Yanada keng qamrovli insaytlar va motivatsiya uchun ilgʻor sunʼiy intellekt

Samsung foydalanuvchilarni salomatlikka yetaklovchi amallarni yaxshiroq tushunishiga yordam berish uchun mazmunli va amaliy insaytlardan foydalanishdan boshlab, ularga ilgʻor salomatlik va tetiklik hissini taqdim etish vazifasida edi. Endi Galaxy AI’ni Samsung Health ilovasi bilan birlashtirib, yangi sogʻliqni saqlash funksiyalari sizga sogʻliq haqida chuqurroq maʼlumot hamda kundalik sogʻligʻingizni yaxshilashga yordam beradigan motivatsion dalda beradi. Energy Score[2] bilan siz oʻrtacha uyqu vaqti, uyqu izchilligi, uyqu/uygʻonish vaqtining muvofiqligi, uyqu vaqtlari, oldingi kundagi faollik, uyqu vaqtidagi yurak urish tezligi va yurak urish tezligi oʻzgaruvchanligi[3] kabi shaxsiy sogʻliq koʻrsatkichlarini birgalikda tahlil qilish orqali kunlik holatingizni yaxshiroq tushunishingiz mumkin. Bundan tashqari, Wellness Tips[4] aniq maqsadga asoslangan insaytlar, motivatsion maslahatlar va yoʻl-yoʻriqlar taqdim etishi orqali shaxsiy salomatlik maqsadlaringizga erishishingizga yordam beradi.

Yuqori aniqlik va natija toʻgʻriligi

Aniq va keng qamrovli sogʻliqni saqlash koʻrsatkichlari eng yaxshi va aqlli salomatlik choralarini tuzish uchun asosdir. Kengaytirilgan sogʻliqni saqlash algoritmlari va ilgʻor kuzatuv vositalari AI bilan birlashganda yanada yaxlit, moslashtirilgan va amaliy insaytlarni beradi. Salomatlik yaxshi tungi uyqudan boshlanishi sababli Samsung uyqu haqida batafsil maʼlumot beruvchi AI uyqu algoritmini yaxshilamoqda. Sleep Insights funksiyasiga yangi qoʻshilgan uyqu koʻrsatkichlari sizga uyqu sifatini batafsilroq va aniqroq tahlil qilish imkonini beradi. Bu orqali siz uyqungiz tartibini yaxshiroq tushunish va yaxshi odatlarni shakllantirishingiz mumkin. Ushbu yangi qoʻshilgan koʻrsatkichlar uyqudagi harakat, uyqudagi kechikish, yurak urish tezligi va uyqu paytida nafas olish tezligini oʻz ichiga oladi, shuningdek, xurrak otish soatlari, qondagi kislorod darajasi va uyqu sikli kabi ilgari qoʻllab-quvvatlangan koʻrsatkichlar ham mavjud.

Xuddi anʼanaviy yuqori darajadagi ilgʻor uskunalarda taʼminlangani kabi, ushbu eng yangi fitnes funksiyalari moslashtirilgan mashgʻulotlar uchun aqlli va sodda tarzda foydalanuvchining jismoniy imkoniyatlarni oʻlchay oladi. Personalized Health Rate Zone (Shaxsiylashtirilgan salomatlik darajasi zonasi) funksiyasining beshta yugurish intensivligi darajasiga qoʻshimcha ravishda yangi batafsil maʼlumotlarni koʻrsatuvchi aerobik chegara (AT) / anaerobik chegara (AnT), yurak urish tezligi zonasi[5] koʻrsatkichlari sizga samarali yugurish mashqini taʼminlaydi, shuningdek, mashq unumdorligini tezda tahlil qiladi. Bundan tashqari, velosipedchilar atigi 10 daqiqa ichida[6] funksional quvvat chegarasi (FTP) koʻrsatkichlarini osonlik bilan hisoblashlari va mashq samaradorligini oshirish uchun sunʼiy intellekt maʼlumotlari tahliliga asoslangan, moslashtirilgan quvvat indeksidan foydalanib, professionallar kabi mashq qilishlari mumkin. Shuningdek, fitnesni kuzatish vositalari mashqlar va natijalarni yanada qulayroq kuzatishga yordam beradi. Yangi Workout Routine funksiyasi bilan shaxsiylashtirilgan mashgʻulotlaringizga turli mashqlarni birlashtirib, toʻxtovsiz keyingi mashqqa muammosiz oʻtishingiz mumkin. Race[7] yordamida yugurish yoki velosiped haydashda bir xil marshrut boʻyicha joriy va oldingi koʻrsatkichlarni taqqoslang va natijadan motivatsiya olib, muvaffaqiyatingizni kuzatib boring.

