Samsung SDS, Samsung C&T va Samsung Heavy Industries bugun global AI infratuzilmasidagi texnologiyalar rivojini tezlashtirish va tegishli sohalarda kelajak texnologiyalarini birgalikda ishlab chiqish boʻyicha strategik hamkorlik uchun maqsadli maktub (Letter of intent; LOI) joʻnatganini eʼlon qildi. Ushbu keng qamrovli hamkorlik Samsung kompaniyalarining yarimoʻtkazgichlar, maʼlumotlar markazlari, kemasozlik, bulut xizmatlari va dengiz texnologiyalari boʻyicha jamoaviy kuch va yetakchiligini birlashtiradi.

Imzolash marosimi Koreyaning Seul shahridagi Samsung korporativ bosh qarorgohida boʻlib oʻtdi. Unda Samsung Electronics prezident oʻrinbosari va bosh direktori Yang Hyon Jun (Young Hyun Jun), Samsung Heavy Industries prezident oʻrinbosari va bosh direktori Son An Choy (Sung-an Choi), Samsung C&T kompaniyasi prezidenti va bosh direktori Sechul O (Sechul Oh) va Samsung SDS prezidenti va bosh direktori Junhi Li (Junehee Lee) ishtirok etishdi.

Samsung Electronics

Samsung Electronics OpenAI’ning strategik xotira qurilmalari hamkori sifatida uning global Stargate tashabbusi uchun ilgʻor yarimoʻtkazgich yechimlarini yetkazib beradi. OpenAI xotira qurilmalariga boʻlgan talab oyiga 900,000 dona DRAM’ga yetishi kutilayotganligi sababli Samsung oʻzining yuqori samarali, energiya tejovchi DRAM yechimlarining keng kategoriyasi bilan ushbu ehtiyojni qondirishga hissa qoʻshadi.

Yaxlit yarimoʻtkazgich yechimlarini yetkazuvchi kompaniya sifatida Samsung’ning yetakchi texnologiyalari xotira, protsessor va chip ishlab chiqarish boʻyicha turli xil mahsulot portfeliga ega boʻlib, kompaniya AI’ni oʻqitishdan tortib, ishga tushirishgacha boʻlgan toʻliq ish jarayonini qoʻllab-quvvatlaydi.

Shuningdek, kompaniya chiplarni ilgʻor qadoqlash hamda xotira va tizim yarimoʻtkazgichlari oʻrtasidagi turli integratsiyada oʻzgacha imkoniyatlarni taqdim etadi. Bu OpenAI uchun noyob yechimlarni beradi.

Samsung SDS

Samsung SDS AI maʼlumotlar markazlarini birgalikda ishlab chiqish va korporativ AI xizmatlarini taqdim etish uchun OpenAI bilan potensial hamkorlikka kirdi.

Ilgʻor maʼlumotlar markazi texnologiyalari boʻyicha oʻz tajribasidan foydalangan holda Samsung SDS Stargate AI maʼlumotlar markazlarini loyihalash, ishlab chiqish va ishlatishda OpenAI bilan hamkorlik qiladi. Maqsadli maktub doirasida Samsung SDS endi OpenAI AI modellarini ichki tizimlariga integratsiyalamoqchi boʻlgan korxonalar uchun konsalting, oʻrnatib berish va menejment xizmatlarini taqdim etishi mumkin.

Bundan tashqari, Samsung SDS Koreyada OpenAI xizmatlari uchun reseller hamkorligini imzoladi va mahalliy kompaniyalarga OpenAI’ning ChatGPT Enterprise takliflarini qoʻllashda yordam berishni rejalashtirmoqda.

Samsung C&T va Samsung Heavy Industries

Samsung C&T va Samsung Heavy Industries global AI maʼlumotlar markazlarini rivojlantirish uchun OpenAI bilan hamkorlik qiladi. Ular ayniqsa joylashuvini koʻchirish oson boʻlgan maʼlumotlar markazlarini birgalikda rivojlantirishga eʼtibor beradi.

Bunday maʼlumotlar markazlari oddiy maʼlumotlar markazlariga nisbatan afzalliklarga ega, chunki ular yer tanqisligini bartaraf etishi, sovitish xarajatlari va uglerod chiqindilarini kamaytirishi mumkin. Biroq ularning texnik jihatdan murakkabligi shu paytgacha keng tatbiqqa yoʻl bermadi.

Samsung C&T va Samsung Heavy Industries oʻzlarining xususiy texnologiyalariga asoslanib, bu turdagi maʼlumotlar markazi infratuzilmasidan tashqari joylashuvini koʻchirish oson boʻlgan elektr stansiyalari va boshqaruv markazlari loyihalarini amalga oshirish imkoniyatlarini oʻrganadilar.

OpenAI bilan muhim hamkorlikdan boshlab, Samsung Koreyaning sunʼiy intellekt boʻyicha dunyodagi eng yaxshi uch davlatdan biriga aylantirish maqsadlarini toʻliq qoʻllab-quvvatlash va bu sohada yangi imkoniyatlar yaratishni rejalashtirmoqda.

Samsung AI transformatsiyasini osonlashtirish borasida kompaniyalar ichidagi ish joylarida ChatGPT’ni kengroq qoʻllash usullarini oʻrganmoqda.

###

OpenAI haqida

OpenAI – bu AI tadqiqot va AI’ni oʻrnatib berish kompaniyasi. Bizning vazifamiz umumiy sunʼiy intellekt butun insoniyatga foyda keltirishini taʼminlashdir.

Samsung C&T korporatsiyasi haqida

Samsung C&T xalqaro korporatsiya boʻlib, toʻrtta biznes guruhiga ega: muhandislik va qurilish, savdo va sarmoya, moda hamda kurort. Ular birgalikda 50 dan ortiq mamlakatlarda xizmat va mahsulotlarni taqdim etadilar. 1938-yilda treyding firmasi sifatida ish boshlagan Samsung C&T Samsung nomi ostida faoliyat yuritgan birinchi kompaniya boʻlgan. Samsung C&T haqida batafsil maʼlumot uchun http://www.samsungcnt.com sahifasiga tashrif buyuring.

Samsung Heavy Industries Co., Ltd haqida.

Samsung Heavy Industries Co., Ltd. (SHI) dunyodagi yetakchi kema quruvchilardan biri hisoblanadi. 1974-yilda tashkil etilgan kompaniya doimiy ravishda muhandislik va qurilish sohasidagi imkoniyatlarni kengaytirib, Janubiy Koreyadagi eng yaxshi kema quruvchisi sifatidagi mavqeyini mustahkamladi hamda kemasozlik va dengiz biznesida turli loyihalarni amalga oshirdi. Kompaniya keng kategoriyali kemalar va dengiz inshootlarini loyihalash, xarid qilish, qurish va yetkazib berishda keng qamrovli tajribaga ega. Kompaniya ayniqsa yuqori texnik va qiymatga ega boʻlgan kemalarni, jumladan: LNG tashuvchisi, konteyner kemasi, FPSO, FLNG va boshqalarni qurishdagi imkoniyatlari bilan eʼtirof etilgan. Kompaniya sanoatning asosiy innovatori boʻlib, Arctic Shuttle-Tanker va FLNG kabi “dunyodagi birinchi” mahsulotlarni ishlab chiqish va yaratish tarixiga ega. Batafsil maʼlumot olish uchun https://www.samsungshi.com saytiga tashrif buyuring.

