shunchaki qulaylik uchun ishlab chiqilgan jihozlarni taqdim etishga harakat qilmaymiz. Bizning maqsadimiz ikkita narsani amalga oshiradigan sunʼiy intellekt qurilmalarini yaratishdir: ular hamma uchun ochiq boʻlishi va atrof-muhitga taʼsirni kamaytirish orqali jamiyatga hissa qoʻsha olishi.

Samsung’ning soʻnggi rusumdagi ixcham kir yuvish mashinasi va quritkichi qulaylik uchun katta 7 dyuymli LCD sensorli displeyga ega boʻlib, turli jismonan ojiz foydalanuvchilar uchun xizmat qiladi. Bixby integratsiyasi bilan esa ovozli buyruqlar yordamida mashinani boshqarish ham mumkin. Bundan tashqari, Samsung’ning Auto Open Door (Avtomatik eshikni ochish) funksiyasi foydalanuvchilarga sovitkichni yengil teginish bilan osongina ochish imkonini beradi. Yangi kir yuvish mashinasi va quritkich ham yuvish va quritish jarayoni tugagandan soʻng avtomatik ravishda eshikni ochadi. Bu takomillashuvlarning umumiy natijasi jihozlarimizdan endi yanada qulay tarzda foydalansa boʻlishini anglatadi.

Mahsulotlarimizning jamiyatdagi roliga kelsak, biz atrof-muhitga taʼsirni kamaytirish uchun yangi avlod texnologiyalaridan foydalanmoqdamiz. Jihozlarda energiya sarfini kamaytirish uchun sunʼiy intellektdan foydalanish va sovitkichlarning quvvat sarfi va uglerod chiqindilarini kamaytirish uchun takomillashgan yarimoʻtkazgichlardan foydalanish shular jumlasidandir. Shuningdek, biz filtrlarni muntazam almashtirishni talab qilmasdan havo tozalagichlardan uzluksiz foydalanish imkonini beruvchi texnologiyani ishlab chiqmoqdamiz.

Bespoke SI jihozlari: SI texnologiyasining choʻqqisi

Bizning 2024-yilgi jihozlarimiz kategoriyasi SI integratsiyasining eng yuqori choʻqqisini ifodalaydi. Uy yumushlarini sezilarli darajada yengillashtirishga qaratilgan ushbu jihozlar oʻzida bir qator sensorlar, obyektlarni aniqlash texnologiyasi, katta maʼlumotlarni tahlil qilish vositalari, kuchli sunʼiy intellekt chiplari va Tizen OS bilan jihozlangan.

Ushbu imkoniyatlar bilan uy jihozlaridan foydalanish usuli tubdan oʻzgaradi. Family Hub sovitkichlariga o‘rnatilgan katta displeylar va Samsung’ning eng so‘nggi ixcham quritkich va kir yuvish mashinasidagi 7 dyuymli displey butun uydagi jihozlarni oson boshqarish va kuzatish imkonini beradi. Bundan tashqari, siz masofadan boshqarish pultini qidirmasdan yoki tugmalar bilan ovora boʻlmasdan smartfon yordamida mahsulotning asosiy funksiyalarini qulay boshqarishingiz mumkin. Bu uydagi hayot tarzini revolyutsiyaga olib chiqadi.

Bu yil biz generativ SI’ni Bespoke SI qurilmalariga kiritishni rejalashtirmoqdamiz, bu esa foydalanuvchilarga ular oila aʼzolari bilan qanday suhbatlashsa, shunday tabiiy ravishda jihozlarni boshqarish imkonini beradi. SmartThings va sunʼiy intellekt qurilmalarining kuchiga asoslanib, Samsung qurilmalari taklif qila oladigan 100 dan ortiq turli xil oʻzaro bogʻlanish funksiyalari hayotingizni yanada qulaylashtiradi.

3-aprel kuni BESPOKE SI’ga xush kelibsiz ko‘rgazmasida siz Samsung’ning 2024-yilga mo‘ljallangan yangi sunʼiy intellekt jihozlariga guvoh boʻlasiz. Bizning mahsulotlarimiz nafaqat xavfsizlikni, balki jamiyatimiz va atrof-muhitimiz sogʻlomligini ham hisobga oladi. Bespoke SI qurilmalarining kelajagini shakllantirish sayohatiga chiqar ekanmiz, sizni ham bu sayohatga chaqiramiz.