“Galaxy AI kuchini ekotizimimiz boʻylab kengaytirib, foydalanuvchilarga kengroq moslashtirish va ilgʻor maʼlumotlarni taklif qiluvchi optimallashtirilgan va oʻzaro bogʻlangan funksiyalar bilan barcha yangi imkoniyatlarni ochib bermoqchimiz”, dedi Samsung Electronics kompaniyasining prezident oʻrinbosari, MX Business va Galaxy Ecosystem Product Planning Team rahbari Junho Park. “Galaxy AI’ning Galaxy Watch’ga kiritilishi bu jarayonning boshlanishi xolos. Biz tez orada Galaxy mahsulotlarimiz boʻylab integratsiyani yanada kengaytiramiz. Biz bundan bagʻoyat xursandmiz va bu ishni davom etishdan toʻxtamaymiz”.

Ushbu yangi funksiyalar shu yil oxirida chiqadigan keyingi Galaxy Watch qoʻlsoatlarida One UI 6 Watch orqali taqdim etiladi. Cheklangan miqdordagi Galaxy Watch foydalanuvchilari iyun oyidan boshlab beta dasturga[8] erta kirish huquqiga ega boʻladilar. Bu bizning foydalanuvchilarimiz uchun taqdim etiladigan yangiliklarning bir kichik qismi xolos va biz yangi Galaxy Watch modellariga qoʻshiladigan ilgʻor apparat yangilanishlari bilan birlashgan Galaxy AI’ning toʻliq kuchini foydalanuvchilarga namoyish etishni intiqlik bilan kutib qolamiz. Yangi maʼlumotlar uchun bizni kuzating.

[1] Samsung AI funksiyalari uchun Samsung akkauntida login statusi talab qilinishi mumkin. Samsung sunʼiy intellekt funksiyalari taqdim etadigan natijaning aniqligi, toʻliqligi yoki ishonchliligi boʻyicha hech qanday vaʼdalar yoki kafolatlar berilmaydi. Galaxy AI funksiyalarining mavjudligi qurilma modeliga qarab farq qilishi mumkin. Galaxy AI funksiyalari qoʻllab-quvvatlanadigan Samsung Galaxy qurilmalarida 2025-yil oxirigacha ushbu funksiyalar bepul taqdim etiladi. Uchinchi shaxslar tomonidan taqdim etilgan AI funksiyalari uchun turli shartlar qoʻllanilishi mumkin.

[2] Faqat umumiy salomatlik va fitnes maqsadlari uchun moʻljallangan. Android telefonlarida (Android 10 yoki undan yuqori) mavjud va Samsung Health ilovasini talab qiladi (v6.27 yoki undan yuqori versiya). Samsung akkauntida login statusi talab qilinadi. Energy Score’ni tekshirish uchun Galaxy Watch (Galaxy Watch4 yoki undan keyin chiqarilgan Galaxy Watch modellari) dan kuzatilgan salomatlik maʼlumotlari Samsung Health ilovasi bilan sinxronlashtirilishi kerak. Kamida bir kunlik faollik va uyqu maʼlumotlari hamda uyqu paytida yurak urishi tezligi maʼlumotlari kerak.

[3] Anʼanaviy tashxis yoki davolash usullarini almashtirish uchun moʻljallanmagan.

[4] Android telefonlarida (Android 10 yoki undan yuqori) mavjud va Samsung Health ilovasini talab qiladi (v6.27 yoki undan yuqori versiya). Samsung akkauntida login statusi talab qilinadi. Har qanday tibbiy holatni aniqlash, tashxis qilish, davolashda foydalanish uchun moʻljallanmagan. Natija faqat sizning shaxsiy maʼlumotingiz uchun. Iltimos, tibbiy maslahat uchun shifokorga murojaat qiling.