Samsung SDS Co., Ltd haqida

Maʼlumotlar va hisoblash texnologiyalari sohasida yetakchi boʻlgan Samsung SDS generativ sunʼiy intellekt texnologiyasini bulutli va raqamli logistika bilan birlashtirib, kompaniyalarning giper avtomatlashtirish innovatsiyalarida yetakchilik qiladi.

Samsung SDS korxonalar uchun optimal Samsung Cloud Platform (SCP), 40 yillik sanoat tajribasini aks ettiruvchi yaxlit boshqariladigan xizmatlar va biznes innovatsiyalari uchun SaaS yechimlaridan foydalanish orqali kompaniyalarga ularning mahsuldorligi va raqobatbardoshligini oshirishga yordam beradi.

Bundan tashqari, Samsung SDS logistika operatsiyalari samaradorligini oshirish va maʼlumotlarga asoslangan qarorlar qabul qilishni qoʻllab-quvvatlash uchun Cello Square raqamli yuk tashish platformasi asosida global integratsiyalashgan logistika xizmatlarini taqdim etadi.

Foydalanuvchilar oʻz qurilmalari bilan koʻprogʻiga erisha oladi; ishlab chiquvchilar kelajak uchun barpo etadi

Samsung Electronics bugun San Xose McEnery konferensiya markazida oʻzining yillik Samsung Developer Conference’ni (Samsung ishlab chiquvchilar konferensiyasi) (SDC) oʻtkazdi. Ishlab chiquvchilar bilan hamkorlik va innovatsiyalarning oʻn yilligini nishonlayotgan kompaniya bu safar “Hamma uchun AI” ruhida eng soʻnggi koʻp qurilmali AI texnologiyasi bilan yanada shaxsiylashtirilgan va xavfsiz imkoniyatlarni taqdim etish boʻyicha oʻz qarashlarini namoyish etdi.

3000 ga yaqin ishlab chiquvchilar, hamkorlar va ommaviy axborot vositalari ishtirok etgan holda Samsung Electronics kompaniyasining Device Experience (DX) boʻlimi raisi oʻrinbosari, bosh direktori va rahbari Jong-Hee (JH) Han shunday dedi: “Biz soʻnggi 10 yil mobaynida koʻplab ishlab chiquvchilarimiz va hamkorlarimiz bilan innovatsiyalar tomon sayohatni davom ettirdik”. U bugungi sunʼiy intellekt davrida ham raqobatbardoshlikni, ham oʻzaro oʻsishni kuchaytirish uchun ochiq hamkorlik muhimligini taʼkidladi.

JH mustahkamroq xavfsizlik, ilgʻor shaxsiylashtirish, oilaviy parvarish imkoniyatlarini yaxshilash va B2B bizneslari uchun yangi imkoniyatlarni taklif qilish yoʻlida kompaniyaning AI texnologiyasidan qanday foydalanishiga oid qoʻshimcha tafsilotlarni ulashdi. “Samsung Electronics sunʼiy intellekt texnologiyasi yanada moslashtirilgan imkoniyatlarni taqdim etishi uchun uni har bir foydalanuvchining ovozidan tortib joylashuvigacha avtomatik ravishda taniydigan darajaga koʻtarishda davom etadi”, deb tushuntirdi u. “Bu saʼy-harakatlar Samsung’ning sunʼiy intellektga asoslangan dasturiy taʼminoti, platforma innovatsiyasi va xavfsizlik texnologiyasidan unumli foydalanish orqali yanada qulay va xavfsiz koʻp qurilmali imkoniyatlarni yaratadi”.

Bundan tashqari, kompaniya keyingi yil One UI nomi ostida mobil qurilmalardan tortib, televizorlar va maishiy texnikagacha boʻlgan asosiy mahsulot kategoriyalarining dasturiy imkoniyatlarini birlashtirishini eʼlon qildi. Mahsulot imkoniyatlari yaxlitligini taʼminlash va yetti yilgacha dasturiy taʼminotni yangilash majburiyatini zimmasiga olgan holda Samsung oʻz mijozlari uchun innovatsiyalarni taqdim etishda toʻxtamaydi.

Shuningdek, “Hamma uchun AI”ni amalga oshirish uchun Samsung innovatorlarga yangi zamin yaratish, ijtimoiy muammolarni hal qilish va kelajak avlodlar uchun qulayroq hayot yaratish yoʻlida yangi texnologiyalardan unumli foydalanish imkoniyatini beruvchi AI’ni ham ishlab chiqadi.

Samsung “Hamma uchun AI” innovatsiyasini yana bir bor takrorlaydi

SDC24’da kompaniya imkoniyatlarni ochish, shaxsiy maʼlumotlarni himoya qilish va undan foydalanuvchilarning kundalik hayotini yaxshilash uchun sunʼiy intellekt texnologiyasidan foydalanishini yana bir bor tasdiqladi. Ilgʻor sunʼiy intellekt texnologiyalariga oʻn yildan ortiq sarmoya kiritib kelgan Samsung kompaniyasi oʻzining “Hamma uchun AI”ga sodiqligi asosida shakllangan tadqiqot va innovatsiyalarining yoʻl xaritasi ishlab chiquvchilar va mijozlarni qay tarzda bir tomonga yoʻnaltirayotganini ulashdi.

Har bir shaxs uchun shaxsiylashtirish asosidagi sunʼiy intellektni yaratish zaruratidan ilhomlanib, Samsung “Hamma uchun AI”ni oʻylab topdi; bu kechki kun tartibini osonlashtirishni xohlaydigan oilalar, yangi joylarga endi-endi koʻnikib borayotgan uy egalari, ilhom olish uchun ilgʻor texnologiyalarni oʻrganayotgan ijodkorlar va innovatorlar uchun yaratilmoqda. Samsung qurilma ichidagi sunʼiy intellekt imkoniyatlaridan foydalangan holda maxfiylikka putur yetkazmasdan, bulutli va generativ AI orqali mislsiz samaradorlikni taqdim etishda davom etmoqda.

Shuningdek, Samsung hayotimizni yaxshilash uchun AI’ni rivojlantirishga sodiq ekan, barcha xodimlar sunʼiy intellektni rivojlantirish va undan foydalanish uchun “Adolat”, “Shaffoflik” va “Masʼuliyatlilik” global AI axloqiy tamoyillarini qoʻllab-quvvatlaydi.

“Hamma uchun AI” strategiyasi samaradorlik, ijodkorlik va muloqotni yaxshilash uchun Galaxy AI’ni mobil qurilmalarga yanada chuqurroq integratsiya qiladi; Bespoka AI jihozlari foydalanuvchilarning kundalik hayotini soddalashtiradi; Tizen operatsion tizimli Samsung aqlli televizorlari sunʼiy intellekt asosida ishlaydigan displeylarga ega; Bixby, SmartThings va One UI 7 uchun platformalararo AI yangilanishlari kelmoqda.

One UI 7 ga qisqacha nazar tashlash

One UI foydalanuvchilarga mobil qurilmalarda mavjud boʻlgan eng moslashuvchan, ijodiy va samarali imkoniyatlarni taqdim etish uchun yaratilgan. Samsung SDC24 koʻrgazmasida One UI 7 ga qisqa nazar tashlandi va uning sodda, taʼsirchan va hissiyotli dizaynga yoʻnaltirilgan yangi UX hamda Galaxy AI funksiyalarini kundalik hayotga yengil integratsiya qilishning yangicha usullari taʼkidlandi. One UI 7 beta versiyasi shu yil oxirigacha ishlab chiquvchilarga taqdim etiladi.