[5] Ochiq havoda yugurish mashqini tanlaganda yurak urish tezligi zonasini moslashtirish yoqiladi. 4 km/soat yoki undan yuqori tezlikda 10 daqiqadan koʻproq vaqt davomida toʻxtovsiz yugurish talab etiladi.

[6] Shaxsiylashtirilgan FTP’ni oʻlchash uchun Galaxy smartfoni quvvat oʻlchagichga ulangan boʻlishi kerak. FTP’ni aniqroq hisoblash uchun Galaxy Watch’ni smartfonga ulash lozim. Velosipedga quvvat oʻlchagich ulangan holda 4 daqiqadan koʻproq vaqt davomida oʻrta va yuqori intensivlik darajasida velosiped haydalganda FTP avtomatik ravishda hisoblanib boshlanadi. Koʻrsatkichlar mashina oʻrganuvi orqali oʻlchangan boʻlib, foydalanuvchilar qancha koʻp marta haydashsa, FTP qiymatlari shunchalik aniqroq va moslashtirilgan boʻladi. Velosiped quvvat oʻlchagichi alohida sotiladi. Professional uskunalar bilan anʼanaviy FTP tahlili oʻrtacha 1 soatgacha davom etadi.

[7] Race faqat ochiq havoda yugurish va velosport uchun mavjud. Qiyosiy oʻlchovlar chiqarish uchun oldindan belgilab berilgan marshrutda yugurish talab qilinadi. Foydalanuvchilar 14 kunlik vaqt oraligʻidagi oʻlchovlardan birini tanlash orqali solishtirishlari mumkin. Race orqali oʻlchovlarni solishtirish faqat oldingi rekordning boshlanish nuqtasi bilan bir joyda boshlanganda mavjud boʻladi. Agar boshlangʻich nuqtalar boshqacha boʻlsa, u avtomatik ravishda yugurish rejimiga oʻtkaziladi.

[8] One UI 6 Watch beta dasturi Samsung Members ilovasi orqali AQSh va Koreyadagi Galaxy Watch4, Galaxy Watch4 Classic, Galaxy Watch5, Galaxy Watch5 Pro, Galaxy Watch6 va Galaxy Watch6 Classic foydalanuvchilari uchun taqdim etiladi.

Oldingi davrlarga qaraganda, bugun odamlar sog‘lom bo‘lish uchun oldilariga turli maqsadlar qo‘yishmoqda. Sog‘lom bo‘lish, mushak massasini orttirish, sog‘lom uyquga erishish, shaxsiy yoki oilaviy jismoniy va ruhiy salomatlik masalalarida bosh qotirish — har bir inson sog‘liqni yaxshilashga oid o‘zining har xil maqsadlariga ega. Lekin bir muammo keng tarqalgan: kundalik tartib va maqsadlar sari yo‘lni tuzib borish murakkab masalaga aylanishi. Ayniqsa, har bir maqsadni o‘zingiz belgilasangiz.

Shuning uchun biz — Samsung yanada ko‘p odamlarga o‘zlarining va ular qayg‘uradigan kishilarning kundalik sog‘lig‘ini o‘zlari istagan usulda atroflicha, biroq sodda ravishda kuzatish va yaxshilash imkoniyatlarini kengaytirish ustida ishlamoqdamiz. Bizning maqsadimiz — qurilmalar, xizmatlar va odamlarni bog‘lab turgan uy ichidagi o‘zaro g‘amxo‘rlik orqali milliardlab odamlarning sog‘lig‘ini yaxshilashdir. Bunga hozirda faqat Samsung erisha oladi.

Salomatlikka oid mavjud ma’lumotlarini birlashtirish orqali sog‘liqni saqlashni soddalashtirish

Bugungi kunda sog‘liqni saqlash sohasining eng katta muammolaridan biri — bu sochilib yotgan mavjud ma’lumotlar va ularni birlashtirish yo‘lini topishdir. Samsung o‘zining eng katta, eng xilma-xil o‘zaro bog‘langan qurilmalar ekotizimlaridan biri bilan buni amalga oshirish uchun tayyor yechimga ega. Endilikda Samsung Health yordamida biz turli xil qurilmalar va hamkorlarimiz yechimlarini yagona platformada birlashtirish orqali taqiladigan Galaxy qurilmalarida salomatlikni kuzatishni osonlashtiramiz.

Ilg‘or sensor texnologiyasi sog‘ligingiz haqidagi ma’lumotlarni to‘playdi va sizga salomatligingiz haqida chuqurroq va kengroq tushuncha beradi. Bu sizga muhim insaytlarga ega bo‘lish va ularni boshqa sog‘liqni yaxshilash ilovalari va xizmatlaridan olingan ma’lumotlar bilan birlashtirish imkonini berib, sog‘lig‘ingiz haqida yaxlit ma’lumot ko‘rinishini taqdim etadi. Shak-shubhasiz, Samsung Knox xavfsizlik platformasi bilan Galaxy qurilmalaridagi shaxsiy ma’lumotlaringiz har doimgidek xavfsiz saqlanadi.

AI’ning transformatsion kuchi bilan ma’lumotlarni mazmunli insaytlarga aylantirish

Ma’lumotlar modeli qanchalik yaxshi bo‘lmasin, undan qanday foydalanayotganimiz muhimroq ahamiyat kasb etadi. Ushbu yangi mobil sun’iy ong davrida Samsung ma’lumotlarni maksimal darajada oshirishga intiladi. Asrning eng o‘zgaruvchan texnologiyasi bo‘lmish sun’iy ong yordamida 64 million faol foydalanuvchidan olinadigan ma’lumotlar bilan boyitiladigan Samsung Health’ning keng global ma’lumotlar ombori orqali foydalanuvchilar har oy shaxsiylashtirilgan insaytlar va moslashtirilgan sog‘liqni yaxshilash yo‘riqlariga ega bo‘ladilar. Har bir foydalanuvchining salomatlik tomon sayohati har xil bo‘lsa-da, biz ishonamizki, ularning barchasi bir yo‘ldan boshlanadi: uzoq vaqtni qamrab olgan tibbiy ma’lumotlarga asoslangan keng insaytlar orqali o‘z sog‘lig‘i haqida chuqurroq tushunchaga ega bo‘lish.

Mana nega biz foydalanuvchilarga ularning sog‘lig‘ini qulay tarzda doimiy ravishda aniqlik bilan kuzatishga yordam beradigan vositalarni yaratishdan to‘xtamadik. Mazkur yondashuv bizning taqiladigan qurilmalarimiz portfelida hayotga tatbiq etiladi. Shuningdek, yangi mahsulot My Vitality Score [1] va Booster Card [2] kabi yangi funksiyalar bilan jihozlanib, kecha-yu kunduz aynan siz uchun moslashtirilgan amaliy ko‘rsatmalarni taqdim etadi. Bunga erishishda biz qo‘shimcha ma’lumotlarni yangicha va aqlli usulda tahlil qilamiz.

Hamma yaxshi narsalar sog‘lom uyqudan keyin boshlanadi

Ko‘proq ma’lumotlar va kengroq kuzatuv natijalari bilan foydalanuvchilar sog‘liqni saqlovchi kompleks yechimlar bo‘yicha yanada ko‘proq insaytlarga ega bo‘ladilar. Sog‘lom uyqu shular jumlasidan. Biz foydalanuvchilarga ularning uyqu sifatini aniqlash va uxlash vaqtida salomatlikning boshqa jihatlarini chuqurroq tushunish imkonini beruvchi turli funksiyalarni ishlab chiqdik. Misol uchun, yaqinda AQSH FDA tomonidan De Novo ruxsatini olgan uyqu apnoesi funksiyasi o‘rtacha va og‘ir obstruktiv uyqu apnoesi belgilarini aniqlaydi va ko‘pincha tashxislanmay qolgan va davolanmagan surunkali kasallik holatini yuzaga chiqaradi, shu orqali foydalanuvchilar o‘z shifokorlariga bu borada murojaat qila olishadi.

Bu hali boshlanishi. Biz ushbu imkoniyatlarni amaliy yechimlar va xizmatlar qatoriga kiritish va shu orqali uy ichida sog‘liqni saqlash tizimini rivojlantirish yo‘lida hamkorlar bilan ish olib boryapmiz. Masalan, dam olish uchun sizga ideal uyqu haroratini beradigan aqlli matras yordamida endi yanada maqbul uyqu muhitini yaratishingiz mumkin.