AI uy hayotga tatbiq etiladi

Samsung’ning Bespoke AI jihozlari oshxonami, mehmonxonami, bundan qatʼi nazar, butun xonadonga qulay imkoniyatlarni olib kiradi. AI Family Hub ga ega sovitkichdagi AI Vision Inside[1] yoki Bespoke Jet Bot Combo AI’dagi AI Floor Detect kabi sunʼiy intellektga ega funksiyalar bilan Samsung’ning aqlli maishiy texnikalari hayotni yanada qulay, sodda va oson qilish uchun eng zoʻr AI texnologiyalaridan foydalanadi.

Bu esa AI bilan yangilangan Bixby[2] yordamida yanada kuchayadi. Foydalanuvchilar Bixby’ni qoʻllab-quvvatlaydigan qurilma orqali istalgan joydan turib butun boshli aqlli uylarning istalgan qismini boshqarishlari mumkin. Shuningdek, Bixby imkoniyati cheklangan foydalanuvchilar uchun ham qulayliklar taqdim etadi. Uyda foydalanish qulayligini oshirish uchun Auto Open Door funksiyasi tufayli u uygʻotuvchi buyruqlarsiz[3] (“Salom, Bixby” va h.k.) oddiy chaqiruv bilan jihoz eshiklarini ochishi mumkin.

Bixby’ning kengaytirilgan imkoniyatlari Samsung smart televizorlariga ham tegishli. Foydalanuvchilar endi Bixby tufayli koʻrmoqchi boʻlgan kontentini odam tilida tavsiflab va sozlamalarni koʻplab buyruqlar yordamida sozlash orqali kerakli kontentni qidirishlari mumkin. Foydalanuvchilarning kundalik hayotini soddalashtirish boʻyicha doimiy majburiyatdan ilhomlangan masofadan mobil boshqaruv funksiyasi foydalanuvchilarga televizorlarini telefonidan boshqarish imkonini beradi va Samsung AI Cast mobil qurilmalarda AI tomonidan yaratilgan natijalarni televizorga yoʻnaltirishi mumkin. Foydalanuvchilar televizorning bosh ekranida mavjud boʻlgan generativ AI yordamida ishlab chiqilgan qator tasvirlar va kontentlar, jumladan, ChatGPT integratsiyasidan endi kattaroq displeyda bahramand boʻla olishadilar.

Samsung oʻzining vizual displey ilovalariga ham sunʼiy intellektni birlashtirmoqda. Jumladan, aqlli televizorlarda AI Upscaling va AI Customization’dan tortib, Nextdoor bilan yangi hamkorlik orqali har qanday smart televizor ekranini ob-havo, qurilma salomatligi va mahalliy yangiliklar kabi kundalik maʼlumotlarni olsa boʻladigan yagona markazga aylantirish uchun yangi Daily Board Software Development Kit’gacha (SDK) ishlab chiquvchilarga qulay vositalarni taqdim etmoqda.

VXT bilan keyingi avlod raqamli displey yechimlari

Samsung kontentni ishlab chiqarish, ishlatish va boshqarish uchun Visual Experience Transformation (VXT), uning dasturiy platformasi va unga hamroh boʻlgan kontentni boshqarish yechimi (CMS) bilan raqamli displey yechimlarining keyingi avlodini namoyish etdi. Pre-Integrated Repeatable Solution (PIRS) & Widget and Extension (WiNE) Framework bilan sunʼiy intellektga asoslangan chatbotdan foydalangan holda VXT samarali, soddalashtirilgan raqamli displey yechimlarini taqdim etadi va ishlab chiquvchilarga bunday yechimlarni muammosiz birlashtirish va platformadagi jarayonlarni soddalashtirish imkonini beradi.

Tizen jahon darajasidagi samaradorlikka erishish uchun qurilma ichidagi AI’dan foydalanadi

Samsung kompaniyasining katta operatsion tizimi — Tizen oʻzining sanoatdagi yetakchi tajribasini koʻplab qurilmalar va xizmatlarga olib kirayotgan paytda Samsung sunʼiy intellektni qoʻllab-quvvatlaydigan maʼlum maishiy texnikalarni AI Home[4] — 7 dyuymli LCD sensorli displey bilan jihozladi.

Tizen, shuningdek, Tizen AI xizmatlari bilan kuchaytirilmoqda. Samsung Neural Processing Unit (NPU) tomonidan quvvatlangan, Samsung mahsulotlariga moslanishi va foydalanuvchi ehtiyojlariga javob berish uchun optimallashtirilgan Tizen AI xizmatlari televizor tomosha qilish yoki video qoʻngʻiroqlar qilish paytida aks-sado va shovqin darajasini nazorat qilishdan tortib, qaydlarni toʻldirishni yaxshilash uchun foydalanuvchilarning yozish uslublarini tahlil qilishgacha boʻlgan aqlli, xavfsizroq va moslashtirilgan imkoniyatlarni taqdim etadi.

Samsung’ning sunʼiy intellektdan yanada kengroq foydalanishga sodiqligi Tizen va Galaxy ekotizimlari oʻrtasidagi kuchli oʻzaro muvofiqlikda ham namoyon boʻladi. Foydalanuvchilarga bir xil Bluetooth vositalari, jumladan, sichqoncha va klaviaturalar yordamida smartfon va planshetlarida harakatlanish va boshqarish imkonini beruvchi Multi-Control funksiyasi smart monitorlar va Tizen televizorlarida ham ishlaydi.

Samsung ishlab chiquvchilar uchun Tizen’ni RISC-V[5] asosida yaratdi va RISC-V bilan ishlab chiqilgan Tizen ilovalari uchun yangi SDK 2026-yilda taqdim etiladi.

Tizen operatsion tizimi Flutter‘ni — kross-platformali ilova yaratish tizimining soʻnggi versiyasini qoʻllab-quvvatlaydi va dastur ishlab chiquvchilari uchun yuqori darajali debaglash va profillash kengaytmalarini taqdim etishda davom etadi.

SmartThings sunʼiy intellekt yordamida yangi bosqichga chiqadi va sogʻliqni saqlash imkoniyatlarini kengaytiradi

Soʻnggi oʻn yil ichida Samsung SmartThings 350 milliondan ortiq obunachi va 340 dan ortiq “SmartThings bilan ishlaydi” (WWST) hamkorlari bilan eng yirik oʻzaro bogʻlangan platformalardan biriga aylandi.

Samsung yuqori darajadagi SmartThings imkoniyatlarini vujudga keltirish va kengroq hamkorlik aloqalarini yoʻlga qoʻyishni oʻrganish uchun ilgʻor AI texnologiyasidan foydalanmoqda. SmartThings kompaniyaning mahsulot va xizmatlarini ajratib turadigan innovatsion texnologiya sifatida asosiy rolni oʻynaydi.

SmartThings’ga shu oyda keladigan asosiy yangilanishlardan biri bu Home Insight[6] boʻlib, u uy imkoniyatlarini yaxshilash uchun jonli ravishda toʻplangan foydalanuvchi maʼlumotlari, isteʼmol usuli, qurilma tarixi va uy statistikasini tahlil qiladi. Shuningdek, u kunning yoki mavsumning maʼlum bir vaqtida uydan uzoqda boʻlganingizda boʻsh turgan qurilmalarni oʻchirish kabi uyni optimallashtirish funksiyalarini tavsiya qiladi. Bundan tashqari, Galaxy Tab S10 plansheti Home Insight vidjeti bilan jihozlangan boʻlib, undan uyni kuzatish va boshqarish uchun uy paneli sifatida qulay foydalanish mumkin.