Salomatligingiz ko‘rsatkichi shundoqqina qo‘lingizda

Samsung shaxsning salomatligi haqida chuqur tushunchaga ega bo‘lish u uchun uzoq muddatli salomatlikda muhim foyda keltirishini tushunadi. Biz foydalanuvchilarga kundalik salomatlik uchun atroflicha, ammo soddalashtirilgan yondashuvni taqdim etishga oid g‘oyalarimizni amalga oshirishga intilayotgan ekanmiz, tanlov erkinligi katta omil ekanligini tushunamiz. Shaxs salomatligi to‘g‘risida aniq, batafsil va turlicha ma’lumotlarni olish shaxsga sog‘lig‘ini har tomonlama kuzatish va salomatlikni yaxshilashda yordam berishning ajralmas qismidir.

Mobil qurilmalar sun’iy ong uchun asosiy kirish nuqtasiga aylanadi. Biz esa Samsung Galaxy kabi katta mahsulot portfelimiz, innovatsiyalarimiz merosi va ochiq hamkorlik falsafamiz bilan uning global kengayishini tezlashtirish uchun qulay sharoitga egamiz. Shunday ekan, biz shuncha yillar mobaynida to‘plagan innovatsiyalarimiz yig‘indisi, o‘ta ixcham va 24/7 taqishga qulay qurilma — Galaxy Ring’ni joriy yil oxirida taqdim etishimizdan g‘oyatda xursandmiz. Taqiladigan qurilmalarimiz qatorida yangi qo‘shimcha sifatida Galaxy Ring foydalanuvchilarga kundalik salomatlikni soddalashtirishning mutlaqo yangi usulini taklif qiladi, ularni insaytlar bilan boyitadi va kecha-yu kunduz sog‘liqni kuzatishning ko‘plab usullarini taqdim etadi. Galaxy Ring yordamida foydalanuvchilar salomatlik tomon sayohatning har bir bosqichida mislsiz qulayliklarga ega bo‘lishadi va bir vaqtning o‘zida Samsung’ning o‘zaro bog‘langan, integratsiyalashgan va uzluksiz raqamli sog‘lomlashtirish platformasida kompaniyaning keng qarashlariga hissa qo‘shadi va undan katta imtiyoz oladi.

Samsung o‘z mahsulot kategoriyalari bo‘ylab Galaxy AI’ni kengaytirgan va hamkorliklarni ko‘paytirgan holda tasavvur olamini voqelikka aylantiradigan mobil texnologiyalarni taqdim etishda davom etadi. Galaxy Ring‘ning ishga tushirilishi bunga misol bo‘lib, mahsulot Samsung’ning ko‘plab tashabbuslaridan biri xolos. Bu mahsulot uydan turib sizni va boshqa milliardlab odamlarning sog‘-salomatligini yaxshilashga oid qarashlarimizni ro‘yobga chiqaradi. Kuzatuv natijalaridan to‘plangan ma’lumotlar, hamkorlik va ilg‘or texnologiyalar kuchi orqali biz har kuni ko‘plab odamlarga o‘z sog‘lig‘ini yaxshiroq tushunishiga yordam va kichik o‘zgarish oqibatida katta natijalarga olib keluvchi maslahat va yo‘l-yo‘riqlar berib boramiz. Hammasini hisobga olgan holda Galaxy AI kuchi va boshqa ko‘plab qiziqarli sog‘-salomatlik yechimlari hamda kelajakda reja qilib qo‘ygan yangiliklarimiz bilan sizlarga nimalarni taqdim etmoqchiligimizni ko‘rishingizni intiqlik bilan kutib qolamiz.

[1] My Vitality Score funksiyasi Samsung Health’da 2024-yilda taqdim etiladi. Mavjudligi bozor, diler yoki taqiladigan qurilmaga qarab oʻzgarishi mumkin. Funksiyalar faqat umumiy salomatlik va fitnes maqsadlari uchun moʻljallangan. Koʻrsatilgan oʻlchovlar faqat siz uchun moʻljallangan. Iltimos, professional tashxis uchun shifokorga murojaat qiling.

[2] Booster Card Samsung Health’da 2024-yilda taqdim etiladi. Mavjudligi bozor, diler yoki taqiladigan qurilmaga qarab oʻzgarishi mumkin.