Shuningdek, Samsung ekrani bor barcha mahsulotlarini SmartThings Hub‘ni ishga tushira oladigan qilish rejasini namoyish qildi. Bu Samsung qurilmalarini uyga gʻamxoʻrlik qilish uchun birgalikda ishlashini yaxshilaydi va hatto hamkor qurilmalar bilan ulanuvchanlikni ham oʻz ichiga oladi. Rejaga SmartThings Hub asosidagi Edge AI[7] texnologiyasi qoʻshilgan boʻlib, u uyning oʻzaro bogʻlangan qurilmalariga sunʼiy intellekt imkoniyatlarini oʻrnatib, chinakam sunʼiy intellekt bilan takomillashtirilgan uyni vujudga keltirishga hissa qoʻshadi.

Ochiq hamkorlik va innovatsiya ruhida Samsung oʻzining soʻnggi SmartThings hamkorliklari haqida tafsilotlarni ulashdi. 2025-yilda Samsung Wallet ichidagi Digital Home Key’ga SmartThings Door Lock funksiyasini qoʻshadigan Schlage[8] va Aqara[9] kabi turli xil aqlli kalit ishlab chiqaruvchilari bilan yangi hamkorliklar shular jumlasidan edi.

Barqarorlik, xususan, SmartThings va Kohler oʻrtasidagi hamkorlik bilan taʼkidlandi.[10] Kohler‘ning barqaror turmush tarzi boʻyicha bosh direktori (AQSh) Laura Kohler ushbu yangi integratsiya foydalanuvchilarga aqlli dush kallaklari va joʻmraklar bilan foydalanish suv isteʼmolini kamaytirishga qanday yordam berishini tushuntirish uchun sahnada SmartThings ijrochi prezident oʻrinbosari va rahbari Jaeyeon Jungga qoʻshildi.

Ulanuvchanlik standartlari ittifoqi (CSA) rahbari Tobin Richardson masofadan eʼlon qildiki, Samsung SmartThings Matter[11] 1.3 standartini qabul qilgan birinchi xizmat boʻlib, Matter ekotizimini doimiy qoʻllab-quvvatlash va kengaytirishda hal qiluvchi rol oʻynaydi.

Shuningdek, Samsung oʻzining SmartThings va Samsung Health xizmatlari oʻrtasida yaqinroq integratsiya oʻrnatishini namoyish etdi. Dexcom[12] uzluksiz glyukoza monitoringi tizimi (CGM) kompaniyasining texnik direktori Girish Naganathan foydalanuvchilar va ularning yaqinlari uchun uyda sogʻliqni saqlashning yanada moslashtirilgan, qulay nazorati boʻyicha kompaniyalarning umumiy qarashlarini muhokama qilish uchun Samsung bilan sahnaga chiqdi.

Xavfsizlik — AI davrining poydevori

Nihoyat, Samsung mustahkam xavfsizlik va maxfiylik standartlariga sodiqligini taʼkidlashda davom etdi. Samsung Knox bilan kompaniya eng soʻnggi AI imkoniyatlari hech qachon shaxsiy maʼlumotlarni oshkor qilishni talab qilmasligini taʼminlash uchun xavfsizlik boshqaruvini kuchaytirishga sarmoya kiritishda davom etmoqda. Blokcheynga asoslangan, koʻp qurilmali xavfsizlik yechimi boʻlgan Knox Matrix koʻp qurilmali imkoniyatlar boʻyicha xavfsizlikni yanada oshirish uchun mobil qurilmalardan televizorlar va maishiy texnikagacha kengayadi.

Samsung, shuningdek, 2025-yilda Tizen televizorlari, AI Family Hub li sovitkich va AI Home’ga ega maishiy texnikalarga Passkey‘ning kengayishini taʼkidladi. Passkey foydalanuvchilarga mobil QR kodni skanerlash orqali veb-brauzerga asoslangan loginlarni qoʻllab-quvvatlagan holda katta qulaylik va mustahkam xavfsizlikni taʼminlaydi.

Ushbu xususiyatlarning har biri foydalanuvchilarga yanada mustahkam xavfsizlikni taʼminlash, ishlab chiquvchilarni qoʻllab-quvvatlash va yangi AI davrimizdan maksimal darajada foydalanish uchun sunʼiy intellektga asoslangan eng soʻnggi va eng yaxshi innovatsiyalarni taqdim etuvchi qurilmalarni rivojlantirishda muhim rol oʻynaydi.

Samsung ishlab chiquvchilar, ijodkorlar va hamkorlar va boshqalarni ochiq innovatsiyalar va oʻzaro bogʻlanish orqali ajoyib qulayliklarni yuzaga keltirish saʼy-harakatlariga qoʻshilishga chorlaydi. SDC24 haqida qoʻshimcha maʼlumot olish uchun www.developer.samsung.com/sdc saytiga tashrif buyuring.

[1] 2024-yil mart oyi holatiga koʻra, AI Vision Inside yangi meva va sabzavotlar kabi 33 tagacha oziq-ovqat mahsulotlarini aniqlay oladi. Agar oziq-ovqat mahsuloti aniqlanib boʻlmasa, u nomaʼlum mahsulot sifatida roʻyxatga olinishi mumkin. AI Vision Inside muzlatkich eshigi qutilari yoki muzlatkichdagi biron-bir oziq-ovqat mahsulotlarini aniqlay olmaydi yoki roʻyxatga olmaydi. U oziq-ovqat mahsulotlarini chuqur oʻrganish modellari asosida aniqlaydi va aniqlikni oshirish uchun vaqti-vaqti bilan yangilanishi mumkin.

[2] Yangilanish 2024-yilda sotuvga chiqarilgan qurilmalar uchun, jumladan, AI Family Hub ga ega 4 ta fransuz eshikli sovitkich; Bespoke AI Laundry Combo; Bespoke Slide-in Range; Bespoke Jet Bot Combo AI va Bespoke AI WindFree Gallery Freestanding konditsionerlari.

[3] Bu funksiya hozirda ayrim sovitkichlar va kir yuvish mashinalarida mavjud.

[4] AI Home’da mavjud boʻlgan barcha xizmatlar sunʼiy intellekt ekanligini yoki sunʼiy intellekt yordamida maʼlumot yoki natijalarni yaratayotganini anglatmaydi. AI Home orqali mavjud boʻlgan AI Smart Dial, AI Wash & Dry va Bixby ovoz funksiyalari sunʼiy intellektga asoslangan algoritmlardan foydalanadi va aniqlikni oshirish uchun vaqti-vaqti bilan yangilanishi mumkin. AI’ga asoslangan algoritmlar toʻliq boʻlmagan yoki notoʻgʻri maʼlumotlar yaratishi mumkin.

[5] RISC-V “Kamaytirilgan koʻrsatmalar toʻplami kompyuteri” qisqartmasi boʻlib, u murakkab operatsiyalarni tezroq va samaraliroq qayta ishlash imkonini beruvchi CPU buyruqlarining kombinatsiyasi hisoblanadi.

[6] Xulosalash va taklif funksiyalari hozirda faqat AQSh va Koreyada mavjud va 24.10 dan boshlab sekinlik bilan boshqa mintaqalarga ham kengayadi. Qoʻllab-quvvatlanadigan qurilmalar Galaxy smartfonlari, planshetlari va Samsung smart televizorlari boʻlib, ularni yanada kengaytirish rejalari mavjud.

[7] Edge AI — bulutdan foydalanmasdan uyda yuqori unumdor qurilmalar yordamida maʼlumotlarni qayta ishlaydigan texnologiya. Bu maʼlumotlarni tezkor qayta ishlash va yanada mustahkam xavfsizlikni taʼminlaydi.

[8] https://www.schlage.com/en/home.html

[9] https://www.aqara.com/en/

[10] https://www.kohler.com/en

[11] Matter: CSA (Connectivity Standards Alliance) tomonidan qurilmalar oʻrtasida oʻzaro muvofiqlikni yaxshilash uchun tan olingan ulanuvchanlik standarti.

[12] https://www.dexcom.com/

Samsung oʻn yilligi nishonlanadigan SDC24’ga “Hamma uchun AI – oʻn yillik va undan keyin ham davom etadigan ochiq innovatsiyalar” mavzusi ostida dunyo boʻylab 3000 ga yaqin ishlab chiquvchilar, hamkorlar va ommaviy axborot vositalarini taklif etdi.

Samsung Newsroom sunʼiy intellekt yordamida yangi kelajak imkoniyatlarini kuzatish uchun SDC24 koʻrgazmasida ishtirok etdi.

Shaxsiylashtirilgan va xavfsiz AI imkoniyatlari

Tadbir Samsung Electronics kompaniyasining Device eXperience (DX) boʻlimi raisi oʻrinbosari, bosh direktori va rahbari Jong-Hee (JH) Hanning maʼruzasi bilan boshlandi. Oʻz nutqi davomida Han koʻp qurilmali AI texnologiyasi orqali yanada shaxsiylashtirilgan va xavfsiz qulayliklarni taqdim etish haqidagi tasavvurni ochib berdi.

“Kelajakda Samsung qurilmalari kim gapirayotganini aniqlash imkoniyatiga erishadi va foydalanuvchilarga moslashtirilgan funksional imkoniyatlarni taqdim etadi. Qolaversa, uydagi oʻzaro bogʻlangan qurilmalar va sensorlar yanada boshqacha shaxsiylashtirish imkoniyatlarini taʼminlash uchun turar joyingizni hisobga oladi”, — dedi u. “Samsung kompaniyasi mobil qurilmalardan tortib televizorlar va maishiy texnikagacha boʻlgan keng qamrovli mahsulotlar kategoriyasiga ega boʻlganligi sababli biz ushbu moslashtirilgan sunʼiy intellekt imkoniyatlarini taqdim etish uchun eng yaxshi pozitsiyada ekanligimizga ishonaman”.

▲ Rais oʻrinbosari JH Han SDC24’da nutq soʻzlamoqda

Samsung Research va Global AI Center ijrochi prezident oʻrinbosari va rahbari Daehyun Kim kompaniyaning AI tadqiqot yoʻnalishi va xavfsizlik texnologiyalari strategiyasini bayon qildi.

“Bizda qurilma ichidagi sunʼiy intellekt va bulutli sunʼiy intellekt imkoniyatlari uchun noyob texnologiya va funksionalliklarga putur yetkazmagan holda maxfiyligingizni himoya qiladigan koʻplab yechimlar mavjud. Hamkorlarimiz bilan olib borilgan faoliyat tufayli bizning matn, tasvir va nutq uchun generativ AI vositalarimiz dunyo yuzini koʻrdi. Ular AI kelajagi haqidagi tasavvurimizni shakllantirishda kalit rolini oʻynaydi”, — deb ta’kidladi Daehyun Kim.

▲ Ijrochi prezident oʻrinbosari Daehyun Kim sunʼiy intellekt va xavfsizlik oʻrtasidagi kesishmani tushuntirmoqda

Aqlliroq funksiyalar uchun sunʼiy intellektga asoslangan innovatsiyalar

Samsung mijozlar uchun qulayliklarni yaxshilash yoʻlida mahsulotlar kategoriyasiga sunʼiy intellektni integratsiya qilmoqda. Kompaniya One UI’ni mobil qurilmalardan tashqari Samsung’ning barcha isteʼmol mahsulotlari uchun dasturiy taʼminotga aylantirish rejasini eʼlon qildi.

“Biz yanada koʻproq odamlar sunʼiy intellektdan bahramand boʻlishini istaymiz. Shuning uchun flagman qurilmalarimizdan tashqari, ushbu Galaxy AI imkoniyatlarini A modellariga kengaytiramiz va Galaxy AI’ni butun Galaxy ekotizimiga olib kirishda davom etamiz”, — dedi Framework, R&D va Mobile eXperience (MX) bo‘linmasi ijrochi prezident oʻrinbosari va rahbari Sally Hyesoon Jeong.

Shuningdek, u ishtirokchilarga yaqinlashib kelayotgan One UI 7 haqida qisqacha taqdimot oʻtkazdi. Uning Beta versiyasi joriy yilning oxirigacha ishlab chiquvchilarga taqdim etiladi.

“Biz yangicha UX dizaynini oʻrganmoqdamiz. One UI 7 butun interfeysga yangilik olib kiradi” — deb qoʻshimcha qildi Jeong.

▲ Ijrochi prezident oʻrinbosari Sally Hyesoon Jeong One UI 7’ga qisqa nazar tashlamoqda

“Biz uy jihozlarini boshqarish va foydalanuvchi imkoniyatlarini yaxshilash uchun Bixby’ni AI uyga integratsiya qilishning yangi usullari ustida ishlamoqdamiz, — dedi UX va Digital Appliances (DA) bo‘linmasi prezident oʻrinbosari va rahbari Young Ah Lee. — Bizning Bixby uchun soʻnggi yangilanishimiz maishiy texnika bilan oʻzaro aloqangizni xuddi doʻstingiz bilan gaplashgandek osonlashtirish uchun AI texnologiyasidan foydalanadi”.

▲ Prezident oʻrinbosari Young Ah Lee Bespoke AI maishiy texnikasi bilan foydalanuvchi imkoniyatlarini muhokama qilmoqda

Application S/W R&D va Vizual Display (VD) bo‘linmasi prezident oʻrinbosari va rahbari Moon-soo Kim yangilangan Bixby foydalanuvchilarga oddiy ovozli buyruqlar yordamida moslashtirilgan televizor kontentini topish va undan bahramand boʻlishda qanday yordam berishi haqida maʼlumotlarni ulashdi. Samsung AI Cast esa mobil qurilmalardan sunʼiy intellekt tomonidan yaratilgan materiallarni toʻgʻridan toʻgʻri Samsung televizorlariga yoʻnaltirish imkonini beradi.

“Bunday funksiyalar Samsung televizorlarini AI bilan o‘zaro ishlash uchun haqiqatan ham eng yaxshi yechimga aylantiradi”,  — dedi u.

▲ Prezident oʻrinbosari Moon-soo Kim Samsung kompaniyasining sunʼiy intellektga ega televizorlarining yangi xususiyatlarini taʼkidlamoqda

Shu yilning yanvarida Samsung kompaniyasi Samsung Visual eXperience Transformation (VXT) — kontentni boshqarishning keyingi avlod yechimini ishga tushirdi. Visual eXperience PM va Visual Display (VD) bo‘linmasi ijrochi prezident oʻrinbosari va rahbari Alex YW Lee foydalanuvchilar sunʼiy intellekt yordamida B2B displeylarini qanday yaratishi va boshqarishi hamda hamkorlarning oldindan integratsiyalangan takrorlanuvchi yechimlarining keng doirasidan qanday foydalanish mumkinligini namoyish etdi.

“VXT kelajagiga nazar tashlar ekanmiz, biz ishlab chiquvchilar hamjamiyatlari bilan hamkorlik qilishning yangi usullarini izlashda davom etamiz. Ushbu yangi ekotizimni shakllantirish va VXT’da dunyoning eng zoʻr ilova va xizmatlarini ishlab chiqarishda bizga qoʻshiling”, — dedi u.

▲ Ijrochi prezident oʻrinbosari Alex YW Lee B2B sohasida AI ahamiyatini taʼkidlamoqda

Platforma innovatsiyasi va masʼuliyatli AI

Bundan tashqari, Samsung foydalanuvchilarga yanada moslashtirilgan va uzluksiz imkoniyatlar taqdim etish uchun ochiq hamkorlik va AI’ga tayanadigan soʻnggi SmartThings yangilanishlarini taqdim etdi.

“Biz yaqindagina Home Insight’ni ishga tushirdik, — dedi SmartThings, Device Platform Center ijrochi prezident oʻrinbosari va rahbari Jaeyeon Jung. — U sizning yashash tarzingizni tushunish uchun ishlab chiqilgan boʻlib, uy haqida hisobotlarni taqdim etadi va sizning kommunal isteʼmolingiz, odatlaringiz va hatto yil davomida mavsumlarga moslashtirilgan tavsiyalarni taqdim etadi”.

▲ Ijrochi prezident oʻrinbosari Jaeyeon Jung eng yangi SmartThings xizmatlarini tanishtirmoqda

Samsung Research va Platform prezident oʻrinbosari va rahbari Hobum Kwon Tizen OS Samsung’ning neyron protsessor chiplari bilan quvvatlanadigan sunʼiy intellekt modellarini oʻzida integratsiya qilishi va Galaxy qurilmalari bilan rivojlangan ulanuvchanlikni taqdim etishini taʼkidladi.

“Tizen’ning tartibli va toza dasturiy taʼminot arxitekturasi Tizen qurilmalarini yetti yilgacha OS yangilanishlari bilan taʼminlaydi”, — dedi u.

▲ Prezident oʻrinbosari Hobum Kwon Tizen OS’ning eng yangi funksiyalarini taqdim etmoqda

Platforma innovatsiyasi ilgʻor xavfsizlik texnologiyasi bilan harakatga keltiriladi.

“Samsung sunʼiy intellektni masʼuliyat bilan rivojlantirishga intiladi va unda uchta asosiy sunʼiy intellekt axloqiy tamoyillari mavjud: adolat, shaffoflik va mas’uliyat — bu sifatlar biz amalga oshirayotgan barcha ishlarning zamirida yotadi, — dedi Device Platform Center va xavfsizlikni taʼminlash boʻlimi rahbari Shin Baik. — Biz zaifliklarni aniqlashni avtomatlashtirish kundan kunga kengayib borayotgan tahdidlarga moslashish uchun muhim deb hisoblaymiz. Yaʼni biz yangi mahsulotlarda avtomatlashtirilgan xavfsizlik tekshiruvlarini oʻtkazish uchun AI texnologiyasidan foydalanamiz. Siz buni birinchi boʻlib Tizen mahsulotlarida kuzatasiz va biz bu imkoniyatni Samsung’ning butun mahsulot kategoriyalari va xizmatlariga tarqatishda davom etamiz”.

▲ Xavfsizlikni taʼminlash boʻlimi rahbari Shin Baik AI innovatsiyalarida masʼuliyatli boʻlish zarurligini alohida taʼkidlamoqda

Ishlab chiquvchilar va hamkorlar bilan kelajak qurish

Taqdimot davomida ishtirokchilar Samsung’ning eng yangi dasturiy taʼminot texnologiyalari va ishlab chiquvchilarni qoʻllab-quvvatlash tashabbuslariga guvoh boʻlishdi. Samsung oʻzining sunʼiy intellekt ekotizimini ishlab chiquvchilar va hamkorlar bilan ochiq hamkorlik orqali rivojlantirishda davom etadi hamda AI davrida kompaniyaning raqobatdosh ustunligini mustahkamlab boradi.

▲ Ishlab chiquvchilar va hamkorlar SDC24’da maʼruzani tomosha qilishmoqda

Samsung Newsroom butun dunyo bo’ylab dasturchilar va Samsung Electronics hamkorlarini birlashtirgan tadbirdan ba’zi muhim voqealarni suratga oldi.

Texnik sessiya davomida Samsung’ning AI yo’l xaritasi taqdimoti

SDC24’da Texnik sessiya (Tech Session) Samsung rahbarlari va xodimlari uchun Samsung AI innovatsiyalarining hozirgi holati va kelajak tasavvurlarini taqdim etish uchun platformaga aylandi. Bu yil Tech Session beshta mavzuga bo’lingan – Device AI, SmartThings, Responsible AI, Advanced Tech va Enterprise & Ecosystem. Har bir mavzuda Galaxy AI, AI televizorlari va Bespoke AI qurilmalari, shuningdek, ushbu AI mahsulotlarini quvvatlaydigan platformalar kabi butun mahsulot qatorini qamrab olgan AI innovatsiyalari ta’kidlangan. Muhokamalarda, shuningdek, kengaytirilgan xavfsizlik texnologiyalari loyihasini yaratish masalasi ko’rib chiqildi.

Muhokama qilingan yangiliklar qatorida Samsung televizorlarining foydalanuvchilar va kontekstlarni yanada aniqroq tanib olish uchun takomillashtirilgan AI imkoniyatlari ishtirokchilarni hayratga soldi. Shuningdek, aqlli uy tajribasini oshirish uchun Bixby bilan jihozlangan Bespoke AI qurilmalari ham kun tartibida o’rin olgan edi.

Bundan tashqari, Samsung Health SDK Suite sog’liqni saqlash ekotizimini o’zgartirish potentsiali bilan raqamli salomatlikning kelajagiga e’tibor berishni taklif qildi.

Ochiq sahnada AI’ga asoslangan aloqa va almashinuv

SDC24 davomida dasturchilar oʻrtasida muloqot va oʻzaro taʼsirni ilgari surish uchun moʻljallangan turli dasturlarni, jumladan, Ochiq sahna (Open Stage) tadbiri doirasida turli tashqi maʼruzachilar oʻz bilimlari va sohadagi tajribalarini baham koʻrishdi, Tech Session spikerlari bilan savol-javob sessiyasi, ishtirokchilar uchun eksponatlar bilan tanishish va fikr almashish uchun Davra suhbati va muhokama sessiyalarini tashkil etildi.

TiffinTech asoschisi, dasturchi Tiffany Janzen Open Stage davomida AI va IoT yaqinlashuvi natijasida shakllanadigan kundalik hayotning kelajagi haqida gapirdi. Shu bilan birga, savol-javob ishtirokchilari qizg’in munozaralarda qatnashdilar va qimmatli fikrlar bilan o’rtoqlashdilar.

Tech Square’da AI’ga asoslangan dasturiy yechimlar bilan tanishish

Samsung kompaniyasining so‘nggi innovatsiyalarini namoyish etuvchi Tech Square ko‘rgazma maydoni ishtirokchilarga kompaniyaning ilg‘or dasturiy ta’minoti va AI’ga asoslangan xizmatlari bilan bevosita tanishish imkonini berdi.

Dasturchilar televizorlar, maishiy texnika va boshqa qurilmalarga integratsiyalangan so‘nggi AI xususiyatlarini o‘rganish uchun saf tortdilar. Samsung televizorlaridagi Generativ Wallpaper funksiyasi hamda Bespoke AI Family Hub, ayniqsa, dasturchilarning katta e’tiborini tortdi.

O’zining 10 yilligini nishonlayotgan SmartThings, AI bilan Home Insight’ni ishga tushirish va SmartThings Hub’ni yanada ko’proq mahsulotlarga kiritish uchun takomillashdi.

Tadbirda Samsung sho’ba korxonasi HARMAN ham ishtirok etdi. Kompaniya dasturchilarga avtomobil ilovalari bozoriga kirishga yordam berishga qaratilgan texnologiyani taqdim etdi va o’zining Ignite platformasini namoyish qilib, turli xil avtomobil ichidagi tajribalarni, shu jumladan avtomobil ilovalarini taklif qildi.

Samsung dasturiy ekotizimini hamkorlar bilan kengaytirmoqda

Tech Square’da dasturiy ta’minot va qurilmalar innovatsiyasi bo’yicha yetakchi hamkor kompaniyalar ham ishtirok etishdi. Hamkorlik zonasi ularning qurilmalari hamda SmartThings va Samsung Health ekotizimidagi yechimlari haqida toʻliq maʼlumot berdi. Ishtirokchilar Samsung Health va SmartThings’ning uzluksiz integratsiyasi orqali uyda shaxsiylashtirilgan sog‘liqni saqlashning kelajagini yaqindan ko‘rish uchun yugurish yo‘laklari, qon bosimi monitorlari, aqlli tana tarozilari va boshqalar bilan turli real hayot tajribalarini his etdilar.

Bundan tashqari, Samsung Wallet turli hamkorlar, jumladan, aqlli kalit kompaniyalar bilan hamkorlik qilish orqali keyingi yutuqlarni ko’rdi. Masalan, SmartThings’ning eshikni qulflash funksiyasi qulaylik va foydalanish qulayligi uchun raqamli uy kaliti sifatida Samsung Wallet’ga birlashtirilgan. Mobil toʻlovdan tortib raqamli identifikatorlar va tadbir chiptalarini saqlashgacha boʻlgan Samsung Wallet’ning aksariyat mavjud funksiyalari hamkor kompaniyalar bilan yaqin hamkorlikda ishlab chiqilgan va ishga tushirilgan.

Kodlash laboratoriyasida Samsung dasturiy ta’minoti bilan interaktiv tajriba

Jami 13 ta kodlash dasturlarini oʻz ichiga olgan Kodlash laboratoriyasida (Code Lab) dasturchilarga salomatlik, SmartThings, Samsung Wallet va avtomobil ilovalari kabi mavzularni qamrab oluvchi amaliy kodlash tajribasini taqdim etdi. O’zlarining qiziqish sohalarini tanlagandan so’ng, dasturchilar qiziqarli va interaktiv tajriba uchun vaqt chegaralangan rejimda turli xil dasturiy ta’minot muammolarini yechim topishdi.

IFA 2024 – Germaniyaning Berlin shahrida boʻlib oʻtgan Yevropadagi eng yirik maishiy elektronika savdo koʻrgazmasi 6-sentyabr kuni Samsung Electronics kompaniyasining “AI Hamma uchun” istiqbolli yo’nalishi ostida AI asosida ishlaydigan mahsulot va xizmatlarini namoyish etish bilan ochildi.

Samsung Newsroom IFA 2024 ko‘rgazmasida kompaniyaning dinamik stendi bilan tanishib, qanday innovatsion texnologiyalar tashrif buyurganlar e’tiboriga tushganini ko‘rib chiqdi.

▲ (chapda) Samsung eksponatlari Messe Berlin’dagi CityCube Berlin’da joylashgan. (o’ngda) Samsung’ning IFA 2024 stendi oldida ko’plab ko’rgazma mehmonlari yig’ildi.

Yanada xavfsiz va barqaror kelajak sari

Ko’rgazmaga kirgandan so’ng, tashrif buyuruvchilarni Xavfsizlik, Barqarorlik, Oson ulanish va boshqarish, Salomatlik, shuningdek, B2B yechimlari kabi asosiy yo’nalishlarda tashkil etilgan bir qator SmartThings yechimlari kutib oldi. Har bir sektor SmartThings’ning AI imkoniyatlarini taʼkidlab, ushbu innovatsiyalar kundalik hayotga qanday tatbiq etilishi va Samsung’ning xavfsizroq va barqaror kelajakni qurishga sodiqligini aks ettiradi.

▲ Calm Onboarding ro’yxatdan o’tishdan tortib to haqiqiy foydalanish va mahsulotga texnik xizmat ko’rsatishgacha bo’lgan butun mahsulot sayohatini boshqarishga yordam beradi. Shu bilan birga, Map View foydalanuvchilarga yashash joylaridagi qurilmalarni bir qarashda kuzatish imkonini beradi.

▲ SmartThings uy jihozlarini Galaxy Ring foydalanuvchi uxlayotganini aniqlaganida optimal uyqu sharoitlarini yaratish uchun sozlashi mumkin.

▲ B2B’ga xos SmartThings Pro yoritish, harorat va namlikni boshqarish vositalari, kameralar, maishiy texnika va boshqa IoT qurilmalarini ulash va boshqarish orqali turar-joy yoki tijorat joylaridagi operatsiyalarni soddalashtiradi.

Bespoke AI maishiy texnika orqali kundalik hayotni shaxsiylashtirish

Bespoke AI maydonida mehmonlar Samsung maishiy texnikasining ajoyib evolyutsiyasiga guvoh bo’lishdi – endi yanada intuitiv va uy atrofidagi bo’shliqlar uchun moslashtirilgan. Shunisi e’tiborga loyiqki, Samsung foydalanuvchining ovozi va joylashuvi asosida moslashtirilgan xizmatlarni taqdim etuvchi boshqa zamonaviy texnologiyalar bilan bir qatorda Bixby aqlli AI ovozli yordamchisining takomillashtirilgan versiyasini taqdim etdi.

▲ Induksion plitaga o’rnatilgan 7 dyuymli AI Home ekrani foydalanuvchilarga uy jihozlarini ko‘rish va boshqarishda yordam beradi.

▲ Bespoke AI Family Hub muzlatgichi tasvirni aniqlash, retsept bo‘yicha takliflar va boshqalar uchun AI’dan foydalanadi.

▲ Bespoke AI Laundry ComboTM yuvish va quritish imkoniyatlari uchun A-darajali energiya samaradorligi turkumiga mansub.

▲ Energiya yetakchiligi zonasi energiyaga e’tiborli yevropalik iste’molchilarga Samsung’ning AI maishiy texnikasi va xizmatlari energiya sarfini qanday kamaytirishi haqida tushuncha beradi.

Keyingi darajadagi tomosha qilish tajribasi

AI TV maydoni tashrif buyuruvchilarni AI televizorlarining eng yangi tendentsiyalari va uyda tatbiq etilishi mumkin bo’lgan boshqa texnologiyalar bilan tanishtirdi. Shaffof MICRO LED o’zining kristalli tasvir sifati va yuqori shaffofligi bilan hayratda qoldirdi va AI uy hamrohi Ballie ham e’tiborni tortdi.

▲ Shaffof MICRO LED o’zining ultra shaffof va ramkasiz dizayni bilan boshqa shunga o’xshash displeylardan ajralib turadi.

▲ Ballie musiqa tinglash yoki turli IoT qurilmalarini boshqarish orqali shaxsiylashtirilgan tajribalarni taklif etadi.

▲ Mehmonlar (chapda) 49 dyuymli Odyssey OLED G9 va (o‘ngda) Samsung AI televizoridagi Samsung Gaming Hub’da o‘yinlardan zavqlanishmoqda.

▲ (chapda) The Music Frame va (o’ngda) The Premiere’ning 2024-yilgi versiyasi IFA 2024 ko’rgazmasida namoyish etilmoqda.

Galaxy AI yordamida aqlli mobil kelajakni yaratish

Va nihoyat, mehmonlar Galaxy AI ekotizim maydonida Galaxy qatoridagi so’nggi AI xususiyatlarini sinab ko’rishdi. Haqiqiy integratsiyalashgan tajribani namoyish qilib, Galaxy mahsulotlari oilasining turli xil qurilmalari, jumladan Galaxy Z seriyasi, Galaxy Watch, Galaxy Ring, Galaxy Buds va Galaxy Book namoyish etildi.

Tadbir mehmonlari qurilmalar o’rtasidagi ulanishning yangi darajalariga katta qiziqish bildirdilar, ba’zilari amaliy xususiyatlar ular kutgandagidek ekanligini izohladilar.

▲ Interpreter foydalanuvchilarga turli tillarda suhbatlashganda asosiy ekran va ustki ekrandan foydalanish imkonini beradi.

▲ Galaxy Watch va Galaxy Ring yordamida foydalanuvchilar sog‘lik ko’rsatkichlarini kuzatib borishi mumkin.

▲ Galaxy Book5 Pro 360 IFA 2024 ko‘rgazmasida taqdim etildi.

Matbuot anjumanida Samsung kompaniyasining AI’ni ommalashtirishga sodiqligi hamda Galaxy AI’ning oʻzgartiruvchi kuchi taʼkidlandi. Shu bilan birga, Samsung va hamkor kompaniyalarning eʼtiborga molik vakillari Samsung’ning AI sohasidagi yutuqlari foydalanuvchi tajribasini qanday oʻzgartirayotgani hamda yanada barqaror va inklyuziv dunyoga qanday hissa qoʻshayotgani haqida gapirdilar. Quyida Samsung Electronics kompaniyasining IFA 2024 ko‘rgazmasidagi matbuot anjumanining fotolavhasi keltirilgan.

▲ Samsung IFA 2024 koʻrgazmasida oʻzining “AI Hamma uchun” tushunchasini mustahkamladi

AI Hamma uchun: kundalik hayotni sehrga to’ldirish kabidir

▲Samsung Yevropaning marketing bo‘yicha bosh direktori Benjamin Braun tadbirni IFA’ning 100 yillik boy tarixiga bag‘ishlab ochib berdi. Taqdimot doirasida u Albert Eynshteynning IFA 1930’dagi asosiy nutqi Samsung’ning AI’ni oshirish, AI faol ovoz kuchaytirgichi va Galaxy AI kabi turli AI texnologiyalari kuchidan foydalangan holda qanday koʻrinishga ega boʻlishi haqidagi simulyatsiya qilingan videoni koʻrsatdi.

▲ “Bu yil [Samsung] 200 million AI’ni qo’llab-quvvatlaydigan qurilmalarga ega bo’lishni maqsad qilgan”, dedi Samsung Yevropaning marketing bo’yicha bosh direktori Benjamin Braun. *alohida rasmlar quyida mavjud

AI dunyo bilan hamohang: yanada inklyuziv va barqaror

▲ Samsung kompaniyasining birinchi Mobil AI hisobotiga iqtibos keltirgan holda, Symmetry AI strategiyasi, yechimlari va tadqiqotlari firmasining Innovatsiyalar bo‘yicha bosh direktori (CIO) doktor Chris Brauer “mobil AI’dan tez-tez foydalanuvchilarning a’lo hayot sifati haqida xabar berish ehtimoli 1,4 baravar yuqori ekanligini aytdi.”

▲ “SmartThings Energy’dagi AI energiya rejimi Ecobubble va AI Wash texnologiyalaridan foydalangan holda [Samsung] kir yuvish mashinalarida energiya sarfini 70% gacha tejash imkonini beradi”, dedi Samsung Electronics kompaniyasi Maishiy texnika bo’linmasiqa qarashli LifeStyle Lab Europe rahbari Katharina Mayer. *alohida rasmlar quyida mavjud

AI Sizning xizmatingizda: ko’proq mahsuldorlik, yengillik va rohat

▲ “Intel va Samsung 20 yildan ortiq birga ishladilar”, dedi Intel vakili David Feng. “Eng yangi Core Ultra protsessorlarining quvvatini Samsung’ning mobil yetakchiligi va ochiq ekotizimga bo‘lgan birgalikdagi ishonchimiz bilan birlashtirib, Galaxy Book5 Pro 360 qurilmalar o‘rtasidagi AI tajribasining keyingi darajasini ochadi.” *alohida rasmlar quyida mavjud

▲”[Snapdragon X Elite tomonidan quvvatlangan Galaxy Book4 Edge] AI uchun ishlab chiqilgan bo‘lib, aql dunyosini kompyuteringizning markaziga qo‘yadi”, dedi Qualcomm kompaniyasidan Nitin Kumar. *alohida rasmlar quyida mavjud

▲ (chapda) “[Bizning SmartThings ekotizimimiz] minglab Samsung va boshqa brendlarga mansub bo’lgan qurilmalarni ulashi mumkin va butun dunyo boʻylab 350 milliondan ortiq obunachilarga ega”, dedi Samsung Buyuk Britaniyadagi One Samsung vitse-prezidenti Deborah Honig. “Hozir IFA’da biz birinchi marta SmartThings Pro’ni taqdim etmoqdamiz. Korxonalarga ulangan qurilmalari va energiya sarfini osongina boshqarishga yordam beradigan yangi platforma”. (O’ngda) “Uning qila olmaydigan yagona narsa bu siz uchun ovqat tayyorlashdir”, deb hazillashdi Samsung Buyuk Britaniyadagi One Samsung kompaniyasi vitse-prezidenti Debora Honig Samsung Food ilovasi haqida. *alohida rasmlar quyida mavjud

▲“Bizning bepul Samsung Health ilovamizdan butun dunyo boʻylab 64 milliondan ortiq kishi foydalanmoqda”, dedi Samsung Buyuk Britaniya Brend va mahsulot marketingi boʻyicha menejeri Stephanie Chosen.

▲ “Samsung AI televizori sun’iy intellekt asosida ishlaydigan aqlli uy tizimining markaziga aylanadi”, dedi Samsung Buyuk Britaniya Brend va mahsulot marketingi bo‘yicha menejeri Stephanie Chosen.

▲ Samsung Yevropa Bosh marketing direktori Benjamin Braun Music Frame WICKED Edition chiqarilishini e’lon qildi.

▲ Samsung Yevropa Bosh marketing direktori Benjamin Braun kompaniyaning IFA 2024 ko‘rgazmasida bo‘lib o‘tgan matbuot anjumanida Galaxy Z Flip6 va Galaxy Ring’dagi imo-ishora boshqaruvi yordamida tadbirga tashrif buyurganlar bilan selfiga tushdi.